Mayor William “Mabuhay” Maribojoc

LUNGSOD SA SALUG, MITAMBONG SA PINAKA-UNANG FIRE EXPO SA NASUD

Isip kasaulogan sa Bureau of Fire Protection 33rd Founding Anniversary niining tuiga, nagpahigayon kini sa pinaka-unang Fire Expo didto sa World Trade Center sa kaulohan nga gitambongan sa nagkalain-laing ahensya, institusyon, probinsya, lungsod ug mga dakbayan sa kinatibuk-ang nasud.

Mitambong ang Lungsod sa Salug ning lalawigan sa maong kalihukan aron makita ug makapamili sa mga husto ug modernong kagamitan alang sa fire safety, protection ug prevention, lakip ang mga ekipong mamahimong magamit sa mga rescue ug calamity operations.

Didto sa Fire Expo 2024 si SFO4 Ricky L Bunac, Salug Acting Municipal Fire Marshal, Mr. Allan Adlawan, Executive Assistant ug MDRRMO Designate, ug ang buotang amahan sa Lungsod sa Salug, Mayor William “Mabuhay” Maribojoc diin sila nahatagan ug higayong makita ug masabtan ang mga modernong ekipo alang sa fire safety and rescue, nga mamahimo nilang dad-on sa pinalanggang Lungsod sa Salug sa dili madugay nga panahon.

1 MILLION PESOS FINANCIAL ASSISTANCE ALANG SA SALUG LOCAL YOUTH DEVELOPMENT OFFICE

Nakadawat ang Salug Local Youth Development Ofiice ug 1 million pesos nga financial assistance gikan sa Philippine Sports Commission alang sa mga kalahukan sa kabatan-onan karon nga tuig.

Ang maong tabang pinansyal nadawat, pinaagi sa pagpaningkamot sa opisina ni Senator B**g Go nga malili sa PSC ang panginahanglanon sa Lungsod sa Salug aron sa paghulma pag maayo ang kabantan-onan sa nahisgutang lungsod nga mamahimong aktibo sa sports and leadership.

Mapasalamaton ang kugihan ug buotang amahan sa Salug nga si Mayor William "Mabuhay" Maribojoc sa ilang nadawat pinansyal sa maong komisyon tungod daghan na ang mamahimo nilang mugnaon nga kalihukan alang sa ilang mga kabatan-onan karon nga tuig 2024.

BINONI ALAYON FARMERS ASSOCIATION MALIPAYONG NAGBAHIN SA KINITAAN SA ILANG ABOT

Mikabat P172,194.00 kapesos ang gibahin sa 30 ka mga miyembro sa Binoni Alayon Farmers Association gikan sa halin sa ilang abot nga talong.

Tam-is ang ilang mga pahiyum sa dihang gidawat ang ilang bahin samtang gapunay ug pasalamat sa Lokal nga Pangagamhanan sa Lungsod sa Salug ilabi na gayud sa pag-atiman kanila sa buotong Mayor William "Mabuhay" Maribojoc.

Sumala pa, si Mayor Maribojoc kanunay nga naglantaw sa kun unsay maayong ikatampo niya ug sa pangagamhanan ngadto sa pinalangga niyang Salugnon.

Tuod man, malipayon ang mga miyembro sa maong asosasyon tungod aduna na sab silay paabutong bahinon sa umalabot nga panahon.

LUNGSOD SA SALUG, MIHATAG PAG-ILA SA MGA RIDERS SA DAWN TILL DUSK ENDURANCE TRAIL RIDE FOR A CAUSE

Isip lakip sa mga lungsod nga malabyan sa Longest and First Ever Dawn Till Dusk Endurance Trail sa gilay-on nga 202 kilometros, mihatag ang Lungsod sa Salug ug pag-ila sa mga riders pinaagi sa pagsab-it ug mga medalya sa unang gatos (1st 100) nga moabot sa maong lungsod pinaagi sa inisyatiba sa buotan ug manggihunahunaong Mayor William "Mabuhay" Maribojoc.

Ang maong kalihukan gipasiugda nila ni Atty. Lovell Abad ug Arch. James Abad aron kahatagan ug school supplies ang mga magtulungha sa Galingon, Tampilisan ning lalawigan, ug gakit kun water raft ang mga igsuon natong Badjao sa Lungsod sa Sindangan. Gilahukan kini sa mga riders gikan sa nagkalain-laing parte sa nasud nga nahimong malampuson ang ride for a cause.

