fadia.kitchen Videos

كل عام وانتو بخير 😂😂❤️❤️

بودينغ التفاح 😋 اول شي حمصت كوب من شرائح اللوز وتركته على جنب ، قطعت التفاح ( ٤ تفاحات ) مكعبات وحطيت عليهم نص معلقة بيكنغ صودا ومعلقة قرفة ومعلقتين سكر الكريمة : حطيت بالطنجرة كوب كريمة سائلة مع كوب حليب مع معلقتين سكر و معلقتين كاسترد ، خلطتهم منيح وغليتهم على النار وتركتهم يبردو شوي مكونات العجينة : ١٥٠ غرام زبدة بحرارة الغرفة + بيضة + معلقة صغيرة فانيليا ونص كوب سكر وكوبين طحين ومعلقة صغيرة بيكنغ باودر .. عجنتهم ومديتهم بالصنية وخزقت العجينة بالشوكة ، حطيت كمية التفاح كلها وصبيت الكريمة فوقها وخبزتها ٤٠ دقيقة على درجة حرارة ١٧٠ وبعدين عالثلاجة ٤ ساعات . صحتين وألف عافية ❤️

مقدوس بأسهل طريقة 👌جبت الباذنجان وسلقته ٤٠ دقيقة وصفّيته وصبيت عليه المي الباردة على طول وفتحت كل حبة بالسكين ورشيت داخلها رشة ملح صخري ، رتبته بالمصفاه وحطيت فوقه صحن وفوق الصحن قطعة رخام ( لازم تحطو اي شي ثقيل عليه عشان يتصفى من كل المي الي فيه ) ، اتركوه يتصفى لمدة ٣ ايام ... الحشوة : جوز مقطع ، كوب من دبس الفليفلة ، معلقة بابريكا حارة ، رشة ملح ، معلقة كبيرة ثوم مهروس … خلطناهم منيح وحشيت الباذنجان واخر شي مسحت الباذنجان من برى ورتبته بالمرتبان وصبيت عليه زيت الزيتون ( فيكم تستخدمو زيت نباتي ) اسبوع واحد وبكون جاهز للاكل 😋صحتين والف عافية 💚

سباغيتي بالخضار وستيك الدجاج 😋🔥تبلت صدور الجاج بالفلفل والبابريكا المدخنة ومعلقة زيت .بالطنجرة حطيت زيت ذرة ونزلت عليها بصل وثوم وفلفل مفروم ناعم ، قلّبتهم ونزلت عليهم فليفلة الوان مع رشة فلفل اسود وضفت عليهم كوب زيتون اسود مقطّع ومعلقة زعتر مجفف وعصير البندورة وتركتهم شوي بعدين ضفت عليهم كوب شوربة الدجاج ومعلقة سكر ورشة ملح وضفت عليهم باكيت سباغيتي ، خففت النار وتركتهم ربع ساعة ، والدجاج حمّرته على الصاج ( بتقدرو تستعملو القلاية ) ، وقدمتهم سوا مع رشة جبنة .صحتين وألف عافية ❤️❤️

ما شاء الله لا قوة الا بالله 💚

أسهل وأطيب طريقة لعمل الزيتون الاخضر 😋 غسلت الزيتون ورصّيته وحطيت عليه الملح الصخري ( لكل كيلو ٣ معالق ملح ) وخلطت الزيتون بالملح كتير منيح ، ضفت قطع الليمون والفلفل حسب الرغبة وعبيته بالقناني او المرتبانات و صبيت عليه عصير الليمون المخلوط بالماء مع شوية كركم اختياريا ، تركت القناني مفتوحة ٤ ايام .. واخر اشي حطيت زيت زيتون على الوجه وسكرت القناني ، اسبوع واحد ويكون جاهز للأكل 💚 ( بتقدرو تحفظوه سنوات وبضل فريش ) . صحتين وألف عافية ❤️

لعشاق القهوة العربية .. حلا القهوة البارد ❤️ أي نوع كيك بتحبوه قطعوه و رصّوه في البايركس وشربوه نص كوب من القهوة العربية ، بطنجرة حطو ٦ حبات جبنة كيري وكيس كريم كاراميل ونص علبة حليب مكثف وعلبة قشطة و الي بقي من القهوة العربية واغليهم عالنار مع الاستمرار بالتحريك ، صبوهم فوق الكيك وزينو بأي نوع شوكلاتة و عالثلاجة ليلة كاملة . صحتين وألف عافية ❤️

محاشي باللحم الضاني 🔥