Fakulteti i Filologjisë - Këshilli Studentor

Njoftim për kthim të depozitës

Qendra e Studentëve njofton studentët banues në konvikte për vitin akademik 2019/2020 të cilët nuk i’u janë kthyer mjetet e depozitës për arsye të ndryshme në afatin e parë.

Afati për dërgimin e të dhënave fillon nga data : 08.09.2020 dhe përfundon me 20.09.2020

Studentët duhet të dërgojnë - skanojnë në e-mail adresa këto dokumente:
- Leternjoftimin në të dy anët,
- Kartelën bankare personale me nr. të xhirollogarisë aktive
(ose vërtetimin nga banka që vërteton xhirollogarinë).

Dërgimi i të dhënave bëhet në këto e-mail adresa:

- Studentët e konviktit nr 1 : [email protected]
- Studentët e konviktit nr 2 : [email protected]
- Studentët e konviktit nr 3 : [email protected]
- Studentët e konviktit nr 4 : [email protected]
- Studentët e konviktit nr 5 : [email protected]
- Studentët e konviktit nr 6 : [email protected]
- Studentët e konviktit nr 7 : [email protected]
- Studentët e konviktit nr 8 : [email protected]

European Union Summer School 2020

Nga sot, edhe shtatë ditë mundësi aplikimi në Shkollën Verore të Bashkimit Evropian.

Bëhuni pjesë e një përvoje unike akademik!

Për më shumë informacione rreth mënyrës së aplikimit, ju lutem, klikoni në linkun ndërlidhës:
https://www.uni-pr.edu/page.aspx?id=1,4,1169














Ruaje familjen, veten dhe shoqërinë!

Të nderuar studentë të Universitetit të Prishtinës “Hasan Prishtina”,

Ju njoftojmë që, afatet e provimeve të shtatorit 1 & shtatorit 2, do të jenë afate të vlefshme për zënien e kushtit, e po ashtu do të jenë të vlefshme edhe për fitimin e bursës universitare për vitin akademik 2020/2021.

Njoftim

Ministri Likaj ka marrë vendim për ndarjen e bursave për vitin akademik 2019/2020

Ministri i Arsimit dhe Shkencës, Ramë Likaj, ka marrë vendim për ndarjen e e bursave për studentët elitarë të universiteteve publike, të niveleve Bachelor dhe Master për vitin akademik 2019-2020.
Përfitues të bursave janë 1516 studentë të dy niveleve të studimit Bachelor dhe Master. Shuma e bursës për student është 700 euro.
MASh njofton të gjithë studentët përfitues të bursës se, pas shqyrtimit të ankesave të mundshme do të bëhet rimbursimi i mjeteve brenda një afati të shkurtër.

SQARIM

Ministria e Arsimit dhe Shkencës sqaron studentët e universiteteve publike dhe opinionin e gjerë se:

MASh ka hapur konkursin për ndarjen e bursave për studentët elitarë të universiteteve publike të niveleve Baçelor dhe Master për vitin akademik 2019-2020 dhe duke marrë parasysh rrethanat e shkaktuara nga pandemia COVID-19, MASh vendosi që aplikimi për këtë vit të bëhet përmes Sistemit Elektronik për Menaxhimin e Studentëve të Universiteteve publike. Pra, studentët është dashur të aplikojnë në institucionet ku ata studiojnë.

Ndërkohë, rezultatet e përfituesve të bursave ende nuk janë publikuar nga MASh, për arsye se, Komisioni për ndarjen e bursave për vitin akademik 2019/2020 i MASh ka konstatuar se një pjesë e listave të dërguara nga universitetet publike (respektivisht Universiteti i Prishtinës dhe Universiteti i Gjakovës), nuk e kanë pasur dokumentacionin e kompletuar siç është kërkuar.
Komisioni ka konstatuar se, listat përfundimtare me përfitues duhet edhe njëherë të shikohen nga universitetet dhe të dërgohen të qarta, me emrat e përfituesve.

