Uzbekistan State Institute of Arts and Culture

Adiblar xiyobonida “Vatan madhi qalblarda mangu” mavzusida hisobot konserti o‘tkazildi

O‘zbekiston Respublikasi Prezidenti Administratsiyasining topshirig‘i ijrosini ta’minlash maqsadida Adiblar xiyobonida “Vatan madhi qalblarda mangu” mavzusidagi hisobot konserti bo‘lib o‘tdi. Ushbu tadbir O‘zbekiston davlat san’at va madaniyat instituti, O‘zbekiston davlat xareografiya akademiyasi hamda Kamoliddin Behzod nomidagi Milliy rassomlik va dizayn instituti hamkorligida tashkil etildi.

Tadbirni Prezident Administratsiyasi mas'ul xodimi Abduhalil Mavrulov, Madaniyat vaziri o'rinbosari Murodjon Majidov, Yozuvchilar uyushmasi raisi Sirojiddin Sayyid hamda O'zDSMI rektori Nodirbek Sayfullayev ochib berib, ushbu badiiy kecha milliy madaniyatimiz va adabiyotimizni yoshlarimizga yetkazishda muhim qadam bo‘lishini, atoqli adiblarimizning hayoti va ijodini yoshlarga tanitish, ularni milliy qadriyatlarimiz ruhida tarbiyalash oliygohning asosiy maqsadlaridan biri ekanligini ta'kidladi. Shu bilan birga, Adiblar xiyobonini yoshlar uchun doimiy gavjum va fayzli maskanga aylantirish ularni milliy merosimiz bilan tanishtirish hamda talabalarning ma’naviy olamini boyitishga xizmat qilishi aytib o‘tildi.

Konsertning asosiy maqsadi atoqli adiblarimiz hayoti va ijodini yoshlar orasida keng targ‘ib qilish, ularning merosini abadiylashtirish va xiyobonni yoshlar bilan doimiy gavjum bo‘lgan maskanga aylantirishdan iborat. Badiiy kechada institut professor-o‘qituvchilari, mashhur xonandalar va iqtidorli talabalar ishtirokida milliy kuy-qo‘shiqlar ijro etildi. Shuningdek, O‘zbekiston xalq shoiri Muhammad Yusuf qalamiga mansub she'rlar o‘qildi va turli sahna ko‘rinishlari namoyish etildi.

Tadbir yoshlar uchun katta ma’naviy-ma’rifiy ahamiyatga ega bo‘lib, ularga atoqli adiblarimizning boy merosini yanada yaqinroq tanitish imkonini berdi.

Hisobot konserti Adiblar xiyobonini yoshlar uchun ma'naviy va madaniy maskanga aylantirish yo‘lida muhim qadam bo‘ldi.

Kino san'ati va televideniye ixtisosligi bo‘yicha malakaviy imtihon o‘tkazildi

Bugun O'zbekiston davlat san'at va madaniyat institutida Oliy ta'lim, fan va innovatsiyalar vazirligi huzuridagi Oliy attestatsiya komissiyasining 2024-yil 30-yanvardagi 1/23-sonli qaroriga asosan, 17.00.03 — Kino san'ati. Televideniye, ixtisosligi bo‘yicha mutaxassislik fanidan malakaviy imtihon o‘tkazildi.

Institutning ilmiy salohiyatini oshirish, yosh olimlar va tadqiqotchilarni qo‘llab-quvvatlash, shuningdek, ularning malakasini baholash maqsadida tashkil etilgan sinovlar Muhabbat Tulyaxodjayeva, Baxtiyor Yakubov, Sabohat Haytmatova singari ko'p yillik tajribaga ega professor-o‘qituvchilar va mutaxassislar tomonidan adolatli va shaffof tarzda, belgilangan mezonlar asosida baholab borildi.

Jarayonda tayanch doktorant va mustaqil tadqiqotchilar Kino san'ati va televideniye yo‘nalishidagi bilim va ko‘nikmalarini namoyish etdi hamda o‘zlariga berilgan imkoniyatlardan unumli foydalanib, kelgusida yanada muvaffaqiyatli ilmiy izlanishlar olib borish niyatida ekanliklarini bildirdi.

Malakaviy imtihonlar natijalari bo‘yicha yosh ilm-fan izlanuvchilari o‘zlarining kelgusi ilmiy faoliyatlarida qo‘llash uchun muhim tavsiyalarga ega bo‘ldi. Ushbu jarayon institutning ilmiy-tadqiqot salohiyatini yanada oshirishga xizmat qilishi kutilmoqda.

O‘zbekiston davlat san’at va madaniyat instituti professori Rashidov Temur Mahmudovich Rossiya Federatsiyasi Moskva shahrida 29-maydan 5-iyungacha o'tkazilayotgan Mustaqil Davlatlar Hamdo‘stligi xalqaro tashkilotining Ta’lim Kengashi sessiyasi yig‘ilishida faxriy a'zosi va O‘zbekiston Respublikasi vakili sifatida ishtirok etmoqda.

