My Therapist

Askush nuk ka nevojë të dëgjojë fjalë të tilla në momente të vështira. Dhimbja e tjetrit është dhimbja më e vogël. Në momente të tilla, gjithkush ka nevojë të ndihet i/e dëgjuar dhe kuptuar.

Nëse shfaqni simptoma somatike, kini parasysh që ato janë të vërteta edhe pse nuk kanë një shpjegim mjekësor. Simptomat somatike janë gjuha që zgjedh trupi për të komunikuar se po vuan. Tregohuni të vëmendshëm të dëgjoni vuajtjet e brendshme nëpërmjet simptomave që përjetoni duke u treguar mbështetës ndaj nevojave psikologjike.

“Tension is who you think you should be. Relaxation is who you are.”
—Chinese proverb
https://youtu.be/UK0Q-HP--Rs

Të përballemi me ankthin - Dr. Skerdi Zahaj Kjo video u realizua në kuadër të projektit “Përgjigje gjithëperfshirëse ndaj Covid-19 për fëmijët me aftësi të kufizuara dhe familjeve të tyre në Shqipëri” ...

A ju ka ndodhur që të përjetoni simptoma të tilla si: dhimbje koke, dhimbje kraharori, dhimbje stomaku apo dhimbje fizike ne pjesë të ndryshme të trupit pa patur ndonjë dëmtim fizik? Apo simptoma të tilla si probleme me frymëmarrjen, ndjesi lodhje dhe mungesë energjie, ndjesi për të vjellë dhe mpirje në zona të caktuara të trupit? A ju ka ndodhur që pasi i keni përjetuar për një kohë të gjatë këto simptoma dhe pasi keni bërë të gjitha ekzaminimet e nevojshme mjekësore nuk ju është konfirmuar asnjë shpjegim mjekësor për këto simptoma?

Simptomat fizike që nuk kanë asnjë shpjegim mjekësor quhen simptoma somatike. Ato shfaqen kryesisht në situata me ngarkesë të lartë emocionale dhe psikologjike.

Një prej parimeve kryesore të funksionimit të mendjes dhe trupit është që organizmi përgjigjet si një i tërë. Kjo do të thotë se gjendje të tilla si sëmundjet, traumat apo konfliktet e brendshme dhe të jashtme, reflektohen në të gjitha dimensionet e qenies njerëzore. Mos harroni se trupi ynë ndjen dhe përjeton çdo emocion dhe simptomat somatike ndodhin për shkak të lidhjes së ngushtë midis trupit dhe mendjes.

“Simptomat somatike janë gjuha që zgjedh trupi për të na thënë se po vuan”
https://youtu.be/acySYdLw9Fk

Çfarë ndodh me trupin tonë kur na mungojnë fjalët për të shprehur emocionet? - Dr. Greta Hysi Kjo video u realizua në kuadër të projektit “Përgjigje gjithëperfshirëse ndaj Covid-19 për fëmijët me aftësi të kufizuara dhe familjeve të tyre në Shqipëri” ...

Në emër të Ditës Botërore të Shëndetit Mendor, është e rëndësishme të shfaqim empati dhe përkujdesje për të gjithë individët që kanë vuajtur dhe vuajnë nga shqetësimet e shëndetit mendor. Janë rreth 55,1 milionë individë në të gjithë botën që vuajnë nga depresioni, ankthi, traumat komplekse dhe varësitë. Mos harroni që ka shumë profesionistë të shëndetit mendorë me të cilët mund të ndani pa frikën e gjykimit eksperiencat dhe shqetësimet tuaja të shëndetit mendor. Është ok të kërkosh ndihmë! Është ok të normalizojmë bisedat për shëndetin mendor!

