GEO KONT SH.P.K

Hapet aplikimi për mbështetje prej 100 euro për punëtorët

Ministria e Financave, Punës dhe Transfereve njofton qytetarët se ka hapur formën e aplikimit për mbështetje për punëtorët që nuk marrin pagë nga buxheti i shtetit. Aplikimi për mbështetje do të bëhet në mënyrë elektronike, duke plotësuar formularin me të dhënat personale të të punësuarit në vegzën në vijim: https://apps.atk-ks.org/Subvencionim

Vlen të theksohet se të dhënat duhet të jenë të sakta, dhe llogaria bankare duhet të jetë në emër të përfituesit. Përndryshe, nëse të dhënat e plotësuara janë të pasakta, përfshirë numrin e llogarisë bankare, atëherë aplikuesi nuk do të mund të përfitojë nga subvencionimi.

Kusht për kualifikim për mbështetje nga kjo masë është që punëtori të ketë qenë i deklaruar si i punësuar në periudhën tatimore 𝐬𝐡𝐤𝐮𝐫𝐭 𝟐𝟎𝟐𝟐.

Punëtorët të cilët janë deklaruar nga punëdhënësi në periudhën tatimore mars 2022, mund të aplikojnë, mirëpo subvencionin do të mund ta përfitojnë vetëm pasi të jenë deklaruar edhe për periudhat tatimore prill dhe maj, që nënkupton se subvencionin do të mund ta marrin në fund të muajit qershor 2022.

Aplikimi për mbështetje nga kjo masë do të jetë i hapur nga data 𝟐𝟏 𝐩𝐫𝐢𝐥𝐥 𝐝𝐞𝐫𝐢 𝐦𝐞̈ 𝟐𝟎 𝐦𝐚𝐣 𝟐𝟎𝟐𝟐.

Në rast se të punësuarit dëshirojnë të verifikojnë nëse punëdhënësi i ka deklaruar si të punësuar në Administratën Tatimore të Kosovës për periudhën tatimore shkurt 2022, ashtu që të konfirmojmë se kualifikohen për mbështetje, mund të ndjekin vegzën në vijim: https://apps.atk-ks.org/regemployer?fbclid=IwAR3knmXVLPMMQk-3eKSNhRTUvGaN8FlJ8YdUYXzPpSy6aJfjIFqJWAkJ_5w

𝐕𝐞̈𝐦𝐞𝐧𝐝𝐣𝐞: Të punësuarit e sektorit publik që marrin pagë nga buxheti i shtetit nuk kanë nevojë të aplikojnë sepse subvencionin do ta marrin me pagën e muajit prill.

Sqarim lidhur ne njoftimin e ATK-se per deklarimin e tatimeve per personat fizik jo afarist.

ATK nuk eshte e nevojshme te merr vendim lidhur me kete qeshtje, kjo pasiqe sipas legjislacionit te aplikueshem ne Kosove, konkretisht ligji per TAP i ka obliguar gjithmone personat qe realizojne te hyra shtese pervec pages te bejne deklarimin e tatimeve permes deklarates vjetore PD.

Gjithashtu kjo vlene edhe per fitimet kapitale (sh*tjen e patundshmerive).

Te ardhurat nga crypto valutat!

Nese e rritni kapitalin tuaj nga crypto valutat jeni te obliguar qe te deklaroni dhe paguani tatimin!

Do te vije koha kur secili qe ka nje apo disa wallet do te jete i obliguar qe t’i jep llogari shtetit per tatimin e papaguar nga ky aktivitet.

Edhe pse tani ne Republiken e Kosoves nuk ka ende ligj te vecant per aktivitetin ne fjale ekzistojne metoda tjera per pagesen e tatimeve sic jane:

Nese jeni person fizik duhet te pajiseni me numer fiscal prane ATK dhe deklarimin e tatimeve te beni konform ligjit per TAP.

Nese jeni entitet juridik pra SHPK ju tashme jeni i pajisur me numer te biznesit dhe deklarimin e tatimeve te beni sipas ligjit per TAK.

