Eco-Gad

إن شاء الله رمضانكم مبروك 🙂

هيا السلام بروات .. 😎

أنا زبير ..ثلاثة وثلاثين سنا بخلاف الجمعة 🙃. ..مريقل برو ..معرس عندي عام ..مرتي اسمها جميلة شهرت جميلة مايكل جوردن ( ميطرو وتسعين برو وميا وعشرين كيلو كي تبدى صايمة ، وماتوخرهاش لتالي ..البونية بالقبر) ومزال ماعناش صغار ..لواه الزربة برو ..🐢

اليوم gريب نصكر ستة سنين خدمة في EcoGad..نسوق في إل chariot ...ياحسرة ..الدنيا لف لف ..كيني البارح في الأيام تgابلت مع سي قدور 🥷.. عملي ال l’entretien وقالي مرحبا بيك ..خرجت من عندو طمبجت في جميلة ..قلت بيني وبين روحي هاي مفولة ..استكنتى سي زبير وخلي الريح في gفاك ..

انا زبير😏 ..في دنيتي مايgلgني شيء .. ها مالة كيفاه برو ..أما فمة حاجات في حياتي يعملولي النقرص موش نرمال .. مثلا العبد اللي بووجهين والكبار في البريكة ..ونكره اللي يحب يعلم الناس تعيش وهو لابس فرديتين ايمين .. 😑

بطلت الدراسة برو على بكري ..( ريتو صبعي برو كيفاش أg صر من اندادو ...أنا كليتو (
بطلت وgعدت مدة سارح في ملك ربي ..عايش في تونس وعندي في راسي décalage horaire موش نرمال ..عايش في الظل ..بالخلاف ..الناس تفيق وأنا نرgد..نرمال ..صغير حتى كبرت ...وماعادش اختي سعاد يفضلها تعطيني المصروف ..وكيف دخلت نخدم في EcoGad ..حسنت خطي وشريت مسطرة ..

نحكيليك على عرسي برو ..والله science fiction ..فيلم بطولة ستيvن سيgال ..تكلف بكلو مليون وميا 💰.. وبشهر العسل برو ..والtraiteur فازة gراتوس من عند سي قدور ..عرس في سطح دار جميلة ،أربعة ايام عسل في دار الشباب قربة البحر خطوتين ونرمال ...وماركزت في شيء برو ..لاكسكسي لاطاجين لاعوادة لاذهب ...حاجة وحدة صباح عرسي مايجيني حد يدق علي يقلي بربي هاك الحسبة زبير ..😠

اكثر حاجة برو خذات مني وقت واعصاب ..إختيار الشريك المناسب ..مروح نهار ثلاث عشية نلgاها لاحمة في الحومة ..دخلت نضرب على ماياتي 👊...حمل الجماعة ريش ..تفضت العركة وهد الحاكم نلقى وجهي للحيط أنا وجميلة ..تلفتلها .. gلتلها العركة بين اشكون واشكون ؟ باش في البحث ماتتلفليش...😅

تبسمت عجبتني التبسيمة 😍 gلتلها أنت اشكون ؟ gاتلي أنا جميلة ياخي gلتلها أنا زبير شهر الوحش ..جميلة والوحش .. توخذيني تربحيني ..قاتلي نخمم ..حقك اختي ..عندك ثلاثة ثواني مهلة للتفكير ...وفرات صاحبي جمعتين مبعدها هزيتها مقربطة من دار بوها وماعها بونيس اربعة كراسي مصور فيهم بجعة وكوكوت ..يرحمو عم عبد الرحمان بوها ناس طيبة موش نرمال ..قصادري في باب منارة أما رجلة بالضبط ..اسمو عبد الرحمان أما موش ظاهر عليه جملة ..
حللي الباب مزلت داخل في الكولوار gالي زازتك ..هز وانطلق ..دخلت نلقاها مع امها لابسةmike survetement أخضر كباري ...وسبيدري abidas ..عينها تشعل بالسعادة .. 🥰

