Smart Kid Clinic

نفس العاصفة بتاعة الشهر اللي فات
كلة يخلي باله و ربنا يكون في عون مرضي الحساسية

بمناسبة العاصفة الترابيه اللي موجوده حالياً ورائحة التراب الفظيعة :

النصايح دي للكبار والاطفال ،، وربنا يسترها

☝️بلاش خروج غير للضرورة ،، ولو حصل وخرجنا منديل علي الانف والافضل ماسك طول ما احنا ماشيين في الشارع

☝️نشرب مياه كتير ،، ها كتيييير

☝️نشرب سوايل دافية بصفة مستمرة (ينسون-تليو-نعناع) هيفرق في تحسين الجهاز التنفسي ،،فظيييع

☝️التراب ناعم وداخل جوا البيوت ،، هنجيب قماشه ونحطها تحت وفوق الشباك والافضل لو مبلوله ،، هتمنع دخول التراب الناعم

☝️طول ما احنا في البيت نغسل ايدينا ووشنا ،،ولو طفل رضيع فوطه قطن بميا ونمسح وشه كويس

☝️اللي بيكح يلتزم بعلاجه مع السوايل الدافيه ،،واللي مناخيره قفلت يفتحها بمحلول الملح او ماء البحر

☝️اللي بيعاني من حساسية الانف يلتزم او يزود في جرعات البخاخه زي نازونكس وآڤاميس،، وياخد معاهم مضاد الحساسية زيرتك او تيلفاست

☝️اللي بيعاني من حساسية صدر يلتزم ببخاخاته سواء موسع شعب (ڤنتولين -اتروڤنت) ،، مع الكورتيزون الاستنشاقي (فليكسوتيد-الڤيسكو) ولو ماشي علي بخاخة فيها الاتنين مع بعض يلتزم بيها(سيرتيد-سيمبيكورت)

☝️عندك جهاز نبيولايزر وابنك بدأ يكح كحة غليظة او فيها نهجة ،،،علي ما تروحي للدكتور اعملي جلسة فاركولين او كمبوڤنت مع ٣سم محلول ملح من سن ٦ شهور
وجرعاتهم:
الفاركولين ،، نقطة لكل كجم
الكمبوڤنت ،، ١سم لكل ١٠ كجم
ولو اقل من ٦ شهور جلسة بمحلول ملح بس واكشف علي طول

☝️لو كحة عادية استخدمي ادوية عُشبيه زي ايفروسبان او بنتاميكس او فاست

☝️لو بتعاني من حساسية جلد ،،استمر علي الزيرتك او التيلفاست واستخدم صابونة جليسرين مع الغسيل

☝️لو بتعاني من حساسية العين متفكرش تخرج اساسا ،، ونستمر علي زيرتك او تيلفاست واستخدام القطرات المناسبه

☝️بلاش سفر علي الطرق السريعة في الوقت الحالي لو قدرنا ربنا يستر طريقكم

و مننساش أن صحة اولادنا اغلي ما عندنا ❤ ❤

دكتور إيليا بشري
أخصائي طب الأطفال و حديثي الولادة

معلومة علي الماشي 🎯 🎯 📣 📣

لما بيبقى الجو تراب جامد زى امبارح كده
لو الدنيا مطرت بتغسل الجو

بنفس الطريقة اللى اولادهم صدرهم حساس ومرضى الجيوب الانفية والربو والحساسية الانفية
يجيبو بخاخة زى دى
بنحط فيها ماية بس
لما نلاقى الجو عفر وبقى تراب و وارد يدخل منه لبيوتنا
نرش جنب الابواب والشبابيك كل شوية بعض رزاز الماء بينزل معاه الاتربة العالقة فى الجو ويقلل فرص استثارة الحساسية عند المصابين بها

و مننساش أن صحة اولادنا اغلي ما عندنا ❤ ❤

دكتور إيليا بشري
أخصائي طب الأطفال و حديثي الولادة

الطهارة بالليزر
فيه فكر منتشر بين العامة ويساعد فيه بعض الأطباء وهو ادعاء الطهارة بالليزر لكن في الحقيقة مفيش حاجه اسمها كده.
بيستغل البعض الادعاء دا في طلب مبالغ مضاعفة .
الطهارة بيتم فيها قطع القلفة أو الجلد الزائد بالمشرط فى كل الأحوال أو الطرق .
دكتور عماد عوني للأمراض الجلدية وجراحات الذكورة.
اسوان شارع سعد زغلول من ناحية المحطة أعلي مطعم الشيف خليل.
للحجز والاستعلام 01278846946

انتظرونا قريبا بعد العيد مع اقوي بوستات طبية عن العيوب الخلقية في الأطفال

و كل عام و انتم بخير

ابني ريحة بقه وحشة باستمرار ،، خايفة و عايزة اعرف السبب و اتصرف ازاي !

