Diabetes Philippines

Please huwag kayu maniwala kung mayron magpost or maghingi ng gcash using my account Jean Seedz hind yan ako nahack account ko hindi ko na maopen.

Masamang Epekto ng Malaking Tiyan
Payo ni Doktor Doktor Lads

Ang pagkakaroon ng malaking tiyan ay nagdudulot ng maraming health risks. Kapag kumain ka ng sobrang dami at wala kang regular na ehersisyo, hindi matutunaw ang taba sa iyong katawan kaya nagkakaroon ang isang tao ng malaking tiyan.

Ang taba sa tiyan ay kadalasang makikita din sa mga laman loob. Ito ang tinatawag na visceral fat at ito ay nagdudulot ng mga seryosong panganib sa ating kalusugan. Ito ay maaaring magdulot ng
1. Sakit sa puso
2. Type 2 diabetes
3. High blood rpessure
4. Mataas na cholesterol
5. Hirap sa paghinga

Ang mga taong may malaking tiyan ay may mas mataas din na risk ng premature death o maagang pagkamatay.

Para matulungang lumiit ang tiyan at maging healthy muli, kumain ng healthy na pagkain tulad ng prutas, gulay at whole grains. Bawasan ang pag-inom ng mga matatamis na inumin. Bawasan ang pagkain ng matataba, maaalat at mamantikang pagkain. Magkaroon din ng regular na ehersisyo upang makatulong sa pagtunaw ng taba sa tiyan.

Alam mo ba?

Delikado na hindi mo kinukumpleto ang pag-inom ng nireseta sa iyong antibiotic. Maraming mga Pinoy ang ugali na kapag nakaramdam na ng ginhawa, ititigil na bigla ang pag-inom ng antibiotics. Iba-iba ang bilang ng mga araw na dapat inumin ang antibiotics. Halimbawa, kapag sinabi ng doktor mo na iinumin ang antibiotics ng isang linggo, dapat tapusin ito. Halimbawa, tatlong araw palang ng pag-inom ng antibiotic medyo bumubuti na ang pakiramdam mo, tapusin mo pa rin ang pag-inom ng antibiotic. Bakit?

Dahil kahit na nawawala ang mga sintomas ng sakit mo, pwedeng may mga bacteria pa na hindi lubusang napapatay ng antibiotics. Oras na itigil ang pag-inom ng mga antibiotic, ang mga nakasurvive na bacteria ay pwedeng matutunan na kalabanin o ineutralize ang antibiotics para sa susunod na gumamit ka ng antibiotics sa kanila, hindi na sila mapapatay. Ito yung tinatawag na antibiotic-resistant bacteria. Kapag nangyari ito, mas matapang na antibiotics na ang kailangang gamitin para sa simpleng impeksyon mo. At ang mga matatapang na antibiotics ay mas maraming side effects. Ang mas malala, kapag multidrug resistant ang bacteria, posibleng hindi na ito makayanan pang patayin o gamutin kahit pa ng mga matatapang na antibiotics.

O, ngayon alam mo na. Ishare mo naman sa iba.

by Doktor Doktor Lads