Instituti ATOMI

Gjirafa e përkrahë Institutin ATOMI

Kompania e Teknologjisë dhe Inovacionit Gjirafa.com ka ofruar mbështetje financiare për Institutin ATOMI edhe për këtë vit, duke u bërë kështu Sponsor i Bronztë / Bronze Sponsor i Institutit ATOMI për vitin 2024.

Instituti ATOMI e falënderon Gjirafën, e cila në kuadër të vizionit dhe politikave të saj për mbështetjen e ideve, projekteve dhe organizatave që i kontribuojnë zhvillimit afatgjatë të shoqërisë sonë, e ka përzgjedhur Institutin ATOMI për ta përkrahur edhe këtë vit!

Në ndërkohë Instituti ATOMI mbetet i përkushtuar në përmbushjen e misionit të vet në funksion të identifikimit dhe përkrahjes së nxënësve e të rinjve me inteligjencë të jashtëzakonshme, me dhunti e talente në Kosovë.

Instituti ATOMI
Prishtinë, më
10 shtator 2024

KONKURS
Pozita: Koordinator/e i/e aktiviteteve në Projektin ATOMI

Instituti ATOMI shpall konkurs për Koordinator/e të aktiviteteve i/e cili/a do të koordinojë dhe ndjekë zbatimin e aktiviteteve të projektit, në bashkëpunim dhe nën drejtimin e Menaxheres së projektit ATOMI.

Afati i aplikimit: 09 shtator - 23 shtator 2024.

Përshkrim i shkurtër i organizatës

Instituti ATOMI është organizatë joqeveritare e cila ka për qëllim identifikimin dhe përkrahjen e personave me inteligjencë të jashtëzakonshme, me dhunti e talente (në tekstin e mëtejmë: atomist) në Kosovë. Përkatësisht, qëllimi i Institutit ATOMI është identifikimi i hershëm i fëmijëve dhe të rinjve me inteligjencë të jashtëzakonshme, me dhunti e talente, si dhe ofrimi i mundësive, kushteve, trajtimit, përkujdesjes dhe shkollimit të veçantë për këta atomist, bazuar në potencialet e tyre intelektuale, dhuntinë, talentin, personalitetin, ambiciet, interesimet, motivacionin dhe kushtet e rrethanat reale socio-ekonomike të tyre.

Përgjegjësitë dhe detyrat:
• Në bashkëpunim të ngushtë me Menaxheren e Projektit ATOMI, koordinon zbatimin efektiv të aktiviteteve të projektit që ka në ngarkim brenda afatit kohor dhe buxhetit të planifikuar.
• Monitoron dhe ndjek progresin e aktiviteteve duke adresuar në kohë çdo problem që mund të shfaqet gjatë zbatimit të tyre.
• Vepron si pikë kontakti dhe komunikon në mënyrë të përshtatshme me përfituesit e projektit, partnerët dhe donatorët.
• Përgatitë në mënyrë periodike informacione të përditësuara për progresin e aktiviteteve dhe raporton për to te Menaxherja e Projektit ATOMI.
• Bashkëpunon me pjesën tjetër të stafit të për detyra të ndryshme organizative/ administrative.
• Detyra të tjera që mund t’i caktohen nga Drejtoresha Ekzekutive.

Kualifikimet dhe aftësitë e kërkuara:
• Diplomë universitare në shkenca sociale (përparësi kanë të diplomuarit në fushën e Psikologjisë).
• Të paktën 1 vit eksperiencë pune në organizata të shoqërisë civile ose institucione të tjera në rol të ngjashëm.
• Eksperiencë pune në terren, fleksibilitet dhe aftësi për të menaxhuar të papriturat që mund të ndikojnë planin e aktiviteteve të projektit.
• Aftësi për të punuar në ekip.
• Aftësi për të punuar në mënyrë të pavarur dhe për të respektuar afatet e vendosura.
• Aftësi për të performuar mirë edhe në situata që mund të shkaktojnë presion.
• Aftësi shumë të mira komunikimi, koordinuese dhe organizative.
• Njohuri shumë të mira të gjuhës angleze, në të folur dhe të shkruar.
• Njohuri shumë të mira të Microsoft Office dhe SPSS.

