Poet,Hameed Ullah Khan Hameed

عید غزل
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جانے دکھائے گی کیا کرامت۔۔ یہ عید بھی
ٹوٹے گی ہم پہ بن کے قیامت۔۔یہ عید بھی

دل ڈر رہا ہے اب سے ہی یہ سوچ کر بہت
دل کی نہ توڑ جائے عمارت۔۔ یہ عید بھی

وہ شخص میرا ہے ،، یا نہیں ہے،، یا کتنا ہے
کر دے گی آج اس کی وضاحت۔۔یہ عید بھی

مر مر کے جیتا آیا ہوں اس عید کے لیے
رد کر دے پیار کی نہ ضمانت۔۔یہ عید بھی

اس آرزو میں ،،میں نے ہیں سجدے بہت کیے
ضائع نہ کردے میری عبادت ۔۔یہ عید بھی

آکر چلی نہ جائے مجھے پھر سے چھوڑ کے
کر کے مرے غموں کی قیادت۔۔ یہ عید بھی

ایسا نہ ہو کہ آئے مری زندگی میں ،، اور
چل دے بنا دیے ہی محبت۔۔یہ عید بھی

ہر بار کی طرح سنو اس بار بھی حمؔید
جائےگی کچھ تو کر کےنصیحت۔۔یہ عید بھی

حمید اللہ خان حمید
______________________





Eid poetry

عید شاعری
تھوڑی بہت ترمیم اور اور کچھ اضافے کے ساتھ عید کے حوالے سے چند پرانے اشعار احباب کی نذر ❤️

مرا بھی ایک اپنا تھا کبھی اِس ساری دنیا میں
مجھے چھوڑا تھا جس دن اس نے وہ بھی عید کا دن تھا
۔۔۔۔۔۔۔۔۔۔۔

مبارک عید کی دینا اگر چاہوں بھی، کس کو دوں
کوئی اپنا نہیں،،،،،تھا ایک،،،کب کا چھوڑ گزرا ہے
۔۔۔۔۔۔۔۔۔۔۔

عید اس بار بھی تنہا میں گزاروں گا صنم
تم نہ جانو گے مجھے کتنی ندامت ہوگی
۔۔۔۔۔۔۔۔۔۔۔۔۔

عید محبوب کے دیدار سے ہوتی ہے مری
میرا محبوب نہ آیا تو قیامت ہوگی
۔۔۔۔۔۔۔۔۔۔۔۔۔۔۔۔۔

دل دھڑکنے لگا ہے زوروں سے
عید جوں جوں قریب تر آئی

ایسی شدت سے یاد آئی تری
آنکھ اشکوں سے میری بھر آئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عید ہے نام خوشی کا لیکن
کیا خوشی ہوتی ہے معلوم نہیں
۔۔۔۔۔۔۔۔۔۔۔۔۔۔۔۔۔۔۔۔۔

عید سے عید کی خوشیوں سے ہمارا کیا کام
ہم تو روئیں ہیں فقت ہجر منایا ہے ترا

تیری یادوں سے ملاقات میں دن گزرا ہے
نام اس دل نے کئی بار پکارا ہے ترا
۔۔۔۔۔۔۔۔۔۔۔۔۔۔۔۔۔۔

جانے سے تیرے چل دیے خوشیوں کے سلسلے
تیرے بغیر ماند ہیں سب رنگ عید کے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہو جس میں دیدِ یار نہ،وہ عید کیا ہوئی
میرے لیے تو عید نہیں اک عذاب ہے

خوابوں میں بھی نظر نہیں آتا ابھی وہ شخص
اشکوں میں بھیگا ہجر کے ہر ایک خواب ہے

حمید اللہ خان حمید
______________________
_________________________
_______________________________
__________________

دل دھڑکنے لگا ہے زوروں سے
عید جوں جوں قریب تر آئی

ایسی شدت سے یاد آئی تری
آنکھ اشکوں سے میری بھر ائی

حمید اللّٰہ خان حمید
_________________________
_______________________________
__________________

