Generous Jhelum

جہلم( ): گزشتہ روز ڈپٹی کمشنر راؤ پرویز اختر نے عید الاضحیٰ سے قبل المرکز کمیونٹی سینٹر میں بازار مہربانی لگا کر بچوں، خواتین اور مستحق افراد میں کپڑے، جوتے، چوڑیاں اور دیگر تحائف تقسیم کیے۔ اس موقع پر ڈپٹی کمشنر راؤ پرویز اختر کے ہمراہ ڈاکٹر شہزانہ امتیاز، پی ایم اے جہلم ڈاکٹر تفسیر گوندل، سماجی کارکن فرحت کمال ضیا اور دیگر افراد نے کثیر تعداد میں شرکت کی۔ ڈپٹی کمشنر راؤ پرویز اختر کا کہنا تھا کہ بازار مہربانی کا مقصد غریب اور مستحق افراد کو عید کی خوشیوں میں برابر کا شریک کرنا ہے، بازار مہربانی میں مستحق افراد کو جوتے، کپڑے اور دیگر اشیاء مفت تقسیم کر رہے تاکہ وہ بھی عید کی خوشیاں منا سکیں۔ ڈپٹی کمشنر نے کہا کہ ہم سب کو مل کر معاشرے میں غریب اور مستحق افراد کا خیال رکھنا چاہیے۔ انہوں نے کہا کہ عید الاضحی ہمیں قربانی اور بھائی چارے کا درس دیتی ہے جس کے لئے ضروری ہے کہ اس مقدس مذہبی تہوار پر ہم بھائی چارے کا مظاہرہ کرتے ہوئے مستحقین کاخاص خیال رکھیں۔

ڈپٹی کمشنر راؤ پرویز اختر نے احساس روزگار پروگرام کے تحت بے سہارا، سپیشل افراد اور بیوہ خواتین میں پش کارٹ اور سلائی مشینیں تقسیم کی۔ ڈپٹی کمشنر نے 15 ریڑھیاں تقسیم کی جس کے ساتھ پھل اور سبزیاں بھی موجود تھیں، اس کے علاؤہ انہوں نے بیوہ اور بے سہارا خواتین میں سلائی مشینیں بھی تقسیم کی۔ ڈپٹی کمشنر راؤ پرویز اختر کا کہنا تھا کہ احساس روزگار پروگرام کا مقصد خصوصی افراد اور بے سہارا خواتین کو روزگار کے مواقع فراہم کرنا ہے تاکہ وہ باعزت طریقے سے رزق حلال کما کر معاشرے میں سر اٹھا کر جی سکیں ہیں اور انہیں کسی کا محتاج نہ ہونا پڑے۔اس موقع پر انکے ہمراہ ڈپٹی ڈائریکٹر سوشل ویلفیئر واجد حسین اور سماجی کارکن فرحت کمال ضیا بھی موجود تھے۔

"احساس روزگار اسکیم"
منجانب ڈپٹی کمشنر جہلم راو پرویز اختر

“Initiative of Deputy Commissioner Jhelum”

First wedding ceremony of daughter of martyr of Police Department under “Aqad Asan Program“ in Jhelum

Inauguration of *Bazaar Mehrbani (بازار مہربانی)* in Ramzan Bazars of District Jhelum. It is an effort to share celebrations of Eid-al-Fitr with the poor and needy people, led by Mrs. Deputy Commissioner and Dr. Shazana.

