Muharrem Nitaj

Ne fat Bajrami i Madh! I gzuem qoftë për Ju sot e për mot!

Me ushtarin e Atdheut, me të cilin unë krenohem!
Të paçim me jetë të gjatë Daut!

Po vjen era zgjedhje!
Jane shtuar premtimet, edhe propaganda eshte rritur, edhe manipulimi me grafikone e statistika, edhe sfilatat patriotike, edhe pelegrinazhet e atyre qe kurre s'kane ditur as ku i bien varrezat e deshmoreve, edhe fjalimet populiste, edhe lajmet e rrejshme, edhe agjitpropet...keto dite gjithcka eshte me tepri e do te behet shume me teper, sepse po vjen era zgjedhje.
Dhe shume pak rendesi ka, ose fare, nese ato mbahen ne qershor, ne tetor, apo 10 muaj prej tani, kur e kane afatin e rregullt.
E sigurte eshte qe po hyjme ne nje faze te re premtimesh e mashtrimesh, me afat skadence veç deri ne diten e votimeve.
Prej asaj dite ne darke, PING LOJA

Gëzuar të gjithë besimtarëve islamë, Natën e Madhe të Kadrit, që simbolizon zbritjen e Kuranit të Shenjtë në Tokë e mësimet e Profetit Muhamed, paqja e Zotit qoftë mbi të!
Paçit agjjërim e lutje të pranuara në këtë Natë të Madhe!

Pashkët na vijnë si triumfi mbi të keqen, si ringjallja në qiell e dashuria në tokë!!!
Ne, vërtetë kemi bajram e pashkë, por shqiptarinë e kemi bashke! (At Gjergj Fishta)
Gezuar!!!

Duhet t'i keshe jetuar ate kohe te pranveres se pergjakshme te vitit 1999, per ta kuptuar krejt tmerrin e asaj kohe, por edhe lavdine e paskajshm te qindra burrave e grave qe rane per tu kujtuar sot.
Duhet kujtuar mosdorezimin e nje populli perballe nje makinerie vrastare.
Duhet admiruar heroizmin e rralle te UÇK-se e vleresuar Aleancen e Nato-s, qe na u gjet ne dakik te lig!
Perulja sot para te reneve, eshte vetedije njerezore e hyjnore.
Eshte ajo çfare jemi e çfare kemi qene shume prej nesh!
Lavdi emer per emer te gjithe atyre luftetareve, te rene e te gjalle, e plot te tjereve qe u bene kurbane te lirise se Kosoves!

Po duket qe Albin Kurti ka nda mendjen te shkoje ne zgjedhje te parakoheshme. Mundesisht gjate veres. Mirepo ai do qe edhe te shkoje ne zgjedhje, edhe te mos i mbetet faji atij. Prandaj provon qe ta inkurajoje Kuvendin qe te veteshperndahet. Por Kuvendi, ne kete rast, nuk eshte arsye qe Vendi te shkoje ne zgjedhje. Ai eshte funksional dhe nuk eshte bllokuar vendimmarrja. E vetmja arsye per zgjedhje te parakoheshme, ne rastin konkret, mund te jete qeveria. Doreheqja e saj i hape rruge zgjedhjeve, tjerat jane dokra!

Bota njeh shumë shprehje tmerri, siç janë “nata e thikave të gjata”, “nata e xhamave të thyer”, “ e plot të tjera netë si këto...

E Kosova, natën e 24 marsit të vitit të fundit të shekullit të kaluar, e njeh si Natën kur qielli kish marrë flakë e ku jeta e një populli mbrohej nga qielli, por që jo për pak familje shqiptare edhe si natën kobzezë të hijenave të etura për gjak!

Për mua që isha zënë jesir në Prishtinë, ajo ishte një natë që s'e lente ditën me zbardhë!

Liria pati ardhur 82 ditë më vonë, por që themelet e saj ishin vënë vite më parë!

Edhe në një ditë si kjo, të vitit 1998, kur heronjtë e Gllogjanit e gjithë Dukagjinit, ia kishin kthyer pushkën hasmit në një betejë për jetë a vdekje, për t'i thënë atij "Kosova ka zot"!
Në këtë ditë në Gllogjan u vranë shumë djem trima, por nuk u vra lufta e shqiptarëve për liri, tha sot Komandanti i kësaj Epopeje, Ramush Haradinaj!

