Klubi Alpin Prishtina

Grupet e Mont Blanc (2022-2024) 💪

Shihemi në aktivitetet të tjera..

Të dashur miq,

Klubi Alpin Prishtina është pjesë e fushatës së ndërgjegjësimit për kancerin e gjirit dhe përkrahjes së personave të prekur nga kjo sëmundje; fushatë kjo e zhvilluar nga Race for the Cure dhe e përkrahur nga Kryeqyteti Prishtina – Drejtoria e Shëndetësisë dhe shumë organizata të tjera.

Në mbështetje të kësaj fushate Sektori i Alpinizmit të Klubit Alpin Prishtina këtë të premte zhvillon aktivitet të alpinizmit urban (rapellim) në kullën (këmbanorën) e Katedrales së Prishtinës.

Ju ftojmë ta përcjellni këtë ngjarje, gjithnjë në dobi të ndërgjegjësimit dhe përkrahjes së kësaj fushate të nevojshme. Gjithashtu, Race for the Cure mund t’a mbështetni duke blerë fanela, fondet e të cilave do shkojnë për “Race For Cure”. Blerja bëhet online në këtë vegëz: http://www.raceforthecure.eu/

📍 Vendi: Katedralja Nënë Tereza, Prishtinë
📅 Data: E premte / 06 shtator 2024
🕖 Koha: 19:00

E diela në Via Ferrata me miqtë e KAP; përjetim i veçantë, adrenalinë dhe kontakt i plotë me natyrën e bukur të Rugovës 😊

Mont Blanc Team 2024 💪

📸 Diar Selimi

Ekspedita e Klubi Alpin Prishtina në kulmin e Evropës perëndimore u përfundua me sukses. Mont Blanc përsëri na sfidoi rëndë, na mrekulloi, na bëri të ndjehemi krenar dhe na mbushi me përvojë dhe sukses.

Ekspedita alpine e Kosovës në Mont Blanc 2024 u realizua nga 17 vajza dhe djem të cilët treguan guxim, kulturë dhe profesionalizem; ndërsa suksesi dhe shembulli i tyre do të mbetet gjatë në memorien kolektive të komunitetit bjeshkatar dhe alpin të Kosovës.

Falënderim i veçantë për Guidën Alpine Kristian Gashi i cili e udhehoqi ekspeditën, ndërsa për grupin e alpinistëve respekt për përformancen, përfaqësimin dhe shembullin sportiv gjatë ekspeditës.

Ekipa e Kosovës në Mont Blanc 2024
1. Kristian Gashi
2. Nazmi Hasanramaj
3. Drenica Zogaj
4. Laureta Dervishaj
5. Dona Cocaj
6. Cigdem Cetkin
7. Egzon Konjusha
8. Resul Sinani
9. Alban Gjonbalaj
10. Kujtim Zendeli NomadBozo
11. Sheqa Ejupi
12. Ylber Qusaj
13. Arjan Kapllani
14. Bajram S. Geci
15. Festim Ferati Leci
16. Mergim Demiraj
17. Diar Selimi

Sfidat e ngjitjes në majën e Mont Blanc, 4,805 metra lartësi mbidetare! Flet : Kristian Gashi Follow Klan Kosova on...• FB: https://smarturl.it/KlanKosovaFb• IG: https://smarturl.it/KlanKosovaIG• YT: https://smarturl.it/KlanKosovaSub• WEB: https://kla...

IPKO përveç shërbimeve cilësore bën edhe hike në natyrë. Stafi i kësaj organizate bashkë me Guidat e KAP vizituan bjeshkën e Zatriqit dhe Mirushën, ecje kjo relaksuese për stafin.

Kësaj radhe u ngjitëm në Luboten, duke filluar nga rruga kryesore kufitare; rreth 19 km dhe 1400+ m ngjitje në mot të mirë dhe të kthjellët.

Më poshtë disa pamje nga Luboteni madhështor..

Fotot nga: Kushtrimi, Safeti, Arbenita

Ngjitja në Majën e Korabit nga Radomira u realizua me shumë bjeshkatarë dhe miq të natyrës. Shtegtim i gjatë por shumë i bukur ☀️.

Shihemi në ecjen e radhës 🙂

📷 Fotot nga: Besarti & Vala

Aktiviteti i radhës në Gërmi me fëmijët nga REA School 🧗.

Klubi Alpin Prishtina e përgëzon ekipën e Shërbimi i Kërkim-Shpëtimit Malor i Kosovës për punën dhe perkushtimin në misionin human në Majën e Thatë.

Gjithashtu, ngushëllime për familjarët dhe miqtë e të ndjerit.

Aktivitet në Murin Alpin me personat e verbër 👨‍🦯🧗‍♀️

Klubi Alpin Prishtina në bashkëpunim me organizatën You can do, organizuan ngjitje në Murin Alpin për personat e verbër si dhe disa aktivitete të tjera në Gërmi🌲.

Vullnetarët, si gjithnjë, i dhanë përkrahje dhe kuptim kësaj ngjarjeje të veçantë, duke bërë që komuniteti në fjalë ta përjetojë ngjitjen, punën me litarë dhe ndjenjën e rapellimit ☺️

Faleminderit për përkrahje:
Trafiku Urban Prishtinë
KFC Kosova

Ju njoftojmë se janë plotësuar të gjitha vendet për Maja e Korabit 2764 m/lmd.

Shihemi në aktivitetin e radhës..

