Presidenca e Republikës së Kosovës

Presidentja Vjosa Osmani uron ditën e komunitetit egjiptian të Kosovës


Komuniteti egjiptian i Kosovës reflekton jo vetëm diversitetin e shoqërisë së Kosovës, por edhe rëndësinë e unitetit dhe solidaritetit.

Shteti ynë është shtëpi e përbashkët e të gjitha komuniteteve, pavarësisht dallimeve.

Komunitetit egjiptian është pjesë e historisë së suksesit të shtetndërimit tonë, sikurse edhe e jetës institucionale.

Gëzuar ditën e komunitetit egjiptian të Kosovës!

Përgjatë javëve të fundit, vajzat dhe djemtë e Forcës sonë të Sigurisë dëshmuan përkushtim dhe rezultate të jashtëzakonshme në akademitë, kolegjet dhe qendrat profesionale ushtarake amerikane më prestigjoze në botë.

Krenarë me Agron Muratin, Alban Bujupin, Alban Bunjakun, Albert Kuçin, Albin Bytyçin, Andrin Vuthaj, Arbnor Hoxhanin, Shpresa Gashin, Vesa Ibrahimin dhe shumë e shumë të reja e të rinj, të cilët personifikojnë të ardhmen e FSK-së!

Përgjatë javëve të fundit, vajzat dhe djemtë e Forcës sonë të Sigurisë dëshmuan përkushtim dhe rezultate të jashtëzakonshme në akademitë, kolegjet dhe qendrat profesionale ushtarake amerikane më prestigjoze në botë.

Krenarë me Agron Muratin, Alban Bujupin, Alban Bunjakun, Albert Kuçin, Albin Bytyçin, Andrin Vuthaj, Arbnor Haxhanin, Shpresa Gashin, Vesa Ibrahimin dhe shumë e shumë të reja e të rinj, të cilët personifikojnë të ardhmen e FSK-së!

Presidentja Vjosa Osmani ka pritur sot në takim ambasadorin e Gjermanisë, Jörn Rohde

Presidentja Vjosa Osmani ka pritur sot në takim ambasadorin e Republikës Federale të Gjermanisë, Jörn Rohde.

Në këtë takim, Presidentja Osmani dhe ambasadori Rohde diskutuan për zhvillimet aktuale politike dhe të sigurisë në vend, si dhe për zhvillimet e fundit për sa i përket Procesit të Berlinit.

Në takim, Presidentja Osmani dhe ambasadori Rohde diskutuan edhe tema të tjera të cilat kanë për qëllim thellimin e mëtejmë të raporteve bilaterale dhe bashkëpunimit midis Kosovës dhe Gjermanisë.

Presidentja Vjosa Osmani priti në takim ambasadorin e Mbretërisë së Bashkuar, Jonathan Hargreaves

Presidentja e Republikës së Kosovës, Vjosa Osmani, ka pritur sot në takim ambasadorin e Mbretërisë së Bashkuar në Kosovë, Jonathan Hargreaves.

Në takim u diskutua për zhvillimet e fundit politike në vend, përgatitjet për Samitin e Komunitetit Politik Evropian, si dhe për bashkëpunimin bilateral midis Kosovës dhe Mbretërisë së Bashkuar.

Në Samitin e Komunitetit Politik Evropian, Presidentja Osmani, sikurse në Samitet e kaluara, do ta përfaqësojë Republikën e Kosovës. Në këtë drejtim, Presidentja dhe ambasadori diskutuan për temat që do të trajtohen në këtë Samit, si dhe për kontributin e Kosovës në këto tema. Samiti do të mbahet në Blenheim Palace në Mbretërinë e Bashkuar në korrik.

Në takim u diskutua po ashtu edhe për bashkëpunimin bilateral në mes të Kosovës dhe Mbretërisë së Bashkuar në fusha të ndryshme.

Në veçanti, Presidentja Osmani shprehu mirënjohjen për mbështetjen e vazhdueshme të partnerëve tanë britanikë në fushën e mbrojtjes, dhe tha se si Komandante Supreme e Forcës së Sigurisë së Kosovës, ndihet krenare për arritjet e vazhdueshme të vajzave dhe djemve të FSK-së në akademitë më prestigjioze ushtarake në Mbretërinë e Bashkuar.