Gjatë ditës së sotme i kanë dorëzuar në MASh listat edhe Universiteti i Prishtinës dhe ai i Gjakovës, prandaj MASh njofton se Komisioni brenda Ministrisë gjatë ditës së hënë (24 gusht 2020) do ta mbajë takimin për të shqyrtuar dokumentacionin e kompletuar të të gjitha universiteteve publike dhe të përfundojë këtë proces.

Prishtinë, 21 gusht 2020

Universiteti i Prishtinës kryeson renditjen e universiteteve në mesin e institucioneve shqipfolëse. Sipas rangimit të fundit të Webometrics-it, në kategorinë e Transparencës, Universiteti i Prishtinës zë vendin e 1745-të në botë dhe është universiteti i 11-të më i mirë në rajon.

Rangimi i Transparencës merr parasysh citimet nga profilet institucionale në Google Scholar. Për secilin universitet nxirren të dhënat e citimeve nga 210 profilet publike me më shumë citime, prej të cilëve mënjanohen 20 autorët më të cituar. Kjo metodë siguron pavarësi nga ndikimi i madhësisë së institucionit dhe përfaqësueshmëri nga profilet e mbetura.

👩‍🎓👨‍🎓

NJOFTIM

Njoftohen të gjithë studentët e Fakultetit të Filologjisë, që për shkak të situatës së pandemisë, orari i punës në Shërbimin e Studentëve momentalisht është nga ora 10:00 –12:00 dhe 13:00-15:00.

Ju faleminderit për mirëkuptim!

NJOFTIM

Të nderuar studentë dhe personel akademik e administrativ, meqë situata me COVID 19 po keqësohet dita-ditës më shumë, për ta mbrojtur veten dhe të tjerët përreth, obligohemi që brenda objektit të Fakultetit të Filologjisë të bartim maskë mbrojtëse.

NJOFTIM

Njoftohen të gjithë studentët të Fakultetit të Filologjisë, se është hapur afati për paraqitjen e provimeve Qershori i rregullt 2020, paraqitja e provimeve do të bëhet nga data 22.06.2020 deri më 25.06.2020, në orën 16:00.

Afati i rregullt i provimeve të Qershorit 2020 do të përfundoj më së largu deri më 28.07.2020

Prishtinë, më 22.06.2020

NJOFTIM: HAPET SEMS-I PËR REGJISTRIM TË SEMESTRIT VEROR TË VITIT AKADEMIK 2019/20

Njoftohen studentët e Universitetit të Prishtinës, të cilët për herë të parë janë regjistruar në UP para vitit akademik 2019/20 dhe që nuk i kanë kryer obligimet administrative për regjistrim të semestrit veror dhe obligimet nga vitet akademike paraprake, këtë mund ta bëjnë nga data 22.06.2020 (e hënë) deri më 26.06.2020 ora 15:00 (e premte).

Paralajmërojmë të gjithë studentët, të cilët gjatë periudhës së hapjes së SEMS-it nuk i kryejnë obligimet për regjistrim të semestrit veror, se definitivisht nuk do të kenë mundësi tjetër për regjistrim të semestrit veror të vitit akademik 2019/20, rrjedhimisht këta studentë nuk do të kenë të drejtë t’u nënshtrohen provimeve të afateve vijuese gjatë vitit akademik 2019/20.

Ky njoftim për pagesë të semestrave vlen edhe për studentët të cilët gjatë këtij viti akademik presin t’i nënshtrohen mbrojtjes së temës së diplomës dhe të cilët nuk janë të liruar nga pagesa sipas ligjeve apo vendimeve në fuqi. Procedura e regjistrimit online të semestrit veror 2019/20 Studenti, pasi ta kryejë pagesën elektronike të semestrit, obligohet që një kopje të dëshmisë së pagesës ta dërgojë në adresë/email të zyrtarit përkatës të shërbimit të studentëve, ndërsa kopjen fizike obligohet ta dorëzojë në momentin e parë që krijohen rrethanat.

