Hammad Hameed

سکول کا پرنسپل ایک گوشت والی بڑی شاندار شاپ میں داخل ہوا اور وہاں کاؤنٹر پر بیٹھے لڑکے سے کہا بیٹا دو کلو گوشت دینا ۔
وہاں لڑکے نے کہا جی جناب آپ بیٹھیں اور ایک کپ چائے بھی پیش کردی اور اپنے ملازمین سے کہا کہ دو کلو اچھا گوشت بنائیں ۔
گوشت بیگ میں ڈالنے کے بعد ملازمین نے خود جاکر اس کی چھوٹی سی گاڑی میں رکھ دیا۔
پرنسپل نے جب پیسے دینے چاہے تو اس لڑکے نے منع کردیا تو پرنسپل نے پوچھا بیٹا تم نے اتنی میری خدمت کی اور گوشت کے پیسے بھی نہیں لیے ، کیا تم مجھے جانتے ہو ؟
تو اس لڑکے نے کہا آپ میرے استاد ہیں ۔ یاد ہے اپکو جب میں نے کلاس میں ایک غلطی کی تھی تو آپ نے کہا تھا کہ تب تک کلاس میں تم داخل نہیں ہوسکتے جب تک تم اپنے سرپرست کو ساتھ نہ لے کر آجاؤ تو میں سکول سے بھاگ گیا اور ایک چھوٹی سے قصائی کے ہاں کام شروع کردیا تھا ۔اب الحمدللہ میرے پاس اپنی چار بڑی بڑی گوشت کی دکانیں ہیں ،ایک بڑا فارم ہے اور ایک شاندار گھر بھی میں نے لے لیا ہے ۔
تب پرنسپل نے ایک سرد آہ بھری اور کہا جی بیٹا مجھے یاد آگیا کاش میں بھی تمہارے ساتھ اس دن بھاگ جاتا 😄

ایک سروے سے پتہ چلتا ہے کہ 10 میں سے صرف 1 پاکستانی کا خیال ہے کہ ملک درست سمت میں جا رہا ہے۔ یہ اعدادوشمار ملک کی موجودہ رفتار کے بارے میں وسیع تر خدشات کی عکاسی کرتا ہے۔

😢💔

گزشتہ تین ہفتوں سے لاپتہ

یہ واحد چیز ہے سونے کے لیے ایک گدا ! جو اس رائیلی فوج نے گھر سے اٹھانے دیا جس کو یہ معصوم بچی اٹھاکر نامعلوم مقام کی طرف رواں دواں ہے !

جب بیٹیاں بڑی ہوتی ہیں تو ان کی ماں چھوٹی چھوٹی چیزیں ان کے لیے بچاکر رکھتی ہے اور لڑکی بھی اپنی چیزوں کو بڑے پیار سے سنوار کر اور سنبھال کر رکھنا شروع کردیتی ہیں کہ یہ جہیز ہے ! اور لڑکی کو اپنے اس سامان کے ساتھ ایک انسیت اور محبت ہوجاتی ہے بڑا خیال رکھتی ہے اس کا !

آہ! سب چھوڑ دیا یارب تیری رضاء کی خاطر بس یہی گدا بچا ہے

‏وہ شے جو ایک نئے دور کی بشارت ہے
‏ترے لہو کی تڑپتی ہوئی حرارت ہے
‏نظامِ کہنہ کے سائے میں عافیت سے نہ بیٹھ
‏نظامِ کہنہ تو گرتی ہوئی عمارت ہے
‏وطن چمکتے ہوئے کنکروں کا نام نہیں
‏یہ تیرے جسم، تری روح سے عبارت ہے

‏مجید امجد

ایک تصویر، ڈھیروں جذبات! ارشد ندیم کی آج گھر واپسی ایسے ہوئی۔

باپ بیٹے کا پیار لاہور ایئرپورٹ کے باہر پہنچتے ہی ارشد ندیم کے والد روتے ہوئے ان کے گلے لگ گئے ❤️

لڑکی نے پی-ایچ-ڈی کی، والد نے فخر سے تصویر پوسٹ کی، پاکستانیوں نے کمنٹ کیئے کیسا باپ ہے بیٹی کی بنا شلوار کی تصویر اپلوڈ کر کے خوش ہورہا ہے لڑکی نے پردہ نہیں کیا ہوا کیا خاک تعلیم حاصل کی ہے۔
دوسری طرف لڑکی نے میٹرک میں ٹاپ کیا اور ایوارڈ لینے برقعہ پہن کر گئی پاکستانیوں نے کہا اسکی تعلیم کا کوئی فائدہ نہیں جس کو اپنا چہرہ دکھانے کی بھی اجازت نہیں ملی اس نے بس شوہر کے جوتے کھانے ہیں اور بارہ بچے پیدا کرے گی وغیرہ وغیرہ۔
ویلے جاہل لوگ کسی حال میں خوش نہیں جو جیسے خوش ہے اسے ویسے جینے دیں۔

