Besnik Jakaj

Kënaqësi të takohesha në Dimal me Kryetarin e Partisë së Lirisë, z.Shkëlqim Tafa, këshilltari ynë bashkiak por edhe specialist i shquar i veterinarisë dhe bujqësisë.
Ndër 5 Prioritetet tona disktuam në veçanti për bujqësinë, që ai e njeh aq mirë dhe me të cilën është aq e lidhur e ardhmja e komunitetit punëdashës të Bashkisë Dimal.
Pagesat direkte për fermerët për çdo prodhim dhe investim janë e vetmja rrugë për rimëkëmbjen e bujqësisë dhe rritjen e mirëqenies së fermerëve. 🖐️🇦🇱✅

Pas një dite plot takime, i lumtur të uroja sot për 24-vjetorin e lindjes, Denisin tonë të Ishmit, modeli i të riut që nuk mposhtet nga vështirësitë e jetës por lufton me optimizëm dhe plot kurajo për një të ardhme më të mirë këtu në Ishmin e mrekullueshëm.
Edhe 💯 vite të reja, plot shëndet, lumturi dhe mbarësi! 💐

Dhjetë zona të mbrojtura janë në listën e qeverisë për t’iu bërë dhuratë klientëve të saj.

📌Falë ligjit "Për zonat e mbrojtura" që u kalua në Kuvend me forcën e kartonit, këto 🔟 zona janë gati për t’u vënë në shërbim të interesave financiare të një grupi njerëzish që ligjin e kanë bërë me porosi.

🔟 projekt-vendime që i hapin rrugën ndërtimit në zonat e mbrojtura janë hedhur për konsultim publik, falë një ligji të miratuar me një urgjencë të pajustifikuar, pikërisht për të fshehur mungesën e analizës dhe hapësirat e lëna për korrupsion.

📌Ky ligj u kufizon këtyre zonave shkallën e mbrojtjes, duke i kthyer në kantiere ndërtimi për të cilat vendos KKRT, një organ politik që drejtohet dhe është në shërbim të kryeministrit Rama.

📌Zonat e listuara për të kënaqur orekset e klientëve të qeverisë janë:
1️⃣Bredhi i Drenovës
2️⃣Rrushkull
3️⃣Bunë Velipojë
4️⃣Pishë-Poro-Nartë
5️⃣Liqeni i Pogradecit
6️⃣Kuturman-Qafë Bush
7️⃣Krastë
8️⃣Guri i Nikës Valamarë
9️⃣Bjeshkët e Orosh*t
🔟BishtKamëz.

📌Ne do t’i bashkohemi çdo zëri kundër tjetërsimit të këtyre zonave gjatë fazës së konsultimit publik të projekt-vendimeve të veçanta. Ato janë produkt i një ligji antikushtetues dhe që nuk i mbron këto zona, të cilin bashkë me organizatat e shoqërisë civile e kemi kundërshtuar që në krye të herës.

📌Vënia në zbatim e këtij ligji, duke anashkaluar thirrjen e BE-së 🇪🇺 për tërheqjen e tij, dhe hapja e rrugës për ndërtime në këto zona duhet të ndalet me çdo kusht.

📌Për të ndaluar zbatimin e këtij ligji edhe në kosultimet me shoqërinë civile dhe opozitën, duhet të çojmë sa më parë ligjin në Gjykatën Kushtetuese.
Ne do ta vazhdojmë betejën ligjore gjithashtu edhe protestën qytetare duke përdorur çdo mjet demokratik për të ndaluar këtë masakër mjedisore me pasoja shumë të mëdha.

Me Profesor Luigj Turmalaj na bashkon jo vetëm Partia e Lirisë, por edhe dashuria për Prevallën.
Jemi të shqetësuar për zjarrin që nuk ndalon dhe po bën dëme kolosale.
Kënaqësi të bisedojmë edhe për 5 Prioritetet tona e sidomos për programin tonë për mbështetjen me pagesa direkte për fermerët që do të ndihmojë edhe ndalimin e shpopullimit të vendit dhe trevave më të bukura të tij. 🖐️🇦🇱✅

Nerim per jete, per vepren e kurajon e poetit madheshtore.

