Allsports24

Shan waxyaabood oo laga bartay kulankii Chelsea iyo Stoke City… (Blues garoonkeeda shabaqa kuma ilaashan karto!)

London) 06 Maarso 2016 – Kooxaha Chelsea iyo Stoke City ayaa barbaro 1-1 ku kala baxay kulankii ka tirsanaa horyaalka Premier League oo ay ku yeesheen garoonka Stamford Bridge ee ay ku ciyaarto Blues.

Traore ayaa Chelsea goolka h**e u dhaliyey daqiiqaddii 39-aad ee qeybtii h**e, balse dhammaadkii ciyaarta waxaa kulanka barabaro ka dhigay Mame Biram Diouf oo Stoke gool soo daahay u dhaliyey daqiiqaddii 85-aad, kulanka ayaana ku soo idlaaday gar isku mid ah 1-1.

Haddaba waxaan halkaan hoose ku eegeynaa waxyaabihii laga bartay kulankii dhexmaray kooxaha Chelsea iyo Stoke City:-

>- Bertrand Traore ayaa dhaliyey afar gool shantii kulan ee ugu dambeeyey oo uu u ciyaaray kooxdiisa Chelsea.

>- Chelsea ayaa dhalisay goolka oo furan kulankii dhawaa oo ay ku ciyaartay garoonkeeda Premier League, waana markii 11-aad oo ay sidaas yeelayso xilli ciyaareedkan.

>- Kooxda Blues ayaa ku guuldarreysatay inay shabaqeeda ilaashato siddeedii kulan ee ugu dambeeyey oo ay ku ciyaartay garoonkeeda horyaalka Premier League.

>- Guus Hiddink waa tababarihii ugu horreeyay Premier League ee xilkiisa ku bilowda 12-kulan aan laga adkaan.

>- Stoke City ayaa guul gaartay hal jeer 15-kii kulan ee ugu dambeeyey Premier League oo ay ku ciyaartay magaalada London, lix barbaro ayey ku gashay siddeedna waa looga adkaaday.

Chelsea v Stoke

“Super Ronaldo” – Jariiradaha Caalamka Oo Amaan Kala Duldhacay Cristiano Ronaldo Ka Dib Afartii Gool (Póker) Ee Uu Shalayto Dhaliyay.

‘Póker’ ayaa la yiraahdaa Spain marka aad afar gool dhaliso hal kulan gudaheed. Xiddigaha waa weyn qaarkood ayayna u gaar tahay macalinkiisa Zidane xitaa ma sameynin, laakiin Ronaldo ayaa sameeyay kulankii shalayto ee Catla Vigo waxaana uu ku sameeyay si la yaqaano: Goolkii ugu h**eeyay oo uu 30 mitir ka soo toogtay, goolkii labaad oo uu laad xor ah oo gantaal ah uu dhaliyay, kii seddexaad ku taabasho ahaa iyo kii afaraad oo aheyd madax aan la celin karin ka dib kubad kooner ah.

Marka uu qaab ciyaareed fiican ku jiro Ronaldo waxa uu noqon karaa mid laga baqo, waxaana qaab ciyaareedkiisii shalayto amaanay saxaafada caalamka ee isboortiga.

Wargeysyo badan ayaa ugu yeeray “Super Ronaldo” iyagoo hoosta ka xariiqay tartanka uu ugu jiro inuu mar kale ku guuleysto abaalmarinta Kabta Dahabka Yurub, oo ah abaalmarinta aad ku guuleysato marka aad tahay gooldhaliyaha ugu sareeya qaarada Yurub oo dhan.
Hadaba maxay jaraa’idka ka qoreen qaab ciyaareedkii Ronaldo ee shalayto:

Record: “Los Merengues oo ku dul socotay hirkii uu Cristiano abuuray” ayay tahay jariirada Portugal ka soo baxda. Waxaana ay qoraalkooda raaciyeen. “Super Ronaldo oo hogaanka u qabtay tartanka abaalmarinta Golden Shoe.”

O’Jogo: “Seddex hal isku ah: Pichichi [Gooldhalinta La Liga], Golden Shoe iyo 253 goolal” ayay jariirada kale ee Portugal ciwaan ka dhigatay, waxay kaloo yiraahdeen. “Galab aan la celin karin Cristiano ayay aheyd. Xiddiga reer Portugal waxa uu helay ‘poker’-kiisa, waxaana uu weli ceyrsanayaa rikooro shaqsi ah.”

Bild: “Cristiano, nin weyn, Real Madrid oo awood dabeyl ah noqotay” ayay tiri jariirada Jarmalka.

Corriere dello Sport: “Cristiano oo digniin u diray Roma” ayay ciwaanka ka dhigatay jariirada Talyaaniga. Waxay kaloo qoreen: Bandhigii Los Blancos ee Bernabeu oo ku dhamaaday Poker uu sameeyay Cristiano.”

Gazzetta: “Loco Cristiano” jariirada Talyaaniga ayaa qortay in Cristiano uu ku waashay goolal. “Real Madrid waxa ay noqdeen kuwa laga baqo, Super Ronaldo ayaaba ugu sii daran” ayay yiraahdeen.

Daily Mail: “Cristiano Ronaldo oo xaday bandhiga isagoo afar gool dhaliyay qeybtii labaad” ayay qortay jariirada Ingariiska.