شوفي يا ستي ،، الشكوى من رائحة الفم الكريهة في الاطفال هي شكوى متكررة و شائعة ،، و ليها اسباب كتير لازم نعرفها عشان نقدر نتعامل معاها ،، ،،،، نركز بقى

1. افرازات الأنف و الجيوب الأنفية : افرازات الانف من احد اهم الاسباب اللي بتعمل كده ،، لأن الافرازات دي و الطفل نايم بتنزل في الفم و بتعمل الريحة دي ،،

الحل: نعالج التهابات و عدوى الانف و الجيوب الانفية و ننضف الأنف كويس بمحلول الملح قبل النوم

2. وجود جسم غريب في الأنف : حاجة يكون حشرها الطفا في مناخيره اثناء اللعب زي خرزة مثلا او ما شابه ،، بيبتدي يحصل حولها التهابات و تجمع افرازات تسبب الرائحة الكريهة ،، الموضوع ده من احد الاسباب المهمة اللي للأسف مش بنفكر فيها كتير و ساعات بتتنسي لأن الاطفال مش بيقولوا و ممكن تسبب مشاكل كتير بعد كده

اتأكد ازاي ؟ : تقفلي فتحة انف واحدة و تخلي طفلك يتنفس ،، لو في صعوبة في التنفس يبقى ممكن يكون في مشكلة ،، نكرر الموضوع على الناحية التانية و نستشير طبيبنا

3. التهاب الحلق او اللوز و اللحمية ،، برضو من اشهر الاسباب لده ولادم نستبعدها و نعالجها بعد العرض على الطبيب المختص

4. تسوس الاسنان و التهاب اللثة

الحل: الاهتمام بنظافة الاسنان و الفم و غسل الاسنان بالمعجون يوميا قبل النوم (لازم)

5. جفاف الفم و الحلق : و ده كمان ينلاقيه كتير في الأطفال اللي بيلعبو رياضة و مش بياخدو كفايتهم من السوائل ،، فلازم نهتم بالسوائل اللي بنديها لأولادنا خصوصا لو بنلعب رياضة

هي دي اهم ٥ اسباب لرائحة الفم الكريهة ،، لازم نستبعدها الأول قبل ما نفكر في حاجات اندر حدوثا او اكثر خطورة ،،

و مننساش أن صحة اولادنا اغلي ما عندنا ❤ ❤

دكتور إيليا بشري
أخصائي طب الأطفال و حديثي الولادة

بعد تغيير الجو امبارح و العاصفة نخلي بالنا من موسم الهيربس 📣📣🎯🎯

بمناسبة العاصفة الترابيه اللي موجوده حالياً ورائحة التراب الفظيعة :

النصايح دي للكبار والاطفال ،، وربنا يسترها

☝️بلاش خروج غير للضرورة ،، ولو حصل وخرجنا منديل علي الانف والافضل ماسك طول ما احنا ماشيين في الشارع

☝️نشرب مياه كتير ،، ها كتيييير

☝️نشرب سوايل دافية بصفة مستمرة (ينسون-تليو-نعناع) هيفرق في تحسين الجهاز التنفسي ،،فظيييع

☝️التراب ناعم وداخل جوا البيوت ،، هنجيب قماشه ونحطها تحت وفوق الشباك والافضل لو مبلوله ،، هتمنع دخول التراب الناعم

☝️طول ما احنا في البيت نغسل ايدينا ووشنا ،،ولو طفل رضيع فوطه قطن بميا ونمسح وشه كويس

☝️اللي بيكح يلتزم بعلاجه مع السوايل الدافيه ،،واللي مناخيره قفلت يفتحها بمحلول الملح او ماء البحر

☝️اللي بيعاني من حساسية الانف يلتزم او يزود في جرعات البخاخه زي نازونكس وآڤاميس،، وياخد معاهم مضاد الحساسية زيرتك او تيلفاست

☝️اللي بيعاني من حساسية صدر يلتزم ببخاخاته سواء موسع شعب (ڤنتولين -اتروڤنت) ،، مع الكورتيزون الاستنشاقي (فليكسوتيد-الڤيسكو) ولو ماشي علي بخاخة فيها الاتنين مع بعض يلتزم بيها(سيرتيد-سيمبيكورت)

☝️عندك جهاز نبيولايزر وابنك بدأ يكح كحة غليظة او فيها نهجة ،،،علي ما تروحي للدكتور اعملي جلسة فاركولين او كمبوڤنت مع ٣سم محلول ملح من سن ٦ شهور
وجرعاتهم:
الفاركولين ،، نقطة لكل كجم
الكمبوڤنت ،، ١سم لكل ١٠ كجم
ولو اقل من ٦ شهور جلسة بمحلول ملح بس واكشف علي طول

☝️لو كحة عادية استخدمي ادوية عُشبيه زي ايفروسبان او بنتاميكس او فاست

☝️لو بتعاني من حساسية جلد ،،استمر علي الزيرتك او التيلفاست واستخدم صابونة جليسرين مع الغسيل

☝️لو بتعاني من حساسية العين متفكرش تخرج اساسا ،، ونستمر علي زيرتك او تيلفاست واستخدام القطرات المناسبه

☝️بلاش سفر علي الطرق السريعة في الوقت الحالي لو قدرنا ربنا يستر طريقكم

و مننساش أن صحة اولادنا اغلي ما عندنا ❤ ❤

دكتور إيليا بشري
أخصائي طب الأطفال و حديثي الولادة

في الإعادة إفادة

من قواعد علاج الحساسية أننا نبعد عن السبب يعني مثلا لو عندنا حساسيه من الفراولة واتعالجنا مش هنرجع ناكل فراولة تاني . كده خلاص مش هناكلها طول العمر ودا ينطبق علي أي سبب للحساسية زي الأدوية أو العطور أو الاكسسوارات . لكن مش هنتعالج بحيث نقدر نرجع للمادة الي احنا ممنوعين منها .
دكتور عماد عوني للأمراض الجلدية وجراحات الذكورة اسوان شارع سعد زغلول من ناحية المحطة أعلي مطعم الشيف خليل.
للحجز والاستعلام 01278846946

موضوع جديد و بنشوفة كتير 📣📣🎯🎯

البقع المنغولية عند الأطفال

تعتبر البقع المنغولية الزرقاء او البقع الزرقاء الداكنة من أشهر البقع التي تحدث في جلد الأطفال بعد الولادة، وتختلف احجامها واشكالها من مكان لأخر وغالبا توجد هذه البقع على مؤخرة الطفل واردافه او أسفل الظهر والرجلين.