ليلة العرس برو 👩‍❤️‍👨 ..gتلني المصور 📸.. عمري ماريت مصور احول برو ..جابو ولد خالتي معز gالي قاريه قراية التصوير وعندو استوديو ...ظهر قاري جمعتين حجامة وعندو استوديو سكنى s+1 ..خدم نهار صانع جاء يحصر في الpatte لclient لقى شحمة الوذن في يدو من نهارتها ..الحاصيلو برو تصاور عرسنا الكل روسنا مgصوصة ..gتلو علاه برو gالي نرمال عشيري احسبها فازة artistique والفايدة في الهناء ..😇

الحاصيلو برو .... بعد بريج البقلاوة وكويس الروزاطة وياسيدي ماحلالي عرسو صفق المدير ونلgى روحي راسي راس الgول مع جميلة ..تقول في الصحراء برو ..تلفتت gالتلي هزني كي بايلي بيك متاع حريم السلطان ..😒

كيفاه برو ؟ميا وعشرين ميزان الحب بخلاف الروبة والدماق والماكياج 😂 ...والعبد لله سبعين كيلو كي يبدا عندي صرف في مكتوبي نمشي مايل ..تحبني نهزك كي بايلي بيك ..اشبيك ؟

الحبيب قدع وعايش في ال rez de chaussée..واحنا بيت النوم الفوق وبيناتنا دروج ياحب ..وأنا برو وقتها الدروج نشوف فيها الشعانبي ..gاتلي مالة كي ماتنجمش روحك هانا gاعدين نتفرجو في قناة وحدة وعشرين ...وعلى كلمة وحدة وعشرين برو ...نعمل هكة ......☢️

أه بروات ..ريgي شاح ..يزيكم اليوم ..هيا فنتبرو بالسلامة ...تو المرة الجاية نكمللكم الفيلم ..📽

حكايات Ecogad EP 3 📝

خالتي خضراء 💚اللي يديها خضراء وقلبها فص اخضر مليان سبول ونوار ... والقلب كيف الأرض ...مالازموش يكون مصب...خاطر اللي يتطيش فيه يقتل الحياة وصعيب يعاود يترسكل ♻..يدّوّر إلا بعرق كبير ..

( النفايات شر ..نصيب الشيطان في القلب وفي الأرض 👹 ) حسب قول الراهب الداغستاني المسلم ضبة بن إد بن شرحبيل حمزاتوف ..الملقب بالشندقرلي ...

وهذاكة علاش احنا في EcoGad خدمتنا بالضبط هي إعادة إعمار الأرض .. 🌏

خالتي خضراء وحدة من صانعات الحياة ..وكيف تقلها هكة تقلك اللطف علي 😁..انا مانعرف مالصانعات كان صانعات الكافيشانطة 🧜‍♀️...كان يخرفلي عليهم سي النوري كي يتفكر ايامات صغرو في تونس ..😇

اليوم بعد الفطور وهي تلم في الماعون تحط فيه في القفة سألت روحها وصويحباتها ..
زعمة علاش باش يلمنا سي قدور ؟ 🤔

تلفتت فتحية واقفة تقفل في بلوزتهاالخضراء وقالت : على ماضحكنا اليوم انشاء الله ربي يقدر الخير ...

قالت حدة : هيه والله بالمجد ..يعطينا خير ها الضحكة ..😌

خالتي خضراء ...قرات جمعة عند المدب حتى الفاتحة ماكملتش حفظتها 🥱...مرة بنتها الكبيرة حبت تحفظها سورة وإلا اثنين للصلاة قالتلها سيبي علي ..ربي يعرفني ونا نعرف ربي ..يحبني كان قريت وإلا ماقريتش ..ويقبل مني اللي نقول خاطر يعرف قلبي واش فيه ..

نهار تسمع في ولدها يحفظ ويعاود في قصيدة ل ( ابو نواس ) قالتلو عيب عليك وليدي تتحكحك عالولية ..راهو يطيح فيك ..شاي الله سيدي بونواس ..

