Oliy Ma'had

O‘zbekiston Respublikasi Oliy Kengashining 1993 yil 3 sentyabrdagi 948-XII-son qarori bilan “27 iyun – Matbuot va ommaviy axborot vositalari xodimlari kuni” sifatida keng nishonlanadi.

Toshkent islom instituti Matbuot xizmati xodimlarini bayram munosabati bilan taqdirlash maqsadida tadbir o‘tkazildi. Tadbirda prorektorlar Tohir Evadullayev, Soatmurod Primov, ustoz Abdurasul Abdullayev, o‘qituvchilar va xodimlar ishtirok etdilar.

Matbuot kotibi To‘lqin Azimov, xodimlar Abduazim Xayrullayev, Farruh Yo‘ldoshev va Sayfulloh Abdulhayevning matbuot va muharrirlik, montaj, operatorlik va boshqa texnik xizmatlar bilan bog‘liq mehnati qadrlanib, TII rahbariyati tomonidan faxriy yorliq va esdalik sovg‘alari bilan mukofotlandilar.

Shuningdek, media yo‘nalishida faol bo‘lgan talabalar Noʻmonxon Yahyo va Jahongir Nig‘matov hamda institut tashkiliy ishlaridagi xizmatlari uchun Murod Mavlyanqulov ham taqdirlandilar.

Imom Buxoriy nomidagi Toshkent islom institutiga o‘qishga kirish uchun 1-blok fani uchun test sinovlarida maksimal ball 93 ni tashkil qiladi:

✔️ 1-blok: Arab tili – 30 x 3,1 = 93 ball.

🇸🇦 Bu yildan kirish imtihonlarida Arab tili bo‘yicha V2 darajasidagi milliy yoki xalqaro sertifikatga ega bo‘lgan abituriyentlarga ushbu fandan test imtihonisiz belgilangan maksimal ball beriladi.

❗️ 2024 yil 20 iyun - 20 iyul kunlari bo‘lib o‘tadigan qabul hay’atiga abituriyentlar hujjat topshirayotganda, agar mavjud bo‘lsa, arab tili bo‘yicha B2 darajasidagi milliy yoki xalqaro sertifikatining asl nusxasini taqdim etishlari kerak.

Professor-o‘qituvchi va ishchi-xodimlarning yillik faoliyati o‘rganilmoqda

Toshkent islom institutida 2023-2024 o‘quv yili yakunlari yuzasidan ta’limiy-ilmiy, ma’naviy-tarbiyaviy va tashkiliy ishlar sifati va samaradorligini tahlil qilish hamda kelgusida institut faoliyatini yanada takomillashtirish maqsadida monitoring o‘tkazilmoqda.

Professor-o‘qituvchi va ishchi-xodimlar faoliyatini baholash bo‘yicha ishchi guruh tuzilgan.

Ishchi guruh tomonidan professor-o‘qituvchilarning o‘quv, o‘quv-uslubiy, ilmiy-tadqiqot va ustoz-shogird ishlari bo‘yicha rejadagi va yuklatilgan vazifalar ijrosi hamda ishchi-xodimlarning faoliyati, bilim salohiyati va kasbiy mahorati, institut faoliyatini yaxshilashga qo‘shgan hissasi suhbat asosida, taqdim etilgan hujjatlarni o‘rgangan holda tahlil qilinib, baholanmoqda.

O‘tkazilgan monitoring natijalariga ko‘ra yuqori ko‘rsatkichlarga erishgan o‘qituvchi va xodimlar turli nominatsiyalar bo‘yicha rag‘batlantiriladi.

