Dr.Gerges wasfy - physical therapist

اتشرفت بوجودي امبارح بمحاضره للتوعية بالعلاج الطبيعي في إجتماع بكنيسة العذراء مريم بأسوان 🙏🏻

دي حقيقه 😅

خبر جديد مهم جداََ..
بدأت عدة مطاحن تابعة لوزارة التموين والتجارة الداخلية توريد القمح بنسبة 87.5٪، بدلا من 82٪

الرده مهمه في الحد من المؤشر الجلايسيمي للأكلات و بالتالي تقليل كم الانسولين اللازم لتقليل نسبه السكر في الدم..
و بالتالي احساس بالشبع اكثر و تقليل الشراهه للاكل و بالتالي تقليل معدل السمنه المنتشر..

كل ارتفاع ١٪ في معدل كوليستيرول الدم
معاه ارتفاع ٢٪ في خطر الإصابه بأمراض القلب و الشرايين 🚫

١٧.٩ مليون شخص حول العالم بيموتو سنوياََ بسبب أمراض القلب،
و ده ضعف عدد وفيات كورونا حول العالم من وقت اكتشاف الڨيروس من نهايه عام ٢٠١٩ ‼️

ارتفاع الكوليستيرول ناتج من استهلاك الزيوت الغير صحيه و الدهون المشبعه علي مدار السنين و ملوش أي اعرض و حط تحت ملوش اي اعراض مليووون خط ❗
تكتشف الخلل وقت ظهور المرض أو الجلطات فقط او في حاله اجراء التحاليل الخاصه بالصدفه Lipid profile..

عشان كده خد/ي بالك فيه دهون لازم متدخلهاش بيتك: زي السمنه النباتي و زيوت التموين...

و دهون تانيه تستخدمها بحرص سواء انت مريض قلب أو لأ:
زي السمنه البلدي و الزبده و زيت عباد الشمس و زيت الذره و كل اللحوم الحمره و الجبن الصفراء...

و يبقي استهلاكك اساسي معتمد علي الزيوت الصحيه:
زي زيت الزيتون و زيت بذر الكتان ( الزيت الحار) و زيت جوز الهند ده غير المكسرات و بذور زي السمسم و اللب السوري و الاڨوكادو...

شيّر المعلومه مع غيرك
يمكن تكون سبب في انقاذ حياتو 💌

انت/ي عباره عن المنتج النهائي للي بتدخلو لجسمك☑️..

زي ما انت/ي برضو عباره عن المنتج النهائي لمدي استغلالك لوقت فراغك☑️..

مجرد تشوف الناس في الشارع تعرف بياكلو ايه بالتفصيل بوجه مكشوف بدون ما تحتاج تسألهم و لا احسن جهاز كشف كدب❗

في ظل الأزمات الإقتصاديه اللي في وقتنا الحالي..
لازم تفهم إن الوقايه من الأمراض بتوفر عليك مبالغ رهيبه 💸 غير الاوقات المهدره..

و فيه عشرات الدراسات و الأبحاث الاقتصاديه اللي بتقيس التكاليف الاقتصاديه للمرض بتؤكد انو مش بس بيأثر عليك و علي حياتك الماليه لكن علي اقتصاد دولتك كلها💰!

فجسمك لازم تحافظ عليه قدر الامكان عشان تبقي واقف علي رجلك و متبقاش مستنزف مالياََ بالتالي لازم تحافظ علي صحتك بتناول الأكل الصحي قدر الإمكان🍒...
و متقولش المرض ابتلاء لا عقلك و قلة خبرتك و اكلك الغير صحي المرتبط دايماََ بمشاعرك هو الإبتلاء الحقيقي ✔️

من خلال المتابعه مع الحاله دي( 71 سنه) في خلال شهرين:

-مريض ضغط 141/64
-مرحله ما قبل السكر
-سمنه من الدرجه الاولي BMI=32.3

الي:
- ضغط 130/58
- معدل سكر طبيعي في الدم
- تحول من السمنه الي مجرد زياده في الوزن BMI=28.7