Zyrtari i shërbimit të studentëve duhet t’i evidentojë rastet e paraqitura në këtë formë dhe në asnjë rrethanë të mos e konfirmojë në sistem lejen për pajisje me diplomë, nëse studenti nuk e dorëzon dëshminë fizike të pagesës së semestrit. Të gjitha pagesat e realizuara brenda periudhës së sipërshënuar dhe ato të cilat janë kryer pas mbylljes së afatit paraprak, por që nuk janë pranuar nga shërbimi, duhet të merren në konsideratë për regjistrim të semestrit veror 2019/20.

Gjithashtu mund të pranohet edhe aplikimi fizik për regjistrim të semestrit veror 2019/20, gjithnjë duke ruajtur distancën fizike.

NJOFTIM

KQZ UP ju informon që deri në ora 13:00 të drejtën e votës përmes votimit elektronik e kanë ushtruar 6416 studentë, ose 22.8 % i numrit të përgjithshëm të studentëve me të drejtë vote.

KQZ UP do të informojë në vazhdimësi për numrin e pjesëmarrjes së studentëve përmes votimit elektronik.

Me respekt,
KQZ UP

Tnderuar studentë dhe të diplomuar,

Më 23 qershor 2020 (e martë) nga ora 13:00h në Zoom, Qendra për Zhvillim të Karrierës në UP ju fton të bëheni pjesë e diskutimit rreth përgatitjes për pyetjet “pandemike” në intervistë pune.

Gjatë intervistës së punës do të shtohen edhe disa pyetje për kandidatët rreth kohës që kanë kaluar në karantinë, çfarë kanë kuptuar për veten, çfare trajnimesh e ligjeratash kanë ndjekur për zhvillim profesional, a do të mundeshin të punojnë nga shtëpia pasi kryhet pandemia, e shumë çeshtje e pyetje tjera të cilat duam t’i dëgjojmë nga Departamenti i Burimeve Njerëzore n

Kuptoni cilat janë ato pyetje dhe përgjigjen që mund t'i ofroni!

Takoni virtualisht znj. Fahrije Osmani, menaxhere e Departamentit të Burimeve Njerëzore në Deloitte Kosova dhe znj. Mimoza Godanci-Aliu nga ND Pay- South East Europe, për të përfituar nga këshillat që do të ofrojnë ato për përgatitjen Tuaj sa më të mirë për intervistë pune.

Kur: 23 qershor 2020 (e martë), 13:00h-14:15h në platformën "Zoom"

Apliko duke plotësuar këtë formë!
https://docs.google.com/forms/d/1zVNb-CT5L_uRsRh9zfkfQDC-NOrO1AgoMrYV-Pwo7Xo/edit?usp=sharing

Mirë u takofshim të martën!

NJOFTIM

Njoftohen të gjithë studentët e nivelit BA, të Fakultetit të Filologjisë, të cilët janë në procedurë të diplomimit, të lajmërohen në shërbimin e studentëve, te zyrtarët përkatës për t’u konsultuar lidhur me procedurat e diplomimit.

Të dashur studentë,

Zgjedhjet studentore po afrohen. Ju mund të votoni përfaqësuesit tuaj duke ndjekur udhëzimet e paraqitura në Manualin për votimin online, të cilit mund të i qaseni duke klikuar në linkun në vijim:https://www.uni-pr.edu/desk/inc/media/27F06B0B-90B4-418F-83FA-F47A5F10AF3E.pdf

Të gjitha dokumentet rreth "E-votimit Studentor" i gjeni në: https://www.uni-pr.edu/page.aspx?id=1,105

👩‍🎓👨‍🎓

Ju që i keni plotësuar krieteret për bursë në MAShT dhe nuk keni pasur mundësi t'i ngarkoni të dhënat bankare, duhet të dërgoni email në adresën:
[email protected] për të proceduar aplikimin për bursën në MAShT.

Të dashur bursistë, 👩‍🎓👨‍🎓

Aplikimin për bursa për konkursin e shpallur nga MASHTI nuk ka nevojë që ta bëni ju sepse atë do ta realizojë sistemi elektronik – SEMS.