ما هي أسباب حدوث البقع المنغولية عند الاطفال؟

تحدث البقع المنغولية عند الأطفال بسبب اختلال في توزيع الصبغيات الموجودة في جلد الطفل وذلك في الفترة قبل او بعد الولادة مباشرة،


هل ترتبط البقع المنغولية عند الأطفال بمتلازمة الطفل المنغولي او متلازمة داون؟

علي الرغم من تسمية البقع المنغولية بهذا الاسم الا انها لا ترتبط بمتلازمة الطفل المنغولي و لكنها فقط تحدث في الأطفال ذات البشرة السمراء او الداكنة.

ما هي الاشكال التي توجد عليها البقع المنغولية عند الأطفال؟

البقع المنغولية قد تظهر مثل الكدمات ولكنها تختلف اختلافا كليا عن الكدمات وتظهر كالتالي:

📌تظهر بعد الولادة مباشرة او يولد الطفل بها وفي بعض الأحيان تظهر بعد شهرين من الولادة.
📌جلد الطفل يكون سليم جدا ولا يوجد به أي التهاب.
📌البقع المنغولية تأخذ اللون الأزرق الداكن او الأزرق المائل الي الرمادي.
📌البقع المنغولية غالبا تكون مساحتها 2-4 سم وقد تكون أكبر من ذلك.
📌البقع المنغولية غالبا تكون حدودها غير منتظمة.
📌عادة تظهر على المؤخرة او الارداف وفي أسفل الظهر وقد توجد البقع المنغولية على الرجلين او الذراعين.

هل تعتبر البقع المنغولية عند الأطفال خطيرة على صحتهم؟

البقع المنغولية لا تمثل أي خطورة على صحة الأطفال ولا يرتبط وجودها بإصابة الطفل بأي امراض مطلقا ولا ترتبط بحدوث سرطان الجلد .

هل يوجد علاج للبقع المنغولية عند الأطفال؟

حيث ان البقع المنغولية بقع حميدة ولا تمثل أي مشكلة للطفل، فبالتالي انها لا تحتاج الي أي علاج مطلقا.

متي نتوقع اختفاء البقع المنغولية عند الأطفال؟

البقع المنغولية تبدأ في الظهور بعد الولادة مباشرة او قد يولد بها الطفل وتستمر البقع المنغولية الي سن 4 سنوات او قد تستمر مع الطفل الي مرحلة المراهقة.

و مننساش أن صحة اولادنا اغلي ما عندنا

دكتور إيليا بشري
أخصائي طب الأطفال و حديثي الولادة

موضوع جديد و مهم جدا لكل الامهات 🎯🎯📣📣

وحمة الفراولة 🍓🍓🍓

وحمة دموية سميت بـ وحمة الفراولة لكونها حمراء بلون الفراولة, وهي عبارة عن تجمع أوعية دموية دقيقة على سطح الجلد أو تحته لدى بعض الأطفال في السنين الأولى من العمر.
ملحوظة ليس لها علاقة بالوحم علي الفراولة 😂😂😂


متى تظهر هذه الوحمة؟

برغم انها وحمة (Birth Mark) إلا أنه من النادر أن تكون موجودة عند الولادة, و غالبا تظهر في الأسابيع الأولى بعد الولادة كبقعة أو نقاط حمراء بلون الفراولة سطحية وعندما تكون عميقة يميل لونها للازرقاق أو الأرجواني.

هل هي شائعة؟

٥ – ١٠% وأقل من ذلك في الأطفال ذوي الاصول الآسيويه والافريقيه. ويمكن أن تكون في أي مكان من الجسم ومعظمها في الوجه أو الرأس أو الركبه وفي الظهر والصدر والأطراف. وفي ٢٠% من الحالات أكثر من واحدة .وفي الإناث أكثر من الذكور.

لماذا تحدث؟ ما السبب؟

تجمع أو تكتل الأوعية الدموية الدقيقة هو مايكون هذه الوحمة, ولكن السبب لا يزال غير معروف. ونادرا حدوث ذلك في أكثر من فرد في العائلة.

ماهي الاثار الجانبية الممكن حدوثها؟

لا داعي للانزعاج أو القلق فليس هناك أي ضرر وتختفي بفضل الله مع الوقت في الغالبية العظمى من الحالات. وكما ذكرنا سابقا بأنها تظهر في الأسابيع الأولى بعد الولادة ثم يزيد حجمها في السنة الأولى ثم يبدأ لونها يتغير تدريجيا ال اللون الفاتح من الوسط ثم لون الجلد وتختفي قبل السابعة من العمر ونادرا في العاشرة, ماعدا وحمة الشفة فقلما تختفي.

ما العمل لو حصل للوحمة تقرحات أو التهاب؟

في هذه الحالة يجب مراجعة الطبيب لوصف العلاج المساعد للالتئام وقد يتضمن مضادا حيويا.

ماذا لو أن الوحمة كبيرة الحجم؟

عندما تكون الوحمة كبيرة أو عميقة وفي موقع يمكن أن يكون له أثر فيما حولها (تسمى الوحمات المعقدة وهي نادرة). يلجأ الطبيب عادة لعمل أشعة تلفزيونية أو المقطعية أو الرنين المغناطيسي, وكذلك إذا كانت الوحمة في وضع غير آمن, كأن تكون ملاصقة لجفن العين أو تشكل ضغطا على الرقبة لمعرفة امتدادها واتخاذ القرار بالتدخل العلاجي إن لزم. ولحسن الحظ فإن الوحمات المعقدة نادرة.

