Vy Fresh New Royal

នៅព្រឹក ថ្ងៃអាទិត្យ ១១កើត ខែពិសាខ ឆ្នាំថោះ បញ្ចស័ក ព.ស. ២៥៦៦ ត្រូវនឹង ថ្ងៃទី៣០ ខែមេសា ឆ្នាំ២០២៣ ស្អែកនេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញពិនិត្យ សមិទ្ធផល​ស្ថានីយ​ប្រព្រឹត្តិកម្ម​ទឹកកខ្វក់ នៅខេត្តព្រះសីហនុ។

ស៊ីហ្គេម២០២៣ | ការប្រកួតបាល់ទាត់ (បុរស ពូល A) ថ្ងៃទី២៩ ខែមេសា ឆ្នាំ២០២៣
-កម្ពុជា ៤-០ ទីម័រខាងកើត
-ឥណ្ឌូណេស៊ី ៣-០ ហ្វីលីពីន

នៅ​ថ្ងៃ២៧​ ខែមេសា​ ឆ្នាំ២០២៣វេលាម៉ោង​៣:២០នាទីរសៀល:​ មាន​ករណី​ក្មេងចុះលេងទឹក​ហេីយ​បាន​លង់ទឹក​ ខណៈ​ពេលនេះ​បបងប្អូន​ ប្រជា​ពលរដ្ឋ​ ជួយ​សង្រ្គោះ​បឋម​ហេីយ​សមត្ថកិច្ច​បាន​បញ្ចូនក្មេងដែរលង់ទឹកទៅ​មន្ទីរពេទ្យផងដែរ
ហេតុការនេះ​ស្ថិត​នៅ​ ឃុំ​ អន្លង់រមៀន​ ស្រុកកណ្ដាលស្ទឹង​ ខេត្តកណ្តាល​ ។

ឃាតកម្ម ! បាញ់បងស្រីថ្លៃ និងបងស្រីជីដូនមួយជាគ្រូបង្រៀន បណ្ដាលឲ្យស្លាប់២នាក់ រួចខ្មាន់កាំភ្លើងបាញ់ខ្លួនឯង តាមក្រោយ តែមិនស្លាប់ ស្រុកអង្គរជ័យ បង្កការភ្ញាក់ផ្អើល ផ្តើមចេញពីគំនុំ

(កំពត)៖ ស្នងការនគរបាលខេត្តកំពត លោកឧត្តមសេនីយ៍ទោ ម៉ៅ ច័ន្ទមធុរិទ្ធ បានប្រាប់បណ្ដាញព័ត៌មាន ឲ្យដឹងថា ក្រោយទទួលបានព័ត៌មាន លោកបានបញ្ជាកម្លាំងជំនាញ នៃស្នងការដ្ឋាននគរបាលខេត្ត និងកម្លាំងអធិការដ្ឋាននគរបាលស្រុកអង្គរជ័យ បានចុះដល់កន្លែងកើតហេតុ។
នៅវេលាម៉ោង១០ព្រឹក ថ្ងៃទី២៧ ខែមេសា ឆ្នាំ២០២៣នេះ ស្ថិតក្នុងភូមិបាល ឃុំតានី ស្រុកអង្គរជ័យ ខេត្តកំពត បណ្ដាលឲ្យមនុស្ស២នាក់ស្លាប់ភ្លាមៗ រួចខ្មាន់កាំភ្លើងបាញ់ខ្លួនឯងតាមក្រោយ តែមិនស្លាប់ដោយរងរបួសធ្ងន់ចំទ្រូង។
ជនសង្ស័យមានឈ្មោះ ឡាយ សំអាត ហៅចែម អាយុ៣៩ឆ្នាំ មានទីលំនៅភូមិ-ឃុំកើតហេតុនេះ បានធ្វើសកម្មភាពបាញ់ទៅលើបងថ្លៃ និងបងជីដូនមួយរបស់ខ្លួន ដោយប្រើប្រាស់អាវុធម៉ាក RPK (គ្រាប់AK) ជាច្រើនគ្រាប់ បន្ទាប់មកបានធ្វើអត្តឃាតខ្លួនឯង ដោយបាញ់ខ្លួនឯងចំនួន ០១ គ្រាប់ ចំដើមទ្រូង (របួសធ្ងន់) សមត្ថកិច្ចដឹកតាមរថយន្តសង្គ្រោះ នៅមន្ទីរពេទ្យបង្អែកខេត្តកំពត។
ដោយឡែក ជនរងគ្រោះទាំងពីរនាក់ រួមមាន ៖
*ទី១៖ ឈ្មោះ នួន សុខា ភេទស្រី អាយុ៤២ឆ្នាំ មុខរបរគ្រូបង្រៀន មានទីលំនៅភូមិ-ឃុំកើតហេតុខាងលើ (បងជីដូនមួយជនសង្ស័យ) រងរបួស ០២គ្រាប់ ស្លាប់នៅនឹងកន្លែងកើតហេតុ ។

*ទី២៖ ឈ្មោះ អៀង ស៊ុន ភេទស្រី អាយុ៤៧ឆ្នាំ មុខរបរកសិករ មានទីលំនៅភូមិ-ឃុំកើតហេតុខាងលើ (បងថ្លៃជនសង្ស័យ) រងរបួសចំនួន២ គ្រាប់ ត្រូវបានស្លាប់នៅពេលដែលរថយន្តសង្គ្រោះបញ្ជូនទៅសង្គ្រោះបន្ទាន់ នៅមន្ទីរពេទ្យបង្អែកខេត្តតាកែវ។

មូលហេតុដែលជនសង្ស័យមានគំនុំខឹងនឹងបងជីដូនមួយ និងបងថ្លៃ ហើយជនសង្ស័យជាមុខសញ្ញាដែលប្រើប្រាស់គ្រឿងញៀន។ កម្លាំងសមត្ថកិច្ច កំពុងកសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធី៕

មិនមានករណីមនុស្សម្នាក់ ទទួលបានសំបុត្រ ៥០សន្លឹក សម្រាប់មើលបាល់ទាត់ទេ

(ភ្នំពេញ)៖ នៅថ្ងៃទី២៧ ខែមេសា ឆ្នាំ២០២៣នេះ លោក កែវ សារ៉េត អគ្គលេខាធិការសហព័ន្ធកីឡាបាល់ទាត់កម្ពុជា បានថ្លែងប្រាប់បណ្តាញថា មិនមានករណីមនុស្សម្នាក់ ទទួលបានសំបុត្រ ចំនួន ៥០សន្លឹក សម្រាប់មើលការប្រកួតបាល់ទាត់វិញ្ញាសារផ្នែកបុរស អាយុក្រោម ២២ឆ្នាំឡើយ។
បើតាមការលើកឡើងរបស់លោក កែវ សារ៉េត បានឲ្យដឹងទៀតថា ចំពោះករណីការចែកចាយរឿងមនុស្សម្នាក់ ទទួលបានសំបុត្រ ៥០សន្លឹក គឺជាការថតលេងសើចខុសទំនង របស់មន្ត្រីសហព័ន្ធកីឡាបាល់ទាត់កម្ពុជា ទើបត្រូវមហាជនរិះគន់។
លោក កែវ សារ៉េត បានសម្តែងការពេញចិត្តលើលោក ប្រាក់ សុវណ្ណារ៉ា មន្ត្រីម្នាក់របស់សហព័ន្ធកីឡាបាល់ទាត់កម្ពុជា ដែលបានចេញមកបកស្រាយករណីនេះទាន់ពេលវេលា។ ជាមួយគ្នានេះ លោកក៏ស្នើសូមឲ្យមន្ត្រីមានការ ប្រុងប្រយ័ត្នខ្ពស់ ពេលធ្វើសកម្មភាពនានា ជាពិសេសការបង្ហោះសារលើបណ្តាញសង្គម។
លោក កែវ សារ៉េត បានស្រង់ខ្លឹមសារបកស្រាយរបស់លោក ប្រាក់ សុវណ្ណារ៉ា យ៉ាងដូច្នេះ «គ្មាននរណាម្នាក់ មានសិទ្ធិទទួលបានសំបុត្រទាំងដុំទេ។ អ្នកទទួល សុទ្ធតែជាអ្នកតំណាងក្លិប ទទួលពីសហព័ន្ធផ្ទាល់ ដែលសហព័ន្ធផ្តល់ជូនគ្រប់ក្លិបទាំងអស់ រាល់ការប្រកួតអន្តរជាតិ មិនមែនតែលើកហ្នឹងទេ។ ហើយប្អូនវិសាល ដែលមិត្តភក្តិថត Tiktok គឺជានាយបេសកកម្ម ដែលមានតួនាទីទទួលសំបុត្រចែកជូនគ្រប់ប្រទេស ដែលពាក់ព័ន្ធចូលគាំទ្រក្រុមរបស់ខ្លួន។ សូមពិចារណាផង មិនគួរមើលតែមួយជ្រុងទេ»។
សូមជម្រាបថា ក្រុមបាល់ទាត់ជម្រើសជាតិយុវជនអាយុក្រោម ២២ឆ្នាំឥណ្ឌូនេស៊ី ត្រូវប៉ះហ្វីលីពីន ជាគូបើកឆាកប្រភេទកីឡាបាល់ទាត់ ផ្នែកបុរសក្នុងព្រឹត្តិការណ៍កីឡាប្រចាំតំបន់អាស៊ីអាគ្នេយ៍ (SEA Games) ឆ្នាំ២០២៣ នៅកម្ពុជា។ នេះជាការប្រកួតសន្សំពិន្ទុមុនគេចេញពីពូល A ក្នុងចំណោម ៥ក្រុមរួមមានឥណ្ឌូនេស៊ី ហ្វីលីពីន ទីម័រខាងកើត មីយ៉ាន់ម៉ា និងម្ចាស់ផ្ទះកម្ពុជា នៃយុទ្ធនាការមានរយៈពេល ២ឆ្នាំម្តងលើកទី៣២ នេះ។
ក្រៅពីឥណ្ឌនេស៊ី ប៉ះហ្វីលីពីន នាម៉ោង ៤៖០០នាទីរសៀលថ្ងៃទី២៩ ខែមេសា ឆ្នាំ២០២៣ នោះ U22 របស់ម្ចាស់ផ្ទះកម្ពុជា ក៏ត្រូវប៉ះ U22 ទីម័រខាងកើតផងដែរនៅម៉ោង ៧យប់ថ្ងៃដដែលក្នុងពហុកីឡដ្ឋានជាតិអូឡាំពិកតែមួយគត់ គ្រាដែលសំបុត្រចូលទស្សនាពុំមានគិតថ្លៃឡើយ។ ប៉ុន្តែ សំបុត្រសម្រាប់ចូលទស្សនាត្រូវបានចែកអស់យ៉ាងឆាប់រហ័សបំផុត។
តាមរយៈសារពិសេស សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅថ្ងៃទី២៥ ខែមេសា ឆ្នាំ២០២៣ បានផ្ញើសារណែនាំជូនអភិបាលរាជធានី-ខេត្ត ឱ្យរៀបចំការបញ្ចាំងស្លាយផ្សាយបន្តផ្ទាល់ការប្រកួតបាល់ទាត់ ក្រោយសាលទស្សនាមិនអាចផ្ទុកមនុស្សច្រើនតាមតម្រូវការជាក់ស្តែង៕