Bisan paman ug nahimong labyanan lamang ang Lungsod sa Salug, mipartisipar kini sa pag-ila sa mga riders tungod pinaagi niini, gipaila-ila sab sa mga lumalabay ang maong lugar, katawhan ug kultura niini.

DUGANG SEMENTADONG DALAN, GITURN-OVER SA BRGY. CALUCAP, LUNGSOD SA SALUG

Nahuman ug naablihan na gayud ang dalan sa Brgy. Calucap ning Lungsod sa Salug nga nagkantidad ug P836,635.35 kapesos, diin giingong isa sa mga pinakalisud nga agian nga dalan sa nahisgutang barangay kaniadtong wala pa kini masemento.

Naturn-over kini kaniadtong Hulyo 15, 2024 nga gitambongan sa buotang amahan sa lungsod, Mayor William "Mabuhay" Marobojoc, uban sa mga makugihon niining mga SB Members Jonathan R. Balucos ug Richard N. Pabatao, ug Calucap Barangay Officials nga gipangulohan ni Punong Barangay Wilson S. Busig.

Kini gapamatuod nga dunay mga katumanan ang mga tinguha ug tumong sa pagpanerbisyo sa buotang Mayor William "Mabuhay" Maribojoc ngadto sa mga katawhan sa Salug, diin usa niini ang pagpasemento sa mga lisud agian nga kadalanan ilabi na sa mga kabukiran.

Padayon ang pagmakugi sa maong amahan aron kahatagan ug dugang pang serbisyo ang mga Salugnon padulong sa dalan sa kalamboan ug kahamugaway.

BRGY. DANAO DISASTER RESPONSE FACILITY, GI-TURN-OVER

Maingon nga natukma sa panahon ang pagkatapos ug pagturn-over sa Disaster Response Facility ngadto sa Brgy. Danao, Lungsod sa Salug, kaniadtong Hulyo 12 niining tuiga.

Gitambongan ang maong kalihukan sa Danao Barangay Officials nga gipangulohan ni Punong Barangay Renato Arnez, PEMS Christyl S Dorimon, MESPO, Mr. Bryan Tubal, KALAHI-CIDSS Representative, ug sa buotan ug makugihong Mayor William "Mabuhay" Maribojoc.

Gikatahong ang maong gambalay mikabat sa P560, 018.04 kapesos diin 448, 014.43 kapesos ang gikan sa KALAHI-CIDSS.

Gikalipay kini ni Mayor Maribojoc tungod sa kapaspas ug kasagunson sa mga proyektong nabubo ngadto sa mga pinalangga niining Salugnon.

GITUKOD NGA DISASTER RESPONSE FACILITY SA BRGY. DINOAN, GI-TURNOVER

Malampusong gi-turnover karong adlawa ngadto sa Brgy. Dinoan ning Lungsod sa Salug ang nahuman nang Disaster Response Facility pinaagi sa pagpakigtambayayong sa BLGU-Dinoan, LGU-Salug, ug KALAHI-CIDSS.

Ang maong gambalay kun pasilidad mikantidad ug P789, 715.88 ka-pesos diin P631, 772.70 gikan sa KALAHI-CIDSS, P78, 971.59 sa MLGU-Salug, ug P78, 971.59 usab ang sa BLGU-Dinoan.

Kini, gitukod aron dunay saktong pasilidad ang maong barangay alang sa mga dinalian nga responde panahon sa emerhensiya ilabina sa kalamidad.

Dako ang kalipay sa mga lumulupyo sa Dinoan, labaw ang ilang mga opisyales sa barangay, ngadto sa buotan ug maabtikong amahan sa lungsod, Mayor William "Mabuhay" Maribojoc, tungod kanunay kining galantaw sa kun unsay ikaayo sa mga kabarangayan sa Lungsod sa Salug gikan sa mga nagkalain-laing ahensya sa nasyonal, probinsyal, o lokal man.

GROUNDBREAKING ALANG SA KAUSABAN SALUG GYMNASIUM

Nagpahigayon kaniadtong Hulyo 4, 2024 ug usa ka groundbreaking ceremony ang Lungsod sa Salug alang sa pagpanindot sa Salug Gymnasium nga naa nahimutang sa Poblacion East Salug, nga nagkantidad ug P 4,999,999.63 ka-pesos.

Ang maong kalihukan gitambungan nila kanhi 3rd District Congressman Cesar Jalosjos, buotang amahan sa lungsod Mayor William “Mabuhay” Maribojoc , Engr. Porferio Brobo sa MEO, ug uban pang mga personahi sa Lokal nga Pangagamhanan.