نکلا فراق میں بھی نہ تیرے حصار سے
یہ جسم آج بھی تری بانہوں میں قید ہے

حمید اللہ خان حمید
______________________

Nikla firaaq me bhi na,Tere hisaar se
Ye j**m aaj bhi teri bahoon me qaed hai

Hameed Ullah Khan Hameed
_______________________________
__________________

میرے ہوتے ہوئے گر تجھ کو نہیں فکر مری
میرے نا ہونے سے کیا فرق پڑے گا تجھ کو

حمید اللّٰہ خان حمید

__________________

اچھی لگتی ہے فقط بات کتابوں میں ہی یہ
جو بھی ہوتا ہے سو اچھے کے لیے ہوتا ہے

حمید اللہ خان حمید
___________________
Achi lagti hai faqat Baat kitabon me hi ye...

Jo bhi hota hai so,acche k liye hota hai

Hameed Ullah Khan Hameed
_________________

ترے سوا مرا دنیا میں اپنا کوئی نہیں
میں جیسے دنیا میں آیا ہوں، صرف تیرے لیے

اگر کہوں کہ زمانے سے بڑھ کے چاہوں تجھے
تو، چھوڑ دے گا زمانے کو کیا تُو میرے لیے؟

حمید اللّٰہ خان حمید

Tere siwa mera dunya me apna koi nahi
Maen jaese dunya me aaya hon sirf tere ley..

Agar kahon k zamane se barh k chahon tujhe.
To....chorh dega zmane ko Kya. Tu mre ley.???

Hameed Ullah Khan Hameed
_____________________________

مدتوں بعد تو جانے گا کہ اک عمر ہوئی
تیری دنیا سے مجھے یار گئے خاک ہوئے

حمید اللہ خان حمید

ایک غزل تمام احباب کی نذر ❤️

میرے کس کام کا رہا یہ وجود
آتشِ ہجر میں جلا یہ وجود
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تیرے ہونے سے میرا تھا یہ وجود
تیرے جانے سے مٹ گیا یہ وجود
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک مدت سے تیری چاہت میں
جھیلتا رہ گیا سزا یہ وجود
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چیختے زخم رہ گئے میرے
مانگتا رہ گیا دوا یہ وجود
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اس سے بڑھ کر دکھاؤں کیا حجت
دیکھ کانٹوں سے ہے بھرا یہ وجود
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کچھ رحم کیجیے اے میرے حضور
درد سہنے سے اب رہا یہ وجود
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دیکھ کر تم جسے کراہتے ہو
ہم نے اک عمر تک سہا یہ وجود
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تجھ کو دیتا رہا دعا جاناں
زخم کھا کر بھی ، بے بہا یہ وجود
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اب طبیبوں سے واسطہ نہ رہا
اب تو چاہے فقط دعا یہ وجود
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جب جلایا تری جدائی نے
آگ کیا ہے سمجھ گیا یہ وجود
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چار پل ہی فقط جیا ترے سنگ
اس سے بڑھ کر نہ جی سکا یہ وجود
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کھو دیا تجھ کو میں نے جو،، شاید
تیرے قابل نہ تھا مرا یہ وجود
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اتنی تاخیر سے کیوں آئی اجل
کب سے دیتا رہا صدا یہ وجود
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سانس رکنے کی دیر تھی کہ صنم
ہو گیا درد سے رہا یہ وجود
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

زندہ ہوتے تو تیرے کام آتے
کیا کرے روح کے بنا یہ وجود
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جس طرح چھوڑ کر گیا ہوں اسے
یاد رکھے گی اب فضا یہ وجود
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میکدے راس آگئے تھے مجھے
سہ نہ پایا ترا نشہ یہ وجود
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تم نے ہاتھوں سے کیا چھوا مجھ کو
کِھلنے گل کی طرح لگا یہ وجود
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اک پہیلی تھا میں، جو حل نہ ہوا
بس سوالوں میں تھا گھرا یہ وجود
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اوڑ کر اک کفن جدائی کا
عشق نے خاک میں رکھا یہ وجود
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آخرش موت کی ہی صورت میں
پا گیا عشق کا صلہ یہ وجود
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جس کا ڈر تھا وہی ہوا اے حمید
عشق میں ہو گیا فنا یہ وجود
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حمید اللہ خان حمید