មនុស្សចំនួន ១២នាក់ សមត្ថកិច្ចបង្រ្កាបឃាត់ខ្លួន និងរឹបអូសបានឈើប្រណិតៗ រួមនិងឧបករណ៍សម្រាប់អារឈើជាច្រើនប្រភេទ បន្ទាប់ពីមានបទបញ្ជារបស់នាយឧត្តមសេនីយ៍ សៅ សុខា

ភ្នំពេញ៖ មនុស្សចំនួន ១២នាក់ ត្រូវបានកម្លាំងសមត្ថកិច្ចជំនាញ ចុះបង្រ្កាបឃាត់ខ្លួន និងរឹបអូសបានឈើប្រណិតៗ រួមនិងឧបករណ៍សម្រាប់អារឈើជាច្រើនប្រភេទ បន្ទាប់ពីមានបទបញ្ជារបស់នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស ឱ្យបង្រ្កាបបទល្មើសព្រៃឈើនៅតំបន់ព្រៃឡង់។
បេីតាមការបញ្ជាក់ពីអ្នកនាំពាក្យគណៈកម្មការជាតិដើម្បីទប់ស្កាត់និងបង្ក្រាបបទល្មើសធនធានធម្មជាតិ នៅក្នុងសេចក្តីប្រកាសព័ត៌មាននាថ្ងៃទី២៧ ខែមេសា ឆ្នាំ២០២៣នេះថា កិច្ចប្រតិបត្តិការបង្រ្កាបនេះ អាជ្ញាធរបានរឹបអូសឈើប្រភេទលេខ១ សរុបចំនួន ៧៣ម៉ែត្រត្រីគុណ៦៧២, ឈើហ៊ុបមូលចំនួន ៤ រថយន្ត (មិនទាន់វាស់វែង) និងឃាត់រថយន្តសណ្តោងរ៉ឺម៉កចំនួន ៧គ្រឿង គោយន្តកន្ត្រៃចំនួន១ ៣គ្រឿង ម៉ូតូ ចំនួន ១គ្រឿង កៅឡាក់ ១៤គ្រាប់។ ជាមួយគ្នានេះដែរ បានឃាត់ខ្លួនជនដែលពាក់ព័ន្ធចំនួន ១២នាក់ ប្រគល់ជូនមន្ត្រីរដ្ឋបាលព្រៃឈើបន្តនីតិវិធី។
សូមជម្រាបថា ក្នុងប្រតិបត្តិការនេះ បានធ្វើឡើងបន្ទាប់ពី លោកនាយឧត្តមសេនីយ៍ សៅ សុខា បានទទួលដំណឹងតាមបណ្តាញសង្គមដែលផ្សព្វផ្សាយ ព្រោងព្រាត អំពីសកម្មភាពដឹកជញ្ជូនឈើពីតំបន់ព្រៃឈើតាមគោយន្តកន្ត្រៃជាច្រើនគ្រឿង យកទៅលក់ឱ្យក្រុមហ៊ុនមួយដោយគ្មានការញញើតពីអាជ្ញាធរឡើយ។
លោកមេបញ្ជាការកងរាជអាវុធហត្ថលើផ្ទៃប្រទេស បានបញ្ជាក់ថា ដោយសារតែមន្ត្រីស្រុកនិងព្រៃ ត្រូវរ៉ូវគ្នា ទើបធ្វើឱ្យបទល្មើសព្រៃឈើមានការកើនឡើង។ ទេីបលោកបានចេញបទបញ្ជាឱ្យបង្រ្កាបឱ្យខាងតែបាននូវជនល្មើសព្រៃឈើ និងបញ្ជា និងបាញ់ទៅជនល្មើសប្រសិនហ៊ានបាញ់មកលើសមត្ថកិច្ច ហើយក៏អាចប្រើប្រាស់រថពាសដែកក្នុងករណីចាំបាច់។
លោកនាយឧត្តមសេនីយ៍ សៅ សុខា បានគូសបញ្ជាក់យ៉ាងដូច្នេះថា «បើមេព្រៃ មេស្រុក កម្លាំងប្រដាប់អាវុធនៅទីនោះ ស្តាប់បញ្ជារបស់សម្តេច ហើយចូលរួមទប់ស្កាត់ ដោយការអប់រំប្រជាជន ប្រើវិធានការរដ្ឋបាល ឃាត់ ផាក វាគ្មានអាណាចូលទៅប្រព្រឹត្តបទល្មើសនោះទេ។ ដោយសារមានខ្មោចស្រុក និងខ្មោចព្រៃ វាត្រូវគ្នា ទើបបទល្មើសព្រៃឈើនៅតែកើតមានឡើង។ បណ្តែតបណ្តោយពួកគេ ងាប់ប្រទេសបណ្តោយ»៕

ករណីគ្រោះថ្នាក់ចរាចរណ៍ ដោយតៃកុងទ្បាន កុងតឺន័រ បានរេចង្កូត ក្រទ្បាប់ ធ្លាក់ប្រឡាយ បាត់បង់ជីវិត នៅតាមផ្លូវជាតិលេខ១ ជិតផ្សារកំពង់សឹង្ហ មិនទាន់ដឹងប្រាកដថា មកពីមូលហេតុអ្វី?

ខេត្តព្រៃវែង : លោកឧត្តមសេនីយ៍ទោ ឈឿន ប៊ុនឆន ស្នងការនគរបាលខេត្តព្រៃវែង បានបញ្ជាក់តាមប្រព័ន្ធ Telegram ផ្លូវការ នៅថ្ងៃទី២៩ ខែមេសា ឆ្នាំ២០២៣ ថា មានករណីគ្រោះថ្នាក់ចរាចរណ៍នៅផ្លូវជាតិលេខ១ ចំណុចកំពង់សឹង ស្រុកព្រះស្តេច ខេត្តព្រៃវែង ជនរងគ្រោះជាតៃតុងឡាន ស្លាប់ ។ បងៗអ្នកសារព័ត៌មានផ្សាយថា មានជនពាលគប់កញ្ចក់ឡាន ទើបបណ្តាលឱ្យមានគ្រោះថ្នាក់បែបនេះ ។
សមត្ថកិច្ចមូលដ្ឋានរាយការណ៍តាំងពីកើតហេតុភ្លាមៗថា គ្រោះថ្នាក់ដោយឯងៗ យ៉ាងណាក៏ដោយខ្ញុំបានចាត់បញ្ជូនជំនាញចុះស្រាវអង្កេតដោយយកចិត្តទុកដាក់ជាទីបំផុត តាំងពីព្រឹកព្រលឹម ដូចនេះសុំបណ្តាសារព័ត៌មានផ្សាយ ដោយយកចិត្តទុកដាក់ បើមានភស្តុតាងពិតជាមានការគប់កញ្ចក់រថយន្តមែន សូមបងៗផ្សាយឱ្យបានភ្លូកទឹកភ្លូកដីចុះ ប៉ុន្តែបើមិនទាន់មានភស្តុតាងទេ បងៗផ្សាយចេញបែបនេះគឺប៉ះពាល់ក៏ធ្ងន់ធ្ងរដែរដល់សមត្ថកិច្ចមូលដ្ឋាន ។ សូមអរគុណការចូលរួម ។
នៅយប់ថ្ងៃទី២៩ ខែមេសា ឆ្នាំ២០២៣ ករណីគ្រោះថ្នាក់ចរាចរណ៍ ដោយតៃកុងទ្បាន កុងតឺន័រ បាន រេចង្កូត ក្រទ្បាប់ ធ្លាក់ប្រឡាយ បាត់បង់ជីវិត នៅតាមផ្លូវជាតិលេខ១ ជិតផ្សារកំពង់សឹង្ហ មិនទាន់ដឹងប្រាកដ ថាមកពីមូលហេតុអ្វី ។ ជនរងគ្រោះឈ្មោះ ហើម អាយុ ៣៨ ឆ្នាំ មានស្រុកកំណើត នៅស្រុករមាសហែក ខេត្តស្វាយរៀង ៕

ប្រយ័ត្នផងបងប្អូនទាំងអស់គ្នា

ករណីស្ត្រី ដែលមានការធ្លាក់ឈាមក្រោយសម្រាលកូនរួច និងបានទទួលមរណភាព នៅមន្ទីរពេទ្យថ្នាក់ជាតិ មន្ទីរសុខាភិបាល នៃរដ្ឋបាលខេត្តស្វាយរៀងចេញសេចក្តីបំភ្លឺ

