Parish Youth Ministry - Archdiocesan Shrine of Santo Niño

𝑯𝒂𝒑𝒑𝒚 𝑩𝒍𝒆𝒔𝒔𝒆𝒅 𝑩𝒊𝒓𝒕𝒉𝒅𝒂𝒚, 𝑹𝒐𝒅𝒈𝒆!

Rodge has a heart drawn to the sacred. The images of saints in his collection are a testament to his devotion, with each one being a treasured piece of his spiritual journey. He values his devotion by being involved in liturgical tasks. In addition to that, he is also a loving son and a great companion. Always ready to lend a hand or be a listening ear. He may have a gentle demeanor, but inside he can be up for something silly and fun. Without a doubt, he embodies the spirit of youth, living life with vigor and joy.

We hope that you will have a wonderful day with your loved ones. May your year be filled with abundant blessings, genuine happiness, and achievements. May you always strive to grow in your faith. Lastly, May the Lord and the Blessed Virgin Mary hear your sincere prayers.

Again, your PYM Family wishes you a Blessed Birthday, Rodge!

𝗗𝗔𝗞𝗜𝗟𝗔𝗡𝗚 𝗞𝗔𝗣𝗜𝗦𝗧𝗔𝗛𝗔𝗡 𝗡𝗚 𝗟𝗔𝗛𝗔𝗧 𝗡𝗚 𝗠𝗚𝗔 𝗕𝗔𝗡𝗔𝗟

"Mapalad ang mga may malinis na puso sapagkat makikita nila ang Diyos." (Mateo 5:8)

Sa araw na ito, inaalala ang lahat ng mga banal sa langit, maging yaong mga mahal natin sa buhay na nasa piling na ng Maykapal.

Ang kagalakan ng isang Kristiyano ay hindi lamang nakabatay sa lumilipas na kasiyahan; ito ay nakasandig sa katiyakan na harapin ang mga pangyayari sa buhay sa ilalim ng maibiging pagsubaybay ng Diyos. Ang mga banal ay mga dakilang saksi sa katotohanang ito. Matapos silang mabuhay sa gitna ng mga pagsubok, patuloy sila na samasamang sumasaksi na minahal sila ng Diyos at sila ay Kanyang ginagabayan.

Ang maka-Kristiyanong kagalakan at pagiging mapalad ay samasamang hanapin sa ilalim ng maibiging pagsubaybay ng Diyos.

𝐏𝐀𝐍𝐀𝐋𝐀𝐍𝐆𝐈𝐍𝐆 𝐏𝐀𝐌𝐁𝐔𝐍𝐆𝐀𝐃

Ama naming makapangyarihan,
ipinagkaloob mong aming maparangalan
sa isang dakilang kapistahan
ang kagitingan ng lahat ng iyong mga banal. Iniluluhog namin, pakundangan
sa napakaraming dumadalangin,
na paapawin mo sa amin
ang kinasasabikang batis ng iyong awa
sa pamamagitan ni Hesukristo
kasama ng Espiritu Santo
magpasawalang hanggan.

𝐓𝐎𝐃𝐎𝐒 𝐋𝐎𝐒 𝐒𝐀𝐍𝐓𝐎𝐒 𝟐𝟎𝟐𝟒 🙏🕯️

Narito ang Oras ng Santa Misa sa ating Dambana kaugnay ng pagdiriwang ng Dakilang Kapistahan ng lahat ng mga Banal (Nobyembre 1) at Paggunita sa lahat ng mga Yumaong Kristiyano (Nobyembre 2).

Tayo'y inaanyayahan na dumalo ng Santa Misa at mag-alay ng panalangin bago bumisita sa sementeryo at mga puntod.

𝐆𝐚𝐛𝐚𝐲 𝐬𝐚 𝐋𝐢𝐭𝐮𝐫𝐡𝐢𝐲𝐚 𝐬𝐚 𝐃𝐚𝐤𝐢𝐥𝐚𝐧𝐠 𝐊𝐚𝐩𝐢𝐬𝐭𝐚𝐡𝐚𝐧 𝐧𝐠 𝐋𝐚𝐡𝐚𝐭 𝐧𝐠 𝐌𝐠𝐚 𝐁𝐚𝐧𝐚𝐥 𝐚𝐭 𝐏𝐚𝐠𝐠𝐮𝐧𝐢𝐭𝐚 𝐬𝐚 𝐋𝐚𝐡𝐚𝐭 𝐧𝐠 𝐦𝐠𝐚 𝐏𝐮𝐦𝐚𝐧𝐚𝐰 𝐧𝐚 𝐊𝐫𝐢𝐬𝐭𝐢𝐲𝐚𝐧𝐨

Ang Araw ng mga Banal (Nobyembre 1) na natapat ding Unang Biyernes ng Buwan ay Dakilang Kapistahan, kaya ang pagdiriwang ay magsisimula sa gabi ng ika-31 ng Oktubre at ang liturhiya na gagamitin sa Misa ay ang nauukol para sa Dakilang Kapistahan at unang Panalangin sa Takipsilim naman ang darasalin para sa Panalangin ng mga Kristiyano sa Maghapon (Liturgy of the Hours).