Deklaro dhe paguaj tani per te qene mire me vone!

🔵Përditëso të dhënat në Sistemin EDI!

I nderuar tatimpagues,

Administrata Tatimore e Kosovës, ju njofton se evidentimi i llogarisë tuaj bankare në sistemin EDI nuk është e saktë, prandaj edhe nuk keni mundur të përfitoni nga subvencionet sipas Pakove të Qeverisë së Republikës së Kosovës.

Andaj, kërkojmë që sa më shpejt të bëni përditësimin e llogarisë bankare në Sistemin Elektronik EDI të ATK. Edhe nëse paraprakisht keni bërë përditësimin e të dhënave, kërkojmë që të përsëritni edhe njëherë pasi që është konstatuar nga Thesari se llogaria bankare që keni evidentuar në sistemin EDI nuk është e saktë dhe nuk është e mundur që t’ju rimbursohet ajo llogari për të përfituar subvencionet nga Qeveria.

Llogaria bankare që evidentoni në Sistemin EDI duhet te jetë në emër të biznesit.

Pra, nëse llogaria bankare e juaj përditësohet dhe vendoset e saktë, është e mundur që sa më shpejt nga Thesari të kreditohet llogaria e juaj.

Ju faleminderit për mirëkuptim!

ATK mban premtimin për kujdesin e vazhdueshëm ndaj tatimpaguesve!

📚Mbaj dokumentacionin sipas Ligjit!

Administrata Tatimore e Kosovës, rikujton të gjitha veprimtaritë ekonomike se janë të obliguara të mbajnë librat dhe regjistrimet konform legjislacionit tatimor.

Veprimtaritë ekonomike, të cilat krijojnë dhe mbajnë dokumentacione jo në rregull, si: sh*tje pa destinim-personave fizikë, blerjet nga personat fizikë, mos-dokumentimi dhe dokumentimi fiktiv, malli pa prejardhje-origjinë, fryrja e shpenzimeve, lëshimi i kuponëve fiskal nga distributorët, nënvlerësimi i çmimeve nga importi, mos-lëshimi i kuponëve fiskal, mbajtja e stoqeve dhe saktësia e tyre, dokumentimet tjera jo-reale, kreditimi dhe humbja e vazhdueshme, do të jenë në fokusin e ATK-së, derisa të arrihen objektivat për krijimin e një klime të volitshme për të gjitha bizneset.

ATK, vlerëson se numri i tatimpaguesve, të cilët krijojnë dhe mbajnë dokumentacionin jo në rregull është i konsiderueshëm, i cili shkakton efekte negative në aktivitetet biznesore, krijon klimë jo konkurruese dhe jo lojale për vet operimin e biznesit dhe njëkohësisht krijon humbje për buxhetin e Kosovës.

Në identifikimin e rasteve të tilla, ATK, në bazë të kompetencave është e autorizuar që të ndërmarrë veprimet e nevojshme me qëllim të verifikimit të librave dhe regjistrimeve të tatimpaguesve dhe përcaktimit të drejtë të detyrimeve tatimore.
Vetëm tatimpaguesit, të cilët vullnetarisht mbajnë dhe prezantojnë librat dhe regjistrimet në harmoni me legjislacionin tatimor, nuk do të bëhen objekt ndëshkimi nga ana e ATK-së.

Tatimpaguesit të cilët nuk kanë përmbushur vullnetarisht detyrimin e tyre - mbajtjen dhe prezantimin e librave dhe regjistrimeve, i ftojmë që vullnetarisht të bëjnë korrigjimet e nevojshme për të reflektuar gjendje reale mbi afarizmin e tyre, sepse në këtë mënyrë Ligji për Administratën Tatimore dhe Procedurat, ju ofron lehtësira për tatimin shtesë të pa deklaruar me kohë.

Synimi ynë i vetëm është ngritja e përmbushjes vullnetare të detyrimeve tatimore, andaj ju inkurajojmë që të përmbushni detyrimet tuaja tatimore, në mënyrë që të mos bëheni objekt i ndëshkimeve.

