Qendra Social-Edukative "Don Bosko" - Prishtinë

NJOFTIM PËR APLIKIM

Të gjitha Listat e pritjes ekzistuese (pavarësisht kur është bërë Aplikimi), do anulohen (arkivohen) me datën 13 shtator 2024. Të gjithë ata që kanë dëshirë të vendosin sërish emrin e fëmijës/ve të tyre në Listë të pritjes për vitin e ri shkollor 2024-2025 (II-IX; XI-XII), duhet të vijnë pranë administratës së Shkollës dhe të bëjnë aplikimin e ri. Aplikimi mund të bëhet vetëm nga prindërit/kujdestari ligjor ose nga një familjar i afërm që ka autorizimin me shkrim nga prindi/kujdestari ligjor; një person mund të ketë autorizimin vetëm për një fëmijë (eventualisht për vëllezërit dhe motrat e tij);

Aplikimet e reja për Lista të pritjes për Shkollën Fillore, të Mesme të ulët dhe të Mesme të lartë, bëhen më:

13 shtator – vetëm për fëmijët e Stafit të QSE “Don Bosko”
16 shtator 2024 nga ora 08:00 – të gjithë të tjerët që nuk bëjnë pjesë në grupin e parë.

Renditja do bëhet sipas kohës së ardhjes dhe paraqitjes së Aplikimit/kërkesës dhe ajo renditje do vlejë për një vit shkollor.

Nota mesatare e nevojshme për aplikim:

Shkolla Fillore: për kl. III-V – nota mesatare 4.5 (nën 4.0 nuk pranohet aplikimi)
Shkolla e Mesme e Ulët (kl. VI-IX) – nota mesatare 4.5 (nën 4.0 nuk pranohet aplikimi)
Shkolla e Mesme e Lartë (kl. XI-XII) – nota mesatare 4.0 (nën 3.5 nuk pranohet aplikimi)

SHËNIM: Kujtojmë se, siç janë informuar tashmë prindërit në momentin e Aplikimit, për kl. I dhe X për vitin shkollor 2024-2025 dhe siç është e shkruar edhe në fletën e Aplikimit që atyre u është dorëzuar, Listat e pritjes për këto klasa (I dhe X) do vlejnë deri në fundin e javës së dytë, të muajit Shtator të vitit të ri shkollor 2025-2026.

NJOFTIM PËR APLIKIM Të gjitha Listat e pritjes ekzistuese (pavarësisht kur është bërë Aplikimi), do anulohen (arkivohen) me datën 13 shtator 2024. Të gjithë ata që kanë dëshirë të vendosin sërish emrin e fëmijës/ve të tyre në Listë të pritjes për vitin e ri shkollor 2024-2025 (II-IX; XI-XII), duhe...

ÇDO GJË, sado e vogël, e rëndomtë apo e pavlerë që mund të na duket - qoftë ajo një guacë e braktisur mbi rërën e detit, apo një boçë e pishës që kalbet mbi tokë - është një copëz e atij realiteti/mozaiku që quhet JETË, e pjesë e të cilit të gjithë jemi.

Të gjithë ne jemi copëza (GUACA) të vogla të këtij mozaiku (JETËS), autori i të cilit është ARTISTI I MADH: Zoti.
Vetëm Zoti është artisti i vërtetë, sepse vetëm Zoti mund të krijojë, ndërkohë që të gjithë ne të tjerët që merremi me artin, mundohemi dhe duhet të jemi "imitues dhe lajmëtarë" të BUKURISË HYJNORE.

Pavarësisht shijeve të ndryshme estetike që ka çdo njeri, uroj, shpresoj dhe lutem që në këto guaca - të mbledhura me aq mund dhe për një kohë aq të gjatë (17 vite) - dhe në mozaiqet e realizuara, apo që do të realizohen me to, çdo njeri të arrijë të shohë një rrezatim të DASHURISË SË ZOTIT.

