Directie Volksgezondheid DVG ARUBA

Pa cuanto aña ta realisando e programa di Vacunacion Escolar?
Pa mas cu 50 aña, Vacunacion Escolar ta forma parti di e Programa Nacional di Vacunacion!

Directie Volksgezondheid DVG ARUBA The Department of Public Health is responsible for the general administration of public health in Ar

RECORDATORIO 📣📣📣…..pa inscribi pa e programa di 12 siman di actividad fisico pa persona cu diabetes tipo 2!!! Nos tin lugar habri pa 6 persona ainda. No laga e oportunidad aki pasa. Diasabra awor 7 di September nos ta cuminsa pa 7:30 am. Un team specialisa y cu experiencia lo guia tur participante. Lesa e flyer pa mas informacion. E suma di registracion ta un inversion y compromiso pa bo mes! 👍. Si tin pregunta tuma contacto libremente.

Cada 4 di september ta conmemora e 𝐃𝐢𝐚 𝐌𝐮𝐧𝐝𝐢𝐚𝐥 𝐝𝐢 𝐒𝐚𝐥𝐮𝐝 𝐒𝐞𝐱𝐮𝐚𝐥, un fecha cu ta destaca e importancia di promove e bienestar sexual y e consciencia tocante e consecuencianan di s**o iresponsabel na Aruba.

Esaki ta un oportunidad pa refleha ariba salud sexual y e importancia di e respeto mutuo den tur encuentro sexual.

Semper corda cuida bo mes y cuida otro!

Dicon e Campaña di Vacunacion Escolar ta asina importante?
Vacunacion ta reduci casonan di malesanan infeccioso y asina mehora nos calidad di bida!

Directie Volksgezondheid DVG ARUBA The Department of Public Health is responsible for the general administration of public health in Ar

“Den un estado berdaderamente liber, e pensamento y e palabra mester ta liber.” Suetonio

Feliz Dia di Prensa na tur nos Periodistanan na Aruba!

Na caminda pa EXPO Promove Salud y Bienestar 2024, abo ta cla p'e?

E aña aki nos EXPO su tema ta: 𝗕𝗮𝗻 𝗽𝗮𝗽𝗶𝗮 𝗱𝗶 𝗼𝗯𝗲𝘀𝗶𝗱𝗮𝗱!

No duda den pasa, dia 13 di october y bin bish*ta mas di 30 diferente organisacion cu lo ta presente!

Campaña di Vacunacion Escolar lo cuminsa pronto!

Muchanan cu falta vacuna segun skema di Vacunacion Nacional lo ricibi un carta pa mayor duna autorisacion.

Ta trata aki di vacunanan regular contra Difteria, Tetanus, Polio, Sarampi, Sarampi Aleman, Hepatitis B, Cacheton y Cancer na Boca di Matriz pa mucha muhe den 6de klas.

Keda pendiente pa mas informacion Valioso!

Directie Volksgezondheid DVG ARUBA The Department of Public Health is responsible for the general administration of public health in Ar

𝐉𝐞𝐮𝐠𝐝𝐠𝐞𝐳𝐨𝐧𝐝𝐡𝐞𝐢𝐝𝐬𝐳𝐨𝐫𝐠 𝐭𝐚 𝐨𝐫𝐠𝐮𝐲𝐨𝐬𝐨 𝐝𝐢 𝐢𝐧𝐭𝐫𝐨𝐝𝐮𝐜𝐢 𝐒𝐮𝐩𝐞𝐫 𝐏𝐫𝐢𝐤𝐢!

Ta mas cu 20 aña pasa cu seccion JGZ di Departamento di Salud Publico a crea e personahe "Priki".

Priki a wordo crea pa trece na un forma amistoso, informacion importante tocante vacunacion na mayor y muchanan.

Priki a bira hopi famoso pa e frase: "Y e ta haci dolor? Un tiki sooo!”

Cu transcurso di aña, Priki a cuminsa bira bieu y ta necesario pa den e tempo moderno aki hasta Priki tambe modernisa su mes.

Esaki ta e motibo cu JGZ cu orguyo, den e Campaña di Vacunacion Escolar 2024-2025, ta introduci nos personahe Priki modernisa den Super Priki.

Nos ta spera cu nos mucha y mayornan por sigui disfruta di e personahe, awo Super Priki, pa hopi aña mas. Bo amigo cu ta proteha bo contra malesa infeccioso!

