Darussalam Institute of Learning

دارالسلام کی فیملی کو رمضان مبارک 🥰

💚

دارالسلام انسٹیٹیوٹ آف لرننگ کی تقریب نتائج سے سرپرست ادارہ ہذا صاحبزادہ پیر میاں محمد بشیر نقشبندی ، پرنسپل دارالسلام حافظ فیضان المصطفیٰ ہاتف و دیگر خطاب کر رہے ہیں ۔

سرپرست ادارہ ہذا و معززین علاقہ دارالسلام کے پوزیشن ہولڈر طلباء و طالبات کو انعامات سونپ رہے ہیں ❤️

کل منعقد ہونے جا رہا ہے دارالسلام کے سالانہ نتائج پر منفرد پروگرام 💚

گھر کے کپڑوں پر یونیفارم پہن کر آنے والے بچّوں کو سال 2024 مبارک 🥰

دارالسلام انسٹیٹیوٹ آف لرننگ کے بچوں کی بنائی ہوئی کچھ مساجد کی ڈرائنگز 💚

دارلسلام انسٹیٹیوٹ آف لرننگ کی جانب سے سب کو عید مبارک ❤️

درخت زندگی ہیں|

یہ بات ہر خاص و عام جانتا ہے کہ اگر اعضائے جسمانی سے معدہ ، دل ، جگر ، گردے ، پھیپھڑے ، دماغ بیمار ہو جائیں یا ختم ہو جائیں تو یہ اس انسان کی زندگی کا خاتمہ ثابت ہوتا ہے ۔ پھر تصور کیجیے کہ کل انسانی آبادی کا یہ حال ہو جائے تو گویا انسانی نسل ختم ہو جائے گی ۔ سانس کے بنا انسان چند لمحوں کا مہمان بن جاتا ہے ۔ ذرا سوچیے کہ پھیپڑے تو سلامت ہوں مگر ان کو آکسیجن نہ ملے تو ایسے صحت مند پھیپھڑے انسان کو بچا پائیں گے ؟ ہرگز نہیں ۔ آکسیجن اگر ختم ہو جائے تو نسل انسانی کی بقا ممکن نہیں ۔ ایک آکسیجن سلینڈر 12000 سے 20000 میں ملتا ہے ۔ اگر زندگی بھر آکسیجن خریدنا پڑ جائے تو کون جی پائے گا ۔

یہ درخت جنہیں معمولی سی چیز سمجھ کر بے دردی سے کاٹ دیا جاتا ہے یہی آکسیجن کے چشمے ہیں ۔ ہمارے پھیپھڑوں سے نکلنے والی زہریلی گیس ( کاربن ڈائی آکسائڈ) کو خود میں جذب کر کے ہمیں صحت بخش غذا ( آکسیجن) فراہم کرتے ہیں ۔ باقی سارے فوائد کو پس پشت ڈال دیجیے ، درختوں کو نکال کر انسان کی آکسیجن کی ضرورت پوری کرنے کا منصوبہ بنائیے سوائے خود کشی کے کوئی راستہ نہیں پائیں گے ۔

ہمارے ہاں پرانی گھاس اور جھاڑیوں کو ختم کرنے کے لیے آگ لگا دی جاتی ہے ، جس کی پاداش میں یہ بیرونی انسانی پھیپھڑے ( درخت) جل جاتے ہیں ۔ آگ ان کے تنوں ، ٹہنیوں ، پتوں اور جڑوں کو بیمار کر دیتی ہے بلآخر وہ درخت ختم ہو جاتا ہے ۔ ہرے بھرے علاقوں کو اس لگائی جانے والی آگ نے بنجر کرنا شروع کر دیا ہے ۔ دیولیاں سے دھنی کی طرف اوپر جو جنگل ہے گزشتہ سال لگنے والی آگ نے وہاں کیا حال کر دیا ہے شاید زندہ دل لوگوں سے پوشیدہ نہیں ۔ اب بھی مختلف جگہوں میں آگ لگی ہوئی ہے ، لگائی جا رہی ہے مگر درختوں کی حیات کا کسی کو خیال نہیں ۔ آج اگر ہم نے اس ظلم کو روکا نہیں تو ہماری نسلیں ایک بھیانک کرب و اذیت میں مر جائیں گی ۔ خدارا جنگل اور جنگلی حیات کی حفاظت کریں ، انہیں سے کائنات کا حسن باقی ہے 💔۔