Don Dominik Kukeli
- D e Z ë T e M -

17 vite pasion për guacat dhe mozaikët - Mirëmëngjesi Kosovë 06.08.2024 𝐅𝐨𝐥𝐥𝐨𝐰 𝐑𝐓𝐊:𝐅𝐚𝐜𝐞𝐛𝐨𝐨𝐤: https://shorturl.at/vGHS8𝐖𝐄𝐁: 𝐫𝐭𝐤𝐥𝐢𝐯𝐞.𝐜𝐨𝐦Powered by OnAir.FM

Nata finale e “Lojërave Verore 2024”, sonte 18 korrik ora 19:00.
Ju mirëpresim.

QSE “Don Bosko” në Prishtinë publikon këtë

SHPALLJE

Për plotësimin e vendeve të lira të punës për vitin shkollor 2024/2025

1. Një (1) mësimdhënës/e për lëndën mësimore GJUHË ANGLEZE me normë të plotë, për kohë të caktuar, prej 01.09.2024 deri më 31.08.2025;

Kushtet e punësimit: Për këto vende pune kërkohet përgatitja adekuate profesionale në bazë të Nenit 35, paragrafit 8, të Ligjit për Arsimin Parauniversitar në Republikën e Kosovës, me Nr. 04/L-032, Udhëzimit Administrativ nr. 05/2021 për Normativin mbi Kuadrin Profesional të Arsimit të Përgjithshëm.

Për Aplikim kandidatët duhet të kompletojnë dokumentacionin:
– CV-në e kompletuar;
– Kopje të letërnjoftimit;
– Diplomën certifikatën e diplomimit nga Fakulteti (kopje të noterizuar);
– Certifikatën e trajnimeve të kryera (nëse keni);
– Vërtetimin mbi përvojën e punës (nëse keni);

Dokumentet e kompletuara mund t’i dërgoni përmes E-malit: [email protected].
Afati për aplikimit është deri më 26.07.2024.
Në intervistë do të ftohen vetëm ata kandidatë që do t’i plotësojnë kushtet e konkursit sipas përgatitjes përkatëse, ose të përafërt.

Drejtori,
Don Dominik Kukeli

SHPALLJE QSE “Don Bosko” në Prishtinë publikon këtë SHPALLJE Për plotësimin e vendeve të lira të punës për vitin shkollor 2024/2025 Një (1) mësimdhënës/e për lëndën mësimore GJUHË ANGLEZE me normë të plotë, për kohë të caktuar, prej 01.09.2024 deri më 31.08.2025; Kushtet e punë...

Lojërat Verore 2024
Java e dytë: dita 2
Lojërat me uje 😍 💧🌊🫧

Të nderuar,
ju njoftojmë se ditën e nesërme, enjte më 4 korrik, për arsye meteorologjike, nuk mund të realizojmë shëtitjen në pishinë që kemi planifikuar. Kjo shëtitje do të spostohet për ditën e premte më 5 korrik. Prandaj nesër, enjte 4 korrik, kemi aktivitet si çdo ditë këtu ne “Don Bosko”. Faleminderit për mirëkuptimin.

KONKURS PËR PLOTËSIMIN E VENDEVE TË LIRA TË PUNËS

QSE “Don Bosko” në Prishtinë publikon këtë SHPALLJE

Për plotësimin e vendeve të lira të punës për vitin shkollor 2024/2025

1. Një (1) mësimdhënës/e për lëndët mësimore të fushës së Inxhinierisë Elektrike dhe të Shkencave Kompjuterike. Njëri me normë të plotë, për kohë të caktuar, prej 01.09.2024 deri më 31.08.2025; në mungesë të kandidatëve të interesuar për normë të plotë, mund të marrim dy mësimdhënës me Part-time;

2. Një (1) mësimdhënës/e për lëndë profesionale të fushës së Ekonomisë – Part-time –9 orë mësimore në SHML, për kohë të caktuar, prej 01.09.2024 deri më 30.06.2025;

3. Një (1) mësimdhënës/e për lëndën e Matematikës – Part-time –14 orë mësimore në SHML, për kohë të caktuar, prej 01.09.2024 deri më 30.06.2025;

4. Një (1) mësimdhënës/e për lëndën e TIK-ut, – me normë të plotë, për kohë të caktuar, prej 01.09.2024 deri më 31.08.2025; ose dy (2) mësimdhënës me Part-time;