Matud pa, nga gigahin kini nga proyekto alang sa pagpanindot sa maong gym tungod gilantaw sa buotang mayor ang ugma sa malambuong lungsod, nga dili madugay, duna gyuy umaabot nga mga dagkong kalihukang ipahigayon sa Salug. Ug aron mahimong hamugaway, mas presentable, ug mas nindot ang maong imprastraktura.

Sayud ug kita sa mga katawhan sa lungsod ang lihok ug paningkamot sa buotang mayor aron ikapasigarbo pa pagmaayo sa mga tagilungsod ang ilang lugar, inubanan sa pag-amping ug pag-pangga niini.

BINONI ALAYON FARMERS ASSOCIATION, MITUNOL SA ILANG ABOT SA MNAO

Subling migahin sa ilang abot nga talong ang Binoni Alayon Farmers Association ngadto sa Municipal Nutrion Action Office, Lungsod sa Salug, kaniadtong Hulyo 3, 2024, tungod sa kaabunda sa ilang ani pinaagi sa programa sa ZNAG Vegetables Production program sa probinsya.

Ang maong kalihukan inisyatiba pag-usab sa mga opisyales sa nahisgutang asosasyon isip pasalamat sa kinatibuk-ang Kagamhanang Lokal sa Lungsod sa Salug ilabina sa buotang Mayor William “Mabuhay” Maribojoc sa paghatag ug makanunayong suporta ngadto sa ilang pag-uma ug mga utanon.

Kahinumdomang bag-ohay pa lamang, mitunol usab sila ug mga talong gikan sa ilang abundang tanaman ngadto sa Salug District Jail.

PROSTHETIC LEGS ALANG SA MGA PWD NGA SALUGNON

Tungod sa suporta ug kaabtik sa buotang tigpangalagad sa Lungsod sa Salug nga si Mayor William “Mabuhay” Maribojoc ug sa iyang mga bokal, wala maluya sa pagpaningkamot ang PDAO-Designate, Leo Mari Bastasa, aron nga makaangkon ug prosthetic legs ang upat (4) ka mga Salugnong PWD kun persons with disability.

Ang upat gidala sa TZU CHI Foundation, Zamboanga City kaniadtong Hulyo 3 ngadto 4, aron nga mapasukdan sa ilang prosthetic leg.

Sayud ang kadaghanan nga de kantidad ang pagbaton niini maong nahimo kining usa ka dakong higayon alang sa bulahang PWDs nga ilang gakson.

Karon, walay kasudlang kalipay ug hilabihan ka dakong pasalamat ning mga PWDs uban sa ilang mga minahal sa kinabuhi ngadto sa mga nitabang kanila, LGU-Salug, ilabina sa mga nagdumala niini.

Matud pa, makuhaan na ilang gihambing kalisud sa inadlaw-adlaw nga gimbuhaton tungod anaa na ilang gipangandoy nga prosthetic legs.

DISASTER RESPONSE FACILITIES, GITURN-OVER NGADTO SA BRGY. TAMBALANG UG BALAKAN, LUNGSOD SA SALUG

Dungan nga natunol sa duha ka mga barangay ning Lungsod sa Salug ang mga disaster response facilities nga mga proyektong gikan sa KALAHI-CIDSS grant ug inabagan usab sa tagsa-tagsang mga barangay sa Tambalang ug Balakan, lakip ang counterpart niini nga nag-gikan sa Kagamhanang Lokal sa nasangpit nga lungsod.

Ang proyektong natunol ngadto sa Barangay Tambalang mikantidad ug P845, 935.05 kapesos, samtang P758, 270.07 ka pesos usab ang giabot sa kinatibuk-ang gasto alang sa Barangay Balakan.

Kini nga mga pasilidad gihatag ngadto kanila aron mamahimong sayon ug hapsay ang mga gimbuhaton ilabina kun may kalabutan sa disaster response.

Mapasalamaton pag maayo ang buotang amahan sa Lungsod sa Salug nga si Mayor William “Mabuhay” Maribojoc ngadto sa KALAHI-CIDSS tungod sa kapaspas sa ilang mga proyektong gihatag ngadto sa ilang pinalanggang lugar ug sa mga lumulupyo niini.

Si Mayor Maribojoc nanghinaot nga kining tanang nabubo ngadto sa mga Salugnon gamiton pag maayo ug ilang paga-ampingan sama sa pag-amping niya sa mga minahal nga Salugnon.