Ang ikalawa ng Nobyembre (Sabado) naman ay araw ng Paggunita sa mga Yumaong Kristyano. Ito ay gugunitain sa buong maghapon hanggang sa pagtatakipsilim. Kaya ang mga pagbasa at Liturhiya sa Pagdiriwang ng Banal na Misa sa pagtatakipsilim sa darating na Sabado ay nararapat na magmula sa tatlong nakatakdang pagbasa at panalangin para sa araw na iyon.

𝙆𝙖𝙥𝙖𝙮𝙖𝙥𝙖𝙖𝙣 𝙠𝙖𝙞𝙡𝙖𝙣𝙢𝙖𝙣 𝙖𝙣𝙜 𝙞𝙜𝙖𝙬𝙖𝙙 𝙣𝙜 𝙈𝙖𝙮𝙠𝙖𝙥𝙖𝙡 𝙨𝙖 𝙔𝙪𝙢𝙖𝙤𝙣𝙜 𝙖𝙩𝙞𝙣𝙜 𝙈𝙖𝙝𝙖𝙡, 𝙨𝙞𝙡𝙖 𝙣𝙖𝙬𝙖 𝙖𝙮 𝙨𝙞𝙡𝙖𝙮𝙖𝙣 𝙣𝙜 𝙄𝙡𝙖𝙬 𝙣𝙜 𝙬𝙖𝙡𝙖𝙣𝙜 𝙝𝙖𝙣𝙜𝙜𝙖𝙣 𝙖𝙩 𝙢𝙖𝙥𝙖𝙣𝙖𝙩𝙖𝙜 𝙣𝙖𝙬𝙖 𝙨𝙞𝙡𝙖 𝙨𝙖 𝙠𝙖𝙥𝙖𝙮𝙖𝙥𝙖𝙖𝙣. 𝘼𝙢𝙚𝙣.

𝐏𝐀𝐑𝐀𝐃𝐄 𝐎𝐅 𝐒𝐀𝐈𝐍𝐓𝐒
𝐍𝐄𝐖 𝐒𝐂𝐇𝐄𝐃𝐔𝐋𝐄 𝐀𝐍𝐍𝐎𝐔𝐍𝐂𝐄𝐌𝐄𝐍𝐓

Ikinagagalak ng Parish Youth Ministry na i-anunsyo na ang Parade of Saints 2024 ay gaganapin sa ika-9 ng Nobyembre 2024. Ito ay pasisimulan ng Banal ng Misa ng ika-4 ng hapon at susundan ng Prusisyon ng ika-5 ng hapon. Ang aktibidad ay may temang "Beacons of Hope" na iniugnay ng mga Kabataan sa panibagong misyong dala ng Hubilehiyo 2025.

Kita-kita tayong muli sa ika-9 ng Nobyembre at sabay-sabay na magnilay, palalimin ang pananampalataya, at kilalaning higit pa ang iba't-ibang mga Santo at Santa na nagiging gabay natin sa araw-araw.

𝐎𝐤𝐭𝐮𝐛𝐫𝐞 𝟐𝟕, 𝟐𝟎𝟐𝟒 | 𝐈𝐤𝐚𝐭𝐚𝐭𝐥𝐮𝐦𝐩𝐮𝐧𝐠 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧

"Inihahalintulad tayo ng Banal na Ebanghelyo kay Bartimeo na isang bulag at pulubi na walang nakikita kundi kadiliman. Ang isang taong nabubuhay sa kasalanan ay nabubuhay sa kadiliman at laging nangangailangan ng awa ng kanyang kapwa upang mabuhay. Para kay Bartimeo, si Hesus lamang ang makatutulong sa kanya. Maraming pagkakataon na dumadaan si Hesus sa ating harapan ngunit hindi natin napapansin o hindi pinapansin. Kung dumating ang araw na makikita natin ang Panginoon at tayo’y Kanyang tinanong kung anong nais nating gawin Niya para sa atin, ano ang iyong isasagot? Nawa’y hilingin natin sa Panginoon na bigyan tayo ng biyaya ng pananaw hindi lamang matang nakakakita ng kapaligiran natin kundi mata ng pananampalataya." - Rev. Msgr. Geronimo Reyes, Oktubre 27 | 9:00 NU

Upang mas palalimin ang repleksyon maaaring basahin ang buong Ebanghelyo mula sa Mabuting Balita ayon kay San Marcos 10, 46-52:

Noong panahong iyon, dumating si Hesus sa Jerico, kasama ang kanyang mga alagad at marami pang iba. Nang umaalis na sila roon, may naraanan silang isang bulag na nakaupo sa tabi ng daan at namamalimos. Siya’y si Bartimeo, anak ni Timeo. Nang marinig niyang naroon si Hesus na taga-Nazaret, sumigaw siya ng ganito: “Hesus, Anak ni David, mahabag po kayo sa akin!” Pinagsabihan siya ng mga tao at pinatatahimik, ngunit lalo pa siyang nagsisigaw, “Anak ni David, mahabag po kayo sa akin!” Tumigil si Hesus at kanyang sinabi, “Tawagin ninyo siya.” At tinawag nga nila ang bulag. “Lakasan mo ang iyong loob,” sabi nila. “Tumindig ka. Ipinatatawag ka niya.” Iniwaksi niya ang kanyang balabal, paluksong tumayo at lumapit kay Hesus. “Ano ang ibig mong gawin ko sa iyo?” tanong sa kanya ni Hesus. Sumagot ang bulag, “G**o ibig ko po sanang makakita.” Sinabi ni Hesus, “Humayo ka; magaling ka na dahil sa iyong pananalig.” Noon di’y nakakita siya, at sumunod kay Hesus.