Në 36-vjetorin e kalimit në përjetësi, nderojmë sot poetin martir, Havzi Nela,
simbolin e fjalës së lirë dhe dinjitetit njerëzor, vargjet e të cilit në kohët më të errëta na frymëzojnë vetëm për një zgjedhje: 𝐋𝐈𝐑𝐈𝐍𝐄̈ ! 🇦🇱

Poezia e tij "O Liri, o Vdekje" është sot një kushtrim për çdo shqiptar që i ka vënë vetes një çmim duke humbur gjënë më të shtrenjtë për çdo njeri dhe atdhetar: 𝐋𝐈𝐑𝐈𝐍𝐄̈! 🇦🇱

𝐎 𝐋𝐈𝐑𝐈, 𝐎 𝐕𝐃𝐄𝐊𝐉𝐄!

𝐍𝐠𝐚 𝐇𝐚𝐯𝐳𝐢 𝐍𝐞𝐥𝐚

Nuk them se jam trim, jo as frikacak,
Thellë n’afshet e shpirtit më grafllon guximi;
Vdekja për liri nuk më tremb aspak,
Si e duron robninë zemra e nji trimi?

Pse or pse t’kem frikë, frikë se mos po vdes?!
Oh, çfarë marrie, ndoshta faj për mue!
T’ecësh zvarrë si krimb, t’mos jesh kurrë serbes,
Këtë s’ia fali vetes, kjo më ban me u mendue.

Pse t’më dhimbset jeta, pse u dashka kursye?
Veç me përtypë bukën, me u rropatë si kalë?
Pa nji fjalë ngushllimi, pa nji ditë lumnie,
Unë skllav i bindun, tash, kur s’jam as djalë.

Deri kur durim, deri kur me shpresë?
Jo, jo, mos m’i thoni, këto fjalë nuk i due.
Me durim e shpresë nuk due të vdes.
Si jeta dhe vdekja duhen meritue.

S’meriton asnjenën kur mbetesh gur varri
Ndaj rri e mendohem jetës me i dhanë fund.
Le të kënaqet hasmi, le të qeshë i marri!
Liria më thërret, vdekja nuk më tund.

Arrën, nandor 1987

Të dashur miq,
Në ora 13:40 ju ftoj të gjithëve të më ndiqni live në një konferencë për mediat!

𝐍𝐣𝐞̈ 𝐚𝐧𝐚𝐥𝐢𝐳𝐞̈ 𝐞 𝐬𝐡𝐤𝐞̈𝐥𝐪𝐲𝐞𝐫 𝐪𝐞̈ 𝐝𝐮𝐡𝐞𝐭 𝐭𝐞̈ 𝐥𝐞𝐱𝐨𝐡𝐞𝐭 𝐦𝐢𝐫𝐞̈ 𝐧𝐠𝐚 𝐜̧𝐝𝐨 𝐬𝐡𝐪𝐢𝐩𝐭𝐚𝐫 𝐩𝐚𝐭𝐫𝐢𝐨𝐭 𝐝𝐡𝐞 𝐢 𝐩𝐞̈𝐫𝐠𝐣𝐞𝐠𝐣𝐬𝐡𝐞̈𝐦. 🇦🇱

Po të doni duajeni ose jo! Por dëgjojeni Ilir Metën!

Nga Enver Bytyçi

Presidenti i PL-së, Ilir Meta, në një konferencë për media tha se “Kam një mesazh për grabitësin e Bashkisë së Himarës, për Edi Ramën: - Të gjitha këmbimet dhe shkëmbimet që bën ti, për të fshehur akte të tradhtisë kombëtare dhe për të fituar konsensus për grabitjen e pronave të himariotëve, për pastrim të parave nuk do të funksionojnë”! Po të doni duajeni e po të doni urrejeni Ilir Metën.
Por kjo që tha sot është një e vërtetë e pakontestueshme dhe shumë e hidhur për vendin, për Shqipërinë, për shqiptarët në Ballkan e kudo që ata gjenden. Eshtë një e vërtetë e tmerrshme, të cilën Ilir Meta për shkak të detyrave që ka patur në më shumë se dy mandate të Edi Ramës i njeh mirë.

