Geesey Construction

XAJKA 1445 (JUNE 2024 )

XAJKA SIDEE WAX UGA DHACAYAAN MAALMAHA SOO SOCDA?

Berri oo Jumce ah waa maalinkii uu Xajku bilaabmayey, waxaana maalinkaa lagu magacaabaa "Yowmu tarwiyah".
Berri (In shaa Allaah) xujeydu waxay ka kallahayaan Makkah, waxayna u ambabaxayaan Muna, halkaas oo ay degayaan teendhooyin loosii diyaariyey. Waxay ku tukanayaan oo ay is raac-raacinayaan duhur iyo casar, maqrib iyo cishe
Subaxa Sabtida ah waa maalinka carafah, waxay salaadda subax ka dib ka kallahayaan Muna, waxayna tegayaan buurta Carafah iyo agagaarkeeda. Halkaas oo ay Ilaahay ku xusi doonaan wax badan kuna baryayaan. Waxay ku tukan doonaan duhur iyo casar, waxayna goobtaas joogi doonaan illaa ay qorraxdu ka dhacayso.
Kolka ay qorraxdu dhacdo ayey kasoo dhaqaaqayaan waxayna imaan doonaan Muzdalifah. Waxay ku tukan doonaan Maqribka iyo cishaha.
Subaxa Axadda, oo ah maalinka ciidda ayey kusoo noqon doonaanaan Muna iyo teendheeyinkoodii. Waxay subaxaa fulin doonaan acmaasha ugu badan. Sida inay soo tuurtaan dhagaxaantii (qaybtii ugu horreysay), inay iska xiiraan ama jaraan timaha, inay gowracaan xoolaha, inay Makkah aadaan oo ay soo dawaafaan iwm.
Waxay Muna sii joogayaan illaa saddex maalmood. Marka ay tuurashada dhagaxaanta dhammeeyaan ayey Muna ka guursyaan oo ay kusoo noqonayaan Makkah.

F.G
Maalinka sagaalaadka ah ee Sabtida ku aaddan, muslimiinta aan xajka aadin waxaa muhiim u ah inay soomaan. Fadli wayn ayaa ku jira, waana sunne mu'akad ah.
Inta xajinaysana waxaa lagama maarmaan ah inay ka fogaadaan denbi iyo laqwi iyo muran iyo xan iyo xumaan oo dhan si xajkoodu uu u noqdo Xaj mabruur. Kaas oo ah xajka uu Allaah Aqbalay ee abaal-marintiisu ay tahay Janno. Waa xajka uu qofku denbi ka noqonayo sida ilmo dhashay oo kale.
Qofka aan denbiga iyo xumaanta iska ilaalinnini waa qof is daaliyey uun.
Allaah ha inaga Aqbalo. Aamiin.

Waxaa diyaariyay Cabdiraxman Sh Biixi

EID muraka

Ramadan mubarak