𝗣𝗔𝗥𝗔𝗗𝗘 𝗢𝗙 𝗦𝗔𝗜𝗡𝗧𝗦 𝗣𝗢𝗦𝗧𝗣𝗢𝗡𝗘𝗗!

Ipagpapaliban muna ang Parade of Saints bukas, Oktubre 26, 2024, dahil sa patuloy na paghagupit ng Bagyong Kristine. Ito ay ililipat na lamang sa ibang araw ng Sabado.

Manatiling ligtas, alerto, at protektado sa panahon ng kalamidad. Narito ang iba't-ibang ahensya na maaaring tawagan sa oras ng pangangailangan.

NDRRMC
(02) 8911-5061 to 65, loc 100

PHILIPPINE COAST GUARD
(02) 8527-3877

DSWD
(02) 8931-8101 to 07

MMDA
(02) 882 4151 to 77

PAG-ASA
8027-1541 or 8926-4151

PHILIPPINE NATIONAL POLICE
117 or (02) 8722-0650

DPWH
165-02

NATIONAL EMERGENCY HOTLINE
911

BUREAU OF FIRE PROTECTION
(02) 8426-0219
(02) 8426-0246

𝐎𝐏𝐈𝐒𝐘𝐀𝐋 𝐍𝐀 𝐓𝐄𝐌𝐀 𝐒𝐀 𝐏𝐀𝐆𝐃𝐈𝐑𝐈𝐖𝐀𝐍𝐆 𝐍𝐆 𝐃𝐀𝐊𝐈𝐋𝐀𝐍𝐆 𝐊𝐀𝐏𝐈𝐒𝐓𝐀𝐇𝐀𝐍 𝐍𝐆 𝐏𝐀𝐍𝐆𝐈𝐍𝐎𝐎𝐍𝐆 𝐇𝐄𝐒𝐔𝐒, 𝐀𝐍𝐆 𝐒𝐀𝐍𝐓𝐎 𝐍𝐈𝐍𝐎 𝟐𝟎𝟐𝟓

"𝙎𝙖𝙣𝙜𝙜𝙤𝙡 𝙣𝙖 𝙝𝙪𝙡𝙤𝙜 𝙣𝙜 𝙡𝙖𝙣𝙜𝙞𝙩
𝙎𝙪𝙜𝙤𝙣𝙜 𝙩𝙪𝙣𝙖𝙮 𝙣𝙜 𝙥𝙖𝙜-𝙞𝙗𝙞𝙜
𝙏𝙪𝙡𝙪𝙣𝙜𝙖𝙣 𝙢𝙤 𝙖𝙠𝙤 𝙗𝙪𝙣𝙮𝙞𝙣𝙜 𝙎𝙖𝙣𝙩𝙤
𝙗𝙪𝙣𝙮𝙞𝙣𝙜 𝙎𝙖𝙣𝙩𝙤 𝙉𝙞𝙣𝙤"

Kaugnay ng pagdiriwang ng Hubileyo ng Santa Iglesia sa Taong 2025 (Pilgrims of Hope) at pagkakatalaga sa ating Dambana bilang isa sa Jubilee Churches sa Arkidiyosesis ng Maynila, narito ang opisyal na tema ng pagdiriwang ng Dakilang Kapistahan ng Santo Niño na pinipintuho sa Bayan ng Tundo. Gabayan nawa tayo sa paghahanda at pasasalamat sa mga pagdiriwang kaugnay ng Kanyang Kapistahan sapagkat si Jesus ay nakipamuhay sa atin, naranasan ang pagiging paslit, Siya'y tunay at ganap na larawan ng kapakumbabaan.

𝗦𝗶𝗻𝗮𝗯𝗶 𝗻𝗶 𝗝𝗲𝘀𝘂𝘀, “𝗛𝗮𝘆𝗮𝗮𝗻 𝗻𝗶𝗻𝘆𝗼𝗻𝗴 𝗹𝘂𝗺𝗮𝗽𝗶𝘁 𝘀𝗮 𝗮𝗸𝗶𝗻 𝗮𝗻𝗴 𝗺𝗴𝗮 𝗯𝗮𝘁𝗮. 𝗛𝘂𝘄𝗮𝗴 𝗻𝗶𝗻𝘆𝗼 𝘀𝗶𝗹𝗮𝗻𝗴 𝗽𝗮𝗴𝗯𝗮𝘄𝗮𝗹𝗮𝗻 𝘀𝗮𝗽𝗮𝗴𝗸𝗮𝘁 𝗮𝗻𝗴 𝗺𝗴𝗮 𝗸𝗮𝘁𝘂𝗹𝗮𝗱 𝗻𝗶𝗹𝗮 𝗮𝗻𝗴 𝗺𝗮𝗽𝗮𝗽𝗮𝗯𝗶𝗹𝗮𝗻𝗴 𝘀𝗮 𝗸𝗮𝗵𝗮𝗿𝗶𝗮𝗻 𝗻𝗴 𝗹𝗮𝗻𝗴𝗶𝘁.” (𝗠𝗮𝘁𝗲𝗼 𝟭𝟵:𝟭𝟰)

𝖁𝖎𝖛𝖆 𝕾𝖆𝖓𝖙𝖔 𝕹𝖎ñ𝖔 𝖉𝖊 𝕿𝖔𝖓𝖉𝖔!