Aktivitet e radhës me fëmijët nga Kindernest Academy ⛺️

Aktivitet e radhës me fëmijët nga Kindernest Academy 🧗

Aktiviteti i radhës 🧗🧭
AMA Kopshti

Ecja në malet e Sharrit dhe freskimi në Liqenin e Jazhincës është aktiviteti i vetëm freskues në këto ditë të nxehta.

Disa foto nga e diela me miqtë e KAP...

Ekspedita jonë në Trigllav përfundoi me sukses; ekipa jonë e ngjjtën shtegun shkëmbor dhe përjetuam adrenalinë, entuziazëm dhe ndjenjë krenarie.

Trigllav na mirëpriti dhe na dhuroi kujtime të bukura të cilat do të na shoqërojnë gjithmonë.

Faleminderit për përkrahje:
Peyman Kosova
Vitalia - Ushqim i shëndetshëm
Chio Kosova
PomBar Kosova
Borotalco
Argeta
Cedevita
Enervit

Aktiviteti i radhës me fëmijë në Gërmi 🧗🧭

Innovation Academy

Një ditë e bukur e kaluar ne Gjeravicë dhe Bjeshkën e Junikut, me shumë pjesëmarrës, shoqërim, not dhe aventurë.

Ju presim në ecjen e radhes...

Ju njoftojmë se është mbyllur rezervimi për Gjeravicë. Shihemi në ecjet e radhës.

Bjeshka e Liqenatit gjithmonë na mirëpret dhe na qetëson me natyrën e bukur bjeshkatare.

Agjenda e Kontratës Sociale për Kryeqytetin Prishtina, në modulin e zgjerimit të shtigjeve në Parkun e Gërmisë, u finalizua dhe mund të jetë referencë suksesi për të tilla projekte. Ndërlidhja e banimeve rreth malit të Gërmisë me rrjetin qendror të shtigjeve është mundësuar nëpërmes katër shtigjeve të reja të cilat u inkorporuan në hartën e përgjithshme turistike të Parkut të Gërmisë, të plotësuar me harta, digjitalizim, shenjëzim dhe kioska informative malore.

Takimet me qytetarë, punëtoritë dhe dëgjimet publike kanë filluar para 16 muajsh, për të arritur në artikulimin final të projektit, mënyrës së realizimit dhe koordinimit në mes partnerëve.

Këto shtigje e lehtësojnë qasjen e banorëve të Matiqanit, Lugmirit, Hajvalisë, Mramorit, Vreshtave dhe Vranjevcit në zonën rekreative; ndërsa iniciativa është derivat i Agjendës së Kontratës Sociale për Kryeqytetin Prishtina dhe procesit konsultativ në mes qytetarëve, Kryeqytetit Prishtina dhe subjekteve ndërlidhëse. Vet procesi është mbështetur financiarisht nga Aktiviteti i USAID Kontrata Sociale dhe Drejtoria për Hapësira Publike dhe Parqe, ndërsa është zbatuar nga Klubi Alpin Prishtina.

Kryeqyteti Prishtina vazhdon të avancojë drejt konceptit shëndetësor, rekreativ dhe turistik të shtigjeve, artikulimit të tyre dhe vendosjen e kësaj treve në hartën turistike dhe kulturore të rajonit, gjithnjë duke u bazuar në turizmin e qëndrueshëm, ambientalist dhe gjithëpërfshirjen si vlerë kulturore e banorëve të Prishtinës.

Kryeqyteti Prishtina
Drejtoria e Hapësirave Publike dhe Parqeve
USAID Kosovo
Democracy Plus
Donika Cetta
Perparim Rama

Përshëndetje të nderuar,

📢 Kemi kënaqësinë t’ju ftojmë në promovimin e vendosjes së Kioskave dhe Hartave Tematike lidhur me projektin “Zgjerimi i shtigjeve të ecjes dhe vendosja e shenjave të orientimit në parkun e Gërmisë“, projekt i planifikuar dhe projektuar në kuadër të aktivitetit të Agjendës së Kontratës Sociale dhe përkrahur nga USAID Kosovo dhe Drejtoria e Hapësirave Publike dhe Parqeve.

🗺️ Rrjeti i shtigjeve të Gërmisë po zgjerohet në këto vendbanime të Kryeqytetit duke ua mundësuar banorëve qasjen direkte në rrjetin qëndror dhe pasuritë e shumta natyrore të parkut, duke i kursyer kështu nga përdorimi i veturës drejt qasjes nga hyrja kryesore e Gërmisë në Prishtinë. Funksionalizimi i këtyre shtigjeve ndërlidhëse do të përcillet edhe me shënimet përkatëse në terren, përditësimin e hartave turistike si dhe vendosjen e Kioskave Malore në pika strategjike.

👨‍👨‍👦‍👦Përfshirja e komunitetit të këtyre vendbanimeve i ka dhënë vlerë projektit me ide dhe përkrahje konkrete në përzgjedhjen e shtigjeve, strategji kjo e Kryeqytetit dhe komunitetit rekreativ dhe sportiv. Si gjithmonë, janë marrë parasysh të gjithë parametrat ambientalistë duke përfshirë konceptin ‘Leave no Trace’’ dhe shenjëzim me referencë standardin e Kosovës; duke u fokusuar kështu në linjat ekzistuese të shtigjeve, parametrat turistik dhe rekreativ të tyre, standardet e sigurisë dhe zhvillimin konform peizazhit dhe mundësive topografike të parkut.

📆 Data: 30 Qershor 2024 / e dielë
🕤 Ora: 09:30
📍 Vendi: Villa Freskia në Gërmi e pastaj vazhdojmë në shteg