APSCA

آزاد کشمیر پرائیویٹ سکولز اینڈ کالجز ایسوسی ایشن کے مرکزی صدر سید اشتیاق بخاری کی ایپسکامظفرآباد کے ضلعی صدر سید طارق رشید کاظمی کے ہمراہ اسپیشل سیکرٹری پرائیویٹ سکولز رجسٹریشن اتھارٹی سید سلیم گردیزی سے ملاقات ۔ملاقات میں 26 دسمبر 2023 کو اتھارٹی کی ہونے والی میٹنگ کے حوالے سے امور ڈسکس کیے گیے ۔مرکزی صدر ایپسکا کی تجویز پر سپیشل سیکرٹری نے میٹنگ کے ایجنڈے میں مزید امور شامل کرنے کے احکامات جاری کیے۔۔ میٹنگ میں سیکرٹری اطلاعات مرکز سید حمزہ شاہین ایپسکا ضلع مظفرآباد کے سینئر نائب صدر سید آصف گیلانی سیکرٹری اطلاعات ایپسکا مظفرآباد سعدالرشید ہاشمی بھی شامل تھے۔

آزاد کشمیر پرائیویٹ سکولز اینڈ کالجز ایسوسی ایشن ضلع مظفرآباد کے نو منتخب صدر سید طارق رشید کاظمی نے ریاست کے نامور ماہر تعلیم اور گورنمنٹ علی اکبر اعوان ماڈل ہائی اسکول مظفرآباد کے سابق پرنسپل سر عبدالرؤف جدون کی وفات پر ایک تعزیتی بیان میں کہا ہے کہ سر عبدالرؤف جدون کی وفات ریاست بھر کے علمی حلقوں کے لیےایک عظیم سانحہ ہے۔ مرحوم کی ریاست بھر میں تعلیم کے لیے مثالی خدمات ہیں انھوں نے علی اکبر اعوان ماڈل ہائی اسکول کو ریاست بھر کا نامور ادارہ بنانے میں بھرپور محنت کی ان کے ہزاروں شاگرد اس وقت نا صرف پاکستان میں بلکہ دنیا بھر میں مختلف شعبہ ہائے زندگی میں اپنی خدمات انجام دے رہے ہیں ۔اس موقع پر سید طارق رشید کاظمی نے گفتگو کرتے ہوئے کہا کہ مجھ سمیت اس وقت مظفرآباد کے بیشتر نجی تعلیمی اداروں کے مالکان مرحوم سر عبدالرؤف جدون کے شاگردوں میں سے ہیں ۔ اس موقع پر سیکرٹری اطلاعات ایپسکا ضلع مظفرآباد سعدالرشید ہاشمی نے سر عبدالرؤف جدون کے ایصال ثواب کے لیے فاتحہ خوانی کی۔

ایپسکا کی نو منتخب قیادت نجی شعبہ تعلیم کو درپیش مسائل کے حل کے لیے کوشاں۔۔۔

بشکریہ یونس نیازی صاحب

یوم سقوط ڈھاکہ کسے کہتے ہیں ۔۔۔ اگر احباب رہنمائی کر دیں

آزاد کشمیرپرائیویٹ سکولز اینڈ کالجز ایسوسی ایشن ضلع مظفرآباد کے صدر سید طارق رشید کاظمی نے بطور فوکل پرسن ایپسکا پاکستان ریڈ کریسنٹ سوسائٹی کے کوآرڈینیٹر سید یاسر عرفات سے ملاقات کی ،ملاقات میں ایپسکا اور پاکستان ریڈ کریسنٹ سوسائٹی کے ممکنہ ایم او یو پر تفصیلی بات چیت کی گئی ۔ اس موقع پر بات چیت کرتے ہوئے ایپسکا کے ضلعی صدر سید طارق رشید کاظمی نے کہا کہ ہماری ہر ممکن کوشش ہے کہ ہم ریاست کے ہر ادارہ سے مل کر بچوں کی تعلیمی، ذہنی، جسمانی اور معاشرتی استعداد کار کو بڑھائیں تاکہ نجی تعلیمی اداروں کے بچے معاشرے کے لئے مفید شہری بن سکیں۔ ایم او یو سائن ہونے کے بعد پاکستان ریڈ کریسنٹ آزاد کشمیر کے تمام نجی تعلیمی اداروں میں بچوں کے لیے مختلف پروجیکٹس پر کام شروع کر دے گا۔