DISASTER RESPONSE EQUIPMENT WITH AMENITIES, GI-TURN-OVER SA BRGY. LIPAKAN, LUNGSOD SA SALUG

Aron gilayong makahatag ug hinanaling responde sa panahon sa krisis ug emerhensiya, gitunol ngadto sa Brgy. Lipakan, Salug ang mga disaster response equipment nga gikan usab ang pundo sa BLGU-Lipakan, MLGU- Salug, ug KALAHI-CIDSS.

Ang maong mga kagamitan mikantidad ug P805, 253.65 diin P644, 202.92 ang gikan sa KALAHI-CIDSS; P80, 525.37 nga gikan sa BLGU-Lipakan; ug P80, 525.36 gikan sa panudlanan sa Kagamhanang Lokal sa Lungsod sa Salug.

Bisan paman sa kalipay sa mga opisyal ug residente sa naasoy nga barangay nga duna na silay dugang magamit kun ugaling moabot ang emerhensiya, nabghinaot gihapon ang buotan ug manggihuna-hunaong Mayor William “Mabuhay” Maribojoc , nga unta pangandam lamang kini ug magpabiling hapsay ug luwas ang Salug ning lalawigan ug mga Salugnon.

Hugot ang pag-ampo ug pag-amping ni Mayor Maribojoc sa pinalangga niining lungsod ug katawhan.

TURN-OVER CEREMONY ALANG SA IMPROVEMENT OF BARANGAY HEALTH STATION SA BRGY. IPILAN, SALUG, PINAAGI SA KALAHI-CIDSS

Bag-ohay pa lamang nahutabo ang pag turn-over sa nahumanv pag-improbar sa Brgy. Ipilan Health Station niining lungsod pinaagi ug inabagan sa KALAHI-CIDSS.

Kini nga proyekto gidapat tungod sa daan ug guba nga health station sa naasoy nga barangay diin P589,241.30 ka pesos ang kinatibuk-ang nagasto niini nga gikan sa KALAHI-CIDSS grant nga nagkantidad ug P471, 393.04; MLGU (cash and in-kind) sa Lungsod sa Salug nga mikabat ug P58, 924.13; ug BLGU counterpart nga P58, 924.13 ka pesos.

Tungod kay nahuman na ang maong proyekto, makapahimulos na pagmaayo niini ang ilang mga tagi-baranagay ilabina ang dunay mga katuyian alang sa ilang panglawas.

Nagpasalamat ug dako ang buotang amahan sa Lungsod sa Salug sa KALAHI-CIDSS tungod sa gasagunsong mga proyektong nahatag sa ilang pinalanggang Salug sa walay pagmakuli ug paglangay-langay.

HYBRID UG IN**ED RICE SEEDS GIPANG-APUD-APOD NGADTO SA MGA MAG-UUMA SA LUNGSOD SA SALUG

Mikabat sa 299 ka mga bag sa In**ed Rice Seeds kun moabot sa 149.5 ektaryang basakan ang napanghatag sa mga mag-uuma gikan sa Rice Competitiveness Enhancement Fund (RCEF) pinaagi sa PhilRice Region 9: ug 95 ka mga bag sa Hybrid Seeds nga mokabat sa 95 ektaryang tanaman ilawum sa Production Support Program sa Rice Banner Program sa Department of Agriculture, Region 9 ang napang-apaud-apod ngadto sa mga rice farmers sa naasoy nga lungsod.

aang ilang nadawat duna pay Bio-N Fertilizer diin dako ug ikaabag sa ilang pagpananum sa humay.

Garbo kini sa Lungsod sa Salug tungod sa permeng mabubuan ug proyekto ug programa ang mga Salugnon pinaagi na sa pagpaningkamot sa ilang buotang mayor, Mayor William “Mabuhay” Maribojoc , nga kanunay nagatan-aw sa kaayohan ug kalamboan sa ilang pinalanggang Lungsod sa Salug.

BAG-ONG DALAN GIABRIHAN SA BRGY. BACONG , SALUG, NING LALAWIGAN

Dako ug pasalamat ang mga lumulupyo sa Sittio Mangga, Brgy. Bacung, Lungsod sa Salug ngadto sa ilang buotan ug maabtikong amahan sa lungsod nga si Mayor William “Mabuhay” Maribojoc dihang gidungog ug gituman niini ang ilang hangyo nga magam-an sila ug hustong dalan.

