Xasan Sheekh Maxamuud

Wasaaradda arrimaha dibadda Itoobiya ayaa war saxaafadeed ay soo saartay ku sheegtay in Mohamoud uu si diiran ugu soo dhaweeyay garoonka caalamiga ah ee Bole ee magaalada Addis Ababa Ra’iisul Wasaaraha Itoobiya Abiy Axmed.
Madaxweynaha Soomaaliya ayaa lagu wadaa in uu la kulmo madaxda sare ee dowladda Itoobiya oo ay ka wadahadlaan arrimaha labada dal iyo kuwa gobolka ee ay quseeyaan, ayaa lagu yiri warsaxaafadeedka.
Hassan Cheikh Mohamoud ayaa loo doortay madaxweynaha Soomaaliya bishii May isagoo kaga guuleystay madaxweynaha hadda talada haya ee Maxamed Farmaajo.
Soomaaliya iyo Itoobiya ayaa ah xulafo kawada tirsan la dagaalanka argagixisada, gaar ahaan dagaalka lagula jiro kooxda argagixisada ah ee Al-Shabaab.

MADAXWEYNE XASAN SHEEKH OO MAGACAABAY ERGAYGA GAARKA AH EE GANACSIGA HEER CAALAMI & MAALGASHIGA IYO LATALIYAHA ARRIMAHA SHIDAALKA IYO GAASKA

Muqdisho, Ogoosto 31, 2022; Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo ka duulaya muhiimadda ay leedahay horumarinta nolasha shacabka Soomaaliyeed, kobcinta dhaqaalaha iyo ka faa’iideysiga Khayraadka dalka ayaa magacaabay Ergeyga Gaarka ah ee Ganacsiga Heer Caalami iyo Maalgashiga Mudane Khadar Cabdirixmaan Maxamed iyo Lataliyaha Madaxweynaha ee Arrimaha Shidaalka iyo Gaaska Mudane Axmed Cali Yuusuf.

Madaxweynaha oo Labadan Mudane ku soo xulay aqoontooda iyo waayo-aragnimada shaqo ayaa ku adkeeyey in ay door wanaagsan ka qaataan qorshaha dowladdu ee Soomaali isku filan dhaqaale ahaan, kana gudubta saboolnimada iyo abaaraha oo ka mid ah caqabadaha curyaamiyey dalkeenna.

Madaxweynaha Jamhuuriyadda Mudane Xasan Sheekh Maxamuud ayaa Alle uga rajeeyey Ergeyga Gaarka ah ee Gannacsiga Heer Caalami iyo Maalgashiga Mudane Khadar Cabdirixmaan Maxamed iyo Lataliyaha Madaxweynaha ee Arrimaha Shidaalka iyo Gaaska Mudane Axmed Cali Yuusuf in uu u fududeeyo shaqada Qaran ee hortaalla.

Xeerkan Madaxweyne ayaa dhaqan galay; Talaada, 31-ka bishan Ogoosto, 2022, oo ah markii lagu baahiyey faafinta rasmiga ah ee dowladda.

DHAMMAAD

Wixii faahfaahin ah, fadlan kala xiriir;
Abdikadir Ali Dige,
Xafiiska Warfaafinta & Xiriirka Warbaahinta,
Madaxtooyada Jamhuuriyadda Federaalka Soomaaliya
E-mail: [email protected]
Flicker: https://www.flickr.com/photos/vilasomalia/
Facebook: https://www.facebook.com/VillaSomaliaOfficial/
Twitter:

Bal ii sheeg maxaan kuu qaban karaa walaalka Soomaaliyeed si uu kuugu caawiyo inaad guulaysato?

Xasan Sheekh Maxamuud Send a message to learn more