آزاد کشمیر پرائیویٹ سکولز اینڈ کالجز ایسوسی ایشن کی مرکزی نائب صدر اور منیجنگ ڈائریکٹر میڈم فریدہ مشتاق کی جانب سے آزاد کشمیر پرائیویٹ سکولز اینڈ کالجز ایسوسی ایشن کی نومنتخب مرکزی ،ضلعی اور کیپیٹل مظفرآباد کی کیبنٹ کے اعزاز میں عشائیہ دیا گیا۔ عشائیہ میں وزیر تعلیم سکولز آزاد حکومت ریاست جموں وکشمیر دیوان علی خان چغتائی اور چئیرمین میرپور تعلیمی بورڈ آزادکشمیر نے بھی وفد کے ہمراہ شرکت کی۔ تقریب میں نشاد بٹ مرکزی سیکرٹری مالیات آزاد کشمیر پرائیویٹ سکولز اینڈ کالجز ایسوسی ایشن نے سٹیج سیکرٹری کے فرائض سر انجام دیے۔۔ تقریب کی صدارت آزاد کشمیر پرائیویٹ سکولز اینڈ کالجز ایسوسی ایشن کے مرکزی صدر سید اشتیاق حسین بخاری نے کی ۔تقریب کا آغاز کنٹرولر امتحانات میرپور بورڈ قاری مشتاق نے خوبصورت انداز میں تلاوت قرآن پاک سے کیا اس کے بعد ایپسکا کیپیٹل مظفرآباد کے سیکر ٹری مالیات سید شعیب کاظمی نے نعت رسول مقبول صلی اللہ علیہ وآلہ وسلم پیش کی ۔ میڈم فریدہ مشتاق مرکزی نائب صدر ایپسکا نے ایپسکا کی مرکزی ،ضلعی اور کیپیٹل کی کیبنٹ ، وزیر تعلیم سکولز اور چئیرمین تعلیمی بورڈ میر پور سمیت دیگر تمام مہمانان گرامی کو تقریب میں آمد پر خوش آمدید کہا اور ان کا شکریہ ادا کیا۔اس موقع پر سید اشتیاق حسین بخاری نے اپنے خیالات کا اظہار کرتے ہوئے میڈم فریدہ مشتاق کا شکریہ ادا کیا جنھوں نے یہ مجلس سجا کر سب کو مل بیٹھنے کا موقع فراہم کیا ،انھوں نے وزیر تعلیم سکولز کی توجہ نجی تعلیمی اداروں کے مسائل پر دلوائی اس کے علاوہ انھوں نے چئیرمین میرپور بورڈ کی موجودگی میں گفتگو کرتے ہوئے کہا کہ ماضی میں ہمیں تعلیمی بورڈ میرپور سے بیسیوں شکایات تھیں لیکن گذشتہ ایک سال جب سے چوہدری نذر حیسن چئیرمین میرپور تعلیمی بورڈ بنے ہمیں بورڈ میں انقلابی اصلاحات نظر آئیں اور دن بدن تعلیمی بورڈ میرپور بہتری کی جانب گامزن نظر آتا ہےاس کا کریڈٹ چوہدری نذر حسین صاحب کو جاتا ہے ۔ انھوں نے مزید کہا کہ چوہدری نذر حسین بورڈ میں چند سال اور رہے تو ان کی صلاحیتوں ، خلوص اور محنت کی بدولت تعلیمی بورڈ میر پور آزاد کشمیر کا شمار ملک کے بہترین بورڈز میں ہونے لگے گا۔۔۔۔سید اشتیاق بخاری نے مزید کہا کہ پرائیویٹ تعلیمی ادارے اور بورڈ ایک ہی پارٹ کا حصہ ہیں ہم الگ نہیں ہیں ماضی میں بورڈ ہم سے سوتیلی ماں جیسا سلوک کرتا رہا ہے جب سے چوہدری نذر حسین صاحب نے چئیرمین بورڈ کا چارج سنھبالا ہمارے ساتھ بورڈ کا رویہ بہتر ہونے لگا ہے کچھ مسائل جو ہمارے اور بورڈ کے مابین ہیں ہمیں یقین ہے کہ چوہدری نذر حسین صاحب کی معاملہ فہم شخصیت کے ہوتے ہوئے خوش اسلوبی سے حل ہو جائیں گے۔ انھوں نے مزید کہا کہ بورڈ کے فیس اضافوں پر ایپسکا نے کورٹ میں رٹ دائر کر رکھی ہے ہم آج میزبانی کی عمدہ روایت قائم کرتے ہوئے اعلان کرتے ہیں کہ ہم کورٹ سے اپنی رٹ واپس لیتے ہیں لیکن بورڈ بھی ہمارے اس اقدام کا مثبت جواب دیتے ہوئے چند ماہ پہلے ہمارے درمیان فیس اضافے پرطے شدہ معاملات پر عملدرآمد کرے۔ اس کے علاوہ مرکزی صدر ایپسکا نے بورڈ میں پیپر مارکنگ پر بھی اپنے تحفظات کا اظہار کرتے ہوئے پیپر مارکنگ کا سسٹم بہتر کرنے کا مطالبہ کیا ۔ تقریب سے خطاب کرتے ہوئے وزیر تعلیم سکولز دیوان علی خان چغتائی نےکہا کہ گورنمنٹ اور پرائیویٹ ادارے ایک ہی ہیں محکمہ تعلیم گورنمنٹ کے ساتھ ساتھ پرائیویٹ تعلیمی اداروں کے مسائل حل کرنے میں کوئی کسر نہیں چھوڑے گا انھوں نے تعلیمی بورڈ میرپور کی چند بے ضابطگیوں کا کابینہ اجلاس میں نوٹس لینے کا اعلان کیا، تعلیمی بورڈ میرپور چوہدری نذر حسین نے اس موقع پر گفتگو کرتے ہوئے کہا کہ تعلیم اور تربیت میں مشغولیت ہم دونوں کو ایک بناتی ہے اور ہم میں کوئی تفاوت نہیں ہے ۔ہمارے ہوتے ہوئے ان شاءاللہ نجی شعبہ تعلیم کو درپیش تمام مسائل بہتر انداز میں حل ہوں گےاور نجی تعلیمی اداراجات کے رٹ واپس لینے کے اعلان پر جناب چئیرمین نے کہا کہ رٹ واپس لینے کے اعلان کے بعد میں بھی اعلان کرتا ہوں کہ فیس کے اضافے پر جن باتوں پر چند ماہ قبل ہمارا مرکزی صدر ایپسکا سے اتفاق ہو چکا تھا ان پر عملدرآمد ہو گا ۔اس موقع پر سربراہان نے اپنے اداروں کے مسائل جناب چئیرمین کے سامنے رکھے جن پر جناب چئیرمین نے فوری احکامات جاری کیے۔آزاد کشمیر پرائیویٹ سکولز اینڈ کالجز ایسوسی ایشن ضلع مظفرآباد کی سرپرست اعلیٰ میڈم شیراز نوید ، اور ایپسکا مظفراباد ضلع مظفرآباد کے صدر اور پیراماؤنٹ سکول اینڈکالج کے منیجنگ ڈائریکٹر سید طارق رشید کاظمی ،ایپسکا مظفرآباد کے سینئر نائب صدر سید آصف گیلانی ، ایپسکا ضلع مظفرآباد کے جنرل سیکرٹری افتخار بٹ اور ایپسکا کیپیٹل مظفرآباد کے جنرل سیکرٹری سید جواد حیدر کاظمی نے بھی خطاب کیا۔ اس موقع پر ایپسکا مظفرآباد کے سیکرٹری اطلاعات سعدالرشید ہاشمی بھی موجود تھے جنھوں نے میڈم فریدہ مشتاق کو شاندار عشائیہ کی محفل سجانے پرخراج تحسین پیش کیا اور ان کا شکریہ ادا کیا۔