Zgjedhjet e parakohshme nuk mund te jene çeshtje e vullnetit apo e deshirave te opozites. Ato mbahen, ose kur qeveria e humb shumicen ne kuvend, ose kur ka deshtuar ne permbushjen e agjendes shteterore.
Ftesa qe Kryeministri ia ben opozites qe te behen bashke ta shperndajne Kuvendin, shperfaq perpjekjen e tij per ta kamufluar deshtimin e qeverise se vet dhe nuk eshte e sinqerte.
Veteshperndarja e Kuvendit eshte e vetekuptueshme. Ne rastin konkret nuk eshte problemi te kuvendi pse vendi duhet te shkoje ne zgjdhje te parakoheshme, por te qeveria. Doreheqja ose mocioni i mosbesimit ndaj saj nenkupton veteshperberjen e menjehershme te kuvendit, me gjasa reale me vote unanime!

Nostalgjia e zanatit!!!

Pa u ba keq, s’bahët mirë. Nietzsche ka thënë, “vuajtja është çelësi i lumturisë”.
Prandaj nuk jemi krejt të pa shpresë. Durim se ditë të mira po vijnë.😉

Bejta Syla çka fitove, faqen e zezë e i parë pishtole!!!

Nëse hesht e ke humbur të drejtën për të jetuar!(arabe)

T'i vlerësosh të gjithë, ështē sikur të mos keshë vlerësuar asnjeri! (Molieri)
Edhe t'i kritikosh të gjithë, s'ke kritikuar njeri!

Agjërim të lehtë e të pranueshëm të Ramazanit! E gëzofshi me tana t'mirat e Zotit, miq!

Pse besoj në Ramush Haradinaj! - NACIONALE Shkruan: Muharrem Nitaj Unë i besoj këtij njeriu! Të rrallë janë njërëzit që për pak kohë në pushtet, lënë gjurmë të pashlyeshme në vendin e tyre. Bëjnë punë që mbahen mend e që shtrihen në themel të një shtetit. I til...

Ne jemi këta që jemi sot, falë mësuesve që kemi pasur. Dijmë ose jo, për aq sa na kanë mësuar ata. Dhe ata kurrë nuk kanë qenë pak. Janë një armatë. Vec se dikur kanë qenë më zotni e më të vlerësuar. Kanë qenë edhe më të paguar e me autoritet të pakontestuar.
Sot rrallë kujtohemi për ta. Një herë në vit sa për sy e faqe. Në çdo 7 mars, pushtetarët i kanë disa fjalë miradije për ta, veç se nuk shkojnë më tutje. Ata vazhdojnë të mos fitojnë mjaftueshëm për një jetë normale dhe vazhdojnë ta braktisin vendin e vet. Jo prej qejfit po prej hallit. Shifrat e largimit të mësuesve e të nxënësve nga Kosova, janë alarmante.
Mijëra mësimdhënës sot, kanë nevojë të paguhen ndershëm për punën që bëjnë, e jo për fotografi, për statuse në Facebook e për lavde publike të pushtetit për ta.
“Urime 7 Marsi”, e prej ditës vijuese të harrohen për një vit!

Dhe vjen një ditë

Hic s’është kollaj në ditë të sotit. Zihet ngusht i shkreti njeri kur përditë përballet me pushtetin
që të mashtron nga lartë e tregtarët që të zhvasin nga poshtë. Eshtë bërë e rëndë jeta dhe
sot nuk jemi si dikur kur thojshin “nuk jemi të varfër, jemi të vjedhur”! Sot jemi edhe të vjedhur
edhe të varfër.
Ata që dikur bukën e gojës e kanë siguru me djersën e ballit e kanë pasë një shprehje
antologjike, ”puna e randë, heja e ligë”, kurse sot, ata që s’po mund të arnohen me aq sa
marrin ose që s’marrin hiç e që janë shumë, nuk u vjen marre me të thanë; s’po mund të
gjallnojmë këtu e jemi tu kqyrë me dalë!
Ata që kanë faj, u pëlqen të thonë se shqiptarat po largohen për një jetë më të mirë, por e
vërteta është se ata po largohen sepse këtu, vec jetën s’e kanë të mirë, e skamja ia u braktisë
atdheun. Skamja ose depresioni, e ky i fundit është edhe më i zi, sepse depresioni e merzia vijnë, jo vetëm nga mospasja me dinjitet për të jetuar, por edhe nga mungesa për të shpresuar!