GEO KONT SH.P.K.

Vemendje:
Cdo person fizik i cili krijon te ardhura nga qirate eshte i obliguar qe te beje deklarimet permes deklaratave adekuate sipas ligjeve dhe rregulloreve ne fuqi ne Republiken e Kosoves.

📣𝐍𝐣𝐨𝐟𝐭𝐢𝐦 𝐩𝐞̈𝐫 𝐭𝐚𝐭𝐢𝐦𝐩𝐚𝐠𝐮𝐞𝐬 – 𝐏𝐞̈𝐫𝐟𝐢𝐭𝐨𝐧𝐢 𝐧𝐠𝐚 𝐦𝐚𝐬𝐚𝐭 𝐩𝐞̈𝐫 𝐦𝐛𝐞̈𝐬𝐡𝐭𝐞𝐭𝐣𝐞 𝐭𝐞̈ 𝐛𝐢𝐳𝐧𝐞𝐬𝐞𝐯𝐞!

Bazuar në vendimin e Qeverisë së Republikës së Kosovës Nr. 08/08, datë 21.04.2021, lidhur me subvencionimin e shoqërive tregtare (bizneseve), përkatësisht për subvencionimin e pagës së punëtorëve dhe/ose subvencionimin e pagesës së qirasë për bizneset që kanë pësuar rënie të ndjeshme në të hyra për shkak të kufizimeve të vendosura sipas Vendimit Nr. 01/05, të datës 05.04.2021, të Qeverisë së Republikës së Kosovës, Administrata Tatimore e Kosovës, ka zhvilluar aplikacionin dhe tashmë punëdhënësit dhe qiramarrësit mund të parashtrojnë kërkesat e tyre për të përfituar nga këto masa.

Për subvencionim të pagës së punëtorëve, mund të aplikoj punëdhënësi, nëse është:

o Biznes me aktivitet të vetëm gastronominë;
o Biznes me nën-sektor gastronominë, vetëm për stafin e angazhuar në gastronomi;
o Biznes që ushtron aktivitetin në qendra tregtare të tipit të mbyllur;
o Biznes me aktivitet fitnese dhe palestra; dhe
o Biznes me linja aktive të licencuara për transport ndër-urban të udhëtarëve.

Ndërsa, për subvencionim të qirasë mund të aplikoj Qiramarrësi, nëse është:
o Biznes me aktivitet të vetëm gastronominë; dhe
o Biznes që ushtron aktivitetin në qendra tregtare të tipit të mbyllur.

Personat të cilët do të përfitojnë sipas këtyre masave, kërkesat e tyre do t’i dërgojnë përmes Sistemit Elektronik EDI, më së largu deri më 𝟏𝟏 𝐌𝐚𝐣 𝟐𝟎𝟐𝟏.

𝐏𝐞̈𝐫 𝐬𝐮𝐛𝐯𝐞𝐧𝐜𝐢𝐨𝐧𝐢𝐦 𝐭𝐞̈ 𝐏𝐚𝐠𝐞̈𝐬 𝐬𝐞̈ 𝐩𝐮𝐧𝐞̈𝐭𝐨𝐫𝐞̈𝐯𝐞, Punëdhënësi, përmes Sistemit Elektronik EDI duhet të plotësojë formularin “Kërkesë për subvencionim të Pagave dhe Qirasë” (vetëm pjesën e parë për Paga), të bashkëngjis listën e të punësuarve, ashtu siç është dizajnuar nga ATK. Formulari gjendet në Sistemin EDI, në linkun Shërbimet – Kërkesë për subvencionim të Pagave dhe Qirasë, ndërsa lista mund të shkarkohet në të njëjtin link, në butonin Kërkesë e re – Shkarko mostrën.