مرکزی نائب صدر میڈم فریدہ مشتاق نیو میتھڈ کالج اپر چھتر کی جانب سے چیئرمین تعلیمی بورڈ چوہدری نذر و وفد ہمراہ آزادکشمیر پرائیویٹ سکولز اینڈ کالجز مرکز، کیپٹل باڈی اور ضلعی عہدہ داران پر تکلف عشائیہ

ایپسکا مرکز ، کیپٹل اور ضلع مظفرآباد کے ہمراہ چیئرمین تعلیمی بورڈ کیساتھ عشائیہ

وزیر تعلیم آزاد حکومت ریاست جموں وکشمیر جناب دیوان علی چغتائی صاحب کی مرکزی صدر ایپسکا سید اشتیاق بخاری کے گھر آمد ،الیکشن جیتنے پر مبارکباد پیش کی اور ایپسکا کو درپیش مسائل ڈسکس کیے گئے

ایپسکا ریاست بھر کے تعلیمی اداروں کی ایک توانا آواز

آزاد جموں و کشمیر پرائیویٹ سکولز اینڈ کالجز ایسوسی ایشن ضلع مظفرآباد کے نو منتخب صدر ایم ڈی پیرا ماؤنٹ سکول اینڈ کالج مظفرآباد سید طارق رشید کاظمی کا کوشر سکول اینڈ کالج مانک پیاں مظفرآباد کا دورہ ایم ڈی ادارہ ہذا اور بچوں کی جانب سے ضلعی صدر منتخب ہونے پر مبارکباد پیش کی گئی۔نو منتخب صدر نے کلاسز کا وزٹ کیا اور بچوں کی پراگرس کو نہایت تسلی بخش قرار دیتے ہوئے ادارہ کے ایم ڈی نشاد بٹ صاحب کو مبارک باد پیش کی ۔نشاد بٹ نے ایپسکا مظفرآباد کے صدر کو ادارہ کے مختلف شعبوں کا وزٹ کروایا اور بریفنگ دی۔

آزاد کشمیر پرائیویٹ سکولز اینڈ کالجز ضلع مظفرآباد کے نو منتخب صدر سید طارق رشید کاظمی ایپسکا مظفرآباد کے سابقہ صدر اور موجودہ مرکزی سیکرٹری مالیات نشاد بٹ ایپسکا مظفرآباد کے کوآرڈینٹر اسحاق اعوان اورکپس سکول اینڈ کالج کے پرنسپل کاشف عزیز کے ہمراہ گھڑی دوپٹہ سکول وین واقعہ پر گھڑی دوپٹہ سکول پہنچ گے انھوں نے بچوں اور سکول انتظامیہ سے واقعہ کی تفصیلات جانیں ۔اس موقعہ پر سید طارق رشید کاظمی اور نشاد بٹ نے ایپسکا کی طرف سے مکمل تعاون کا یقین دلایا اور واقعہ کی شدید الفاظ میں مذمت کر تے ہوئے وزیر اعظم آزاد کشمیر سے مطالبہ کیا ہے کہ وہ اس دہشتگردی کا فوری نوٹس لیتے ہوئےتمام ملزمان کو فوری گرفتار کرنے کے احکامات جاری کریں ۔

ایپسکا کے نو منتخب مرکزی صدر سید اشتیاق بخاری کی نو منتخب مرکزی باڈی اورضلعی باڈیز کے صدور کے ہمراہ مشترکہ پریس کانفرنس ۔