ماهو العلاج للوحمات المعقدة؟

يقرر الطبيب المختص العلاج المناسب ومن ذلك:

دواء بروبانولول (Propranolol) و بجرعات تدريجية وبإشراف طبي. وهو علاج فعال ومأمون وتم اعتماده من قبل الهيئة الأمريكية للغذاء والدواء (FDA) في ٢٠١٤. ويعطى بالفم (propranolol )او موضعيا (Timolol).
العلاج الجراحي بالليزر لازالة الوحمه جزئيا أو كليا. ومن النادر جدا اللجوء إليه.

الخلاصة:

وحمة الفراولة (وحمة دموية) لا تسبب أي ضرر على الطفل وتختفي غالبا مع الوقت كما يجب أن تترك لو حدها دون عمل أي شيء. ولا يلزم التدخل إلا في حالات خاصة يقررها الطبيب المختص في النادر.

و مننساش أن صحة اولادنا اغلي ما عندنا ❤ ❤

دكتور إيليا بشري
أخصائي طب الأطفال و حديثي الولادة

موضوعنا النهاردة مهم جدا 🎯🎯📣📣

حالات الخصية المعلقة

1.قد يكون الكيس خالياً من الخصيتين في معظم الأوقات نتيجة لنشاط العضلة التي تحيط بالخصية والحبل المنوي ، مما يؤدي إلى رفع الخصية من الكيس إلى المنطقة الأربية ويكون ذلك أثناء الجو الحار أو عند بكاء الطفل، ثم تعود إلى مكانها الطبيعي أثناء نوم الطفل وعلى الأم ملاحظة ذلك بنفسها ، وتأتي فائدة هذه العضلة أنها تقوم بحماية الخصيتين فعند حدوث الإصابة للكيس تنقبض العضلة وترفع الخصية منه حتى لا تصاب بأذى وتسمى هذه الحالة بـ الخصية المتحركة ،وهذه الحالة طبيعية لا تحتاج إلى علاج لأنه عند البلوغ تكبر الخصية ويكبر الكيس وتقل حركتها.

2.قد يكون سببها وجود فتق عند الطفل ، وتتطلب الحالة هنا إجراء عملية لإزالة الفتق وبعدها تعود الخصية إلى مكانها الطبيعي.

3.وجود الخصية عالياً في جدار البطن ، يتطلب ذلك أيضاً إجراء عملية جراحية لكن على مرحلتين لإنزالها خارج جدار البطن و لإنزالها في الكيس.

4.في حالة وجود خصيتين معلقتين ، كلما كان الإسراع في إجراء العملية كلما كان ذلك أفضل حتى لا تقل فرص الإنجاب وإعطاء فرصة لنمو الخصيتين بشكل طبيعي (من سن سنة و حتي سنتين) أما إذا تأخرت العملية إلى بعد سن البلوغ فإن احتمالات الإنجاب تكون ضعيفة .

أما إذا كانت هناك خصية واحدة هي المعلقة فإن الخصية السليمة تقوم بعملها وتكون فرصة الإنجاب كبيرة ، وفي المجمل ينبغي أن يطمئن الآباء حيث أن العلاج أصبح سهلاً إما بالهرمونات في بعض الحالات أو بالعملية قبل سن سنتين.

و مننساش أن صحة اولادنا اغلي ما عندنا ❤

دكتور إيليا بشري
أخصائي طب الأطفال و حديثي الولادة

موضوعنا النهاردة بيشغل بال كل ام و جيب كل أب 😂😂

كيف يمكن إعادة الرضاعة الطبيعية مره اخرى بعد توقفها

:معرفة الأسباب وراء إيقاف الرضاعه ومن أهم الأسباب لذلك

💥استعمال البزازة والببرونه لأنها بتعمل التباس الحلمة -
💥دخول الطفل المحضن وتركه ثدى الأم فى الفترة الأولى -
💥الوصف الخاطئ لبعض الأطباء اللبن الصناعى فى-
الفترة الأولى بعد الولادة و ذلك لعلاج الصفراء
💥عدم إرضاع الطفل فى أول لحظات حياته ثدى الأم-
وتأجيل ذلك بعد الثلاثة أيام الأولى لاعتقادهم أنه لا يوجد لبن عند الأم فى الثلاثه ايام الأولى

:الخطوات

لابد من التصميم وعدم اليأس والاحباط وعدم الاستماع
لاى تعليقات سلبية

الأمر ممكن وسهل ولكن يأخذ وقت فى المتوسط أسبوعين إلى شهر

هناك أمران لابد من حلها
الأول أن الطفل لم يعد يستطيع الإمساك بالثدى 💥

وعلاج ذلك يكون من خلال التلامس الجسدي مع الأم فترات طويلة
ومحاولة إرضاع الطفل أثناء نومه

الثانى أن لبن الأم قل وأصبح معدوما فى بعض الأحيان 💥

ويمكن إعادة ادرار اللبن من خلال التعصير اليدوى أو استعمال مضخة الثدى اليدوية أو الكهربية
وإعطاء بعض الأدوية بمعرفة استشارى الرضاعة الطبيعية لإعادة ادرار اللبن

و مننساش أن صحة اولادنا اغلي ما عندنا ❤

دكتور إيليا بشري
أخصائي طب الأطفال و حديثي الولادة

معلومة علي الماشي 🎯 🎯 📣 📣

التسنين لو عمل حاجة ممكن يخلي الطفل دافي بسيط أو فيه ريالة وأريفة بسيطة لكن مابيعملش حرارة عالية ولا إسهال ولو الطفل عنده حرارة عالية لازم ندور على السبب ولو فيه اسهال لازم يتعالج منه

