Daarul islaam

Mirdhisyaale

Yaxye Cali Hareeri oo ka mid ahaa La Taliyayaashii Ra'iisul Wasaarihii kalsoonida ay kala laabteen Golaha Shacabka ayaa hadda si qasab ah looga dejiyay gaarigiisa bulet proof-ka ah gudaha madaxtooyada, Waxaana gaariga la wareegay ciidamada ilaalada Madaxtooyadda Soomaaliya.

Yaxye ayaa hadda lug uga soo baxaya Villa-Soomaaliya isaga, darawalkiisii iyo qaar kamid ah ilaaladiisa.

Xisbiga SAHAN oo ka soo horjeestay magacaabista hay’adda Batroolka iyo Guddiga Adeega Garsoorka oo ay sameesay Xukuumadda KMG ah ee Dalka.

Wasiirka Arrimaha dibadda Somaliland Yaasiin Faratoon oo hadda saxaafadda kula hadlay garoonka diyaaradaha ee magaalada Hargeysa ayaa sheegay in waftigii Somaliland ku matalaayay shirka Jabuuti ay hadda amba-baxayaan.

Wasiirku waxaa uu intaas ku daray in xubnaha shirka ku matali doona Somaliland ay ka kooban yihiin: Madaxweyne Biixi, Guddoomiyaha Guurtida, Afar wasiir iyo Dr. Edna Adan Ismaaciil.

Shirka ayuu sheegay in ay agaasimeen dawladdaha Mareykanka iyo Jabuuti.

Wasiirka Amniga Gudaha, wasiirka Dekedaha iyo kaluumaysiga, wasiirka Bay’ada iyo horumarinta reer Miyiga iyo saraakiil kale ayaa maantay booqasho xerada Dhaanka-roone ee dhacda duleedka Galbeed ee Galinsoor iyo xero kale oo ku taalla duleedka Cadaado.

Wafdiga wasiiradaa ayaa qorshaynaya wajiga labaad ee xareynta maleeshiyaadka iyo gaadiidka dagaal ee ay wataan kuwaasoo qeyb ka ah hawlgalka tababarka Ciidamada daraawiishta Galmudug.

Madaxweynaha dalka Jabuuti Ismaaciil Cumar Geelle oo ka hadlay kulanka berrito ku dhexmari doona Jabuuti Madaxda Somaliland iyo Soomaaliya, ayaa yidhi:

"Berrito dalka jabuuti, waxaan shir gudoomin doona kulan dhexmari doona Madaxweyne Maxamed Cabdillaahi Farmaajo iyo Madaxweyne Muuse Biixi Cabdi si aan usii amba-qaadno dedaalladii dhexdhexaadinta ahaa ee labada hoggaamiye. Waxaan sidoo kale ku casuumay Ra'iisal wasaare Abiy Axmed in uu ka soo qaybgalo kulanka"

Madaxweynaha Maamulka Galmudug Ahmed Abdi kaariye qoor qoor oo wali ku gudajira safarkii nabadda Galmudug ayaa galabta soo gaaray Deegaanka Af-barwaaqo ee Gobolka Mudug.

Madaxweynaha iyo Wafti ballaaran oo uu hoggaaminayay ayaa si weyn loogu soo dhaweeyay deegaanka Afbarwaaqo.

Mucaaridka Somaliland oo ku kala aragti duwan kulanka Jabuuti.

Guddoomiyaha xisbiga UCID Eng. Faysal Cali Waraabe ayaa sheegay in uu hadda ka soo horjeedo kulanka la filayo in uu dalka Jabuuti ku dhex maro madaxweynayaasha Somaliland iyo Soomaaliya.

Geeska kale, guddoomiye ku xigeenka koowaad ee xisbiga Waddani Cabdirisaaq Khaliif ayaa sheegay in ay si buuxda u taageersan yihiin kulankaasi.

Madaxweynaha dowladda Galmudug Mudane Axmed Cabdi Kaariye QoorQoor ayaa si diiran Maanta loogu soo dhaweeyey Deegaanka Bitaale ee Gobolka Mudug.