Directie Volksgezondheid DVG ARUBA The Department of Public Health is responsible for the general administration of public health in Ar

𝐉𝐞𝐮𝐠𝐝𝐠𝐞𝐳𝐨𝐧𝐝𝐡𝐞𝐢𝐝𝐬𝐳𝐨𝐫𝐠 𝐚 𝐝𝐮𝐧𝐚 𝐩𝐫𝐞𝐬𝐞𝐧𝐭𝐚𝐜𝐢𝐨𝐧 𝐧𝐚 𝐀𝐙𝐕 𝐫𝐞𝐟𝐞𝐫𝐞𝐧𝐭𝐞 𝐄𝐥𝐞𝐤𝐫𝐨𝐧𝐢𝐬𝐜𝐡 𝐊𝐢𝐧𝐝 𝐃𝐨𝐬𝐬𝐢𝐞𝐫 (𝐄𝐊𝐃)

Recientemente Jeugdgezondheidszorg (JGZ), seccion di Directie Volksgezondheid (DVG) a duna na directiva di AZV un presentacion referente e trabounan di JGZ y e sistema di registracion “Elektronisch Kinddossier” (EKD) cu actualmente ta den desaroyo y pronto lo bira operacional.

E meta di e presentacion tabata pa AZV como un stakeholders crucial, haya e informacion necesario pa den futuro e instancianan por colabora cu otro.

Sra drs. Janice Essers-Hooft, hefe suplente y dokter di JGZ, acompaña pa coleganan di JGZ y seccion Beleid di DVG, a elabora ariba e maneho y tareanan legal di JGZ.

E meta principal di JGZ ta pa promove, protega y salvaguardia e salud y bienestar di tur mucha y hobennan aki nan Aruba, desde nacimento te cu nan adolescencia (0-25 aña). Un di e tareanan importante ta pa examina y monitoria e grupo di meta.

E introduccion di e sistema EKD na JGZ lo yuda no solamente pa saca data relevante di e salud y bienestar di e grupo di meta, pero tambe lo genera data di e cuido indica pa e muchanan/hobennan cu mester di dje. Adicionalmente Wit Gele Kruis lo haci uzo di e EKD (muchanan 0-4 aña), den estrecho colaboracion cu JGZ.

Durante e presentacion a toca e tematica di con dato for di EKD riba termino cortico of largo plaso por duna un bista di e desaroyonan of “trends” den e sorto di cuido pa e muchanan/hobennan. Algun ehempelnan ta, ariba e area medico, e sorto di cuidonan cu ta wordo cubri of no y e parti di lista di espera pa haya e cuido indica y adecua.

Esaki lo stimula e colaboracion entre JGZ y AZV pa por intercambia tocante maneho y gastonan di cuido pa e grupo di mucha/hoben di (0-25 ana).

En general, e idea ta pa conhuntamente inventarisa e muchanan/hobenan cu ta segura cu AZV of no y atende cu esaki apropadiamente den e diferente areanan di cuido manera, medico curativo, paliativo, rehabilitacion y crucialmente den e area preventivo.

E tabata un presentacion hopi agradabel y informativo. JGZ lo sigui mantene nan trabounan pa promove, proteha y interveni trempan pa e salud y bienestar di tur mucha y hoben na Aruba den colaboracion cu stakeholders.

Na final JGZ y AZV a palabra cu lo tin mas encuentro pa atende e puntonan di atencion.

Pa mas informacion:
✅Like nos page Directie Volksgezondheid DVG Aruba
✅Follow nos riba Instagram directie_volksgezondheid_aruba
✅Subi nos website www.dvg.aw
✅Yama nos na 5224200
✅Mail nos na [email protected]

𝐌𝐩𝐨𝐱 𝐝𝐞𝐜𝐥𝐚𝐫𝐚 𝐮𝐧 𝐞𝐬𝐭𝐚𝐝𝐨 𝐝𝐢 𝐞𝐦𝐞𝐫𝐠𝐞𝐧𝐜𝐢𝐚 𝐩𝐚 𝐬𝐚𝐥𝐮𝐝 𝐩𝐮𝐛𝐥𝐢𝐜𝐨 𝐜𝐮 𝐩𝐫𝐞𝐨𝐜𝐮𝐩𝐚𝐜𝐢𝐨𝐧 𝐢𝐧𝐭𝐞𝐫𝐧𝐚𝐜𝐢𝐨𝐧𝐚𝐥

Ayera diaranson 14 di augustus e Organisacion di Salud Internacional (World Health Organization - WHO) a bati alarma y declara pa di dos biaha e malesa Mpox (monkeypox) un Estado di Emergencia pa Salud Publico cu mester di Preocupacion Internacional.

