fadia.kitchen
هدفي تعليم فنون الطبخ بأسهل الطرق وممارسة هوايتي الوحي
كل عام وانتو بخير 😂😂❤️❤️
بودينغ التفاح 😋
اول شي حمصت كوب من شرائح اللوز وتركته على جنب ، قطعت التفاح ( ٤ تفاحات ) مكعبات وحطيت عليهم نص معلقة بيكنغ صودا ومعلقة قرفة ومعلقتين سكر
الكريمة : حطيت بالطنجرة كوب كريمة سائلة مع كوب حليب مع معلقتين سكر و معلقتين كاسترد ، خلطتهم منيح وغليتهم على النار وتركتهم يبردو شوي
مكونات العجينة : ١٥٠ غرام زبدة بحرارة الغرفة + بيضة + معلقة صغيرة فانيليا ونص كوب سكر وكوبين طحين ومعلقة صغيرة بيكنغ باودر .. عجنتهم ومديتهم بالصنية وخزقت العجينة بالشوكة ، حطيت كمية التفاح كلها وصبيت الكريمة فوقها وخبزتها ٤٠ دقيقة على درجة حرارة ١٧٠ وبعدين عالثلاجة ٤ ساعات .
صحتين وألف عافية ❤️
ما شاء الله لا قوة الا بالله 💚
أسهل وأطيب طريقة لعمل الزيتون الاخضر 😋
غسلت الزيتون ورصّيته وحطيت عليه الملح الصخري ( لكل كيلو ٣ معالق ملح ) وخلطت الزيتون بالملح كتير منيح ، ضفت قطع الليمون والفلفل حسب الرغبة وعبيته بالقناني او المرتبانات و صبيت عليه عصير الليمون المخلوط بالماء مع شوية كركم اختياريا ، تركت القناني مفتوحة ٤ ايام .. واخر اشي حطيت زيت زيتون على الوجه وسكرت القناني ، اسبوع واحد ويكون جاهز للأكل 💚 ( بتقدرو تحفظوه سنوات وبضل فريش ) . صحتين وألف عافية ❤️
كيكة الربيع ( عملناها بأول الشتا 😂 ) .
كيكة هشّة لذيذة و ولا أطيب 😋 الطريقة :
٣ بيضات ومعلقة فانيليا وكوب سكر ونص كوب زيت وخلطتهم منيح وضفت عليهم كوبين طحين ومعلقة بيكنغ باودر ورشة بيكنغ صودا وخلطتهم ونزلتهم بالقالب ، رتبت على وجه الكيكة حبّات الفراولة والتوت ( بتقدرو تستعملو أي نوع من التوت ) ، الطبقة الاخيرة : نص كوب طحين ومعلقتين سكر ، رشة ملح ، نص قالب زبدة ( ٥٠ غرام ) ، بفركهم سوا ليصيرو متل الرمل ، برشّهم على وجه القالب وبدخّل الكيكة على الفرن على حرارة ١٧٠ لمدة ٤٠ دقيقة .. صحتين وألف عافية😘
لعشاق القهوة العربية .. حلا القهوة البارد ❤️
أي نوع كيك بتحبوه قطعوه و رصّوه في البايركس وشربوه نص كوب من القهوة العربية ، بطنجرة حطو ٦ حبات جبنة كيري وكيس كريم كاراميل ونص علبة حليب مكثف وعلبة قشطة و الي بقي من القهوة العربية واغليهم عالنار مع الاستمرار بالتحريك ، صبوهم فوق الكيك وزينو بأي نوع شوكلاتة و عالثلاجة ليلة كاملة .
صحتين وألف عافية ❤️
بسبوسة بالقشطة ❤️
مقادير القشطة :
٣ اكواب حليب ، نص كوب سكر ، ٥ حبات جبنة كيري ، ٣ معالق نشا ، ٣ معالق سميد .. بنرفعهم عالنار لغاية الغليان مع الاستمرار بالتحريك ولما يتقل الخليط بنطفي النار وبنضيف معلقة زبدة ومعلقة ماء زهر ونترك القشطة لتبرد شوي ..