Detajet e këtij njoftimi i gjeni në linkun e bashkangjitur. 👇

Vendim plotësim i ndryshimit të vendimit nr.1/283

Senati i Universitetit të Prishtinë Hasan Prishtina", në mbledhjen e mbajtur me datë 08.06.2020, mori: VENDIM

Për plotësim ndryshim tè' pikës 8, 9, IO dhe 11 të Vendimit nr 1/283, dt29.05,2020, për caktimin e formës së mbajtjesë afateve të rregullta dhe afateve të jashtëzakonshme të provimeve për studentë të nielit bachelor dhe master, për vitin akademik 2019/20

I. Pika 7 dhe 8 e vendimit nr 1/283, dt.29.05.2020 për caktimin e formës së mbajtjes së afateve të rregullta dhe afat ve të jashtëzakonshme të provrmeve për studentë të nivelit bachelor dhe master, për viti akademik 2019/20, ndryshohe si në vijim:

1. Afati i rregullt i shtatorit për vitin akademik 2019/20, është afat me të drejtën e paraqitjes të të gjitha provimeve.

2. Afati për paraqitjen e provimeve për afatin e rregullt të shtatorit do të caktohet nga njësitë përkatëse ak demike.

II. Pika 9, 10 dhe 11 e vendimit nr. 1/283, dt.29.05.2()20 për caktimin e formës së mbajtjes së afateve të rregullta dhe afateve të jashtëzakonshme të provimeve për studentë të nivelit bachelor dhe master për viti akademik 2019/20, ndryshohen si në vijim:

l. Afati i jashtëzakonshë shtatori-l, është afat me të drejtën e paraqitjes deri në dy provime.

2. Afati për paraqitjen e provimeve për afatin e jashtëzakonshëm shtatori-l do të caktohet nga njësitë përkatëse akademike pas përfundimit të afatit të rregullt të shtatorit.

3. Afati i rregullt i shtatorit dhe afati i jashtëzakonshëm i shtatorit

1 duhet të përfundojnë më së largu deri më 30. 9.2020.

111. Pikat tjera të vendimit nr. 1/ 83, dt. 29.05.2020, mbesin të pandryshuara.

IV. Ky vendim hyn në fuqi ditë e miratimit nga Senati dhe është pjesë përbërëse e vendimit nr. 1/283, dt. 29.05.20.

Të nderuar studentë dhe profesorë të Fakultetit të Filologjisë,

Afati i jashtëzakonshëm I qershorit 1 dhe afati i rregullt 2 do të mbahen gjatë një përiudhe të rëndë për ne si institucion dhe për mbarë njerëzimin në përgjithësi.

Mbajtja e provimeve në formë fizike këkon respektimin maksimal të masave të përcaktuara qartë nga IKSHPK-ja dhe organizatat e tjera shëndetësore Me qëllim të ruajtjes së shëndetit tuaj, Ju lusim t’i respektoni këto masa dhe t’i respektoni në maksimum udhëzimet e profesorëve dhe të punëtorëve të fakultetit në ditën e provimit.
Provimeve do t’u nënshtroheni me maskë mbrojtëse dhe dorëza, pa të cilat nuk mund të hyni në sallë ku mbahet provimi, për të mbrojtur veten dhe të tjerët përreth dhe për shkak se virusi mund të qëndrojë për disa orë ose disa ditë në sipërfaqe të caktuara.

Studentët do të ulen individualisht në një bankë për ta respektuar distancën prej 1.5 m nga njëri tjetri në një rresht dhe aq sa ka banka, aq do të ketë karrige në një sallë.

Nëse një sallë nuk mjafton për mbajtjen e një provimi, atëherë rekomandohet që provimi të shtrihet në më shumë salla në të njëjtin termin ose të mbahet me grupin tjetër në një termin tjetër.
Mësimdhënësit të kenë kujdes të shtuar gjatë korrigjimit të testeve meqë letra është objekt i kontaminimit dhe moskorrigjimi i menjëhershëm do të ishte më i sigurtë.

Ju falënderojmë për bashkëpunimin!

