Khpal Olas Falahi Tanzeem خپل اولس فلاحی تنظیم عمرزی-رجسٹرڈ

اچھے انسان کی سب سے پہلی اور سب سے می آخری نشانی یہ ہے کہ وہ ان لوگوں کی بھی عزت کرتا ہے جن سے اسے کسی قسم کے ” فائدے یا مفاد کی توقع نہیں ہوتی ۔

کسی ضرورت مند کا تیری طرف آنا خدا کی طرف سے ہے، کیونکہ خدا اگر تجھے صرف ضرورت کے مطابق دیتا تو شاید تیرے پاس کچھ بھی نہ ہوتا۔

شیخ ابراھیم عجمی

اپنے رزق میں دوسروں کو شامل کریں....!!!
اگر آپ اچھا رزق کما رہے ہیں تو یقین جانیں اس میں آپ کی ذہانت یا صلاحیتوں کا کوئی کمال نہیں، بڑے بڑے عقل کے پہاڑ خاک چھان رہے ہیں۔
اگر آپ کسی بڑی بیماری سے بچے ہوئے ہیں تو اس میں آپ کی خوراک یا حفظانِ صحت کی اختیار کردہ احتیاطی تدابیر کا کوئی دخل نہیں۔ ایسے بہت سے انسانوں سے قبرستان بھرے ہوئے ہیں جو سوائے منرل واٹر کے کوئی پانی نہیں پیتے تھے مگر پھر اچانک انہیں برین ٹیومر، بلڈ کینسر یا ہیپاٹائٹس سی تشخیص ہوئی اور وہ چند دنوں یا لمحوں میں دنیا سے کوچ کر گئے۔
اگر آپ کے بیوی بچے سرکش نہیں بلکہ آپ کے تابع دار و فرمانبردار ہیں، خاندان میں بیٹے بیٹیاں مہذب، باحیا و با کردار سمجھے جاتے ہیں، تو اس کا سب کریڈٹ بھی آپ کی تربیت کو نہیں جاتا کیوں کہ بیٹا تو نیک لوگوں کا بھی بگڑ سکتاہے
اگر آپ کی کبھی جیب نہیں کٹی، کبھی موبائل نہیں چھنا تو اس کا یہ مطلب نہیں کہ آپ بہت چوکنّے اور ہوشیار ہیں، بلکہ اس سے یہ ثابت ہوا کہ اللہ نے بدقماشوں، جیب کتروں اور رہزنوں کو آپ کے قریب نہیں پھٹکنے دیا تاکہ آپ ان کی ضرر رسانیوں سے بچے رہیں۔
یہ غالباً ہر انسان کی فطرت ہے کہ جب وہ خود دوسروں سے اچھا کما رہا ہو تو یہ سوچنا شروع کر دیتا ہے کہ وہ ضرور دوسروں سے زیادہ محنتی، چالاک اور منضبط (organised) ہے اور اپنے کام میں زیادہ ماہر ہے۔ پھر وہ ان لوگوں کو حقیر سمجھنا شروع کر دیتا ہے جن کو نپا تلا رزق مل رہا ہے، ان پر تنقید کرتا ہے، ان کا مذاق اڑاتا ہے۔ مگر جب یکلخت وقت کا پہیہ الٹا گھومتا ہے تو اس کو پتہ چل جاتا ہے کہ حقیقت اس کے برعکس تھی جو وہ سمجھ بیٹھا تھا۔
اگر کوئی چاہتا ہے کہ اسے رزق کے معاملہ میں آزمایا نہ جائے تو تین کام کرے:
اوّل: جو کچھ مل رہا ہے اسے محض مالک کی عطا سمجھے نہ کہ اپنی قابلیت کا نتیجہ اور ساتھ ہی مالک کا شکر بھی بجا لاتا رہے۔
دوئم: جن کو کم یا نپاتلا رزق مل رہا ہے انہیں حقیر نہ جانے نہ ان لوگوں سے حسدکرے جن کو "چھپر پھاڑ" رزق میسر ہے۔ یہ سب رزّاق کی اپنی تقسیم ہے۔ اس کے بھید وہی جانے۔

سوئم: جتنا ہو سکے اپنے رزق میں دوسروں کو شامل کرے۔ زیادہ ہے تو زیادہ، کم ہے تو کم شامل کرے۔۔ یقین رکھیں کہ جب بہت سے دعا کے ہاتھ اس کے حق میں اٹھیں گے تو برکت موسلا دھار بارش کی مانند برسے گی جس کی ٹھنڈی پھوار اس کی زندگی کو گلشن گلشن بنا دے گی