𝙋𝘼𝙉𝘼𝙇𝘼𝙉𝙂𝙄𝙉 𝙎𝘼 𝙄𝙉𝘼 𝙉𝙂 𝙇𝘼𝙂𝙄𝙉𝙂 𝙎𝘼𝙆𝙇𝙊𝙇𝙊

Mahal na Ina ng Laging Saklolo, buhat sa krus ibinigay ka sa amin ni Hesus upang maging Ina namin. Ikaw ang pinakamabait, pinakamasintahin sa lahat ng mga ina.
Buong giliw mong tunghayan kaming iyong mga anak na ngayon ay humihingi ng iyong tulong sa lahat ng aming pangangailangan lalung-lalo na ang biyayang ito..

(𝘀𝗮𝗻𝗱𝗮𝗹𝗶𝗻𝗴 𝗸𝗮𝘁𝗮𝗵𝗶𝗺𝗶𝗸𝗮𝗻)

Noong ikaw ay nasa lupa, minamahal na Ina, ikaw ay buong pusong nakiramay sa paghihirap ng iyong Anak.
Sa tulong ng iyong pananalig at pagtitiwala sa maka-Amang pagmamahal ng Diyos tinanggap mo ang Kanyang mahiwagang kalooban.
Mayroon din kaming mga krus at mga tiisin sa buhay. Kung minsan ang mga ito'y parang hindi na namin kayang pasanin.
Pinakamamahal na Ina bahaginan mo kami ng iyong malaking pagtitiwala sa Diyos. Ipaunawa mo na walang katapusan ang pagmamahal ng Diyos sa amin at tinutugon Niya ang lahat ang aming mga panalangin sa paraang makabubuti sa amin.
Palakasin mo ang aming loob sa pagpapasan ng krus tulad ng iyong Banal na Anak. Tulungan mong maunawaan namin na sinumang nakikibahagi sa krus ni Kristo ay tiyak na makakabahagi rin sa Kanyang muling pagkabuhay.
Pinakamamahal na Ina habang kami’y nababahala sa sarili naming mga suliranin huwag sana naming malimutan ang mga pangangailangan ng iba. Mahal na mahal mo sila; tulungan mong maging ganito rin ang aming pagmamahal sa kanila.
Samantalang idinadalangin namin ang aming mga adhikain at mga adhikain ng lahat ng naririto ngayon mataimtim sa loob na hinihiling namin sa iyo, aming Ina, tulungan mo kaming makapagdulot ng aliw at ginhawa sa mga maysakit at sa mga malapit nang
sumakabilang buhay, makapagbigay ng pag-asa sa mga dukha at walang hanapbuhay, magpahilom ng sugat ng mga pusong wasak, makiisa sa pagkilos ng mga inaapi, at turuan ng katarungan ang mga sa kanila’y nang-aapi at ibalik sa Diyos ang lahat ng mga
nagkasala sa kanya.
Pinakamamahal na Ina, tulungan mo kaming umiwas sa kasalanan na naglalayo sa amin sa aming Ama sa langit at sa isa't isa.
Buong tiwala naming isinasalalay ang aming sarili sa iyong pagkalinga at lubos na umaasa sa Iyong mapagmalasakit na pangalangin.
Amen.

𝙈𝙖𝙨𝙞𝙣𝙩𝙖𝙝𝙞𝙣𝙜 𝙄𝙣𝙖, 𝙞𝙥𝙖𝙣𝙖𝙡𝙖𝙣𝙜𝙞𝙣 𝙢𝙤 𝙠𝙖𝙢𝙞.

𝗣𝗔𝗥𝗔𝗗𝗘 𝗢𝗙 𝗦𝗔𝗜𝗡𝗧𝗦 𝟮𝟬𝟮𝟰
𝑻𝒉𝒆𝒎𝒆: 𝑩𝒆𝒂𝒄𝒐𝒏𝒔 𝒐𝒇 𝑯𝒐𝒑𝒆

Ikinagagalak ng Parish Youth Ministry na sa ika-26 ng Oktubre ay muling gaganapin ang Parade of Saints. Ngayong taon ay ating paghahanda sa panibagong misyon sa taong 2025 kung kaya't ang parada para sa mga Santo at Santa ay may temang "Beacons of Hope".

Sama-sama tayong muli, mga Kapatid, sa nalalapit na Sabado. Tayo'y manampalataya at kilalanin pang higit ang mga Santo at Santa na nagiging gabay natin sa araw-araw.

Isang taos-pusong pasasalamat sa bawat kabataang nakiisa at dumalo sa VICARIATE YOUTH DAY: Tagpuan!

Salamat sa inyong puso, ngiti, at masiglang paglahok.

Lubos din kaming nagpapasalamat sa suporta ng ating mga Parish Priests, Youth Directors ng bawat parokya, at higit sa lahat sa San Pablo Apostol Parish sa inyong mainit na pagtanggap at pagiging kahanga-hangang host ng kaganapang ito.