📢 Hojilarning ilk guruhlari yurtimizga yetib keldi

Bugun, 22 iyun kuni O‘zbekiston musulmonlari idorasi raisi, muftiy Shayx Nuriddin Xoliqnazar hazratlari boshchiliklaridagi hojilarimizning dastlabki guruhlari eson-omon ona diyorimizga yetib keldilar.
🗣Nurli yuzi, quvnoq ko‘zida Vatan sog‘inchi namoyon bo‘lgan hojilar jamoasini O‘zbekiston Respublikasi Prezidentining din va millatlararo munosabatlar masalalari bo‘yicha maslahatchisi Muzaffar Kamilov, Din ishlari bo‘yicha qo‘mita raisi Sodiqjon Toshboyev, O‘zbekiston musulmonlari idorasi raisining birinchi o‘rinbosari Homidjon domla Ishmatbekov, Din ishlari bo‘yicha qo‘mita raisining birinchi o‘rinbosari Davronbek Maxsudov, shuningdek, taniqli ulamolar, imom-domlalar, mutasaddilar va OAV vakillari Toshkent xalqaro aeroportida ehtirom ila kutib olishdi.

🤲 Hojilarimiz muborak zaminda Haq taoloning farzi – Haj amalini chiroyli ado etib, sog‘u salomat o‘z yurtiga yetib kelganlari va yaqinlari diydoriga yetishganlari uchun shukronalar aytish barobarida el-yurt haqqiga xayrli duolar qilishdi.

🟢 Endilikda hojilik baxtiga muyassar bo‘lgan hamyurtlarimiz jamiyatda barchaga o‘rnak bo‘lib, yoshlarni ilm-ma’rifatga chaqirish, aholini ezgu ishlarga boshlash va kam ta’minlangan kishilarga yordam ko‘rsatish ishlarida yetakchilik qiladilar.

⚡️ Eslatib o‘tamiz, hojilarimiz Vatanga qaytishlari shu yil 12 iyulgacha davom etadi.

O‘zbekiston musulmonlari idorasi Matbuot xizmati

🛫Dastlabki guruh hojilarimiz ona Vatanga jo‘nab ketishdi

Bugun, 22 iyun kuni erta tongda yurtimiz hojilarining ilk guruhlari Islomning beshinchi rukni bo‘lmish Haj ibodatlarini bekamu ko‘st bajarib, yurtimizga jo‘natib ketishdi.

✅Bu yilgi haj mavsumi har qachongidan ham fayzli, shukuhli, barcha shart-sharoitlarga ega holatda o‘tdi. Haj arkonlarini bajarish uchun yurtimiz mo‘min-musulmonlariga Madinai munavvara, Makkai mukarramada yaratilgan shart-sharoitlarga ko‘plab musulmonlarning havasi kelganiga barcha guvoh bo‘ldi. Ayniqsa, mehmonxonalar, Mino, Arafot vodiylaridagi sharoit va imkoniyatlar, tibbiy va transport xizmatlari barchaga manzur bo‘ldi.

🤲Yurtdoshlarimizdan faqat bir narsa, u ham bo‘lsa, Hajning barcha arkonlarini chiroyli ado etish talab etildi, xolos.

🗣Mana, bugun yuz-ko‘zlari porlagan, peshonalaridan nur balqigan hojilarimizning dastlabki guruhi diyorimizga qaytib ketdi.

☪️Aslida, hoji bo‘lish oson, lekin shu nomga bir umr sodiq bo‘lib qolish mushkul. Endilikda hojilarimiz o‘zlarining ibratli amallari, gap-so‘zlari ila yoshlarimizga namuna bo‘lib, yurtimiz ravnaqi, xaqimiz farovonligi, oilalar mustahkamligini ta’minlashga munosib hissa qo‘shadilar, insho Alloh.

🌙 Hadisi sharifga binoan Haj arkonlarini bajargan kishi o‘z Vataniga shoshishi kerak. Chunonchi, Rasululloh sollallohu alayhi va sallam: “Sizlardan biringiz hajini ado qilsa, ahliga qaytishga shoshilsin. Chunki shunday qilishi ajrini ko‘paytiradi”, dedilar (Imom Doraqutniy rivoyati).

