Eiraka Ryaitu

NWSC hands over sites for Warugo water project to contractor

Yesterday, 31st August 2022, National Water and Sewerage Corporation (NWSC) handed over the sites for Warugo Project( Bushenyi Water Supply Augmentation Project) to the contractor, ANHUI HOLDING GROUP COMPANY LIMITED.

The ceremony was held at the raw water intake site at River Warugo Kakanju Sub county and it was attended by Bushenyi district leadership represented by the LCV Chairperson, Mr Jafari Basajabalaba and the deputy Resident District Commissioner Ms Rosemary Atuhaire, LCV councilors, NWSC team and residents.

The Warugo water project, which will be starting in a month(s) time according to NWSC management will last for 15 months at a cost of 1.8billion Uganda shillings to benefit residents in areas of Kyamuhunga, Kakanju, Bitooma, Ruhuumuro and Ishaka after completion.

Amanyisa
©Eiraka Ryaitu Media 2022

BUSHENYI DISTRICT GETS ICT TOOLS TO BOOST SERVICE DELIVERY

Zadock Amanyisa
BUSHENYI

The recently released Local governments performance assessment report 2021 ranked Bushenyi number 28. This came with mixed reactions as to why a 'model district' would fail to make it to the top.

This has also not gone well with the Chief Administrative Officer, Mr W***y Bataringaya, who attributes poor performance to lack of adequate ability to fully transact business in the service delivery arena.

The district has for a long time lacked tools to help in documentation and communication in general especially at a time when the world is going digital. The officials have found it hard sending and receiving information at appropriate times, something that has crippled development.

It is at this time that the district has on Wednesday 15th June 2022 received the support of tools to help in strengthening its communication capacity in the digitalization process.

The tools including six computers (three desktops and three laptops), printer and internet router were donated and handed to the district administration by GIZ through Western Ankole Civil Society Forum (WACSOF) at a ceremony held at the CAO's office.

Click this video to see details https://youtu.be/IBj8fbQj8mg

EIRAKA RYAITU

Omuhwezi wa Mukuru w'empanuura omw'eishengyero rya Uganda Owek. Thomas Tayebwa yaajwekyera mukama we Anita Among omu disiturikiti ya Kakumiro aha mukoro gw'okujaguza ekiro ky'abakazi kandi yaakoresa omugisha nigwo gumwe kutongoza okwombekwa kw'enju y'ekibiina kya Rwangisiriza (NRM). Kakumiro nibwo burugo bw'enganzi ya Uganda, Owek Robinah Nabanja.
©Eiraka Ryaitu 2022

Mukuru w'Eihanga rya Uganda, Owek. Yoweri Kaguta Museveni eizooba rya Sande egi yaatongoza eikorero rya shukaari eririkwetwa Kiryandongo Sugar Factory omu disiturikiti ya Kiryandongo eryombekirwe aba Sarrai. Arikugamba aha mukoro, Museveni yaasiima aba Sarrai ahabw'okuba abahurikiza barungi b'enyegyesa ya Rwangisiriza ey'okukora obugaiga kurabira omu kutandika amakorero. Hoona yaagaruka yaagira ngu amakorero nk'aga nigaija kuhwera abantu ba bureijo nabo kutunguuka omu miringo etari emwe n'emwe.
© Eiraka Ryaitu 2022

AHABW'ENKI MUSEVENI AHINDWIRE, AKABINGA BA RDC

Eiraka Ryaitu

Ebiro 23/03/2022, esabiiti ibiri enyimaho, Omwebembezi w'Eihanga rya Uganda, Owek. Yoweri Kaguta Museveni Tibuhaburwa akashohoza ekihandiiko ky'orukarara rurikworeka ku yaahindura, akarekaho, kandi akabinga bamwe aha bajwekyerwa be n'abahwezi baabo omuri za disiturikiti zitari zimwe na zimwe. Abajwekyerwa barikuhika 147 n'abahwezi baabo 163 bakahindurwa abandi baabingwa, ekintu ekyareeteire abantu omu nshonda z'eihanga baagamba aha nshonga egi omu miringo etarikushushana.