و مننساش أن صحة اولادنا اغلي ما عندنا ❤

دكتور إيليا بشري
أخصائي طب الأطفال و حديثي الولادة

معلومة علي الماشي 🎯 🎯 📣 📣

دم في البامبرز 😳😳:

دا بيحصل في البنات و برده بيكون سببه نفس ذات الهرمونات اللي أخدتها منك وهي في بطنك وبيروح في خلال اسبوعين ما تتخضيش و تقلبي الدنيا 😊😊

المهم تكون البنت أخدت حقنة فيتامين ك ساعة الولادة علشان نستبعد النزيف لأسباب تانية و كمان يكون دم أحمر زى الصورة الأولي مش مجرد لون برتقالي زي الصورة التانية اللي سببه غالبا أملاح في البول نتيجة الجو الحر و ضعف الرضاعة و برضه في كل الأحوال مفيش قلق خالص من كدة

استنونا بكرة في معلومة جديدة

دكتور إيليا بشري
أخصائي طب الأطفال و حديثي الولادة

معلومة علي الماشي 🎯 🎯 📣 📣

الكراوية والينسون والمشروبات الدافئة

كتير من الأمهات والجدات بينصحوا الامهات الجدد ان الطفل لازم يرضع من الاعشاب المنزلية زي الكراوية والينسون والحلبة وغيره ظنا منهم انها ممكن تفيد البيبي او انها من الضروريات لكن في الحقيقة المشروبات دي أضرارها اكتر من فوائدها

أولا : السوائل الدافية تكاد تكون منعدمة القيمة الغذائية

ثانيا : ممكن الطفل يرفض الرضاعة الطبيعية بسببها

ثالثا : لو وضعنا فيها سكر ممكن يزود نسبة التخمر في الامعاء ويزود الغازات وكمان الطفل يرفض الرضاعة بسبب الطعم الحلو

و مننساش أن صحة اولادنا اغلي ما عندنا ❤

دكتور إيليا بشري
أخصائي طب الأطفال و حديثي الولادة

معلومة علي الماشي 🎯 🎯 📣 📣

الكحل والبصل

يعتقد كثير من الأمهات أن تكحيل عيون الطفل الرضيع مع رسم حواجبه بالكحل أو ماء البصل يساعد على جعل العين أكبر وأوسع، ولكن الحقيقة أن عيون المواليد تكون حساسة للغاية والكحل أو البصل يؤديان الي إلتهاب أغشية العين، وفي بعض الحالات (إذا كان الكحل حرّاق) فأنها قد تؤدي للعمى هذا بالإضافة الي ان نسبة الرصاص التي يحتوي عليها الكحل المصنع والتي تتراكم بالدم ومن الوارد جدا مع كثرة الاستخدام ان تؤدي الي تسمم الرصاص

و مننساش أن صحة اولادنا اغلي ما عندنا ❤

دكتور إيليا بشري
أخصائي طب الأطفال و حديثي الولادة

معلومة علي الماشي 🎯 🎯 📣 📣

ايه دا طفلك مالو صغير و خفيف كدا ليه 😠😠

كلمه سخيفه بتسمعيها كل يوم من واحده ... اختك او صاحبتك او عمتك او حماتك او مامتك او حتي اللي قاعده جمبك في المواصلات 😊

بصيلها و مترديش ....
المفروض حضرتك تعرفي او تكوني متابعه الوزن لطفلك مع الدكتور اللي متابعه معاه ....
الكيرف دا موجود في كراسه الصحه .... ولو مستلمتيهاش ... اطبعي الكيرفات من موقع منظمة الصحة العالمية

واعرفي اجابه للاسئله الاتيه.......طفلك وزنه عند الولاده في المتوسط ولا كتير ولا قليل ..هل طفلك معدل الزياده الشهريه بتاعه كويس ولا مبيزيدش كويس ...هل طفلك وزنه النهارده كويس ولا قليل ....
المفروض اني اعرف و اتأكد واطمن واقيس و اشتغل صح ....
مفيش حاجه اسمها( شكله ولا زي ما يكون . او باين عليه .... دا اللي بيجيب كيلو زبده بيحطه ع الميزان 😂😂 ... مفيش حاجه بمجرد النظر......)

و مننساش أن صحة اولادنا اغلي ما عندنا ❤

دكتور إيليا بشري
أخصائي طب الأطفال و حديثي الولادة

هنتكلم النهاردة عن موضوع جديد 📣 📣 📣

الSalmon patch

من اشهر انواع "الوحمة" و واحدة من علامات الولادة المشهورة ( ف حوالى ٤ من كل ١٠ اطفال بيتولدوا)

السبب فيها مشكلة في الاوعية الدموية ودي مشكلتها كلها في الشكل بس.. يعني حاجة بسيطة.. بتروح لوحدها غالبا خلال سنة او اتنين
أماكنها المشهورة هي
*جفن العين( بيسموها بوسة الملايكه) ..
*بين الحواجب..
*مؤخرة الرأس

و مننساش أن صحة اولادنا اغلي ما عندنا ❤

دكتور إيليا بشري
أخصائي طب الأطفال و حديثي الولادة

بناء علي طلب الأعضاء بالصفحة هنتكلم النهاردة عن موضوع بالتفصيل نجهز فنجان قهوة و نركز شوية ☕☕

سر الخضَّة 😮😮

لِسَّه والده جديد و ملاحظة إن طفلِك لو سمع أي صوت مهما كان واطي أو إتعرض لهزَّة حتى لو ضعيفة بيفرد ذراعيه الإتنين بعيد عن جسمه فجأه ويفتح إيديه و يفرد صوابعهم و كإنه بيقع من مكان عالي و ممكن يصرخ ويبكي وقتها ....و بعدين يرجع يضمهم و يضم ذراعيه لجسمه تاني ؟؟؟!!