مقادير البسبوسة : بيضتين ، معلقة فانيليا ، كوب سكر ، معلقة ماء زهر ، نخفقهم لغاية ما يصير الخليط ابيض ثم نضيف كوب زيت وعلبة قشطة وكوب وربع سميد خشن ومعلقة بيكنغ باودر ، نخلطهم جيدا وبنصب نص الخليط بالقالب وبنخبزه ١٢ دقيقة على درجة حرارة ١٨٠ ثم نخرجها من الفرن ونضع طبقة القشطة وخليط البسبوسة الباقي ، نعيدها للفرن ١٢ دقيقة اخرى ، واخيرا نشربها بالقطر
* مقادير القطر : كوبين سكر + كوب ونص ماء + عصرة ليمون ..
صحتين والف عافيه ❤️❤️
فتة الشاورما :
تتبيلة الدجاج معلقة لبن ومعلقة زيت زيتون عصير ليمون والبهارات ( فلفل اسود بابريكا ثوم بودره وبصل بودره وملح )
الصوص الابيض : طحينيه ولبن وليمون وملح وثوم
واخيرا رشة دبس رمان وصحتين والف عافيه
مخشي بالقلاية الهوائية ❤️
قليت الكوسا بالقلاية الهوائية ، كتير أسهل 👌🔥
محاشي باللحم الضاني 🔥
عساكم من عواده ❤️
مقروطة بالتمر ❤️
كل عام واحنا وانتوا والأمة الإسلامية بألف خير 💚
معجنات سهلة ولذيييذة وخفيفة ❤️
ممكن نقليها بالزيت او بالقلاية الهوائية ..
حطيت ٣ كاسات طحين وعليهم رشة ونص معلقة بيكنغ باودر ، معلقتين قطر ومعلقتين زبدة وفركتهم منيح وعجنتهم بنص كاسة مي ، تركت العجينة ترتاح ربع ساعة ومديتها على الطاولة وقطعتها بالطول ، قطعت شرايح الجبنة العكاوي بالطول ولفيت العجينة عالجبنة ، ممكن تستعملوا اي نوع جبنة بتحبوه وآخر شي قليت نصهم بالزيت والنص التاني بالقلاية الهوائية وعالحالتين طيبين😅💚 .
صحتين وألف عافية🌷
البرياني الهندي ❤️🔥😋
وصفة رمضانية 💚
كرات البطاطا 💖
وصفة رمضانية 💖
كرات البطاطا ..
البهارات : فلفل اسود ، بابريكا ، بهار مشكل ، زعتر مجفف
- صحتين وألف عافية ❤️
كيكة التفاح ❤️
دجاج مشوي بتتبيلة رائعة ❤️🔥..
معلقتين لبن ، معلقتين كاتشب ، معلقتين طحينية ، ربع فنجان زيت زيتون ، فنجان ليمون ، معلقتين صويا صوص ، والبهارات :
فلفل أسود ، بابريكا ، قرفة وهيل ، ملح ، خلطتهم منيح وتبلت الجاجة فيهم وغلفتها وحطيتها بالفرن لمدة ساعة … وبعدين طلعتها ودهنتها بالتتبيلة الثانية :
زيت وليمون ، دبس رمان وسماق .. ورجعتها عالشواية شوي ، صحتين وألف عافية 💚
بسكويت بشكل الايسكريم 👌.
بسكويت سهل التحضير ويذوب بالفم ):
حطيت ٢٠٠ غرام زبدة بحرارة الغرفة ونص كوب زيت وبيضة بحرارة الغرفة ايضا وكوب نشا وكوب سكر بودرة ومعلقة فانيليا ، خلطتهم وبلشت اضيف الطحين المضاف له معلقة بيكنج باودر ( ٣ اكواب ونص طحين ) ، عجنتهم بالايد وبعدين ضفت نص كوب تشوكليت شيبس ، شكلت العجينة بملعقة الايسكريم ووضعتها بصينية مفروشة بورق الزبدة وخبزتها على درجة حرارة ١٧٠ لمدة ١٥ دقيقة انصحكم تجربوها ما رح تنسو طعمها ، صحتين وألف عافية ❤️❤️
سندويشات الدجاج ❤️🔥
كيكة البيكان اللذيذة 😘
كيكة شتوية لذيذة جدا بطعم القرفة …
بالقلاية معلقة زبدة عليها نص كوب سكر بني ومعلقتين عسل ومعلقة قرفة ، بقلبهم سوا وانزل عليهم كوب بيكان ( يمكن استخدام جوز القلب ) واصبهم في صنية مفروشة بورق الزبدة .