Kushtet e punësimit: Për këto vende pune kërkohet përgatitja adekuate profesionale në bazë të Nenit 35, paragrafit 8, të Ligjit për Arsimin Parauniversitar në Republikën e Kosovës, me Nr. 04/L-032, Udhëzimit Administrativ nr. 05/2021 për Normativin mbi Kuadrin Profesional të Arsimit të Përgjithshëm, Udhëzimit Administrativ nr. 05/2015, Normativi për Mësimdhënësit e Arsimit Profesional të nxjerr nga MASHT dhe Udhëzimit Administrativ nr. 06/2021, Për Ndryshimin dhe Plotësimin e Udhëzimit Administrativ nr. 05/2015, Normativi për Mësimdhënësit e Arsimit Profesional të nxjerr nga MASHT.

Për Aplikim kandidatët duhet të kompletojnë dokumentacionin:

– CV-në e kompletuar;
– Kopje të letërnjoftimit;

– Diplomën certifikatën e diplomimit nga Fakulteti (kopje të noterizuar);
– Certifikatën e trajnimeve të kryera (nëse keni);

– Vërtetimin mbi përvojën e punës (nëse keni);

– Preferohet njohja e një gjuhe të huaj (anglisht, gjermanisht, frëngjisht, italisht);


Dokumentet e kompletuara mund t’i dërgoni përmes E-malit: [email protected].

Afati për aplikimit është deri më 19.07.2024.

Në intervistë do të ftohen vetëm ata kandidatë që do t’i plotësojnë kushtet e konkursit sipas përgatitjes përkatëse, ose të përafërt.

Drejtori,
Don Dominik Kukeli

KONKURS PËR PLOTËSIMIN E VENDEVE TË LIRA TË PUNËS QSE “Don Bosko” në Prishtinë publikon këtë SHPALLJE Për plotësimin e vendeve të lira të punës për vitin shkollor 2024/2025   1. Një (1) mësimdhënës/e për lëndët mësimore të fushës së Inxhinierisë Elektrike dhe të Shkencave Kompjuterike. Njëri me normë të plotë, për k...

Lojërat Verore 2024.
Java e parë: dita 2.

Lojërat Verore 2024.
Java e parë: dita 1.

Përfundimi i klasës së 5-të.

Vazhdojmë me përgatitjet për Lojërat Verore 2024.
Takimi i radhës i formimit për animatorë mbahet me 26 qershor 2024 ora 18:00.
Të ftuar special do të kemi don , i cili kordinon oratoret e Italisë së jugut, Shqipërisë dhe Kosovës.
Mos mungoni.

Takimi i dytë per formim të animatorëve.
Mos mungoni.

GËZUAR FESTËN E KURBAN BAJRAMIT!

QSE “Don Bosko” në Prishtinë dhe Bashkësia Saleziane, të gjithë stafit, nxënësve, ish nxënësve, prindërve dhe miqve të “Don Boskos” përzemërsisht jua uron festën e Kurban Bajramit.

Urojmë që paqja, bekimi, shëndeti dhe dashuria të mbizotërojë në familjet tuaja.

Me respekt,
Drejtori i QSE “Don Bosko” – Prishtinë
don Dominik Kukeli

Në garat “Neo Science Olympic” në New Jersey Institute of Technology nxënësi ynë Gerti Kida nga klasa e 10-të fitoi vendin e parë nivel botëror-KODIM (Medalje e artë)

Të lumtë Gerti që na bën krenarë!

Nxënësit nga Kosova shkëlqejnë në ShBA, fitojnë gjashtë medalje të arta - Klan Kosova Nxënësit nga Kosova kanë shkëlqyer në Shtetet e Bashkuara të Amerikës, në 25 vjetorin e çlirimit. Ata kanë arritur t’i fitojnë gjashtë medalja të arta dhe shumë të argjendtë dhe bronztë, në garat e zhvilluara në matematikë, shkencë dhe robotikë. Garat “Neo Science Olympic.....

Fillojmë me takimet e formimit për animatorët e Lojërave Verore 2024.
Takimi i parë më 19 qershor 2024, ora 18:00.

