الفوائد المختصرة للأخ عبدالكريم قابيل

sa ipedzakaw sakaw sa ramadhan na: katuntay nenka sa ukit kabpuasa, manga kokoman lon, sunnat, mamakabatal, nandu so langon mpya galbek Simba.

So ramadhan timpo a ibamakot nu taw sa galbek a mpya.
itakep nenka sa tilenduan uyag uyag nenka na namba timpo kabamakot sa galbek mpya ugyd adn mga oras a masla i untungen kalon Mana timpo na puasa.

Bali namba na pkanasisita sa ilmo ka adn anto na adn gasubok nenka lon a mkabatal sa galbek anto sa dinenka gagdam kagina da so ilmo sabuti lon.

#2 ped sa ipedzakaw sakaw ko ramadhan na:
kanduah sa mkasampay ka sa ramadhan at tawfiqan kanu allah sa kabpuasan ka nandu mkanggalbek ka sa mga mpya galbek.
Ped sa duah langkom a mpya gyd na so kadtalu nenka sa:
(allahumma a'inni ala zikrika wa shukrika wa husni ibadatik).
(اللَّهُمَّ أَعِنِّيْ عَلَى ذِكْرِكَ وَ شُكْرِكَ وَحُسْنِ عِبَادَتِكَ).
Nyabay duah a inipamandu no nabi Muhammad alaihissalatu wassalam Kani muadz radiyallahu anho.

C ibn taymiyah yanin kadtalu na: pigkimat kimat ko mga duah na nandemba I pinaka mpya a duah.

Nyaso ma'na nu duah:👇
(Ya allah tabangi ako sa katadem salka nandu kadzukorsukor salka nandu kapya na kasimba salka).

sa mpya ibagalaw sa ramadhan na: so kangguniyat nenka pyapya sa manamal ka sa galbek a mpya sa ramadhan ka tubay sabapan katawfiq nu allah salka sa mga galbek Simba.
قال تعالى:((إن يعلم الله في قلوبكم خيرا يؤتكم خيرا مما أخذ منكم ويغفر لكم والله غفور رحيم)).