الحركة دي إنت بتسميها الخضَّة و بيصعب عليكي إنه بيتخض كتير و بسرعة كدة مهما كان المؤثر خفيف...
بس إحنا الأطباء بنسميها رد فعل مورو أو (Moro reflex)
و اللي بيسببه عدم نضج الجهاز العصبي للطفل و بالتالي بيسهل استثارته بأقل المؤثرات و بيكون دليل على سلامة الجهاز العصبي للبيبي ....زائد إن الرضيع في العُمْر دا لسه بتكون الأصوات و المؤثرات اللي مالية البيئة حواليه جديدة و مع الوقت بيبدأ يميز عالي من واطي و قوي من ضعيف وايه اللي يستاهل و ايه اللي ما يستاهلش الخضة 😄😄

⚡️طيب هي ممكن الخضَّه دي تستمر لحد إمتى ؟!!!

الخضَّة دي ممكن تستمر لحد الشهر التالت أو الرابع ....و بتكون حاجه عادية جداً ...

⚡️ إمتى أقلق؟؟!!

💥 لو الطفل مش بيتخض خالص أو لو الخضَّة دي طولت عن الشهر الخامس بشرط إنه يكون —->
(بنفس الوصف اللي فوق)
-مش بس خضَّة
من صوت عالي لإن دا بيحصل للكبير والصغير -

و دا معناه مشاكل في الجهاز العصبي لا قدَّر الله.

💥 أثناء الخضَّة يتحرك ذراع واحد فقط و دا معناه إن في مشكلة في مشكلة في الذراع التاني سواء في الأعصاب او كسر في العظام لا قدر الله.

و في الحالتين لازم نلجأ لطبيب الأطفال لتقييم الحالة.

⚡️طيب نقلل الخضَّة دي إزااااي؟؟!!

جربي طريقة تقميط البِيبي بالذات في أول شهرين هتقللها وتساعد البِيبي ينام بهدوء ..

⚡️طيب لو البِيبي عنده ذراع أو رجل بتترعش أو بتتنفض بدون أي مؤثر صوتي أو حركي و على فترات متقاربة أو متباعدة دا يبقى إيه؟؟!!

دي طبعاً مش الخضَّة اللي إحنا بنتكلم عليها و في الحالة دي بنحتاج نروح للدكتور يفحص البِيبي و بيعمله تحليل كالسيوم و سكر لإن الرعشة دي ممكن تكون بسبب نقصهم و في معظم الحالات الأمور بتتحسن مع الوقت ...بس لو طولت أو حصلت بصورة متكررة و كتير الدكتور بيحتاج ساعات لفحوصات أكتر زي رسم المخ والعضلات و أشعات مقطعية و رنين...

و مننساش أن صحة اولادنا اغلي ما عندنا ❤️

دكتور إيليا بشري
أخصائي طب الأطفال و حديثي الولادة

معلومة علي الماشي🤗🤗

لازم تعرفي إن الطِّفل حديث الولادة بيفقد أول ٥ : ٧ أيام من عُمْرُه

٥٪‏ من وزنه لو بيرضع صناعي ...
أو
٧ : ١٠ ٪‏ من وزنه لو بيرضع طبيعي ...

وبيرجع يعوَّضهم تاني على سِن ١٠ : ١٤ يوم ...والسبب في كده إنه بيفقد بعد الولاده السوائل الزايده اللي واخدها من رحم الأُم...

و مننساش أن صحة اولادنا اغلي ما عندنا ❤

دكتور إيليا بشري
أخصائي طب الأطفال و حديثي الولادة

معلومة علي الماشي 🎯 🎯 📣 📣

الأطراف لونها أزرق 😳😳:

دي حاجه عاديه جدا في أول يومين من حياة الطِّفل و مش معناها إنّه بردان ...بس بيبقى فيه شوية إنقباض في الأوعية الدموية و بيروح لوحده بدون أي تدخل. 😌😌
بس لو طوِّل عن كده لازم تستشيري الدكتور بتاعك ..

و مننساش أن صحة اولادنا اغلي ما عندنا ❤

دكتور إيليا بشري
أخصائي طب الأطفال و حديثي الولادة

معلومة علي الماشي 🎯 🎯 📣 📣

البِيبي و هو نايم رِجله عامله زي الضفدعة 😳😳:

دا عادي لإن جهازه العصبي لسه ما إكتملش ..مع الوقت هايمدد رِجله وهو نايم عادي 😌😌.

تابعونا كل يوم معلومة جديدة

دكتور إيليا بشري
أخصائي طب الأطفال و حديثي الولادة

معلومة علي الماشي 🎯 🎯 📣 📣

الرّعشه :

دي فعلاً شكوى بتقلق امهات كتير ...لازم تكوني متأكده إن إبنك دفيان وتقسيله نسبة الكالسيوم في الدم وكمان تطمني على نسبة السكر...غير كده الرعشه دي عادية وبتكون بسبب إن جهازه العصبي لسه مش كامل النمو ف بيحصلّه إثاره بسهوله(بيتخض من أقل حاجه يعني ).

تابعونا و كل يوم معلومة جديدة

دكتور إيليا بشري
أخصائي طب الأطفال و حديثي الولادة

معلومة علي الماشي 🎯 🎯 📣 📣

جسم البِيبي متغطِّي شعر كإني مخلِّفة قرد مش بني آدم 😄😄:
الشكوى دي بتجيلي من أمهات البنات بالذات ...الشعر دا بالبلدي إسمه شعر البطن وبيروح كله مع الوقت ...إتطمني 😌😌.