ខេត្តស្វាយរៀង៖ បន្ទាប់ពីមានការចុះផ្សាយរបស់បណ្ដាញសារព័ត៌មានក្នុងស្រុកនៅថ្ងៃទី២៣ ខែមេសា ឆ្នាំ២០២៣ ស្តីអំពីករណីស្ត្រីដែលមានការធ្លាក់ឈាមក្រោយសម្រាលកូនរួចនិងបានទទួលមរណភាពនៅមន្ទីរពេទ្យថ្នាក់ជាតិមក មន្ទីរសុខាភិបាលនៃរដ្ឋបាលខេត្តស្វាយរៀងនៅថ្ងៃទី២៤ខែមេសាឆ្នាំ២០២៣បានចេញសេក្តីបំភ្លឺជូនសាធារណជនដូចខាងក្រោម ៖
ស្រ្តីខាងលើឈ្មោះ ហាយ សារ៉ាន់ អាយុ ២៦ ឆ្នាំ មានទីលំនៅភូមិសំរោង ឃុំមុខដា ស្រុករមាសហែក ខេត្តស្វាយរៀង បានមកទទួលសេវាសម្រាលកូននៅ មណ្ឌលសុខភាពមុខដា វេលាម៉ោង០៦:១០នាទីព្រឹកថ្ងៃទី២០ ខែមេសា ឆ្នាំ២០២៣ ក្នុងស្ថានភាពឈឺពោះសម្រាលកូន មាត់ស្បូនបើកជិតអស់ (8cm) និងមានសញ្ញាបម្រុងក្រឡាភ្លើង ត្រូវការការជួយសង្គ្រោះបន្ទាន់ ។
ក្រុមគ្រូពេទ្យបានធ្វើការសម្រាលនិងជួយសង្គ្រោះទៅតាមបច្ចេកទេស ដោយទទួលបានកូនប្រុសមួយមានទម្ងន់ទាប (1,8Kg) នាវេលាម៉ោង ០៦:៤៧ នាទីព្រឹកថ្ងៃខែឆ្នាំដដែល ។

ក្រោយសម្រាលកូនរួច ស្ដ្រីនេះមានអាការធ្លាក់ឈាមធ្ងន់ធ្ងរ គ្រូពេទ្យបានបន្តជួយសង្គ្រោះនៅមណ្ឌលសុខភាព តែស្ថានភាពស្ត្រីរងគ្រោះនៅបន្តធ្លាក់ឈាម ក៏បញ្ចូនមកមន្ទីរពេទ្យបង្អែករមាសហែក ដើម្បីធ្វើការសង្គ្រោះបន្ត ។ ក្រោយការសង្គ្រោះរបស់ក្រុមគ្រូពេទ្យ ស្ថានភាពមិនប្រសើរក៏បានបន្តបញ្ចូនដោយរថយន្តគិលានសង្គ្រោះមកមន្ទីរពេទ្យខេត្តស្វាយរៀង ។

ក្រោយពីការសង្គ្រោះដោយយកចិត្តទុកដាក់នៅមន្ទីរពេទ្យខេត្តស្វាយរៀង ដែលបានបញ្ចូលឈាមអស់ចំនួន៩កំប្លោក និងធ្វើការសង្គ្រោះ ព្យាបាលទៅតាមបច្ចេកទេស ប៉ុន្តែស្ថានភាពអ្នកជំងឺនៅតែមិនប្រសើរ ក្រុមគ្រូពេទ្យក៏សម្រេចចិត្តបញ្ជូនបន្តទៅមន្ទីរពេទ្យថ្នាក់ជាតិនៅថ្ងៃទី២១ ខែមេសា ឆ្នាំ២០២៣៕

បុរសម្នាក់ ចងខ្សែចុះក្នុងអណ្តូង ដើម្បីពិនិត្យមើលទឹក ដែលធុំក្លិនស្អុយ គ្រោះអកុសល្យថប់ដង្ហើមស្លាប់ បុរសម្នាក់ទៀត ចុះទៅក្នុងគោលបំណងជួយសង្គ្រោះ បណ្តាលអោយថប់ដង្ហើមសន្លប់

ខេត្តកំពង់ធំ ៖ កាលពី ថ្ងៃទី២៣ ខែមេសា ឆ្នាំ២០២៣ ស្ថិតនៅក្នុងបរិវេណវត្តសាសនៈរង្សី ហៅវត្តសំរោង ភូមិសំរោង ឃុំសាមគ្គី ស្រុកប្រាសាទបល្ល័ង្ក ខេត្តកំពង់ធំ ។

ជនរងគ្រោះខាងលើ ទី១-ឈ្មោះ មេន មីត ភេទប្រុស អាយុ១៨ឆ្នាំ មុខរបរកសិករ រស់នៅភូមិ-ឃុំកើតហេតុបាន(ស្លាប់) និងទី២-ឈ្មោះ សឿន សៀត ភេទប្រុស អាយុ៣៣ឆ្នាំ មុខរបកសិករ នៅភូមិឃុំកើតហេតុ រងរបួសត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ ។
បើតាមនគរបាលបានឲ្យដឹងថា បន្ទាប់ពីបានទទួលព័ត៌មានពីឈ្មោះប៊ន ឃ្លី ភេទប្រុស អាយុ៤៩ឆ្នាំ ជាប្រជាជនភូមិសំរោង ឃុំសាមគ្គី ថា អណ្ដូងទឹកក្នុងវត្តដែលប្រើប្រាស់រាល់ថ្ងៃមានក្លិនស្អុយប្រើមិនកើត ក៏ចង់ដឹងអំពីមូលហេតុនេះ ។

ពេលនោះ ជនរងគ្រោះឈ្មោះ មេន មីត ក៏បានយកខ្សែចង ហើយសម្រូតខ្លួនចុះទៅក្នុងអណ្តូង ចំណែកឯឈ្មោះ សឿន សៀត នៅឈរចាំមាត់អណ្ដូងខាងលើ នៅពេលដែលជនរងគ្រោះចុះទៅមិនទាន់ដល់ទឹកផង ក៏ស្រែកបានប្រាប់ថា មានសភាពថប់ដង្ហើមខ្លាំងណាស់ ស្រែកប្រាប់រួច ភ្លាមនោះស្រាប់តែរបូតដៃដែលតោងខ្សែរធ្លាក់ចូលទៅក្នុងទឹកអណ្តូងលិចបាត់តែម្ដង ។
ឃើញដូច្នេះ ឈ្មោះសឿន សៀត បានហៅគេឲ្យជួយ និងបានចុះជួយស្រង់ជនរងគ្រោះ ខណៈពេលនោះ ចុះទៅពុំទាន់ដល់ទឹកផងស្រាប់តែថប់ដង្ហើមរកសន្លប់ ហើយក៏ត្រូវបានអ្នកភូមិជួយទាញយកមកខាងលើវិញទាន់ពេល និងបានបញ្ជូនទៅសង្គ្រោះនៅមន្ទីរពេទ្យបង្អែកស្រុកស្ទោង ។
ចំណែកព្រះតេជគុន ហោ ហួង ជាព្រះសង្ឃគង់នៅវត្តសំរោងបានមានសង្ឃដីការថា ជនរងគ្រោះបានចុះអណ្ដូងនេះ ដើម្បីចង់ដឹងពីមូលហេតុដែលទឹកនៅក្នុងអណ្តូងមានក្លិនស្អុយប្រើមិនកើត ។
នៅពេលនោះ ជនរងគ្រោះចុះដល់ពាក់កណ្ដាលអណ្ដូង ធ្វើឱ្យជនរងគ្រោះថប់ដង្ហើមសន្លប់ធ្លាក់ចូលក្នុងទឹក ឃើញដូច្នោះ ឈ្មោះ សឿន សៀត ដែលនៅក្បែរនោះចុះទៅជួយស្រង់ ចុះទៅមិនទាន់ដល់ទឹកផង ក៏បានថប់ដង្ហើមរកសន្លប់ម្នាក់ទៀត ប៉ុន្តែត្រូវបានបងប្អូនក្នុងភូមិជួយទាន់ពេល ចំណែកឈ្មោះ មេន មីត បានដាច់ខ្យល់ស្លា.ប់នៅក្នុងអណ្ដូង ហើយបងប្អូនអ្នកភូមិក៏ជួយស្រង់មកលើគោក។
យោងតាមការត្រួតពិនិត្យ សាកសពជនរងគ្រោះត្រូវបានសាច់ញាតិស្រង់ចេញពីក្នុងអណ្ដូងមកលើគោក ស.ពពុំមានស្លាកស្នាមអ្វីគួរឲ្យកត់សម្គាល់ទេ គឺស្លាប់ដោយសារថប់ដង្ហើយ(ខ្វះខ្យល់អុកស៊ីហ្សែន) ៕

បុរសម្នាក់ តែងតែផឹកស្រាជារៀងរាល់ថ្ងៃ ទោះបីបងប្អូនហាមក៏មិនស្តាប់ រហូតមិនស្រួលខ្លួន ត្រូវបានបងប្អូននិងក្រុមការងារដឹកតាមរឺម៉កទៅមន្ទីរពេទ្យ តែដោយអកុសលត្រូវបានដាច់ខ្យល់ស្លាប់តាមផ្លូវ

ភ្នំពេញ៖ កាលពី ថ្ងៃទី២៤ ខែមេសា ឆ្នាំ២០២៣ នៅភូមិព្រៃព្រីងត្បូង១ សង្កាត់ចោមចៅទី២ ខណ្ឌពោធិ៍សែនជ័យ ។
ជនរងគ្រោះឈ្មោះពាន ចារ ភេទប្រុសអាយុ២៩ឆ្នាំ មុខរបរកម្មករសំណង់ ស្នាក់នៅភូមិព្រៃព្រីងត្បូង១ សង្កាត់ចោមចៅទី២ ខណ្ឌពោធិ៍សែនជ័យ ។ មានស្រុកកំណេីតនៅភូមិសៅ ឃុំក្រូង ស្រុកកំចាយមា ខេត្តស្វាយរៀង។
នៅល្ងាចថ្ងៃទី២៣ ខែមេសា ឆ្នាំ២០២៣ ជនរងគ្រោះមកពីស្រុកកំណេីតដេីម្បីមកធ្វេីការសំណង់វិញ ខណៈមកដល់កន្លែងធ្វេីការជនរងគ្រោះបានផឹកស្រាតែម្នាក់ឯងពេលនេះបងប្អូនបានហាមឃាត់មិនឲ្យផឹកដែរតែជនរងគ្រោះនៅតែលួចផឹករហូតស្រវឹងភ្លេចបាយភ្លេចទឹក ។ លុះព្រឹកឡេីងជនរងគ្រោះមានការៈមិនស្រួលខ្លួនទេីបបងប្អូនដឹកតាមរ៉ឺម៉កទៅមន្ទីរពេទ្យតែដោយអកុសលជនរងគ្រោះកបានស្លាប់តាមផ្លូវ ក៏បន្តដឹកយកទៅវត្តជន្លង់ម្លូរ សង្កាត់ភ្លេីងឆេះរទះ ខណ្ឌកំបូលដេីម្បីរាយការណ៍ទៅសមត្ថកិច្ចចុះពិនិត្យ ៕

