BHC Nabbuan

BASAHIN!

Malugod naming ipinababatid na ang grand raffle draw ng Chikiting Ligtas Measle Rubella-Oral Polio Vaccine Supplemental Immunization Activity (MR-OPV SIA) ay gaganapin sa Mayo 26, 2023 ganap na 1:00pm sa Bulwagan ng Mamamayan, City Hall Compound.

Sa pamamagitan ng suporta ng ating City Mayor Alyssa Sheena P. Tan ay makakatanggap ng mga papremyo ang mga masusuwerteng mabubunot sa raffle bilang gantimpala sa maagap na pagpapapabakuna ng kanilang mga magulang sa kanilang anak.

Abangan ang mga susunod na pabatid dito sa ating FB page!

BASAHIN!

Ang City Health Office ay magkakaroon ng paglulunsad ng Measle-Rubella Oral Polio Vaccine (MR-OPV) Supplemental Immunization Activity (SIA) sa April 28, 2023 ganap na 8:00am hangga 12:00 ng tanghali sa BUlwagan ng Mamamayan, City Hall Compound.

Ang MR-OPV SIA ay ang malawakang pagbabakuna ng karagdagang KONTRA TIGDAS AT RUBELLA para sa mga batang edad 9 months hanggang bago maglimang taon at KONTRA POLIO para sa mga batang edad 0 hanggang bago maglimang taong gulang. Ito ay gaganapin ng buong buwan ng Mayo.

Pabakunahan ang inyong mga anak upang magkaroon sila ng dagdag proteksiyon kontra tigdas, rubella at polio. Sumangguni sa inyong mga Barangay Health Centers para sa schedule ng pagbabakuna sa inyong mga barangay!

PAGBATI!

Ikinagagalak po naming batiin ang mga barangay na nakakamit ng kanilang Prenatal Check-up/ Check-up ng Buntis (4visit) target para sa kanilang semi-annual accomplishment!

Sa pamamagitan ng ating mga Midwife at Nurses sa barangay ay naibibigay natin ang sapat na pangangalaga sa ating mga buntis. Ang mga buntis ay nabibigyan ng bitamina, bakuna at libreng laboratoryo kagaya ng eksaminasyon sa ihi at Hemoglobin/Hematocrit. Nagkakaroon din ng health education patungkol sa tamang pangangalaga ng buntis at ipinagbubuntis.

Patuloy po naming hinihikayat ang mga buntis na bumisita sa kanilang Barangay Health Center.

Mabuhay po kayo!

Mahalagang Pabatid!

You can send a message directly to BHC Nabbuan.