بوعاء الخلاط :
٣ بيضات ، معلقة فانيليا ، ربع كوب زيت ، كوب سكر ، نص كوب لبن ، نص كوب حليب سائل ، نخلطهم وانزل عليهم كوبين طحين مع معلقة بيكنغ باودر و رشة ملح
اخلطهم جيدا واصب الخليط فوق البيكان ، اخبزها نص ساعة على درجة حرارة ١٨٠ .
صحتين والف عافية ❤️
حلا جوز الهند 🥥
كيكة سهلة جدا ويمكن تجميدها بالفريزر لحين الحاجة ..
٤٠٠ جرام بسكويت ( او ٢ باكيت دايجيستيف )
١٥٠ جرام زبدة ( اصبع ونص )
١٠٠ جرام شوكلاته حبيبات ( ثلث كوب )
علبة حليب مكثف محلى
٢٠٠ جرام جوز هند خشن ( ٣ اكواب )
١٠٠ جرام لوز مبشور ( ثلث كوب )
طحنت البسكويت وصبيت عليه الزبدة وخلطته جيدا ، رصيته في الصينية المفروشة بورق الزبدة في وعاء اخر خلطت جوز الهند مع الحليب المكثف وصبيته فوق البسكويت ورشيته بحبيبات الشوكلاتة وشرائح اللوز ودخلتها الفرن على درجة حرارة ١٨٠ لمدة ٢٠ دقيقة وقطعتها بعد ما بردت مربعات صغيرة ..
وصحتين والف عافية 💖
لا تنسونا من لايكاتكم وكومنتاتكم 😅
الكبة 👌
اسهل حلا بعشر دقائق …
باكيتين بسكوت دايجيستيف مطحون ومعلقة فانيليا ونص كوب فستق حلبي ونص كوب بندق و ٣ ملاعق كاكاو و ١٠٠ غرام زبدة ذائبة و نص كوب كريمة الخفق ، عجنتهم سوا ومديتهم على نايلون ولفيتهم رول وقطعتهم وغمستهم بشوكولاتة ذائبة وزينتهم بالفستق وجوز الهند
وصحتين والف عافية ❤️
فاهيتا باللحمة .
لحمة مفرومة قلبتها بشوية زيت ، نزلت عليها بصلة مفرومة وفلفل اخضر حار وفليفلة حمراء وعلبة ذرة مع رشة ملح و رشة فلفل اسود .
استخدمت خبز التورتيلا ، حطيت الحشوة مع كاتشب وبصل اخضر وجبنة موزاريلا وكبستها بالشواية .
صحتين و الف عافية 😍
#طبخ #طبخات #لذيذ
#طبخ #طبخات #لذيذ
مربى السفرجل من اطيب انواع المربى وألذ تحلايه .
قطعت السفرجل شرايح ( ممكن مكعبات صغيره او برش) وحطيته بجاط مي فيه عصرة ليمون عشان ما يتأكسد ويتغير لونه
وحطيت لتر مي في الطنجره ورفعتها عاالنار وضفتلها بذور السفرجل ( البذور لما تغلي بتعطينا ماده اسمها بكتين تعتبر ماده حافظه ما بيخرب المربى ابدا وكمان بتعطي المربى قوام جميل متل الجلي ) وبضيف كم حبه من القرنفل وعود قرفه وتركته يغلي شوي ونزلت السفرجل وتركته يغلي مدة عشر دقائق وبعدين ضفت السكر ( لكل كيلو سفرجل كيلو سكر ) وعصرة ليمون وخففت النار وتركته مدة ساعه ونص ليستوي السفرجل .
انصحكم تجربوه جدااااا لذيييذ وصحتين والف عافيه #طبخ #طبخات #لذيذ
نص كيلو جوز بيكان ، حمصتهم بالقلاية ورفعتهم وبنفس القلاية حطيت ٥٠ غرام زبدة ، نص كوب كريمة ، نص كوب سكر بودرة ، ونزلت عليهم الجوز وتركتهم لمدة ٥ دقائق ، رتبتهم على ورق زبدة لغاية ما بردوا ( بإمكانكم استبدال السكر بالعسل ) انصحكم تجربوها سناك لذيذة وصحتين والف عافية 😘👌🏻 #مطبخ
Videos (show all)
