Dr.Yasser Hassan

(طوال آخر أسبوع في رمضان)
👇👇👇👇
#أنا :-أوعي ياست الكل تولدي وتنزليني يوم العيد

#الأمهات:- أوعي يادكتور تكون بتسافر أول يوم العيد

السلام عليكم
الامهات الافاضل
كل عام وانتم بخير بمناسبه قدوم شهر رمضان الكريم
اعاده الله علينا وعليكم بالخير وباليمن والبركات
ده استطلاع راي عن مواعيد العياده في رمضان
فتره واحده

فتره الظهيره... ندوس love

فتره بعد الفطار.... ندوس لايك

وكل عام وانتم بخير

البكريه بعد ما تولد:- أقسم بالله عمرك ما هتشوف وشي تاني

هي بعد ٣شهور :- دكتور أنا تعبانه ودايخه من الرضاعه وعايزه فيتامينات تقويني

أنا :- 👈 الله أنتي حامل يامدام 😁😁😁😁😁

منشن لأي حد وقع في الفخ ده😁😁🌷

الساده الأمهات
حابب أفضفض معاكم وأحكي لكم حكايه حصلت معايا ....ونتعلم منها جميعا

كان في حاله ولاده ولدت معايا
وطبعا الواحد ويعلم الله بيهتم بكل تفاصيل الولاده للأم والجنين معا حتي يصلا لبر الأمان
المهم الحاله دي حصل لها بعد اسبوع من الولاده التهاب في الجرح
واتت للعياده وللاسف انا كنت غير موجود كنت في مؤتمر
وجهتها أنا لدكتور جراحه نظف لها الجرح وعمل لها غرز ثانويه
واخذت علاج ومضادات حيويه وغيرت على الجرح والحمد لله قامت بالسلامه
المهم انا وكعادتي الواحد بيتابع مرضاه... ومش بيسيبهم خالص
اتصلت عليهم للاطمئنان على صحتها
في الظروف دي وفي المواقف دي لما بتحصل مشكله مع المريض بيتصل يزعق ويتخانق وبيروح للعياده ويعمل شوشره وبيحمل الطبيب المسؤوليه كامله والجديد كمان دلوقتي بيشهر بيه في كل وسائل الاتصال الاجتماعيه

المهم ردوا عليا...... وكان ردهم مفاجاه بالنسبه لي
قلت لهم الف سلامه عليها وما تزعلوش من اللي حصل ده

وقالوا لا يا دكتور احنا عارفين ان ده التهاب في الجرح وله اسباب كثيره خالص غير موضوع العمليه واحنا فاهمين ومقدرين تعبك واحنا تعبناك طوال فتره الحمل والولاده
وانت ما قصرتش وشكرا جزيلا لاتصالك واهتمامك
واحنا هنطمنك... وكله خير من عند ربنا
قفلت منهم المكالمه واتبسطت منهم ومن اخلاقهم

ومن الموضوع ده عايزين نتعلم درس انا وانتم

اولا اخلص في عملك وادي دورك على اكمل وجه
ربنا هيوقف معاك عند الشدائد
وهيجيب لك حد يدافع عنك في غيبتك وهيحميك من كل سوء

ثانيا هناك مضاعفات وارده الحدوث في الولاده او في اي عمليه
سواء في التخدير او للام او للجنين
مضاعفات ليس للطبيب داخل فيها
عوامل تحدث قضاء وقدر
مثلا ان طفل يكون كامل سليم معافى وممكن يدخل حضانه
ام ما فيهاش اي مشكله وممكن تنزف اثناء الولاده

فما فيش طبيب بيكون نيته ان يؤذي المريض

الفيصل انك تشوف ان الدكتور مهتم بيك ولا لا
واقف معاك ولا لا

وموضوع التهاب الجروح بعد الولاده دي حاجه بتتكرر كثير جدا
ليها عوامل كتير جدا غير موضوع التعقيم
مثلا الوزن بيفرق كثير.... وزياده الوزن عامل كبير عدم في التئام الجرح.... وده اكبر سبب لحدوث التهاب الجروح الولاده

الانيميا الشديده... عدم الالتزام بالعلاج

فيا ريت نراعي بعض كلنا
الطبيب يراعي مرضاه ويتقي الله فيهم ويعتبر كل واحده متابعاه زي اخته ربنا هيكرمه وهيجنبوا المشاكل

المريضه واهلها يعتبروا الطبيب صديق وليس عدو ويزودوا الثقه فيه ونتعامل بما يرضي الله علشان ربنا يوفقك في دكتور كويس يراعي ربنا فيكي

دمتم سالمين
د.ياسر حسن
أمراض النساء والتوليد والعقم
مستشفى الهلال الاحمر اسوان
للحجز والاستفسار...01096665822

Dr.Yasser Hassan د. ياسر حسن.
عيادة النسا والتوليد والعقم-بمستشفى الهلال

يادكتور.....

