Embassy of Mongolia to the Kingdom of Sweden

ИРГЭДИЙН АНХААРАЛД

Элчин сайдын яамнаас Гётебург хотноо 2024 оны 8 дугаар сарын 24-ний Бямба, 25-ны Ням гарагт дараах консулын үйлчилгээ үзүүлнэ.

- Итгэмжлэл, нотариатын үйлчилгээ,
- Төрсний бүртгэл,
- Иргэний үнэмлэхний бүртгэл, сунгалт,
- Гадаад паспорт захиалга /цээж зургийг файлаар авч ирэх/,
- Гэрлэсний бүртгэл /ДОХ, Сүрье, сэтгэцийн шинжилгээ заавал авч ирэх/,
- Буцах үнэмлэх,
- Тодорхойлолт,
- Баримт бичгийн орчуулга,
- Монгол Улсын визийн үйлчилгээ үзүүлнэ.

Хаяг: Sensus сургалтын төв,, Drottninggatan 30, Gothenburg, 35-р танхим

Ажиллах цаг : 8 дугаар сарын 24-ний Бямба гарагт 11:00 – 19:00
8 дугаар сарын 25-ны Ням гарагт 10:00 – 15:00

Анхаарах зүйлс: Үйлчилгээ авахаар ирэхдээ Монгол Улсын гадаад паспорт, иргэний үнэмлэхний хуулбараа авч ирнэ үү. Хүүхдийн бичиг баримттай холбоотой үйлчилгээнд хүүхдийн төрсний гэрчилгээ /хуулбар байж болно/ авч ирнэ үү.

Консулын үйлчилгээний талаарх дэлгэрэнгүй мэдээлэл, бүрдүүлэх бичиг баримтын талаарх мэдээлэлтэй https://stockholm.embassy.mn/subcategory/680 холбоосоор орж танилцана уу.

ЭЛЧИН САЙДЫН ЯАМ

МОНГОЛ УЛСААС ШВЕДИЙН ХААНТ УЛСАД СУУГАА ЭЛЧИН САЙДЫН ЯАМ, Embassy of Mongolia to the Kingdom of Sweden

СУРГАЛТЫН ЗАР
Хилийн чанадад үйл ажиллагаа явуулж буй Монгол сургууль, цэцэрлэг, хэл соёлын төвийн монгол хэлний багш нарт зориулсан цуврал цахим сургалтыг 2024.08.24-ний өдрийн 20:00 цаг (Улаанбаатарын цагаар)-т “Хэл ярианы хөгжлийг хэрхэн засах вэ?” сэдвээр зохион байгуулагдана. Та бүхэн өргөнөөр оролцоно уу.
Сургалтын цахим холбоос:
https://us06web.zoom.us/j/84661624286?pwd=Jl2RwHypwhju9c5o6abdyVK8F7seQW.1

Монгол Улсын Гадаад Харилцааны Яам Ministry of Foreign Affairs of MongoliaBatmunkh Battsetseg Батмөнхийн Батцэцэг

СУРГАЛТЫН ЗАР
Хилийн чанадад үйл ажиллагаа явуулж буй Монгол сургууль, цэцэрлэг, хэл соёлын төвийн монгол хэлний багш нарт зориулсан цуврал цахим сургалтыг 2024.08.10-ны өдрийн 20:00 цаг (Улаанбаатарын цагаар)-т “Дадлага хичээлд бэлтгэх нь” сэдвээр зохион байгуулагдана. Та бүхэн өргөнөөр оролцоно уу.
Сургалтын цахим холбоос:
https://us06web.zoom.us/j/81685317047?pwd=R2JkUeVgHpLUuf56xWcV92M9ZgNv21.1
Монгол Улсын Гадаад Харилцааны Яам Ministry of Foreign Affairs of Mongolia
Batmunkh Battsetseg Батмөнхийн Батцэцэг

ИРГЭДИЙН АНХААРАЛД

Элчин сайдын яамаар гадаад паспорт захиалсан дараах иргэдийн гадаад паспорт УБЕГ-аас хэвлэгдэж ирсэн тул иргэд өөрийн бичиг баримтын хамт ЭСЯ-ны байранд ирж, гадаад паспортоо авна уу.
Хэвлэгдэж ирсэн гадаад паспортын жагсаалтыг захиалгын дугаараар нийтэлснийг https://stockholm.embassy.mn/subcategory/1326 холбоосоор орж харна уу.
Та өөрийн захиалгын дугаарыг мэдэхгүй бол ЭСЯ-ны 08 753 11 35 утсаар лавлах боломжтой.
ЭЛЧИН САЙДЫН ЯАМ