Maraming salamat din sa gabay at inspirasyon ni Rev. Fr. Douglas D. Badong, ang aming Vicariate Youth Director, na naging liwanag sa aming paglalakbay. 🙌

Patuloy tayong maglakbay sa pananampalataya, pagkakaisa, at pag-asa!

𝐎𝐤𝐭𝐮𝐛𝐫𝐞 𝟐𝟎, 𝟐𝟎𝟐𝟒 | 𝐈𝐤𝐚𝐝𝐚𝐥𝐚𝐰𝐚𝐦𝐩𝐮'𝐭 𝐒𝐢𝐲𝐚𝐦 𝐧𝐚 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧

𝘗𝘢𝘨𝘯𝘪𝘯𝘪𝘭𝘢𝘺 𝘴𝘢 𝘌𝘣𝘢𝘯𝘨𝘩𝘦𝘭𝘺𝘰 𝘮𝘶𝘭𝘢 𝘬𝘢𝘺 𝘉𝘳𝘰. 𝘑𝘦𝘳𝘢𝘭𝘥 𝘈𝘳𝘳𝘰𝘺𝘰, 𝘈𝘴𝘴𝘪𝘴𝘵𝘢𝘯𝘵 𝘊𝘰𝘰𝘳𝘥𝘪𝘯𝘢𝘵𝘰𝘳 (𝘌𝘹𝘵𝘦𝘳𝘯𝘢𝘭):

Ang Mabuting Balita sa linggong ito ay umikot sa salitang "Kapangyarihan". Bilang mga Kabataan, ang salitang ito ay mahalaga para sa atin. Bilang mga Kabataan, nais nating maging makapangyarihan. Nais nating magawa ang ating gusto. Nais natin maging sentro. At higit, nais nating maipakita na ang Kabataan ay kaya ring maging mga lider ng iba't-ibang aspeto sa buhay. Ngunit ibinahagi ngayong Linggo ni Reb. Pd. Victor Julaton ang iilan sa mga epekto ng kapangyarihan kung ito ay hahayaan nating manaig sa ating mga puso.

"Ang kapangyarihan ay nakakabulag. Nakakabulag dahil hindi na natin napapansin ang mga tao sa kapaligiran. Ang kapangyarihan ay ginagawa rin nitong alipin ang tao upang huwag nang kumawala. Ang taong makapangyarihan ay hindi malaya. Dahil kung ikaw ay may kapangyarihan, gagawin at gagawin mo ang lahat para manatiling may kapangyarihan. Ang taong makapangyarihan, nais niyang ang mga taong nasa paligid niya ay gawin rin niyang alipin. Kapag ang kapangyarihan ay binubulag tayo sa katotohanan, walang silbi ang kapangyarihan."

Ngayong nalalapit na muli ang panahon ng pagtatalaga ng panibagong pamunuan sa ating gobyerno, maging paalala sana ang ebanghelyong ito na bilang Kabataan, maging mapanuri tayo sa kung sino ang ating iboboto. Ang anumang maging kahinatnan nitong panibagong termino ay mayroong epekto sa ating kinabukasan. Nawa'y patuloy tayong magdasal para sa maayos at walang pandarayang eleksyon. Nawa'y maging tulay tayo sa pagbabagong nais nating madama. Dahil ang Kapangyarihan sa maling kamay ay makakaapekto sa ating kinabukasan.

Upang mas palalimin ang repleksyon maaaring basahin ang buong Ebanghelyo mula sa Mabuting Balita ayon kay San Marcos 10, 35-45:

Noong panahong iyon, lumapit kay Hesus sina Santiago at Juan na mga anak ni Zebedeo, at ang sabi, “G**o, may hihilingin po sana kami sa inyo.” “Ano iyon?” tanong ni Hesus. Sumagot sila, “Sana’y makaupo kami katabi ninyo sa inyong kaharian – isa sa kanan at isa sa kaliwa.” “Hindi ninyo nalalaman ang inyong hinihingi,” sabi ni Hesus sa kanila. “Mababata ba ninyo ang hirap na babatahin ko? Pabibinyag ba kayo sa binyag na daranasin ko?” “Opo,” tugon nila. Sinabi ni Hesus, “Ang hirap na babatahin ko’y babatahin nga ninyo, at kayo’y bibinyagan sa binyag na daranasin ko. Ngunit wala sa akin ang pagpapasiya kung sino ang mauupo sa aking kanan at sa aking kaliwa. Ang mga luklukang sinasabi ninyo’y para sa mga pinaghandaan.”
Nang marinig ito ng sampung alagad, nagalit sila sa magkapatid. Kaya’t pinalapit sila ni Hesus at sinabi, “Alam ninyo na ang mga itinuturing na pinuno ng mga Hentil ay siyang pinapanginoon, at ang mga dinadakila ay siyang nasusunod. Ngunit hindi ganyan ang dapat umiral sa inyo. Sa halip, ang sinuman sa inyo na ibig maging dakila ay dapat maging lingkod. At sinumang ibig maging pinuno ay dapat maging alipin ng lahat. Sapagkat ang Anak ng Tao ay naparito, hindi upang paglingkuran kundi upang maglingkod at ibigay ang kanyang buhay sa ikatutubos ng lahat.”