_____________________

عدو سے کیوں کروں شکوہ، میں خود خود ہی کا نہیں
مرے ہی عکس نے توڑا ہے آئنہ میرا

حمید اللّٰہ خان حمید
____________________
Ado se Q Karon shikva me khud khudi ka nahi.
Mere hi aks ne torha hai aaina Mera...

Hameed Ullah Khan Hameed
___________________________

غیر باہر سے مار جاتے ہیں
اپنے اندر سے مار جاتے ہیں

ہم بھروسہ کریں تو کس پہ یہاں
سب ہی خنجر سے مار جاتے ہیں

حمید اللّٰہ خان حمید
___________________

کترا رہا تھا زندگی بھر وہ جو پیار سے
دیوانہ ہوتے دیکھا ہے پہلی دفعہ اسے

روتے ہوؤں پہ ہنستا رہا عمر بھر جو شخص
ہنس ہنس کے روتے دیکھا ہے پہلی دفعہ اسے

حمید اللہ خان حمید

__________________

زندگی ایسے گزاری ہے خدایا میں نے
کیا کروں شرم بہت آتی ہے بتلانے میں

حمید اللہ خان حمید
______________________

Zindagi aesi guzari hai khudaya mae ne.
Kya karon sharm bohut aati hai batlane me

Hameed Ullah Khan Hameed
_________________________

انا کے پیڑ پہ لگتا نہیں ہے چاہ کا پھل
اٹھانے کے لیے گوہر کو، جھکنا پڑتا ہے

غرور عجز کے پیروں کو چاٹ لیتا ہے
مفاد کے لیے کچھ بھی ہو جھکنا پڑتا ہے

حمید اللہ خان حمید
--------------------------------------
Anaa k paerh pe lagta nahi hai caah ka phal
Uthane k liye Gohar ko, jhukna parhta hai.

Guroor ijz k paeroon ko caat laeta hai.
Mafaad k liye kuch bhe ho, jhukna parhta hai.

Hameed Ullah Khan Hameed
____________________________________

تو ہی خواہش ہے مری،تو ہی دعا ہے،تجھ بن
کوئی خواہش نہیں دل میں کوئی ارمان نہیں

تیرا یہ شکوہ بجا بھی ہے نہیں بھی ، کیونکہ
ہم تو بیٹھیں ہیں ترے پاس، مگر دھیان نہیں

حمید اللّٰہ خان حمید
________________________

To hi khuahish hai Meri,to hi duaa hai, tujh bin
Koi khuahish nahi Dil maen, koi armaan nahi

Tera ye shikwa Bajaa bhe hai.nahi bhi q k
Ham to baethe hen Tere pas , magar dhyaan nahi

Hameed Ullah Khan Hameed
______________________

اسم کو تیرے پرویا ہے لڑی میں ہم نے
اور تسبیح بنا کر اسے ہم پڑھتے ہیں

چومتے ہیں تجھے آیاتِ مقدس کی طرح
اپنے ہونٹوں پہ سجا کر تجھے ہم پڑھتے ہیں

حمید اللہ خان حمید
__________________________

Ism ko Tare paroya he larhi maen hum ne.
Aor tasbeeh bana kar use ham parhte hen.