“Lojërat Verore 2024” në QSE “Don Bosko” Prishtinë po vijnë.
Nga data 1 deri më 19 Korrik na presin lojëra dhe aktivitete të ndryshme për fëmijët nga mosha 6-14 vjeç.
Të rinjtë nga klasa e 9-të e sipër të cilët duan të kalojnë një verë ndryshe, janë të ftuar që të marrin pjesë si animatorë.
Regjistrimet bëhen te Shkolla Fillore duke filluar nga data 13 qershor 2024 (për fëmijët) dhe nga data 10 qërshor 2024 (për animatorë).
Ju mirëpresim!

Semimatura 2024

CEREMONIA E DIPLOMIMIT TË MATURANTEVE - GJENERATA 2021-2024

FESTA E ABETARES

Sot shkolla jonë pati kënaqësinë ta festoi festën të cilën nxënësit e klasave të para e kanë pritur me padurim, ishte kjo Festa e Abetares.

Ishte ky një organizim i përgatitur me finesë nga nxënësit e klasave te para nën udhëheqjen e mësuesëve të tyre, mësuese Arta Sada Fetiu dhe Bashkim Ismaili.

Nxënësit me zellin e tyre të pashoq prezantuan shkronjat e mësuara. Me shumë dashuri recituan poezitë e mësuara, numrat e mësuar, stinët e vitit, ditët e javës dhe muajt e vitit.

Tani ata përfunduan abetare dhe i pret libri i leximit i cili do të jetë udhërrëfyes për zhvillimin e tyre.

Urojmë nxënësit tanë për këtë festa dhe ju dëshirojmë suksese sa më të mëdha në universin e diturisë

Në kuadër të aktiviteteve jashtëkurrikulare, nxënësit e klasave të katërta të udhëhequr nga mësueset Lule Dushi dhe Albina Gashi vizituan Bibliotekën Kombëtare të Kosovës dhe Radio Televizionin e Kosovës.
Nxënësit patën rastin të shohin hapësirat më reprezentative të Bibliotekës Kombëtate, ku nga stafi menaxhues u njoftuan për historikun dhe veprimtarinë e saj.
Po ashtu gjatë vizitës në Televizionin publik të Kosovës “RTK” nga afër patën mundësinë të njohin punën e medieve, studiot dhe çdo ambient tjetër nga ku na mbajnë të informuar për ngjarjet në vendin tonë dhe në botë.
Falënderojmë stafin e Bibliotekës dhe Radio Televizionit të Kosovës për pritjen e ngrohtë!

DITA E SHKENCËS

Aktivitetet e Javës së Shkencës, sot, përfunduan me pikën kulmore, Ditën e Shkencës.

Ditë kjo e cila mbledh shumë nxënës nga të gjitha Shkollat e Kosovës me projektet e tyre garuese.

Pas Tryezës Shkencore me temë “Të jetuarit në boten virtule”, sot, radhën e kishin garuesit e Ditës së Shkencës.

Këtë vit edhe si viteve tjera kishte garues të shumtë, po që pesë me të mirët arritën në finale.

Finalistë këtë vit ishin:
1. Idriz Mirena
2. Diell Vraniqi
3. Gerti Kida
4. Erdajt Sopjani

FIllimisht garuesit i përshëndeti Drejtori don Dominik Kukeli, i cili në fjalën e tij tha që këto ngjarje do ta kenë gjithmonë përkrahjen e Qendrës sepse përmes këtyre organizimeve tani kemi shumë garues që e kanë depërtuar në tregun e punës.

Pastaj filluan prezantimet e garuesve. Pas prezantimeve te projekteve nga garuesit në fund u shpallën tri vendet e para.

Këtë vit ato u renditen si më poshtë:
Vendi i parë: Erdajt Sopjani
Vendi i dytë: Gerti Kida
Vendi I tretë: Idriz Mirena

Një falënderim i veçantë shkon për sponsorët të cilët i kanë mbështetur nxënësit me shpërblime te shumta në aspektin monetar dhe në dhurimin e bursave universitare.

Sponsorët për këtë vit ishin si më poshtë:

1. QSE “Don Bosko” – Prishtinë
2. Kolegji “Universum-Arizona”
3. RIT Kosova
4. PBC Academy
5. Kolegji AAB

Garuesve ju urojme që projektet e tyre t’i implementojnë edhe në tregun e punës.

Në kuadër te Javës së Shkënces, sot u mbajt Tryeza e Rrumbullakët me temën " TË JETUARIT NË BOTËN VIRTUALE".