СУРГАЛТЫН ЗАР
Хилийн чанадад үйл ажиллагаа явуулж буй Монгол сургууль, цэцэрлэг, хэл соёлын төвийн монгол хэлний багш нарт зориулсан цуврал цахим сургалтыг 2024.08.03-ны өдрийн 20:00 цаг (Улаанбаатарын цагаар)-т “Хүүхдийн хэл ярианы хөгжил ба дэлгэцийн хэрэглээ” сэдвээр зохион байгуулагдана. Та бүхэн өргөнөөр оролцоно уу.
Сургалтын цахим холбоос:
https://us06web.zoom.us/j/89663382328?pwd=VpnwGKASJlJPLVbKcUZx4wbWSYxQVa.1
Монгол Улсын Гадаад Харилцааны Яам Ministry of Foreign Affairs of MongoliaBatmunkh Battsetseg Батмөнхийн Батцэцэг

ОЛИМП: Жүдо🥋

Жүдо бөхийн эрэгтэйчүүдийн -66 кг-ын Шөвгийн 8-д манай тамирчин ОУХМ Ё.Басхүү 🇧🇷Бразилын бөх Уильям Лиматай өрсөлдөхөөр боллоо.

Виллиан Лима нь 2000 онд төрсөн, анхны Олимпын наадамдаа зодоглож байгаа бөгөөд 2021 оны Жүдо бөхийн Цэргийн Дэлхийн Аварга шалгаруулах тэмцээний аварга, Пан Америкийн Аварга шалгаруулах тэмцээний хоёр удаагийн аварга (2021, 2024) Пан Америкийн наадмын хүрэл медальт, Их Дуулга тэмцээнээс 6 медаль хүртсэн тамирчин аж.

💪🏼Go Team Mongolia!

ОЛИМП: Бокс 12:36 цагт

Эмэгтэйчүүдийн 50кг-ын жин
ОУХМ О.Есүгэн эхний тулаан - Колумбийн тамирчин Лорена Валенсиа Викториятай хийнэ

Тамирчиндаа амжилт хүсье!

ОЛИМП: Бокс

Эмэгтэйчүүдийн 50кг-ын жинд ОУХМ О.Есүгэн эхний тулаанаа Улаанбаатарын цагаар 18:36 цагт 🇨🇴Колумбын тамирчин Лорена Валенсиа Викториятай хийнэ.
Лорена Валенсиа Виктория нь “Рио 2016” зуны # # Олимпын хүрэл медальт, 35 настай, ДАШТ-ний мөнгө, хүрэл медальт тамирчин юм.

Тамирчиндаа амжилт хүсье!

ОЛИМП: Жүдо🥋

ОУХМ Ё.Басхүү Шөвгийн 8-д ШАЛГАРЛАА!🔥

Манай тамирчин Шөвгийн 16-д Украины бөх Иадов Богдантай барилдаж, даралтаар цэвэр ялснаар, Шөвгийн 8-д шалгараад байна.

💪🏼Go Team Mongolia!

Парис-2024 Олимпын наадмын 54кг-ийн жинд өрсөлдөж байгаа М.Энхжаргал эхний ялалтаа авлаа. М.Энхжаргалдаа амжилт хүсье! Монгол Улсын Гадаад Харилцааны Яам Ministry of Foreign Affairs of Mongolia Batmunkh Battsetseg Батмөнхийн Батцэцэг Монголын Үндэсний Олимпын Хороо - MNOC

Мөнгөнцэцэгийн ЭНХЖАРГАЛ 🥊/54кг/

Төрсөн огноо: 1999.04.18

Байгууллага: Зэвсэгт хүчний Алдар спорт хороо, Үндэсний шигшээ багийн тамирчин

Амжилт: Дэлхийн цомын аварга, Дэлхийн аваргын хүрэл медальт, U22 насны Ази тивийн аварга