خالتي خضراء لا تعرف سبينوزا ولا نيتشه ولا ابن خلدون اما الدنيا علمتها الحكمة ..حكمة العرق البارد وصقع بر فيض المثنان 🌵🍀🌲 في دجنبر الأصم ❄️وخطوط يديها المحفورة بالوجيعة وهي تحطب وإلا تقلع في الحلفاء في عز التعب ..🌵

عاد قالت على طبيعتها مزينة كلامها بتبسيمة ..واشي ..ياخي لازم كل مانضحكو نتشغبو ..اشبيه الكدر في طبيعتنا؟ 😑..اضحكو ، دار الخلاء تبيع اللفت ..☺️

نقزت اليامنة من قاع الفستيار وهي مزالت تخلل في سنيها ..

اليامنة : بالله من غير محقرانية نحب نفهم علاش اللفت بالذات ..اشبيها الخضرة لخرى ..دونية ..
ضحكو وخرجو زوز زوز تقول في صف المكتب ..🧑‍🎓

الحاصيلو تلمو رجال ونساء يستناو في سي قدور 🥷 ..البعض قال لازم باش يزيدنا في الشهرية ..الاخر قال اكيد باش يحكينا على خدمة سيدي رمضان ..قالك الخدمة في سيدي رمضان اجرها عند ربي دوبل ..🙌

اليامنة : أنا من صباح ربي وكفوفي ياكلو في ...باز زيادة في الشهرية..💰💰💰
هوم هكاكة يوتوتو .....كل واحد يدقز حتى خلط سي قدور ..👮

اليامنة : هاضكهو ..مادامو متبسم ولابس صباطو الأصفر امورنا في الجبن ..😁
سي قدور : هيا العينكم ...كيفنكم لاباس ؟
الناس الكل في جوقة وحدة : الحمد لله ..
سي قدور : اليوم ..أولا حبيت نلمكم نسأل عليكم وعلى أموركم ..
فؤاد : ( يوشوش لشهاب ) يظهرلي مريقل صاحبي ..l’entame متاع الكلام هايلة ..😎
سي قدور : ثانيا ..أنا اليوم قررت اني نزيد ..
حدة : قلتلكمش زيادة ؟
سي قدور : قررت نزيد نحكي معاكم كيما كل مرة ..باش يزيد عندكم الإيمان بالخدمة 😇 ..اكثركم بدا معانا مالأول ويعرف الشركة كيما يعرف دارو ..قسمنا الباهي بيناتنا وحسينا ببعضنا كيف واحد منا يتوجع ..اليوم حبيت نشكركم ونقلكم يعطيكم الصحة ويرحم والديكم ...

سكتو الناس الكل ..( شكر هاضاكهو ) 🤨
وكمل سي قدور : اليوم حبيت نقول لخالتي خضراء ..انشاء الله مبروك ..
تلتفو الناس الكل لخالتي خضراء وهي باهتة ماهي فاهمة شيء ..عمرها الكل احتفلت مرتين بعيد ميلادها ...
خالتي خضراء : واشبيكم ؟ ولاش تباركولي .. تقبلت في المناظرة متاع الديوانة ..

سي قدور : خالتي خضراء ...انشاء الله كل عام وإنت حية بألف خير وصحة ..اليوم عيد ميلادك ..🎂🎂

هيا مانطولش عليكم فرحو الناس الكل وهناو بعضهم وباسو خالتي خضراء منا ومنا وكلو القاطو ومالجملة ليامنة لفت مالخبزة زوز مورسوات 🍰🍰 لراجلها المولدي يموت عالشكلاطة ...وحدة غنات لخالتي خضراء انزل ياجميل للساحة وتمخطر هنا بالراحة 🕺...الحاصيلو حتى من شهاب عمل الواجب جبد خيط وركب guirlande حمراء وخضراء في إل chariot باش يحفل الجو..