Anjuman doirasida madaniyat va san’at sohasida ta’limning dolzarb masalalari, shuningdek, madaniy-gumanitar hamkorlikni kengaytirish, ijodiy oliy ta’lim muassasalari reytingini oshirish hamda faoliyatini takomillashtirish bo‘yicha bir qator chora-tadbirlar ishlab chiqilishi rejalashtirilgan.

San'at va madaniyatni rivojlantirishga doir yig‘ilish o‘tkazildi

O‘zbekiston Respublikasi Prezidenti Shavkat Mirziyoyev tashabbusi bilan mamlakatimizda san'at va madaniyat sohasida keng ko‘lamli islohotlar amalga oshirilmoqda. Bu islohotlar doirasida milliy merosimizni asrab-avaylash, san'at va madaniyatni rivojlantirish hamda xalqaro miqyosda targ‘ib qilish maqsadida ko‘plab chora-tadbirlar ko‘rilmoqda.

Bugun O‘zbekiston davlat san'at va madaniyat institutida oliygoh rektori, professor Nodirbek Sayfullayev boshchiligida o'tkazilgan yig‘ilish avvalida shu haqida so'z bordi. Bundan tashqari, 2024/2025-o‘quv yili uchun qabul jarayonlariga tayyorgarlik ko‘rish masalasi muhokama qilindi. Ushbu jarayonni shaffof va adolatli tarzda amalga oshirilishi yuzasidan tegishli ishlar belgilab berildi.

Shu bilan birga, madaniyat va san'at ta'limini rivojlantirishga oid takliflarni tayyorlash bo‘yicha amalga oshirilayotgan ishlarning holati yuzasidan axborot esh*tildi. Shuningdek, xalqaro aloqalar bo‘yicha yil so‘ngiga qadar amalga oshiriladigan ishlar rejasini tuzish masalasi bo‘yicha takliflar bildirildi. Xorijiy davlatlar bilan hamkorlikni kengaytirish, o‘zaro tajriba almashish va qo‘shma loyihalarni amalga oshirish bo‘yicha aniq rejalar belgilandi.

Yil yakunida bitiruvchi talabalar festivalini yuqori saviyada tashkillashtirish masalasi ham yig‘ilish kun tartibidan o‘rin oldi. Festivalni milliy madaniyat va san'atimizni namoyish etuvchi muhim tadbir sifatida o‘tkazish zarurligini aytib o‘tildi.

Yig‘ilish so‘ngida barcha xodimlarni mamlakatimizda amalga oshirilayotgan islohotlarga faol hissa qo‘shishga, talabalarning ijodiy va intellektual salohiyatini yanada rivojlantirish uchun bor imkoniyatlarni safarbar etishga chaqirildi.

O‘zbekiston davlat san'at va madaniyat institutida malakaviy imtihonlar o'tkazildi

Bugun O'zbekiston davlat san'at va madaniyat institutida Oliy ta'lim, fan va innovatsiyalar vazirligi huzuridagi Oliy attestatsiya komissiyasining 2024-yil 30-yanvardagi 1/23-sonli qaroriga asosan 17.00.01 — Teatr san'ati,17.00.07 — Madaniyat nazariyasi va tarixi. Madaniyatshunoslik ixtisosliklari bo‘yicha malakaviy imtihon o‘tkazildi.

Imtihonda tayanch doktorant va mustaqil tadqiqotchilar o‘z ilmiy ishlari va tadqiqot yo‘nalishlari, shuningdek, tanlangan ixtisosliklari bo‘yicha bilim va ko‘nikmalarini sinovdan o‘tkazib, ilmiy tadqiqotlarining dolzarbligi, amaliy ahamiyati va yangiligi yuzasidan savollarga javob berdi.

Attestatsiya ishtirokchilari institut professorlari Abduhalil Mavrulov, Abdusalom Umarov, Muhabbat To'laxodjayeva, Omanulla Rizayev va soha mutaxassislaridan iborat komissiya a'zolari tomonidan, belgilangan mezonlar asosida baholandi. Jarayonni bevosita institut rektori, professor Nodirbek Sayfullayev kuzatib bordi.

So‘nggi yillarda O‘zbekiston va Ozarbayjon o‘rtasida madaniy aloqalar sezilarli darajada rivojlanib bormoqda. Ushbu hamkorlikning yorqin namunasi sifatida joriy yilning may oyida Ozarbayjon Respublikasi poytaxti Boku shahrida o‘tkazilgan II Turk dunyosi talabalar teatr festivalida O‘zbekiston davlat san'at va madaniyat instituti talabalarining ishtirok etganligini aytish mumkin. Festivalda o‘zbekistonlik talabalar munosib qatnashgan holda, hakamlar hay'ati va tomoshabinlar e'tirofiga sazovor bo‘ldi.