ارشد ندیم نہیں جیتا، اس کی غربت بھی ساتھ جیتی ہے، اس کا وہ جذبہ بھی جیتا ہے، جو اسی سال اسے در بدر لئے پھرتا تھا کہ کہیں سے چند لاکھ مل سکیں،جس سے وہ جیولین یعنی وہ لکڑی خرید سکے،جو دنیا کے کھلاڑیوں کے پاس وافر پڑی رہتی ہیں۔ وہ جب جیولین پھینکنے نکلتا تھا، تو گھر سے خوراک کے نام پر ماں کے ہاتھ کا پکا پراٹھا کھا کے نکلتا تھا اور باہر کھیل کے میدان کے نام پر زمین کا ایک سادہ قطعہ اس کا منتظر ہوتا تھا، اس کے جیتنے کے ساتھ ہی ماں کا پراٹھا اور سادہ زمیں کا قطعہ بھی جیت گیا۔ اس کے ساتھ لاہور سے دور جنوبی پنجاب کا وہ شہر میاں چنوں بھی جیت گیا، جس کی گلیاں سادہ، جہاں کے لوگ عام سے اور جہاں کا تذکرہ صرف خوشی کی برفی کے ذیل میں ہوا کرتا تھا، آج ارشد کی جیت نے میاں چنوں کو اک نئی اور عالمی پہچان جیت کر دے دی ہے۔
ارشد ندیم کے ساتھ ہی وہ غریب باپ بھی جیت گیا، جو اپنے بچے کے کھیل پر حیران ہوا کرتا تھا کہ ایک لاٹھی کو زور سے دور پھینکنا بھی بھلا کوئی کھیل ہو سکتا ہے؟ کہ کھیل تو کرکٹ ہوا کرتا ہے، اس کھیل کو بھلا جانتا اور مانتا ہی کون ہے؟ آج لیکن اسی غیر معروف کھیل مگر ناقابل تسخیر جذبے کے ذریعے سے اس کا بیٹا کل جگ میں مشہور ہو گیا ہے، ہیرو ہی نہیں سپر ہیرو بن گیا ہے، ارشد کی جیت کے ساتھ اس کا شہر، اس کا ملک اور اس کا سادہ سا گھر بھی جیت گیا ہے۔
میں نے عربی کمنٹیٹر کو سنا، ارشد کے جیولین سنبھالنے ،ہاتھوں پر تولنے اور پھینکنے کیساتھ ساتھ جس کا رواں تبصرہ جاری تھا مگر جونہی ارشد نے کرشمہ کیا، وہ سب بھول کے اللہ اکبر کے نعرے لگانے لگا۔
میں نے انڈینز کو سنا جو کہتے تھے، ہمارا نیرج چوپڑا کم نہ پڑا تھا، ارشد ندیم مگر آج آوٹ آف سلیبس آگیا تھا۔ اس کا مقابلہ کون کر سکتا تھا کہ وہ تو حساب کتاب اور سارے نصاب سے باہر تھا، اس نے گولڈ ہی نہیں جیتا اپنے زور بازو اور غرور غربت سے جیولین تھرو کا سو سالہ ریکارڈ بھی تہس نہس کر کے رکھ دیا ہے۔
یہ دن کسی اور کا کیسے ہو سکتا تھا کہ یہ دن،صرف ارشد ندیم کا دن تھا۔ کروڑوں کے اخراجات کرکے اہتمام سے میدان میں اترنے والوں کے مقابل ایک نوجوان کی غربت و عسرت کا دن۔ یہ دن ایک چھوٹے شہر کے نظر انداز کردہ نوجوان کے پیرس جیسے خوشبووں کے شہر میں سجدہ کر دکھانے کا دن تھا۔
ارشد ندیم! تینوں رب دیاں رکھاں۔
ارشد ندیم! تم نے ساری دنیا میں سجدے کا منظر دکھا دیا،خدا تمھیں ہر منظر میں دکھائے۔
ارشد ندیم! تم اس قبیلے کا فخر ہو ۔۔ کہ
قیس سا پھر نہ اٹھا کوئی بنی عامر میں
فخر ہوتا ہے گھرانے کا سدا ایک ہی شخص

کوئی کامیابی ہو، ایک مسلمان اس کے بعد سر اٹھانے کے بجائے رب کے حضور اپنا سر جھکا دیتا ہے۔ یہ خوبصورت منظر بھی دھرتی پر صرف ایک مسلمان ہی تخلیق کر سکتا ہے۔