𝐏𝐞̈𝐫 𝐬𝐮𝐛𝐯𝐞𝐧𝐜𝐢𝐨𝐧𝐢𝐦 𝐭𝐞̈ 𝐐𝐢𝐫𝐚𝐬𝐞̈, Qiramarrësi, përmes Sistemit Elektronik EDI duhet të plotësojë formularin “Kërkesë për subvencionim të Pagave dhe Qirasë”, (vetëm pjesën e dytë për Qira) si dhe të bashkëngjis listën e qiradhënëseve, ashtu siç është dizajnuar nga ATK. Po ashtu, qiramarrësi duhet të ngarkojë çdo kontratë të qirasë në mes të qiradhënësit dhe qiramarrësit, e cila duhet të jetë e lidhur para datës 1 Shkurt 2021. Formulari gjendet në Sistemin EDI në linkun Shërbimet – Kërkesë për subvencionim të Pagave dhe Qirasë, ndërsa lista mund të shkarkohet në të njëjtin link, në butonin Kërkesë e re – Shkarko mostrën, si dhe në butonin Ngarko dëshmitë/kontratat duhet bashkangjitur dëshmitë dhe kontratat me qiradhënësit.

Përmes formularit të lartcekur, punëdhënësi dhe qiramarrësi, duke evidentuar dëshmitë ofron edhe sqarimin se si ka ndikuar në biznesin e tij, Vendimi Nr. 01/05, i datës 05.04.2021, i Qeverisë së Republikës së Kosovës.
👉Udhëzuesin për aplikim për subvencionim të pagave të punëtorëve dhe qirasë, e gjeni në dritaren ku edhe bëhet kërkesa, si dhe në ueb-faqe të ATK-së, në linkun https://bit.ly/32Szcc3 .

𝑨𝑻𝑲, 𝒄̧𝒅𝒐 𝒉𝒆𝒓𝒆̈ 𝒆 𝒈𝒂𝒕𝒔𝒉𝒎𝒆 𝒏𝒆̈ 𝒐𝒇𝒓𝒊𝒎𝒊𝒏 𝒆 𝒔𝒉𝒆̈𝒓𝒃𝒊𝒎𝒊𝒕 𝒑𝒆̈𝒓 𝒕𝒂𝒕𝒊𝒎𝒑𝒂𝒈𝒖𝒆𝒔!

Administrata Tatimore e Kosovës

www.atk-ks.org

Meqenese jemi ne periudhen e pergaditjes se Pasqyrave Financiare me qellim te dorezimit ne KKRF.

Ju njoftojm se ofrojme keto sherbime: pergaditjen, kontrollimin dhe nenshkrimin e Pasqyrave Financiare sipas legjislacionit ne fuqi nga kontabilist te certifikuar.

Ministria e Financave fton bizneset për përditësimin e të dhënave në sistemin EDI

Me qëllim të mundësimit të ekzekutimit të mjeteve në shumën prej 60 milionë euro, sipas vendimit të Qeverisë së Kosovës Nr. 10/33 të datës 28.09.2020, për subvencionimin e linjës së pagave për bizneset aktive, Ministria e Financave fton bizneset e Republikës së Kosovës që të bëjnë përditësimin e të dhënave të tyre në sistemin EDI të Administratës Tatimore të Kosovës.

Përditësimi i të dhënave në afat sa më të shpejt do t’i mundësojë MF-së që ta realizojë ekzekutimin e shpejt të pagesës, duke evituar vonesat eventuale të krijuara për shkak të të dhënave të gabuara që mund të figurojnë në sistemin EDI (sikurse nr. i xhirollogarisë bankare, nr fiskal etj.)

Pagesa për bizneset do të realizohet një herë dhe nuk do të ketë nevojë për aplikim nga kompanitë, sepse ato do të kualifikohen me automatizëm nëse plotësojnë kriteret e përcaktuara në vendimin e Qeverisë Nr. 10/33 të datës 28.09.2020.

Siç është bërë e ditur në vendimin e Qeverisë nr. 10/33, nga kjo masë do të përfitojnë të gjitha bizneset aktive, përveç ndërmarrjeve publike dhe kompanive me treg të rregulluar.