📕 Alloma Munoviy rahmatullohi alayh “Fayzul qadir” kitobida hadisni quyidagicha sharhlagan: «(Vatanga) shoshilish – mustahab. “Ahl”dan murod esa, vatandir, garchi u yerda ahli (oilasi) bo‘lmasa-da. Kelishi bilan do‘stlari, ahllariga surur bag‘ishlagani uchun “shunday qilishi ajrini ko‘paytiradi”.

🤲 Alloh taolo hojilarimizning hajlarini mabrur qilgan bo‘lsin!

O‘zbekiston musulmonlari idorasi
Matbuot xizmati

Modul bitiruvchilari uchun yakuniy attestatsiya davom etmoqda

Toshkent islom institutida 2023-2024 o‘quv yili Modul ta’lim tizimi bitiruvchilari uchun umumkasbiy va ixtisoslik fanlari bo‘yicha yozma shaklda Yakuniy attestatsiyalar bo‘lib o‘tmoqda.

Umumkasbiy – “Qur’on qiroati va imlari”, “Hadis”, “Arab tili” hamda ixtisoslik – “Aqoid va fiqh” fanlaridan Yakuniy attestatsiyani o‘tkazish bo‘yicha tuzilgan komissiya tarkibida O‘zbekiston musulmonlari idorasi va Din ishlari bo‘yicha qo‘mita mas’ul xodimlari, O‘zbekiston xalqaro islom akademiyasi o‘qituvchilari, Toshkent shahar vakilligi imom-xatiblari hamda institut kafedra mudirlari va o‘qituvchilari bor.

Mazkur o‘quv yilida Modul ta’lim tizimini 119 nafar talaba bitirmoqda. Modulda respublika masjidlarida faoliyat yuritayotgan o‘rta maxsus diniy ma’lumotli imom-xatib va noib imomlar to‘lov-kontrakt asosida tahsil oladi.

Toshkent islom institutida 2024-2025 o‘quv yili kunduzgi ta’lim uchun abituriyentlarning hujjatlari offlayn shaklda qabul hay’ati tomonidan 2024 yil 20 iyundan 20 iyulgacha qabul qilinadi.

▫️Zarur hujjatlar:
📝 Rektor nomiga ariza;
🪪 Pasport yoki ID karta nusxasi - asli ko‘rsatiladi;
📚 o‘rta maxsus islom ta’lim muassasasini tamomlagani to‘g‘risidagi diplom va ilovasi - asl nusxasi;
👤 3,5 x 4,5 hajmdagi 6 dona rangli fotosurat - so‘nggi uch oyda olingan va orqa foni oq rangda;

••••••

🏆 “Yagona olimpiada” tanlovi 1, 2, va 3-o‘rin g‘oliblarining imtiyozli diplomi - nusxasi.
🇸🇦 Mavjud bo‘lsa, arab tili bo‘yicha B2 darajasidagi milliy yoki xalqaro sertifikat - asl nusxasi.
📂 Hujjatlarni joylashtirish uchun yig‘majild.

🌐 Xorijiy diniy ta’lim muassasalari diplomini mamlakatimizda nostrifikatsiyadan o‘tkazgan O‘zbekiston Respublikasi fuqarolari bo‘lgan abituriyentlar ham hujjat topshirishlari mumkin.

📞 71-240-01-15, 77-308-73-13

📍Manzil: Тошкент шаҳар, Олмазор тумани, Зарқайнар 18-берк кўча, 47-уй.

Toshkent islom institutida 2024-2025 o‘quv yili kunduzgi ta’lim uchun abituriyentlardan hujjatlarni qabul qilish offlayn shaklda 20 iyundan boshlandi.

🔖 Institutda Qabul komissiyasi tarkibi shakllantirilgan bo‘lib, Nizom talablariga muvofiq zarur texnik-tashkiliy ishlar amalga oshirilib, abituriyentlar uchun barcha shart-sharoitlar hozirlangan.

↗️ Katta ko‘chadan institutgacha va ichki hududda ham qabul hay’atini ko‘rsatuvchi yo‘naltirgichlar o‘rnatilgan. Maxsus xona e’lonlar va hujjatlar doskalari, kompyuter va aloqa texnikalari, konselyariya va mebel jihozlari bilan таъминланган.