Tawata na luna di mei 2022 cu WHO a bati alama caba pa motibo cu casonan tawata keda raporta na WHO for di paisnan no endemico pa e virus.

Awe na 2024 e situacion actual di Mpox no ta diferente, e virus di Mpox ta plamando su mes rapidamente Oost di Republica di Congo y den diferente otro paisnan bisiña.

Notando e rapides cu e virus ta plamando WHO ta precupa cu e virus por sigui plama mas leu cu unicamente Africa y por plama pa otro continentenan tambe.

Despues cu ayera WHO a declara un estado di emergencia pa cu salud publico, awe caba Zweden ta raporta su prome caso importa.

Departamento di Salud Publico di Aruba lo sigui monitor di cerca e desaroyo rond di e virus di Mpox y lo sigui informa comunidad debidamente di esaki.

𝐒𝐢𝐧𝐭𝐨𝐦𝐚:
Mpox ta wordo categorisa como un virus cu ta causa sintoma leve.
Pa e grupo di riesgo, cu ta mucha, hende muhe na estado of persona cu sistema inmunologico comprimi, e virus por ta peligroso te hasta mortal.
Sintomanan ta cuminsa cu keintura, dolor di cabes, kliernan hincha y dolor di curpa.
Entre 1 te cu 3 dia despues di e keintura, ta aparece un rash cu den mayoria di e
casonan ta afecta cara, mannan y pianan.
E rash na su turno ta transforma den blaar cu pus aden.
Mpox por wordo confundi cu otro malesanan manera Smallpox, Bruela, of Impetigo, pa cual motibo ta importante pa un persona cu e sintomanan aki tuma contacto cu nan dokter di cas pa testnan necesario wordo haci y asina wordo corectamente diagnostica.

𝐂𝐨𝐧𝐭𝐚𝐠𝐢𝐨:
Contagio cu Mpox den paisnan no endemico, ta sosode di hende pa hende pa
medio di contacto directo (close contact) cu un persona infecta.
Esaki por sosode atravez di particulanan (droplets) di e persona infecta, ora di tosa of nister.
Tambe bo por keda infecta door di tin contacto cu e likido procedente di e blarnan presente cerca e persona infecta (skin to skin of paña contamina).

𝐓𝐫𝐚𝐭𝐚𝐦𝐞𝐧𝐭𝐨 𝐲 𝐯𝐚𝐜𝐮𝐧𝐚:
Pa e virus specifico di Mpox no tin vacuna disponibel. E vacuna contra e virus di
smallpox por brinda cierto grado di proteccion, pero mundialmente tin scarsedad di e vacuna aki, p’esey prevencion ta importante.
Tampoco tin tratamento disponibel, unicamente tratamento di sintoma cu ta desaparece dentro di 2 pa maximo 3 siman.

𝐌𝐞𝐝𝐢𝐝𝐚𝐧𝐚𝐧 𝐝𝐢 𝐡𝐢𝐠𝐢𝐞𝐧𝐚:
Evita contacto cu hende cu ta sinti malo y laba man regularmente.
Na momento cu bo a wordo diagnostica cu Monkeypox, bo lo wordo pidi pa bay den den isolasion te na momento cu no tin ningun casca mas procedente di e blarnan visibel riba e curpa.

Pa mas informacion:
✅Like nos page Directie Volksgezondheid DVG Aruba
✅Follow nos riba Instagram directie_volksgezondheid_aruba
✅Subi nos website www.dvg.aw
✅Yama nos na 5224200
✅Mail nos na [email protected]

Informacion Meteo Aruba:

Nos ta den e temporada di aña cu lo bay sinti mas calor cu normal. Esaki ta e lunanan di Augustus, September y October.
Combinacion di temperatura halto y porcentahenan halto di humedad, ademas di un biento menos fuerte cu normal lo pone cu por sinti malestar.

Temperaturanan maximo di e sigiuente lunanan lo por oscila entre 34°c y 36°c.
Un porcentahe di humedad rond di 85% te cu 90% of mas lo contribui na un indice di calor (temperatura aparente) di 43°c te cu 46°c cada dia.

Den e dia nan aki tambe ta bin acerca e presencia di un ciclon tropical cerca di noordoost di Caribe (Ernesto), cu lo haci e calor mas remarcabel.
Esaki mientras e ta aleha su mes di area di Caribe durante e proximo dianan.