صحيح في وسط الاحتفالات الخيط عمل masse أما الجماعة عملو جو ..وفي وسط الخوضة سالت اليامنة خالتي خضراء على عمرها قالتلها ماندريش أخيتي ..وقيل قريب نغلق الستين ..علجال سي النوري يفوتني بعشرة سنين قريب يغلق السبعين ..

هيا اقعدو بالسلامة 👋 ..المرة الجاية نحكيولكم كيفاش بدينا ..كيفاش بدات EcoGad 🙂..منين ، ولوين وصلتنا حلمتنا وجهدنا تعبنا ...💪

حكايات Eco Gad EP 2️⃣

خالتي خضراء ماتفهمش بالسوري 🫣 ..سنين باش ولات تنطق Eco Gad كيما يلزم ..كيما ماتعرفش الفلاش باك ( flash back ) 🙂 أما تتفكر ..

والفلاش باك عند خالتي خضراء اسمو إييييييييه ..ياحسرة .. 😮‍💨

وكيما في الأفلام كي تطول المدة عاللي يخرّف ..نشوفو الدنيا noir et blanc ...أما مزيانة ..💚

حكات خالتي خضراء للنساء الحال شتاء 🌧 وهوم ملمومين على شقالة المقرونة فل ..على فيض المثنان 🍀 والنهار اللي بدل حياتها 🔁 ..تتفكر سطاش انسنا التالي تقول البارح.. نهارة اللي جاها راجلها عم النوري وهي في *النوالة تحمش في العافية ..تطيب في كسيرات قمح معجونين بالمحبة والعرق ..

قعد عم النوري على طمبوري (tabouret) 🪑 لوح قصير صانعو بيدو مقابل خالتي خضراء وقاللها : واشنهي رايك نرحلو نسكنو في تونس ؟ 🇹🇳

قلبت خالتي خضراء الكسيرة ومصت صويبعاتها من سخانة الغناي وقالتلو : لا لا سيدي ..مانخليش برّي ..مانخلّيش بلادي ونمشي نعمر بلاد الناس ..اشبينا هانا لاباس علينا واش يخصنا ؟

تبسم عم النوري وقاللها : هيا مالة هاضاكهو ..عالضالين آمين ..الجمعة الجاية نرحلو ..(عم النوري راجل ديمقراطي ويحترم الرأي والرأي الآخر ديم يتفرج في الجزيرة) 😇

قاتلو خالتي خضراء : ومعزاتي 🐐 ودجاجاتي 🐔 لمن نخليهم ؟ نهزهم معاي ؟

ضحك عم النوري حتى بان ناب الفضة 😁 وقاللها : يرّه ..وين نهزوهم ..حتى نلقو وين نسكنو باش نهزوهم معانا ..الحاصل هاسيدي سي عبد القادر ماك تعرفيه ..هو اللي باش يسكنا ويخدمنا معاه في الشركة متاعو ..قالي نحب نخدم مع بناي عمي نعرفهم ويعرفوني ..

خالتي خضراء : يخدمنا ؟ حتى نا تنخدم ؟ 🤨

عم النوري : هلا واشي ؟ نتخادمو الزوز نتعاونو على هم الزمان ..

الحاصيلو ..جلب عم النوري المعزات باعهم نهار السوق وفرقت خالتي خضراء الدجاجات على جيرانها وخلت السردوك ..ليلة اللي ماشين طيبت عليه مقرونة جارية فل نومرو اثنين .. اييييه لتو مطعمها بين سنوني .. 😋ونهارة اللي رحلنا ..راكبين في الباشي من تالي نبيبو على فيض المثنان ..كل مالكرهبة تبعد هي تصغار ..حتى اتقت وراء الكدية واتقى معاها صغري ..و كي جيت لتونس تحلت عيوني عالدنيا ...وتجدد صغري ..✅

خزرت ليامنة لخالتي خضراء وقالتلها :
ليامنة : والكلبة ؟ 🐕

خالتي خضراء : هي هي وجبناها معانا لتونس قلنا نصيبوها تعس عالشركة ..ماندريش ..ثرنتو في تونس الكاميراوات هي التعس بلا نبيح ..وفي تونس تبدل عليها الهواء ماعادش تنبح ..كان نبحت راهي مرتين في النهار قبل الماكلة ..تقول دواء ..