⏳Qabul vaqti:

Dushanbadan shanbagacha;
Soat: 9:00 – 17:00;
Tushlik va peshin: 12:30 – 13:30;
Yakshanba dam olish kuni.

▫️Qabul 20 iyul soat 18:00 gacha davom etadi.

📞 71-240-01-15, 77-308-73-13

📍Qabul hay’ati manzili: Тошкент шаҳар, Олмазор тумани, Зарқайнар 18-берк кўча, 47-уй.

Modul bitiruvchilari yakuniy attestatsiya sinovidan o‘tmoqdalar

Toshkent islom institutida 2023-2024 o‘quv yili Modul ta’lim tizimi bitiruvchilari uchun umumkasbiy va ixtisoslik fanlari bo‘yicha yozma shaklda Yakuniy attestatsiyalar boshlandi.

Umumkasbiy – “Qur’on qiroati va imlari”, “Hadis”, “Arab tili” hamda ixtisoslik – “Aqoid va fiqh” fanlaridan Yakuniy attestatsiyani o‘tkazish bo‘yicha tuzilgan komissiya tarkibida O‘zbekiston musulmonlari idorasi va Din ishlari bo‘yicha qo‘mita mas’ul xodimlari, O‘zbekiston xalqaro islom akademiyasi o‘qituvchilari, Toshkent shahar vakilligi imom-xatiblari hamda institut kafedra mudirlari va o‘qituvchilari bor.

Mazkur o‘quv yilida Modul ta’lim tizimini 119 nafar talaba bitirmoqda. Modulda respublika masjidlarida faoliyat yuritayotgan o‘rta maxsus diniy ma’lumotli imom-xatib va noib imomlar to‘lov-kontrakt asosida tahsil oladi.

O‘zbekiston musulmonlari idorasi tasarrufidagi Toshkent islom institutida 2024-2025 o‘quv yili uchun qabul jarayonlarini yuqori saviyada tashkil etish va qabul imtihonlarini shaffof, ochiq va oshkora o‘tkazish maqsadida Qabul komissiyasi yig‘ilishi bo‘lib o‘tdi.

Qabul komissiyasi mas’ul kotibi Ma’murjon Erkayev, Kunduzgi ta’lim tizimi dekani Nodirbek To‘raboyev hamda hay’at a’zolari ishtirok etgan majlisni Yoshlar masalalari va ma’naviy-ma’rifiy ishlar bo‘yicha prorektor Tohir Evadullayev olib bordi.

🎊 TABRIK

🇺🇿 Hurmatli yurtdoshlar!

🐏 Mehr-muruvvat, bag‘rikenglik va saxovat ifodasi bo‘lgan Qurbon hayiti muborak bo‘lsin!

🤲 Alloh taolo ushbu ayyomning fazilati ila qalblarimizni munavvar aylab, xonadonlarimizdagi fayzu baraka va osoyishtalikni ziyoda qilsin!

🎉 Haq taolodan yurtimiz va butun dunyo xalqlarini fitna balosidan asrashini, ushbu ulug‘ ayyom sharofati bilan tinchlik, xotirjamlikni bardavom qilishini so‘raymiz.

🕋 Hojilarning hajlari mabrur, arafadagi duolar ijobat, qilingan qurbonliklar va ibodatlar qabul bo‘lsin!

🕌 🏢 Siz azizlarning Vatanimiz ravnaqi yo‘lida olib borayotgan barcha xayrli ishlaringizda Yaratganning O‘zi madadkor bo‘lib, hifzu himoyasida asrasin!

📩 Ehtirom ila,
Toshkent islom instituti jamoasi

🔗 t.me/oliymahad - diniy ma’rifiy kanal!