Hamkorlik aloqalarining davomi o‘laroq, bugun O‘zbekiston davlat san'at va madaniyat institutiga Ozarbayjon Madaniyat vazirligi hamda san'at namoyondalaridan iborat delegatsiya tashrif buyurdi. Ozarbayjon Madaniyat vaziri maslahatchisi Oleg Amirbekov, vazirlik bo‘limi boshlig‘i Minzarxanim Nuraliyeva, vazirlik sektori rahbari Aybeniz Aliyeva, Ozarbayjon Kino agentligi xodimi Aysel Muradova, kinorejissyor Ulviya Karimova va O'zbekistondagi Haydar Aliyev nomidagi Madaniyat Markazi ma'muri Yusuf Mammadovdan iborat delegatsiya institut faoliyati va dars jarayonlarini bilan yaqindan tanishish imkoniyatiga ega bo‘lishdi. Ular oliygoh o‘quv teatri va anjumanlar zalini ko‘zdan kechirishdi hamda talabalarning amaliy mashg‘ulotlarida ishtirok etdilar.

Shuningdek, mehmonlar institut rahbariyati bilan uchrashib, madaniyat va san'at sohasidagi istiqbolli hamkorlik masalalari, jumladan, iyun oyida mamlakatimizda tashkil etiladigan Ozarbayjon madaniyat va san'at kunlarini o‘tkazish masalalarini muhokama qildilar. Muloqot davomida ikki tomon o‘rtasidagi madaniy aloqalarni yanada rivojlantirish, qo‘shma loyihalar va dasturlarni amalga oshirish, san'at va madaniyat sohasida o‘zaro tajriba almashish imkoniyatlari haqida fikr almashildi. Ozarbayjon Madaniyat vazirligi xodimlari O‘zbekiston davlat san'at va madaniyat institutining ta'lim jarayonlari va talabalarning ijodiy ishlariga yuqori baho berishdi.

Mazkur tashrif O‘zbekiston va Ozarbayjon o‘rtasidagi madaniy aloqalarni yanada mustahkamlashga va yangi qo‘shma loyihalar yaratishga katta turtki beradi. Hamkorlik san'at va madaniyat sohasidagi innovatsiyalarni rivojlantirish va ikki mamlakat yoshlariga yangi imkoniyatlar ochishda muhim ahamiyat kasb etadi.

O‘zDSMI rahbariyati rektorga biriktirilgan og‘ir toifadagi mahalla yoshlari holidan xabar oldi

O‘zbekiston Respublikasi Prezidenti Shavkat Mirziyoyev rahbarligida o‘tkazilgan videoselektor yig‘ilishida davlatning alohida e’tiboriga muhtoj yoshlarni qo‘llab-quvvatlash, ularni tarbiyalash, to‘g‘ri yo‘lga yo'naltarish, kasbga o‘rgatish, o‘qitish va ish bilan ta'minlash maqsadida ushbu yoshlarni vazirlik tizimidagi obro‘-e’tiborli, katta hayotiy tajribaga ega rahbarlarga biriktirish an'anasi joriy etillgan edi.

Shunga ko'ra, har bir mahallaga biriktirilgan rahbarlarning joylardagi holatni to‘laqonli aniqlash maqsadida xonadonma-xonadon yurib o‘rganishlari yoshlar o‘rtasidagi mavjud muammolarni tezda yechimini topishi muhim vazifa etib belgilandi.

“Yoshlar va biznesni qo‘llab-quvvatlash” yili davlat dasturiga muvofiq, respublikadagi har bir oliy ta’lim muassasasi rektorlariga ijtimoiy himoyaga muhtoj va uyushmagan yoshlar biriktirilgan.

Shu munosabat bilan bugun О‘zbekiston davlat san’at va madaniyat instituti Yoshlar masalalari va ma’naviy-ma’rifiy ishlar bo‘yicha birinchi prorektori Eldor Shermanov oliygohga biriktirilgan og‘ir toifadagi mahalla yoshlari bilan uchrashish maqsadida, Sergeli tumanida bo‘ldi.

Uchrashuv davomida yoshlarning hayotda o‘z o‘rinlarini topishlari, ijtimoiy faolliklarini yanada oshirish, kasbga yo‘naltirish masalalari muhokama qilindi. Yoshlarning muammo va ehtiyojlari o‘rganilib, ularga yechim topish bo‘yicha vazifalar belgilandi.

Shu bilan birga, ehtiyojmand oilalarga institut rahbariyati tomonidan oziq-ovqat mahsulotlari tuhfa etildi.

О‘zDSMI professori Karimjon Azimov tavalludining 80 yilligiga bag‘ishlangan xotira kechasi o‘tkazildi

О‘zbekiston davlat san’at va madaniyat institutida cholg‘u ijrochiligi va musiqa nazariyasi kafedrasi professori Karimjon Azimov tavalludining 80 yilligiga bag‘ishlangan xotira kechasi o‘tkazildi.