حدة : ووين سكنتو في تونس اخيتي ؟
ليامنة : كرو duplex في اللاك مقابل سفارة الارجنتين ..🇦🇷
يضحكو البنات وتكمل خالتي خضراء ..

خالتي خضراء : سكنّا سي عبد القادر في دار الشركة لبين مادبرنا دويرة ..ودبر للراجل الخديمة عند القاوري ..هلا ماو عندو فتق مايحملش الوقفة ..وشرانا تلفزة بالكولير وفريجيداي ..📺

كملت خالتي خضراء حديثها وخزرت لشقالة المقرونة باش تكمل تفطر لقاتها مغسولة وصويحباتها يشربو في التاي ..

ليامنة : آه ..مقرونة في حقها ..اما بربي يزينا منها ..كل يوم مقرونة فل..غدوة مثلا نعملو مقرونة جارية أما ببوش .. ..انّوعو شوي يارسول الله..😏

هوم هكاكة ويدخل شهاب في يدو امبوبة وtournevis americain 🔧🪛 : هيا لبنات كان كملتو فطوركم ... سي عبد القادر قالي لم الناس الكل عندي مانقلهم ..👮‍♂️

المرة الجاية نحكيولكم على علياء وفاتن وشهاب ومحمـد وانيس وفؤاد وخليل شيفور ال chariot ..علاش لمهم سي عبد القادر واش باش يقلهم؟ 🤔
..خضراء يديها خضراء وفي Eco Gad تصنع في الخضار ..🌿

هيا اقعدو بالسلامة ..👋

حكايات EcoGad

خالتي خضراء يديها خضراء …اقدم خدامة في Eco Gad ..من نهارنا الأول وهي حاطة يدها معانا ..

خالتي خضراء ..هكة اسمها ..تولدت في الربيع ..وقت اللي نور اللوز ..سمّاوها خضراء يستباختو بيها …كبرت مع أندادها في بقعة يسموها فيض المثنان …جداتها دادة محضية كي تولدت علقتلها شركة مرجان في وسطها قليب سخاب ودعاتلها ..( بري بنيتي يفوح ريتك في الدارين ) ..

وبوها عم الشادلي فلاح على قدو …يخضّر كل عام النصيب اللي كتب …النصيب اللي يعيشهم على قدهم …أما فرحانين ماهمش مخصوصين …وكان كي يحب يغرس ينادي لخضراء تحط يدها ..يقول يديها خضراء ..

ولتوة خالتي خضراء …عايشة على قدها ..أما فرحانة بدنيتها وصغيراتها ومولى بيتها عم النوري ..عساس في شركة خاصة على ملك راجل قاوري اسمو Francois le Petit و tellement ناس ملاح وعامل معاهم المليح ..البعض من خدامتو يتقولو قالو اسلم وشهد عندو مدة وخذا شهادتو من جامع الزيتونة مصحح فيها المفتي بيدو وهاكة علاش يعيطولو محمد الصغير ..

عم النوري مريقل مسوقر يخلص نهار سبعة وعشرين في الشهر وياخو في عيد الصغير المهبة وفي عيد الكبير حق العلوش ويصبو عليه في الكاس ..