Kandi nabwo omu kuhindura oku, Purezidenti Museveni akataasyamu eminyeeto erikureebeka nka ba maani-masya ahabw'okugira ngu eminyeeto neeyebakura kandi erahukaho, eyanguha kutumwa omu mirimo ya Rwangisiriza.

Nikigambwa ngu Omwebembezi w'Eihanga akatungaho za ripoota kuruga omuri ba Minisita na ba mbega b'eby'okwerinda ku bamwe aha bajwekyerwa baayejumbeire omu;

✍️Okwiha abanya Uganda omu mataka gaabo omu buhenda biragiro.
✍️Okworeka obweremwa omu kurebuuza za puroguraamu za gavumenti
✍️OKwosha aha mirimo
✍️N'okukoragana b'aborubaju oruhakanisa gavumenti kwenda kujumika enkora ya Rwangisiriza kugita ow'eishe-butaka n'okugiremesa.

Okucondooza hoona nikwongyera kworeka ku ba aha bajwekyerwa ba Purezidenti n'abahwezi baabo baakoragaine n'abashaho n'abandi bakuru omuri za disiturikiti kukoresa kubi esente za Korona.

Enshonga ezi n'ezindi ezitakamanyirwe nizo zaaresireho okucondooza okwarugiremu empindahinduka.

Bamwe omu ba RDC(Aradiisi) ababingirwe barimu Omwami Frank Besigye Kyereere obaire ari Sheema, na Omukyara Lillian Ruteeraho obaire ari omuri Kagadi. Aba okubabinga kikashaasha haihi buri omwe omu kicweka kya burengyerw'eizooba bwa Uganda, abantu baayebuuza ahabwaki Museveni abantu aba yaababingire. Itwe nk'abahandiiki titurikumanya ahabwaki abakuru aba Museveni yaababingire.

Omwami Kyereere arikugamba aha nshonga egi, egizire ngu we akamanya ku baamubinga ari omu firidi naakora ngu kwonka amakura yaagaakiira omu mutima murungi kandi ariyo naaza owaabo Rukiga kuhinga.

Ku tugambireho n'omujwekyerwa omusya ahabwa Sheema, Omukyara Pulikeria Muhindo Mwine, orugire Rukiga arikwija Sheema, atugizire ngu Omwebembezi w'Eihanga aine obushoborozi obwamuhairwe engyendererwaho y'eihanga kutaho kandi akaihaho abajwekyerwa be omu bwire obu arikwenda.

© Amanyisa
Eiraka Ryaitu
Esimu: 0706139795|0782711457
Facebook: Eiraka Ryaitu

NDAZA KWEKOZESA- KYEREERE

Bwanyima y'okwihwa omu bwa RDC, obaire ari Omujwekyerwa wa Purezidenti omuri Sheema, Omwami Frank Besigye Kyereere kandi obaire naarebeka munonga ahari za Tiivi arikukora emirimo y'eihanga naagira ngu naaza kwekozesa omutwe gwe n'amaani ogu akiine kureeba ngu yaabeisaho eka ye. Kyereere ebi abigambire aharwakashatu aka kabaga k'okumusiibura akatebekanisiibwe abatuura ba Sheema ahansi y'ekibiina kyabo ekya Nyekundeire.
© Amanyisa
Eiraka Ryaitu Media

Niki eki murarinwa waawe yaakuzozire ekitarikweba mpaka orugire omu nsi?

OMWIJURIRANO KUREMESA ABAANA KUSHOMA-BUSHENYI

Bwanyima ya gavumenti kwiguraho amashomero kutandika kushomesa abaana, hariho okutiina omu mashomero gamwe ga gavumenti omuri Bushenyi ahabw'okugira ngu garimu omwijurirano gw'abaana nyamwingi. Nikimanywa ku amashomero agarimu Kyamuhunga central, Kabingo Model, Bumbaire na Rwentuuha gaine abaana barikurenga 600 burishomero kandi abaana aba tibaine bibiina by'okushomeramu na za kamina oteireho n'okuburwa abashomesa barikumara.