NJOFTIM PËR PARAQITJEN ONLINE TË PROVIMEVE

Njoftohen të gjithë studentët e Universitetit të Prishtinës se paraqitja e provimeve për afatet Qershorit 1; Qershori; Shtatori 1 dhe Shtatori do të bëhet online.

Studentët e nivelit master sipas UA/2014, janë të obliguar të bëjnë pagesë prej 2.50 € me rastin e paraqitjes së çdo provimi.

Pagesa do të dëshmohet duke dërguar të skanuar ose fotografuar fletëpagesën, në email të zyrtarit përkatës të studimeve master dhe sekretarit të fakultetit përkatës.

Njoftim për caktimin e formës së mbajtjes së afateve të rregullta dhe afateve të jashtëzakonshme të provimeve për studentë të nivelit bachelor dhe master, për vitin akademik 2019/20

Njoftohen studentët e Fakultetit të Filologjisë, të nivelit bachelor dhe master, se Universiteti i Prishtinës "Hasan Prishtina", përveç afateve të rregullta të provimeve të qershorit dhe shtatorit 2020, lejon organizimin edhe të afateve të jashtëzakonshme/plotësuese. Sipas Vendimit me nr. prot. 1/283, datë 29.05.2020 të Senatit të UP-së, afat do të organizohen si vijon:

1. Në afatin e jashtëzakonshëm Qershori 1, studentët mund t'i paraqesin deri në dy provime. Paraqitja e provimeve do të bëhet nga data 02.06.2020 deri më 06.06.2020, orën 16:00.

2. Në afatin e rregullt të Qershorit 2020, paraqitja e provimeve do të bëhet nga data 22.06.2020 deri më 25.06.2020, në orën 16:00.

3. Afati i rregullt i provimeve të Qershorit 2020 do të përfundoj më së largu deri më 28.07.2020.

4. Në afatin e jashtëzakonshëm Shtatori 1, studentët mund t'i paraqesin deri në dy provime. Paraqitja e provimeve do të bëhet nga data 03.08.2020 deri më 08.08.2020, në orën 16:00.

5. Në afatin e rregullt të Shtatorit 2020, paraqitja e provimeve do të bëhet nga data 07.09.2020 deri më 09.09.2020, në orën 16:00

6. Afati i rregullt i provimeve të Shtatorit 2020 do të përfundoj më së largu deri më 30.09.2020

Thirrje për aplikim: bursa të Qeverisë së Francës 2020
Ambasada e Francës në Kosovë ofron bursa për studentët e nivelit Master për vitin akademik 2020-2021.
Dosja për aplikim duhet dërguar Departamentit për bashkëpunim dhe veprimtari kulturore dhe duhet të përmbajë: një CV, letrën motivuese, kopjen e diplomës së fundit me transkriptin e notave, certifikatën e regjistrimit në një universitet francez dhe deshminë e njohjes së gjuhës frënge të nivelit B1 ose B2.
Dosjet mund të dorëzohen deri më datën 12 qershor 2020, në e-mail adresat në vijim : [email protected] et [email protected]
Për informata shtesë rreth studimeve në Francë :
- Ambasada e Francës në Kosovë : https://kosovo.ambafrance.org/-Etudier-en-France-311- Retour ligne manuel
- Espace Campus France në Aleancën Franceze në Prishtinë. Kontakti : Znj. Zana Latifi : [email protected] Retour ligne manuel
- Campus France web faqe rreth studimeve në Francë : https://www.campusfrance.org/fr/sejour-universitaire-France Retour ligne manuel
----------------------
Appel à candidatures : bourses du Gouvernement français 2020
L’Ambassade de France au Kosovo ouvre une campagne de bourses pour des étudiants kosovars inscrits en master pour l’année universitaire 2020-2021.
Pour faire candidature, il convient de faire parvenir au Service de coopération et d’action culturelle un dossier comprenant : un CV, une lettre de motivation, une copie du dernier diplôme obtenu avec un relevé de notes, une attestation d’inscription auprès d’un établissement d’enseignement supérieur français et une attestation de connaissance de la langue française (niveau B2 ou B1). La date limite de dépôt des dossiers est fixée au 12 juin 2020.
Les dossiers sont à transmettre à : [email protected] et [email protected]
Informations complémentaires sur les études en France : Retour ligne manuel
- Ambassade de France : https://kosovo.ambafrance.org/-Etudier-en-France-311- Retour ligne manuel
- Espace Campus France à l’Alliance Française de Pristina. Contact : Mme Zana Latifi : [email protected] Retour ligne manuel
- Site internet de Campus France sur les études en France : https://www.campusfrance.org/fr/sejour-universitaire-France Retour ligne manuel