Për çfarë po flet Ilir Meta? Çfarë di ai dhe cilat janë informacionet, të cilave u referohet ish-presidenti i Republikës së Shqipërisë? Nëse e keni vënë re retorikën e zotit Meta në disa vite, edhe kur ishte president i vendit, kjo retorikë ka si tipar patriotizmin dhe denoncimin e tradhtive kombëtare të kryeministrit të Shqipërisë. Se Edi Rama nuk e ka tradhtuar vetëms në një rast interesin kombëtar të Shqipërisë, Kosovës dhe të shqiptarëve. Fillimisht e tradhtoi këtë interes kur u mor vesh me presidentin e Serbisë, Aleksandër Vuçiq, për ndarjen e Kosovës. Dhe më pas me kulaç e me presion e detyroi ish-presidentin e Kosovës, Hashim Thaçin, t’ia nisë kësaj valleje tradhtie. Më tej, e tradhtoi interesin kombëtar në Kosovë e në Shqipëri, si dhe interesin e qytetarëve të Shqipërisë, sidmos të fermerëve shqiptarë, kur sërishmi me Aleksandër Vuçiq nisi dhe zhvilloi inicativën e Ballkanit të Hapur. Gjithashtu kur Edi Rama vendosi të përçajë, përsëri në interes të Serbisë, skenën politike të Koosovës dhe jo vetëm. Pra, edhe politikën e Shqipërisë, atë të Maqedonisë së Veriut e madje deri politikën shqiptare në Luginën e Preshevës e në Mal të Zi! Nuk la segment politik shqiptar pa kundërvënie të brendshme të sponsorizuar nga Rama dhe Vuçiq!

Por jo vetëm kaq! Kur është fjala për Kosovën tradhtia e kryeministrit të Shqipërisë do të provohet edhe në rastin e përpjekjeve të tij për të minuar vendosjen e rendit kushtetues e ligjor në të gjithë territorin e vendit me qëllim t’i lihet një derë e hapur procesit të nisur prej tij për ndarjen e saj. Megjithatë, Ilir Meta më duket se ka parasysh diçka tjetër, kur flet për tradhtinë e kryeministrit të Shqipërisë, Edi Rama. A ka të bëjë kjo me detin Jon? Unë besoj se kjo është ajo që po paralajmëron presidenti i PL-së në këtë rast. Kjo nuk është vetëm intuitë. Është gjithashtu një lidhje faktesh. Le ta sqarojmë më komkretisht:

Edi Rama ka hartuar një projekt për ndarjen e territorit detar midis Greqisë dhe Shqipërisë, projekt i cili e shtrin të drejtën greke në 12 milje në drejtim të bregut detar të Shqipërisë. Ky projekt u kund;rshtua nga ish-presidenti Meta dhe për pasojë, kryeministri i Shqipërisë vendosi së bashku me atë të Greqisë që t’i drejtohen Gjykatës së Drejtësisë në Hagë për opinion. Të dy këta kanë pranuar që opinioni i Hagës të jetë detyrim për palët. Rama do ta fshehë tradhtinë e tij, kësisoj, duke thënë se “Ishte vendimi i Gjykatës së Drejtësisë ky” dhe kështu Greqia do të përfitonte territor pa fund e padrejtësisht në hapësirën detare shqiptare. Ndonëse ishte Rama ai që e denoncoi në Gjykatën Kushtetuese të Shqipërisë në vitin 2009 marrëveshjen me ndarjen kufitare ne linjën e 6 miljeve midis Greqisë dhe Shqipërisë. Mesa duket ai e ka bërë këtë veprim asokohe, për t’i thënë Greqisë se “Unë ju j*p dyfishin! Vetëm më ndihëmoni të vij në pushtet”!

Por nuk kishte llogaritur faktin se për formulimin e pyetjes në favor të grekëve për Gjykatën e Drejtësisë në Hagë i duhej miratimi i presidentit të Republikës. Ilir Meta e bllokoi këtë marrëveshje të Ramës me Athinën. Por Rama nuk ka hequr dorë. I duhet Athina për ta patur dorën e lirë në pronat e tokat e Bregdetit! Ndryshe qeveria e Athinës nuk kishte pse të toleronte masakrën elektorale të Ramës në Himarë. Së paku do të sillte nja 2-3 mijë emigrantë që të votonin për kandidatin e opozitës! Por jo.

Mesa duket Rama beson se presidenti Bajram Begaj do ta firmosë këtë dokument të dëshirueshëm dhe fatlum për Athinën e kësisoj do ta kurorëzojë tradhtinë e tij kombëtare në bashkëpunim me presidentin. Unë nuk e besoj se presidenti Bajram Begaj do të firmosë një dokument, me të cilin i jepen territore ujore shtetit fqinjë, si trofe për pushtetin e pasuritë e Edi Ramës në Himarë e në të gjithë Shqipërinë! Por jam i sigurt se kryeministri i vendit tim nuk e llogarit kundërshtinë e tij! Ai e sheh presidencën shqiptare nga maja e piramidës së Ramesit! Megjithatë kryeministri Rama, nëse mbetet gjatë në pushtet, do ta shesë copë pas cope gjithë Shipërinë e jo vetëm Kosovën. Gjithnjë për të gjeneruar pasuri e pushtet të sërishëm! Veriun do ua shesë afganëve, iranianëve, afrikanëve që nisen për Itali! Jugun të pasurve të Europës, Amerikës dhe Arabisë!