ضلع بھمبر کا تفصیلی نوٹیفیکیشن جاری

ضلع جہلم ویلی کا تفصیلی نوٹی فیکیشن جاری

نو منتخب مرکزی صدر ایپسکا سید اشتیاق بخاری نے سیکرٹری ریڈ کریسنٹ کی دعوت پر آج ریڈ کریسنٹ سیکرٹریٹ مظفرآباد کا دورہ کیا، ریڈ کریسنٹ کے سٹاف نے مرکزی صدر کا استقبال کیا ، سیکرٹری ریڈکریسنٹ نے نومنتخب مرکزی صدر کو الیکشن جیتنے پر مبارک باد دی اور نیک خواہشات کااظہار کیا۔ بعد ازاں سیکرٹری ریڈ کریسنٹ کی خواہش پر ایپسکا کے ساتھ میٹنگ کا اہتمام کیا گیا۔ جس میں مرکزی صدر ایپسکا نے وفد کے ہمراہ شرکت کی، میٹنگ میں سیکرٹری ریڈ کریسنٹ نے ریڈ کریسنٹ کے مختلف پروجیکٹس پر بریفنگ دی ، بریفنگ کے بعد باہم مشاورت سے یہ طے پایا کہ ریڈ کریسنٹ نجی تعلیمی اداراجات میں مختلف پروجیکٹس شروع کرے گا جن میں ابتدائی طور پر بچوں کو فرسٹ ایڈ کی ٹریننگ ، ماحولیاتی آلودگی سے بچاؤ کی تدابیر، اور نجی تعلیمی اداروں کے بچوں کو شجرکاری کی افادیت سے آگاہ کرنے کے ساتھ ساتھ ریڈکریسنٹ کے تعاون سے شجرکاری کا پروجیکٹ شروع کرنا شامل ہیں ۔ اس موقع پر مرکزی صدر نے کہا کہ چونکہ میں پورے آزاد کشمیر کے نجی تعلیمی اداروں کا نمائندہ ہوں لہذٰا میں ریڈ کریسنٹ سے یہ کہوں گا کہ وہ اپنے تمام پروجیکٹس آزاد کشمیر بھر کے تمام نجی تعلیمی اداراجات میں لانچ کریں سیکرٹری ریڈ کریسنٹ نے مرکزی صدر ایپسکا کی اس تجویز سے اتفاق کرتے ہوئے اپنے تمام پروجیکٹس کو پورے آزاد کشمیر کے تمام نجی تعلیمی اداراجات میں لانچ کرنے کا اعلان کیا ۔ اور فیصلہ کیا گیا کہ اگلے ہفتے میں اس حوالے سے ریڈ کریسنٹ اور ایپسکا کے درمیان ایم او یو سائن کیا جائے گا۔ وفد میں مرکزی صدر سید اشتیاق بخاری کے ہمراہ مرکزی سیکرٹری مالیات نشاد بٹ ایپسکا ڈسٹرکٹ مظفرآباد کے صدر سید طارق رشید کاظمی اور سیکرٹری اطلاعات ڈسٹرکٹ مظفرآباد سعدالرشید ہاشمی بھی شامل تھے ۔آخر میں سیکرٹری ریڈ کریسنٹ نے مرکزی صدر کی خدمت میں ڈائری کا تحفہ پیش کیا۔