🤲 O‘ZBEKISTON HOJILARI PREZIDENTIMIZ VA XALQIMIZGA QURBON HAYITI TABRIGINI YO‘LLADILAR

📍Muqaddas zaminga haj ibodatini ado etish uchun borgan millionlab mo‘min-musulmonlar qatori 15 mingdan oshiq yurtdoshlarimiz Mino va Arafot kabi muborak manzillarda ulug‘ amallarni ixlos ila bajardilar.

✅ Bugun, 15 iyun, hijriy 1445 yil 9-zulhijja arafa kuni Makkai mukarramadagi Arafot hududida bo‘lib turgan hojilarimiz ibodatu duolarda bo‘lib, muhtaram Prezidentimiz va xalqimizga Qurbon hayiti munosabati bilan o‘z tabriklarini yo‘lladilar. Uni haj ibodatini ixlos ila ado etayotgan hojilarimiz nomidan O‘zbekiston musulmonlari idorasi raisi, muftiy Shayx Nuriddin Xoliqanazar hazratlari o‘qib esh*ttirdilar.

🗣 Tabrikda yurtimiz tarixida ilk marta O‘zbekiston hojilariga mamlakat Prezidenti darajasida e’tibor ko‘rsatilgani alohida qayd etilib, jumladan bunday deyilgan:
“Hurmatli Prezident, Sizning telefon orqali muborak haj ziyorati uchun yaratilgan sharoitlar va salomatligimiz haqida so‘raganingiz hamda har kuni holimizdan xabardor bo‘lib turganingiz ibodat fayzi bilan yurgan biz hojilarni cheksiz darajada mamnun etdi. Buni har bir ziyoratchi yurakdan his qilib, ko‘zlarida yosh ila Sizning haqqingizga alohida duolar qilayotganini e’tirof etishimiz darkor”.

🤲 Shuningdek, hojilarimiz gunohlar afv etiladigan va duolar ijobat bo‘ladigan Arafotda turib, Alloh taolodan Yurtboshimizga mustahkam sog‘liq, uzoq umr va ulkan muvaffaqiyatlar tilab, xayrli ishlari doimo bardavom bo‘lishini iltijo qilib so‘rashdi.

📖 Shu bilan birga Alloh taologa ixlos bilan ibodat qilayotgan hojilarimiz Arafot vodiysida imom domlalar, mudarrislar, talabalar, ziyoratchilar va ularning yaqinlari tomonidan o‘qilgan Qur’oni karimning 10 mingdan ziyod xatmlari baxshida qilinib, yurtimiz, davlatimiz rahbari va xalqimiz haqqiga xayrli duolar qilmoqdilar.

O‘zbekiston musulmonlari idorasi Matbuot xizmati

Qurbon hayiti muborak bo’lsin!

🌙 ARAFA KUNI TUTILGAN RO‘ZA
2 YILLIK GUNOHLARGA KAFFORAT

2024 yil 15 iyun shanba kuni zulhijja oyining 9-kuni – arafa kunidir.

🌙 Abu Qatoda roziyallohu anhudan rivoyat qilinadi. Rasululloh sollallohu alayhi vasallam: “Arafa kunining ro‘zasi o‘zidan avvalgi bir yil va o‘zidan keyingi bir yilning gunohlariga kafforat bo‘lishini Allohdan umid qilaman”, dedilar (Imom Muslim rivoyati).

Og‘iz yopish va ochish vaqti (Toshkent vaqti bilan):
⏺ Saharlik (og‘iz yopish) vaqti: 03:04
⏺ Iftorlik (og‘iz ochish) vaqti: 20:00

🤲 Saharlik duosi:
Xolis Alloh uchun nafl ro‘za tutishni niyat qildim.

🤲 Iftorlik duosi:
Allohumma laka sumtu va bika amantu va a’layka tavakkaltu va a’la rizqika aftortu, fag‘firliy ya Gʻoffaru ma qoddamtu va ma axxortu.

Allohim, ushbu ro‘zamni Sen uchun tutdim va Senga iymon keltirdim va Senga tavakkal qildim va bergan rizqing bilan iftor qildim. Yo gunohlarni kechiruvchi Zot, mening avvalgi va keyingi gunohlarimni mag‘firat qilgin.