و لسه مكملين 🔥💪❤️
الصحه نعمه حافظو عليها ✔️

هل تعلم؟
كل ١ كيلو نزول في الوزن بيقلل من مخاطر انك تكون عُرضه لسكر النوع الثاني بنسبه ١٦٪!
عشان كده اوعي تقلل من الفائده اللي هتعود عليك من نزولك في الوزن حتي لو كان ده حصل بشكل ضئيل..
ليه فوايده العظمي علي صحتك قبل ما يكون علي شكلك الخارجي ✔️🔥

لو فكرت تعمل تحاليل شامله تطمن بيها علي نفسك خاصةََ لو عندك كرش..
فمش هتلاقي اشمل و اهم من تحاليل السكر 📣 ( الصايم FBS و الفاطر 2PP و التراكميHbA1c).

لأن التحاليل دي ممكن تقولك انك في مرحله ما قبل السكر حتي لو معندكش اي اعراض!⚠️

علي سبيل المثال تحليل الصايم بيعلي في الناس قبل ٣ سنين من ما يتشخصو بان عندهم السكر و ب ٥ سنين في تحليل السكر الفاطر!⛔

و مرحله ما قبل السكر دي مش بس خطر لانها هتوصلك لمرض السكر، لا دي كمان بتزود من امكانيه تعرضك لمخاطر امراض القلب و الشرايين و تزود من معدل تعرضك للسرطانات بالمقارنه بشخص معدل السكر في دمو طبيعي،

و كل الكلام ده وفقاََ للهيئه الامريكيه لمرضي السكر "American Diabetes Association".
#شيير

"البيض" 🍳
من زمان و لوقتنا الحالي، مشهور جدا اكل البيض الني و انو بكده جسمنا هيستفاد اكبر استفاده من البيض، لكن هل دي الحقيقه؟
الدراسات الحديثه اثبتت ان الجسم قادر علي امتصاص بروتين البيض بنسبه 51٪ بأكله ني،
اما بسلقه، بتزيد قدره الجسم علي الامتصاص بنسبه 91٪!
و لذلك كُل البيض مسلوق أو مقلي بلاش تاكلو ني عشان تاخد اكبر استفاده من بروتين البيض الممتاز جداََ

سمعت قبل كده عن الجمله الشهيره،
السموم البيضاء " السكر و الملح... "؟ 🚫

تعالي نغير في المفاهيم شويه..
السكر و الملح مينفعش يجتمعو في جمله واحده..

*السكر.. فعلاََ ضار خاصهََ مع الإسراف في تناوله، و الجسم اصلاََ مش محتاج للسكر، يعني لو مكلتش سكر نهائي الجسم هيعرف يتعامل و يولد طاقه ليه عادي جداََ.

*الملح.. يمكن تقليله لكن لا يمكن الإستغناء عنه لإحتوائه علي اليود اللازم لانتظام افرازات الغده الدرقيه في اجسامنا،
و لذلك منعه خطر و غير مُستحب اطلاقاََ.

Dr.Gerges wasfy - physical therapist now takes appointments on their Page.

تعرف انو مش دايماََ قياسك لوزنك من خلال الميزان بيبقي صادق!🤷‍♂️ ،
أو حتي يديك مؤشر عن نجاحك في الدايت
من عدمه! ✅⛔

لأنك لو بتلعب رياضه مع نظام الدايت بتاعك ( خاصه لو بتشيل اوزان - Resistance training)،
هتزيد كتله عضليه في نفس وقت حدوث نقص في كتله الدهون بجسمك،
و لذلك ممكن تلاقي وزنك ثاابت علي الميزان! مبيتغيرش أو حتي زايد كمان!