Анхны багш: А. Гантулга

Спорт танд ямар эерэг дадал суулгасан бэ: Хүмүүжил, Төлөвшил

Таны мөрөөдлийн өдөр : ДАШТ-ий медалийн тоглолттой өдөр 😊

Спорт гэдэг хатуу. Тэр тусмаа эмэгтэй хүн тулааны спортоор хичээллэж, мэргэжлийн тамирчны замналаар тив дэлхийн дэвжээнд амжилт үзүүлнэ гэдэг хувь хүнээс асар их тэсвэр хатуужил, сахилга бат, сэтгэлийн тэнхээ шаардана. 12 насандаа энэхүү спортоор хичээллэж эхэлсэн М.Энхжаргалын Олимпод хүрэх аялал ч урт замыг туулав. Тэрбээр 07.28-ны өдөр Улаанбаатарын цагаар 02:16 минутад буюу хоёрхон цагийн дараа эхний тулаанаа Итали улсын тамирчин Чарааби Сиринэтэй хийх болно. Тамирчиндаа амжилт хүсье!

Бүтэн нийтлэлтэй танилцахыг хүсвэл: https://posted.mn/posts/p06hs8

ОЛИМП: Дугуйн спорт🚴‍♂️

С.Жамбалжамц цуваа гарааны төрөлд 28-р байр эзэллээ.

Дугуйн спортын цуваа гарааны 32.4 км зайн уралдаанд Азийн АШТ-ний хүрэл медальт С.Жамбалжамц 40:19.93 цагийн амжилттайгаар 28-р байрт шалгарлаа. 28 жилийн дараа их наадамд эргэн ирсэн дугуйн спортын түүчээ болсон тамирчныхаа дараагийн уралдаанд амжилт хүсье!

🇲🇳УУХАЙ! УУХАЙ! УУХАЙ!🇲🇳 GO MONGOLIA!
Бидний медалийн буухиа МӨНГӨН МЕДАЛИАР эхэллээ!🔥

Олимпын мөнгөн медальт, Дэлхий болон Ази тивийн аварга ОУХМ, ШШГЕГ-ын Сүлд спорт хороо, Үндэсний шигшээ багийн тамирчин Б.Баасанхүү болон түүний дасгалжуулагч, анхны багш А.Даваадорж болон Б.Очирбат, баг хамт олон, гэр бүл, найз нөхөд, Монголын Жүдо Бөхийн Холбоо болон баг тамирчдаа чин сэтгэлээсээ дэмжин суугаа ӨӨДӨӨ ТЭМҮҮЛЭХ МОНГОЛ түмэндээ халуун баяр хүргэе. 🇲🇳👏

Монгол улсын Төрийн далбаа Парисын тэнгэрт мандаж
Монгол түмэн минь Жүдо бөхийн төрлөөр Олимпын хоёр дахь МӨНГӨН МЕДАЛИА өлгийдөн авлаа.

Б.Баасанхүү маань булган сүүлтэй байж "Парис 2024" зуны # # Олимпын наадамд ялалтын буухиа илүү олон амжилтаар үргэлжлэх болтугай. Цаашид өрсөлдөх нийт баг тамирчдадаа амжилт хүсье!

Эх орон, элгэн садан, нийт ард түмэн тамирчдынхаа бүхий л мөчид хамтдаа байх болно.
Go Team Mongolia!

Монголын Үндэсний Олимпын Хороо

ОЛИМП: Жүдо🥋

Манай тамирчин ОУХМ Б.Баасанхүү АВАРГЫН ТӨЛӨӨ 🇯🇵Японы тамирчин Цунода Нацумитай барилдана.

Цунода Нацуми 1992 онд төрсөн, Жудо бөхийн ДАШТ-ний 3 удаагийн аварга, Азийн наадмын 2 удаагийн аварга, Дэлхийн Их Дуулга тэмцээний 5 удаагийн аварга.

💪🏼Go Team Mongolia!

Б.Баасанхүү Парис-2024 Олимпын наадамд Алтан медалийн төлөө өрсөлдөх болзол хангалаа!
Монгол Улсын Гадаад Харилцааны Яам Ministry of Foreign Affairs of Mongolia Batmunkh Battsetseg Батмөнхийн Батцэцэг

СУРГАЛТЫН ЗАР

Хилийн чанадад үйл ажиллагаа явуулж буй Монгол сургууль, цэцэрлэг, хэл соёлын төвийн монгол хэлний багш нарт зориулсан цуврал цахим сургалтыг 2024.07.27-ны өдрийн 20:00 цаг (Улаанбаатарын цагаар)-т “Уншлагын хичээлд бэлдэх нь” сэдвээр зохион байгуулагдана.Та бүхэн өргөнөөр оролцоно уу.