Xotira kechasi avvalida, O'zbekiston davlat san'at va madaniyat instituti rektori, professor Nodirbek Sayfullayev ustoz Karimjon Azimovning yaqinlari bilan ko'rishib, uning faoliyati va yorqin xotirasi haqida samimiy fikrlarini bildirib o'tdi.

Tadbir davomida el suygan san'atkorlar, professor-o‘qituvchilar hamda iqtidorli talabalar tomonidan “Bog‘larda bahor”, “Arabcha popurri”, “Yolg‘iz chо‘pon”, “Yaxshilig‘” va boshqa qo‘shiqlar ijro etildi. Kechada ustozning bir qator shogirdlari ishtirok etdi. Jumladan, O'zDSMI professori O'razali Toshmatov Karimjon Azimov bilan bog'liq o'zining iliq xotiralarini aytib berdi.

Ma’lumot uchun, Karimjon Azimov 1944-yil 15-may kuni Toshkent viloyati Qibray tumanidagi Baytqo‘rg‘on mahallasida ziyoli oilasida tug‘ilgan. Yoshligidan musiqaga qiziqqan Karimjon Azimov do‘sti G‘ulomqodir bilan birga qishloq markazidagi klubga to‘garakka qatnaydi va qashqar rubobini o‘rganadi. Keyinchalik Toshkent davlat konservatoriyasining Tayyorlov bo‘limiga o‘qishga kirib, bir yildan keyin asosiy kursga qabul qilinadi. U qashqar rubobi bo‘yicha dotsent Feoktist Vasilyev sinfida, dirijorlik fani bo‘yicha O‘zbekiston xalq artisti Fazliddin Shamsiddinov sinfida tahsil oladi.

Konservatoriyani tugatgach, uni shu yerda ishga olib qolishadi va Konservatoriyaning O‘quv bo‘limida ish faoliyatini boshlaydi. Shu bilan bir qatorda Karimjon Azimov Toshkent davlat madaniyat institutining (hozirgi O'zbekiston davlat san'at va madaniyat instituti) tashkil etilishiga ham katta hissa qo'shgan shaxslardan biri hisoblanadi. Ustoz uzoq yillar davomida institutda orkestr-dirijyorligi kafedrasi mudiri va fakultet dekan sifatida samarali faoliyat olib borib, soha uchun malakali kadrlarni tayyorlashda jonbozlik ko'rsatdi.

K.Azimov 1987-1992-yillari O‘zbekiston Respublikasi Madaniyat ishlari vazirligi Madaniy-ma’rifiy ishlar bo‘yicha boshqarma boshlig‘i, Xalqaro va Respublika miqyosida o‘tkazilgan ko‘rik tanlovlarda va folklor festivallarida hay’at raisi, qator chet davlatlar - Germaniya, Fransiya, Belgiya, Shvetsariya, Ispaniya va Gollandiyada o‘tkazilgan “Buyuk Ipak Yo‘li” festivalida O‘zbekiston delegatsiyasining rahbari sifatida faoliyat ko‘rsatadi.

1992-yilda O‘zbekiston Respublikasi Madaniyat ishlari vazirligi O‘quv yurtlar va ilmiy muassasalar boshqarmasiga boshliq etib tayinlanadi. 1996-2002-yillarda Toshkent davlat konservatoriyasi Ma’naviy-ma’rifiy va o‘quv ishlari bo‘yicha prorektori, 2002-2004-yillarda O‘zbekiston davlat konservatoriyasi rektori vazifasini bajaruvchisi lavozimlarida faoliyat yuritadi. K.Azimov o‘zining faoliyati davomida ko‘plab o‘quv-uslubiy ishlar, o‘quv qo‘llanmalar va darsliklar chop ettirgan. Bunga “O‘zbekiston dirijorlari”, “Xalq cholg‘ulari havaskorlik orkestri bilan ishlash uslubiyoti” qo‘llanmalari, yuzlab o‘zbek xalq cholg‘u orkestri uchun moslashtirgan asarlari, ilmiy jurnallardagi maqolalari misol bo‘la oladi.

Moskva drama teatri badiiy rahbari bilan hamkorlik masalalari muhokama qilindi

So'nggi yillarda O'zbekiston va Rossiya munosabatlari barcha sohalar singari madaniyat va san'atda ham izchil rivojlanib bormoqda. Jumladan, O'zbekiston davlat san'at va madaniyat instituti hamda Rossiya teatr san'ati instituti, Qozon davlat madaniyat instituti, Sankt-Peterburg kino-televedeniye instituti o'rtasida ikki tomonlama hamkorlik aloqalari yo'lga qo'yilgan.

Ushbu aloqalarning davomi o'laroq, bugun Moskva drama teatri badiiy rahbari Rossiyada xizmat ko'rsatgan artist, Yevgeniy Pisarev O'zbekiston davlat san'at va madaniyat instituti rektori, professor Nodirbek Sayfullayev uchrashdi.