‏محبتیں اور خوشیاں بانٹتے رہا کیجئے کیوں کہ جس کنویں سے لوگ پانی بھرنا چھوڑ دیں وہ کنواں سوکھ جاتا ہے۔۔۔۔ !!!
🖤🖤🖤

زندگی میں سکون چاہتے ہیں تو تنقید کرنے، گلہ کرنے، مذاق اڑانے، چغلی کرنے، حوصلہ شکنی کرنے، تکبر کرنے اور منفی سوچ سے اجتناب کریں۔

اسلام علیکم دوستوں
ایک بہن جو کہ بیمار ہے اور ۔۔۔سدیس میڈیکل کمپلیکس ۔۔چارسدہ میں ایڈمٹ ہے ۔۔۔
اس بہن کا کل 4 بجے آپریشن ہے جس کے لیے اسے تین بیگ خون کی ضرورت ہے ۔۔۔
اس کا بلڈ گروپ B positive
سب دوستوں سے گزارش ہے کہ اس بیمار بہن کو خون کا عطیہ دے کر اس کی مدد کرے ۔۔۔جزاکاللہ
03459692849
03339057378

اس گاڑی کی قیمت تقریبا 25 لاکھ روپے ہے اور اسکے ساتھ سرخ الائے رم والی گاڑی کی قیمت 25 ہزار روپے ہے۔ یہ دونوں وہیل چئیرز ہیں۔ بات سمجھ آئی؟ سفید وہیل چئیر میں اضافی بس ایک انجن اور چھت ہی ہے ورنہ وہیلز پر چئیر ہی ہے جس پر ہم بیٹھتے ہیں۔ پاکستان میں اس وقت ایک ہزار میں سے 20 افراد کے پاس گاڑی موجود ہے۔ جب کہ یہاں پر ہی ایک ہزار میں سے 10افراد کو وہیل چئیر کی ضرورت ہے۔ اگر صرف ہر دوسرا فرد جس کے پاس گاڑی ہے وہ اپنے گاؤں گلی محلے کو دیکھ کر کسی سپیشل پرسن کو وہیل چئیر تحفہ کر دے تو چند دن میں سو فیصد چارپائیوں یا زمین سے اٹھ کر وہیل چئیر پر بیٹھ سکتے ہیں۔

اگر اللہ رب العزت نے ابھی تک آپ کو اپنی سواری یعنی گاڑی جیسی سہولت سے نہیں نوازا تو ایک لمحے کے لیے سوچیں۔ آپ کو آپ کا کوئی دوست گاڑی گفٹ کر دے۔ تو کیسی خوشی ہوگی؟ آپ کسی ایسے فرد کو جب وہیل چئیر تحفہ کرتے ہیں جس نے زندگی میں کبھی بھی وہیل چئیر نہیں خریدی تو اسے آپ کو گاڑی ملنے سے بھی ذیادہ خوشی ہوگی۔
عمرزئی میں کئی نادار اور کمزور لوگوں کو وہیل چئیرز کی ضرورت ہے , جو مخیر دوست احباب اس کار خیر میں حصہ لینے کے خواہشمند ہیں وہ خپل اولس فلاحی تنظیم کے ساٹھ تعاون کریں تاکہ ان لوگوں کی زندگی میں خوشیاں لانے کا سبب بنیں ❤️

السلام علیکم پیارے دوستو
تنظیم کی طرف سے ایک مستحق گھرانہ جس میں ایک بیوہ بہن رہتی ہے
اور ان کے چھوٹے بچے ہے ان کو گھر کے ہرچے کے لیے اور ایک گھرانے کو معذور بچے کے علاج کے لیے پیسے دی گئے ۔۔۔۔
اللہ پاک اپ دوستوں کے صدقہ و خیرات کو قبول فرمائے۔۔۔۔امین

انسان کے پاس صدقہ کرنے کے لیے بہت سی آپشن ہیں لیکن ان میں سے کسی کے چہرے پر مسکراہٹ لانا سب سے افضل ہے

خپل اولس فلاحی تنظیم عمرزئی کی طرف سے ایک غریب ,نادار اور ضعیف العمر خاتون کو دوائی خریدنے کے لیے نقد رقم حوالہ کر دی گئی.