Calor excesivo ta e asesino nr. 1 di tur tempo y tur hende mester ta prepara pa e peliger cu calor excesivo ta ocasiona.

- Mucha chikito, hende grandi y hende cu problema di curason ta esnan mas exponi. - Limita actividad pafo di cas pa oranan trempan di mainta of ora solo baha.
- Si bo tin un airco, uz’e of habri bentananan pa laga aire pasa y circula.
- No lubida di bebe hopi awa.

¡Uni den e celebracion di e poder cu hubentud tin y e poder di innovacion digital ariba e dia special aki!

Awe ta wordo observa e 𝐃𝐢𝐚 𝐈𝐧𝐭𝐞𝐫𝐧𝐚𝐜𝐢𝐨𝐧𝐚𝐥 𝐝𝐢 𝐇𝐮𝐛𝐞𝐧𝐭𝐮𝐝 𝟐𝟎𝟐𝟒.
Descubri con e mentenan hoben ta probechando tecnologia pa crea solucionnan sostenibel pa enfrenta e desafionan mas grandi di nos mundo.

E tema di Dia Internacional di Hubentud 2024 (augustus 12) ta "For di un ‘click” pa progreso: camindanan digital di e hobennan pa logra un desaroyo sostenibel".
E tema aki ta resalta e conexion importante entre digitalizacion y e aceleracion di e progreso di e ‘Sustainable Development Goals’ (SDGs) haciendo enfasis den e contribucion importante di nos hobennan den e proceso transformador aki.

Na Aruba, ban enfoca den e transformacion digital y pone esaki disponibel pa nos hobennan, pa asina logra un efecto cu ta multiplica tur esfuerso haci y logra e desaroyo desea.

Duna lech'i pecho no solamente ta e acto di cria e baby durante su prome luna/añanan di bida, esaki ta un acto di entrega y cariño, caminda e laso entre mama cu yiu ta bira uno mas fuerte. Esaki ta aporta pa nan dos benefishinan grandi y importante cu un experiencia manera esun aki so por duna.

𝐃𝐮𝐧𝐚𝐦𝐞𝐧𝐭𝐨 𝐝𝐢 𝐥𝐞𝐜𝐡’𝐢 𝐩𝐞𝐜𝐡𝐨 𝐭𝐚 𝐩𝐮𝐫𝐨 𝐚𝐦𝐨𝐫 𝐜𝐨𝐧𝐯𝐞𝐫𝐭𝐢 𝐝𝐞𝐧 𝐚𝐥𝐢𝐦𝐞𝐧𝐭𝐨❤️

Danki na tur e mamanan cu ta scoge pa alimenta nan yiunan cu lech'i pecho!

E siman aki DVG ta enfoca ariba e importancia di duna sosten na mama, famia y proefesionalnan cu ta apoya e causa bunita y valioso aki di duna lech'i pecho.
Pa logra un bon sosten na e mama, nos mester tene na cuenta:

➡️ Aporte y bon comunicacion cu dokter di cas, partera y ginecocologo por yuda mamanan ricibi e miho servicio y cuido durante nan embaraso.

➡️ Educacion y workshop durante e embaraso por duna nos mamanan y nan pareha hopi informacion cu lo haci e proceso di bonbini nan chikitin uno mas facil.

➡️Mamanan cu no por duna lechi materno of tin complicacion por semper acudi na nos profesionalnan di Wit Gele Kruis of Fundacion Pro Lechi Mama Aruba.

➡️ Nutricion y hidratacion di mama durante cu e ta duna pecho ta hopi importante pa e produccion di lechi materno.

➡️ Lechi materno ta yuda nos chikitinan crece saludabel y ta minimalisa risico pa malesanan.

Departamento di Salud Publico ta informa cu nos ta sigui ricibi registro di casonan di COVID y nos ta wak casonan cu ta keda wordo admiti na hospital relaciona cu COVID.

Esaki ta e motibo cu DVG ta sigui mustra comunidad riba e importancia di laba man frecuentemente, pa minimalisa e chens di haya COVID.

Ta importante tambe pa evita di mishi cu wowo, nanishi y boca cu man, tumando na cuenta cu esaki ta e canalnan unda e virus ta drenta nos curpa.

Un yamado ta wordo haci na e grupo di risico pa ta alerta y evita contacto cu hende malo, como tambe evita area of localidad unda tin hopi hende.

𝐃𝐮𝐧𝐚 𝐬𝐨𝐬𝐭𝐞𝐧 𝐧𝐚 𝐋𝐞𝐜𝐡𝐢 𝐦𝐚𝐭𝐞𝐫𝐧𝐨!