© Eiraka Ryaitu Media

Owabaireho Omwebembezi w'orubaju oruhabura gavumenti omw'eishengyero rya Uganda, Omuky. Winnie Kiiza yasiimwa ahabw'emirimo ei yaakoreire Eihanga rya Uganda obu yaabaire ari omu ofiisi 2016-2018.

© Eiraka Ryaitu

Minisita w'eby'obwegyese n'emizaano, Omuky. Janet Kataaha Museveni yaagira ngu abeegi ba siniya y'okubanza n'eyakabiri ab'omwaka 2020 nibaija kugumizamu nibatemba eya kabiri n'eya kashatu. Na bwanyima nihaija kubaho okushoma kw'omutaano(za remediyo) ahabw'abeegi aba omu taamu y'okubanza 2022 n'obu baraabe bahairwe eby'okushomeraho omuka.

© Eiraka Ryaitu

GAVUMENTI KUTANDAAZA ORUGUUTO RWA BUNYONYI

Eiraka Ryaitu | KABALE

Gavumenti ya Uganda eyatwire ku eyine entebekanisa z'okutandaaza ninga ekateera Koransi oruguuto rwa Bunyonyi oruurikuruga omu tauni Kabale rukaza aha Nyanja ya Bunyonyi.

Entebekanisa y'okukora oruguuto oru hamwe n'ezindi eyatwirwe Minisita w'eby'obushubuzi, amakorero n'ebigombe by'abetereine, Omwami David Bahati.

Bahati kandi orikujwekyera aba Ndorwa ya burugw'eizooba omu ishengyero rya Uganda ashoboreire ngu Gavumenti yaaherize kutunga esente ngu kandi emirimo neija kutandika omu bwire butari bwa hare.

Enguuto ezindi zirimu orwa Kabale enkuru, Kabale- Katuna-Rubaya-Muko.

Oruguuto rwa Bunyonyi orurikwingana oburaingwa bwa kiromita 15 rutwaire ruri amaino ga ruguru abarikurukoresa na munonga abarambuzi abarikuba nibaza kutaayaaya aha nyanja ya Bunyonyi.

Bahati otagambire omubaro gwa sente ezirakore enguuto ezagambwaho agizire ngu ekikuru n'abatuuragye okwerinda bakaguma baine amagara marungi nikwo bakabaasa kushemerererwa omu nguuto ezi zaaba zaaherize kukorwa.

Ekishushani: Intaneti

© Eiraka Ryaitu
0706139795
0782711457
Facebook: Eiraka Ryaitu

Sabato y'eihoreere ahari banywani baitu abacwanga.

Ogwa Turyamuhweza na Muhwezi Kooti yaagubinga.

Kooti enkuru omuri Kabale yaabinga omushango ogu owabaireho Omuny'eishengyero ahabwa Rujumbura omuri Rukungiri, Omw. Fred Turyamuhweza yabaire atabariize Maj. Jim Muhwezi Katugugu nakakiiko k'eby'oburuuru bwanyima ya Muhwezi okumusinga omu karuuru omu kw'okubanza 2021.

Omuramuzi omu Kooti enkuru, Phillip Odoki niwe yaahayo ensharamu y'omushango arikurabira aha mukutu gwa Intaneti.

Omu karuuru aka, Turyamuhweza akatunga 20556 kandi Muhwezi yaatunga 23990 nikwo Muhwezi kurangirirwa nk'omusinguzi kwonka Turyamuhweza akamurwara omu Kooti okuhitsya obu omushango baagubinga. Kooti yaagaruka yaagira ngu Turyamuhweza ashashure esente ezi tutakamanyire muhendo.

Bushenyi receives COVID-19 response vehicle

Eiraka Ryaitu | BUSHENYI | 29/10/2021

Bushenyi district has today received a double cabin pickup reportedly purchased from the COVID-19 response donation funds by government.

The vehicle was handed over to the district COVID focal/surveillance officer, Dr Eliab Tayebwa and it will be used for surveillance, transportation of laboratory samples and follow ups. The hand over ceremony was witnessed by the district leadership and members of the district health team.