Ligjerues ishte Prof.dr. Artan Krasniqi.

Nxënësit patën mundësi të bashkëbisedimit dhe ndarjes së përvojave bashkë me panelistet.

PËRSHËNDETJA ME MATURANTËT 2021/2024

Sot, më 17 maj 2024, ishte dita e fundit e mësimit për Maturantët, ditë kjo që nuk sillte vetëm fundin e një viti shkollor, por sillte fundin e një periudhe tre vjeçare të qëndrimit të tyre në bankat e Shkollës së Mesme të Lartë.

Sot ishte organizuar një përshëndetje më ndryshe se herave tjera për ta, përshëndetje e cila do të mbahet mend gjatë nga nxënësit tanë.

Fillimisht don Dritan Bushi, i mblodhi të gjithë maturantët në sallën multimediale për tu dhënë mirëmëngjesi e fundit për ta.

Takimi i mirëmëngjesit u përmbyll me urimet më të mira për ta në çdo vend ku ata do të jenë.

Pas mirëmëngjesit, i erdhi radha festës, klasat 10-ta dhe 11-ta kishin dalur t’i përcjellin duke krijuar një korridor për ta dhe duke i aplouduar sikur të ishin yje te kinematografisë.

Pas parakalimit përmes nxënësve, një mini party do të jua rregullonte atmosferën, gjë për të cilën u kujdesen vet ata.

Ne i falënderojmë nxënësit tanë për atë që ishin dhe atë që bënë për tu edukuar dhe arsimuar për këto tri vite.

QSE “Don Bosko” do të jetë e hapur gjithmonë për ta, sa herë që ata kanë nevojë sepse Ne jemi shtëpia juaj e dytë.

Suksese kudo që shkoni, studioni e veproni

NJOFTIM PËR APLIKIM PËR REGJISTRIM TË FËMIJËVE/NXËNËSVE PËR KLASAT E PARA 2025/2026

Njoftim:

Njoftojmë se Aplikimet për regjistrim të fëmijëve/nxënësve për Klasat e Para (SHF), viti shkollor 2025-2026, do të bëhen me:
24 maj – fëmijët e atyre prindërve që aktualisht kanë një fëmijë/nxënës që vijon mësimin në Shkollën “Don Bosko” dhe fëmijët e Stafit të QSE “Don Bosko”;
27 maj – për të interesuarit tjerë (që nuk hyjnë në grupin e parë);

Aplikimet fillojnë nga ora 08.00 deri në orën 16.00.
Njoftojmë se vendet e disponueshme janë të kufizuara.

Prindërit që vijnë për të aplikuar, duhet të kenë me vete Certifikatën/Ekstraktin e lindjes së fëmijëve të tyre dhe nuk pranohen aplikime për ata fëmijë të cilët më 01 shtator 2025 nuk do kenë të mbushur 6 vjeç (d.m.th. nuk pranohen Aplikimet për fëmijët të cilët kanë lindur pas datës 01 shtator 2019).

Aplikimi mund të bëhet vetëm nga prindërit, nga një familjar ose nga një i afërm që ka Autorizimin e prindit me shkrim (një person mund të ketë autorizim vetëm për një Aplikim).

NJOFTIM PËR APLIKIM PËR REGJISTRIM TË FËMIJËVE/NXËNËSVE PËR KLASAT E PARA 2025/2026 Njoftim: Njoftojmë se Aplikimet për regjistrim të fëmijëve/nxënësve për Klasat e Para (SHF), viti shkollor 2025-2026, do të bëhen me: 24 maj – fëmijët e atyre prindërve që aktualisht kanë një fëmijë/nxënës që vijon mësimin në Shkollën “Don Bosko” dhe fëmijët e Stafit ...

Njoftim për ndërrim date:

KONKURS - DITA E SHKENCËS

Dita e shkencës e cila organizohet në kuadër të Javës së Shkencës, është njëra ndër ngjarjet më të mëdha shkencore në Republikën e Kosovës, si çdo vit tjetër edhe këtë vit organizohet në Qendrën Social-Edukative “Don Bosko”, më datë 23 maj 2024.