و مننساش أن صحة اولادنا اغلي ما عندنا

دكتور إيليا بشري
أخصائي طب الأطفال و حديثي الولادة

معلومة علي الماشي 🎯 🎯 📣 📣

البِيبي بيعطس كتير و علطول مخنفر😳😳:

بيعطس كتير لإن دي الطريقة الوحيدة اللي يقدر يتخلّص بيها من الأتربة و المخاط الزايد ف مفيش قلق ودا مش معناه انه عنده برد 😌😌.

مخنفر دي بأه لان فتحات الأنف صغيره جداً و نقطة مخاط تقفلها ودي حلها شفاط الأنف ...نقلق بس لو المخاط دا بقى لونه أصفر وبقى سميك كده يبقى داخلين على نزلة برد 😌😌.

تابعونا و كل يوم معلومة جديدة

دكتور إيليا بشري
أخصائي طب الأطفال و حديثي الولادة

معلومة علي الماشي 🎯 🎯 📣 📣

صدر البِيبي كبير وجامد:

ودا بيحصل في الولاد والبنات وسببه نفس الهرمونات اللي تسبب حبّ الشباب ( راجعي بوست الأمراض الجلدية في حديثي الولادة ) والحل المتابعه وهتروح لوحدها مع الوقت لما البِيبي يتخلص من الهرمونات اللي أخدها منِّك...و إوعي تعصريها ❌❌

لإنك هتحوليها من لا مشكلة إلى مشكلة كبيرة هايدفع تمنها إبنك أو بنتك ⛔️⛔️ لانها ممكن تعمل خراج مكانها

و مننساش أن صحة اولادنا اغلي ما عندنا ❤

دكتور إيليا بشري
أخصائي طب الأطفال و حديثي الولادة

هنتكلم النهاردة عن موضوع مهم جدا و خصوصا للأمهات اللي مش بتحب ترضع صناعي 🎯🎯📣📣

تخزين لبن الأُم

-لبن الأُم ممكن يفضل في درجة حرارة الغرفة (حوالي ٢٥ درجة مئوية )لمدة ٦ساعات و يُفضَّل إستخدامه في أول ٤ساعات بالذات لو الغرفة دافئة.

-لبن الأُم ممكن يتحفظ في ال ice box لمدة ٢٤ساعة.

-لبن الأُم بيتحفظ في درجة حرارة الثلاجة (حوالي ٤درجة مئوية) لمدة ٥ أيام ...و لازم تحطيه بجوار الجدار الخلفي للثلاجة عشان دا أبرد مكان و يكون كمان بعيد عن اللحمة و البيض و الأكل اللي مش مطبوخ .

-لبن الأُم بيتخزن في فريزر الثلاجة لمدة أسبوعين و يفضّل إستخدامه في أول ٣أيام للحصول على أقصى فائدة منه ...و في الديب فريزر في درجة حرارة سالب ١٨ لمدة سنة و لكن يفضّل إستخدامه في أول ٦شهور لإن بعد كده بيبدأ يفقد قيمتة الغذائية ..

-لبن الأُم ممكن يتخزن في عبوات معقمة و مُحكمة الغلق و بتكون زجاجية أو مصنوعة من البلاستيك الصحي أو في أكياس معقمة قابلة للغلق مصنوعة مخصوص للغرض دا ...و مش هوصيكي إن لازم كل حاجه تبقى نظيفة و بالذات إيدك اللي لازم تغسليها كويس جداً قبل و خلال و بعد القيام بالعملية دي.

و كل عبوة لازم نحط عليها ورقة بتاريخ وساعة التخزين ....و تكون في وضع قائم مش نايم عشان التبريد يتم بالتساوي و تحطي القديم الأول و الأقرب لإيدك بعد كده الجديد حسب التواريخ اللي انت مدوناها.

-حاولي إن عملية التخزين تتم بأسرع وقت بعد التشفيط وسيبي في كل عُبوة بتملأيها باللبن فراغ لإن اللبن ب يتمدد بعد التجميد .

-ممكن تحطي لبن جديد على لبن قديم عندك في التلاجة بس بشروط :-

أولاً :يكون القديم و الجديد متشفطين في نفس اليوم .
ثانياً :لازم تبريد اللبن الجديد الأول قبل ما نحطُّه على القديم أو تجميده على الأقل ساعه لو هنضيفه على لبن قديم متجمد في نفس اليوم و بنحسب فترة الصلاحية على حسب تاريخ صلاحية اللبن القديم .

-لو لقيتي اللبن فصل ما تقلقيش رِجِّيه كويس قبل ما تديه ل البِيبي و إديه دافي أو بارد حسب ما هو يحب دا مش هايضره في حاجه ...

-يتم تدفئة أو إذابة اللبن المتخزن بوضع العبوة اللي فيها اللبن -مُحكمة الغَلْق- في حمام ماء دافئ ...أو ممكن ننزلها في التلاجه تفك طول الليل و ندفئها في حمام ماء دافئ الصبح ..
و بلاش نستخدم التسخين السريع في الميكرويف أو على البوتاجاز لإن دا بيفقد اللبن الأجسام المضادة اللي فيه .

-اللبن المجمد لما بيتم إذابته بيفضل صالح لمدة ١٢ساعة بعد كده بنتخلص من الباقي و لا يعاد تجميده أو تبريده..و اللبن اللي كان متبرد بس مش متجمد بنتخلص من الباقي فوراً بعد إنتهاء الرضاعة.