Nëse përballeni me një humbje është shumë e zakonshme që të ndjeni emocione të forta dhe të përjetoni zinë. Zia është një gjendje e fuqishme psikologjike dhe fizike që vjen si pasojë e humbjes së dikujt ose të diçkaje. Gjatë përjetimit të zisë mund të përjetoni ndjenja shumë të forta trishtimi, hidhërimi dhe pikëllimi që shoqërohen me ndjenja të forta malli ndaj personit që keni humbur. Gjithashtu, mund te ndjeheni të mpirë dhe bosh dhe nuk gjeni më kuptim në asgjë. Në shumë raste mund të ndjeni zemërim ndaj personit që keni humbur pasi ndjeheni të vetmuar dhe të braktisur. Zia shoqërohet edhe me simptoma fizike dhe mund të keni vështirësi për të ngrënë ose për të fjetur si edhe të ndjeni boshllëk ose ngurtësim në zonën e barkut dhe të stomakut. Të gjitha këto ndjenja vijne dhe ikin në formë valësh duke bërë që disa herë t’i përjetoni shumë më fortë dhe disa herë më lehtë Të gjitha këto ndjesi janë pjesë normale e procesit të zisë.

https://m.youtube.com/watch?v=bvDGPY2-tXc&ab_channel=MindMeMindMe

Çfarë është depresioni | What is depression For English scroll down.Çfarë është depresioni? Cilat janë simptomat më të zakonshme të depresionit? Çfarë ndihmon për ta trajtuar atë? Kjo video i dedikohet...

Terapia është një proces eksplorimi i vetes, ngjarjeve jetësore dhe marrëdhënieve, që kërkon kohë. Ndoshta ju nuk mund të shihni asnjë ndryshim në seancat e para, por kjo nuk do të thotë që diçka nuk shkon me ju apo me situatën në të cilën ju ndodheni. Kjo nuk do të thotë që terapia nuk funksionon. Terapia është një proces që kërkon kohën e vetë për të vënë re ndryshimin në jetën e individit. Shërimi i vuajtjeve psikologjike nuk është linear, dhe kërkon një angazhim të madh edhe jashtë terapisë. Jepini kohën që meriton, kuptimi dhe shërimi i vetes.

https://youtu.be/5nDLqN-RPqs

MindMe: Fol për Shëndetin Mendor For English scroll down. Sipas statistikave një personi që vuan nga një problem i shëndetit mendor i duhen deri në dhjete vite për të kërkuar ndihmë. Kjo sep...

Rreth 55,1 milion adultë vuajnë nga shqetësime të shëndetit mendor. Nuk je vetëm! Normalizo bisedat për shqetësimet e shëndetit mendor! Është ok të mos jesh ok! Është ok të kërkosh ndihmë!

Depresioni nuk është një gjendje e përkohshme, është një çrregullim i shëndetit mendor që ka një ndikim të jashtëzakonshëm në cilësinë e jetës së individit që vuan prej tij, sidomos në rastet kur ngelet i patrajtuar. Gjithëkush mund të përjetojë trishtim në situata të caktuara, por depresioni nuk është thjesht të ndihesh i/e trishtuar, edhe pse trishtimi është një nga simptomat më të dukshme të tij. Megjithatë, një individ mund të qeshë e të duket i/e lumtur dhe mund të vuajë nga depresioni. Depresioni mund të prekë këdo, pavarësisht sesa “perfekte” mund të duket jeta e dikujt së jashtmi, depresioni ka të bëjë me mënyrën sesi ndihesh së brendshmi. Një individ që vuan nga depresioni, nuk e zgjedh atë. Nuk është aspak ndihmuese t’i thuash një personi të tillë që “lumturia është zgjedhje” ose “ke çdo gjë të mirë, pse nuk je mirënjohës për gjërat që ke?”. Kjo i shton akoma më shumë ndjenjat e fajit dhe i jep mesazhin që nuk po përpiqet mjaftueshëm, gjë e cila nuk është e vërtetë.

Ataku i panikut është një episod i papritur dhe shumë intensiv ankthi që shoqërohet me simptoma të forta fizike dhe mendore. Në ndryshim nga gjendja e ankthit që krijohet gradualisht, ataku i panikut është i papritur dhe kryesisht nuk është i lidhur me ngacmime të jashtme. Ataket e panikut zgjasin pak minuta por shkaktojnë një gjendje ankthi të konsiderueshëm. Individi përjeton gjatë një ataku paniku ndjesi mbytje, gjendje të fikti, djersitje, marrje mendsh, dridhje dhe rrahje shumë të forta zemre, ndjesi të fortë që do të vdesë në ato momente ose do të çmendet. Ataku i panikut nuk është i rrezikshëm, por përjetimi i tij është shumë i vështirë. Terapia kognitive dhe sjellore është një terapi shumë efektive në trajtimin e atakut të panikut.