Kjo ngjarje shkencore tani është bërë traditë në Shkollën tonë dhe mbahet për të 10-tin vit rresht, duke marrë një karakter edhe më të veçantë shkencor.

Në vitin e parë ky organizim është mbajtur në nivel shkollor, ku morën pjesë 4 grupe me idetë dhe inovacionet e tyre. Duke pasur parasysh moshën e nxënësve dhe përvojën e tyre në këtë drejtim, u pa qartë se “Dita e Shkencës” është një stimulim për të nxjerrë më të mirën nga të rinjtë tanë, për të vazhduar në vitin e dytë me një zgjerim më të madh, në nivel të Komunës së Prishtinës, me ҫ’rast dolën në pah vullneti dhe dëshira e madhe e mbi 30 grupeve. Prania e tyre, me punime interesante, shpalosi dijen dhe talentin e tyre në drejtime të ndryshme.

Ky organizim dhe këto punime të nxënësve na motivuan edhe më shumë si Shkollë, që ta zgjeronim konkursin tonë dhe ta bëjmë garë tradicionale, edhe në nivel të Republikës së Kosovës, ku morën pjesë një numër i madh konkurrentësh me një konkurrencë të jashtëzakonshme, sa që ishte e vështirë të veçojmë një punim nga tjetri. Këtë vit synojmë që përsëri të vazhdojmë këtë traditë duke hapur konkursin në nivel të Republikës së Kosovës, kësaj radhe duke shpresuar se numri i nxënësve do të jetë edhe më i madh.

Kësaj ngjarje i paraprinë nje tryezë shkencore me temën “TË JETUARIT NË BOTËN VIRTUALE” ku ligjërues do të jenë ekspert i fushës.

Tryeza shkencore mbahet me datë 22 maj 2024, në ora 12:00.

Kjo ngjarje shkencore premton shumë në të ardhmen dhe u jep mundësi nxënësve, por edhe profesorëve, që të zbulojnë talente të reja.
Me dëshirën që vendi ynë të pasurohet me shkencëtarë të rinj, ju ftojmë që të konkurroni!

SHPËRBLIMET PËR FITUESIT
Sikurse në vitet e kaluara edhe këtë vit shpërblimet janë të shumta. Këtë garë e mbështesin QSE Don Bosko – Prishtinë, shumë kolegje private dhe kompani të ndryshme të cilat ofrojnë shpërblime të ndryshme

LËMITË NË TË CILAT ORGANIZOHET KONKURSI
Projekti duhet të jetë nga këto fusha:

– Informatikë
– Telekomunikacion
– Elektronikë
– Energjetikë
– Automatikë

KRITERET PËR VLERËSIM TË PROJEKTIT
– Anëtarët e grupeve të jenë nxënës të shkollave të mesme.
– Projekti të punohet individualisht ose në grupe me 3 nxënës.
– Grupet mund të krijohen me nxënës të klasave të ndryshme dhe viteve të ndryshme.
– Një nxënës mund të jetë vetëm në një grup punues.
– Projekti duhet të shpjegojë qartë qëllimin, procedurat dhe konkluzionet
– Projekti të dorëzohet në afatin e caktuar
– Projekti të dorëzohet në kopje të fortë dhe elektronike (të përgatitet në Word, në
– PowerPoint për prezantim dhe me programe simulative ose te prezantohet në realizim direkt).