Departmento di Salud Publico hunto cu organisacionnan cu ta traha den area di salud muy specialmente JGZ, parteranan, Wit Gele Kruis y Fundacion Pro Lechi Mama, durante e prome siman di 1 te cu 7 di augustus ta celebra ‘𝐃𝐢𝐚 𝐌𝐮𝐧𝐝𝐢𝐚𝐥 𝐝𝐢 𝐋𝐞𝐜𝐡𝐢 𝐌𝐚𝐭𝐞𝐫𝐧𝐨’.

E causa aki ta ricibi sosten di WHO, UNICEF y Ministerio di Salud.

E tema di e aña aki ta "Hunto nos por: Ban apoya dunamento di lechi materno den tur situacion".

Hunto nos por duna sosten na tur e mamanan cu ta duna lechi materno y tambe na e mamanan cu ta pidi asistencia den duna nan yiu e miho nutricion den su prome etapa di bida.

Mirando desaroyo di un posibel Tormenta Tropical den nos region, aki nos ta comparti cu bo nos Tip #8.

Keda bon informa!

Apesar cu e virus di COVID ta wordo categorisa como un virus mas riba e lista largo di malesanan respiratorio infeccioso. Na momento cu tin aumento den caso den nos comunidad, instancianan manera dokternan di cas, SVB, hospital y demas instancianan di cuido ta sinti su efecto mesora bou di nos comunidad y pa medio di ‘opnames’.

Den e ultimo 5 simanan cu a pasa, DVG a bin ta tuma nota cu tin aumento den casonan confirma di COVID pa medio di nos sistema di vigilancia. Un di cada tres persona cu test ta sali positivo pa COVID. For di luna di mei te cu juli 2024 hospital a resigistra un total di 27 persona cu a wordo interna debi na e virus di COVID, di cual 3 ta personanan riba 75 aña cu a keda interna den ICU.

COVID ta keda un virus di precupacion pa e grupo di personanan mas vulnerabel den nos comunidad cu ta:
➡ Ciudadano riba 60 aña
➡ Mucha bou 2 aña
➡ Hende muhe na estado
➡ Ciudadano cu ta sufri di malesanan cronico of cu tin un sistema inmunologico d***l.

Na e grupo di personanan aki DVG ta conseha pa nan evita contacto cu personanan malo y evita espacionan unda tin hopi persona. Laba man frecuentemente, evita mishi cu wowo, boca y nanishi cu bo man no laba y semper laba man prome cu come.

Sintomanan di COVID ta parecido na demas virusnan respiratorio cu ta encera:
➡ Dolor di garganta
➡ Keintura
➡ Verkoud of nanishi ta core
➡ Tos
➡ Curpa kibra of cansa

Esun cu tin sintoma di COVID ta wordo suplica pa tuma contacto cu nan dokter di cas trempan pa esaki por monitor y guia bo den e proceso di recuperacion.
Preferiblemente keda paden y evita contacto cu demas persona. No warda te ora cu bo ta sinti hopi malo pa bay pidi asistencia medico na EHBO. Cu asistencia di dokter di cas trempan por evita cu mester wordo interna den hospital.

Pa mas informacion:
✅Like nos page Directie Volksgezondheid DVG Aruba
✅Follow nos riba Instagram directie_volksgezondheid_aruba
✅Subi nos website www.dvg.aw
✅Yama nos na 5224200
✅Mail nos na [email protected]

𝐒𝐚𝐥𝐮𝐝 𝐝𝐢 𝐁𝐢𝐚𝐡𝐞𝐫𝐨

Temporada di vakantie grandi a yega y hopi hende tin nan vakantie planea. Sea ta un vakantie recreativo, exotico of pa rason medico.

Na momento di bish*ta cualkier pais, ta hopi importante pa abo como biahero informa bo mes riba diferente aspecto di e pais cu bo ta bay bish*ta, manera e pais su clima, haltura, aspecto di higiena, calidad di su awa, e malesanan cu tin den e pais y con pa proteha bo mes di esakinan.

Biahero hopi biaha ta confronta problema di salud despues di a come alimento contamina durante su vakantie. Esaki por conduci na sacamento, diarea, dolor di stoma y keintura.
Pa e motibo aki Departamento di Salud Publico ta conseha pa na momento di come pa laba man bon prome, come cuminda cu ta
recien cushina y no cu a para pa basta rato, bebe awa di boter, laba fruta cu awa di boter of come preferibel frutanan cu bo mes mester casca.