و لذلك عشان تتأكد انك ماشي صح في الحاله الموصوفه دي:
١- راقب لبسك و مقاساتك
و شكل جسمك في المرايه. ✔️
٢- ممكن تقيس نفسك علي ميزان "inbody" كويس اللي بيوضحلك التغيير في كتله الدهون لوحدها بغض النظر عن وزن الجسم عامتاََ. ✔️

هل ينفع تزيد عضلات في الجيم و تخس دهون في نفس الوقت؟ 💪🔥
الإجابه: اه، من خلال الخطوات البسيطه المختصره العمليه اللي هقولها:

١- احسب سعرات جسمك اليوميه، دوّر علي اي حاسبه سعرات من الانترنت، دخلو البيانات و هو هيديك رقم.
٢- قلل من السعرات المقرره ليك من ٣٠ ال ٤٠ ٪.
٣- اتأكد انك بتاخد من ١.٤ الي ١.٨ جرام بروتين لكل كيلوجرام من وزنك يومياََ.
٤-خد من ٠.٥ الي ١.٥ جرام دهون صحيه لكل كيلوجرام من وزنك.
٥- قلل من نسبه الكاربوهيدرات في أكلك.
٦- اتأكد انك مبتاخدش اي اكل من بره، خليك حريص ان السعرات دي تبقي من خلال الأكل الطبيعي.
٧- كتر من اكلك للخضروات ( السلطه) لإنها قليله السعرات جداََ و فيها الياف كتير تساعدك علي الشبع.

لو بتحب "اللبن" تعالي اقولك معلومه هتهمك🍶..
هل تعلم *عن طريق التجربه الشخصيه*
ان كل الالبان المعلبه ذو صلاحيه ال ٦ شهور او اكتر قيمتهم الغذائيه شبه معدومه؟
هل تعلم ان 3/4 منها عباره عن مياه بس و الربع اللي فاضل بس هو اللبن إن كان لبن طبيعي اصلاََ مش بودره؟

خليك في المضمون
و اشتري لبن الحليب الطبيعي 🐄..
وقتها ممكن تتحكم في دسامته بمزاجك..
مفيش لبن حليب طبيعي بيقعد اكتر من ٧ ايام صلاحيه مش ٦ شهور!
#شيير

لازم تفهم إن "الشوفان"
هو مصدر من مصادر الكربوهيدرات الصحيه و لكن خد بالك!
بدل ما يخسسك ممكن يتخنك..
الشوفان اللي موجود في السوق عباره عن نوعين:

1- الشوفان الابيض سريع التحضير "instant oats"
و ده شوفان بيرفع سكر الدم بشكل كبير و بالتالي هو غير صالح للي محتاج يخسر وزن و لكنه كويس للي محتاج يزيد في الوزن

٢- الشوفان الاسمر أو شوفان الحبه الكامله،
و ده بيرفع سكر الدم بصوره اقل من الأول و لذلك ينفع يخش في اكلك لو بتحاول تخس
#افهم

لازم تفهم ان تحقيق الوزن المناسب،
او الوصول للفورمه اللي نفسك تشوف نفسك عليها من زمان،
لازم و جزء اساسي من العمليه دي عن طريق " نظام الأكل" بتاعك،
و لا زم تُدرك ان بالرياضه و الجيم فقط مش هيوصلك لأي نتيجه مرضيه ليك...
#افهم

خلي بالك من "العمليات"
لازم تفهم كويس مش اي دكتور يقولك حالتك محتاجه عمليه تروح تسمع الكلام و تعملها!
لازم تفهم إن مؤخراََ من خلال ابحاث اوضحت ان عمليات غضاريف العمود الفقري زي عدمها بعد مرور سنين قليله من اجراء العمليه،
للحالات اللي مكنتش مستاهله العمليه!
تعرف منين حالتك مستاهله أو لأ؟
١- ألم غير محتمل اطلاقاََ.
2- فقدان القدره علي الاتزان و المشي.
٣- عدم القدره علي التحكم بالبول.
4- فقدان القدره علي الامساك بالاشياء.