Séjour universitaire en France : une aventure inoubliable | Campus France Votre séjour universitaire en France sera une aventure, l’occasion rêvée de découvrir la France et de vivre la vie étudiante à la française.

Njoftim!

Të nderuar studentë,

Ju njoftojmë se sot, me 29.05.2020, në mbledhjen e mbajtur të Senatit, është aprovuar propozimi I (pare). Propozimi I kishte keto specifika:

Propozimi I

1. Provimet nuk lejohet që të organizohen para datës 15 Qershor,
2. Mbajtja e afatit plotësues të Qershorit deri me dy provime,
3. Mbajtja e afatit të rregullt të Qershorit,
4. Mbajtja e rregullt e afatit të Shtatorit,
5. Mbajtja e afatit plotësues të Shtatorit deri me dy provime.

Në lidhje me datat e mbajtjes së afateve të provimeve, u është lënë njesive akademike të vendosin.

Suksese!

Nesër, e gjithë vëmendja tek mbledhja e Senatit të Universitetit të Prishtinës!

Njoftim
Nesër duke filluar nga ora 11:00 do të mbahet mbledhja e Senatit ku edhe do të vendoset për mënyrën e organizimit të provimeve.
Mbledhja do të transmetohet drejtpërdrejtë në kallxo.com, prandaj ju ftojmë që të na ndiqni.

Linkun do ta shpërndajmë nesër, pas fillimit të mbledhjes.

Te nderuar koleg/ë,

Me mjaft shqetësim e morrëm një draft-propozim, që ka qenë totalisht jashtë interesit të studentëve.Pas koordinimit dhe bashkërendimit me shumicen e Këshilleve Studentore dhe Parlamentit, provimet edhe zyrtarisht nuk do të fillojnë nga 1 Qershori.Si në postimin paraprak, jemi pajtuar që të shqyrtohen 2 propozime ku do të votohen të Premten dhe jashtë tyre nuk do të ketë mundesi tjetër!

Këshilli është vetem i studentëve dhe jo i grupeve të caktuara!

Njoftim

Parlamenti Studentor, bashkë me shumicën e studentëve-senatorë dhe me Rektorin e Universitetit, u pajtuan që mbledhja e nesërme e senatit e paraparë që të mbahet në mënyrë virtuale, të shtyhet për të premten dhe të mbahet në mënyrë fizike.

______________________________________________

Parlamenti Studentor i Universitetit të Prishtinës "Hasan Prishtina" në pajtueshmëri me Këshillet Studentore të: FM-së, FNA-së, FIEK-ut, FShMN-së, Fakultetit të Filologjisë, Fakultetit të Edukimit, Fakultetit Filozofik, Fakultetit të Arteve, FBV-së, FEFS-it dhe shumicës së studentëve senatorë ka arritur në përfundim që janë vetëm dy opsione të pranueshme dhe prej tyre të vendoset për më të favorshmën. Vetëm kështu mendojmë se ruhet procesi i vlerësimit dhe përmbylljes së vitit akademik, pa u dëmtuar studentët.

Meqë afatet tashmë të shpallura si: afati i prillit, afatet e absolventëve dhe vlerësimet periodike (kolokviumet) nuk janë mbajtur, më poshtë po jua paraqesim dy propozimet tona:

Propozimi I

1. Provimet nuk lejohet që të organizohen para datës 15 Qershor,
2. Mbajtja e afatit plotësues të Qershorit deri me dy provime,
3. Mbajtja e afatit të rregullt të Qershorit,
4. Mbajtja e rregullt e afatit të Shtatorit,
5. Mbajtja e afatit plotësues të Shtatorit deri me dy provime,
6. Të shtyhet fillimi i vitit të ri akademik për dy javë në mënyrë që organizimi i provimeve të mos interferojë me vitin e ri akademik.