Aplikimi

Kandidatët/et e interesuar/a mund të dërgojnë CV-në e tyre në adresën: [email protected] duke vendosur në titullin e e-mailit “Kandidat/e për postin Koordinator/e i/e aktiviteteve ”.

Afati i fundit për të aplikuar: 23 Shtator 2024, ora 16:00.
Vetëm personat që futen në listën e ngushtë do të kontaktohen për intervistë.

Për 11 ditë me radhë Instituti ATOMI organizoi Kampin Veror ku mblodhi së bashku atomistët e identifikuar në ciklin e trembëdhjetë të Projektit ATOMI. Koha e kaluar gjatë këtyre ditëve është shënuar si një nga eksperiencat e rëndësishme të jetës së secilit pjesëmarrës.

Fuqimisht besojmë që secili, pa përjashtim, në forma të ndryshme ka përfituar nga kampi. Dikujt i është nxitur kureshtja për disiplina të ndryshme, dikush e ka njohur më mirë vetën, dikush ka gjetur të tjerë me interesa të ngjashme, dikush ka filluar miqësi që do jetojnë gjatë...

Urojmë që secili të jetë fuqizuar dhe të vazhdojë të fuqizohet duke qenë pjesë e grupit të atomistëve, pjesë e një grupi ku përkrahja për njëri-tjetrin është kryefjala.

Instituti ATOMI falënderon çdokënd që ishte pjesë e kësaj eksperience, por në veçanti falënderon miqtë e Projektit ATOMI që mundësuan realizimin e kampit veror.

U jemi përherë mirënjohës!

Mercatus Center


Zyra e Presidentes së Republikës së Kosovës
gymnasiumofficial
group

Kampin Veror me atomistët e përfunduam me vizita e takime

Mëngjesin e fundit e filluam në The Innovation and Training Park (ITP) Prizren ku atomistët panë për së afërmi punën e disa kompanive aty, vizituan ekspozitat në Autostradën Hangar, dëgjuan prezantim nga Innovation Center Prizren, vizituan hapësirat e Kosovo Research and Education Network – KREN dhe panë robotët e Aria Tech Group në veprim.

Më pas vazhduam drejt fabrikës së këpucëve SOLID Shoes ku u mirëpritëm nga drejtori i kompanisë z.Shefqet Kuçi i cili me shumë pasion ndau punën e vyer që bëhet në këtë fabrikë, që nga lënda e parë e deri te produkti final.

Krejt në fund u rikthyem në Prishtinë, në zyret e Innovation Centre Kosovo, ku atomistët patën rastin të bashkëbisedojnë me themeluesin e Crossplag, z.Besart Kunushevci si dhe inxhinieren kryesore në këtë kompani, njëherit atomiste, znj.Agnesa Nuha. Crossplag është kompani e teknologjisë arsimore që ofron produkte për të përmirësuar cilësinë e kërkimit dhe për të mbrojtur integritetin akademik të institucioneve dhe organizatave arsimore, e cila ka zhvilluar softuerin e parë shumëgjuhësh dhe ndër-gjuhësh për zbulimin e plagjiaturës. Në bashkëbisedim me atomistët z.Kunushevci shpalosi punën e CrossPlag, ndau rrugëtimin e tij në botën e biznesit, sfidat dhe sukseset.

Faleminderit për mikpritjen e ngrohtë të gjithëve!

Disa nga punimet e atomistëve nga kursi i pikturës që u ofrua për ta në kampin veror.

Ligjerues i këtij kursi ishte Blerim Tmava, piktor dhe mësimdhënës i artit figurativ.

Pamje nga kursi i Arteve Marciale i cili u ofrua për atomistët në Kampin Veror

Në kursin në fjalë ata mësuan teknika vetmbrojtëse, disiplinë, dhe përmirësuan fokusin mendor dhe vetëbesimin.

Ligjeruese e këtij kursi ishte atomistja Raesa Nikshiqi, kampione e shumëfishtë në Taekwondo.