© Eiraka Ryaitu news updates
Facebook: Eiraka Ryaitu

MP Biraaro tells LCs to protect locals from being ripped by police

Eiraka Ryaitu | BUHWEJU

The Buhweju West constituency legislator, Mr Ephraim Biraaro Ganshanga wants Local Council Chairmen to use their committees to protect residents in their villages from being ripped off by police whenever they have cases to settle.

According to Mr Biraaro, LCs have failed to settle domestic disagreements from their people and this has made people pay huge sums of money to police with hopes of getting justice.

Eiraka Ryaitu

Eshaara y'eizooba

Omuduumizi wa Poriisi ya Bushenyi empango yaahona kwitwa bomu

Eiraka Ryaitu | Bushenyi

Orikukora nk’omuduumizi wa Poriisi ahabwa Bushenyi empango, Omwami Adrian Kwetegyereza n’omwe aha bantu abaatunga obuhuta obu baasi y’okika kya Swift Safaris erikuruga Kampala erikuza Bushenyi yaabakukirwamu bomu omuri Mpigi aha rugyendo nyigyendwa orwa Masaka-Kampala.

Amakuru aga gaahamibwa Omugambirizi wa poriisi omuri Bushenyi empango, Omwami Martial Tumusiime owaagira ngu Mukama we, Kwetegyereza yaatunga obuhuta n’abandi bantu obu ekirikuteeberezibwa kuba bomu ningashi orutambasyoko kyabarukira omu baasi. Tumusiime yaayongyera yaagira ngu Mukama we yatwaarwa omu irwariro Mpigi kujanjabwa na bwanyima yaihwayo yatwarwa Mulago kutunga obujanjabi oburikukiraho. Titurikumanya bagyenzi be ahu batwarwa nabo kutunga obujanjabi.

Omuri butandu niyo emwe, abantu babiri abu tutakamanyire maziina baaferaho batakozirwe mukanwa okurugirira ahari CP Fred Enanga, Omugambirizi mukuru wa Poriisi omu Uganda.

© Eiraka Ryaitu
0706139795 | 0782711457

AGAHEERU

Owabaireho Purezidenti wa Amerika owa 42, Omwami Bill Clinton obwahati ari aha kitanda omwirwariro naajanjabwa oburwaire bwine akakwate n'okwitsya. Clinton, owategyekire Amerika kuruga 1993-2001 hati aine emyaka 75 akatwarwa omwirwariro aha rwa kabiri kandi atweire n'endwara y'omutima.
© Eiraka Ryaitu

AMASHOMERO GATARI GA GAVUMENTI NIGENDA BIRIYOONI 500 KWIGURA OMU KW'OKUBANZA

Bakama b'amashomero g'abantu-buntu agatari ga Gavumenti nibashaba Gavumenti ngu abaheereze sente zirikuhika obuhumbi 500(magana ataano)kubaasa kubahwera kwiguriraho gye abaana kushoma kutandika n'okwokubanza 2022. Arikwanjura enshonga egi omu maisho g'akakiiko k'ebyobwegyese omw'eishengyero ry'eihanga aha rwakana, Omunyeishengyero wa Igara eya burigw'eizooba omuri Bushenyi, Omwami Michael Mawanda yaagira ngu esente ezi n'ezokubahwera kugura eby'okutandikisa nka za sanitayiza n'ebindi.

©Eiraka Ryaitu

Abashaija omuri disturikiti ya Sheema nibagira ngu abakazi baabo babaruhize n'okubatuntuza okurimu okubakwatira enkoni, okubiima oby'okurya bya nyineka, n'okubajuma. Baingi omuri aba nibagira ngu nibatunga okutuntuzibwa kwonka basharamu okufa mamigye ngu ensi etabasheka.
Ekishushani: Intaneti
© Eiraka Ryaitu

AMAKURU MABI: 3 BAITWA BUTANDU OMURI RWAMPARA

RUGANDO-RWAMPARA

Abantu barikuhika 3 baitwa butandu eyaaba ahari Rugando omuri Rwampara aha rugyendo nyeigyendwa orwa Mbarara-Kabale.

Omugambirizi wa poriisi ahabw’ekyanga ekya Rwizi, Omwami Samson Kasaasira yaahamya amakuru mabi aga kwonka tiyagamba maziina g’abaafa ahakuba baaba batakamanyirwe.

