Mazen Elbouri مازن البوري

مربوعة الفيس قاعدة تفضى ..
التيك توك يدير ف الشاهي عالحطب..

مطلوب في بنغازي
راتب ونسبة%

🔵المهام :
زيارة المحلات التجارية المختلفه وعرض خدمة معينه عليهم ( خدمة مش منتج )

-شغل نزيك وراقي بس يحتاج حد جدي ويتقبل الرفض.
- دوام مفتوح مش مقيد بساعات معينه بس ح يكون في العشيه فقط.

🔵المواصفات:
-يمتلك سيارته الخاصه
-حسن المظهر (مهتم بمظهره)
-حسن الحديث
-العمر من 25 - 35
-يفضل من لديه خبرة في التسويق والمبيعات

🔵المهتم ويشوف ف نفسه الكفاءة يراسلني خاص

✅️" الأشهر يبيع أكثر من الأشطر "✅️
مقولة مشهورة ل د.إيهاب مسلم الأب الروحي للتسويق والمبيعات في الوطن العربي

⚠️ مهتم بإشهار نفسك ( شخصياً ) لتتميز في السوق وتزيد عملائك لو شنو ما كان مجالك ، سواء اختصاصي اكاديمي أو حرفي!!
👈🏻 الدورة هذي لك..

دورة [اسرار ومهارات التسويق الشخصي] اونلاين🔴
👈🏻 قريبا ان شاء الله.

📩اكتب تعليق ( مهتم ) و ح نرسلك التفاصيل أول ما تجهز بإذن الله.

Mazen Elbouri مازن البوري مدرب | تطوير ذات | تطوير مشاريع | تسويق

مطلوب //
وظيفة مترجمة ومنسقة
المهام / التواصل مع موردين اجانب
-عنصر نسائي
-تجيد اللغة الانجليزية واي لغة أخرى
-التمكن من إستخدام برامج الكمبيوتر الاساسيه ووسائل التواصل

شركة الغزالة لاستيراد المواد الغذائية
بنغازي بو عطني - ش الألبان

للتقديم و لأي استفسار
0928390207

وظيفة شاغرة
يسر شركة الميسم لاستيراد الأدوية أن تعلن عن وظيفة عمل شاغرة

مطلوب مندوب مبيعات للتسويق الميداني في مجل الأدوية والفيتامينات والمكملات الغذائية
بالشروط التالية:
1. الأسلوب الحسن واللباقة في الحديث
2. حسن المظهر
3. خريج أو متفرغ
4. يمتلك سيارة خاصة به
5. لا يشترط الخبرة
من يأنس في نفسه الكفاءة فعليه فقط تعبئة النموذج في الرابط التالي👇:
https://forms.gle/FQVRm1DnnnajCjpF7

فخرنا وفخر الامة!!!
واللي عنده شهادة وعلم ووقار وخلق ينقعهن ويعطي ميتهن للعصافير..
اللهم لا تؤاخذنا

لا توجد طرق مسدودة ف الحياة..
يوجد رحلة قد انتهت واخرى عليك أن تبدأها

" نحن ننضج بالانكسار والفشل والألم .. لا بالعمر "
فكم من صغيرٍ حكيم أذاقته الحياة مُرها ..
وكم من كبيرٍ ساذج عاش في كنفِ الدلال.

" لا يُكلف اللهُ نفساً إلا وُسعها "
فلا تكلف عقلك وقلبك مالا تُطيق ..
أقدارك مكتوبة .... عش بهدوء

اكتب اكتب وخلاص حتى انت اكتب اي حاجه دير فيديو بأي حاجة ح تلقى داعمين ومتابعين مهما كان محتواك غلط او مستفز او قبيح او تافه او قليل حياء .. عادي

( انا سمكه) لقى متابعين وداعمين ماتبيش انت تلقى!! اكيد محتواك ح يكون اقل تفاهه واستفزاز منه.

اكتب جت عليك!!

بس تذكر!!
"لا تزول قدما ابن آدم يوم القيامة حتى يسأل عن خمس خصالٍ : عن عمرك فيما أفنيت ، وَعَن شبابك فيما أبليت ، وعن مالك من أين اكتسبت وفيما أنفقت، وما عَمِلْت فيما عَلِمت"

ماتبيش تشغل دماغك مش ح تنجح ف أي مشروع تفتحه!!
طول فتره مشروعك لازم دماغك يشتغل ويبدع..

لما من البداية تطلب في رأي الناس على فكرة مشروع من ع النت صدقني مش ح يصير منك ك صاحب ومدير مشروع و ح يريحن فلوسك..

دور ع فكرة وآمن بيها انت ..
غذي دماغك وشوف برا شن دايرين مشاريع وشوف نفسك ماهر ف شنو وتحب شنو

النجاح مش ساهل .. شغل دماغك

أعجبني .. ببلاش وفعالة
اللي بيخدم ح يدبر بالمتوفر 👌🏻

" قلل من التوقعات .. أكثر من التقبل "
اعرف انه مفيش وعد وافي ومفيش شيء مستحيل ومفيش شيء دايم ..

العقل ينضج .. الناس تتجدد .. المصالح تتغير .. والمحيط يختلف .
الوقت يمضي ويغير فينا ويغير في كل ما ومن حولنا...