Për këto arsye besoj se Ilir Meta duhet dëgjuar! Aq më pak duhet neglizhuar! Edhe nga ata që e duan Ilir Metën, edhe nga ata që e duan atdheun, e ndoshta nuk e duan Ilir Metën!

Elio sot 18 vjeç...!
Tani sapo fillon rrugetimi jot ne jete...!
Te uroj shume suksese...!
Shpresoj te jem gjithmone krenare per ty, kjo do ishte shperblimi me i madh per mua dhe mamin ne jete.
Edhe 💯 vite te lumtura shoku im me i mire.

Përjashtimi i qëllimshëm antikushtetues i 6157 qytetarëve të Bashkisë së Himarës nga e drejta e votimit, me preteksin e skadimit të dokumentave të identifikimit është një krim i shëmtuar elektoral i Edi Ramës në funksion të grabitjes së zgjedhjeve.

Shtimi në listat e votimit të qindra qytetarëve nga bashki të tjera, ndryshimi i programuar i qendrave të votimit, ndarja preferenciale për qëllime elektorale të titujve të pronësisë, zbarkimi i të gjithë makinerisë së narkoshtetit në Himarë, me banditë, presione, shantazhe dhe para të pista janë akte mafioze antiligjore që akuzojnë rëndë drejtpërdrejt Edi Ramën dhe SPAK që mbron krimet e tij elektorale.

Duke dënuar me forcë aktet që synojnë të shkatërrojnë standardet e zgjedhjeve të lira e të ndershme në Himarë, u bëj thirrje të gjithë himariotëve të vrapojnë në këto orë të mbetura drejt qendrave të votimit për të mbrojtur Himarën dhe ndëshkuar grabitësit e tokave të tyre.

Rilindja nuk ka bere kurre gar te vertete e te barabarte..
Ajo eshte e bazuar te vjedhja, blerja, manipulimi e tjetersimi i vullnetit te votuesve.

Mohimi i së drejtës kushtetuese të votimit për 6157 qytetarë të Himarës, me pretendimin e dokumentave të identifikimit të skaduara, është pjesë e operacionit mafioz të Edi Ramës për të tjetërsuar me dhunë shtetërore dhe manipuluar me çdo mënyrë vullnetin e himariotëve.

Në kundërshtim flagrant me praktikat e aplikuara në proceset e mëparshme zgjedhore, ku qytetarët me karta identiteti të skaduara janë lejuar të votojnë, me urdhër direkt të Edi Ramës kësaj here është penguar qëllimisht nxjerrja e akteve përkatëse ligjore për të garantuar të drejtën e votës për të gjithë zgjedhësit.

Zbarkimi i të gjithë makinerisë së narkoshtetit në Himarë, presionet dhe shantazhet e faktuara kriminale, përdorimi i parave të pista për blerjen e votave dhe transferimi i paligjshëm i gjendjes civile në Himarë të qindra qytetarëve nga bashki të tjera janë disa nga aktet kriminale të Edi Ramës në funksion të rrëmbimit të Himarës.

Më e rëndë është fakti se pjesë e këtij operacioni mafioz është bërë edhe SPAK që nuk ka bërë asnjë reagim për të ndaluar manipulimin e zgjedhjeve pavarësisht denoncimeve konkrete, përkundrazi i ka hapur rrugën Edi Ramës për të tjetërsuar dhe grabitur votat, siç rrëmbeu një vit më parë, dy ditë para zgjedhjeve, Kryetarin e zgjedhur Fredi Beleri.

Duke nxitur të gjitha institucionet ndërkombëtare që monitorojnë zgjedhjet të reagojnë me forcë, u bëjmë thirrje të gjithë himariotëve patriotë të qëndrojnë trimërisht në mbrojtje të votës, të marrin pjesë masivisht në votime dhe të ndëshkojnë këtë bandë që kërkon t'u rrëmbejë shtëpitë, pronat, detin dhe dinjitetin.

Himara është e himariotëve!