Telearuba

Siguientemente Island Finance, Bo por conta cu nos, ta presenta e segmento Mentalidad Efectivo cu Paloma Tromp cu tur e bon tips nan pa haci bo bida mas facil ora ta trata maneho financiero. Adelante Paloma...

Recientemente, a yama dilanti un conferencia di prensa pa informa na e pueblo di Aruba e competencianan cu e hoben di e deporte BMX, esta Tharel Simon, tin plania pa e aña aki. E hobencito talentoso aki ta representando e nomber di Aruba internacionalmente den gran forma, y a gana ya caba un cantidad grandi di trofeo. Den e conferencia di Prensa, Vocero Lionel Croes ta menciona cu pa Tharel Simon logra cu tur e competencia nan aki, ta rekeri apoyo di tur manera, y pa e motibo aki tambe, Glitz Casino, hunto cu Double Down Sports Bar, a uni na e causa aki. Ademas a bautisa e uniform nobo di Tharel Simon pa e siguiente competencianan di BMX.

Ayera den oranan di atardi, riba e veld di RCA a tuma lugar e inicio di Copa Don Elias Mansur. Prome cu e wega a inicia, Directiva di RCA a haci homenahe na cuatro persona cu a yuda e club durante varios anja, Presidente di RCA Jeff Lopez ta elabora riba e persona nan aki y tambe ta duna inicio na Copa Don Elias Mansur

Awe Universidad di Aruba a entrega certificado na tur docente di Universidad di Aruba cu a caba nan training den e "qualificatie onderwijs". Sue ann Lee di Universidad di Aruba a comenta cu esaki ta hopi importante pasobra e ta un paso pa profesionalismo di nos mesun docente, como tambe pa nan sigui desaroya. Sue Ann Lee ta elabora mas…

Ayera riba 4 di juli cu Mericanonan ta festeha e dia di independencia, varios cu ta bish*tando nos isla, a celebra e dia aki den e area hotelero mas tanto. Varios hotel a organisa celebracion rond fdi "4th of July" hunto cu e tradicional vuurwerk for di horizonte. Un hotel riba e strip ta mira esaki for di e punto di bista di sostenibilidad, a prepara pa fascina su huespednan cu un show di
drone extraordinario y unico opera door di Drone Shows Aruba, mirando cu mas y mas show nan di "drone" ta creciendo rond mundo y aki no Aruba no ta un excepcion. Un show excepcional, innovativo y sigur un compromiso cu sostenibilidad. Siguientemente nos camaranan a gara e siguiente imagennan di e show

Den un entrevista cu Rosa Leon, Projectleidster di Stichting Movemiento Ta Bida a elabora cu nan organisacion a join e "Golden Age Expo" cual esaki lo tuma lugar diasabra awor na Alhambra Ballroom, esaki ta un exposicion caminda lo tin diferente organisacion cu diferente informacion pa nos adultonan mayor. E expo aki ta cu e meta pa mehora e bida di un adulto mayor. Rosa Leon di Stichiting Movemiento Ta Bida ta elabora riba kico tur e organisacion lo tin pa ofrece e adultonan mayor na e Golden Age Expo

Diaranson anochi dilanti e oficina di Comite Olimpico Arubano a tene un anochi di informacion y alabes un ceremonia di despedida di e delegacion di Aruba cu dentro di algun siman lo sali pa e Weganan Olimpico Paris, Francia. Na e ocasion aki tabata presente, dos di e seis atletanan cu lo biaha pa Paris, como tambe e miembronan di e directiva di COA, e diferente comisionnan di COA, Minister di Deporte Endy Croes, coachnan, mayornan, e federacion deportivo, invitadonan special y prensa.

Den un entrevista cu Alto Comisario, Ramon Arnhem, a toca e topico di siguridad rond di e areanan di hotel. Tin algun sentimentonan den e comunidad cu porta no tin suficiente polisnan ta cuida e areanan aki. Den pasado por a nota algun problema den e areanan aki, tin biaha asta di hobennan cu ta haci desordo of molestia e turistanan, pero señor Arhnem ta menciona cu tin bon colaboracion entre e Cuerpo Policial hunto cu otro instancia nan di siguridad cu ta traha hunto pa asina mantene e areanan di hotel sigur. Alto Comisario, Ramon Arnhem ta amplia ariba e topico.

Diasabra awor, 6 di juli, lo tuma lugar un simulacro en connecion cu e eleccion di Venezuela dia 28 di juli. Na e simulacro aki, bish*tantenan por ricibi tur informacion necesario pa asina por ta na haltura con ta haci riba e dia di votacion. E grupo di Venezolano responsabel pa e simulacro aki a yama un conferencia di prensa y a comparti e siguiente informacionnan, y tambe extende nan palabra di invitacion.

Awe ta un dia historico pa Minister di Naturalesa, Ursell Arends. A inaugura e entidad nobo, "Aruba Wastewater Sustainable Solution cu lo ta encarga cu e tres plantanan di "Rioolwater Verzuiverings Installatie", esta e RWZI. Durante e evento aki "stakeholders" a cera conoci cu e team cu lo maneha tur loke ta trata RWZI na Aruba incluyendo e "incenirator".

