stef tumangan vlog

May pangarap ako. Kahit hindi halata, nakakaramdam din ako ng pressure at takot na baka hanggang dito na lang ako. Gusto kong umahon. Gusto kong umangat. Madalas mang hindi ko ipinapakita pero nahihirapan din ako. Natatakot din. Ayoko naman na habang buhay na ganito ako no, nangangarap din naman ako. Madalas lang natatakot at nahihiya akong magkwento o magbahagi ng mga plano ko, kasi hindi naman ako sigurado e. Alam niyo yun? May pangarap ako pero medyo malabo pa silang matupad. Kaya hindi ko maishare kasi iniisip ko na kung sakali mang malugmok ako, at least walang masyadong makakaalam. Ako lang ang makakaramdam at makakaalam ng kung gaano ako nabigo.
Pero sa totoo lang, gusto kong maging higit pa sa kung ano at meron ako ngayon.