دارالسلام انسٹیٹیوٹ آف لرننگ شجر کاری و آگہی مہم ۔

پابندی وقت سرگرمی|

تعلیمی مقاصد میں سے ایک یہ ہے کہ معاشرے کو منظم اور باقاعدہ افراد فراہم کیے جائیں ۔ فرد میں تنظیم اور نظم و ضبط پیدا کرنے کے لیے بچپن میں دی گئی سرگرمیاں موثر ترین ذریعہ ثابت ہو سکتی ہیں ۔ دفاتر میں ، اداروں میں انٹری کا ایک خاص وقت ہوتا ہے ۔ زندگی کا کوئی سا بھی کام کرنا ہو تو اس کے لیے وقت کی پابندی سے انکار نہیں کیا جا سکتا ۔ سکول میں گزشتہ چند دنوں سے بچوں کو ایک مخصوص ٹاسک دیا گیا کہ انہوں نے اتنے منٹ سے اتنے منٹ میں سکول زون میں داخل ہونا ہے ۔ مقررہ وقت سے پہلے اور بعد میں آنے والے پوائنٹ حاصل نہیں کر سکیں گے ۔ پہلے دنوں تو مشکلات رہیں مگر آخر بچوں نے بہترین نتائج دیے اور مقررہ پانچ منٹوں میں سکول زون میں داخلہ کا بھرپور مظاہرہ کیا ۔ ہماری محنت ایک روشن مستقبل کے لیے ہے ۔ ابھی ہمیں بہت سی رکاوٹیں درپیش ہیں وہ ختم ہو جائیں تو اپنے رب سے امید ہے کہ وہ اپنے فضل سے ہمیں بہت سی بہتریاں اور کامیابیاں نصیب کرے گا ۔

تمام عاشقان رسول ﷺ کو ماہ میلاد کی آمد مبارک ❤️۔

1965 میں دفاع پاکستان کے لیے لڑنے والے شہیدوں اور غازیوں کے نام
اے راہ حق کے شہیدو وفا کی تصویرو
تمہیں وطن کی ہوائیں سلام کہتی ہیں ❤️

میٹرک میں کامیابیاں سمیٹنے والوں کو ڈھیروں مبارکباد ❤️
سیڑھی نہ چڑھ سکنے والوں کے لیے محنت اور لگن کی دعائیں ۔

امام حسین اور آپ کے رفقا کی کربلا میں دین اسلام کی بقا کے لیے پیش کی گئی قربانیاں قیامت تک یاد رکھی جائیں گی ۔
سلام اے شہدائے کربلا ❤️۔

گرمیوں کی تعطیلات ختم ہونے پر اگلے سوموار 15 اگست سکول کھل رہے ہیں
والدین کی ذمہ داری ہے کہ بچوں کا باقی ماندہ کام بر وقت کام ختم کروائیں اور پہلے ہی دن سکول روانہ کریں۔
علمی سفر میں ایک دن کا خلا کروڑوں کی مالیت کے نقصان سے بڑھ کر ہے ۔
آج ان نونہالوں کی تعلیم پر توجہ دیں کل یہی بچے آپ کی عزت کا سبب بنیں گے 😍۔

" تعلیم بچوں کا بنیادی حق ہے " یہ جملہ ہر زباں پہ ہے مگر وہ تعلیم ہے کیا ؟.
اس کی حقیقت کم ہی بتاتے ہیں ۔ وہ تعلیم ، تعلیم نہیں جو آپ سے اقدار و روایات چھین لے ۔ جو آپ کو خدا کے مقابل لا کھڑا کرے ۔ تہذیب و تمدن کو زہر آلو کرنے والے نصاب تعلیم نہیں ۔

بچوں کو ان کا اصلی حق دلانے کے لیے آ جائیں " دارالسلام " کے سائے تلے ۔ یہاں وہ علم ملے گا جو تہذیب و تمدن کو معطر کر دے ۔ اقدار کی حفاظت کا عہد یاد دلائے اور رب العالمین سے اصل ناطے کی طرف لوٹا سکے ۔