𝗣𝗮𝗿𝗮𝗱𝗲 𝗼𝗳 𝗦𝗮𝗶𝗻𝘁𝘀 𝟮𝟬𝟮𝟰: 𝗢𝗿𝗶𝗲𝗻𝘁𝗮𝘁𝗶𝗼𝗻 𝗮𝗻𝗱 𝗖𝗮𝘁𝗲𝗰𝗵𝗶𝘀𝗺 𝗢𝗸𝘁𝘂𝗯𝗿𝗲 𝟮𝟬, 𝟮𝟬𝟮𝟰

Naganap ngayong araw ang Orientation at Catechism bilang paghahanda sa nalalapit na Parade of Saints na gaganapin sa Oktubre 26, 2024 na may temang 'Beacons of Hope'.

Ang 'Parade of Saints' ay taunang paghahanda para sa araw ng mga Santo at Santa tuwing ika-unang araw ng Nobyembre. Ito ay may layong ipakilala ang mga Santo at Santa hindi lamang sa pamamagitan ng pananamit gayundin maging sa pamumuhay.

Ang katesismo ay pinasimulan ni Tita Bebs Dela Cruz na nagtalakay ng paksa patungkol sa mga Banal o mga Santo at Santa. Sinundan naman ito ng oryentasyon na pinamunuan ni Sis. Nicole Nacianceno, Parish Youth Ministry Coordinator.

Ang Parish Youth Ministry ay lubos na nagpapasalamat sa lahat ng mga kalahok na nag-alay ng kanilang oras ngayon. Nawa'y maging matagumpay ang ating aktibidad na layong ilapit ang mga kabataan sa kabanalan.
Kitakits sa Sabado, mga Kabataan!

𝑯𝒂𝒑𝒑𝒚 𝑩𝒍𝒆𝒔𝒔𝒆𝒅 𝑩𝒊𝒓𝒕𝒉𝒅𝒂𝒚, 𝑱𝒆𝒓𝒂𝒍𝒅!

Jerald, a born leader, a best friend, and a compassionate officer, is celebrating his blessed birthday today. His down to earth character makes the people around him feel at ease and depend on him. He is friendly in nature and this resonates with the people he surrounds himself with. To the Parish Youth Ministry, Jerald is an officer who values honesty, respect, and trust. His countless efforts have proved valuable to the council and to the organizations he has participated in.

Our wish is for God to provide you more guidance as a student, a dutiful son, a good friend, and as a newly appointed leader in your own ministry. Albeit the challenges you encounter, may your positive light continue to inspire the young people in our parish. May the Lord and the Blessed Virgin Mary continue to hear your silent prayers, lift up your heavy burdens, and guide you to where your heart desires.

Your PYM Family is proud of you and we wish you the happiest birthday!

𝗣𝗔𝗡𝗔𝗟𝗔𝗡𝗚𝗜𝗡 𝗦𝗔 𝗠𝗔𝗛𝗔𝗟 𝗡𝗔 𝗣𝗢𝗢𝗡𝗚 𝗦𝗔𝗡𝗧𝗢 𝗡𝗜Ñ𝗢 𝗗𝗘 𝗧𝗢𝗡𝗗𝗢

Purihin ang ngalan ng Panginoon.

Ngayon at magpasawalang hanggan.

𝗠𝗮𝗻𝗮𝗹𝗮𝗻𝗴𝗶𝗻 𝘁𝗮𝘆𝗼:

O Makapangyarihang Diyos at Ama ng aming Panginoong Hesukristo, napakadakila at tapat ang Iyong pag-ibig sa sangkatauhan kaya ibinigay mo si Hesukristo na Iyong Anak upang pagkalooban kami ng kaligtasan. Sa banal na Pangalan ni Hesus, ako ay lakas-loob na dumudulog sa Iyo taglay ang matibay na pananalig na ipagkakaloob Mo ang aking kahilingan. (𝗕𝗮𝗻𝗴𝗴𝗶𝘁𝗶𝗻 𝗻𝗴 𝘁𝗮𝗵𝗶𝗺𝗶𝗸 𝗮𝗻𝗴 𝗸𝗮𝗵𝗶𝗹𝗶𝗻𝗴𝗮𝗻.) Kung ito ay makabubuti sa aking kaluluwa at para sa higit na ikaluluwalhati Mo.

O Mapagmahal na Ama, nagpapakumbaba ako at binuksan ko sa Iyo ang aking sarili upang tanglawan ng ilaw mong bigay at sa tulong ng Espiritu Santo ay patuloy akong umunlad sa karunungan, kabanalan at lakas bilang iyong inampong anak kay Hesukristo na namamagitan para sa amin magpasawalang hanggan. Amen.

𝗣𝗔𝗥𝗜𝗦𝗛 𝗙𝗢𝗥𝗠𝗔𝗧𝗜𝗢𝗡 | 𝗢𝗸𝘁𝘂𝗯𝗿𝗲 𝟭𝟳, 𝟮𝟬𝟮𝟰

Ginanap ang Buwanang Paghuhubog o Parish Formation kaninang ika-7 ng gabi na pinamunuan ni Rev. Msgr. Geronimo Reyes, Rektor at Kura Paroko ng Arkidiyosesanong Dambana at Parokya ng Santo Niño. Ang naging punong tagapaghubog sa gawaing ito ay si Sis. Marilyn Peñas.