خالتي خضراء عالفجاري تقوم تخمل وتقد ..تركب افيم فطور الأولاد والراجل وتقصد ربي ..في الوقت اللي يروح فيه عم النوري ..يتقابلو في الكولوار …يسلمو على بعضهم بالبوس ..وينك ياخضراء وينك سي النوري …بالخلاف عايشين ..اما يتقابلو نهار الراحة ..اللي حرصو باش يقابل بعضو ..يتلمو على الكسكسي والسلاطة الخضراء وكاس التاي الأخضر بالكاكاوية وخالتي خضراء اصيانة في التطييب ..عندها نفس كيما يقولو ..عاد يقسمو اللي كتب ..ويلخصو لبعضهم اللي تعدي عليهم في الجمعة الكل …

هو يحكيلها على سي محمد الصغير وهي تحكيلو على Eco Gad …

هو يحكيلها على صاحبو علي اللي ياخو عليها البوسطة في العسة وهي تحكيلو على الشركة وصاحباتها في الخدمة شايخة متهنية فرحانة ماهيش مخصوصة والخدامة كينهم في عايلة ..صاحباتها ليامنة وفتحية وام الهناء كل وحدة بسرها واقربهم لقلبها خالتي حدة مرا شبابة ، ضامرة وجهها ديم مزين بضحكتها ..وقت الفطور يتلمو …كل كلمة بضحكة …بتنبيرة ..وساعات كان سكتو ومن بعد اطرشقو بالضحك راي خالتي حدة حكاتلهم نكتة خضراء ..لازمنا نبصرو باش يتعدى الوقت ..هكة تقول خالتي حدة ..

هانا حكينا ومزلنا باش نحكيو ..على يومياتنا وهدراتنا على ضحكنا وسيره الصغير والكبير في وسط الشركة ..

…خضراء يديها خضراء وفي Eco Gad تصنع في الخضار ..

هيا اقعدو بالسلامة ..

محلاها تونس 🇹🇳 ❤️

فخورين ياسر باش نكونو موجودين في الدورة الثانية متاع Jendouba Spring من 12 حتى 14 ماي ✔️

مرة أخرى وجودنا باش يكون الهدف متاعو إيكولوجي خاطر البلاصة رائعة و لازم تقعد نظيفة بعد التظاهرة إلى باش تكون فرصة كبيرة لدعم السياحة الإيكولوجية و التعريف بالdestination للتوانسة و حتى أحبابنا في #الجزائر 🇩🇿 💚

أولادنا باش يكونو موجودين لتحسيس المشاركين بأهمية الرسكلة و باش نثمنو كل نفايات التظاهرة ♻️

رغم كل شي الوعي ماشي و يكبر و أحنا ديما حاضرين كيف الهدف يكون سامي باش بلادنا تكون غدوة خير 🇹🇳

♥️♻️🌹✌️

هذا الlook عليك يجنن 💚😍

Après plusieurs semaines de préparation, nous avons l'honneur et le plaisir de donner le coup d'envoi de notre projet baptisé .

Cette aventure à fort impact environnemental et social débutera au معهد المنزه التاسع LM9 🏫. Elle consistera à la sensibilisation du staff, à inculquer les bonnes pratiques aux élèves, fournir des solutions fiables et efficaces pour le stockage, l'enlèvement et la valorisation des déchets recyclables de l'établissement en plus d'entretenir de façon régulière les espaces verts 🍀

Ce projet noble sera soutenu par notre partenaire Laboratoire SVR ❤️ . Nous profitons de l'occasion pour remercier la formidable équipe et le Directeur général pour leur engagement, leur sérieux et leur envie d'aller jusqu'au bout ✔️

Nous adressons aussi tous nos remerciements à notre partenaire stratégique EcoGad 💚 et son fondateur ❤️ qui ont encore un fois mis tous les moyens nécessaires et sans qui, Colibris n'aurait tout simplement pas existé.

Nous remercions aussi madame la directrice du Lycée Menzah 9 pour la confiance qu'elle nous a accordés, ainsi que l'association Ardh'Y qui a contribué au rassemblement de toutes les parties prenantes.

