Jaamia Al Sadique-ul-Amin

امام طبرانی قدس سرہ نے حضرت حذیفہ رضی اللہ تعالی عنہ سے روایت کیا کہ نبی کریم صلی اللہ علیہ وعلی الہ وسلم نے فرمایا کل کی شب اس حجرہ کے پاس میری تمام اگلی پچھلی امت میرے سامنے لائی گئی حضرت حذیفہ رضی اللہ تعالی عنہ نے عرض کی یا رسول اللہ صلی اللہ علیہ وسلم اپ کی وہ امت جو پیدا ہو چکی ہے وہ تو اپ پر پیش کی گئی ہوگی مگر جو ابھی تک پیدا ہی نہیں ہوئی وہ کیسے پیش کی گئی ہے اپ صلی اللہ علیہ وسلم نے فرمایا وہ اس طرح پیش کی گئی کہ ان کی صورتیں میرے روبرو مٹی میں بنا دی گئیں اور اب میں ان کو اس طرح پہچانتا ہوں جیسے تم میں سے کوئی ادمی اپنے ساتھی کو پہچانتا ہے
علامہ یوسف نبھانی جواہر البحار
جامعہ الصادق الامین

نبی اکرم صلی اللہ علیہ وعلی الہ وسلم کے مواشی ( گھوڑے)
1 "سکب" نام کا گھوڑا تھا جو سیاہ مائل بسرخی اور سفید پیشانی٫ ہاتھ پاؤں کی سفیدی والا تھا اس کا دایاں ہاتھ سفید نہیں تھا اس گھوڑے کو اپ نے جنگ احد میں استعمال فرمایا ہے
۲ "مرتجز" یہ وہ گھوڑا ہے جس کی (خریدنے کے بعد بوقت قبضہ) حضرت خزیمہ بن ثابت رضی اللہ تعالی عنہ نے گواہی دی تھی نبی پاک نے اپ کی گواہی کو دو گواہوں کے برابر قرار دے دیا
3 "لراز" اسے مقوقس شاہ مصر نے بطورہدیہ بھیجا تھا
4 "لحیف" اس گھوڑے کو ربیعہ بن ابی البراءنے تحفہ کے طور پر پیش کیا تھا
5 "ظرب" اسے حضرت فروا جزامی نےبطور ہدیہ پیش کیا تھا
6 "ورد" اس کو حضرت تمیم داری رضی اللہ تعالی عنہ تحفہ کے طور پر حضور اکرم صلی اللہ علیہ وسلم کی خدمت اقدس میں لائے تھے
7 "سبحہ" جس کا نام امام نووی نے "شنجہ" لکھا ہے
8 "مرداح"
9 "بحر" اسے نبی اکرم صلی اللہ علیہ وسلم نے یمنی تاجروں سے خریدا تھا نبی اکرم صلی اللہ علیہ وسلم نے تین مرتبہ مسابقت (بطورمقابلہ دوڑانا) فرمائی یہ تینوں مرتبہ سب سے اگے رہا غالبا دوڑانے کے بعد نبی کریم صلی اللہ علیہ وسلم نے اپنا دست اقدس اس کی پیشانی پر پھیرا کر فرمایا "روانی میں تو سمندر ہے"
امام نووی میں دسویں گھوڑے کا نام نہیں بتایا شیخ محقق قدس سرہ نے اپ کے دسویں میں گھوڑے کا نام
10ضریس بتایا ہے
(جواہر بہار فی فضائل النبی المختار) جامعہ الصادق الامین