Dita e Game Jam

Në kuadër të kampit veror është organizuar Game Jam – aktivitet tërë ditor i cili është realizuar në bashkëpunim me kompaninë e teknologjisë . Atomistët patën mundësi që të ndarë në ekipe, me ndihmën e trajnerëve (atomistë të cikleve paraprake, disa prej të cilëve punojnë në Gjirafa) të konceptualizojnë, dizajnojnë dhe realizojnë një version funksional të një loje kompjuterike nga hiqi (from Scratch) përmes kodimit. Projektet e realizuara janë prezantuar dhe vlerësuar dhe janë shpallur fituesit si vijon:

Fituesi i Game Jam: Ekipi “Federrat” me përbërje atomistët Alina Bajrami, Erëza Imeraj, Lyron Celina, Rrezarta Prenaj dhe Vikena Kodraliu. Team leader ishte atomistja e ciklit të pestë Edona Haziri.
Vendi i dytë: Ekipi “Qeremidet” me përbërje atomistët Anesa Kiçmari, Ari Kadriu, Bulëza Shabiu dhe Ledri Nuha. Team leader ishte atomistja e ciklit të pestë Olta Olloni.
Vendi i tretë: Ekipi “East Side’’ me përbërje atomistët Ben Tasholli, Enes Hoxha, Leart Isufi, Omar Gashi dhe Yll Sherifi. Team Leader ishte atomisti i ciklit të pestë Blendi Melenica.

Po ashtu falenderojmë atomistët Arlind Berisha, Blendi Melenica, Blina Salihu, Edona Haziri, Eol Nuha, Lum Dukaj, Olt Imeri, Olta Olloni dhe Olti Roka për angazhimin e tyre në rolin e Team Leaders.

Faleminderit Gjirafa që ka shpërblyer ekipin fitues me Gift Cards për Gjirafamall.

Kursi i shahut në kampin veror

Përgjatë kampit veror atomistët patën mundësi të ndjekin kursin e shahut në funksion të ngritjes së njohurive dhe shkathtësive të tyre në shah. Ata mësuan për rregullat e lojës, strategjitë e hapjes, taktikat përgjatë lojës dhe menaxhimin e kohës duke ushtruar kështu të menduarit kritik, zgjidhjen e problemeve dhe të menduarit logjik.

Insitituti ATOMI falenderon Federata e Shahut e Kosovës për bashkëpunimin për realizimin e këtij kursi dhe në veçanti trajnerin z.Ajet Mahmuti i cili mbajti këtë kurs me atomistët.

Në kuadër të kursit “Essay Writing” atomistët morrën pjesë në një garë për shkrimin e esesë ku patën mundësi të zgjedhin një nga temat “Should organ donation be mandatory?” dhe ‘’Healthcare for migrants: A right or a privilege?”

Pas vlerësimit të hollësishëm nga ligjeruesja e kursit z.Hanushe Sekiraqa dhe stafi i ATOM-it, fituese u shpall eseja e atomistes Melosa Tahiri, të cilën mund ta lexoni më poshtë:

Fitues të garës së debatit British Parliament (BP) me temë " Kjo shtëpi beson se rrjetet sociale po e shkatërrojnë demokracinë" u shpallën ekipi Eklips me përbërje atomistet Enea Gollopeni & Nata Zeqiri Berisha.

Ndërkaq folësit më të mirë nga të gjitha raundet e debatit ishin: Enea Gollopeni (vendi i parë), Melosa Tahiri (vendi i dytë), dhe Enes Hoxha (vendi i tretë).

Atomistët bashkëbisedojnë me Veton Nurkollarin rreth rolit të filmave dokumentarë në formësimin e diskursit publik dhe ndryshimit social.

Në kuadër të takimeve të mbrëmjes në kampin veror i cili po organizohet për atomistët e identifikuar në ciklin e trembëdhjetë të Projektit ATOMI, mbrëmë atomistët patën mundësinë të bashkëbisedojnë e debatojnë me drejtorin artistik dhe bashkëthemeluesin e DokuFest, z. Veton Nurkollarin.