Mirror: “Cristiano Ronaldo oo afar gool dhaliyay xasuuqii Bernabeu” ayay jraiirada kale ee Ingariiska qortay, iyagoo qoraalkooda raaciyay: “Inkastoo ay ku fooriyeen qaar ka mid ah taageerayaasha Bernabeu Ronaldo ayaa dhaliyay afar gool isagoo goolashiisa xilli ciyaareedka ka dhigtay 27 gool waxaana uu ka sarre maray Luis Suarez hogaanka gooldhalinta La Liga.”
L’Equipe: “Real Madrid iyo Cristiano oo qaab mashxaradeyn ah ku jira” ayay qortay jariirada Fransiiska, waxaana ay qoraalkooda raaciyeen: “Xiddiga reer Portugal lama celin karo, waxa uu dhaliyay afar gool kale. Dabcan isagoo awoodaas leh waxba k**a gelin inuu iska dhigo qof aan isqaad-qaadin. Waxaa lagu eedeeyay hadalkiisii uu yiri ka dib kulankii Atletico ka dibna sabtidaan waxa uu dhaliyay afar gool, taasoo cadeyneysa in madaxiisa iyo garbihiisa ay ka sareeyaan inta kale.”

Olé: “Waxba ma dhageysto, kaliya howsheyda ayaan qabsadaa” ayay cinwaan ka dhigtay jariirada Argentina ka soo baxda. Waxay kaloo yiraahdeen: “Cristiano Ronaldo waxa uu aamusiyay oorintii Bernabey isagoo afar gool iyo qaab ciyaareed cajiib ah ku aamusiyay.”

Marca: “Wuu Cunay Iyaga” ayay cinwaan ka dhigatay jariirada reer Spain, iyagoo qoraalkooda raaciyay “Cristiano oo caradiisa kala duldhacay Celta Vigo, wuxuu dhaafay rikoorkii Zarra, waxaana uu haatan Real Madrid u marayaa 352 gool.”

AS: “Duufaantii Cristiano” ayay jariirada kale ee reer Spain ciwaan ka dhigatay, Waxay kaloo yiraahdeen “Poker uu dhaliyay xiddiga reer Portugal 26 daqiiqo gudaheed ayaa kala dhantaalay Celta.”

WARARKA XANTA: Berahino oo xagaaga dambe ku biiraya Tottenham
West Brom ayaa ogolaatay in Saido Berahino ay ka iibiyaan Tottenham marka uu dhamaado xagaagan, sida lagu daabacay the Observer.
Weeraryahanka West Brom ayaa lala xeriirinayay inuu ka dhaqaaqayo Hawthorns bilo aad u farabadan balse hadda ayaa lasoo saaray kooxda ay macquulka tahay inuu u warego.
Kooxo farabadan ayaa lala xeriirinayay 22-sano-jirkan balse Spurs ayaa £25 million h**e looga soo diiday xagaagii h**e .
Sikastaba, ugu dambeyn labada koox ayaa la sheegay in ay laacibkani ku wada heshiiyeen.
Xiddigan ayaa lala xeriirinayay Man City Man United iyo Tottenham.

Hordhac: West Brom v Man United – Man United Oo Raadineysa Inay Gaarto Guushii Afaraad Ee Isku Xigta Ee Tartamada Oo Dhan.

Kulanka: West Brom v Man United

Garoonka: The Hawthorns

Waqtiga: 7pm Saacada Geeska Afrika

Garsoore: Mike Dean

Iyadoo xilli ciyaareedkan uu yahay mid aan la saadaalin karin Manchester United ayaa weli heysata fursad yar oo ku aadan tartanka horyaalka. Waxa ay 13 dhibcood ka danbeeyaan kooxda hogaanka heysa ee Leicester iyagopo farqigaas ka soo dhigi kara 10 dhibcood haddii ay ka badiyaan West Brom, iyagoo badiyay seddexdoodii kulan ee ugu danbeysay.

Kooxda Tony Pulis waxa ay barbaro talaadadii ku qabteen kooxda hogaanka heysa ee Leicester, waxaana ay tijaabo adag u noqon doonaan kooxda Louis van Gaal.
MAXAA KA CUSUB?

Daafaca kooxda West Brom Jonny Evans ayaa weli ku maqan dhaawac muruqa ah.

Kooxda West Brom waxaa mar kale ka maqnaanaya Chris Brunt kaasoo ugu yaraan lix bilood la maqnaanaya dhaawac jilibka ah.

Michael Carrick ayaa u soo laaban kara Manchester United ka dib markii la nasasiiyay bartamihii isbuuca, halka Chris Smalling isna laga yaabo inuu ka soo laabto dhaawac garabka ah.

Phil Jones, Antonio Valencia iyo Marouane Fellaini ayaa iyagana taam ah islamarkaana ciyaari kara, laakiin tababare Louis van Gaal ayaa ka cagajiidaya inuu halis geliyo iyaga maanta.

SHAXDA MACQUULKA AH:

West Brom (4-4-2): Foster; Dawson, McAuley, Olsson, Chester; Sessegnon, Fletcher, Yacob, Gardner; Rondon, Berahino.

Man United (4-2-3-1): De Gea; Rojo, Blind, Fosu-Mensah, Darmian; Carrick, Schneiderlin; Martial, Mata, Lingard, Rashford.

Tottenham Hotspur 2 - 2 Arsenal Live