Dason sa mga residente nga lisud ilang pagpangadto-nganhi tungod sa kalisud sa ilang dalan ilabina kun dunay emerhensiya.

Diha-diha dayon kining gipalihok sa ilang manggihuna-hunaong Mayor diin naabrihan ang maong dalan kaniadtong Hunyo 21, 2024.

Walay pagmakuli si Mayor William "Mabuhay" Maribojoc sa pagtubag ug pagtuman sa mga hangyo ug mulo sa mga Salugnon ilabina kun dako sad ang katabang ug benepisyong ikahatag niini sa ilang pinalanggang lungsod ug sa mga residente.

BINONI ALAYON FARMERS ASSOCIATION, MIPAAMBIT SA ILANG ABOT NGA TALONG NGADTO SA SALUG DISTRICT JAIL

Nahimong inisyatiba sa Binoni Alayon Farmers Association ang paghatag sa ilang sobrang abot nga talong gikan sa ilang tanaman, ngadto sa Salug District Jail karong adlawa, Hunyo 19, 2024.

Tungod sa kaabunda sa ilang abot ining panahona, nahimo pang makapahimulos niini ang mga kaigsuonang PDL kun persons deprived of liberty sa naasoy nga pasilidad.

Mapasalamaton si SJINSP Norman R Ebro, Salug District Jail Warden, sa Binoni Alayon Farmers Association nga gipangulohan ni Ms. Divina Hipulan, uban sa iyang mga opisyales ug miyembro sa ilang pagkamanggihunahunaon ug pagkamanggihinatagon.

Kinasing-kasing usab ang pasalamat niini, uban sa mga PDL, sa buotang amahan sa Lungsod sa Salug nga si Mayor William “Mabuhay” Maribojoc, tungod sa kakugi niining atimanon ang ginagmay sa sektor sa maong lungsod, aron makahatag ug tabang ug makapaambit usab sa ilang grasya ngadto sa mga nahikawan sa ilang pagkagawasnon. Ginagmay, apan dakong kalipay na kini alang sa naabtan sa maong gasa.

LUNGSOD SA SALUG, GISAULOG ANG WORLD BLOOD DONOR DAY

Atol sa selebrasyon sa tibuok kanasuran alang sa World Blood Donor Day, ang Lungsod sa Salug mipahigayon usab ug blood-letting activity karong adlawa, Hunyo 13, 2024, aron sa pagsabwag ug kahibalo kabahin sa pagpanginahanglan sa luwas nga dugo. Kini usab aron mapasalamatan ang mga boluntaryo ug walay bayad nga tag-amot sa dugong gipanginahanglan sa pipila nato nga kaigsuonan.

Gisalmutan ang maong kalihukan sa 18 ka mga barangay sa naasoy nga lungsod, nga mao ang Brgy. Poblacion East, Poblacion, Calucap, Dinoan, Danao, Balakan, Tambalang, Lanawan, Mucas, Dipolod, Binoni, Pukay, Pacuhan, Liguac, Caracol, Ramon Magsaysay, Lipakan, ug Ipilan.

Nahimong kinadayagan ang pagpanghatag ug plaques ug certificates alang sa Galloneer Donor Awardees kinsa nakaamot ug siyam (9) o labaw pa nga bag sa dugo.

Nakadawat usab ug mga t-shirt ug mga mug nga gikan sa LGU-Salug, ug labakara (face towel) nga gikan sa DOH-R9 ang mga indibidwal nga misalmot diin mikabat sa 461 ang malampusong nakadonar ug dugo.

Mapasalamaton gayud ang mga Salugnon sa mabuligon ug buotang amahan sa lungsod nga si Mayor William “Mabuhay” Maribojoc , sa mga opisyales sa nagkalain-laing barangay nga misalmot, sa Zamboanga del Norte Mobile Blood Donation Team, ug DOH- Regional Office 9 aronmahimong hapsay ug nagmalampuson ang ilanga kasaulogan sa World Blood Donor Day sa Lungsod sa Salug.

MAYOR WILLIAM "MABUHAY" MARIBOJOC, INSPIRASYON SA MGA MAAYONG TINGUHA ALANG SA LUNGSOD SA SALUG, ANG MGA KABILIN SA INDEPENDENCE DAY

Gipadayag sa buotang amahan sa Lungsod sa Salug nga si Mayor William “Mabuhay” Maribojoc ang iyang mensahe kabahin sa kun diin niya gikan ang inspirasyon alang sa mga tinguha niini sa lungsod ug sa mga katawhan, atol sa ika-126 katuig nga kasaulogan sa Kagawas sa Pilipinas nga gipahigayon sa Salug Municipal Plaza, Hunyo 12, 2024.