Uchrashuvda teatr san'ati sohasi, malakali kadrlar tayyorlash bo‘yicha amalga oshirilayotgan ishlar hamda istiqbolli hamkorlik masalalari muhokama qilindi.

Yevgeniy Pisarev oliygohda teatr san’ati fakulteti professor-o'qituvchilari va talabalari bilan ijodiy uchrashuv o'tkazdi. Ijodiy uchrashuvdan so'ng talabalarning sohaga oid savollariga javob berildi. Shuningdek, ijodiy uchrashuvda teatr san'ati fakulteti estrada aktyorligi ta'lim yo'nalishi talabalarining ijodiy ishlari namoyish etildi.

Ma’lumot uchun, Pushkin nomidagi Moskva drama teatri 1950-yilda tashkil etilgan bo‘lib, muassasada Pisarev 2010-yildan beri badiiy rahbar sifatida faoliyat yuritadi.

O‘zDSMI delegatsiyasi Kann festivali doirasida Kotd'Azur universiteti faoliyati bilan tanishdi

Xabaringiz bor, O‘zbekiston davlat san’at va madaniyat instituti professor-o‘qituvchilari va talabalaridan iborat delegatsiya Fransiyaning Kann shahrida o‘tkazilayotgan xalqaro kinofestivalda faxriy mehmon sifatida ishtirok etmoqda. Hamyurtlarimiz festival dasturidan o‘rin olgan turli master-klasslarda qatnashmoqda.

Bugun kino, televideniye va radio rejissyorligi kafedrasi mudiri Doston Hojimatov boshchiligidagi delegatsiya Kotd'Azur universiteti faoliyati bilan tanishdi. Tashrif davomida ta’lim tizimi, o‘quv yo‘nalishlari, dars jarayonlari to‘g‘risidagi ma’lumotlar bilan tanishildi.

Xususan, kino sohasi bo‘yicha kadrlar tayyorlaydigan bir qancha yo‘nalishlarning faoliyati o‘rganildi.

Jumladan, oliygoh bir qancha xalqaro kinofestivallarda g‘olib va sovrindorlar qatoridan o‘rin olgan bakalavriatlarni magistratura bosqichiga imtiyozli ravishda (kontrakt summasining 50 foizini qoplab berish) o‘qishga qabul qilishi ma’lum bo‘ldi.

Tashrif davomida fransuz universiteti vakillari bilan suhbat o‘tkazilib, istiqbolli hamkorlik masalalari muhokama qilindi.

Ma’lumot uchun, tadqiqotlar olib borishga ixtisoslashgan Kotd'Azur universitetida o‘ttiz mingdan ortiq talaba tahsil oladi. Ularning yigirma foizini xorijliklar tashkil etadi.

Universitetda Huquq, siyosat, iqtisod va boshqaruv, madaniyat, san’at, ijtimoiy fanlar, tibbiyot, jismoniy tarbiya va boshqa yo‘nalishlarga ixtisoslashgan fakultet va kafedralar mavjud.

O‘zbekiston davlat san’at va madaniyat institutida san’atshunoslik kafedrasi tashabbusi bilan «San’atshunoslikning dolzarb masalalari: muammo va yechimlar» mavzusidagi Respublika ilmiy-amaliy konferensiyasi o‘tkazildi.

Anjumanni oliygoh rektori Nodirbek Sayfullayev ochib berib, har bir sohaning rivoji hamda shakl va mazmun jihatdan boyishi, ushbu sohaning qanchalik keng tadqiq etilishiga ham bog‘liq ekanligini, bugungi k***a ta’lim rivojiga qaratilayotgan e’tibor va g‘amxo‘rlik natijasida sohada bo‘layotgan o‘zgarishlar va yangilanishlarni yanada keng targ‘ib etish, ijodkorlarning yangicha qarashlari va intilishlarini yanada sayqallanishida san’atshunoslarning ham alohida mas’uliyati borligini ta’kidlab o‘tdi hamda ishtirokchilarga muvaffaqiyat tiladi.

Yalpi majlisda «O‘zbekistonda teatr tanqidining muammolari va rivojlanish istiqbollari», «O‘zbek teatri: shakllanish bosqichlari va bugungi holati», «Sahna zamon ruhi», «Dramaturg mahoratining shakllanishida jahon adabiyotining o‘rni», «Kinoshunoslik fanining dolzarb vazifalari», «Madaniyat va san’at: muammo va yechimlar», «O‘zbek Milliy akademik drama teatri sahnasida tarixiy obrazni gavdalantirish ustidagi izlanishlar» va boshqa ko‘plab dolzarb mavzular bo‘yicha ma’ruzalar o‘qilib, keng doirada muhokama qilindi.

Konferensiya so‘ngida barcha ishtirokchi tashkilotchilar tomonidan sertifikat bilan taqdirlandi.

