Bybelverspreiding - Potchefstroom

4 Aug 2018

Bybelverspreiding Potchefstroom is n projek wat geloots is deur die Hervormde Kerk(NHK)-Potchefstroom-Suid Gemeente. Ons versamel ou Bybels wat ons dan weer aan ander mense wat nie het nie uitgee. Baie van ons Christene het meer as een Bybel, wat of stof opgaar op ‘n boekrak of in ‘n laai iewers in die huis gebere is. Daar is baie mense wat nie ‘n Bybel kan bekostig nie. Die prys van ‘n hardeband Bybel by CUM boeke beloop R145.00 https://www.cumbooks.co.za/afrikaans-bibles/afr-1983-new-std-black-hardcover.

Ons het ‘n behoefte raak gesien om Bybels op n ander manier te versprei. Die een wat in jou laai lê wat nie gebruik word nie kan vir iemand meer beteken as net ‘n boek wat stof opgaar.

Ons beoog ook om die 1983 Afrikaanse Bybel wat om en by 1349 bladsye het op 4 Aug 2018 op een dag sonder om enige van die woorde van die oorspronklike Bybel te verander oor te skryf. Ons wil hierdie handgeskrewe eksemplaar bind en stuur na die Bybel museum in Wittenberg Duitsland.

Met hierdie projek beoog ons om geld in te samel om die eksemplaar te bind en te stuur na die museum. Die geld wat uit hierdie projek gegenereer word sal ook gebruik word vir Bybelverspreiding. Ons beoog om 300 Afrikaanse Bybels 1983 vertaling in hardeband aan te koop wat dan in ‘n gemeenskap in die Noord-Kaap versprei gaan word.

 ...