Një ditë e mrekullueshme përplot lojëra 🎾🎳🎯në piknikun e përbashkët me prindërit e atomistëve.

Instituti ATOMI falenderon Hazir Asllanin dhe Atdhe Luzhnicën nga Federation of Kosova të cilët pasuruan piknikun tonë me aktivitetin e shigjetarisë, ku përmes udhëzimeve praktike ua dhanë rastin atomistëve dhe prindërve të tyre të praktikojnë shigjetarinë.

Diskutimet tematike: Navigimi i dualiteteve të jetës moderne

Nga e hëna deri të premten atomistët iu përgjigjen pyetjeve
1. Çfarë të shqetëson në botë sot?
2. Çfarë të frymëzon në botë sot?
3. Çfarë teme për ty si person është e rëndësishme të diskutohet?
4. Bota e të kundërtave (Sukses vs. Dështim,  Forcë vs. Dobësi, Rend dhe Kaos)
5. Dallimet mes gjeneratave (të mirat dhe të këqijat)?

dhe nga përgjigjet e tyre u ndanë pastaj në grupe të diskutimit që u udhëhoqën nga stafi profesional psikologjik i ATOM-it.

Nëpërmjet dialogut të hapur, atomistët fituan njohuri dhe perspektiva të reja, me shpresën se kjo do të ju ndihmojë të navigojnë nëpër kompleksitetet e jetës moderne.

Our extraordinary students mixing creativity and energy 🫶 FUN times ⚽️🎸🥳

Në kuadër të këtij kampi veror, atomistët mbajtën kursin e Neuroshkencës me gjithsej 15 ligjërata intensive, të cilin atomistët e ndjekën gjatë pesë ditëve. Ata patën mundësinë të marrin njohuri themelore mbi neuroshkencën, të bëjnë ushtrime praktike me pajisje të ndryshme dhe të kuptojnë më shumë rreth zhvillimeve të fundit shkencore në këtë fushë relativisht të re shkencore si dhe të testojnë vetën përmes përpilimit të një ideje hulumtuese dhe në fund ekipi fitues me emrin “Atoms” ishin Nata, Lina, Melosa, Leka, Enea dhe Orioni.

Ky kurs ligjërohet nga 1 post-doc dhe 3 studentë të doktoratës në Neuroshkencë:

1. Remzi Karayol – hulumtues në nivelin post-doc për epigjenetikë në institutin Max Planck në Freiburg, Gjermani; PhD në neurobiologji në Rockefeller University.
2. Nesibe Temiz – Studente e PhD-së në neurobologji në Institutin Freiderich Miescher në Basel, Zvicërr. M.A në neurobiologji në Harvard.
3. Oralaya Fölsz – Studente e PhD-së në Sainsburry Wellcome Center (SWC), Londër. M.A në neuroshkëncë në Oxford University.
4. Francesca Pozzolo – Studente e PhD-së në neuroshkencë në Sainsburry Wellcome Center (SWC). M.A në neuroshkëncë në Oxford University.

Kursi i neuroshkencës mundësohet falë iniciativës BrainCamp Kosovo të shqiptares Egzona Morina Claudi, PhD në Neuroshkencë në UCL, Londër.

Pas aktiviteteve ditore një nga mbrëmjet atomistët vizituan Observatorin dhe Planetariumin Kombëtar të Kosovës. Vizita jonë përfshiu një prezantim të shkurtër rreth aktivitetit të AOK-ut, shfaqje në planetarium si dhe vëzhgim të hënës dhe trupave të tjerë qiellorë me teleskopë të teknologjisë së lartë si dhe diskutime edukative rreth universit tonë.