جہلم27مارچ ( ): ڈپٹی کمشنر راؤ پرویز اختر کی عقد آسان پروگرام کے تحت البلال ریسٹورنٹ تحصیل جہلم میں ہونے والی شادی کی تقریب میں بطور مہمان خصوصی شرکت۔ اس موقع پر ایڈیشنل ڈپٹی کمشنر جنرل عمر شیرازی بھی ان کے ہمراہ موجود تھے۔ ڈسٹرکٹ کوآرڈینیٹر عقد آسان پروگرام فرحت کمال ضیا سمیت دیگر افسران نے شادی کے تمام تر انتظامات اپنی نگرانی میں کروائے۔ ڈپٹی کمشنر نے دولہا اور دلہن کو تحائف بھی دیے۔ تقریب کے موقع پر ڈپٹی کمشنر راؤ پرویز اختر نے بتایا کہ عقد آسان پروگرام کے تحت ہونے والی یہ چھٹی شادی ہے۔ عقد آسان پروگرام نکاح کو آسان بنانے کے حوالے سے ضلع جہلم میں شروع کیا گیا ایک منفرد اور بہت ہی اچھا اقدام ہے۔ ڈپٹی کمشنر نے اپنی پوری ٹیم کو خراج تحسین پیش کیا کہ جو سماجی کاموں میں بڑھ چڑھ کر حصہ لے رہے ہیں اور معاشرے کی بہتری کے لیے اجتماعی طور پر کام کر رہے ہیں۔ اس پروگرام کے تحت ضلعی انتظامیہ جہلم اور پرائیویٹ میرج ہالز ایسوسی ایشن مل کر کام کر رہی ہے۔
شادی کی تقریب کے تمام تر انتظامات کورونا ایس او پیز پر عملدرآمد کرتے ہوئے بہت ہی اعلیٰ معیار کے تھے۔ تقریب میں آئے مہمانوں کی جانب سے تمام تر انتظامات کو بہت سراہا گیا۔ اس موقع پر ڈسٹرکٹ کوآرڈینیٹر عقد پروگرام فرحت کمال ضیا نے مہمانوں سے کھانے کے معیار بارے دریافت کیا اور ہوٹل انتظامیہ کو بہترین انتظامات کرنے پر سراہا۔

Allhamdolilha 3rd wedding of Aqad Assan program at sunflower given dinner set and 10000Rs salami to bride in addition to free lunch by the wedding lawn owner.

محکمہ خواندگی و غیر رسمی بنیادی تعلیم، جہلم، حکومتِ پنجاب-

ضلع جہلم سے منسلک کوئی شخص اگر نان فارمل سکول اڈاپٹ کر کے نیک کام میں حصہ ڈالنا چاہتا ہے تو ڈی ای او لٹریسی سے رابطہ کرے یا ڈی سی دفتر سے رابطہ کرے- نان فارمل سکول کو اڈاپٹ کرنے کے بعد آپ کو ماہانہ 2500 سے 3000 روپے تک سکول کے بچوں کے لیے Stationery یا COVID Protection Items ماسک، سینیٹائزر وغیرہ مہیا کرنا ہوں گے- یہ سب چیزیں آپ One Time Support سے بھی مہیا کر سکتے ہیں- آپ ایک سکول کو ایک ہی بار 33000 سے 35000 کی Stationary یا School Bags یا بچوں کو Clothes لے کر دے سکتے ہیں-

نوٹ: سکول اڈاپٹ کرنے کے بعد آپ سے کسی بھی قسم کے پیسے وصول نہیں کیا جائیں گے بلکہ صرف اوپر بتائی گئی مندرجہ ذیل سکول اور بچوں کی ضرورت کی چیزیں ہی وصول کی جائیں گی۔۔۔حسب توفیق آپ سب دوستوں سے درخواست ہے کہ نیک کام میں حصہ ڈالیں اور محروم طبقات میں علم کی روشنی پھیلانے میں ہمارا ساتھ دیں۔۔شکریہ۔

ڈپٹی کمشنر جہلم راؤ پرویز اختر کی نکاح کو آسان بنانے اور غرباء و مساکین کی بیٹیوں کی رخصتی کو آسان بنانے کے لئے ایک سنجیدہ کوشش- ضلعی انتظامیہ اور شادی ہال مالکان کا مشترکہ منصوبہ- ہر ماہ کم ازکم 15 بیٹیوں کی رخصتی پر 100 مہمانوں کی ون ڈش سے شادی ہال میں تواضع- درخواست کی تصدیق کے دوران عزت نفس کا خیال رکھا جائے گا- درخواست دہندگان اپنی درخواست اسسٹنٹ کمشنر جہلم کے پاس جمع کروا سکتے ہیں ہیں-