Dhe sot në prag të këtij depresioni, në mos thellë në të, janë krejt ata që keq kanë jetuar e sot rrnojnë edhe më keq, por edhe ajo shtresa e mesme, që s’e ka prekur varfërinë ndonjë herë! E në këtë shtresën e mesme, janë mijëra mësues, mjekë e infermierë, policë e ushtarë, kamarierë e gazetarë. Janë qindra mijëra të punësuar në sektorin publik e privat e të gjithë ata që e presin "hasret" ditën kur do t'i marrin pensionet... I vogël mund të jetë numri i njerëzve të kësaj shtrese që nuk i bëjnë hesapet, siç nuk i kanë bërë dikur, nëse mund ta lidhin fillimin me fundin e muajit të shkretë.

Shqiptarët janë ndër të rrallët popuj, që për turp e shohin edhe sëmundjen edhe fukarallëkun! Veç atyre iu ndodh që edhe doktorit t'mos ia kallxojë krejt sëmundjen që e kan e varfërinë ta fshehin poshtë nën plaf!
Ndoshta edhe nuk kanë faj, sepse mund të jenë të ngjashme edhe skamja edhe sëmundja. Edhe njëra edhe tjetra të përfshijnë përkundër vullnetit që ke. Vijnë tu u rritë e pa i thirrë dhe vjen një ditë kur mund të mos fshihen më.
Dhe vjen një ditë!

Ju flet Londra (në përvjetorin e BBC në Shqip)

Roli i BBC-së për 18 vjetët të transmetimeve në shqip, ishte i pazëvëndësueshëm dhe ajo bëri që edhe Kosova e Shqipëria të njiheshin ndryshe në Botë, por dhe Bota të vinte ndryshe tek ato. Standardet e njërës prej shtëpive më prestigjioze informative në Glob, ishin vendosur e aplikuar edhe në hapësirën informative shqiptare.

Ju flet Londra në shqip, për plot 18 vjet ishte pjesë e historisë së Kosovës, në momentet më të vështira dhe më të rëndësishme të saj. Ajo i kishte rifilluar transmetimet në kohën kur po shkileshin të gjitha të drejtat e shqiptarëve dhe më shumë se gjithçka,të drejtat për të folur e për të shkruar shqip. Sigla e emisioneve shqip të BBC-së, një “mix” i shkëlqyer i Sing dhe Mozart por edhe me tone shqip, ishte bërë sigla më e popullore e kohës, që shkaktonte emocion dhe drithërima te dëgjuesit e saj të shumtë. Ishte kjo një fije shprese se Kosova dhe shqiptarët që po kalonin vitet më të vështira të historisë së tyre, nuk ishin harruar nga bota normale dhe se BBC-ja e madhe, po u vihej në krah edhe shqiptarëve, që Serbia po i lente pa mediat e tyre. Ajo kishte filluar transmetimet në vitin 1940, për t’i ndërprerë në vitin 1967 dhe për t’i filluar sërish me 28 shkurt të vitit 1993.
Roli i BBC-së për 18 vjetët e fundit të transmetimeve në shqipe, ishte i pazëvëndësueshëm dhe ajo bëri që edhe Kosova dhe Shqipëria të njiheshin ndryshe në Botë, por që dhe Bota të vinte më ndryshe tek ato. Standardet e njërës prej shtëpive më prestigjioze informative në Glob, ishin vendosur e aplikuar edhe në hapësirën informative shqiptare. Gazetarët e saj, duke qenë në vende dhe në situata të ndryshme, bënë që e vërteta për Kosovën të ishte pjesë edhe e përmasave globale. Ngjarjet e fillim-viteve 90-të, lufta e fundit, fushata e bombardimeve të Natos, liria e Kosovës dhe jeta e mëpastajme, maratona e bisedimeve për statusin si dhe shpallja e pavarësisë së vendit, ishin vetëm disa nga pikat kulmore ku BBC në shqip, kishte qenë dëshmitare dhe kroniste e tyre. Për 18 vjet të transmetimeve në shqip, BBC ishte shndërruar në transmetues të zërave që vinin nga njerëz të moshave e të gjinive, të kombevë e të përkatësive, duke transmetuar storjet e tyre, pa ndikime politike ose financiare. Fillimisht me vetëm një emision 30 minutësh që tranmetohej në valë të shkurtëra, BBC në shqip më pas arriti që të shtojë hapsirën programore duke pasur 6 orë program në ditë dhe valën e saj FM në Prishtinë, në Tiranë dhe në Shkup, dhe duke e shtuar influencën e saj në hapësirën informative shqiptare. Njëkohësish*t BBC në shqip arriti që të ndërtojë njërën prej faqeve më të suksesshme të internetit në gjuhën shqipe “bbcalbanian.com” dhe sigurisht njërën prej faqeve më të famshme në rrjetin prej rreth 40 gjuhëve të Shërbimit Botëror të saj.
Ajo, me studiot e saj në Prishtinë, në Tiranë dhe në Shkup, si dhe me korrësponentë në të gjitha hapësirat tjera shqiptare, si dhe në SHBA, Bruksel, Beograd, Podgoricë, Romë, Athinë, Berlin etj, arriti të bëhët njëri prej mediumeve me një infrastrukturë të shpërndarë të informacionit.
Një prej sukseseve të BBC në shqip, ishte edhe bashkëpunimi me mediat lokale dhe me radiot partnere, duke pasur mbi 40 radio në Kosovë dhe po kaq në Shqipëri e në Maqedoni, që ritranmetonin programet e BBC-së në Shqip. Në 18 vjet të punës së saj, në këtë medium punuan disa prej emrave të njohur të gazetarisë e të publicistikës në Kosovë e në Shqipëri, në mesin e të cilëve Veton Surroi, Julia Goga, Muharrem Nitaj, Blerim Shala, Diana e Paulin Kola, Arbër Vllahiu, Adi Krasta, Seladin Xhezairi, Gezim Guri, Ilir Nishku, Sokol Balla, Aleksander Furxhi e shumë të tjerë në mesin e të cilëve edhe emra më të ri të, si Violeta Hyseni, Blerina Rogova, Fadil Bytyqi, Jonuz Hallaqi...e të cilët tashmë pas vetes kanë një përvojë të shkëlqyer, e deri te emrat më të njohur të gazetarisë britanike, siç ishin Gabriel Partosh, Mark Brain e Tim Cooke.
BBC në shqip, në ditën e fundit të shkurtit të vitit 2011, përmbylli historinë e saj 18 vjeçare të transmetimeve, ishte njëra prej storjeve më të suksesshme të gjithë Shqërbimit Botëror.
Për fuqinë dhe magjinë e saj, do të flitet gjatë jo vetëm në hapësirat ku flitet e shkruhet shqip.
Seç e kam një përshtypje se opinioni publik shqiptar, do ta mirëpriste rikthimin edhe një herë të “Ju flet Londra”!