ពត៌មានបន្ទាន់ នៅមុននេះបន្តិចមាន ករណី ស្រុតដី រអិលផ្ទះបងប្អូនប្រជាជននៅម្តុំមាត់ទន្លេ ទល់មុខផ្សារ ស្អាងព្រែកតូច ជាច្រើនខ្នង ចូលទៅទន្លេ 24-04-2023
#ប្រភពហេងវឌ្ឍនា

ម្តាយយំបោកខ្លួន ដូចសត្វអក . ក្មេងស្រី ២នាក់ វ័យ ១៤ ឆ្នាំ ចេញពីសាលារៀន .. បបួលគ្នា លេងទឹកទន្លេ ដោយសារ មិនចេះហែលទឹក បានល.ង់.ស្លា.ប់ម្នាក់ ស្ថិតនៅក្រោយ អារេណា ក្នុងសង្កាត់ ចាក់អង្រែក្រោម ខណ្ឌមានជ័យ វេលាម៉ោង ៤និង៣០ នាទី ថ្ងៃទី២២ ខែមេសា ឆ្នាំ២០២៣
ទឹកចិត្តឪពុកម្ដាយកូនកំពុងតែពេញស្រឡាញ់មកបាត់បង់មួយភ្លែតអ្នកណាទទួលយកបាន សូមកូនក្មួយសិស្សានុសិស្សមិនថាតូចធំទេចេញពីសាលាមកផ្ទះមកកុំនាំគ្នាទៅលេងទឹកឬក៏ដើរលេងផ្ដេសផ្ដាស កុំឱ្យឪពុកម្ដាយលោកពិបាកចិត្ត
ចូលរួមរំលែកទុក្ខក្រុមគ្រួសារនៃសពក្មួយស្រីផង
សូមបងប្អូនជួយស៊ែរចែករំលែក ដើម្បីឲ្យកូនក្មួយទាំងអស់មានការយល់ដឹងកុំឱ្យមានរឿងកើតហេតុដូចរឿងនេះទៀត។

១១ថ្ងៃរាប់ថយក្រោយ(11 days countdown) ព្រឹត្តិការណ៍ SEA Games និង ASEAN Para Games នៅកម្ពុជា

ថ្ងៃទី២៤ មេសា ឆ្នាំ២០២៣ នេះ គឺនៅសល់តែ១១ថ្ងៃទៀតប៉ុន្នោះ នឹងឈានដល់ព្រឹត្តិការណ៍ស៊ីហ្គេមលើកទី៣២(32nd SEA Games) និងអាស៊ានប៉ារ៉ាហ្គេមលើកទី១២ (12th ASEAN Para Games) ដែលកម្ពុជាធ្វើជាម្ចាស់ផ្ទះក្នុងឆ្នាំ២០២៣នេះ។




#កម្ពុជា

តាមការបញ្ជាក់របស់លោកគ្រូពេទ្យកែងដៃរបស់ ធឿន ធារ៉ា ក្រោយពិនិត្យនឹងថតរួចមក គឺមិនប៉ះពាល់ដល់ឆ្អឹងទេគ្រាន់តែត្រូវសម្រាក់ព្យាបាលនៅផ្ទះមួយរយៈខ្លីបណ្ណោះអាចប្រកួតវិញបានធម្មតា🥊
សូមអគុណដល់ហ្វេនៗដែលព្រួយបារម្មណ៍ដល់ ធឿន ធារ៉ា🙏

(ពត៌មានបឋម) យុវជនម្នាក់បង្ហោះម៉ូតូសេ១២៥ រ៉េចង្កូតទៅបុកឡានម៉នីង ពីក្រោយបណ្តាលអោយដួលបោកក្បាលស្លាប់នា ថ្ងៃ​ទី​២០ ខែមេសា ឆ្នាំ​២០២៣នេះនៅ ខេត្តកំពង់​ស្ពឺ​។

😭 ពេលនេះក្រុមគ្រួសារនារីដែលត្រូវគេស.ម្លា..ប់ កា..ត់..ក្បា..ល នៅក្រុងបាវិត ខេត្តស្វាយរៀង បានទៅទទួលយក ស..ព..និងយកមកធ្វើបុណ្យតាមប្រពៃណីនៅឯស្រុកកំណើតហើយ😭😭 #សូមចូលរួមរំលែកទុក្ខផង

🛑 ឈា..មស្រែ..ក ស្បែ..កហៅ ឃា..តក.រ ដែលបាន សម្លា..ប់ នារីម្នាក់ ដាច់.ក នៅខេត្តស្វាយរៀង ចាប់ខ្លួនបានហើយ ✍🏻

( ព័ត៌មានបឋម) ជនល្មើស ដែលជាឃា..តក..រ សម្លា..ប់ នារីម្នាក់ រហូត ដល់ ដាច់.ក នៅខេត្តស្វាយរៀង ចាប់ខ្លួនបានហើយនៅ ខេត្តព្រះវិហារ ដែលជនល្មើស បានរត់គេចទៅដល់នឹង រួចបានចូលទៅ ដេក នៅផ្ទះសំណាក់មួយកន្លែង ហេីយព្យាយាម
លេបថ្នាំងពុ..ល ដេីម្បី សម្លា..ប់ខ្លួន តែមិនបានសម្រេច ត្រូវបាន ខាងម្ចាស់សំណាក់ ស្គាល់ភិនភាគ ទាក់ទងមកខាង សមត្ថកិច្ច ខេត្ត ព្រះវិហារ ដេីម្បីបញ្ចូនទៅ សង្រ្គោះនៅមន្ទីរពេទ្យទាន់ពេលវេលា បច្ចុប្បន្ន ជនល្មើសមិនទាន់អាចសួរនាំបាននៅឡេីយនោះទេ

ឃាត់បាននៅវេលាយប់ ថ្ងៃទី២០ ខែមេសា ឆ្នាំ២០២៣
ស្ថិតនៅ ស្រុកឆែប ខេត្តព្រះវិហារ✍🏻

សម្តេចតេជោ បញ្ជាក់នៅតាម Channel Telegram ថា៖ គណៈកម្មការកំណត់ត្រាពិភពលោក (Guinness world record) បានប្រកាសថា កម្ពុជាជាប្រទេសដែលមានអ្នកចូលរួមបត់បេះដូងបានចំនួនបេះដូងច្រើនជាងគេនៅលើពិភពលោក។ កម្ពុជាបំបែកកំណត់ត្រាពិភពលោកថ្មី តាមរយៈការបត់បេះដូងដែលមានចំនួនរហូតដល់ ៣ ៩១៧ ៨០៥ តួលេខនេះគឺបំបែកកំណត់ត្រាចាស់របស់អង់គ្លេស ដែលកាលពីឆ្នាំ២០១៩ មានចំនួន ៥៣ ៧០៤ បេះដូង"។

បេះដូងដែលបានរៀបចំជា "សួនបេះដូង" នៅបរិវេណប្រាសាទអង្គរវត្ត គឺបានមកពីការចូលរួមបត់បេះដូងពីពុកម៉ែ បងប្អូនប្រជាពលរដ្ឋ សិស្សានុសិស្ស និងយុវជនគ្រប់ទិសទី បង្ហាញពីកិត្យានុភាពនៃការរួបរួមសាមគ្គីភាពរបស់ប្រជាជនកម្ពុជា។

លោកឧកញ្ញា​ ស្រី​ ចាន់ថន÷ថ្ងៃនេះខ្ញុំពិតជាមានកិត្តិយសណាស់ដែលខ្ញុំមានឱកាសទទួលបានគ្រឿងឥស្សរិយស នៃព្រះរាជាណាចក្រកម្ពុជាថ្នាក់ «ជាតូបកា» ពីរាជរដ្ឋាភិបាលកម្ពុជាដែលមានសម្តេចពុកជាប្រមុខ

ថ្ងៃនេះខ្ញុំពិតជាមានកិត្តិយសណាស់ដែលខ្ញុំមានឱកាសទទួលបានគ្រឿងឥស្សរិយស នៃព្រះរាជាណាចក្រកម្ពុជាថ្នាក់ «ជាតូបកា» ពីរាជរដ្ឋាភិបាលកម្ពុជាដែលមានសម្តេចពុកជាប្រមុខ។ ហើយមូលហេតុដែលខ្ញុំទទួលបានគ្រឿងឥស្សរិយសថ្នាក់ «ជាតូបកា» នេះក៏ដោយសារខ្ញុំបានចូលរួមចំណែកក្នុងការអភិវឌ្ឍប្រទេសកម្ពុជាជាបន្តបន្ទាប់។ ក្នុងឱកាសនេះផងដែរខ្ញុំបាទ ស្រី ចាន់ថនសូមជូនពរសម្តេចពុក ទទួលបាននូវពលានុភាពខ្លាំងក្លា បញ្ញាញ្ញាណភ្លឺថ្លា សុខភាពល្អបរិបូណ៌អាយុយឺនយូរ ដើម្បីដឹកនាំប្រទេសជាតិបន្តទៀត។

ពលករខ្មែរធ្វើការនៅប្រទេសថៃរាប់រយនាក់ សម្រុកត្រឡប់មកកម្ពុជាវិញ តាមច្រកអន្តរជាតិប៉ោយប៉ែត