🟢Gʻaflatda qolmang! Arafa kuni ro‘zasini tutishni o‘tkazib yubormang! Buni boshqalarga ham eslating. Ehtimol Siz sababli boshqalar ham ro‘za tutar.

🕓 Yurtimiz hududlaridagi saharlik va iftorlik vaqtlarining Toshkent vaqtiga nisbatan tafovuti:

⏺Toshkentdan oldin: Angren - 1/4,  Andijon - 9/14,  Xonobod - 11/17, Shahrixon - 7/13, Xo‘jaobod - 9/16, Namangan - 7/11, Pop - 4/9, Chortoq - 8/11, Chust - 6/9, Farg‘ona - 4/13, Rishton - 2/12, Qo‘qon - 2/10, Quva - 6/14.

⏺Toshkentdan keyin: Bekobod - 6/(-3), Buxoro - 29/15, Gazli - 31/19,  Gʻijduvon - 26/14, Qorako‘l - 33/15, Guliston - 7/0, Sardoba - 9/1, Jizzax - 14/1, Zomin - 12/0, Forish - 14/5, Gʻallaorol - 15/2, Navoiy - 24/11, Konimex - 23/13, Nurota - 19/12, Uchquduq - 18/26, Nukus - 31/42, Mo‘ynoq - 23/49, Taxtako‘pir - 24/42, To‘rtko‘l - 32/30, Qo‘ng‘irot - 29/47, Samarqand - 20/4, Ishtixon - 20/6, Mirbozor - 22/9, Kattako‘rg‘on - 21/7, Urgut - 20/2, Termiz - 24/(-5), Boysun - 31/(-3), Sho‘rchi - 26/(-5), Qarshi - 29/6, Dehqonobod - 29/1, Koson - 29/7,  Muborak - 29/10, Shahrisabz - 24/2, Gʻuzor - 29/3, Urganch - 35/35.

O‘zbekiston musulmonlari idorasi Matbuot xizmati

«Islom ma’rifati» ilmiy jurnalining yangi sonlari nashrdan chiqdi

O‘zbekiston Respublikasi Oliy attestatsiya komissiyasi ilmiy nashrlar ro‘yxatidan o‘tgan Toshkent islom instituti muassisligidagi «Islom ma’rifati» jurnalining 2024 yildagi 1 va 2-sonlari nashrdan chiqdi.

Jurnalga “Tarix: 07.00.04 – Dinshunoslik” ixtisosligi, 24.00.00 – Islomshunoslik fanlari hamda 23.00.00 – Siyosiy fanlar bo‘yicha falsafa doktori - PhD va fan doktori - DSc ilmiy darajasi uchun talabgorlar taqdim qilgan dissertasiyalarining asosiy ilmiy natijalari, shuningdek, diniy-ma’rifiy yo‘nalishdagi ilmiy maqolalar qabul qilinadi.

O‘zbek, rus, ingliz, arab va turk tillaridagi maqolalarni e’lon qiladigan mazkur jurnal yilda 4 marta nashr qilinadi.

Jurnal haqida:🔻 https://oliymahad.uz/jurnal-haqida
Maqola berish:🔻 https://oliymahad.uz/islommarifati

Jurnal kanali: 👉 https://t.me/islommarifati

Imom Buxoriy nomidagi Toshkent islom instituti professor-o‘qituvchi va talabalari foydalanishlari uchun “Tahfizul Qur’on” kafedrasi ustozlari tomonidan Abu Iso Termiziyning “Sunani Termiziy” kitobidan 40 dona hadya etildi.

Barcha kitoblar Axborot-resurs markazi fondiga belgilangan tartibda kirim qilinib, o‘quv jarayonlarida foydalanish uchun kutubxonaga joylashtirildi.

🌙 Qurbon hayiti namozini o‘qish vaqtlari

🕌 Yurtimizdagi jome masjidlarda 2024 yil 16 iyun yakshanba kuni Qurbon hayiti namozi o‘qiladi.