Jemi të vegjël shumë për të ekzistuar të vetëm - NACIONALE Shkruan: Muharrem Nitaj Pse po sulmohet kaq ashpër Kryeministri se po i prish marrëdhëniet me partnerët strategjikë, posaçërisht SHBA. Cila është narrativa e këtyre përplasjeve dhe çka i thuhet popullit dhe çka nuk i thuhet at...

Jemi të vegjel shumë për të ekzistuar të vetëm

Pse po sulmohet kaq ashpër Kryeministri se po i prish marrëdhëniet me partnerët strategjikë, posaçërisht SHBA.

Cila është narrativa e këtyre përplasjeve dhe çka i thuhet popullit dhe çka nuk i thuhet atij.

Pse ai ka zgjedhur një diskurs të çuditshëm të justifikimit të vendimeve të tij, duke e thënë vetëm gjysmën e të vërtetës.

Nisi atje e filloi, kur ai deklaronte se qytetarët serbë duhet t’i përdorin targat RKS, dhe kjo dukej aq normale sa që njerëzit me të drejtë e arsyetonin vendimin e tij. Por ai nuk tregonte se çeshtja e targave nuk ishte veç një masë ordinere administrative shtetërore dhe vendimi i pakoordinuar për targat, mund të shndërrohej në problem sigurie, siç edhe ndodhi.

Vendimi i pakoordinuar për to, reflektoi me largimin e serbëve nga institucionet dhe kjo ndoshta ishte përplasja e parë e tij me partnerët strategjikë të Kosovës.

Përplasja e tij e dytë me aletatët ishte menaxhimi i gjendjes së krijuar pas zgjedhjeve ne veri dhe ruajtja me polici e kryetarëve në objektet e komunave. Dhe po, s’ka njeri normal që nuk i mbështetë zgjedhjet në çdo cep të vendit, prandaj edhe krijohej përshtypja se kryeministri po vepronte drejtë. Por nuk thuhej se mbajtja e zgjedhjeve atje ku do t’i bojkotonin shumica e qytetarëve, sërish do të mund të shndërrohej në problem sigurie, siç edhe ndodhi. Qytetarët serbë, si gjithmonë të mbështetur nga regjimi në Serbi, e bënë hallakamë veriun dhe faji na u ngop neve.