Сургалтын цахим холбоос:

https://us06web.zoom.us/j/81689132196?pwd=ouIUS6aRwRkNanmKnEm2ffzQtv3JRN.1
Монгол Улсын Гадаад Харилцааны Яам Ministry of Foreign Affairs of MongoliaBatmunkh Battsetseg Батмөнхийн Батцэцэг

СУРГАЛТЫН ЗАР
Хилийн чанадад үйл ажиллагаа явуулж буй Монгол сургууль, цэцэрлэг, хэл соёлын төвийн монгол хэлний багш нарт зориулсан цуврал цахим сургалтыг 2024.07.20-ны өдрийн 20:00 цаг (Улаанбаатарын цагаар)-т “Хэл ярианы хөгжил ба сэтгэл хөдлөл” сэдвээр зохион байгуулагдана.Та бүхэн өргөнөөр оролцоно уу.
Сургалтын цахим холбоос: https://us06web.zoom.us/j/87656409559?pwd=cCAK9DZwLm0JrIffTyX2Xq7G3kKJRF.1
Монгол Улсын Гадаад Харилцааны Яам Ministry of Foreign Affairs of Mongolia
Batmunkh Battsetseg Батмөнхийн Батцэцэг

МОНГОЛ УЛСЫН ГАДААД ХАРИЛЦААНЫ САЙД Б.БАТЦЭЦЭГТ ФИНЛАНД УЛСЫН ГАДААД ХЭРГИЙН САЙД Э.ВАЛТОНЕН БАЯР ХҮРГЭВ

Монгол Улсын Гадаад харилцааны сайд Б.Батцэцэгт улиран томилогдсонтой нь холбогдуулан Финланд Улсын Гадаад хэргийн сайд Э.Валтонен баяр хүргэж захидал ирүүлэв.

Финландын Гадаад хэргийн сайд Э.Валтонен баярын захидалдаа Финланд, Монголын харилцаа, хамтын ажиллагаа ардчилал, хүний эрхийг дээдлэх ёс, хуулийн засаглал зэрэг нийтлэг үнэт зүйлсэд тулгуурлан амжилттай хөгжиж буйг онцлон тэмдэглэхийн сацуу Монгол Улс идэвхтэй гадаад бодлогынхоо хүрээнд Зүүн хойд Азийн аюулгүй байдлын асуудлаарх “Улаанбаатарын яриа хэлэлцээ” бага хурлыг амжилттай зохион байгуулж, Дэлхийн эмэгтэйчүүдийн чуулга уулзалтыг санаачлан 2024 оны 8 дугаар сард Улаанбаатар хотноо зохион байгуулахаар болсныг өндрөөр үнэлэн амжилт хүссэн байна.

Үндэсний их баяр наадам, Ардын хувьсгалын ойн баярын өдрүүд буюу 7 дугаар сарын 10-15-ны Лхагва гарагаас Даваа гарагт ЭСЯ амрахыг мэдээлж байна.

Яаралтай тохиолдолд ЭСЯ-ны фэйсбүүк хуудсаар холбогдоно уу.

7 дугаар сарын 16-ны Мягмар гарагаас цагийн хуваарийн дагуу ажиллана.

Жич: Элчин сайдын яам Швед Улсын баяр болон тэмдэглэлт өдрүүдэд хуваарийн дагуу ажиллана.

ГАДААД ХАРИЛЦААНЫ САЙД НАР ЗАХИДАЛ СОЛИЛЦОВ

Монгол Улс, Исланд Улсын хооронд дипломат харилцаа тогтоосны 50 жилийн ойг тохиолдуулан Монгол Улсын Гадаад харилцааны сайд Б.Батцэцэг, Исланд Улсын Гадаад хэргийн сайд Тордис Колбрун Рейкфьорд Гильфадоттир нар харилцан баяр хүргэж захидал солилцов.

Гадаад харилцааны сайд Б.Батцэцэг хоёр орны найрсаг харилцаа, хамтын ажиллагаа харилцан итгэлцэл, ардчилал, хүний эрх, хууль эрх зүйг дээдлэх ёс зэрэг нийтлэг үнэт зүйлст тулгуурлан амжилттай хөгжиж буйг тэмдэглээд цаашид хамтын ажиллагааг улам бэхжүүлэх сонирхолтой буйгаа илэрхийлэв.