24 graduado di EduCampus a ricibi nan diploma den un estilo unico den Parke Arikok. Un momento hopi special pa e alumnonan cu a gradua, como tambe pa mayornan. Na e ocasion aki, Minister di Ensenansa Endy Croes a dirigi algun palabra na e graduadonan

Horcan Beryl a pasa riba Cayman Islands lagando basta daño atras y ta keda un horcan categoria 4. Desde su inicio pa awo, por lo menos 16 persona a perde nan bida na Jamaica, Venezuela, Grenada y St Vincent

Nos colega di CNN Rafael Romo ta trece un bista di e pasada di Horcan Beryl riba Jamaica categoria 4

Diamars 2 di juli, a tuma lugar un bunita ceremonia pa e celebracion di 30 aniversario di Paradise Beach Villas. Paradise Beach Villas ta un hotel hopi conoci pa su caracteristicanan intimo cu ta enfoke especialmente ariba famia y cu ta situa hopi serca di nos famoso Eagle Beach. Na e ocasion aki, trahadonan cu ta forma parti di e famia di Paradise Beach Villas, a presenta y asina celebra e bunita aniversario, sin lubida e reconocimento cu a tuma lugar pa Esther Lacle, den departamento di accountin, cu a cumpli 30 aña trahando cu e compania. A conta cu presencia di Minister Ursell Arends, como tambe Minister Dangui Oduber, pa asina celebra hunto e 30 aniversario di Paradise Beach Villas Paradise Beach Villas Aruba

Recientemente a tuma lugar e graduacion di studiantenan di Scol Practico di Ofishi, Brazil. Un total di 26 alumno a ricibi nan diploma, den compania di famia, amistad, y docentenan. Tambe na e occasion a conta cu presencia di Minister di Enseñansa, Endy Croes cu a comparti palabra dedica na e alumnonan. Siguientemente, e graduacion di e alumnonan di Scol Practico di Ofishi, Brazil.

Den fin di siman a tuma lugar e Feria Nacional 2024, caminda por a aprecia competencianan di cabay como competencia di Equitacion. Un evento cu sigur ta atrae un publico grandi y atletanan cu ta destaca den varios disciplina

Scol Practico di Ofishi Santa Cruz tambe a haña nan turno pa celebra e alumnonan cu a gradua. Diadomingo tras di lomba, Renaisance convention center tabata yena cu bish*tatante pa e ceremonia y entrega di diploma na tur e alumnonan cu a logra termina nan 3 aña di estudio na SPO. A conta cu presencia di Minister Endy Croes cu a felicita tur e graduadonan pa e dedicacion den e ultimo añanan. Tambe Miembronan di directiva di SPO a comparti algun palabra ariba e resultado pa cu e aña escolar.

Recientemente Baranca Toastmaster club a celebra e cierre di nan anja di programa educacional. Michelle Brooks di Baranca Toastmaster Club a comenta cu nan ta orguyoso di forma parti di e Caribbean Toastmasters como tambe celebra e logronan di tur e miembronan individual como tmabe di club. Ademas e la agrega cu tin espacio pa mas miemrbo cu lo kier join e club. Michele Brooks ta elabora mas…

Recientemente, e club di gymnasia, Perla Gymnastics Aruba a haci un iniciativa en conhunto cu Martijn Trading, na unda e club lo traha directamente cu e marca Libresse. Pa 2 a ña largo, Perla Gymnastics lo conta cu apoyo di Libresse, y ricibi productonan tur luna pa asina e atletanan femenino praticando e deporte por haña. President di e club, Miguel Ortiz, como tambe Rhytmic Gymnastic Coach, Adriana Sevilla ta elabora ariba e iniciativa aki.

Personanan cu ta activo y ta haci ehercisio durante e temporada aki di calor ta core un riesgo grandi di sufri di un malesa relaciona cu calor. Expertonan ta conseha cu si por haci ehercicio pafo, pero mester haci esaki cuidadosamente. Den nos segmento di salud Fabiola Angela Hernandez ta comparti algun conseho con pa mantene bo mes safe mientras cu bo haci ehercisio den e temporada aki di calor.

Despues cu Horcan Beryl a pasa door di varios isla den e parti Oost di Caribe, awor e horcan ta pasando riba Jamaica cu tur e furia di un categoria 4. Nos colega di CNN Laura Aquirre tin e ultimo detayenan di Horcan Beryl

Den un conferencia di prensa di Vibration PR and Media, a elabora cu diasabra awor lo tin un expo esta yama 'Golden Expo'. Esaki ta un exposicion pero tambe lo tin workshopnan pa nos adultonan mayor. Den colaboracion entre Ministerio di Asuntonan di Adulto Mayor, Smart System, BOLD Properties y FCCA, lo brinda diferente informacion pa nos adultonan mayor pa asina mehora nan calidad di bida y tambe eleva nan seguridad. Minister Ursell Arends

Aruba International Regatta tabata dos dia di evento den e fin di siman cu a pasa. Rik van den Vaart cu ta e motor tras di e evento aki ta duna di conoce cu a pasa dos dia fuerte di competencia riba lama di surfside unda cu tabatin 14 clase di belador di botonan miniatura te na yate. Segun Rik van den Vaart por bisa cu tabatin mas cu 85 belador riba lama den e dos dianan den fin di siman cu a pasa. Tambe tabatin un mucha di apenas 10 aña cu a bin hunto cu mayornan for di Florida pa participa na "Aruba International Regatta".