Archdiocesan Shrine of Santo Niño - Tondo Manila

𝗣𝗔𝗚𝗚𝗨𝗡𝗜𝗧𝗔 𝗦𝗔 𝗜𝗞𝗔-𝟭𝟯𝟰 𝗧𝗔𝗢𝗡𝗚 𝗔𝗡𝗜𝗕𝗘𝗥𝗦𝗔𝗥𝗬𝗢 𝗡𝗚 𝗞𝗔𝗣𝗔𝗡𝗚𝗔𝗡𝗔𝗞𝗔𝗡 𝗡𝗜 𝗦𝗔𝗡𝗧𝗔 𝗠𝗔𝗥𝗜𝗔 𝗧𝗘𝗥𝗘𝗦𝗔 𝗚𝗢𝗥𝗘𝗧𝗧𝗜 | 𝗢𝗸𝘁𝘂𝗯𝗿𝗲 𝟭𝟲, 𝟮𝟬𝟮𝟰

Sa ating paggunita sa araw ng kapanganakan ng Patrona ng Kabataan ng Tundo, ating alamin ang mga naging yapak ni Santa Maria Goretti patungo sa kabanalan. Bilang kabataan nawa'y ating tularan ang kaniyang kalinisan, pagiging mabuting anak at kapatid, pusong mapagpatawad, at ang kaniyang debosyon sa Mahal na Birheng Maria at pananampalataya sa Panginoon.

PANALANGIN KAY SANTA MARIA GORETTI

O Santa Maria Goretti,
ang iyong debosyon sa Panginoong Diyos at sa Mahal na Ina ay lubhang matibay na hindi ka nag-atubiling piliing ialay ang iyong buhay huwag lamang mabahiran ang iyong kadalisayan.
Lahat kami’y iyong tulungan, na naliligiran ng napakaraming tukso dito sa modernong mundo, na matularan ang iyong halimbawa.
Ipamagitan mo kaming lahat, lalo na ang Kabataan, na biyayaan kami ng Diyos ng tapang at lakas na aming kinakailangan, upang matalikdan ang anomang makasasakit sa Kanyang Kalooban, at makababahid ng karumihan sa aming kaluluwa.
Kunin mo para sa amin, mula sa Tagumpay ng Panginoon sa tukso, ang aliw sa aming buhay sa oras ng pagdurusa, at biyaya para sa bagay na amin ngayong hinihiling sa iyo: (Sa katahimikan, banggitin ang mga kahilingan.).
Nawa’y isang araw ay matamasa naming kasama mo ang walang hanggang kaluwalhatian ng Langit.

Amen.

𝐏𝐀𝐑𝐈𝐒𝐇 𝐅𝐎𝐑𝐌𝐀𝐓𝐈𝐎𝐍

Inaanyayahan ang lahat sa ating Buwanang Paghuhubog sa Ika-17 ng Oktubre (Huwebes) sa ganap na ika-7 ng gabi sa loob ng ating simbahan.

Maraming Salamat po!

𝐎𝐤𝐭𝐮𝐛𝐫𝐞 𝟏𝟑, 𝟐𝟎𝟐𝟒 | 𝐈𝐤𝐚𝐝𝐚𝐥𝐚𝐰𝐚𝐦𝐩𝐮'𝐭 𝐖𝐚𝐥𝐨𝐧𝐠 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧

𝘗𝘢𝘨𝘯𝘪𝘯𝘪𝘭𝘢𝘺 𝘴𝘢 𝘌𝘣𝘢𝘯𝘨𝘩𝘦𝘭𝘺𝘰 𝘮𝘶𝘭𝘢 𝘬𝘢𝘺 𝘚𝘪𝘴. 𝘊𝘩𝘳𝘪𝘴𝘵𝘩𝘦𝘯𝘦 𝘍𝘶𝘦𝘯𝘵𝘦𝘴, 𝘚𝘦𝘤𝘳𝘦𝘵𝘢𝘳𝘺:

Ngayong linggo ay ipinapaalala sa atin ng mga pagbasa ang pagsunod sa Diyos at sa mga kautusan nito, kasabay rito ay ang hamon ng pagiging bukas palad. Isang tanong ang mahihinuha sa unang pagbasa, "Paano natin makakamtan ang buhay na walang hanggan?" Maraming posibleng paraan na maaaring alam na ng bawat isa sa atin at ginagawa na rin natin mula sa turo ng ating mga magulang at ng simbahan. Ang pagtupad sa sampung utos ng Diyos ay mahalagang hakbang sa pagkamit ng buhay na walang hanggan.

Ngunit sa kabila nito isang malaking hamon pa ang iniaatas sa atin bilang Kanyang mga anak at lingkod, ito ay ang pag-aalay ng ating mga ari-arian sa mahihirap at nangangailangan. Tunay na mahirap ialay ang mga bagay na alam nating ating pinaghirapan, pinaglaanan ng oras at pinagsumikapang makuha, ngunit tulad ng nabanggit ito ay isang malaking hamon.