Ang maong panagtapok gitambungan sa mga empleyado sa lokal ug nasyonal nga kagamhanan ug ahensya, Department of Education (elementarya ug sekondarya), Boy Scouts of the Philippines, Uniformed Personnel, ug Reservists.

Matud pa sa buotang Mayor, nga ang malungtarong kabilin sa kalig-on sa patriyotismo ug gugma sa nasud nga yabi sa atong kagawasan ang nahimo niining inspirasyon ug giya sa pagpadayon sa mga tinguha alang kalamboan sa lungsod, katawhan, ug ilabina sa kabatan-onan.

Dako ang bisyon nga nahimong misyon ni Mayor Mabuhay Maribjoc alang sa hinigugma niining lungsod ug katawhan hinungdang wa kiniy hunong sa paglihok aron matuman ang iyang pangandoy ug makita nga nag-uban sa kalamboan ang matag-usa nga Salugnon, ilabina sa umaabot pa nga mga katuigan.

"Mag-uban, magmartsa kita ngadto sa bag-ong yugto sa pag-uswag, uban ang pagkamalaumon, kaisog, ug panaghiusa", hinapos niini.

Php 940,925.03 NGA PROYEKTO, GI-TURN OVER

Usa ka-road concreting project ang gi-turn over kagahapong adlawa, Hunyo 11, 2024 ngadto sa Brgy. Canawan, Salug, ning lalawigan, diin 752, 790.02 kapesos ang gikan sa KALAHI-CIDDS, 94, 092.51 kapesos gikan sa MLGU Salug, ug 94,092.50 kapesos ang gikan usab sa BLGU Canawan, nga dunay kinatibuk-ang kantidad nga 940,925.03 kapesos.

Ang maong proyekto milungtad lamang ug kapin kun kulang tunga ug bulan diser kini nahuman nga gikalipay ni Brgy. Canawan Punong Barangay Fredie J. Molina, mga kagawad, ug mga katawhang nagaagi ini nga kadalanan.

Dako usab ang pasalamat di lamang sa mga lumulupyo sa maong barangay, apan lakip ang kinatibuk-ang Salugnon sa ilang buotan ug maabtikong amahan sa lungsod nga si Mayor William “Mabuhay” Maribojoc , sa walay puas niining suporta ug dedikasyon alang sa pinalangga niining lungsod ug katawhan.

Duna pay umaabot 21 ka mga barangay ang makaangkon usab ug mga proyektong susama niini sa umaabot nga mga adlaw sa pagpaningkamot sa LGU-Salug aron hinay-hinay nga mahatagan ug sulbad ang mga mga hangyo ug mulo sa matag barangay, ilabina sa ilang nanag-unang panginahanglanon.

DISASTER RESPONSE FACILITY SA BRGY. STO. NIÑO, SALUG, GI-TURN-OVER NA

Giturn-over na karong adlawa, Hunyo 10, 2024 sa KALAHI-CIDSS ngadto sa Brgy. Sto. Niño, Lungsod sa Salug ang usa ka gambalay isip Disaster Response Facility alang sa ilang barangay.

Mikantidad ang maong proyekto ug 736,609.04 ka-pesos, nga gikalipay pag maayo ni Sto. Niño Punong Barangay Charity Pascua, mga kagawad, ug ilabina sa ilang mga tagi-barangay.

Mapasalamaton ug dako ang buotang amahan sa Lungsod sa Salug nga si Mayor William “Mabuhay” Maribojoc sa maong proyektong gibubo ngadto sa ilang lungsod, ug sa mga katawhang walay puas nga naghangop sa iyang mga plano, kalihukan, ug proyekto.

Ang LGU-Salug ilawum sa pagdumala ni Mayor William "Mabuhay" Maribojoc nagapadayon sa ilang mga lakang ug lihok alang sa kalamboan sa mga pinalanggang Salugnon.

Dakong Garbo sa atong Lungsod nga Pinangga nga ang nahimong Kampyonato sa gipahigayong Cultural Presentation sa Hudyaka ZaNorte Festival 2024 mao ang atong Delegasyon sa Lungsod sa Salug. Daghang salamat sa atong mga kabatan-onan sa pagpakita og kahanas sa Performaing Arts og sa mga lumilihok niini. Kauban sa mga opisyales sa atung lungsod og sa matag Salugnon, Daghang Salamat sa Dungog nga inyong gihatag. Para sa mga Salugnon, Ato Kini! Mabuhay Salug! Mabuhay Salugnon!

