Zyra për të Drejtat e Autorit dhe të Drejtat e Përafërta

Aksion i Task Forcës kundër Piraterisë – sekuestrohen rreth 3000 libra shkollor

Task-Forca Kundër Piraterisë dhe Falsifikimit, sot me datën 04.09.2024 në bashkëveprim ndërinstitucional në përbërje të Zyrës për të Drejtat e Autorit MKRS, Inspektoratit Qendror i Mbikëqyrjes së Tregut dhe të Policisë së Kosovës - Drejtorisë për Hetimin e Krimeve Ekonomike dhe Korrupsionit dhe Drejtorisë për Hetimin e Krimeve Kibernetike ka bërë kontrollimin e subjekteve të cilat merren me prodhimin, sh*tjen dhe shpërndarjen e materialeve që mbrohen me të drejtën e autorit.
Procesi kontrollues dhe mbikëqyrja e zbatimit të Ligjit për të Drejtat e Autorit nga ana e Task-Forcës, respektivisht Inspektoratit të Tregut në mbështetjeje të Policisë së Kosovës është zhvilluar në disa qytete të Kosovës dhe është bërë sekuestrimi i materialit pirat.
Zhvillimi i këtyre veprimeve kundër piraterisë në vend ka sjellë si rezultat sekuestrimin rreth 3000 librave arsimore-shkencore dhe profesionale.

Ndaj bizneseve tek të cilat është gjetur materiali pirat, pa leje dhe pa marrëveshje me mbajtësit e të drejtave, institucionet e zbatimit të ligjit do të ndërmarrin masa ndëshkuese konform legjislacionit në fuqi.

Task-Forca kundër piraterisë dhe falsifikimit, njofton mbajtësit e të drejtave dhe subjektet të cilat bëjnë prodhimin, shpërndarjen dhe sh*tjen e materialeve që mbrohen me të drejtën e autorit, se është në veprim dhe do të ndërmerr aksione të vazhdueshme në treg, duke instaluar sistemin e mbrojtjes së krijimtarisë intelektuale dhe luftën kundër piraterisë si një mision të përditshëm të institucioneve shtetërore.

Task-Forca kundër piraterisë kërkon nga të gjithë personat të cilët pretendojnë se të drejtat e tyre janë duke u shkelur të drejtohen në organet kompetente, Inspektoratin e Tregut dhe Policinë e Kosovës.

Një proces i gjatë dhe jo i lehtë përfundoi me sukses👏, me nënshkrimin e marrëveshjes për fillimin e pagesave të tarifave mujore me rastin e ri-transmetimit të veprave audio-vizuale në Republikën e Kosovës, në mes Organizatës për Menaxhimin Kolektiv të Drejtave të Autorit -VAPIK dhe përfaqësuesve të përdoruesve të drejtave, operatorëve kabllor🤝.

Ky hap i rëndësishëm siguron zbatimin e Ligjit për të Drejtën e Autorit dhe të Drejtat e Përafërta. Zyra për Drejtat e Autorit vlerëson punën dhe përkushtimin e secilës palë gjatë këtij procesi të gjatë dhe me sfida!

Tani po fillon një kapitull i ri në sistemin e të drejtës së autorit në Republikën e Kosovës, së bashku me organizatën e menaxhimit kolektiv të drejtave të autorit dhe me bashkëpunimin e përfaqësuesve të përdoruesve të drejtave do të angazhohemi në funksionimin e mirëfilltë të menaxhimit kolektiv, në zbatimin e plotë të ligjit dhe krijimin e ambientit të përshtatshëm dhe efikas për kompensimin e autorëve.

Task Forca Kundër Piraterisë, e cila udhëhiqet nga Zyra për te Drejtat e Autorit ka mbajtur trajnimin me temën "Konceptet dhe zbatimi i të drejtave të pronësisë intelektuale", me inspektorët e rinjë të Inspektoriatit të Tregut dhe zyrtar doganor të Doganës së Kosovës.

Zyra për të Drejtat e Autorit dhe Agjencia për Pronësinë Industriale e mbështetur nga UNDP, ka mbajtur sesionin dialogues me temën:" Sfidat dhe qasjet inovative në mbrojtjen e të Drejtave Pronësore Intelektuale në Industrinë e Botimit, Medias, të Përmbajtjes Audio-vizuale dhe të Softuerit".

Gëzuar Dita Botërore e Pronësisë Intelektuale!

Momente nga Konferenca "Ditët e Pronësisë Intelektuale Inovacionit dhe Kreativitetit" e organizuar nga Ministria e Industrisë, Ndërmarrësisë dhe Tregtisë ne bashkëpunim me Ministrinë e Kulturës, Rinisë dhe Sportit.

Task Forca për luftimin e Falsifikimit dhe Piraterisë ka mbajtur takimin e radhës, ku në këtë takim është diskutuar për ecurinë e deritashme për organizimin e aktiviteteve vetëdijesuese për promovimin e Pronësisë Intelektuale dhe veçanërisht për organizimin e Konferencës për shënimin e Ditës Botërore të Pronësisë Intelektuale.

Task Forca Kundër Falsfikimit dhe Piraterisë, e përbërë nga Agjencia për Pronësi Industriale, Dogana e Kosovës, Drejtoria për Hetimin e Krimeve Ekonomike dhe Korrupsionit, Drejtoria e Hetimit të Krimeve Kibernetike dhe Inspektorati i Tregut, e kryesuar nga Zyra për te Drejtat e Autorit, ka vazhduar ndërmarrjen e veprimeve në teren te cilat kan rezultuar me konfiskimin e rreth 960 produkte te falsifkikuara, të cilat, sic pretendohet nga anëtaret e Task Forcës përbejnë shkelje te pronës intelektuale. ZDA, përmes TF, si trupë kordinuese në luften kundër këtyre fenomeneve do të vazhdojë aktivitetet e saj në teren duke vënë në pah mbështetjen e institucioneve për bartësit e të drejtes së prones intelektuale.

Zyra për të Drejtat e Autorit dhe të Drejtat e Përafërta dhe Agjencia për Pronësi Industriale në kuadër të festivalit të librit vizituan këndin e librave në Dukagjini Bookstore.

Sot, përfaqësuesit e këtyre institucioneve vizituan Dukagjini Bookstore për të shënuar rëndësinë e të drejtave të pronësisë intelektuale në botën e botës së librave.

Në këtë aktivitet, ZDA dhe API janë angazhuar në shpërndarjen e materialeve informative lidhur me të drejtat e pronësisë intelektuale, duke ofruar informacion të vlefshëm për autorët, botuesit dhe lexuesit. Vizita në Dukagjini Bookstore synon të nxisë ndërgjegjësimin dhe respektimin e të drejtave të autorit dhe pronësisë intelektuale në industrinë e librit.