O'zbekiston davlat san’at va madaniyat instituti talabalari xalqaro festivalda munosib ishtirok etishdi

Joriy yilning 20–22-may kunlari TURKSOY tashkiloti shafeligida Ozarbayjon Respublikasi poytaxti Boku shahrida o'tkazilgan "II Turk dunyosi talabalar teatr" festivalida O'zbekiston davlat san’at va madaniyat instituti teatr san'ati fakulteti musiqali teatr aktyorligi yo'nalishi 4-bosqich talabalari "Qadriyatlarni tarannum etgan eng yaxshi spektakl" nominatsiyasi bo'yicha g'olib deb topilib, tashkilotning maxsus mukofotini qo'lga kiritishdi.

O‘zbekiston Respublikasi Vazirlar Mahkamasining tegishli qaroriga asosan Nodirbek Baxtiyorovich Sayfullayev O‘zbekiston davlat san’at va madaniyat instituti rektori lavozimiga tayinlandi.

N.Sayfullayev 1975-yil Toshkent shahrida tug‘ilgan. 1996-yil Toshkent davlat madaniyat institutini, 2005-yil O‘zbekiston Respublikasi Prezidenti huzuridagi Davlat boshqaruvi akademiyasini tamomlagan. Tarix fanlari nomzodi, professor.

Mehnat faoliyati davomida “O‘zbekteatr” birlashmasi bosh direktori o‘rinbosari, O‘zbekiston Respublikasi Vazirlar Mahkamasi bosh mutaxassisi, shoʻba mudiri, Kamoliddin Behzod nomidagi Milliy rassomlik va dizayn instituti rektori lavozimlarida ishlagan.

U 2021-yil dekabr oyidan O‘zbekiston Respublikasi Prezidenti Administratsiyasi Madaniyat va san’atni rivojlantirish shoʻbasi mudiri vazifasida faoliyat yuritib kelayotgan edi.

O‘zDSMI delegatsiyasi Kann festivali doirasida xorijiy mamlakat vakillari bilan hamkorlik masalalarini muhokama qildi

Xabaringiz bor, O‘zbekiston davlat san’at va madaniyat instituti professor-o‘qituvchilari va talabalaridan iborat delegatsiya Fransiyaning Kann shahrida o‘tkazilayotgan xalqaro kinofestivalda faxriy mehmon sifatida ishtirok etmoqda. Hamyurtlarimiz festival dasturidan o‘rin olgan turli master-klasslarda qatnashmoqda.

Bugun delegatsiya navbatdagi mahorat darsida ishtirok etib, "VoxAfrika" telekanali, "Shcherbina film production", "All Right Entertainment animatsion", "Qirg‘iz cinema" kabi studiya vakillari bilan hamkorlik masalalarini muhokama qildi.

Jumladan, "VoxAfrika" telekanali operatori birinchi televizor ixtiro qilingan O‘zbekistonga bo‘lgan qiziqishi yuqori ekanligini ta’kidlab, institutimiz bilan hamkorlik qilishdan mamnunligini bildirdi. Shu bilan birga, institut xodimlari "Taksi" filmi bosh qahramoni Sami Naseri bilan muloqot olib bordi.

Ertangi tadbirlar doirasida Kann shahridagi kinoga ixtisoslashtirilgan maktablarga sayohat tashkil etilishi rejalashtirilgan.

O‘zDSMI delegatsiyasi Fransiyada o‘tkaziladigan nufuzli Kann kinofestivalida faxriy mehmon sifatida ishtirok etmoqda

Ayni damda Fransiyaning Kann shahrida 77-Kann xalqaro kino festevali bo‘lib o‘tmoqda.

O‘zbekiston davlat san’at va madaniyat institutining xalqaro hamkori, "Mond Media" televideniyesi prodyusseri, Jan Mari Laronz taklifiga binoan oliygohimizning kino, televideniye va radio rejissyorligi kafedrasi mudiri Doston Hojimatov, rejissyorlik ta’lim yo‘nalishi 4-bosqich talabasi Hilola Abdurasulova hamda kino sa’nati bo‘yicha mustaqil izlanuvchi Kamola Sulaymonova bevosita faxriy mehmon sifatida ishtirok etmoqda.

Vakillarimiz festival dasturidan o‘rin olgan turli master-klasslarda ishtirok etishmoqda.

Xususan, delegatsiya bugun bo‘lib o‘tgan "CNC Talant France (milliy kino va animatsion tasvirlar markazi) studiyasi tomonidan o‘tkazilgan mahorat darsida qatnashdi.

O‘zbekiston tarixi davlat muzeyi bilan memorandum imzolandi

18-may — Xalqaro muzeylar kuni munosabati bilan O‘zbekiston davlat san’at va madaniyat instituti hamda O‘zbekiston tarixi davlat muzeyi o‘rtasida hamkorlik memorandumi imzolandi.