Çrregullimet e humorit janë çrregullimet më të përhapura në popullatën klinike, simptomat e të cilave mund të evidentohen edhe në popullatën normale. Humori është një element që ndryshon shpesh, por për të përcaktuar nëse ai është patologjik duhet të plotësohen disa kritere si: a) këto ndryshime të humorit janë të forta dhe zgjasin për një kohë të gjatë b) ato shoqërohen me ndryshime në sferën fizike si oreksi, gjumi, marrëdhëniet seksuale, në sferën afektive si mungesa e interesit dhe kënaqësisë, në sferën sjellore si tërheqje nga jeta sociale c) dëmtojnë aftësitë e personit në përmbushjen e roleve të tij të lidhura me familjen, shkollën, punën etj. d) dëmtojnë perceptimet dhe interpretimet e realitetit.

Një marrëdhënie e shëndetshme midis dy partnerëve nuk është kurrsesi një marrëdhënie që të bën të vuash. Krijimi dhe mbajtja e një marrëdhënie intime është një proces që presupozohet të ndikojë pozitivisht në mirëqënien tënde psikologjike, fizike dhe emocionale dhe jo të të lëndojë apo të të bëjë të vuash. Një marrëdhënie e shëndetshme është një marrëdhënie ku të dy partnerët ndihen të dëgjuar dhe të kuptuar, ndihen të sigurtë me njëri-tjetrin dhe për njeri-tjetrin, respektojnë kufijtë e njëri-tjetrit dhe i zgjidhin konfliktet në mënyrë bashkëpunuese.

Pjesa më e madhe e individëve kanë tendencën t’i shmangin eksperiencat, kujtimet, mendimet apo emocionet e vështira. Kryesisht, ata përdorin mohimin, shtypjen, harresën, shpërqendrimin, abuzimin me alkoolin, mbingarkojnë veten me punë, si strategji shmangie. Të gjitha këto strategji e përforcojnë akoma edhe më shumë këtë cikël i cili reflektohet nëpërmjet simptomave të ankthit, problemeve me gjumin, mungesën e përqendrimit, çrregullimet e humorit etj. Terapia është vendi ku mund të ballafaqoheni me të gjitha eksperiencat, mendimet dhe emocionet e vështira. Fuqia e tyre zbehet, kur ju u jepni zë atyre brenda një mjedisi të sigurtë.

Shumica e individëve që marrin guximin të përballen me veten nëpërmjet terapisë psikologjike, marrin guximin që gjatë këtij procesi të ballafaqohen edhe me histori, ngjarje, kujtime dhe me marrëdhënie delikate në jetën e tyre. Prindërit zënë pjesën më të rëndësishme në narracionin e klientëve në terapi. Modelet e prindërimit kanë një ndikim të jashtëzakonshëm në jetën e secilit prej nesh. Nëse ndjen që vuan nga shqetësime të shëndetit mendor, kujdesu që t’i trajtosh ato përpara se të prindërosh.

Nëse je rritur nga një prind narcizist...

Individi që vuan nga ankthi social ka frikë të dukshme dhe të qendrueshme ndaj disa situatave sociale që i duhet të ekspozohet. Personi ka frikë se do të sillet në mënyrë të tillë që do të turpërohet ose poshtërohet nga të tjerët. Ekspozimi ndaj situatave ose sjelljeve sociale provokon një nivel shumë të lartë ankthi që e shtyn individin t’i shmangë ato. Zakonisht, individët që vuajnë nga ankthi social shmangin edhe aktivitete shumë të zakonshme si të ngrënët në publik, të folurit para një grupi njerëzish apo edhe bisedat e vogla, sepse kanë frikë se të tjerët do të vënë re sikletin e tyre, dridhjet e duarve apo të zërit. Terapia për trajtimin e ankthit social rekomandohet vetëm në ato raste kur shmangia e ngjarjeve sociale bëhet një pengesë serioze në rutinën e përditshme, funksionimin profesional dhe marrëdhëniet ndërpersonale të individit.