Un otro peliger pa e biahero ta e insecto cu ta transmiti malesa. Tin diferente insecto cu ta carga virus of bacteria cu por haci hende malo. Pa evita di keda infecta cu malesa manera Dengue, Chikungunya, Zika of otro, DVG ta conseha pa bisti carson largo, blusa of camisa manga largo y hunta repelente contra insecto.

Planea bo vakantie 1 of 2 luna adelanta.
Si bo ta sufri di un malesa cronico consulta cu bo dokter prome cu bo biaha y si bo ta uza remedi bay cu extra.
Averigua si e pais cu bo ta bay ta exigi pa bo tuma cierto vacuna.
Y pa siguridad di bo mes y bo famia no lubida di cera un seguro di biahe.

Vakantie semper ta dushi y pa mantene asina nos mester tuma medidanan di precausion.

Pa mas informacion por tuma contacto cu Seccion di Malesanan Contagioso na Departamento di Salud Publico.

Pasa un dushi vakantie!

𝐏𝐫𝐞𝐩𝐚𝐫𝐚𝐜𝐢𝐨𝐧 𝐩𝐚 𝐭𝐞𝐦𝐩𝐨𝐫𝐚𝐝𝐚 𝐝𝐢 𝐡𝐨𝐫𝐜𝐚𝐧 𝐓𝐈𝐏 𝟕

𝑷𝒓𝒐𝒕𝒆𝒉𝒂 𝒃𝒐 𝒎𝒂𝒔𝒄𝒐𝒕𝒂 𝒅𝒖𝒓𝒂𝒏𝒕𝒆 𝒉𝒐𝒓𝒄𝒂𝒏, 𝒑𝒂𝒔𝒐𝒃𝒓𝒂 𝒏𝒂𝒏 𝒕𝒂𝒎𝒃𝒆 𝒕𝒂 𝒇𝒐𝒓𝒎𝒂 𝒑𝒂𝒓𝒕𝒊 𝒅𝒊 𝒃𝒐 𝒇𝒂𝒎𝒊𝒂!

Durante temporada di horcan ta hopi importante pa prepara un plan di emergencia pa famia, pero tambe pa e mascotanan di cas.

Aki tin algun tip con pa prepara bo mes pa bo mascotanan ta proteha den e temporada aki:
☑Prepara un espacio cu ta duna proteccion contra awa y biento fuerte. Si e mascota por ta paden cerca di famia, ta miho. Esaki lo yuda mantene e mascota trankilo.
☑Percura pa e espacio ta confortabel cu ta contene awa, cuminda y e obhetonan preferi di bo mascota.
☑Zorg pa tin suficiente cuminda y awa pa e mascota, minimo durante 7 dia.
☑Acumula materialnan necesario pa mantene higiena di bo mascota durante e dia/oranan cu e ta den cas. Materialnan manera papel di corant, s**o di sushi y pads pa vloer, entre otro.
☑Si durante of despues di horcan bo famia mester evacua, hiba bo mascota cu bo, no lag’e atras.

Like nos page pa keda bon informa!

𝐏𝐫𝐞𝐩𝐚𝐫𝐚𝐜𝐢𝐨𝐧 𝐩𝐚 𝐭𝐞𝐦𝐩𝐨𝐫𝐚𝐝𝐚 𝐝𝐢 𝐡𝐨𝐫𝐜𝐚𝐧 𝐓𝐈𝐏 𝟔

Dianan cu ta sigui despues di horcan:
Despues di pasada di un horcan, e proceso di restauracion ta cuminsa. Restauracion di no unicamente locual ta material, pero tambe restauracion emocional. Pa hopi persona, experencia un horcan por ta un acontecimento traumatico of tristo, pa cual motibo ta importante pa scucha otro y brinda un schouder pa yora y desahoga, ora ta necesario.

Pa locual ta restauracion di propiedad y vivienda, sea cuidadoso na momento di haci limpiesa paden y pafo di cas. Deshaci di tur alimento cu por ta un peliger pa salud di bo mes y bo famia, manera cuminda cu a muha cu awa di yobida of cu a ‘defrost’.

Tambe kita for di den caminda materialnan kibra y peligroso manera glas, palo y mas.
E dianan despues di pasada di un horcan, por ta dianan dificil yena di angustia y insiguridad. E miho conseho ta pa busca refugio, consuelo y sosten cerca famianan cercano.

Pa mas informacion y keda bon informa riba horcan, LIKE y FOLLOW Departamento di Salud Publico y Bureau Rampen Bestrijding Aruba.