Kasaasira yaagambira Eiraka Ryaitu ngu butandu egi yaabaho obu baasi enamba UAQ 079W obwaku bwa Bismarkan yaatomera akamotoka akakye k'obwaku bwa Calidina enamba UAV977P, na piki-piki ya bokisa enamba UET535K nayo eyaaba neeza Mbarara.

Abafeera omu kamotoka akakye ni babiri (2) kandi ondiijo n’owaaba ari aha piki-piki. Emibiri y’abaafa yaatwarwa omu kaju k’abafu ahairwariro erihango erya Mbarara.

Ebishushani n'ebya Intaneti.

©Eraka Ryaitu
Esimu:0706139795/0782711457

Abahingi b’amajaani Buhweju barugiiremu aho: Fakitore tekitwara majaani gaabo

Eiraka Ryaitu
BUHWEJU

Abahingi omuri burengyeirw’eizooba bwa disturikiti ya Buhweju agu barikuriza nigo barikweshushuza bwanyima ya fakitore y’amajaani eya Buhweju Tea Factory Limited erikushangwa omuri Nyakashaka kuremwa kutwara amajaani gaabo kumara omwanya gwa sabiiti yoona.

Omu rutaayaayo rwaitu omu myanya mingi omuri Nyakashaka aha rwa mukaaga tushangire abahingi n’abashoromi/abanogi b’amajaani bari aha birogotero nibacura ngu eki tibakakireebaga. Tureebireho amajani aha birogotero bimwe gashangiize endeere n’ebishanju bya kaarituusi kandi gaatandikire kwoma, ekirikumanyisa ngu tigaakibaasa kutwarwa omu kyoma.

Ku tugambireho na bamwe aha bantu abasiisikariirwe, baatugira ngu fakitore ekakoma kutwara amajaani gaabo aha rwa kabiri sande eyahwa hati ngu kandi tibatungire okushoborokyerwa okurikumara kuruga aha bakuru omu fakitore ya Buhweju.

Omwami Moses Tumusiime, Ceyamaani wa senta ya Nyakarambi kandi nawe omuhingi agizire ngu bafeereirwe munonga ahabw’amajaani kufeera aha birogotero bwanyima y’okutwaho ebiro bingi amajaani gatarikutwarwa.

“Twine ekizibu kihango nk’abahingi. Amajaani aga gakashoromwa kuruga orwa kabiri n’aga magingo gari aha birogotero,” Tumusiiime nagamba

Omwami Tumusiime ashabire abebembezi omuri Buhweju abarimu abany'eishengyero kutaho oburyo kuhwera omuhingi ariyo naakwata nibiragara obwa mbwenu.

“Kandi amazima agarigo nitwenda mwatuhikire, mutugambirire ba memba baitu ba paramenti batuteereho oburyo tubone za fakitore ezindi ahakuba omuhingi kuruga aha rwa kabiri atuura n’amajaani aha. Nikimanyisa ngu omwanya gw’okuguza kiro 100, naija kuguza kiro 40 ahakuba nigaba gaajunzire. Amajaani noija kushanga nituganaga omu kasasiro,” Omwami Tumusiime arikugamba naitwe

Omukyara Beatrice Tumwebaze, omuhingi agizire ngu we nk’omuhingi afereirwe munonga ahabw’okuba tayine sente z’okushashura abashoromi ninga abanogi b’amajaani obwahati abarikumubanja kandi obwo amajaani gatatweirwe aha fakitore.

“Itwe nitushaba ngu eki kihwe amajaani gaitu batandikye kugatwara ahakuba nituba twine abakozi abarikushaba sente ngu nabo bakaagira eki baakora omu maka gaabo kandi esente ezitariho. Mbwenu itwe abahingi twine obusaasi kandi twine enaku ahakuba abakozi nibatubanja, fakitore eyatuhaire orwezo n’etubanja ngu tushashure fatariiza. Mbwenu nitwenda obuyambi,” Tumwebaze arikugamba naitwe.