Përplasja e tretë e madhe e kryeministrit me partnerët po ndodh me dinarin.
Edhe në këtë rast, nuk ka njeri me dy fije mend që mund të thotë se vendimi që Kosova ta ketë vetëm një valutë zyrtare, nuk është vendim i drejtë.
Por kryeministri e askush prej tyre, nuk po thonë se edhe kjo çështje, nëse nuk bëhët me koordinim të plotë e me një agjendë kohore, mund të shndërrohet në problem sigurie…
Dhe sa herë që një çështje ordinere shndërrohet në problem sigurie, e kjo ka ndodhur shumë shpesh në këto dy vjetët e fundit, barra më e madhe u bjen aleatëve, sepse ata vazhdojnë të jenë garantët kryesorë të sigurisë në vend.

Kryeminitri shpesh thotë se “me partnerët edhe mund të mos pajtohemi për gjithçka”. Edhe kjo është e drejtë, sepse është krejt normale që të mos pajtohesh me të gjithë e për gjithçka. Por ai nuk tregon se me aleatët nuk po pajtohet në temat për të cilat nuk do të duhej të kishte mospajtime e aq më pak përplasje, në siguri.

Cështjet e sigurisë sot janë shndërruar në çështje globale edhe për shtete shumë të fuqishme, të cilat janë liderë rajonalë e kontinentalë, e lere më për Kosovën e vogël.
Ne jemi të vegjel për të ekzistuar të vetëm.

Në Ditën e Kosovës🇽🇰, me shqiponjën në duar, kur prej çerdhes KOSOVËS i thonë Gëzuar🫶! (Troji&Throni)❤️❤️

Kjo eshte ajo miresia qe buron nga shpirti, sa here keta dy burra jane bashke!

Ne Diten Boterore te Radios!

Sa e madhe ka qene fuqia e ketij mediumi pergjate historise! Permes radios jane dhene njoftimet qe kane bere histori.

Ju flet BBC, ju flet Zeri i Amerikes, ju flet Tirana, por edhe ju flet Kosova e Lire...kane qene siglat me te cilat jane lidhur kujtime e kohe!
Sot eshte zbehur shume zeri i radios, por jam i bindur qe ajo nuk vdes kurre! Do te rikthehet koha e saj!
Sa me merr malli per ate kohe!

Politika si arti i së mundshmes, apo arti i mashtrimit. Edhe njëra edhe tjetra janë mjeshtri, janë art, veç se arti kurrë nuk është e vërteta.

Pablo Pikaso ka thënë se "arti është ajo gënjeshtra që provon ta thotë të vërtetën”. Prandaj mos u përpjek ta kuptosh sepse e verteta në art, është individuale dhe gjërat kurrë nuk janë ashtu siç duken, por siç i shohim.

Edhe politika kur ngritet në art, është e njëjtë! Eshtë ajo gënjeshtra që provon ta thotë të vërtetën. Disa kanë veshë, por nuk duan të dëgjojnë dhe thuhet se nuk ka njeri më të shurdhër se sa ai që nuk don me ndëgju! Disa kanë sy, por u pëlqen t'i marrësh për dore si qorrin.

Me Kampionin

IBRAHIM RUGOVA, KY PRESIDENT I MADH I VENDIT TË VOGËL

Ibrahim Rugova, ishte ndër politikanët e rrallë që e kishte kuptuar popullin e tij!

I njihte edhe armiqtë, edhe trathtarët edhe miqtë!

Ai e kishte kuptuar se shqiptarët duhet të jetonin në miqësi të përhershme me Amerikën!
"Shpija mbahet ne miq", thoshte.

Nuk ishte i përkryer por e admiroja se i kishte qitë fare jugo-nostalgjiket! I kishte distancuar edhe neomarksistët!

Kundërshtarët i falte, por i mbante larg, edhe plot prej atyre që sot e glorifikojnë figurën e tij.

Ishte edhe mendimtar edhe popullor!

Shumë para të tjerëve në vizion se si do të bëhëj Kosova e pavarur!

Ai i besonte projektit "Kosova-Shtet" edhe kur shumica dërmuese kujtonte se kurrë nuk do të çliroheshim nga Serbia!

Ai printe, e populli i shkonte mbrapa!
Ibrahim Rugova ishte PRIJËSI!

Asnjëherë nuk e pashë të ligështohej e ta humbaste besimin se ky vend do të bëhëj!
Ky iahte Ibrahim Rugova!