(បន្ទាយមានជ័យ)៖ នៅថ្ងៃទី១២ ខែមេសា ឆ្នាំ២០២៣នេះ ពលករខ្មែរមានក្មេងមានចាស់ យុវជន យុវនារី ធ្វើការនៅប្រទេសថៃរាប់រយនាក់ បានសម្រុកត្រឡប់មកប្រទេសកម្ពុជាវិញ តាមច្រកអន្តរជាតិប៉ោយប៉ែត ដើម្បីមកចូលឆ្នាំថ្មីនៅស្រុកកំណើត។
លោក គៀត ហ៊ុល អភិបាលក្រុងប៉ោយប៉ែត បានប្រាប់ភ្នាក់ងារព័ត៌មានថា ចាប់ពីខែមេសា ឆ្នាំ២០២៣នេះ មានពលករខ្មែរទាំងប្រុសទាំងស្រីរាប់រយនាក់ បានចាប់ផ្តើមនាំគ្នាសម្រុកចេញពីប្រទេសថៃ ចូលមកស្រុកខ្មែរវិញ តាមច្រកអន្តរជាតិប៉ោយប៉ែត ដើម្បីមកលេងចូលឆ្នាំថ្មីនៅស្រុកកំណើតវិញនេះមិនគិតពីការធ្វើដំណើរចេញតាមច្រករបៀងនោះផងនោះទេ។
លោក គៀត ហ៊ុល បានបញ្ជាក់ទៀតថា ការវិលត្រឡប់ចេញពីប្រទេសថៃរបស់ពលករខ្មែររយៈពេលប៉ុន្មានថ្ងៃជាប់ៗគ្នានេះ ភាគច្រើនមានប៉ាស្ទ័រស្ទើ, បណ្ណស្នាក់នៅ និង Border Pass ទាំងអស់គ្នា ហើយពលករទាំងអស់នេះ កំពុងអង្គុយចាំវៃប៉ាស្ទ័រ និង Border Pass ដើម្បីវិលចូលមកស្រុកកំណើតវិញ។
លោកបញ្ជាក់បន្តទៀតថា ពលករដែលវិលត្រឡប់មកស្រុកកំណើតវិញនោះ មានជាង៥ពាន់នាក់ ហើយចាប់ពីថ្ងៃទី១ ខែមេសា ឆ្នាំ២០២៣មកម្ល៉េះ ដែលការធ្វើដំណើរ គឺចាប់ពីព្រឹកម៉ោង ៧រហូតដល់ម៉ោង ១២យប់ឯណោះ ទើបមានការបិទច្រកទ្វារអន្តរជាតិតែម្ដង។
ដោយឡែក លោក អ៊ុំ រាត្រី អភិបាលខេត្តបន្ទាយមានជ័យ បានថ្លែងថា ពលរដ្ឋខ្មែរ ដែលមកពីប្រទេសថៃ អាជ្ញាធរខេត្ត អាជ្ញាធរក្រុង និងមន្ត្រីអន្តោប្រវេសន៍ បានប្រមូលពួកគាត់ឲ្យនៅក្នុងមណ្ឌលសំចតមួយរយៈដើម្បីរង់ចាំត្រួតពិនិត្យលើបញ្ហាសុខភាពពីសំណាក់លោកគ្រូពេទ្យសិន មិនឲ្យធ្វើដំណើរផ្ដេសផ្ដាសនោះឡើយ ព្រោះខ្លាចពួកគាត់ផ្ទុកនូវមេរោគកូវីដ យកទៅចម្លងដល់ក្រុមគ្រួសារ ដែលនៅឯស្រុកកំណើតរបស់ខ្លួន។ ដូច្នេះត្រូវតែដាក់ពួកគាត់នៅដោយឡែកមួយរយៈ រង់ចាំឲ្យគ្រូពេទ្យពិនិត្យសុខភាពរបស់ពួកគាត់ បើសិនពុំមានបញ្ហាសុខភាពទេ អាជ្ញាធរនឹងឲ្យត្រឡប់ទៅស្រុកកំណើតវិញដោយសុវត្តិភាពផងដែរ៕

ថ្ងៃទី១១.៤.២០២៣ កម្លាំងប៉ុស្តិ៏នគរបាលរដ្ឋបាលក្បាលកោះ ខណ្ឌច្បារអំពៅ បានចុះឃាត់ម៉ូតូដែលកែឆ្នៃបំពង់សុីមាំង បានចំនួន២ម៉ូតូ យកមករក្សាទុកនៅទីស្នាក់ការប៉ុស្តិ៏ រងចាំការដោះស្រាយចូលឆ្នាំរួច។

ខណ្ឌច្បារអំពៅ
ស្ដីពីករណីគ្រោះថ្នាក់ចរាចរណ៍នៅថ្ងៃ ចន្ទ័៤រោច ខែចេត្រ ឆ្នាំខាលចត្វាស័ក ព.ស២៥៦៦ ត្រូវនឹងថ្ងៃទី០៩ ខែមេសា ឆ្នាំ២០២៣ វេលាម៉ោង១៦ៈ១០នាទីត្រង់ចំណុច កែងផ្លូវ៣៥១ លេីផ្លូវជាតិលេខ១ ភូមិឫស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ រវាង រថយន្ត បុក រថយន្តសារ៉ែននាំក្បួន
- ករណីគ្រោះថ្នាក់ចរាចរណ៍ខាងលើបានប្រគល់អោយទៅ ជំនាញការិយាល័យនគរបាលចរាចរណ៍ផ្លូវគោក រាជធានីភ្នំពេញ ដេីម្បីចាត់ការនីតិវិធីបន្ត ៕

សូមចូលរួមអបអរសាទរកីឡាករThiago Teixeira

ដើម្បីជាការលើកទឹកចិត្ត សម្ដេចតេជោ​ ហ៊ុន​ សែន​ បានចូលរួមជួយឧបត្ថម្ភដល់កីឡាករប្រដាល់ Thiago Teixeira សញ្ជាតិប្រេស៊ីល នូវថវិកាចំនួន២០,០០០ដុល្លារ។ មួយវិញទៀតប្រសិនបើមិនខុសទាស់ផ្នែកផ្លូវច្បាប់ណាមួយរបស់ប្រេស៊ីល សម្ដេចនឹងទូលថ្វាយស្នេីសុំព្រះមហាក្សត្រ ដើម្បីផ្តល់សញ្ជាតិខ្មែរជូនកីឡាករ Thiago ថែមទៀតផង។

ខ្ញុំសូមគាំទ្រទាំងស្រុងចំពោះប្រមុខរាជរដ្ឋាភិបាលកម្ពុជា។

[US POLITICS] តើមានការចោទប្រកាន់ខាងផ្លូវច្បាប់ផ្សេងទៀតលើលោក DONALD TRUMP ដែរឬទេ?

■ ក្រសួងយុត្តិធម៌ ក៏កំពុងស៊ើបអង្កេតផងដែរពាក់ព័ន្ធករណីដកយកឯកសាររដ្ឋាភិបាលពីសេតវិមានទៅទុកនៅគេហដ្ឋាន Mar-a-Lago នៅរដ្ឋ Florida របស់លោកTrump បន្ទាប់ពីលោកលាលែងពីតំណែង។

■ តួនាទីដែលរងការចោទប្រកាន់របស់លោក Trump ក្នុងការវាយប្រហារវិមានកាពីតូលសហរដ្ឋអាមេរិកកាលពីថ្ងៃទី៦មករា២០២១ នៅពេលក្រុមអ្នកគាំទ្រគ្មានសណ្ដាប់ធ្នាប់របស់លោកបានសម្រុកចូលវិមាននេះដើម្បីបញ្ឈប់ការបញ្ជាក់ពីជ័យជម្នះការបោះឆ្នោតរបស់លោកប្រធានាធិបតី Joe Biden ។ ប្រសិនបើត្រូវបានកាត់ទោស លោកអាចជាប់ពន្ធនាគារ៤០ឆ្នាំ និង បានរារាំងមិនឲ្យចូលប្រកួតប្រជែងការបោះឆ្នោតជ្រើសរើសប្រធានាធិបតី។

■ ក្រុមរដ្ឋអាជ្ញា បានស៊ើបអង្កេតលើការចោទប្រកាន់ ការប៉ុនប៉ងកែប្រែការបរាជ័យរបស់លោក Trump នៅក្នុងការបោះឆ្នោតប្រធានាធិបតីឆ្នាំ ២០២០ បន្ទាប់ពីមានការសន្ទនាតាមទូរស័ព្ទរយៈពេលមួយម៉ោងរវាងអតីតប្រធានាធិបតី និងមន្ត្រីបោះឆ្នោតកំពូលរបស់រដ្ឋ។

ការចោទប្រកាន់ទាំងនោះត្រូវបានលោក Trump ច្រានចោល។

នៅថ្ងៃទី 31 ខែ មិនា ឆ្នាំ២០២៣ វេលាម៉ោង ២២ និង ៣០ នាទី កំលាំងសមត្ថកិច្ច នៃអធិការខណ្ឌច្បារអំពៅ សហការណ៍ជាមួយ កំលាំងនគរបាល មន្ទីរប្រឆាំងគ្រឿងញៀន( ក៥ )។
- ក្រោមការសំរប់សំរួលដោយលោក អ៊ុំ សុភ័ក្រ្តិ ព្រះរាជអាជ្ញារង នៃសាលាដំបូងរាជធានីភ្នំពេញ ។
- ដឹកនាំដោយលោក វរ.ឯក ឈូក គា នាយករងមន្ទីរប្រឆាំងគ្រឿងញៀន

+ បានឃាត់ខ្លួនជនសង្ស័យចំនួន ០២នាក់ នៅចំណុចផ្ទះលេខ៩ ផ្លូវ០៩A ភូមិបឹងឈូក សង្កាត់និរោធ ខណ្ឌច្បារអំពៅ រាជធានីភ្នំពេញ។ ( បុរីប៉េងហួត គំរោង ៧ )
- ពីបទ : ជួញដូរដោយខុសច្បាប់នូវសារធាតុញៀន
១- ជនសង្ស័យឈ្មោះ គង់ សុធារ៉ា ហៅ នី ភេទ ប្រុស អាយុ ២៥ ឆ្នាំ ជនជាតិ ខ្មែរ សញ្ជាតិ ខ្មែរ មុខរបរមិនពិតប្រាកដ ស្នាក់នៅ ផ្ទះជួល ភូមិបឹងឈូក សង្កាត់និរោធ ខណ្ឌច្បារអំពៅ រាជធានីភ្នំពេញ។
២- ជនសង្ស័យឈ្មោះ ចាន់ សុខលី ភេទ ស្រី អាយុ ១៩ ឆ្នាំ ជនជាតិ ខ្មែរ សញ្ជាតិ ខ្មែរ មុខរបរ មិនពិតប្រាកដ ស្នាក់នៅ ផ្ទះជួល ភូមិបឹងឈូក សង្កាត់និរោធ ខណ្ឌច្បារអំពៅ រាជធានីភ្នំពេញឋ។