PROJEKTI I PARAQITUR NË WORD TË PUNOHET NË BAZË TË PARAMETRAVE TË DHËNË:
– Fleta e parë (Pjesa e sipërme e fletës- të vendoset Logoja e shkollës p.sh. Don Boskos dhe nën të të shkruhet Shkolla se nga vjen p.sh Liceu Elektroteknik “Don Bosko”, në mes të fletës “PUNIM SHKENCOR”, pastaj nën të, të shkruhet Tema “Shkruhet tema e punimit”, dhe në fund të fletës në krahun e djathtë të shkruhen emrat e nxënësve që kanë punuar.
– Lloji i Fonteve të jetë “Times New Roman”, madhësia e fonteve për kapituj të jetë 16, për tituj të jetë 14 dhe për përmabjtjen e temës të jetë 11, hapësira në mes rreshtave të jetë 1,5.
– Rreshtat barazoni/rrafshoni në të dyja anët (Justify)
– Ikni/largohuni për një vend nga shenjat e pikësimit e simbolet e tjera (. , : ; “ + < > – etj.)
– Ekuacionet ndërmjet dy rreshtave, d.m.th. jashtë tekstit, shkruani, në tërësi, me ndihmën e ‘Editorit të ekuacioneve’, ndërsa shenjat dhe simbolet, si p.sh δ, ,sinα; x + y etj. brenda rreshtit shkruani duke përdorur opsionet-ikonën Insert/Symbol për të shkruar shkronjat greke (δ, , α etj.) dhe simbolet matematike (±, », Σ, , etj.) apo opsionin-ikonën ‘Subscript’ x2 për të shkruar shenjat/numrat në indeks (x2), dhe opsionin/ ikonën ‘Superscript’ x2 për të shkruar shenjat/numrat në eksponent/ fuqi (x2), si dhe komandën ‘Ctrl I’ për t’i bërë të pjerrëta (‘italic’) shkronjat, si p.sh. x, y, z, t, v etj.
– Numrat (1, 2, 3, …), shkronjat greke (α, β, γ, ε, etj.), simbolet matematike (=, +, , × etj.) si dhe njësitë (cm, m, kHz, M etj.) nuk shkruhen të pjerrëta.
– Përfundimi- Në bazë të studimit apo hulimtimit,të nxirret një përfundim.
– Përmbajtja e Punimit të bëhet në mënyrë automatike.
– Të shkruhen referencat në bazë të sistemit të Harvardit (Referencing – The Harvard System)

KRITERET E PREZENTIMIT
– Projekti në PowerPoint – Të paraqitet shkurtimisht dhe me foto, figura, grafikone, formula nëse ka. Numri i slajdeve të jetë 10-15.
– Kohëzgjatja e prezantimit (varet nga numri i projekteve të prezantuara).
– Projekti duhet të tregojë origjinalitet.
– Të jetë i bazuar në konkluzione adekuate të eksperimentimit.
– Prezantimi dhe prezantuesi të jenë në gjendje të tregojnë rëndësinë e projektit dhe zbatimi i tij në praktikë.
– Nëse vërtetohet se punimi është vjedhur (plagjiaturë) do të anulohet menjëherë.

HAPAT E REALIZIMIT TË PROJEKTIT
– Liceu ofron të gjitha kapacitetet që ka për nxënësit inovatorë të Liceut dhe shkollave të Kosovës.
– Laboratorët e Liceut janë në dispozicion për grupet punuese të projekteve, në marrëveshje me Liceun.
– Afati i fundit i dorëzimit të projekteve është, 29 prill 2024 (projektet dorëzohen në emailin [email protected], ose fizikisht pran Qendrës “Don Bosko në Prishtinë)
– Vlerësimi i projekteve bëhet me 20-21 maj 2024. (për orën e mbrojtjes së punimit lajmëroheni përmes emailit)
– Projektet që plotësojnë kriteret hyjnë në listën e ngushtë për t’u prezantuar.
– Paraqitja e projekteve bëhet nga të gjithë anëtarët e grupit, gjatë një mbrojtje publike në praninë e profesorëve, nxënësve dhe të interesuarve.
Për çdo paqartësi mund të na kontaktoni në email adresën: [email protected]
Paraqitja e projekteve dhe shpallja e fituesve bëhet me 23 maj 2024, në orën 12:00 në QSE “Don Bosko” - Prishtinë.

Drejtori i QSE “Don Bosko” – Prishtinë
Don Dominik Kukeli

GËZUAR FESTËN E FITËR BAJRAMIT!

QSE “Don Bosko” në Prishtinë dhe Bashkësia Saleziane, të gjithë stafit, nxënësve, ish nxënësve, prindërve dhe miqve të “Don Boskos” përzemërsisht jua uron festën e Fitër Bajramit.

Urojmë që paqja, bekimi, shëndeti dhe dashuria të mbizotërojë në familjet tuaja.

Me respekt,
Drejtori i QSE “Don Bosko” – Prishtinë
don Dominik Kukeli

Praktika Profesionale – Klasa 11-të
Moduli: Saldimi (splicing) i Fijeve Optike