فيصل العوده

اسهرك ليلٍ خيّم الحزن بأقصاه
‏حتى قناديله تكسّر بعضها

‏خذني من اعماق التفاصيل و الآه
‏و روحٍ تبي وصلك تزايد مرضها

‏عليك من وجد المحبين : ويلاه
‏يا حاجةٍ للحين فاقد عوضها .

نمشي مع التيـار ما ندري لـ وين
تفكيرنا مركون دايـم على جنـب
نتبع رجّال الدين أكثر من الدين
ونخاف فعل العيبّ أكثر من الذنب

حك المعادن يوضح لك مصادرها
ثم تكتشف لونها وتشوف طيبها
وحتى البشر مـا تحددها مناظرها
ما تعرف أصنافها حتى تجربها.

“إن الروح إذا إلتقت بمن يشبهها ترمّمت ، وتعـافت ، واكتملت

إن قالوا لأجل عين تكرم مدينه
ماني بقايل لجل عينه مداين

وشهي المداين عند رمشه وعينه؟
‏إلا تطيح رقاب وتعتق رهاين .

" يميّز الإنسان .. عقله و ثقله
و أنا بـ عمري ما تصنعت ثقلي
أخاطب الجاهل على قد عقله
و أخاطب العاقل على قد عقلي"

‏وتمر فالبال مثل الغالي الميّت
‏لا الموت نقّص غلاه ولا الغلا ردّه .

#ايـامـنـا مـهـمـا تـمـادت عـلـيـنـا
نـاقـف لها وقـفـة خصيم لخصيمه

طـبـع لنا من مـاضـي الـوقـت فينا
لــو نـنـهـزم مـا نقتنع بالـهـزيـمـه .

وشلون املّ المكابر فالأمور الكبار
والكبرياء جزء من نفسي وتكوينها
عجزت لا اناظر الدنيا بعين انكسار
ادعس على غارب الأيام وأهينها
ما يعتذر بالظروف إلا عديم القرار
وما يبكي من الحياة إلّا مساكينها"

مامشينا على طوعك ولا طوعه
و الردي من خلقته .. ما يدانينا !

لو يشيل الحقد في داخل ضلوعه
ساعة الشـدّة شفه .. يفتخر فينا

لا تعقّد عند الأجناب موضوعه
ما قضى موضوعه إلا .. بأسامينا

يالله عسى فالامر خيره ومقسوم
عن ماتعاف النفس واللي تحبه

ارزاقنا تاتي على غير معلوم
العبد يسعى .. والعطا عند ربه .

مهما تحس بضيق صدرك و الانفاس
خل الأمل بالله .. في داخلك حي
لو شفت هم انسان غيرك من الناس
يصير همك في عيونك .. ولا شي

ليه تجعل بينك وبين السعاده حاجز
أبتسم قدام ترحل والصحايف تطوى

لو تشعر بس لحظه فـ المريض العاجز
تدري أنك ضايقٍ من حاجةٍ ماتسوى !

أثر الزمن دوار وايامنا طيش
ومصادم الايام يحتاج صمله

الطير ياكل نمله الارض ويعيش
وان مات الطير تاكل الطير نمله

آلمذمةة بـ ظهر ـآلشخصص عيب !
وآلمديح بـ وجهه ( مآهو وفآ ) ~

كآن تبغى تزود آلطيب طيب . .
ذم بـ آلوجه \ وآمدح بـ آلقفى !!

المصافح فالقلوب أصدق من مصافح الأيادي
‏إسمحي لي كل يوم أصافحك وأنتي بعيده

‏لا تحاتين الضما والجوع في رحلة جهادي
‏الحظوظ مقسّمه والذيب ماياكل وليده

‏شاعرك لا هاموا أصحاب الشعر في كل وادي
‏مستعد يوقف الدنيا على مطلع قصيده .

تعوّدت ما ادوّر ورى العالمين اسناد
اعنّز على يمناي وآقف على ساقي
وتعاملت باخلاقي مع الناكر الجحّاد
ولو الزمن يرجع .. تعاملت باخلاقي

قسى الوقت في وجه الشقي ماعليه غبار
‏ملامحه .. تشرح لك ولو ما وصل شرحه

‏كأنها .. تقول عيونها من ورا التذكار
‏ترا .. الابتسامه مالها شغل فـ الفرحه .