+វត្ថុតាងដកហូត៖
- ក្រាមពណ៍សរថ្លា ចំនួន ០៥ កញ្ចប់ (សង្ស័យជាគ្រឿងញៀន)។
- ជញ្ជីងសំរាប់ថ្លឹងគ្រឿងញៀនចំនួន ០១។

ដោយក្តីគោរព សូមអរគុណ ។

សេចក្ដីប្រកាសព័ត៌មានស្ដីពីលទ្ធផលនៃសម័យប្រជុំពេញអង្គរគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់របស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នាព្រឹកថ្ងៃសុក្រ ១០ កើត ខែចេត្រ ឆ្នាំខាលចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី៣១ ខែមីនា ឆ្នាំ២០២៣។

ពិតជាសាហាវ ឃោរឃៅ អសីលធម៌ពេកហើយ ខ្លួនជានាយនគរបាលជាតិ ចេះដឹង មន្ត្រីអនុវត្តច្បាប់ បែរជាមានចរិកព្រៃផ្សៃ ធ្វើទារុណកម្ម ហិង្សាលើភរិយា

ភ្នំពេញ : ពិតជាសាហាវ ឃោរឃៅ អសីលធម៌ពេកហើយ ខ្លួនជានាយនគរបាលជាតិ ចេះដឹង មន្ត្រីអនុវត្តច្បាប់ បែរជាមានចរិកព្រៃផ្សៃ ធ្វើទារុណកម្ម ហិង្សាលើភរិយា ដែលទើបតែមានកូនខ្ចី អាយុ២ ខែ ។ បើមើលវីដេអូឃ្លីប នៃសកម្មភាព ប្តីប្រើហិង្សាលើភរិយា ក្នុងបន្ទប់ ប្រមាណជា៥នាទី និង៨វិនាទី គឺប្រេីអំពេីហិង្សា គំរាមគំហែងបាញ់សម្លាប់ប្រើពាក្យសម្តីដៀលជេម្រាយ ប្រមាថ ដៀលពូជ វាយ ទាត់ ធាក់ ធ្វើអោយភរិយាជាកូនខ្ចី មានការតក់ស្លុត បំផុត។
បើយោងតាម គណនី facebook មួយមានឈ្មោះថា (Nhoem Sokleng) អាចភរិយា ស្ត្រីរងគ្រោះ បានសរសេរថា, អនុសេនីយ៍ទោមន្រ្តីនៃក្រសួងមហាផ្ទៃ ប្រេីអំពេីហិង្សា គំរាមគំហែងបាញ់សម្លាប់ប្រេីរពាក្យសម្តីដៀលជេម្រាយ ប្រមាថ ដៀលពូជ ងែងហង… សូមច្បាប់ជួយរកអោយនាងខ្ញុំយុត្តិធម៍ផង គណនីដដែល បានបន្តថា, នាងខ្ញុំរងអំពេីហិង្សាពីប្តីឈ្មោះ ជា ប៊ុនថេង ចាប់តាំងពីកូនខ្ចី 2ខែរហូតកូនដល់បច្ចុប្បន្ន, រងសំពាធ សតិអារម្មណ៍រហូត ប៉ះពាល់ផ្លូវចិត្ត លេបថ្នាំរាល់ថ្ងៃ ។
នាងបានសរសេរថា, អូនស្រលាញ់បងណាស់ អូនទុកឱកាសអោយបងរហូតទេីបមកដល់ចំនុចនេះ គិតថាបងនឹងកែប្រែ តែចុងក្រោយបងមិនស្គាល់កំហុស អូនលះបង់ទាំងជីវិតអូន នឹងកូន ដេីម្បីបង… តេីបងដែរស្រលាញ់អូនខ្លះទេ…. ? ។
សូមបញ្ជាក់ថា, មានវីដេអូ១ឃ្លីបទៀត ប្រមាណជា៩វិនាទី គឺបុរសជាប្តី ជាមន្ត្រីនគរបាល បានកាន់កាំភ្លើង សំឡុតបាញ់សម្លាប់ប្រពន្ធ បង្ហាញពីភាពកាចសាហាវ ឃោរឃៅ ដែលច្បាប់ មិនត្រូវអត់អោនបាន ជាដាច់ខាត សូមសមត្ថកិច្ច មន្ត្រីនគរបាលយុត្តិធម៌ ចាត់វិធានការក្នុងរឿងនេះ ដើម្បីផ្តល់ភាពយុត្តិធម៌បដល់ ភរិយាជាជនរងគ្រោះ ដោយស្នាដៃប្តី ជាមន្ត្រីនគរបាល ក្រសួងមហាផ្ទៃ និងជាបទល្មើសជាក់ស្តែង ទោះមិនទាន់មានពាក្យបណ្តឹង ក៏អាចចាត់ការបាន ខណៈមានតម្រុយពិរុទ្ធភាព តាមរយៈវីដេអូឃ្លីប ដែលជនរងគ្រោះ បានបង្ហោះ ជាមួយស្លាកស្នាម ហើមជាំមុខ មាត់ ដងខ្លួន ជើង ដែលជនកំណាចរូបនេះធ្វើទារុណកម្ម ដោយហិង្សា។
សូមបញ្ជាក់ថា , ពាក់ព័ន្ធនឹងអំពើឃោរឃៅដ៏សាហាវនេះ សារព័ត៌មាន នៅថ្ងៃទី២៤ ខែមីនា ឆ្នាំ២០២៣ មិនអាចធ្វើការទំនាក់ទំនងសុំការបំភ្លឺបានទេ ពីលោក ជា ប៊ុនថេង ជាមន្ត្រីនគរបាលពាក់ស័ក្តិពីរ នៅក្រសួងមហាផ្ទៃ ដោយគ្មានលេខទូរស័ព្ទ ៕

ផ្ទះឈើលើ ថ្មក្រោម សំយ៉ាបដែកប្រក់ស័ង្កសីខាងមុខ២ខ្នង និងជាផ្ទះលក់អីវ៉ាន់ចាប់ហួយ ស្ថិតនៅជាប់គ្នា ត្រូវបានអគ្គិឆាបឆេះទាំងស្រុង

ភ្នំពេញ ៖ កាលពី ថ្ងៃទី២៤ ខែមីនា ឆ្នាំ២០២៣ នៅក្នុងភូមិភា សង្កាត់ប្រទះឡាង ខណ្ឌកំបូល រាជធានីភ្នំពេញ ។
នៅមុនពេលកើតហេតុឆ្លងចរន្តអគ្គិសនីនៅផ្ទះខាងលិចមុនគេ បន្ទាប់មកបានរាលដាលដល់ផ្ទះខាងកើតជាប់គ្នាមួយទៀត ហើយភ្លាមៗនោះអ្នកភូមិមួយចំនួនបាននាំគ្នាជួយពន្លត់ និងមួយចំនួនទៀតជួយជញ្ជូនអីវ៉ាន់ចេញពីណ្ដាតភ្លើងយ៉ាងសស្រាក់សស្រាំ ។ ប៉ុន្តែទោះជាខំពន្លត់យ៉ាងណាក៏ភ្លើងពុំបានថមថយឬរលត់នោះឡើយ ខណៈនោះភ្លើងបានឆេះយ៉ាងសន្ធោសន្ធៅ បន្ទាប់មកកម្លាំងនគរបាលប៉ុស្តិ៍ប្រទះឡាង បានរាយការណ៍និងសុំជំនួយពីក្រុមរថយន្តពន្លត់អគ្គិភ័យ ហើយក៏មានរថយន្តពន្លត់អគ្គិភ័យចេញទៅអន្តរាគមន៍ពន្លត់ជាច្រើនគ្រឿងទើបភ្លើងរលត់ទៅវិញទាំងស្រុង ។
ភ្លើងបានរលត់មែន ប៉ុន្តែផ្ទះទាំង២ខ្នងនោះត្រូវបានភ្លើងឆេះអស់ទាំងស្រុង រួមជាមួយអីវ៉ាន់មួយចំនួននៅក្នុងនោះផងដែរ ហើយអីវ៉ាន់មួយចំនួនទៀតត្រូវបានអ្នកភូមិជួយជញ្ជូនយកចេញក្រៅផុតពីអណ្ដាតភ្លើង ។ មូលហេតុដែលនាំឲ្យមានអគ្គិភ័យនេះឡើង សង្ស័យផ្ដើមចេញពីការឆ្លងចរន្តអគ្គិសនី ប៉ុន្តែពុំបានបណ្ដាលឲ្យមានមនុស្សណាម្នាក់រងគ្រោះដោយការរលាកភ្លើងឡើយ ៕

ឃាត់ខ្លួនមុខសញ្ញាជនសង្ស័យម្នាក់ ករណី ជួញដូរ ដឹកជញ្ជូន និងប្រើប្រាស់ដោយខុសច្បាប់នូវសារធាតុញៀន

ខេត្តព្រៃវែង៖ នៅរសៀលថ្ងៃទី២៣ ខែមីនាឆ្នាំ ២០២៣ ស្នងការដ្ឋាននគរបាលខេត្តព្រៃវែង បានអោយដឹងថា, កម្លាំងការិយាល័យជំនាញប្រឆាំងគ្រឿងញៀន សហការជាមួយកម្លាំងជំនាញ នៃអធិការដ្ឋាននគរបាលស្រុកពាមរក៍ ខេត្តព្រៃវែង បានល្បាតចល័ត និងធ្វើការឃាត់ខ្លួនមុខសញ្ញាជនសង្ស័យម្នាក់ នៅថ្ងៃទី ២០ ខែ មីនា ឆ្នាំ ២០២៣ នៅចំណុចផ្លូវលេខ ៣១០ ស្ថិតនៅភូមិ ៦ ឃុំព្រែកខ្សាយ “ខ” ស្រុកពាមរក៍ ខេត្តព្រៃវែង ករណី ជួញដូរ ដឹកជញ្ជូន និងប្រើប្រាស់ដោយខុសច្បាប់នូវសារធាតុញៀន ។
ជនសង្ស័យដែលត្រូវឃាត់ខ្លួនមាន ឈ្មោះ អ៊ុក ឈា ភេទប្រុស អាយុ ២៦ ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិឃុំខាងលើ ។ ឃាត់ខ្លួន នគរបាលដកហូតបាន ម៉្សៅក្រាមពណ៌សថ្លា (សង្ស័យថ្នាំញៀន) ចំនួន ១១ កញ្ចប់ (តូច ០៧ កញ្ចប់, ធំ ០៤ កញ្ចប់) មានទម្ងន់ ១២,៦៨ ក្រាម, ទូរស័ព្ទដៃ ០៥ គ្រឿង, ជញ្ជីងថ្លឹងថ្នាំញៀន ០១ គ្រឿង និងសម្ភារៈវេចខ្ចប់មួយចំនួន និងបានធ្វើតេស្តរកឃើញវិជ្ជមានសារធាតុញៀន ។
ករណីនេះ នគរបាល បានកសាងសំណុំរឿងបញ្ជូនទៅតុលាការ ហើយជនសង្ស័យ ត្រូវបានសាលាដំបូងខេត្ត ចេញដីកាបង្គាប់ឱ្យឃុំខ្លួនតាមច្បាប់ ៕