Propozimi II

1. Provimet nuk lejohet që të organizohen para datës 15 Qershor,
2. Mbajtja e afatit të rregullt të Qershorit,
3. Organizimi i një afati të plotë, të provimeve gjatë verës,
4. Mbajtja e afatit të rregullt të Shtatorit
5. Të ketë hapësirë të mjaftueshme kohor ndërmjet afateve,
6. Të shtyhet fillimi i vitit të ri akademik për dy javë në mënyrë që organizimi i provimeve të mos interferojë me vitin e ri akademik.

Arsyetim:

Përqendrimi maksimal i të gjithëve në luftë kundër COVID-19 deri sot, na obligon shmangien nga komoditeti i përditshmërisë, që të evitojmë bartjen e pasojave në kohë afatgjate.

Në këtë gjendje, studentët e gjejnë vetën të ndikuar nga probleme të shumëfishta:
- Ndikimi i pandemisë në shëndetin mendor,
- Mungesa e literaturës; shumica e studentëve banues të konvikteve e kanë pasur të pamundur çasjen në literaturën e tyre. Në anën tjetër, universiteti ka dështuar që ta sigurojë literaturën në mënyrë virtuale,
- Meqenëse konviktet vazhdojnë që të shërbejnë si karantinë, transporti do të jetë i vështirë dhe i mundimshëm për studentët që jetojnë jashtë Prishtinës, e në veçanti për ata që janë në vendet e largëta,
- Zëvendësimi me orar të ngjeshur i orëve dhe ushtrimeve të pambajtura laboratorike. Kjo nënkuptueshëm përjashton mundësinë e organizimit të provimeve para 15 qershorit.

Në ndërkohë, jemi në kontakt me Ministrinë e Arsimit, Shkencës, Teknologjisë dhe Inovacionit, që viti i ri akademik të shtyhet nga tani, e të mos pritet deri kur të jetë bërë vonë. Poashtu, kontaktojmë me Këshillin Drejtues të UPHP që gushti në këtë vit, të mos jetë pushim kolektiv, mirëpo të shërbejë si kohë për organizim sa më të përshtatshëm të provimeve.

Për këto propozime, ka pasur diskutime të gjera mes studentësh po edhe me profesorë e staf akademik. Nuk ka qenë aspak i lehtë përafrimi i kërkesave duke pasur parasysh specifikat e llojllojshme të njësive akademike. Prandaj, ju lusim, që të vlerësoni objektivisht për këto propozime. Për këtë kompromis të palëve të shumta, ne pjesën tonë konsiderojmë ta kemi kryer përgjegjshëm. Tani, presim edhe mirëkuptimin tuaj.

_________________________________________________

Çdo kërkesë tjetër, është jolegjitime dhe si e tillë nuk paraqet qëndrimin e Parlamentit Studentor të Universitetit të Prishtinës "Hasan Prishtina".

Sqarim: Senati eshte organi vendimarres ne UP, vendime nuk mund te kete derisa ai nuk votohet nga profesoret dhe studentet senatore, ku do te votohet neser nga ora 10:00.Postimi per afatin e Prillit dhe Qershorit eshte vetem nje draft propozim, pra ende nuk eshte vendim zyrtar. Parlamenti Studentor se bashku me studentet senatore do ta publikojne nje propozim tjeter per organizimin e afatit te Prillit dhe Qershorit!

Urime Fiter Bajramit te gjitheve myslimaneve kudo qe jane.

Dashte Zoti n'a i ka pranu agjerimet dhe ibadetet tona gjate ketij muaji te shenjte te Ramazanit.

Shendeti dhe harmonia mbizotrofshin gjithmone mbi famijet tuaja.