Hindi man agad agad ang ating pagkatagumpay sa hamon na ito, ang mahalaga ay sinisikap nating maging mabuting alagad at lingkod nya. Nawa'y maging bukas palad ang bawat isa sa atin at magtiwala sa biyaya ng Panginoon, palagi.

Upang mas palalimin ang repleksyon maaaring basahin ang buong Ebanghelyo mula sa Mabuting Balita ayon kay San Marcos 10, 17-27:

Noong panahong iyon, habang paalis na si Hesus ay may isang lalaking patakbong lumapit, lumuhod sa harapan niya at nagtanong, “Mabuting G**o, ano po ang dapat kong gawin upang magkamit ng buhay na walang hanggan?” Sumagot si Hesus, “Bakit mo ako tinatawag na mabuti? Walang mabuti kundi ang Diyos. Alam mo ang mga utos: ‘Huwag kang papatay; huwag kang mangangalunya; huwag kang magnanakaw; huwag kang magsisinungaling sa iyong pagsaksi; huwag kang magdadaya; igalang mo ang iyong ama’t ina.’” “G**o,” sabi ng lalaki, “ang lahat po ng iya’y tinutupad ko na mula pa sa aking pagkabata.” Magiliw siyang tiningnan ni Hesus, at sinabi sa kanya, “Isang bagay pa ang kulang sa iyo. Humayo ka, ipagbili mo ang iyong ari-arian at ipamigay sa mga dukha ang pinagbilhan, at magkakaroon ka ng kayamanan sa langit. Pagkatapos, bumalik ka at sumunod sa akin.” Namanglaw ang lalaki nang marinig ito, at malungkot na umalis, sapagkat siya’y napakayaman.
Tiningnan ni Hesus ang mga nasa paligid niya at sinabi sa kanyang mga alagad, “Napakahirap mapabilang ang mayayaman sa mga pinaghaharian ng Diyos.” Nagtaka ang mga alagad sa pananalitang ito. Muling sinabi ni Hesus, “Mga anak, talagang napakahirap mapabilang sa mga pinaghaharian ng Diyos! Madali pang makaraan ang kamelyo sa butas ng karayom kaysa pasakop sa paghahari ng Diyos ang isang mayaman.” Lalong nagtaka ang mga alagad, kaya’t sila’y nagtanungan, “Kung gayo’y sino ang maliligtas?” Tinitigan sila ni Hesus at sinabi sa kanila, “Hindi ito magagawa ng tao, ngunit hindi ito mahirap sa Diyos. Magagawa ng Diyos ang lahat ng bagay.”

𝟏𝟎𝟎 𝐃𝐀𝐘𝐒 𝐓𝐎 𝐆𝐎| 𝐒𝐀𝐍𝐓𝐎 𝐍𝐈Ñ𝐎 𝐃𝐄 𝐓𝐎𝐍𝐃𝐎 𝐅𝐈𝐄𝐒𝐓𝐀 𝟐𝟎𝟐𝟓 🎉🎉

Manatiling naka subscribe at naka folllow sa opisyal na page ng ating Parokya para sa kaganapan at gawain sa Pistang Bayan ng Tundo, Ang Dakilang Kapistahan ng Banal na Sanggol, Ang Santo Niño.

I-Like and Share ang mga gawaing pamparokya bilang pagpapanatili ng ating ugnayan at pagpapalaganap ng debosyon sa Mahal na Poong Santo Niño.

VIVA SANTO NIÑO 🙏

𝐃𝐀𝐀𝐍 𝐍𝐆 𝐑𝐎𝐒𝐀𝐑𝐘𝐎 𝐒𝐀 𝐏𝐀𝐌𝐀𝐘𝐀𝐍𝐀𝐍

Ating pagnilayan ang mga 𝗠𝗶𝘀𝘁𝗲𝗿𝘆𝗼 𝗻𝗴 𝗦𝗮𝗻𝘁𝗼 𝗥𝗼𝘀𝗮𝗿𝘆𝗼 sa ating pamayanan at tahanan. Halina't magdasal sanayin ang mga bata at ating pamilya na mamulat sa debosyong ito.

Inaanyayahan ang lahat na makiisa sa ating DAAN NG ROSARYO SA PAMAYANAN sa ika-11 ng Oktubre (Viernes) sa ganap na ika-7 ng gabi.

Magdala ng Kandila, Rosaryo at Payong (ating pananggalang kung umulan).

𝘼𝙣𝙜 𝙧𝙤𝙨𝙖𝙧𝙮𝙤 𝙢𝙤𝙣𝙜 𝙝𝙖𝙬𝙖𝙠 𝙣𝙖𝙢𝙞𝙣 𝙖𝙩 𝙖𝙬𝙞𝙩 𝙖𝙬𝙞𝙩 𝙖𝙣𝙜 𝘼𝙫𝙚 𝙈𝙖𝙧𝙞𝙖
𝙋𝙪𝙨𝙥𝙤𝙨 𝙠𝙖 𝙣𝙜 𝙙𝙞𝙬𝙖𝙣𝙜 𝙗𝙖𝙣𝙖𝙡 𝙙𝙞𝙣𝙜𝙜𝙞𝙣 𝙖𝙣𝙜 𝙖𝙢𝙞𝙣𝙜 𝙥𝙖𝙮𝙖𝙠 𝙣𝙖 𝙙𝙖𝙨𝙖𝙡