” سلف صالحین اس بات کو ناگوار جانتے تھے کہ کوئی آدمی اپنے بچے کو (مہنگی)چیز دے کر باہر گلی محلہ میں بھیج دے، پھر یتیم و مسکین بچے اسے دیکھ کر اپنے گھر والوں سے اسکی خواہش کرتے ہوئے گڑگڑانے لگیں “

امام عمرو بن قیس ملائی رحمہ اللّٰہ
المصنف لابن أبي شيبة (٣٨٤٠٩) وسنده صحيح

امریکہ کے ایک ریسٹورنٹ میں ویٹریس نے لنچ کا مینو ایک شخص اور اس کی بیوی کو دیا اور اس سے پہلے کہ وہ مینو کو دیکھتے، انہوں نے اس سے کہا کہ وہ انہیں دو سستے ترین کھانے پیش کرے کیونکہ ان کے پاس اتنے پیسے نہیں ہیں۔ کئی مہینوں سے تنخواہیں نہیں مل رہیں۔ جس کی وجہ سے وہ مشکل وقت سے گذر رہے ہیں ۔

ویٹریس سارہ نے زیادہ دیر نہیں سوچا۔ اس نے انہیں دو ڈشیں تجویز کیں اور وہ بغیر کسی ہچکچاہٹ کے مان گئے کہ وہ سب سے سستے ہیں۔ وہ دونوں آرڈر لے کر آئی اور انہوں نے بھوک کی شدت سے جلدی سے کھانا کھایا، اور جانے سے پہلے انہوں نے ویٹریس سے بل مانگا۔ وہ اپنے بلنگ والیٹ میں کاغذ کا ایک ٹکڑا لے کر ان کے پاس واپس آئی جس پر اس نے لکھا تھا کہ : "میں نے آپ کے حالات کو مدنظر رکھتے ہوئے آپ کا بل اپنے ذاتی اکاؤنٹ سے ادا کیا۔ یہ میری طرف سے تحفے کے طور پر ایک سو ڈالر کی رقم ہے، اور میں آپ کے لیے کم سے کم اتنا تو کر سکتی ہوں۔ آپ کی آمد کے لیے شکریہ۔ سارہ کے دستخط شدہ۔

ریستوراں سے نکلتے ہی یہ جوڑا بہت خوش تھا۔
مشکل صورتحال میں مبتلا سارہ کے لئے حیرت انگیز بات یہ تھی کہ اس نے اپنے سخت مالی حالات کے باوجود جوڑے کے کھانے کا بل ادا کرنے میں بے حد خوشی محسوس کی۔ حالانکہ وہ تقریباً ایک سال سے ایک آٹومیٹک واشنگ مشین خریدنے کے لئے پیسے بچا رہی تھی کیونکہ پرانی واشنگ مشین سے کپڑے دھونے میں اسے بہت مشکل ہوتی تھی

لیکن جس چیز نے اسے سب سے زیادہ دکھ پہنچایا وہ یہ تھا کہ جب اس کی دوست کو اس معاملے کا پتہ چلا تو سارہ کی دوست نے اسے بہت ڈانٹا۔ کیونکہ اس نے خود اپنی اور اپنے بچے کی ضرورتوں کو پس پشت ڈال کر یہ پیسے بچائے تھے اسے دوسروں کی مدد کرنے سے زیادہ اپنے لئے واشنگ مشین خریدنے کی ضرورت تھی۔

اسی دوران اسے اپنی ماں کا فون آیا جس میں اسے اونچی آواز میں کہا گیا: "سارہ تم نے کیا کیا؟"
اس نے ایک ناقابل برداشت جھٹکے سے ڈرتے ہوئے دھیمی، کانپتی ہوئی آواز میں جواب دیا: ’’میں نے کچھ نہیں کیا۔ کیا ہوا؟"
اس کی والدہ نے جواب دیا: "فیس بک تمہاری تعریف کرنے اور تمہارے طرز عمل کی تعریف کرنے میں زمین آسمان ایک کر رہا ہے۔ اس بندے اور اسکی اہلیہ نے فیس بک پر تمہارا پیغام پوسٹ کیا جب تم نے ان کی طرف سے بل ادا کیا اور بہت سے لوگوں نے اسے شیئر کیا۔ مجھے تم پر فخر ہے۔" ...
اس نے بمشکل اپنی والدہ کے ساتھ اپنی بات چیت مکمل کی تھی جب اسکول کے ایک دوست نے اسے فون کیا جس سے یہ ظاہر ہوا کہ اس کا پیغام تمام ڈیجیٹل سوشل پلیٹ فارمز پر وائرل ہو چکا ہے۔
جیسے ہی سارہ نے اپنا فیس بک اکاؤنٹ کھولا، اسے ٹیلی ویژن کے پروڈیوسروں اور پریس رپورٹرز کے سینکڑوں پیغامات ملے جن میں اس سے ملنے کے لیے کہا گیا تاکہ وہ اپنے مخصوص اقدام کے بارے میں بات کریں۔
اگلے دن، سارہ سب سے مشہور اور سب سے زیادہ دیکھے جانے والے امریکی ٹیلی ویژن شوز میں سے ایک پر نمودار ہوئی۔ پروگرام پیش کرنے والے نے اسے ایک بہت ہی پرتعیش واشنگ مشین، ایک جدید ٹیلی ویژن سیٹ اور دس ہزار ڈالر دیے۔ اس ایک الیکٹرانکس کمپنی سے پانچ ہزار ڈالر کا پرچیز واؤچر حاصل کیا۔ اس پر تحائف کی بارش ہوئی یہاں تک کہ اس کے عظیم انسانی رویے کی تعریف میں حاصل ہونے والی رقم $100,000 سے زیادہ تک پہنچ گئی۔