ជារឿងដ៏កម្រ ! តារាចម្រៀង សំ សុវណ្ណារ៉ាក់ ត្រូវឪពុកប្រកាសកាត់កាល ព្រោះជេរប្រមាថនិងមិនស្តាប់ដំបូន្មាន

ភ្នំពេញ៖ ការប្រកាសនេះបានធ្វើឲ្យអ្នកគាំទ្រតារាចម្រៀងរូបនេះ បារម្ភពីសុខទុក្ខ និងខ្លាចប៉ះពាល់ដល់ប្រជាប្រិយភាពផងដែរ។ ជារឿងដ៏កម្រដែលកើតមានឡើងក្នុងចង្កោមសិល្បៈគឺក្រោយពីតារាចម្រៀង សំ សុវណ្ណារ៉ាក់ ត្រូវឪពុកប្រកាសកាត់កាល ព្រោះជេរប្រមាថនិងមិនស្តាប់ដំបូន្មាន។
ការប្រកាសរបស់លោក សំ សំអុល ជាឪពុកតារាចម្រៀងរូបនេះនេះបានធ្វើឲ្យអ្នកលេងបណ្តាញសង្គមមានការតាមដានយ៉ាងយកចិត្តទុកដាក់ព្រោះតែជារឿងកម្រដែលធ្លាប់កើតមានលើអ្នកសិល្បៈ ខណៈដែលគេដឹងថាឪពុកម្តាយកម្រនឹងចិត្តដាច់កាត់កាលកូនខ្លួនឯងចោលណាស់ក្នុងសង្គមខ្មែរហើយមកប៉ះលើសិល្បករថែមទៀត។
មុននេះមានហ្វេសបុកមួយឈ្មោះ Sam Samol ដែលត្រូវជា ឱពុកបង្កើតរបស់តារាចម្រៀង សំ សុវណ្ណារ៉ាក់បានប្រកាសកាត់កាលកូនខ្លួនឯងចោល។ គណនីយនេះបានបញ្ចេញសារក្តៅៗនៅមុននេះថា “ខ្ញុំបាទ សំ សំអុល សូមប្រកាស កាត់កាល ជាសាធារណៈថាកូនម្នាក់នេះចោល ចាប់ពី ពេលនេះតទៅ ហើយក៍ឈប់ទទួលស្គាល់ជាកូនផង ដោយសារកូននេះមិនស្តាប់បង្គាប់ម៉ែឪ ជេរ ប្រមាថម៉ែឪ .បើថ្ងៃក្រោយកូន នេះមានរឿងអី ទៅប្រព្រឹត្តខុសច្បាប់ខ្ញុំជាអាណាព្យាលមិនទទួលខុសត្រូវចំពោះមុខច្បាប់ទ្បើយ ថ្ងៃ ទី 22/03/2023”។ មុននេះលោកក៏បានបញ្ជាក់ដែរថា “ សូមអោយក្រុមគ្រួសារ ដែលជាសាច់ញាតិនៅខាងស្រុកឈូកខេត្ត កំពត ឈប់ទទួលស្គាល់ជាកូនចៅតទៅទៀត វាមិនមែនជាត្រកូលសំ ទៀតទ្បើយ។ ក្រៅពីការបញ្ចេញសារដ៏ភ្ញាក់ផ្អើលនេះហើយ ឱពុករបស់តារារូបនេះ បានទម្លាយ រូបភាពជាច្រើនសន្លឹក ថតជុំជាមួយគ្នាលក្ខណះគ្រួសារតាំងពីនៅតូចមកម្ល៉េះ។ យ៉ាងណាក៏ដោយជុំវិញរឿង៏រំសើបនេះយើងមិនអាចទាន់សុំការបកស្រាយពីតារាចម្រៀង លោក សំ សុវណ្ណារ៉ាក់ បាននៅឡើយទេ ថាពីក្រោយរឿងនេះមានរឿងអ្វី បានដល់ថ្នាក់ឱពុកខ្លួន ប្រកាសកាត់កាលចោលខ្លួនចោលបែបនេះ។ ប៉ុន្តែជារឿងកម្រដែលកើតមានឡើងក្នុងសង្គមខ្មែរព្រោះតែមនោសញ្ចេតនាម្តាយឪពុកកម្រនឹងដាច់ចិត្តលែងទទួលស្គាល់កូនខ្លួនឯងណាស់ ហើយគេនៅបន្តរងចាំតាមដានទៀតថាតើករណីនេះនឹងមានអ្វីជាបន្ត។
គួរបញ្ជាក់ដែរថា តារាចម្រៀង សំ សុវណ្ណារ៉ាក់ ត្រូវបានទស្សនិកជន ស្គាល់ច្បាស់ក្រោយពីលោកបានក្លាយបេក្ខភាពលេចធ្លោរក្នុងកម្មវិធីប្រលង ចម្រៀង X Factor Cambodia និងក្រោយបញ្ចប់ការ ប្រលងមក លោកក៏បានក្លាយជាជាតារាចម្រៀងអាជីពកុងត្រាជាមួយផលិតហង្សមាស ៕