Chomte hen tujhe aayat e muqaddas ki Tarah.
Apne honton pe saja kar tujhe hum parhte hen

Hameed Ullah Khan Hameed
__________________________________

غزل ۔۔۔۔۔۔

تمہاری بزم میں آنکھیں جو بھر کے آیا ہوں
میں بار گاہِ صنم سے گزر کے آیا ہوں

سوال پوچھا گیا مجھ سے تیرے بارے میں
نہ چاہتے ہوئے تجھ سے مکر کے آیا ہوں

یہ رَخّت یوں ہی نہیں ہے لہو سے تر اے دوست
میں خار کے کئی زینے اتر کے آیا ہوں

اے میری موت مجھے کرنا سہل سے رخصت
کہ تیرے پاس کئی بار مر کے آیا ہوں

ہر ایک پل میں ہے مفلس کی آہ پوشیدہ
حسین دنیا کا دیدار کر کے آیا ہوں

مگر نہ اٹھ سکا ایمان عشق سے پھر بھی،
میں دیکھ عشق میں کتنا بکھر کے آیا ہوں

یہ کھا رہا ہوں جو ٹھوکر قدم قدم پہ حمید
کسی کی راہ پہ آنکھوں کو دھر کے آیا ہوں

حمید اللہ خان حمید
________________________

کاش تو پیار سے کہدے کہ، سنو ۔۔۔۔۔مرجاؤ
دوسری سانس بھی لینے کی جسارت نہ کروں

تجھ سے بچھڑوں تو بکھر جاؤں میں، ایسا بکھروں
مر تو جاؤں میں، کسی اور سے محبت نہ کروں

حمید اللہ خان حمید
__________________
Kaash to Pyaar se kehde k ,Suno marjao.
Dosri saans bhi Lene ki jisarat na karon.

Tujh se bichrhoon to bikhar jaon maen, Aesa bikhron.
Mar to jaon maen Kisi aor se muhabbat na karon

Hameed Ullah Khan Hameed
____________________________

رب ایسی ریاست سے گریزاں رکھے مجھے
بِکتے ہوں جہاں شاہ چھُوہاروں کے دام پر

حمید اللہ خان حمید
________________________
Rab aesi riyasat se gurezan rakhe mujhe
Bikten hon Jahan shaah chuharon k daam par

Hameed Ullah Khan Hameed
_______________________________

ہم تو نکلے تھے تجھے ڈھونڈنے لیکن کریں کیا
موت رستے میں پریشاں ملی، اپنا لیا پھر۔۔

حمید اللّٰہ خان حمید
______________________

Ham to nikle the tujhe dhondne Laekin Karen Kya
Maot raste me pareshan Mili , apna Liya phir

Hameed Ullah Khan Hameed
_______________________________

یاد آتا ہے تو تکلیف بہت دیتا ہے۔۔۔۔
بھول پانا بھی تو ممکن نہیں جاناں تجھ کو

حمید اللّٰہ خان حمید.........................

Yaad aata hai to takleef bohut deda he..
Bhool Pana bhi to mumkin nahen Jana tujh ko

Hameed Ullah Khan Hameed
____________________________

اٹھا کر جب بھی دیکھی ہیں کتب ہم نے اذیت کی
سبھی ورقے پلٹ دیکھے،، ہر اک ورقے سے ہم نکلے

حمید اللہ خان حمید
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
Utha kar jab bhi dekhen hen kutub hum ne aziyya ki....
Sabhi warqen palat dekhe ,har ik warqe se hum nikle...

Hameed Ullah Khan Hameed.................___________________

غزل۔۔۔۔۔۔

پہلے دل اور زباں سے اٹھتا ہے
پھر وہ وہم و گماں سے اٹھتا ہے

یار جب اپنا،،غیر ہو جائے
دل کے ہر اک نشاں سے اٹھتا ہے

خواب دیکھوں بہار کے چاہے
پر نتیجہ خزاں سے اٹھتا ہے

میرا ہر لفظ حق کا داعی ہے
چیخ کر داستاں سے اٹھتاہے

رشتوں میں چاشنی نہیں رہتی
جب یقیں درمیاں سے اٹھتا ہے

یاد کرتے ہیں سارے پھول تجھے
رنگ جب گلستان سے اٹھتا ہے

ایسے اٹھے ہو میری محفل سے
٫٫جیسے بندہ جہاں سے اٹھتا ہے٫٫

یاد جب آؤ دل سلگتا ہے
شعلہ دل کے مکاں سے اٹھتا ہے

میرا دل اتنا جل گیا کہ حمید
اک دھواں سا یہاں سے اٹھتا ہے

حمید اللّٰہ خان حمید
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہم نے اک شخص کو الفت کا خدا مانا تھا
کیا کریں راس نہیں آئی خدائی اس کو

حمید اللّٰہ خان حمید
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
Ham ne ik sakhs ko ulfat ka Khuda mana tha....
Kya Karen raas nahi aai khudai us ko....