Presidentja Vjosa Osmani shpreh ngushëllime për ndarjen nga jeta të at Antonio Belush*t

Me dhimbje të thellë mora lajmin për kalimin në amshim të at Antonio Belush*t, veprimtarit të paepur të çështjes shqiptare, i cili përveç se kultivoi me pasion gjuhën arbëreshe, nga vitet ‘90, bashkë me Presidentin Rugova e veprimtarë të tjerë, e mbrojti të drejtën e shqiptarëve për liri.

Ndarja e tij nga jeta është humbje e madhe për familjen e miqtë, kishën arbëreshe, institucionet e popullin arbëresh të Kalabrisë e gjithë Italisë së Jugut.

Si Presidente e Kosovës kam pasur nderin ta takoja në bibliotekën e pasur të tij, të cilën e krijoi dhe e mbajti me aq përkushtim deri në vdekje. Kur ia akordova shtetësinë e Kosovës, ishte i stërlumtur, sepse iu plotësua dëshira e tij jetësore.

I përhershëm qoftë kujtimi për at Antonio Belushin!

Zyra e Presidentes së Republikës së Kosovës, si pjesë të angazhimit të vazhdueshëm drejt përmbushjes së zotimeve të Republikës së Kosovës në kuadër të Samitit për Demokraci, është në kërkim të një eksperti/e që do të mbështesë punën e Grupit për Barazi Gjinore në kuadër të Këshillit Presidencial për Demokraci dhe të Drejta të Njeriut. Konkretisht, eksperti/ja pritet të angazhohet në punë kërkimore, analiza ligjore, pjesëmarrje në procese konsultative ligjore, etj.

Për më shumë informata:https://www.iri.org/wp-content/uploads/2024/06/EUROPE2024K02o-RFP-Legal-Expert.pdf

Afati i fundit për aplikim: 2 korrik 2024
Kjo mbështetje mundësohet nga Instituti Ndërkombëtar Republikan – IRI International Republican Institute (IRI), të cilët e menaxhojnë të gjithë procesin e rekrutimit.

Presidentja Vjosa Osmani ka përkujtuar Nekibe Kelmendin në 13- vjetorin e ndarjes nga jeta

Sot në 13-vjetorin e ndarjes nga jeta, kujtojmë me respekt bashkëpunëtoren e presidentit historik dr. Ibrahim Rugova, gruan stoike, avokaten, aktivisten politike dhe ish-ministren Nekibe Kelmendi, trashëgimia e së cilës vazhdon të na frymëzojë dhe udhëheqë.

Një jetë të tërë ia kushtoi profesionit të avokates dhe angazhimit politik për Kosovën e lirë dhe të pavarur, duke i bërë ballë vrasjes së burrit dhe dy djemve të saj nga regjimi gjenocidal i Millosheviqit.

Vendosmëria, guximi dhe angazhimi i saj mbeten referencë për brezat e tashëm dhe të ardhshëm.

🇽🇰🤝🇳🇱

🇽🇰 🇫🇮

Kënaqësi të bashkëbisedoj përgjatë dy ditëve të samitit me Presidentin e Finlandës, Alexander Stubb.

Një mik dhe përkrahës i jashtëzakonshëm i Republikës së Kosovës, me të cilin do të punojmë ngushtë për ta avancuar tutje partneritetin tonë me Finlandën si dhe rrugëtimin tonë euro-atlantik. 🇽🇰🇫🇮

🇽🇰🇦🇺

🇽🇰🇪🇺

Presidentja e Parlamentit Evropian, Roberta Metsola, është padyshim një ndër aleatet më të forta të popullit të Kosovës.