لائق صد تکریم و تعظیم ممبران ایپسکا و مالکان نجی تعلیمی ادارہ جات
تسلیمات
مالک ارض و سماء آپکو زیست کے شام و سحر میں شاد و آباد رکھیں۔ آمین
اللہ پاک کا لاکھ لاکھ شکر ہے کہ آج ون سکول ون ووٹ کی معرفت پرائیویٹ سکولز اینڈ کالجز کو عزت دیکر اپنی قیادت کے انتخاب میں حصہ دار بننے کے نظریہ کی جیت ہوئی۔
آج حقیقی معنوں میں ایپسکا پرائیویٹ سیکٹر کی نمائندہ تنظیم بن کر ابھری ہے۔
آج سارے منفی ہتھکنڈوں اور سازشوں کی موت ہوئی۔
آج ڈرائنگ روم کی سیاست کا باب ہمیشہ کے لیے بند ہوا۔
آج ایپسکا آزاد کشمیر کی سب سے بڑی ٹریڈ آرگنائزیشن کے طور پر متعارف ہوئی۔
آج مثبت سوچ، مثبت فکر اور نظریہ کی جیت ہوئی۔
آپ سب کو ایپسکا کی جیت مبارک
آج سے ہم پینل ختم کرنے کا اعلان کرتے ہیں۔
ہمارا اوڑھنا بچھونا پرائیویٹ سیکٹر ہے۔
پرائیویٹ سیکٹرکے مفادات کی جنگ ہم سب مل کر لڑیں گے۔
ہمارے مسائل، ہمارا نفع نقصان سب کچھ سانجھا ہے۔
آج سے کوئی اپوزیشن نہیں ہے ہم سب ایپسکا ہیں پرائیویٹ سیکٹر کے وقار کی جنگ بھی ہم سب نے ملکر لڑنی ہے۔
ہم میں سے کوئی ہارا نہیں ہے ہم سب جیتے ہیں انشاءاللہ ہم سب ملکر سیکٹر کے مسائل کو حل کریں گے۔
ہمارا آپ سے وعدہ ہے ہم سیکٹر کے مفادات پر کبھی کمپرو مائز نہیں کریں گے۔
ایپسکا کے قیام سے لیکر امروز تلک جن جن شخصیات نے بھی سیکٹر کے مسائل کے حل اور مفادات کے تحفظ کےلیے کام کیا ہم سب ان کی خدمات پر انہیں خراج تحسین پیش کرتے ہیں۔
فرینڈز پینل کی مرکزی ٹیم بطور خاص مرکزی سیکرٹری جنرل برادر عتیق الرحمان۔ انصر اقبال، سردار ارشاد خان، سردار شعیب خان،
عمر جاوید، غلام مصطفٰی شاہ، نشاد بٹ ، سردار عبدالحمید خان ،سردار خرم خیام ، عابد خان ترین اور ہماری فیمیل ٹیم میڈم حمیرا راٹھور ، میڈم طاہرہ شمیم سمیت تمام اضلاع کی قیادت ۔۔۔۔
میرپور سے مرزا وجاہت بیگ اور پوری ٹیم، مظفرآباد سے طارق رشید کاظمی اور پوری ٹیم، کیپیٹل سٹی سے محمد وجاہت اشرف اعوان اور پوری ٹیم،
باغ سے بلال چغتائی اور پوری ٹیم،
پونچھ سے سردار نعیم خان اور پوری ٹیم پلندری سے ارشد محمود ، نعمان فاروق سمیت پوری ٹیم،
نیلم سے آفتاب تبسم ، شہزاد کیانی اور پوری ٹیم،
کوٹلی سے پیارے بھائی حافظ محمد شفیق، سردار حافظ اعظم ، صفدر مصطفائی، سلیم مصطفائی۔ وسیم مصطفائی اور ٹیم ۔
حویلی سے سید نیئر بخاری ، فارق گیلانی ، اسد شیراز، سید افتخار بخاری اور پوری ٹیم کے ہم مشکور و ممنون ہیں کہ یہ ساری تبدیلی یہ انقلاب اور یہ سارا تحرک آپکی بدولت ممکن ہوا۔
آپ پاک ہم سب کو سیکٹر کے بہترین مفاد میں قبول فرمائی۔آمین
آپکے سچے جذبوں کو سلام
الیکشن کے صاف شفاف اور پُر امن انعقاد پر ہم مدمقابل پینل کے مرکزی صدارتی امیدوارجناب کرنل مشتاق بٹ صاحب سمیت مرکزی و ضلعی ٹیموں اور الیکشن کمیشن کے انتہائی شکر گزار ہیں جنکی موجودگی اور تعاون کی بدولت یہ خواب آج شرمندہ تعبیر ہوا۔
اللہ پاک آپ سب کو عزتیں اور شانیں عطا فرمائیں۔آمین
اب انشاءاللہ سیکٹر کام دیکھے گا اپنے مسائل حل ہوتے ہوئے دیکھے گا۔
انشاءاللہ ایپسکا کی منتخب قیادت آپکے مفادات پہ پہرے دے گی۔
ہمیں آپ کا تعاون اور ساتھ چائیے ہو گا ۔
اللہ پاک ہم سب کے حامی و ناصر ہوں۔

سید اشتیاق حسین بخاری
نو منتخب مرکزی صدر ایپسکا

کیپیٹل باڈی مظفرآباد

ترمیمی حتمی انتخابی شیڈول

الحمد للہ مرکزی الیکشن کمیشن نے آزادکشمیر پرائیویٹ سکولز اینڈ کالجز ایسوسی ایشن کے آمدہ دورانیہ 2023 تا 2026 کے لیے ون سکول ون ووٹ کے تحت انتخابی شیڈول جاری کر دیا

APSCA
کی کال تمام ادارے بند۔۔ جسکو میڈیا نے بھی کوریج کی۔۔۔

اعلان ایپسکا براے احتجاج

اساتذہ ہی قوموں کو بام عروج تک پہچاتے ہیں۔
اساتذہ کرام کی تکریم اور عزت و توقیر پہ سمجھوتہ نہیں کیا جا سکتا۔

اساتذہ کرام کے تقدس کا خیال رکھا جائے۔
حکومت تشدد کے بجائے مذاکرات کے ذریعے معاملات کو حل کرے۔
گرفتار رہنماوں کو فی الفور رہا کیا جائے۔
اور اساتذہ کرام سے بھی گزارش ہے کہ
صبر کا دامن ہاتھ سے نہ چھوڑیں۔
اشتیاق حسین بخاری مرکزی صدر آزاد کشمیر پرائیویٹ سکولز اینڈ کالجز ایسوسی ایشن

کمال ہے بجائے نظام میں سدھار لانے نظام کو بگاڑنے کی آمرانہ کاوشیں ۔۔۔ واہ