🕓 Respublikamiz hududlarida Qurbon hayiti namozi jome masjidlarda quyidagi vaqtlarda ado etiladi:

Andijon 05:00
Namangan 05:00
Farg‘ona 05:00
Toshkent sh. 05:10
Toshkent v. 05:15
Sirdaryo 05:15
Jizzax 05:15
Samarqand 05:20
Surxondaryo 05:20
Qashqadaryo 05:25
Navoiy 05:25
Buxoro 05:30
Xorazm 05:45
Qoraqalpog‘iston Res. 05:50

☀️ Ushbu jadvalda ko‘rsatilgan vaqtlar quyosh chiqqanidan keyin 15-20 daqiqalik farqni inobatga olib belgilandi.

O‘zbekiston musulmonlari idorasi
Matbuot xizmati

Toshkent islom institutida kunduzgi ta’lim 4-kurs talabalarining bitiruv diplom ishi himoyalari davom etmoqda.

▫️BDI himoyalari mavzular tegishli Aqoid va fihqiy fanar, Hadis va islom tarixi fanlari, Tillar, Tahfizul Qur’on va Ijtimoiy fanlar kafedralari kesimida, TII dotsenti, falsafa fanlari doktori (PhD) A.Abdullayev raisligida bo‘lib o‘tmoqda.

▫️“Malaka talablari”dan o‘tgan, akademik qarzi bo‘lmagan, BDIga qo‘yilgan talablarni to‘liq bajargan talabalarning tadqiqotlari Ilmiy ishlar va fan bo‘yicha prorektor, falsafa fanlari doktori (PhD) S.Primov va kafedra mudirlari tomonidan tasdiqlangach, himoyaga ruxsat etiladi.

▫️“Himoya”larda talaba qizlar ham faol ishtirok etib, Dilfuza To‘laganova arab tilida tayyorlagan
“دلالة الألفاظ المشتركة في المعنى بين اللغة العربية واللغة الإنجليزية”
mavzusidagi ishini muvaffaqiyatli himoya qildi.

▫️Talabalar baholaridan norozi yoki yuqori ball olgan bo‘lsalar, tadqiqot ishlari Apellyasiya komissiyasida qayta ko‘rib chiqiladi.

Juma ayyomi muborak bo’lsin!

Imom Buxoriy nomidagi Toshkent islom instituti xodimlari O’zbekiston Badiiy akademiyasi Kamoliddin Behzod nomidagi Sharq miniatyura san’ati muzeyi va Toyyiba Art School maktabi ustozlari, Abduqayyumov Abdurahmon, Shermatova Nazokat hamkorligida tashkil etilgan “Xat ishqi” deb nomlangan xattotlik asarlari ko’rgazmasida ishtirok etishdi.

▫️Ko’rgazma davomida Toshkent islom instituti “Aqoid va fiqhiy fanlar” kafedrasi o’qituvchisi, islomshunoslik fanlari bo‘yicha falsafa doktori Ma’murjon Erkayev nutq so’zladi.

Imom Buxoriy nomidagi Toshkent islom instituti xodimlari O’zbekiston Badiiy akademiyasi Kamoliddin Behzod nomidagi Sharq miniatyura san’ati muzeyi va Toyyiba Art School maktabi ustozlari, Abduqayyumov Abdurahmon, Shermatova Nazokat hamkorligida tashkil etilgan “Xat ishqi” deb nomlangan xattotlik asarlari ko’rgazmasida ishtirok etishdi.

Ko’rgazma davomida Toshkent islom instituti “Aqoid va fiqhiy fanlar” kafedrasi o’qituvchisi, islomshunoslik fanlari bo‘yicha falsafa doktori Ma’murjon Erkayev nutq so’zladi.