Në rrugën tonë drejt Bashkimit Evropian, mbështetja e saj vazhdon të jetë e pakursyer! 🇽🇰🇪🇺

Presidentja Osmani: Në takimin tonë të tretë brenda një periudhe njëvjeçare, me Presidentin e Kenias, William Ruto, diskutuam sërish për avancimin e raporteve në mes të Republikës së Kosovës dhe Kenias. 🇽🇰🇰🇪

Presidentja Vjosa Osmani ngushëllon familjen, të afërmit, Universitetin e Prishtinës dhe Institutin Hidrometeorologjik të Kosovës për ndarjen nga jeta të Sylë Tahirsylaj

Me dhimbje të thellë e pranuam lajmin për ndarjen nga jeta të meteorologut dhe ish profesorit universitar, Sylë Tahirsylaj.

Ai dha një kontribut të çmuar në punën e tij akademike, sikurse edhe në sferën e meteorologjisë.

Ju shpreh ngushëllime të sinqerta familjes, të afërmve, Universitetit të Prishtinës dhe Institutit Hidrometeorologjik të Kosovës.

Në këto çaste të rënda për familjen, bashkëndjej me ju dhe ju inkurajoj që të gjeni forcë në përballimin e dhimbjes.

I përhershëm qoftë kujtimi për Sylë Tahirsylajn!

Zotëria i Parë, Prindon Sadriu, mbrëmë mori pjesë në Ballon kushtuar ditëlindjes së 249-të të Ushtrisë Amerikane

Me ftesën e Komandës Amerikane të Kampit Bondsteel, Zotëria i Parë, Prindon Sadriu, mbrëmë mori pjesë në Ballon e Ushtrisë Amerikane (Army Ball) për të shënuar 249 vite të shërbimit të saj. Ushtria Amerikane u krijua më 14 qershor 1775 dhe mbajtja e ballos shërben për t'i nderuar të gjithë martirët që dhanë jetën duke shërbyer për vendin e tyre dhe njëkohësisht për të inkurajuar ushtarët e rinj që i bashkangjiten shërbimit ushtarak. Zotëria i Parë, si i deleguar i Presidentes Osmani në këtë ngjarje, shprehi mirënjohjen e thellë për shërbimin e të gjithë ushtarëve amerikan përgjatë viteve në Kosovë dhe anembanë botës për të garantuar paqe dhe siguri për të gjithë.

Në këtë ballo, e cila u mbajt për herë të parë në Kosovë, të pranishmit ngrenë dolli edhe për nder të Presidentes së Republikës së Kosovës, Vjosa Osmani, për t'i shprehur mirënjohjen e ndërsjellë për bashkëpunimin e vazhdueshëm ndërmjet Kosovës dhe SHBA-ve.

Urimi i Presidentes Vjosa Osmani për Kurban Bajram

Uroj që festa e Kurban Bajramit të sjellë gëzim, paqe dhe begati në familjet tuaja!

Kjo festë bashkon njerëzit, ndaj në këtë ditë hapen jo vetëm dyert, por edhe zemrat për ta shpërfaqur traditën tonë, si dhe shpirtin solidar për të ndarë diçka nga vetja për ata që kanë nevojë.

Kurban Bajrami është festë e sakrificës, mundësi për reflektim, dhembshuri dhe mirënjohje.

Shtëpitë tuaja në këtë ditë feste qofshin të mbushura me gëzim, dashuri, mirëkuptim dhe tolerancë.

Urime dhe gëzuar festa e Kurban Bajramit!

🇽🇰🇺🇸 Presidentja Vjosa Osmani takon Zëvendës Presidenten e SHBA-ve Kamala Harris: I përcolla mirënjohjen e thellë të popullit të Kosovës për mbështetjen e palëkundur dhe miqësinë tonë të përjetshme!

Me Zëvendës Presidenten e Shteteve të Bashkuara, Kamala Harris. 🇽🇰🇺🇸

I përcolla mirënjohjen e thellë të popullit të Kosovës për mbështetjen e palëkundur dhe miqësinë tonë të përjetshme!

🇽🇰 🇲🇹

🇽🇰🇲🇪

Në kuadër të Samitit të Paqës për Ukrainën, me Presidentin e Malit të Zi, Jakov Milatović diskutuam për rëndësinë e aleancave dhe koordinimit në mbrojtje të demokracisë dhe paqes. 🇽🇰 🇲🇪