Hameed Ullah Khan Hameed


‎ ‎ ‎ ‎ ‎ ‎ ‎ ‎ ‎ #شاعری ‎ #دردشاعری ‎ #اردوشاعری

مانتا ہوں کہ خدا سب سے ہے برتر، لیکن
اُس سے بڑھ کر، یہ حقیقت ہے تجھے یاد کیا

حمید اللّٰہ خان حمید

Manta hon kih Khuda sab se he bartar Lekin
Us se badh kar he haqeqat he tujhe yaad Kiya..

Poet. Hameed Ullah Khan Hameed


‎ ‎ ‎ ‎ ‎ ‎ ‎ ‎ ‎ #شاعری ‎ #دردشاعری ‎ #اردوشاعری

ریت صحرا کی چھانتا پھروں میں
قیس۔ ہوں ۔ آج۔ کے۔ زمانے۔ کا

حمید اللہ خان حمید

Raet sihra ki chanta phiron men
Qaes hon aaj ke zamane ka.

Hameed Ullah Khan Hameed

گُل دیکھ کر شباب ترا، دنگ رہ گیا
اس کو گمان تک نہ تھا مجھ سے حسیں بھی ہے

حمید اللّٰہ خان حمید
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
Gul dekh kar shbaab tera,dang rihgiy
Us ko gumaan tak na tha mujh se haseen bhi he..

Hameed Ullah Khan Hameed.........................................................

میری بانہوں میں سمٹ کر تو پڑی رہتی ہے
تیری صورت پہ مری چشم گڑی رہتی ہے

میری تصویر سے کہتی ہے کہ تم بات کرو
بات کرتا ہوں تو خاموش کھڑی رہتی ہے

حمید اللّٰہ خان حمید
________________________________
Mere banhon me simat kar tu padhi rihte he
Tere soorat pih mere cashm gadhi rihte he.

Mere tasver se kihte he kih tum baat karo
Baat karta hon to khamoosh khadi hite he

Poet. hameed Ullah Khan Hameed

غزل۔۔

زندگی کس کام کی مجھ جیسے مے آشام کی
ہر قدم پر جس کو پڑتی ہو ضرورت جام کی

سامنے گر تم نہ ہو، لکھا نہیں جاتا ہے کچھ
یوں مجھے محسوس ہوتی ہے کمی اِلہام کی

میکدوں سے رشتہ بے مطلب نہیں میرا صنم
بےخودی میں اک غزل لکھتا ہوں تیرے نام کی

خاندانی بَیر ہے دنیا کا دیوانوں سے،، سن
سانس یہ لینے نہیں دے گی کبھی آرام کی

اک الگ دنیا بساتے ہیں چلو جا کر کہیں
کیوں نہ ہمدم چھوڑ دیں ہم دنیا یہ آلام کی

گرچہ ہے مسلم تو آجا،،،تجھ کو رب کا واسطہ
گر تو ہے کافر صنم تجھ کو قسم ہے رام کی

عشق کی تاریخ کرتے ہیں رقم وہ لوگ ہی
عشق کرتے ہیں مگر پروا نہیں انجام کی

میری خاموشی میں ہے پوشیدہ اک گہرا سا راز
وہ ہی سمجھے جو سمجھتا ہو زباں اِبہام کی

دیکھنے جس کو فلک سے آتی ہوں پریاں حمید
میں قلم سے کیا لکھوں تعریف اس اَندام کی

حمید اللہ خان حمید



۔