Abandi abagambireho naitwe bagizire ngu ekizibu kireetsirwe fakitore kuremwa kusa amajaani nyamwingi agarikuruga omu bahingi. Abakugu omu majaani aha fakitore bagizire ngu ebyoma bya fakitore biremirwe kusa amajaani ahabw’okugira amajaani ni maingi. Omwe aha bakugu agizire ngu fakitore eine amaani g’okusa amajaani kiro 85000(emitwaro munaana n’ekicweka) bur’eizooba ngu kwonka amajaani gakanyire gaaba kiro 300,000(emitwaro makumi ashatu) ekireteire amajaani gaabura kutwarwa kuruga aha birogotero.

Omukugu omu fakitore ayongyeire yaagira ngu ebyoma bingi omu fakitore bikafa kandi byaheza omwanya muraingwa bitakokoragye kandi ebiriho bihweire amaani tibyakibaasa kusa amajaani. Agarukire yaagira ngu fakitore neeyenda orubengo orundi kutunga amaani g’okusa amajaani nyamwingi agarikuruga omu bahingi.

Omwami Arthur Babu Muguzi, omuhingi ruranganwa agambiire Eiraka Ryaitu ngu amajaani okukanya kiretsirwe enjura na za fatarayiza ningashi ekiriisa eki abahingi barugire kuta omu majaani. Ayongyeire yaagira ngu ekizibu kibaasa kweyongyerayo omu maisho ahabw’okuba enjura neyongyera kugwa kandi hariho n’okweyongyera omu bwingi bw’abahingi abasya.

Ceyamaani w'orukiiko oruhango orurikutegyeka fakitore ya Igara Growers Tea Factory ei Buhweju eri ahansi yaayo, Omukyara Adrine Kobusingye Domaro ashabire ngu abahingi basaasire fakitore ahabw’obutatwara amajaani gaabo.

“Omu iziina rya fakitore za Igara na Buhweju nitushaasha ahabw’ekibaireho ahabw’amaani makye gaitu kutatwara amajaani. Ntwetaaga okugumisiriza n’okukorera hamwe omu bwire obu.” Omukyara Kobusingye arikugamba.

Ayongyeire yaagira ngu amajaani nigeyongyera bureizooba ekitari kya buriijo kandi yaagira ngu nihetaagisa okwongyera n’okuhangusya aha maani ga fakitore ekizibu eki kyaza kuhwaho.

Abahingi abu tugambireho nabo bagizire ngu ekizibu ekihango kiri omu mwebembezi bwa za fakitore eza Igara na Buhweju ei abakuru omu myanya yombi bahugiire omu kuryangatanisa esente n’okuremwa kushoronzya emirimo n’kokukibashemereire.

EIRAKA RYAITU
Gamba naitwe
Esimu
0782711457 | 0706139795

Facebook: Eiraka Ryaitu
Twitter:

Tushabe

Mukama Ruhanga ow'amahe kandi owahangire ensi egi n'ebirimu, nitukusiima ahabw'okuturabya omu kiro ekyasheesha hati.

Webare Taata ahabw'okuguma otuheekire, okaturinda akabi, kandi okatwongyera emigisha yaawe. Mbwenu eizooba eri niturihayo omu ngaro zaawe. Nitukushaba ngu oyongyere kutugirira embabazi, otusaasire kandi otumisheere emigisha yaawe, naitwe tugume nitukuramya iwe Mukama waitu.

Twashaba nitwikiriza kuraba omuri Yesu Kristo Mukama waitu.
Amiina

Bwashesha gye okwe bantu mwe?
Eiraka Ryaitu niribendenza eizooba rirungi.

Eiraka Ryaitu

Aha Eiraka Ryaitu, nitwendeza Bishopu wa West Ankole Diocese, Rt. Rev Johnson Twinomujuni amazaarwa marungi erya Kazooba. Mukama Ruhanga ow'amahe akwongyere emyaka!

Omwebembezi w'eihanga rya Uganda, Owekitinisa Yoweri Kaguta Museveni naija kuhayo okugamba kwe nyenkyakare orwa kataano shaaha ibiri z'ekiro. Museveni naija kuba naagamba aha kirikukurataho bwanyima y'ebiro ebyateirweho nkak'eshereko okukingira endwara ya Korona.