-لو لقيتي اللبن المتخزن لونه و رائحته مغيرين دا وارد و مش معناه إن اللبن باظ....بس لو لقيتي البِيبي مش متقبِّله ممكن تقللي مدة التخزين.

و بالرَّغم من إن لبن الأُم المتخزن في الثلاجة أو الفريزر بيفقد بعض من قيمته الغذائية و قدرته على مقاومة الأمراض إلا إنه بيظل أفضل من اللبن الصناعي بأي حال من الأحوال😊.

و مننساش أن صحة اولادنا اغلي ما عندنا ❤

دكتور إيليا بشري
أخصائي طب الأطفال و حديثي الولادة

اكتب للواد فيتامينات وفاتح شهية يا دكتور

معلومة علي الماشي 🎯 🎯 📣 📣

فى حتة طرية في نص راسه وبحس فيها بنبض وخايفة منها أوي 😳😳:

الحتة الطرية دي عبارة عن فتحة في الجمجمة اولا بتساعد على تغير حجم وشكل الراس عشان تسهل الولادة الطبيعية والنبض دا هو الأوعية الدموية اللي فوق المخ..وبتقفل عند سن سنه ل سنه ونص.ما تخافيش منها وسرحيله عادي (بس بالراحه 😊)والعبي معاه عادي و إنسيها خالص 😌😌.

تابعونا كل يوم معلومة جديدة

دكتور إيليا بشري
أخصائي طب الأطفال و حديثي الولادة

معلومة علي الماشي 🎯 🎯 📣 📣

الزغطه :

ليها كذا تفسير...ممكن تكون بسبب حموضة بسيطة ...و في بيفسر الزغطه دي بعدم النمو الكامل للجهاز العصبي واللي بيخللي التناسق بين المخ والحجاب الحاجز و عضلات التنفس غير مكتمل وبتنتج عنه الزغطة دي......أياً كان السبب الزغطة مش خطيرة خااالص و مفيش قلق منها😌😌

و مننساش أن صحة اولادنا اغلي ما عندنا ❤

دكتور إيليا بشري
أخصائي طب الأطفال و حديثي الولادة

معلومة علي الماشي 🎯 📣 📣

البكاااااااء و الصرااااااخ

لااااازم تعرفي إن دي هي لغة التواصل الوحيدة للطِّفل في السن دا....جعان ...عطشان...حران...بردان...عايز ينام...مش عايز ينام 😄...عايز يغيّر البامبرز...عايز يلعب ....تعاملي بهدوء وشوية شوية هتفهمي اللغة دي وتعرفي هو محتاج إيه بالظبط ...مش بعيد تديلنا إنتِ دروس في الموضوع دا بعد كده في اللغة دي ❤️❤️

و مننساش أن صحة اولادنا اغلي ما عندنا

دكتور إيليا بشري
أخصائي طب الأطفال و حديثي الولادة

سلسلة جديدة من المعلومات عن التغيرات في حديثي الولادة

حاجات ما تقلقيش منهم لو لقيتيهم في طِفلك اللي لسه مولود

الماميز اللي لسَّه والدين جديد او اللي داخلين على ولادة يجمعوا هنا في البوست دا 🛎🛎

هنِعْرِض حاجات كتير ممكن لو شفتيها تقلقي و تتخضِّي و هي حاجات عادية جداً و ليها تفسير لازم أعرّفهولك علشان تطمني علي مولودك

كل عَرَض هيكون له صورة والشرح تحتها

البِيبي جلده ناشف وبيقشر 😳😳:

دي حاجه عاديه جدا لانه قعد في بطنك ٩شهور عايم في الميه و نزل للهوا عشان كده جلده بينشف و بيقشر ودا مش محتاج اي تدخل ولا أي مرطبات ...سيبيه يقشر وهايظهر جلد ليِّن ومرن من غير أي تَدَخُّل.😌😌

تابعونا علشان نتعلم سوا لأن صحة اولادنا اغلي ما عندنا

دكتور إيليا بشري
أخصائي طب الأطفال و حديثي الولادة

معلومة علي الماشي 😊

بتجيلي أمهات كتير لأطفال حديثي الولادة يشتكوا إن الطفل عنده إسهال وكل ما ترضعه يخرّج 😳😳

وعلى العكس تجيلي أمهات برده يشتكوا إن اطفالهم عندهم إمساك وبيخرّجوا كل يومين أو ٣أيام 😳😳

طيب عايزة أوضح معلومة مهمه في الحالتين دول:
أولاً البيبي من سِن يوم ل ٣شهور ممكن يعمل حمام بعد كل رضعة...يعني ممكن يعمِل من ٨الي ١٢مره في اليوم ودا مش بنعتبره إسهال طول ما وزن الطفل بيزيد و شهيته كويسه...المطلوب منك يا مامي في الوقت دا بس تتابعي وزنه لقيتيه بيزيد يبقى إحنا تمام وإتطمني الموضوع هياخد وقته ويخلص و ربنا يعين الأب ويجيب بامبرز كتير 😄😄😄.

في الحالة التانية اللي الأم بتشتكي فيها مِن الإمساك...برده في السِن دا ( من يوم واحد ل ٣شهور) البيبي ممكن يعمل كل يومين تلاته ودا مش بنعتبره إمساك طول ما الحمام بتاعة لَيِّن ومفيش انتفاخ و بيرضع كويس ...🙂🙂🙂
و برده الحالة دي مش هتدوم و هتتغير مع الوقت .....
بس الأب في الوقت دا بيكون محظوظ 😄😄😄😄

و مننساش أن صحة اولادنا اغلي ما عندنا ❤

دكتور إيليا بشري
أخصائي طب الأطفال و حديثي الولادة