Memorandumning maqsadi ta'lim sohasida olib borilayotgan islohotlarning ustuvor yo‘nalishlarini belgilash, ta'lim sifati samaradorligini oshirish borasida amalga oshiriladigan ishlar, shuningdek, o'sib kelayotgan yosh avlodni ma'naviy-axloqiy va intellektual salohiyatini rivojlantirishni sifat jihatidan yangi darajaga ko'tarish, o'quv-tarbiya jarayonida ta'limning innovatsion shakllari va usullarini joriy etish hamda san'at va madaniyat yo‘nalishidagi to'garaklar faoliyatini yanada rivojlantirish yuzasidan o‘zaro hamkorlik tartibini belgilab berishdan iborat.

Tomonlarning asosiy hamkorlik yo‘nalishlari quyidagilardan iborat:
– O'sib kelayotgan yosh avlodni ma'naviy-axloqiy va intellektual
rivojlantirishni sifat jihatidan yangi darajaga ko'tarish, o'quvchi yoshlarning bilim va ko'nikmalarini oshirish, ularning qalbida milliy madaniyatga bo'lgan muhabbatni shakllantirish, yosh iste'dodlarni aniqlash va qo'llab-quvvatlashga qaratilgan chora-tadbirlarniamalga oshirish, islohotlar jarayonida yoshlarning ishtirokini yanada faollashtirish;
— san'at va madaniyat yo'nalishidagi pedagoglar hamda ilmiy xodimlar o'rtasida tajriba almashinuvini yo'lga qo'yish,
ularning uzluksiz kasbiy mahoratlarini oshirish hamda rivojlantirish tizimi doirasida joylarda mahorat darslarini tashkil etish;
– Iqtidorli, a'lochi, fidokor yoshlar hamda muzey ilmiy xodimlari o'rtasida o'zaro tajriba almashinuvini yo'lga qo'yish maqsadida uchrashuvlar, badiiy
kechalar, davra suhbatlari, madaniy-ma'rifiy tadbirlarni tashkil qilish va o'tkazish yuzasidan seminar-treninglar va mahorat darslarini tashkil qilish;
– Madaniyat va san'at yo'nalishida festivallar, turli ko'rik-tanlovlar,
madaniy-ma'rifiy tadbirlarni tashkil qilish hamda yuqori saviyada o'tkazilishida uzviy hamkorlik qilish;
– O'quv-tarbiya jarayonida ta'limning innovatsion shakllari va usullarini joriy etish hamda san'at va madaniyat yo'nalishini yanada rivojlantirish yuzasidan o'zaro hamkorlik tadbirlarini amalga oshirish.

Uchrashuv so‘ngida bolajonlar raqs guruhi tomonidan tayyorlangan ko‘rinishlar tomoshabinlarga xush kayfiyat bag‘ishladi.

O‘zDSMIda “Ochiq eshiklar va karyera kuni” mehnat yarmarkasi tashkil etildi

Hozirgi k***a mamlakatda yoshlarni munosib ish o‘rinlari bilan ta’minlash masalasi – eng muhim vazifaga aylangan.

18-may kuni ayni shu vazifani ado etish maqsadida O‘zbekiston davlat san’at va madaniyat institutida oliy ta’lim muassasalarining talaba-yoshlar bilan ishlash samaradorligini oshirish, ularning bо‘sh vaqtini mazmunli tashkil etish, ayniqsa, bitiruvchilarning bandligini ta’minlash maqsadida qator yetakchi ish beruvchi tashkilot, muassasa, vazirlik va idoralar bilan birgalikda talabalar va bitiruvchilarning bandligini ta’minlash masalalariga qaratilgan “Ochiq eshiklar va karyera kuni” mehnat yarmarkasi tashkil etildi.

Ko‘rgazmani о‘tkazishdan kо‘zlangan asosiy maqsad — talaba-yoshlarni mehnat bozoriga olib kirish hamda kelajakda о‘z mutaxassisliklari bо‘yicha mehnat faoliyatini olib borib, kelgusida jamiyatimiz ravnaqi uchun munosib hissa qо‘sha oladigan raqobatbardosh kadrlar bо‘lib yetishishlariga zamin yaratishdan iborat.

Yarmarkada O‘zbekiston davlat san’at va madaniyat instituti ovoz rejjisyorligi va operatorlik mahorati kafedrasi hamda bir qator soha tashkilotlari O‘zbekiston kinoarboblari ijodiy uyushmasi, “O‘zbekfilm” kinokonserni, Hujjatli va xronakal filmlar kinostudiyasi, “Mening yurtim”, “Sevimli TV”, “Zo‘r TV” kabi telekanallar o‘rtasida hamkorlik memorandumlari imzolandi.

Shu bilan birga, institut rektori v.b. Eldor Shermanov, Oʻzbekiston kino arboblari ijodiy uyushmasi raisi Matyoqub Matchonov hamda kinomutaxassislar ishtirokida uchrashuv tashkil etilib, talabalarni qiziqtirgan savollar yuzasidan tegishli ma’lumotlarga ega boʻlishdi.