ARTIFICIAL INSEMINATION, DEWORMING, UG VITAMIN SUPPLEMENTATION ALANG SA KABAW, BAKA, UG KANDING, NAGMALAMPUSON

Gikalipay sa mga personahi sa Office of the Municipal Agriculture- LGU Salug, ug Philippine Carabao Center ang paghangup sa mga Salugnong nanag-iya ug mga kabaw, baka, ug kanding sa programanf nahatag kanila sama sa artificial insemination, purga, ug mga bitaminang alang sa ilang mga binuhi.

Ang maong programa sa nakalabayng bulan, napahimuslan sa Brgy. Calucap ug Sto.Niño, Salug, Zamboanga del Norte.

Mapasalamton usab ang mga benepisyaryo niini di lamang sa mga ahensyang nagkatambayayong aron mapaabot kanila ang maong programa, apan ilabina sa manggihunahunaon ug buotang Mayor William “Mabuhay” Maribojoc , sa makanunayong paghatag niini ug serbisyo sa mga nanag-unang panginahanglan sa mga ginsakupan niini.

Gapadayon ang pagpangalagad ni Mayor William "Mabuhay" Maribojoc s amga pinalangga niining Salugnon aron ug alang sa kalamboan sa matag-usa ug sa lungsod.

BINONI ALAYON FARMERS ASSOCIATION, NAKAPAHIMULOS SA PAG-INSTALAR UG PATUBIG

Napahimuslan sa mga mag-uuma partikular ang anaa sa "eggplant production" sa Binoni Alayon Farmers Association human nga nataod ang patubig kun irigasyon ngadto sa ilang tanaman sa mga talong sa Binoni, Salug, Zamboanga del Norte.

Ang maong proyekto mikabat sa kapin kun kulang P47,800 kapesos gikan sa Kagamhanang Probinsyal, ilawum usab sa Zamboanga del Norte Agricultural Extension Program (ZNAG) sa Provincial Agriculture Office.

Dako ang pasalamat sa buotan ug maabtikong amahan sa Lungsod sa Salug nga si Mayor William “Mabuhay” Maribojoc kang Zamboanga del Norte Governor Rosalina "Nanany Nene" Jalosjos sa makanunayong pagbubo ug suporta niini alang sa kalamboan ug kaayohan sa ilang pinalanggang lungsod ug mga Salugnon.

KAPIN 34 MILYONES NGA EVACUATION CENTER OPISYAL NG GI TURN-OVER SA OCD SA LUNGSOD SA SALUG

Garbo sa Lungsod sa Salug ang pagdawat sa Bag-ong Evacuation Center nga nagkantindad og kapin 34 Milyones pesos gikan sa Office of the Civil Defense atul sa gipahigayong turn-over ceremony. Ang maong programa gitambungan ni Cong. Cesar Jalosjos isip Represa te ni Gov. Rosalina Jalosjos, OCD 9 RD PBGen Ramon Ochotorena (Ret), mga opisyales og kawani sa lungsod sa Salug.

Dakong Kalipay sa atung buotan og pinangga nga amahan sa lungsod, Mayor William “Mabuhay” Maribojoc sa nasangpit nga proyekto kay aduna nay disente ang puluy-anon ang mga Salugnon sa Panahon sa Kalamidad. Disaysay usab ni OCD Regional Director nga andam ang ilang opisina sa pagtabang sa lungsod sa panahon sa kalamidad. Sa laing bahin, nagpamahayag usag si Cong. Cesar Jalosjos sa iyang kalipay og suporta sa maong natagamtaman nga proyekto para sa mga Salugnon.

Sa kinatibuk-an, ubay ubay pa ang mga proyekto nga pagadawaton sa lungsod sa Salug sa mga sunod nga bulan, kini pinaagi sa pagpaningkamot sa atung buotan nga Mayor og ang panaghiusa sa mga Salugnon.

OFFICE SUPPLIES UG WIFI ROUTER, NAHATAG SA SALUG CENTRAL SCHOOL

Nahatag sa Salug Central School kaniadtong Mayo 6, 2024 ang mga office supplies lakip usab ang wifi router, printer, cabinet ug standfan nga gikan sa Special Education Fund sa Lungsod sa Salug diin tinguha niini nga dugang dugang kakuhaan ug pundo alang sa kalamboan, operasyon, ug pagmentinar sa mga tulunghaan.