Instituti ATOMI falenderon ekipin e Astronomy Outreach of Kosovo për mikëpritjen dhe realizimin e aktiviteteve me atomistët. .kosovo

Përgjatë kampit veror atomistët kanë mundësinë të aftësohen në klasën tonë të debatit të formatit BP (British Parlaimentary).
Ata po ngrihen në argumentim, duke mësuar rolin e specifikuar dhe strukturën e debateve, dhe duke u folur në këto praktika të ndryshme. Ky kurs synon t’ua zhvillojë mendimin kritik, planin strategjik dhe analizuar argumentuar në ekip, duke kompleks komplekse dhe duke krijuar argumente të ndryshme. Këto aftësi janë për t’u bërë folës elokuentë dhe mendimtarë analitikë të së ardhmes. 🗣️📚

Kursi i debatit BP mbahet nga atomistet Njomza Tmava & Ora Osmani, debatere me përvojë ndërkombëtare.

Atomistët e rinj kanë filluar të mbajnë kursin “Essay Writing”, ku përgjatë këtij kursi 5 ditor për shkrimin e esesë ata do të mësojnë rreth strukturës së esesë, për krijimin e tezës, kërkimin, hartimin, rishikimin dhe redaktimin me qëllim të zhvillimit të shkathtësive në shkrim dhe argumentim dhe të menduarit kritik.

Kursi i Essay Writing ligjerohet nga znj.Hanushe Sekiraqa, ligjeruese e cila edhe në të kaluarën ka përgatitur atomistë e atomiste që kanë vijuar kurset përgatitpre për SAT dhe Toefl, të ofruara për ta në bashkëpunim me SMART Center.

Gjatë kampit veror atomistët kanë mundësinë të mësojnë dhe praktikojnë debatin formal, respektivisht atë në formatin British Parliamentary. Në funksion të ndërtimit të shkathtësive të të folurit publik dhe argumentimit ata dje panë një debat formal të organizuar nga disa atomistë dhe debaterë me përvojë disa vjeçare, të cilët debatuan temën “ Kjo shtëpi pendohet për narrativën që glorifikon të moshuarit”. I falenderojmë debaterët Behar Jasharin, Ene Aliun, Njomza Tmavën, Ora Osmanin, Olta Ollonin, Raesa Nikshiqin, Glauk Aliun dhe Vesa Vishaj për debatin e mrekullueshëm që na ofruan.

Atomistët tonë në kamp patën rastin të takojnë atomistët e gjeneratave të kaluara që kanë studiuar jashtë vendit. Ne biseduam për jetën e tyre studentore, njëkohësisht duke marrë informata për mundësitë e studimit jashtë vendit dhe përvojat e tyre atje! I falenderojmë shumë Flaka Kokollin, Glauk Aliun dhe Vesa Ibrahimin për kontributin e tyre.

Dje gjatë ditës, atomistët morën pjesë në aktivitete me FSK-në, (Operacionet Speciale - Çështjet Civile), për të mësuar më shumë rreth Forcës së Sigurisë së Kosovës dhe rolit të tyre. Ata morën pjesë në aktivitete edukative ku përmes ligjëratave praktike, mësuan për mbijetesën, orientimin në natyrë dhe ndihmën e parë.

Mendje e shëndoshë në trup të shëndoshë
..mëngjeset në kamp i fillojmë me Yoga me trajneret Agnesa Mehmeti dhe Rina Mehmeti.

urban yoga🤍🤍

Finalja e madhe e Euro 2024 në Kampin Veror

Filloi Kampi Veror me atomistët e rinj!

Dita I - Kampi Veror ATOMI 2024

Dje, më 13 korrik 2024 filloi Kampi Veror me atomistët e identifikuar në kuadër të ciklit të shtatë të Projektit ATOMI. Pas takimit informues me prindërit, bashkë me atomistët kemi kaluar një mbrëmje përplot me aktivitete socio-rekreative.

Sot përgjatë ditës atomistët do të zhvillojnë aktivitete me FSK– në, përkatësisht me Operacionet Speciale - Çështjet Civile, me ç'rast do të mësojnë më tepër rreth Forcës së Sigurisë së Kosovës dhe do të marrin pjesë në aktivitetet rekreative e edukative që kjo njësi ka përgatitur për ta. Përmes ligjëratave praktike do të mësojnë lidhur me mbijetesën dhe orientimin në natyrë dhe ndihmën e parë.