🗣 ZIYORATCHILAR BILAN MULOQOT QILINIB, SHAROITLAR KO‘ZDAN KECHIRILDI

🇺🇿🇸🇦Saudiya Arabistonidagi xizmat safari chog‘ida O‘zbekiston Respublikasi Prezidentining din va millatlararo munosabatlar masalalari bo‘yicha maslahatchisi Muzaffar Komilov, Muftiy Shayx Nuriddin Xoliqnazar hazratlari, Din ishlari bo‘yicha qo‘mita raisi Sodiqjon Toshboyev, Saudiya Arabistonidagi elchi Nodirjon Turg‘unov, “Haj” va “Umra” ishlari bo‘yicha attashe Shuhrat Amoniy kabi mutasaddilar tomonidan Makka shahrida ziyoratchilar istiqomat qilayotgan “Al-Ayyam Elite”, “Abraj al-Dana”, “Dali Hotel”, “Open Hotel”, “Shueae Hotel”, “Najm Al Saad” va “Aed Al Saha” mehmonxonalaridagi shart-sharoitlar batafsil o‘rganildi.

✅Tanishish davomida ziyoratchilarga ko‘rsatilayotgan xizmatlar darajasi, xonalar shinam va ozodaligi, joylashgan o‘rinlar, oshxonalarning sig‘imi, sanitariya-gigiyena talablariga javob berishi, oziq-ovqat mahsulotlarining sifati, transport xizmatlarining uzluksizligiga alohida e’tibor qaratildi.

🟢Soha rahbarlari har bir mehmonxonada tashkil etilgan tibbiyot markazlarida bo‘lib, ziyoratchilarning hajni ado etishga jismonan tayyorlik jarayonlari, tibbiy ko‘riklar va dori-darmonlarni ko‘zdan kechirib, ularning sog‘ligiga alohida e’tibor qaratish bo‘yicha topshiriqlar berdi.

💬O‘rganishlar chog‘ida hamyurtlarimiz bilan suhbat qilib, ibodatlarni bekamu ko‘st ado etishlari uchun hozirlangan qulayliklar borasidagi fikr-mulohazalarini tingladi. Muloqotlarda bo‘lg‘usi hojilarimiz Davlatimiz rahbarining shaxsan e’tiboridan benihoya shod ekanlari, mavsumga har tomonlama puxta tayyorgarlik ko‘rilgani, barcha imkoniyatlar muhayyo qilinganini e’tirof etdilar. Yurtdoshlarimiz haj ibodatlarini ado etish chog‘ida har qadamda hukumatimizning ko‘magini dildan his etayotganlarini izhor etishdi. Ayniqsa, Yurtboshimizning telefon orqali hojilar holidan xabar olganlari ularni cheksiz quvontirganini ta’kidlash barobarida ular tabarruk manzillarda el-yurt haqqiga xayrli duolar qilishlarini bildirishdi.

✅ Uchrashuvlarda hajga oid masalalarda O‘zbekiston musulmonlari idorasi fatvosi va tavsiyalariga yaqdil amal qilinishi ta’kidlandi.

45-davra bitiruvchilari

Toshkent islom instituti qoshidagi “Qur’oni karim va tajvid” o‘quv kursi 45-davra tinglovchilari 3 oy ta’lim olib, tahsilni yakunladilar.

Bitiruv tadbirida “Qur’oni karim va tajvid” o‘quv kursi bo‘limi xodimlari Bahriddin Parpiyev va Nurulloh Saydullayev hamda o‘qituvchilar Muhammadali Zohidov va Muhammadamin Abdupattayevlar ishtirok etdi.

Bitiruvchilarga sertifikat va Qur’on mushaflari topshirildi.

Ma’lumot uchun, o‘quv kursi qabuli haftaning har shanba kuni soat 09:00-14:00 ga qadar bo‘lib o‘tmoqda.

Ro‘yxatdan o‘tgach, navbat bilan tinglovchilar o‘qishga chaqiriladilar. 3 oylik kursning to‘lovi 1 360 000 so‘mni tashkil qiladi.

📍Manzil: Тошкент шаҳар, Олмазор тумани, Зарқайнар 18-берк кўча, 47-уй.

☎️ 71-227-23-47

🔗 t.me/oliymahad