𝗨 𝗺𝗶𝗿𝗮𝘁𝘂𝗮 𝗯𝘂𝘅𝗵𝗲𝘁𝗶 𝗶 𝗿𝗶𝘀𝗵𝗶𝗸𝘂𝗮𝗿 𝗽𝗲̈𝗿 𝘃𝗶𝘁𝗶𝗻 𝟮𝟬𝟮𝟬

Të dashur qytetarë,

Ministria e Financave ka kënaqësinë të ju njoftojë që sapo u miratua buxheti i rishikuar për vitin 2020.

Falënderojmë të gjithë deputetët e Kuvendit të Republikës së Kosovës që votuan PËR, duke mundësuar kështu fillimin e implementimit të Programit për Rimëkëmbje Ekonomike.

Si Ministri e Financave, kemi bërë të gjitha përgatitjet e nevojshme që menjëherë pas dekretimit të Ligjit nga Presidenti i Republikës së Kosovës, të ekzekutojmë pagesat për masat e pakos së kaluar.

Përmes buxhetit të rishikuar, jemi siguruar që të ruajmë stabilitetin makrofiskal, të financojmë sektorin e shëndetësisë për t'u përballur me sukses me pandeminë COVID19, dhe të rigjallërojmë aktivitetin ekonomik në vendin tonë.

NJOFTIM: Ministria e Financave publikon Vendimin për shtyerjen e afatit të dorëzimit të deklaratave dhe pasqyrave financiare vjetore të të gjitha ndërmarrjeve në Kosovë në KKRF - Lajmet - SCAAK Më 18.03.2020, Ministria e Financave  ka publikuar Vendimin për shtyrjen e afatit deri më 15 GUSHT, 2020, të dorëzimit të deklaratave dhe pasqyrave financiare vjetore të të gjitha ndërmarrjeve në...

𝗡𝗷𝗼𝗳𝘁𝗶𝗺 𝗽𝗲̈𝗿 𝘁𝗮𝘁𝗶𝗺𝗽𝗮𝗴𝘂𝗲𝘀 - 𝗠𝘂𝗻𝗱𝗲̈𝘀𝗼𝗵𝗲𝘁 𝗸𝗼𝗿𝗿𝗶𝗴𝗷𝗶𝗺𝗶 𝗶 𝗴𝗮𝗯𝗶𝗺𝗲𝘃𝗲 𝗴𝗷𝗮𝘁𝗲̈ 𝗮𝗽𝗹𝗶𝗸𝗶𝗺𝗶𝘁 𝗽𝗲̈𝗿 𝘁𝗲̈ 𝗽𝗲̈𝗿𝗳𝗶𝘁𝘂𝗮𝗿 𝗻𝗴𝗮 𝗣𝗮𝗸𝗼𝗷𝗮 𝗙𝗶𝘀𝗸𝗮𝗹𝗲 𝗘𝗺𝗲𝗿𝗴𝗷𝗲𝗻𝘁𝗲

Komisioni i përbashkët ATK dhe MEPTINIS, i mandatuar me Vendimin Nr. 32/2020, datë 15.04.2020 nga Ministri i Financave dhe Transfereve, është duke i shqyrtuar kërkesat e tatimpaguesve, të cilët kanë aplikuar për të përfituar nga Pako Fiskale Emergjente. Me këtë rast, ky Komision ju njofton se tani mund të dërgoni kërkesat për korrigjime, nëse keni vërejtur se gjatë aplikimit për të përfituar në njërën nga masat 3a, 3b, 7, 8 dhe 14 të Pakos Fiskale Emergjent, u është përvjedhur ndonjë gabim i paqëllimshëm.
Kërkesat tuaja për korrigjime eventuale mund t’i dërgoni më së largu deri me datë 𝟮𝟬 𝗠𝗮𝗷 𝟮𝟬𝟮𝟬 në e-mail adresën: 𝗣𝗮𝗸𝗼𝗘𝗺𝗲𝗿𝗴𝗷𝗲𝗻𝘁𝗲𝗙𝗶𝘀𝗸𝗮𝗹𝗲@𝗮𝘁𝗸-𝗸𝘀.𝗼𝗿𝗴

Në ketë adresë duhet të sqaroni qartë arsyen e ndryshimit dhe kërkesën për ndryshim/plotësim.