Kini alang dugang kagamitan sa maong tulunghaan, ug aron usab dunay magamit sa Zamboanga del Norte's Silvertek Application.

Walay pagduha-duha nga nisanong sa hangyu sa mga magtutudlo si Mayor William "Mabuhay" Maribijoc, ang buotan ug maalagarong amahan sa Lungsod sa Salug tungod kasabot kini sa mga panginahanglanon sa Salug Central School, ug gatuo kining dako nga mamahimong tabang ang maong mga supplies sa mga magtutungha ug magtutudlo.

11 KA BARANGAY SA LUNGSOD SA SALUG, NAKADAWAT UG GRASYA GIKAN KANG MAYOR WILLIAM "MABUHAY" MARIBOJOC

Bunga sa pagkamanggihunahunaon ug pagkamanggihinatagon sa buotang amahan sa Lungsod sa Salug nga si Mayor William "Mabuhay" Maribojoc, nanghatag na usab kini ug isdang tuloy sa sonse (11) ka mga barangaykaniadtong Mayo 2 ug karong adlawa, Mayo 4, 2024.

Nasurpresa ug nalipay ang mga lumulupyo sa Brgy. Caracol, Dinuan, Balakan, Danao, Tamabalang, Lanawan, Ipilan, Fatima, Calucap, Ligua ,ug Pukay ang maong grasyang gibubo kanila sa maong alkalde.

Nagsandaiya na lamang sila ug pagawas sa ilang mga sudlanan aron kabutangan sa isda nga ila nang mapanud-an sa pipila ka kan-anan.

Nahimo nang kinaiya ni Mayor William "Mabuhay" Maribojoc ang matud pa "sharing of blessings", ilabina kun abunda sad kaniya ang mga gasa gikan sa kinaiyahan.

Happy Birthday sa among pinangga nga Inahan sa Probinsya, Governor Rosalina “Nanay Nene” Jalosjos.

LUNGSOD SA SALUG, USA SA MGA TOP PERFORMING LGU ALANG SA UNIVERSAL HEALTH CARE REGIONAL CONVERGENCE

Gigantihan ang Lungsod sa Salug isip usa sa mga Top Performing LGU atol sa Universal Healthcare Regional Convergence nga gipahigayon kaniadtong Abril 27 niining tuig didto sa Garden Orchid Hotel, Zamboanga City.

Ang maong gansi isip pasidungog sa dalaygon niining mga lihuk ug lakang ilawum sa kategoryang Component Cities/Municipalities ingon nga nakab-ot niini ang anaa sa 2022 Health Scorecard.

Garbo karon sa Lokal nga Pangagamhanan sa Lungod sa Salug ang maong pasidungog ug mihatag pa kinig labaw nga kadasig aron magpadayun sa paghatud ug hustong serbisyo sa panglawas alang sa mga Salugnon.

36 pcs. NGA JETMATIC WATER PUMPS, GIPANG-APUD-APOD SA NAGKALAIN-LAING BARANGAY SA LUNGSOD SA SALUG

Tungod sa epekto sa hulaw sa kinatibuk-ang probinsya, maabtikong milihok sa iyang inisyatiba ang buotang amahan sa Lungsod sa Salug nga si Mayor William “Mabuhay” Maribojoc pinaagi sa pagduol sa Kagamhanang Probinsyal ug ni Governor Rosalina “Nanay Nene” Jalosjos aron mahatagan ug water pumps ang nagkalain-laing kabarangayan.

Gilayon kining gitugotan sa Kagamhanang Probinsyal ug mihatag ug 36 kapiraso nga Jetmatic water pumps aron dunay magamit nga alternatibong kakuhaan ug tubig ang mga katawhan sa naasoy nga lungsod.

Ang maong mga bumba kun water pumps, hulip sa mgs komon o pampublikong bumba nga nangaguba o di na magamit apan duna pay tinubdan sa tubig nga kakuhaan.

Mapasalamaton si Mayor William “Mabuhay” Marijoboc kang Governor Nanay Nene Jalosjos sa walay pakyas niining pagtubag sa iyang mga hangyu ilabina kung dako ang matabang niini sa mga Salugnon.

Ug dako usab ang pasalamat sa mga Salugnon sa ilang buotan ug kugihan nga amahan nga si Mayor William “Mabuhay” Maribojoc.