Исланд Улсын Гадаад хэргийн сайд Тордис Колбрун Рейкфьорд Гильфадоттир тус улсын ГХЯ-ны Хүний нөөцийн хөгжил, байгалийн баялгийн тогтвортой ашиглалт болон нийгмийн өөрчлөлтийн төлөөх олон улсын төв /GRO/-ийн сургалтын хөтөлбөрүүдэд Монголын мэргэжилтнүүд олон жилийн турш хөрсний нөхөн сэргээлт, газрын гүний дулаан, жэндэрийн тэгш байдал зэрэг чиглэлээр амжилттай хамрагдаж ирснийг сайшаан тэмдэглээд хоёр талын харилцааг харилцан ашигтай бусад олон салбарт улам өргөжүүлэхийн төлөө байгаагаа нотолсон байна.

Монгол Улс, Исланд Улсын Хооронд 1974 оны 6 дугаар сарын 4-ний өдөр дипломат харилцаа тогтоожээ.

Монгол Улсын Гадаад Харилцааны Яам Ministry of Foreign Affairs of Mongolia
Batmunkh Battsetseg Батмөнхийн Батцэцэг

Монгол Улсын Их Хурлын 2024 оны сонгуулийн гадаад улсад байгаа иргэдийн санал авах ажлыг зохион байгуулах Стокхолм хот дахь 28 дугаар салбар комисс 6 дугаар сарын 20-ны өдрийн 07:00 цагт Монгол Улсаас Шведийн Хаант Улсад суугаа Элчин сайдын яамны байранд санал авах үйл ажиллагааг эхлүүлэв.
Сонгуулийн санал хураалт 2024 оны 6 дугаар сарын 20, 21, 22, 23-ны өдрүүдэд буюу 4 хоногийн хугацаанд өдөр бүр 07:00-22:00 цагт Элчин сайдын яамны байранд явагдана.
Санал өгөхөөр БҮРТГҮҮЛСЭН СОНГОГЧ Та бүхнийг санал хураалтад идэвхтэй оролцохыг уриалж байна.

Сонгуульд санал авах бүртгэлийн системд доголдол гарсантай холбогдуулан бүртгэлийн маягтыг бөглөн гадаад паспорт эсвэл иргэний үнэмлэхний хуулбарын хамт [email protected] цахим шуудангаар бүртгүүлж болно.

Бүртгүүлэх линк: https://election.burtgel.gov.mn/request

Монгол Улсын Соёлын элч Л.Энхмэнд 2021-2023 онд Гадаад харилцааны сайдын тушаалаар Соёлын элчээр томилогдон ажиллаж үүрэгт ажлын хугацаа дуусгавар болж байна. Шведийн Хаант Улсад Монгол соёл, урлаг, хүмүүнлэгийн чиглэлээр идэхтэй үйл ажиллагаа явуулж Хүүхдийн баяр, Ахмадуудын баяр, Соёлын үдэш, Наадам зэрэг олон үйл ажиллагааг зохион байгуулж, хамтран оролцож Швед Улсад ажиллаж амьдарч буй монголчуудын дунд монгол өв соёлын дархлааг нэмэгдүүлэх, гадаадуудад сурталчлан таниулах чиглэлээр ажилласанд Элчин сайдын яамны хамт олны өмнөөс талархал илэрхийлье.

Элчин сайд Т.Жанабазар Шведийн Хаан Карл XVI Густафт бараалхав.

Монгол Улсаас Шведийн Хаант Улсад суугаа Элчин сайд Т.Жанабазар Шведийн Цог жавхлант Хаан Карл XVI Густафт бараалхав.

Бараалхалтын үеэр Монгол-Шведийн найрсаг харилцаа, түүнчлэн хоёр ард түмний соёл, урлагийн хөгжил, хүн-байгалийн шүтэлцээ, цаатан ардуудын амьдрал зэрэг сонирхсон сэдвээр харилцан ярилцав.

Шведийн Хаант Улсад томилогдон ажиллах хугацаанд Хааны ордон, Шведийн Засгийн газраас дэмжлэг үзүүлж ирсэнд Элчин сайд Т.Жанабазар талархал илэрхийлж, Хаан Карл XVI Густаф болон түүний гэр бүлд сайн сайхныг хүсэн ерөөв.

Монгол Улсын Гадаад Харилцааны Яам Ministry of Foreign Affairs of MongoliaBatmunkh Battsetseg Батмөнхийн Батцэцэг