𝗣𝗲̈𝗿 𝘃𝗲̈𝗺𝗲𝗻𝗱𝗷𝗲𝗻 𝘁𝘂𝗮𝗷: Kjo është adresa e vetme zyrtare, nga e cila, Komisioni do t’i shqyrtojë kërkesat, të cilat kanë të bëjnë me korrigjimet, ndërsa, çdo adresim i kërkesave në ndonjë adresë tjetër alternative, nuk do të merret parasysh nga Komisioni dhe me automatizëm do të konsiderohet e pavlefshme.

Po ashtu, e pavlefshme konsiderohet edhe çdo e-mail i cili dërgohet në këtë adresë, e cila nuk ka të bëjë me korrigjimet e gabimeve për të përfituar nga Pakoja Fiskale Emergjente.

Ju inkurajojmë që të gjitha kërkesat për korrigjime t’i dërgoni sa më shpejt, me qëllim që të mos përcjellët ndonjë lëndë me gabime eventuale në Thesar për transfer të mjeteve, me ç ‘rast pamundësohet korrigjimi i tyre.

Orari i levizjes se lire nga neser.

Vendim nga Ministria e Financave dhe Transfereve.

Prishtinë – 27 prill 2020
Ministria e Financave dhe Transfereve me qëllim të zbatimit të Vendimit Nr. 01/07 dhe 01/09 të Qeverisë së Republikës së Kosovës për marrjen e masave shtesë pas konfirmimit të rasteve pozitive me Corona Virus COVID 19, ka marr vendim që të zgjatet deri më 30 Qershor 2020 afati për pagesën e tatimeve si në vijim:

▶️ Pasqyra tremujore e tatimit dhe kontributeve për bizneset e mëdha individuale (IL);

▶️ Pasqyra tremujore e tatimit dhe kontributeve për bizneset e vogla individuale ( IS);

▶️ Pasqyra tremujore e pagesës paradhënie për Korporatat e Mëdha (QL); dhe

▶️ Pasqyra tremujore e pagesës paradhënie për Korporatat e Vogla.

Pavarësisht pikës 1 të këtij Vendimi, afati për deklarimin e tatimeve sipas pikës 1 të këtij vendimi mbetet deri me datën 30 prill 2020 dhe bëhet në pajtim me legjislacionin tatimor në fuqi. Ky Vendim do të zbatohet për të gjithë tatimpaguesit të cilët në bazë të legjislacionit tatimor janë të obliguar të deklarojnë dhe paguajnë për këto lloje tatimesh.

Tatimpaguesit të cilët janë në vështirësi financiare për shkak të pandemisë, munden që të bëjnë kërkesë për marrëveshje të pagesës me këste, dhe bazuar në dëshmitë e prezantuara, Administrata Tatimore e Kosovës mund të mundësojë formën e tillë të pagesës për këto lloje të tatimit duke i rezervuar vetes të drejtën që pas përfundimit të masave në fuqi edhe të bëjë verifikimin e secilit rast.

Për të gjitha llojet e tjera të tatimeve afati për deklarim dhe pagesë përfundon me datën 30 prill 2020 sipas Vendimit Nr. 26/2020 të datës 19.03.2020, të Ministrit të Financave dhe Transfereve.

Bizneset duhet te kene kujdes, pasi qe ne kete situate nuk ja vlene te kalkulohet interesi personal apo familjar.

Nje gje e tille jo vetem qe nuk eshte etike por eshte edhe e rrezikshme!

Drejtori i ATK-së paralajmëron masa të ashpra për bizneset që fusin familjarë dhe që i largojnë punëtorët nga listat ...

Sqarim lidhur me certifikaten e levizjes se lire.

Sa i perket certifikates se levizjes se lire, kete te drejte e kane vetem ato kompani te cilave kodi i veprimtarise se tyre primar ose sekondar bene pjese ne listen e MEPTINIS si biznese qe i lejohet operimi.