صبيت ﻟﻚ ﻣﻦ ﻗﻬﻮﺓ ﺍﻟﺸﻮﻕ ﻓﻨﺠﺎﻝ
‏ﺳﻘﺘﻪ ﻋﻠﻴﻚ ﻭﻣﻨﻄﻖ ﺍﻟﺤﺐ ﺫﻭﻗﻪ

‏إﻗﻠﻂ ﻭﻟﻚ ﻏـﻴﺮه ﻓﻨﺎﺟﻴﻞ ﻭﺩﻻ‌ﻝ
‏ﻭﻳﻤﻴﻨﻲ ﺍﻟﻠّﻲ ﺑﺎﻟﻮﻓﺎﺀ ﻟﻚ تسوقه .

عفا الله عن نفوسٍ بين ريضان السلوم تدوج
‏تمسّ أطناب بيت الطيب و تحشّم مساييره.

ياشين طبعٍ عند بعض المخاليق
يظن فيك السوء قبل الحقيقة
على كلام الناس سريع تصديق
وينسى العلوم الطيّبة في دقيقة .

ما يضاهي عزة النفس بالدنيا غناه
عن دروب الذل يا خطوة العز انتحي

الردي لو يشري المدح مايخفي رداه
ندري إن ماكل من خاف ربه ملتحي

مشكلتنا كل مخطي نبرر له خطاه
نستحي في وقت فيه العرب ماتستحي

تدري وش اللي غير الناس يافلان
شــرع المصـالح وانعدام الصراحه
صرنا نجـامل بالخطاء كـل غلطان
لين اكـثـر الغلطات صارت مبــاحه
نمدح كلام فلان من دون بــرهان
وفلان نجرح بالتجاهل نجــاحــه

نعيش فالدنيا معاريف واحباب
نسمح خطايانا ونعذر..... بعضنا
واللي يدور للجفا فكه..... الباب
خلوه يفرح ياعرب في.. عوضنا
حنا بشر وتردنا كلمه........ عتاب
ولاعمرنا للناقصات..... انخفضنا

‏انت لا اخطيت الطريق و شفت زلاتك كثيفه
‏رحت ادور لك عذر ما رحت ادور لك ملامه .

دريت انك رجعت وهزّك الطاري عليّ وجيت
‏وهم ما علمونـي بس اشوف القاع ممطـوره

عليّك الغرام يمر بي كل مامريت
‏على حروتك ولا حراوي مداهيلك .

‏صديت قدني من كثير العَرب عايف
‏وان عافت النفس شيءٍ تتركه كله

‏شايف وكم لي اسوّي ماني شايف
‏لكن الأيام لا مذهب ولا مله

‏قولو طفش مَل قولو منكسر خايف
‏من قارب اللي يضيق خاطره مله

‏خلوُني بجوي المتواضع الكايف
‏مفرق طريقي ولو عديته أدله .

‏لاعاد أحد يلحق زمانه مشاريه
‏بيح سدود الناس كثر التشكي

‏خل الحياه تسوي إللي تسويه
‏دامك على شداد الكرامه متكي

‏من طاح من عينك لا تجلس تداريه
‏لو طاح منها إللي مطيحه يبكي

‏كم واحدٍ كنا من أول نزكيه
‏واليوم صرنا ندفعه لـ المزكي ؟

الكذب قام يتناما والصحيح انقرض
والناس ما سالمً من شرها الا الحضيض
ان عشت في عالم المرضى يجيك المرض
وان عشت بلحالك وصديت قالو مريض .

لا تحسـب ان العمـر بـ يردّ لا راح. استـثـمر الايـام .. مـا دام تقـدر
في هالحياه اتعب على شان ترتاح
ولو ودّك اكثر تستريح ؟ إتعب اكثر

أقربي ماني على بابكم ساعي بريد
نفسي من البُعد ومن الليالي تالفه .

الحظ ماهو حظ من يملك المال
الحظ حظ اللـي تمّسك بدينه
الخير في قلبه توّثق ولا زال
وبعد رضا الله مرضيٍ والدينه .

لا تذي الناس ولا تخطي ولا تظلم
ترا حقوق البشر ماهي بمغفوره
لا تحسب إنك نجيت ومنها تسلم
ياويل من مات ونفسٍ منه مقهوره .

حلمي كبير ورغبتي كنّها طير
‏ما يطوي الجنحان لا شاف قمّه

‏إن قالها الله والليالي مداوير
‏لأرقى سنام طويق والحلم أتمّه

ابي سجةٍ يسلا بها القلب لا غنيت
‏لعل الجروح تطيب و الهم ينزالي .

هويتك مثل ماتهوى البدو شوفة البراق
‏مشافيقٍ على شوف الحيا والقاع مرتدمه .

البدو صلفين وفراقهم ماهوب زين
والهوى من طارده عودت عشره ثمان .

‏طواني فراقك طية البدو لا شدو
خيامٍ تطوى في ظهر كل مطواعي .