ويتغير الحال .. وتصدمنا التوقعات

وتستمر الحياة

اللي يعرف وصفة فعالة (للأنانية من غير تأنيب ضمير) يدلنا عليها.. فيديو كتاب فلسفه اي شيء مقنع وفعال.
الموضوع مُنهك

كل حد ربي اموسع عليه بعلم أو مال أو صيت حسن أو راحة بال - مهما كانت ديانته - ح تلقى انه (راضي والدين) قبل أي سبب آخر .
خصوصاً الرجال لأنه حر نفسه

قبل ما تفكر تنجح شوف علاقتك معاهم كيف

⚠️ الرزق السهل أو السريع 99% فيه شيء غلط!!
يا تنازل عن مبدأ أو مبادئ سامية ، يا تخش ف حرام أو كولصة أو سرقة ، يا ادير حرام ..
المهم فيه جو مش تمام دينياً أو أخلاقياً أو انسانياً أو اجتماعياً

راجع من حولك و ح تتأكد..

شخصياً اقتنعت بالكامل أنه المال مش معيار نجاح بكل ف زماننا هذا ..
فهو أسهل زمان في تاريخ الكوكب اللي تقدر تقعد فيه مليونير بالغلط

معلومة عليا ع الماشي ..
كنت نروح م الجامعة تشيير 👋🏻 رحمة والدين يعني 😄 مافي فولوس صديك

اللي كان مصبرني وراضيني كنت حاط ف بالي ديما مثل .. هو مسجل كُليتنا اللي كان بقدره وصيته وواخذ ماجستير ..
قاللنا يوما ما كنت نروح م الجامعة ب قلع!!!

(دير قدوة ، حد كافح ووصل) . وجوده ف بالك ح يخفف عليك واجد ويخليك تستمر

مش ح يخليك ترجى وتصبر من غير سبب..
ثِق بالله وحكمته في كل أمرك

#مطلوب حد يقدر يصمم فيديوهات خفيفه سوا عال power point ولا أي برناج اخر شبيه
ويفضل يعرف يمنتج حتى عال vn او cap cut عشان يطلع شي كويس

اللي يعرف يدزلي شغله ع الخاص (لازم نشوف شغل سابق)

ثم ماذا؟
ثم تصل لمرحلة تتوقف فيها واهناً عاجزاً عن المنح أكثر!
فقد سعيت لأقصى حد وأعطيت كل ماتملك واستُنفذت كل قواك..

توقف العقل عن التفكير والجسد عن التدبير وجلست أخيراً راضياً عن نفسك تترقب .. حكم العلي القدير

لو عودتهم إنك ديما تضحك واتضحي وإيجابي وتتحمل وتجبر خواطر وتنصح وماتشكيش..

معش تتوقع انهم ايقدرو زعلتك أو طيحتك أو كسرتك أو حزنك .. ح تبان مقصر وقتها ومتغير وغلطان واحتمال يبعدو عنك..
يبوك ديما كيف ماتعودو عليك (ميكنة إسعاد وقضاء حوائج)

تحمل مسؤولية ماعودتهم عليه..
ازعل وانكسر وخليك بشر بروحك..
ولما تكمل ..اطلعلهم مكينة .. مرة اخرى

يا تكمل على هك كان تبي الرضا .. يا تضربهم بعرض الحائط وتبدأ من جديد..

تبي مشروع بدخل سريع!!
تبي مشروع من غير مهارات وخبرات كبيره!!
تبي مشروع برأس مال بسيط تقدر تبداه!!
تبي مشروع مش محتاج مقر!!
تبي مشروع شخصياً حققلي أكبر دخل!!
تبي مشروع موصي بيه أعظم الخلق واغنياء الصحابة كانو يشتغلو فيه!!

((عليك وع التجارة))

فقط اعرف شن تشري وبأرخص سعر

اشري جملة حتى من أسواق الجملة حداك وبيع قطعة ع النت ..
ابدأ توا وبعد كم شهر تعال قولي كيف حالك

🔵 صفحة تختص بالتوظيف 👤

🔵 صاحب عمل وتبي موظف أو موظفين!؟
فقط راسلنا ع الخاص بالمطلوب و سنقوم بنشر إعلانك التوظيفي بطريقة محترفه ونقوم بتمويله

أسأل الله عمراً مديداً في العلم والعطاء...
والحمد لله على ما آتاني من فضله حمداً كثيراً

⚠️⚠️ يا جماعة معلومة مهمه لكل مدراء الصفحات ..
الكثير من الشكاوي جتني وشفتها وقريت عليها كويس..
الفيسبوك يواجه في هجم*ات قرصنة يدزلك رسالة انه الانذار الاخير وانك مخالف المعايير وانه صفحتك ح يحذفوها وتخش انت ع الرابط وتعبي بيانات وياما يصير بعدها ... ردو بالكم الفيسبوك ما يدزش رسائل بكل وحتى الاشعارات افطنولها

اللي يدزلك رسالة هك خش احظره ح تلقاه حساب عادي ..

تبي تعرف صفحتك تمام او لا بشكل رسمي خش على شي اسمه (جودة الصفحه) page quality من لابتوب ح يبان عليك غير هك افطن

الرجاء التعميم في ناس خسرو صفحات فيها الاف.

هل اصبحت (الفلوس) هي معيار النجاح الأول في نظر العالم!!!؟؟
هذا مش سؤال فلسفي أنا فعلاً نسأل

تبي تبدأ مشروع!! السلسلة هذي لك ك بداية 👌🏻
تلقاها في فيديوهات الصفحة كما موضح..
كل التوفيق للجميع