Pra, nese kodi i veprimtarise primar ose sekondar (mirepo jo edhe te tjera) i kompanise tuaj bene pjese ne listen e MEPTINIS tek bizneset qe ju lejohet operimi, ateher permes EDI ju mund ti shkarkoni certifikatat, nenshkruani dhe vulosni per punetoret tuaj.

Respekto orarin!

Rri n’shpi🙂

Kur me dal?

Sistemi EDI ne ATK momentalisht eshte jashte funksionit per shkak te mbingarkeses!

Njoftim,

Nga data 15 prill (e mërkure), ora 06.00, me qëllim të mbrojtjes së jetës së juaj, në tërë territorin e Republikës së Kosovës, hyjnë në fuqi masat rigoroze të lëvizjes me qëllim të pamundësimit të përhapjes së mëtejme të pandemisë Covid-19.

Çdo qytetar, nga data 15 prill së paku deri më 3 maj, do të ketë të drejte të lëvizjes vetëm për 90 minuta gjatë orarit të përcaktuar në bazë të numrit të PARAFUNDIT të letërnjoftimit.

Secili nga ju do të keni 90 minuta në dispozicion për të kryer shërbime bazike duke e respektuar distancën sociale dhe të gjitha rregullat e deritanishme për të mbrojtur shëndetin tuaj dhe shëndetin publik.
Ata që do të shkelin masat e ndërmarra, do të ballafaqohen me pasoja ligjore.

Rekomandimet nga SCAAK📊

Sot më 9 prill 2020, ShKÇAK publikoi rekomandimet për veprim të menjëhershëm drejt rimëkëmbjes ekonomike të vendit: https://bit.ly/39UzHDr

Sqarim në interes të punëmarrësve të cilët kanë punuar pa kontratë pune!

Ministri në detyrë i Financave dhe Transfereve, Besnik Bislimi ka publikuar sqarime në lidhje me pakon emergjente të Qeverisë së Kosovës, e cila u hartua për të ndihmuar qytetarët e bizneset për përballjen me pasojat e pandemisë COVID-19.

Disa nga pyetjet më të shpeshta të cilat i kanë bërë punëtorët në lidhje me këtë pako, kanë qenë për punëtorët të cilët punojnë pa kontrata dhe për ata të cilët humbin vendin e punës si pasojë e vendimeve të Qeverisë së Kosovës të marra për masat parandaluese të përhapjes së coronavirusit.
Në këtë pako të emergjencave parashihet ndihmë edhe për punëtorët pa kontrata por edhe për ata që humbin vendin e punës në kohë të pandemisë, ka sqaruar Bislimi.

“Ne jemi të vetëdijshëm që një pjesë e punëmarrësve janë duke punuar pa kontrata. Ky lloj i angazhimit merr dy forma: ose punëtorët punojnë pa kontrata të vlefshme, por punëdhënësi i paguan rregullisht kontributet pensionale dhe obligimet tatimore; ose punëtorët angazhohen komplet në “të zezë”. Në rastin e parë mungesa e kontratës është gjithsesi problematike dhe ka nevojë të adresohet, POR kjo nuk ka efekt për pakon e masave emergjente. Kjo nënkupton, që për ne, në këtë fazë, mjafton informacioni që punëdhënësi i ka paguar kontributet pensionale dhe obligimet tatimore, andaj këta punëmarrës përfitojnë nga pakoja në të gjitha ato rastet kur punëdhënësi argumenton vështirësi financiare si pasojë e masave të qeverisë (pika 1.3.1 e pakos)”, sqaron Bislimi.

Ai ka shtuar se edhe për punëtorët që kanë punuar tërësisht në “të zezën”, qeveria do t’ua mundësoj punëdhënësve që të fusin këta punëtor në listat e tyre të pagave për muajin mars.
“Për ata të cilët kanë punuar në “të zezën”, qeveria ka hapur një dritare që u mundëson punëdhënësve të fusin këta punëtorë në listat e tyre të pagave për muajin mars, dhe t’i pajisin me kontrata një vjeçare. Pastaj me efekt të menjëhershëm, këta punëtorë bëhen pjesë e përfitimeve nga pakoja (pika 1.14 e pakos). Në rast se nuk ndodh kjo, qeveria inkurajon punëmarrësit që të raportojnë statusin e tyre në administratën tatimore të Kosovës. Nëse punëdhënësit preferojnë të rrezikojnë edhe më tej operimin “në të zezën” dhe të ballafaqohen me konsekuencat ligjore përkatëse, atëherë punëmarrësit e prekur në raste të caktuara mund të përfitojnë nga pika 1.15 e pakos, shkruan Bislimi.