បង្ហាញមុខជនល្មើស ៨នាក់ ពាក់ព័ន្ធករណីឃាតកម្មកាប់សម្លាប់ និងឆក់កាបូប នៅកំពង់ឆ្នំាង

(កំពង់ឆ្នាំង)៖ នៅថ្ងៃទី២៣ ខែមីនា ឆ្នាំ២០២៣ បានបង្ហាញមុខជនល្មើសចំនួន៨នាក់ ដែលបានប្រព្រឹត្តបទល្មើស៣ករណីផ្សេងគ្នា គឺឃាតកម្មកាប់សម្លាប់មនុស្ស២ករណី ឆក់កាបូបពេលយប់១ករណី រួចបានបញ្ជូនទៅកាន់តុលាការ។
លោកឧត្តមសេនីយ៍ត្រី ប៉ុល វុទ្ធី ស្នងការរងនគរបាលខេត្តទទួលផែនព្រហ្មទណ្ឌ បានឲ្យដឹងថា ករណីទី១ កើតឡើងនៅយប់ថ្ងៃទី១៩ ខែមីនា ដែលជនល្មើសមានគ្នាចំនួន១០នាក់ បានប្រើប្រាស់កាំបិត៣ និងពូថៅ១ ស្ទាក់កាប់ជនរងគ្រោះ២នាក់ ជិះម៉ូតូនៅលើកំណាត់ផ្លូវជាតិលេខ៥ មកពីមើលខនសឺត លុះជិះម៉ូតូដល់ចំណុចភូមិស្ពករាជ ឃុំអណ្ដូងស្នាយ ស្រុករលាប្អៀរ ត្រូវក្រុមជនល្មើសស្ទាក់កាប់ប្រហារ បណ្ដាលឱ្យជនរងគ្រោះឈ្មោះ ឡុង សុខេន អាយុ២៤ឆ្នាំ ស្លាប់នៅនឹងកន្លែង និងម្នាក់ទៀតរងរបួសធ្ងន់។
ករណីនេះកើតឡើងនៅថ្ងៃទី២១-២២ ខែមីនា សមត្ថកិច្ចបានស្រាវជ្រាវចាប់ខ្លួនជនល្មើសបាន៦នាក់ ក្នុងចំណោមបក្សពួក១០នាក់។ ពួកគេបានសារភាពថា ការកាប់ប្រហារខាងលើនេះ ពុំមានគំនុំអ្វីឡើយ គឺកាប់សម្លាប់ដើម្បីជាការកាត់សាញ។
ករណីទី២ នៅម៉ោង ១២៖៣០នាទីយប់ថ្ងៃទី២០ ខែមីនា មានករណីឆក់កាបូបនារីឈ្មោះ ឃុន ស្រីខួច អាយុ២១ឆ្នាំ កំពុងជិះម៉ូតូនៅចំណុចមុខខ្លោងទ្វារសាលាហួរខៀវ លើផ្លូវជាតិលេខ៥ ក្នុងភូមិដំណាក់ពពួល សង្កាត់កំពង់ឆ្នាំង។ ករណីនេះសមត្ថកិច្ចបានធ្វើការស្រាវជ្រាវភ្លាមៗ និងចាប់បានជនល្មើសម្នាក់ឈ្មោះ ធន ចាន់ឌឿន មានទីលំនៅភូមិត្រពាំងគរ ឃុំជ្រៃបាក់ ស្រុករលាប្អៀរ ដោយបានដកហូតវត្ថុតាង ទូរស័ព្ទ១គ្រឿង និងលុយ១០ម៉ឺនរៀលដោយបាន ប្រគល់ ជូននារីរងគ្រោះវិញផងដែរ។
ករណីទី៣ ឃាតកម្មចាក់កាប់សម្លាប់ប្លន់យកម៉ូតូ និងទូរសព្ទ២គ្រឿង បានកើតហេតុនៅវេលាម៉ោង ៨៖៤០នាទីយប់ថ្ងៃទី២១ ខែមីនា ឆ្នាំ២០២៣ ក្នុងភូមិតាំងពោន ឃុំពាម ស្រុកសាមគ្គីមានជ័យ បណ្ដាលឱ្យជនរងគ្រោះឈ្មោះ នុត សារឿន អាយុ៥២ឆ្នាំ ពិការជើងត្រូវជនល្មើសចាក់ និងកាប់ចំនួន១៥កាំបិត ស្លាប់នៅលើផ្ទះ។
ករណីនេះនគរបាលខេត្ត សហការជាមួយនាយកដ្ឋាននគរបាលព្រហ្មទណ្ឌ ចាប់ជនល្មើសឈ្មោះ វុន រិទ្ធ មានទីលំនៅភូមិខ្យាង ឃុំស្វាយ ស្រុកសាមគ្គីមានជ័យ នៅថ្ងៃទី២២ ខែមីនា នៅខេត្តកំពង់ស្ពឺ ដោយដកហូតបាន ម៉ូតូមួយគ្រឿង និងទូរសព្ទ២គ្រឿងរបស់ជនរងគ្រោះ។
សមត្ថកិច្ចបានបញ្ជាក់ថា ករណីនេះដំបូងឡើយជនល្មើសត្រូវបានម្ដាយយកទៅផ្ញើឱ្យរៀនសូត្រជាមួយព្រះសង្ឃនៅភ្នំជំរាយ ខេត្តកំពង់ស្ពឺ។ តែក្រោយមកគេបានចាកចេញពីវត្តលោក មកសុំព្រះសង្ឃនៅវត្តមួយផ្សេង១ទៀត នៅក្នុងស្រុកសាមគ្គីមានជ័យ តែព្រះសង្ឃមិនស្គាល់ច្បាស់ លោកក៏មិអនុញ្ញាតឲ្យស្នាក់នៅ។
រូបគេក៏បានហៅម៉ូតូឌុប១គ្រឿងជិះទៅផ្ទះ តែដោយសារជនរងគ្រោះពីការជើងផង ហើយពេលយប់ទៀតជនរងគ្រោះក៏បានឃាត់ឱ្យជនល្មើសឲ្យសម្រាកនៅនឹងផ្ទះខ្លួនមួយយប់ ដោយរង់ចាំព្រឹកឡើងរូបគាត់នឹងជូនជនល្មើសទៅផ្ទះ ពេលនោះជនរងគ្រោះក៏បានរៀបចំម្ហូបអាហារឲ្យជនល្មើសហូប និងបានស្នាក់នៅផ្ទះរបស់ខ្លួនផងដែរ។
បន្ទាប់ពីហូបបាយ និងស៊ីផឹកជាមួយគ្នាមានចំនួន៣នាក់ លុះយប់ឡើងជនល្មើសក៏ធ្វើសកម្មភាពយកកាំបិតត្នោតចាក់កាប់ទៅលើជនរង គ្រោះជាម្ចាស់ផ្ទះ កំពុងដេកលង់លក់លើផ្ទះចំនួន១៥កាំបិតបណ្ដាលឱ្យស្លាប់ រួចហើយជនល្មើសក៏ប្លន់យកម៉ូតូ១គ្រឿង និងទូរស័ព្ទ២គ្រឿង រត់គេចខ្លួនទាំងយប់តែម្តង ករណីនេះក្រោយពីឃាត់ខ្លួនបានត្រូវសមត្ថកិច្ចចោទពីបទឃាតកម្មសម្លាប់ប្លន់យកទ្រព្យសម្បត្តិ។
ជនល្មើសទាំង៨នាក់ ដែលបានប្រព្រឹត្តបទល្មើស៣ករណីផ្សេងគ្នាខាងលើនេះ ត្រូវបានសមត្ថកិច្ចបញ្ជូនខ្លួនទៅកាន់តុលាការនៅព្រឹកថ្ងៃទី២៣ ខែមីនានេះ ដើម្បីចំណាត់ការតាមនិតិវិធីច្បាប់។
លោកស្នងការរងបានសុំអំពាវនាវដល់បងប្អូនប្រជាពលរដ្ឋទាំងអស់ សូមមេត្តាប្រុងប្រយ័ត្នខ្ពស់អំពីសន្តិសុខរបស់បងប្អូន ពិសេសត្រូវមានការប្រុងប្រយ័ត្នពេលធ្វើដំណើរនៅពេលយប់ បើមានករណីណាមួយកើតឡើងចំពោះ របស់បងប្អូន ត្រូវតែប្រញាប់ទំនាក់ទំនង និងរាយការណ៍ទៅសមត្ថកិច្ចដែលនៅក្នុងមូលដ្ឋានរបស់បងប្អូនឲ្យបានទាន់ពេលវេលា៕

សេចក្តីបំភ្លឺព័ត៌មានរបស់ក្រុមការងារព័ត៌មាន និងប្រតិកម្មរហ័ស នៃមន្ទីរប្រឆាំងបទល្មើសគ្រឿងញៀន

ភ្នំពេញ : សេចក្តីបំភ្លឺព័ត៌មានរបស់ក្រុមការងារព័ត៌មាន និងប្រតិកម្មរហ័ស នៃមន្ទីរប្រឆាំងបទល្មើសគ្រឿងញៀន : -ក្រុមការងារព័ត៌មាន និងប្រតិកម្មរហ័ស នៃមន្ទីរប្រឆាំងបទល្មើសគ្រឿងញៀន បានបញ្ជាក់នៅរសៀលថ្ងៃទី២៣ ខែមីនា ឆ្នាំ២០២៣ ថា, កាលពីថ្ងៃទី ២២ ខែ មីនា ឆ្នាំ ២០២៣ មាន គណនីយហ្វេសប៊ុកឈ្មោះ Sreyka Min និងសារព័ត៌មានមួយចំនួន បានផ្សាយថា : “មានជនស៊ីវិលមួយក្រុមជិះរថយន្តចុះចាប់មនុស្សនៅក្បែរកោះនរា” ។
គណនីយហ្វេសប៊ុកឈ្មោះ Sreyka Min និងសារព័ត៌មានមួយចំនួន បាន បង្ហោះផ្សាយអំពី សកម្មភាពជនស៊ីវិលមួយក្រុមចាប់មនុស្ស ដាក់ឡាន នៅចំណុចក្បែរកំពង់ដរ កោះនរា ហើយដោះលែងវិញ ក្រោយពីមានប្រជាពលរដ្ឋបានឃើញសកម្មភាពនេះ។
មន្ទីរប្រឆាំងបទល្មើសគ្រឿងញៀន មានកិត្តិយសូមជម្រាបជូនសាធារណៈជនទាំងអស់ឲ្យបានជ្រាបថា មន្ត្រីជំនាញរបស់ មន្ទីរប្រឆាំងបទល្មើសគ្រឿងញៀន បានចុះស្រាវជ្រាវបង្ក្រាបករណីជួញដូរសារធាតុញៀនខុសច្បាប់ តាមវិធានជំនាញ និងតាមនីតិវិធីត្រឹមត្រូវ ដោយប្រើកម្លាំងស៊ីវិលនិងឯកសណ្ឋាន មានការដឹកនាំពីលោកព្រះរាជអជ្ញារង និងបានផ្ដល់ព៍ត៌មានជូនសមត្ថកិច្ចមូលដ្ឋានថែមទៀតផង។ ពេលនោះសមត្ថកិច្ចជំនាញបាន ឃ្លាំមើលមុខសញ្ញាដែល កំពុងធ្វើ សកម្មភាពចែកចាយជួញដូរគ្រឿងញៀននៅម្ដុំវត្តនិរោធ បណ្តោយផ្លូវជាតិលេខ១ប៉ុន្តែ ជនសង្ស័យបានបើកម៉ូតូគេចចូលផ្លូវលំបេតុងមុខវត្តនិរោធ នៅក្បែរកំពង់ដរកោះនរា សមត្ថកិច្ចបានដេញតាមដល់ផ្លូវលំបេតុង ក៏ឃើញម៉ូតូមុខសញ្ញាចតលើផ្លូវលំបេតុងនោះហើយ ឃើញមនុស្សម្នាក់ ភិនភាគដូចមុខសញ្ញា ក៏បានធ្វើការឃាត់ខ្លួនសួរនាំពេលដឹងច្បាស់ថាមិនមែនជាជនសង្ស័យ សមត្ថកិច្ចក៏បានដោះលែងភ្លាមៗនៅហ្នឹងកន្លែង និងបានសុំទោស ដោយពុំមានប្រើអំពើហឹង្សាឡើយ ពេលនោះដែរប្រជាពលរដ្ឋជិតខាងក៏ផ្អើលឈូឆរមកមើល។
ក្រុមការងារព័ត៌មាន និងប្រតិកម្មរហ័ស នៃមន្ទីរប្រឆាំងបទល្មើសគ្រឿងញៀន សូមបញ្ជាក់ថា
ចំពោះសកម្មភាព ធ្វេសប្រហែសខុសឆ្គងនឹងខ្វះវិជ្ជាជីវៈក្នុងកិច្ចប្រតិបត្តិការរបស់ក្រុមមន្ត្រីខាងលើនេះ មន្ទីរប្រឆាំងបទល្មើសគ្រឿងញៀន ដោយអនុវត្តន៍តាមបទបញ្ជាររបស់ថ្នាក់ដឹកនាំនៃអគ្គស្នងការដ្ឋាននគរបាលជាតិ សំរេច អនុវត្តន៍វិន័យយ៉ាងម៉ឺងម៉ាត់ ដោយផ្អាកការងារ ត្រួតពិនិត្យនិងស្នើគោលការណ៍បន្ត ដើម្បីអនុវត្តន៍វិន័យរដ្ឋបាល និងច្បាប់តាមការជាក់ស្ដែង។
យើងខ្ញុំសូមថ្លែងអំណរគុណចំពោះរាល់សាធារណៈមតិ ជាតិនិងអន្តរជាតិដែលបានសហការ ផ្ដល់ព៍ត៌មាន ទាន់ពេលដើម្បីចូលរួមប្រឆាំងបទល្មើសនិងជួយកែលំអដល់កងកម្លាំងថែមទៀតផង។ នេះជាស្មារតីដ៏ប្រពៃក្នុងការអនុវត្តន៍ទិសស្លោក” ៣កុំ ១រាយ ការណ៍ ” ៕