Arsen Ismoilov xotirasiga bag‘ishlangan ilmiy-amaliy anjuman o‘tkazildi

O‘zbekiston davlat san’at va madaniyat institutida professor, dublyaj aktyori, respublikadagi ko‘plab taniqli aktyor va aktrisalar ustozi Arsen Ismoilov xotirasiga bag‘ishlangan ilmiy-amaliy anjuman bo‘lib o‘tdi. Unda soha mutaxassilari, taniqli aktyor va rejissyorlar, shuningdek, Arsen Ismoilov shogirdlari va iqtidorli talabalar ishtirok etdi.

Uchrashuvni ilmiy ishlar va innovatsiyalar bo‘yicha prorektor Sobir Jumayev ochib berib, Arsen Ismoilovning ilmiy-ijodiy faoliyati to‘g‘risida so‘z yuritdi.

"Arsen Ismoilov o‘zbek san’atida o‘z o‘rniga ega bo‘lgan shaxslardan biri edi. Buni ustoz qoldirgan ilmiy-ijodiy meros orqali his qilishimiz mumkin. Qolaversa, Arsen Ismoilov o‘zidan katta maktab qoldirib, ista’dodga ega yosh avlod shakllanishiga xizmat qilmoqda", — dedi Sobir Jumayev.

Anjumanda Arsen Ismoilov hayoti va ijodiga oid film namoyish etildi, ustoz ijodkor professor-o‘qituvchilar va shogirdlar tomonidan xotirlandi.

Shu bilan birga, amaliy dars mashg‘uloti o‘tkazilib, faol talabalar tashakkurnoma va esdalik sovg‘alari bilan taqdirlandi.

Arsen Ismoilov O‘zbekistonda Sahna harakati va jangi fani asoschisi, shuningdek, Sahna harakati va jismoniy madaniyat kafedrasi asoschisidir. U 60 yildan ortiq vaqt davomida O‘zbekiston davlat san'at va madaniyat institutida faoliyat olib bordi, bu davrda Markaziy Osiyodagi barcha respublikalarda ko‘plab shogirdlar yetkazdi.

Arsen Ismoilov O‘zbekiston teatr va kino san'ati rivoji ayniqsa, jahon klassik asarlarini sahnalashtirishda qilichbozlik, sahna harakati, plastika kabi predmetlarni fan darajasiga olib chiqishda ulkan hissa qo‘shdi.

U postanovkachi rejissyor sifatida 10ga yaqin spektakllarni O‘zbekiston, Qoraqalpog‘iston, Qirg‘iziston teatrlarida sahnalashtirdi. Bundan tashqari, 100dan ortiq dramatik postanovkalarda qatnashgan, “O‘zbekfilm” kinostudiyasida bugungi kunga qadar mingdan ortiq rollarga ovoz bergan va o‘zi ham ijro etgan.

Arsen Ismoilov “O‘zbekiston Respublikasida xizmat ko‘rsatgan madaniyat xodimi”, ” Qoraqalpog‘istonda xizmat ko‘rsatgan artist” faxriy unvonlari bilan taqdirlandi.

Milliy qo‘shiqchilik kafedrasi dotsenti Mansur Mamirovning ijodiy konserti bo‘lib o‘tdi

Bugun O‘zbekiston davlat san’at va madaniyat instituti o‘quv teatrida xalq ijodiyoti fakulteti, milliy qo‘shiqchilik kafedrasi dotsenti Mansur Mamirovning "Qo‘shiqqa navbat" deb nomlangan ijodiy konserti o‘tkazildi.

Tadbirni oliygoh rektori v.b. Eldor Shermanov ochib berib, Mansur Mamirovning ijodiy faoliyati bilan bir qatorda shaxsiy fazilatlarini e’tirof etdi.

"Milliy qo‘shiqchilik va maqom san’ati bo‘yicha kamdan-kam xonanda yuqori cho‘qqiga chiqa oladi. Sababi, bu yo‘nalishning o‘ziga yarasha qonun-qoidalari va mashaqqati mavjud. Mansur Mamirov shunday cho‘qqini zabt etgan fidoyi san’atkorlardan biri hisoblanadi. Shunday mohir ijodkorning hayotda sodda va beg‘ubor ekanligini meni hayratda qoldiradi. Ham insoniy, ham ijodiy fazilatlari havas qilishga arzigulik ijodkorlar kamdan-kam topiladi", — dedi Eldor Shermanov.

O‘zbekistonda xizmat ko‘rsatgan artist Ahmadjon Dadayev rahbarligidagi "Sayqal" ansambli jo‘rnavozligidagi konsertda "Yolg‘iz", "Agar sendan tonar bo‘lsam", "Zulfing", "Ey, sabo", "Na bo‘lg‘ay" va boshqa qo‘shiqlar Mansur Mamirov, shuningdek, el suygan xonandalar va iste’dodli talabalar tomonidan ijro etilib, tomoshabinlar olqishiga sazovor bo‘ldi.