Ministria e Puneve te Brendshme dhe Administrates Publike leshon udhezuesin duke sqaruar se cilet punonjes jane te perjashtuar nga ndalimi i qarkullimit sipas Vendimit nr.1\5 te dates 23.03.2020.

Njoftim ne interes te importueseve te grurit dhe miellit.

NJOFTIM

Lirohen përkohësisht nga pagesa e TVSH-së të gjitha importet e grurit dhe miellit për prodhimin e bukës dhe produkteve të bukës

Në mbështetje të Rregullores Nr. 05/2020 për Fushat e Përgjegjësitë Administrative të Zyrës së Kryeministrit dhe Ministrive, me qëllim të zbatimit të vendimit të Qeverisë së Republikës së Kosovës për marrjen e masave shtesë pas konfirmimit të rasteve pozitive me Corona virus COVID19, ministri i Financave dhe Transfereve Besnik Bislimi mori vendim për lirimin e përkohshëm nga pagesa e TVSH-së të gjitha importet e grurit dhe miellit për prodhimin e bukës dhe produkteve të bukës.

Duke u bazuar në këtë vendim me automatizëm dhe pa pasur nevojë për të parashtruar kërkesë të veçantë lirohen përkohësisht nga taksa doganore dhe TVSH-ja të gjitha subjektet biznesore prodhuese apo kontraktuesit e tyre, të cilët merren me importimin e lëndës së parë.

Për zbatimin e këtij vendimi obligohet Administrata Tatimore e Kosovës dhe Dogana e Kosovë.

Ky vendim hyn në fuqi nga dita e sotme.

Vendimin mund ta gjeni: https://bit.ly/3ahFfbY

Njoftim,

Bizneset mund te bejne kerkese per lejet e vecanta per transport te mallrave dhe levizje te punetoreve, ne kohen e kufizuar per levizje.

Kerkesa duhet te drejtohet ne: [email protected]

Kerkesa duhet te perfshije arsyet per operim dhe listen e punetoreve per te cilet kerkohet leja.

Njoftim për tatimpagues - Zgjatet afati për deklarimin dhe pagesën e tatimeve/kontributeve

Me qëllim të zbatimit të Vendimit Nr. 01/07 dhe 01/09 të Qeverisë së Republikës së Kosovës, si dhe vendimit të Ministrit të Financave dhe Transfereve të datës 19.03.2020, për marrjen e masave shtesë pas konfirmimit të rasteve pozitive me Corona Virus - COVID 19, Administrata Tatimore e Kosovës, ju njofton se zgjatet afati për deklarimin, raportimin dhe pagesën e detyrimeve tatimore dhe kontributeve pensionale deri më 30.04.2020.
Afati për dorëzimin e deklaratave, raporteve dhe pagesave të detyrimeve tatimore dhe Kontributeve zgjatet deri më 30.04.2020, për këto lloje të tatimeve/kontributeve dhe në periudhat tatimore si në tabelën e bashkangjitur.

Po ashtu, ju njoftojmë se zgjatet afati deri me 30.04.2020 edhe për trajtimin dhe vendosjen e kërkesave lidhur me Rimbursimet.
Administrata Tatimore, inkurajon të gjithë tatimpaguesit, të cilët nuk kanë vështirësi financiare, të vazhdojnë me përmbushjen e detyrimeve tatimore brenda afatit të rregullt ligjor.
ATK mban premtimin për kujdesin e vazhdueshëm ndaj tatimpaguesve!
Administrata Tatimore e Kosovës