و اطمن إن العلاج الطبيعي ليه دور مهم جداََ و حيوي في تحسن الأعراض و إختفائها مع العلاج الدوائي.
#شيير #افهم

حزام الظهر الطبي القطني "lumber belt"
لا يُغني عن التشخيص السليم و علاج سبب الألم،
و لا يُفضل استخدامو كثيراََ خلال اليوم فيكفي ارتداؤه ساعتين يومياََ أو حسب ارشادات الطبيب في حالات معينه،
لأن الاستخدام المُطوّل له يجعل اعتماد الجسم عليه و من ثم يُضعف عضلات الظهر التي هي بمثابه الحزام الطبيعي للظهر،
فوجب التنبيه...
#افهم

اي عامل،
اي أُم تحمل طفلها بالاخص بعد فتره الحمل،
اي شخص لديه الآم بأسفل الظهر،
أو حتي لو كنت شخص سليم معافي،
احرص و احرصي دائماََ علي إتباع الطريقه الصحيحه لحمل الأشياء،
حيث أن غضاريف العمود الفقري و منطقه الظهر هي الحلقه الأضعف بالجسم خاصةََ انه في اغلب الظن لا يهتم الشخص بتقويه عضلات الظهر،
رجاءً لا تضع الظهر فريسه لعدم الفهم الصحيح.

#شيير و لا تبخل بالنصيحه لغيرك
#افهم

العنق المتحدب او ما يطلق عليه "Text neck"
حاله شهيره جداََ يتعرض لها الجميع و خاصهََ المراهقين،
نظراََ لكثره توافر الاجهزه الالكترونيه المحموله في الزمن الحالي،
وضع خطير جداََ يؤدي إلي آلام في منطقه العنق و الظهر مع احتماليه وجود صداع و احساس بعدم الراحه في اي وضع،
و يؤدي مستقبلاََ لمشاكل بالغضاريف...

احرص دائما علي استخدام الاشياء التي تأخذ وقتك أن تكون علي ارتفاع مستوي نظرك فقط، لا أن تنظر لها او تستخدمها اسفل مستوي نظرك.

#شيير و لا تبخل بالنصيحه لغيرك
#افهم

سنة جديدة لازم تحقق فيها هدف جديد يحمي صحتك ويحافظ عليها 👌

وقف تدخين في ٢٠٢٢ واحمي نفسك من اعتلال الرئتين وأمراض القلب والأوعية الدموية🙏

https://m.facebook.com/story.php?story_fbid=236726658638556&id=100069036705848

عدم اتباع نظام غذائي صحي قد يعرضك للإصابة بالأمراض المزمنة كارتفاع ضغط الدم والسكر، لذلك انتبه بوجباتك الغذائية…
ولا تنسى أن الكشف والمتابعة والعلاج مجانًا ضمن مبادرة رئيس الجمهورية لفحص وعلاج الأمراض المزمنة والكشف المبكر عن الاعتلال الكلوي…

خطوره الكرش! معلومات هامه و خطيره!

الحلقه القادمه 🔥
انتظروها بشده ⏳
#افهم

✔️

"العيش البلدي"
هو خبز يمكن ادراجه كمصدر من مصادر الحبوب الكامله.
و لكنه اقلهم من حيث الالياف.
و لذلك وجب التنويه بعدم الافراط في تناوله لمن يعانون من السمنه و يرغبون في خسارة وزنهم،
خاصهََ أن سعرات الرغيف الواحد يعادل ٣٢٠ سعر حراري فهو رقم كبير ناهيك عن ان في اغلب الظن لا يكتفي الفرد برغيف واحد!
✔️

Dr.Gerges wasfy - physical therapist updated their website address.

ازاي اقدر اتخلص من الكرش؟ تحذير هام :كل الكلام اللي بيتقال للناس الأصحاء مش للمرضي بأي امراض مزمنه زي السكر و الضغط و القلب....