Informacion tocante e proceso di screening medico pa solicitante di permiso di DIMAS Aruba

Pa stranhero (imigrante) cu a solicita pa un permiso di estadia na Aruba y a haya un ‘Voorlopige Toelating Aruba’ (VTA) for di DIMAS, mester presenta cerca un dokter aproba pa Directie Volksgezondheid (DVG) pa un screening medico obligatorio. Na e momentonan aki e screening aki ta wordo ehecuta unicamente pa e dokternan di Medwork. Na momento cu mas dokter keda aproba pa DVG, nos lo menciona esakinan y esaki lo wordo updated riba e website di DVG.

Pa traha un cita pa e screening medico, e solicitante mester presenta
personalmente na Medwork situa na Margrietstraat 3, Oranjestad, riba dianan di
trabou (dialuna pa diabierna) entre 8:00-12:00 y 13:00-16:00 cu un paspoort
valido y e formulario ‘Voorlopige Toelating Aruba’ (VTA). Tambe mester trece e
paspoort a base di cual a drenta Aruba ultimo biaha.

E gastonan pa cu e screening ta costa Afl. 75.00 y esaki mester wordo paga na momento cu e solicitante bin pa traha e afspraak. E cartanan di referencia pa e diferente tipo di testnan, manera test di PPD/Mantoux, radiografia di pecho y analisis di sanger lo wordo suministra pa Medwork. E costo pa e testnan aki mester wordo paga na e respectivo instancianan medico unda lo haci e testnan necesario.

Mas informacion riba e proceso y instancianan medico unda por haci e diferente
testnan por ser encontra riba DVG su website https://dvg.aw/pa/dimas/ of riba
website di DIMAS www.dimasaruba.aw.

𝐒𝐓𝐄𝐏𝐒 𝟐𝟎𝟐𝟑 𝐑𝐞𝐬𝐮𝐥𝐭𝐚𝐝𝐨 𝐝𝐢 𝐢𝐧𝐯𝐞𝐬𝐭𝐢𝐠𝐚𝐜𝐢𝐨𝐧 𝐫𝐢𝐛𝐚 𝐮𝐳𝐨 𝐝𝐢 𝐫𝐞𝐦𝐞𝐝𝐢

Den aña 2023 Departamento di Salud Publico den colaboracion cu WHO/PAHO y Central Bureau of Statistics (CBS) a organisa un Investigacion Nacional cu a carga e nomber di STEPS 2023.

Meta di STEPS 2023 tawata pa colecta informacion valioso riba salud di nos comunidad di forma cu organisacionan encarga cu maneho di salud publico por ricibi
un bista actual di e salud di nos poblacion, pero tambe conoce e factornan di riesgo
cu por conduci na malesanan cronico.

Conociendo e factornan di riesgo aki, e diferente organisacionan lo por traha riba manehonan nobo mas dirigi riba mehoracion di e salud di nos hendenan.

Resultado di STEPS a conclui cu 60% di personanan cu ta sufri di malesanan
cronico manera presion halto, diabetes of colesterol halto ta tuma nan medicamento
manera dokter ta prescribe. Mientras cu 30% ta scoge pa recuri cerca curandero
natural y ta haci uzo di unicamente medicina natural of combina cu medicina
prescribi.

Uzo unicamente di medicina natural cerca personanan cu tin diabetes, presion halto
of colesterol tin biaha por conduci na complicacionan serio manera: ataca di curason
of problema di riñon.

E ora a yega pa nos dal e paso pa nos salud y “cambia nos habitonan”, abo ta cla
p’e?

Pa mas informacion:
✅Like nos page Directie Volksgezondheid DVG Aruba
✅Follow nos riba Instagram directie_volksgezondheid_aruba
✅Subi nos website www.dvg.aw
✅Yama nos na 5224200
✅Mail nos na [email protected]

𝐏𝐫𝐞𝐩𝐚𝐫𝐚𝐜𝐢𝐨𝐧 𝐩𝐚 𝐭𝐞𝐦𝐩𝐨𝐫𝐚𝐝𝐚 𝐝𝐢 𝐡𝐨𝐫𝐜𝐚𝐧 𝐓𝐈𝐏 𝟓

Kico pa haci durante y despues cu e horcan caba di pasa?
☑Permanece paden den e espacio cu a ser designa.
☑Scucha y sigui instancianan oficial pa noticia veridico.
☑Den caso cu mester bandona cas pa cuestion di siguridad, haci esaki hunto pa un localidad mas cerca posibel.
☑Corda hiba e tas di emergencia semper unda cu e famia bay.