دو کھانے جن کی قیمت چند ڈالر + $100 سے زیادہ نہیں تھی نے اس کی زندگی بدل ڈالی۔

سخاوت یہ نہیں ہے کہ جس چیز کی آپ کو ضرورت نہیں ہے وہ کسی کو دے دیں بلکہ سخاوت یہ ہے کہ جس چیز کی آپ کو ضرورت ہے وہ کسی دوسرے ضرورت مند کو دے دیں۔

حقیقی غربت انسانیت اور رویوں کی غربت ہے۔

لوگوں کو ہمہ وقت نصیحت کی ضرورت نہیں ہوتی! کبھی انہیں تھامنے والا ہاتھ، سننے والا کان، اور سمجھنے والا ایک دل بھی درکار ہوتا ہے .🙏

سعد بن عبادہ ؓ نے آپ ﷺ سے پوچھا، یا رسول الله! میری والدہ کا انتقال ہوگیا ہے اور میں اس وقت موجود نہیں تھا، تو اگر میں ان کی طرف سے صدقہ (خیرات) کروں تو اُنہیں اس کا فائدہ پہنچے گا؟
آپ ﷺ نے فرمایا: "ہاں!"

بخاری 2762
(بخاری 2756، 2770؛ ترمذی 669؛ ابوداؤد 2882؛ نسائی 3685، 3680)

اِس اِنتظار میں مت رہیں کہ کوئی دُوسرا آپ کو روشن کرے گا۔ یہاں سب کو اپنی پڑی ہے خود کو خود روشن کیجیے تاکہ آپ کی روشنی دوسروں کی زندگی کے اندھیرے دور کر سکے.

سب سے بڑی اچھائیاں وہ ہیں جن سے دوسروں کو سب سے زیادہ فائدہ پہنچے۔
ارسطو

اپنے ہر عمل سے پہلے اپنی نیت کا رخ درست کر لیجیے، اسے اللہ کے لیے خالص کر لیجیے، کیونکہ درست سمت ہی منزل تک لے جاتی ہے، نیک نیتی کا راستہ خیر کا راستہ ہے، جو سیدھا رب کی رضا سے جا کر ملتا ہے

اگر کسی کے بس میں کسی کے کام آنے کی طاقت ہو تو کر دیا کریں سب کچھ اِدھر ہی رہ جانا ہے انسانیت ہی آخر میں کام آئے گی✨💛

❞ اگر آپ کی ذات لوگوں کے لیے پھل دار درخت جیسی نہیں ہے تو کوشش کریں آپ کا کردار لوگوں کے لیے سایه دار درخت جیسا ضرور ہو۔❝
اینڈریو جیکسن

نبی کریمﷺ نے فرمایا
بے شک اللہ تعالی تمھاری شکلوں اور تمھارے مالوں کی طرف نہیں دیکھتا
بلکہ وہ تمھارے دلوں اور تمھارے اعمال کی طرف دیکھتا ہے۔
(مسلم 2564)

❞ انسان جتنا ذہین اور مہربان ہوتا ہے، اتنا ہی وہ لوگوں میں اچھائیاں دیکھتا ہے، اور جتنا زیادہ احمق اور بُرا ہوتا ہے، اُتنا ہی اُن میں عیب اور خامیاں دیکھتا ہے۔❝
لیو ٹالسٹائی

ہمیشہ ان لوگوں کے ساتھ اچھا سلوک کریں جن کی کوئی پرواہ نہیں کرتا ہے۔
~ آسکر وائلڈ