Colibris, SVR et Ardhy mettrons bientôt le cap sur d'autres établissements scolaires publics, pour construire ensemble, des générations écoresponsables et une Tunisie plus propre et plus juste 🇹🇳 ♻️

Dieu merci 💚

Eco-Gad est fière de mettre les moyens nécessaires pour la collecte des déchets recyclables du Ooredoo Night Run 2023 ♻️

Inscrivez vous et venez courir pour la bonne cause 🏃‍♂️🏃‍♀️ Les revenus seront reversés à l'institut Salah Azaiez pour la lutte contre le cancer.

Rendez-vous le samedi 15 avril à l'avenue Habib Bourguiba.

حبنا ليك بالفعل موش بالكلام ❤️
لمينا 100ات الآلاف من الأطنان من النفايات باش تكون أنظف 🎆...خدمنا 100ات النساء🙋‍♀️ و الرجال 🙋‍♂️ في أحسن الظروف...وصلنا تقريبا لكل بلاصة فيك باش نحاولو نردوك كل يوم أحلى 💚
نحبوك 🇹🇳

Nul ne peut aujourd’hui remettre en question la situation alarmante de l’impact du plastique tout au long de son cycle de vie.
La possibilité d’un lien entre l’exposition au plastique et la survenue des cancers n’est pas écartée.

Consciente de l’impact terrible des bouteilles en plastique sur notre pays et planète, Nourane mène en collaboration avec Colibris et Eco-Gad une action de sensibilisation auprès des participants au Marathon Nourane pour lutter contre les déchets en plastique.
Dans ce cadre, les bouteilles d’eau minérales seront recyclés par nos partenaires et transformés en dons au profit des actions qu’organise Nourane dans sa lutte contre le cancer.

Nourane se met au vert…Merci à COLIBRIS et ECO-GAD…

♥️🌹♻️

Nous sommes heureux et fiers de participer à cette action noble organisée par l'Association Nourane.

Nous mettrons la logistique nécessaire pour la récupération des déchets recyclables de ce marathon. Les bénéfices seront reversés à l'Association pour la caravane de dépistage qui sillonnera toute la Tunisie ❤️

نساء EcoGad مثال للإنضباط و الكفاءة 💚 ♻️
المغيرة : مادام سارة مديرة ✔️
منزل جميل : الآنسة سماح مديرة ✔️
سوسة : مادام الفة ومدام مفيدة ✔️
صفاقس : الآنسة دلندة مديرة ✔️
تقريب 60 مرا يخدمو في الفرز في أحسن الظروف الممكنة في تونس 🇹🇳
ربي يوفقكم الكل 💚

Eco-Gad is now on WhatsApp.

فريق العمل الكل 💚 . نسانا 🧕👩‍🌾. رجالنا👨‍🌾🤵 حرفائنا.👨‍⚖️👨‍💼 عيد مبروك عليكم و علينا و على كل المسلمين 🕋🕌🌙🐑

Avec des dizaines de tonnes de déchets recyclables récupérés et valorisés par jour ! Des dizaines d'emplois directs et des centaines d'emplois indirects ! Nous fêtons vraiment la Journée Mondiale de l'Environnement 🌎🍀🌲

On vous met au vert, presque partout en 🇹🇳 💚💪

Bravo Si Ali 👏👏👏

إلي يحب يقتصد في الموارد الطبيعية منو هكة عليه بولدنا سي علي 😁 حل ساهل و في متناول الناس الكل 👌

Nous sommes fiers de participer à cette édition de l' Envirofest 💚♻️

Venez voir les films 📼. L'accès est gratuit 🙂 Ramenez vos enfants et incitez votre entourage 👌

عيدكم مبروك 🕋 🌙 🕌
تقبل الله صيامكم و قيامكم 💚

Rotaract Club Tunis Méditerranée Bravo à vous pour tous vos efforts ! Nous sommes fiers et contents de notre contribution 💚😊

عيدكم مبروك 🕋 🌙 🕌

تحية كبيرة من Eco-Gad لكل إنسان يخدم بنصيحة في أي مجال في كلّ العالم 💪