𝐍𝐞𝐭 𝐝𝐞𝐬𝐩𝐮𝐞𝐬 𝐝𝐢 𝐡𝐨𝐫𝐜𝐚𝐧:
☑Keda informa door di sigui informacion duna pa instancianan concerni.
☑Evita subi auto y mobilisa riba caretera si no ta necesario, especialmente unda tin camindanan of edificionan inunda.
☑Duna prome auxilio na es cu por tin mester di esaki.
☑Cana cu cautela rond di cas y inspecciona si tin tubo di gas, meter di awa of waya di coriente cu por a kibra. Cera of desconecta esakinan si por.
☑Percura prome pa bo mes y bo famia ta ‘safe’ despues por yuda esnan den cercania cu porta mester ayudo.
☑Den caso di EMERGENCIA yama 911 of 100.
Departamento di Salud Publico hunto cu Bureau Rampen Bestrijding Aruba lo sigui duna algun tip valioso, keda atento, informa bon!

𝐒𝐓𝐄𝐏𝐒 𝟐𝟎𝟐𝟑: 𝐑𝐞𝐬𝐮𝐥𝐭𝐚𝐝𝐨 𝐝𝐢 𝐢𝐧𝐯𝐞𝐬𝐭𝐢𝐠𝐚𝐜𝐢𝐨𝐧 𝐫𝐢𝐛𝐚 𝐩𝐫𝐞𝐬𝐢𝐨𝐧 𝐡𝐚𝐥𝐭𝐨

Departamento di Salud Publico den colaboracion cu WHO/PAHO y Central Bureau of Statistics (CBS) a organisa un investigacion Nacional cu a carga e nomber di STEPS 2023.

Meta di STEPS 2023 tawata pa colecta informacion valioso riba salud di nos comunidad di forma cu organisacionan encarga cu maneho di salud publico por ricibi
un bista actual di e salud di nos poblacion, pero tambe conoce e factornan di riesgo
cu por conduci na malesanan cronico. Conociendo e factornana di riesgo aki, e
diferente organisacion lo por traha riba manehonan nobo mas dirigi riba
mehoracion di e salud di nos hendenan.

Riba topico di presion halto, Investigacion Nacional STEPS a conclui cu 19% di
Aruba su populacion di adulto tin presion halto.

Entre edad 18 cu 29 aña, 9% di nos populacion tin presion halto y 43% di nos
populacion entre edad di 60 cu 69 aña tin presion halto.

Presion Halto ta aumenta cu edad y ta mas comun cerca hende homber cu cerca hende muhe.

Presion halto ta conduci na problema di curason, ader, bista, riñon y stroke.

E ora a yega pa nos dal e paso pa nos salud y “cambia nos habitonan”, abo ta cla
p’e?

Pa mas informacion:
✅Like nos page Directie Volksgezondheid DVG Aruba
✅Follow nos riba Instagram directie_volksgezondheid_aruba
✅Subi nos website www.dvg.aw
✅Yama nos na 5224200
✅Mail nos na [email protected]

Departamento di Salud Publico su seccion di Malesanan Infeccioso ta orguyoso di ta conta cu 3 empleado prepara pa guia nos hobennan studiante na momento cu nan bin stage na nos departamento. Ta recientemente cu nos empleadonan John Henriquez, Elianna Erasmus y Destiny Isabella a sigui e curso di PEL (plata forma education labor) pa oficialmente bira un BPV-Opleider .
Pabien🎉

𝐏𝐫𝐞𝐩𝐚𝐫𝐚𝐜𝐢𝐨𝐧 𝐩𝐚 𝐭𝐞𝐦𝐩𝐨𝐫𝐚𝐝𝐚 𝐝𝐢 𝐡𝐨𝐫𝐜𝐚𝐧 𝐓𝐈𝐏 𝟒

Kico pa haci 24 ora of 1 dia prome cu yegada di horcan (si acaso a wordo confirma cu un horcan ta na caminda)?

☑Sigura cu porta y bentana ta claba of tapa cu ‘plywood’ of algun otro material fuerte.
☑Charge telefon y demas aparatonan electronico esencial.
☑Repasa e plan di evacuacion.
☑Prepara weganan electronico y no electronico cu famia por entretene nan mes durante e siguiente ora y dianan.

Keda pendiente pas mas tip di Departamento di Salud Publico y Bureau Rampen Bestrijding Aruba!