نعم....

:-أجيلك أمتي تاني



إمتي هيظهر النبض
طب إمتي هحس بالحركه
طب إمتي هاكل فسيخ
طب إمتي هاركب عجل
طب إمتي هحب جوزي
طب إمتي هولد



تم تفعيل وضع كله بعد العيد بنجاح

الأخوه الأشقاء السودانيين .....منورين أسوان

تري منهم الطيبه....والأدب الجم ....وإحترام رأي الطبيب المعالج ....وعدم الملاوعه

السيد آدم أتي إلينا من السودان هو وزوجته ....بعد فتره طويله من عدم الإنجاب ١٥ سنه
وتابع معانا خطوه خطوة
وربنا كرمنا وكرمه بالحمل

و النهارده كان الخبر السعيد بقدوم #محمد ❤️❤️❤️

خبر سعيد فرحهم وفرحنا كثير

اللهم أحفظ السودان أرضا وشعبا

د.ياسر حسن
أمراض النساء والتوليد والعقم
مستشفي الهلال الأحمر التخصصي
للحجز...01096665822

Dr.Yasser Hassan د. ياسر حسن.
عيادة النسا والتوليد والعقم-بمستشفى الهلال

يادكتور أنت أون لاين ...ليه مش بترد...😡

الساعه 7صباحا:- ألو ممكن أحجز الاسبوع القادم إستشاره

يادكتور رد علي بسرعه ...ياست الكل انا في العياده قدامي عيانين....رد معلش علي بسرعه

يادكتور النوع إيه ....ياست الكل أنتي حامل ست أسابيع عمره ماهيظهر دلوقتي ...الحمل اللي فات عرفته أقسم بالله في نفس الميعاد ده...شوف بس كده وركز

هي في الشهر الثالث :-دكتور وزن البيبي كام.....كويس ياست الكل ....ايوه يعني كام بالضبط....ياست الكل مش هيفرق معاكي الرقم المهم أنه كويس ...لا بس قولي كام بالضبط
طب ٢٠٠ جرام ....هي:- يعني كويس ولا وحش يادكتور

هي :- داخله العياده بسرعه وبترجع.....دخليني بسرعه للدكتور مش هنتظر .....الهادي أتكسر من فوق ...وخايفه ميه العيل تخلص

يادكتور معدتي بتوجعني ....كده شعر العيل ناعم

يادكتور أنا معدتي وجعاني ...ليه ياست الكل ....باكل طين ....إيه ...بتقولي إيه ...طين يادكتور ...وجوزي بيجبهولي

هي :- يادكتور خلي الحجز بالتليفون
غيرها:- يادكتور خلي الحجز بأسبقيه الحضور
غيرها :- يادكتور دخل مره كشف ...مره استشاره
غيرها :-يادكتور دخل المسافات البعيده الأول

🤕😢🤕😢

الحياه صعبه
وصعبه جدا
ومفيهاش راحه
ربنا قال ...ولقد خلقنا الإنسان في كبد
بنجري ونلهث فيها .......وعمرنا مابنبقي مرتاحين

لكن رغم كل ده في لحظات في الحياه بتهون علينا مرار الدنيا

اللحظات دي لما بتيجي بنتمسك بيها وبنحاول نعيشها

ومهنه الطب مهنه صعبه فيها مطبات كتير .......وخاصه النساء والتوليد ....بتبقي مسؤل عن روحين
مطالب تسلم الأم والطفل سالمين غانمين للأهل
مش مقبول أن يحدث عندك أي مشاكل أو مضاعفات
وده في حد ذاته يسبب قلق وعدم راحه بال

ولكن اللي يهون علي الواحد كل ده
أنك تشوف نتيجه تعبك ...قدام عنيك

من أجمل اللحظات ....لما أشوف حد جه زارني في العياده
والحد ده تكون أنت أول واحد. في الحياه دي لمسته وجه علي إيدك❤️❤️❤️

ربنا يحفظكم ويحفظ أطفالكم .....ويرزق الأباء من وسع ويارب ماتكسر أي أب أمام أطفاله ولا تحوجه لأحد في تلك الأيام العصيبه

...
👇👇👇
السيدات الأمهات الفضليات ....حرصا منا علي تقديم أفضل خدمه ....أعلن لكم مشاركتي أيام --((٢٥--٢٦---٢٧ يناير ٢٠٢٤)) في يوم مجاني ينظمه مركز مجدي يعقوب
للأمهات الحوامل في الشهر الرابع والخامس والسادس فقط
سيتم عمل فحص أشعه موجات فوق صوتيه لقلب الجنين علي أعلي مستوي وبواسطه أطباء إستشاريين في فحص العيوب الخلقيه للجنين

فأي أم كان لديها تاريخ مرضي بإجهاض متكرر...أو تاريخ مرضي بحمل مرض في القلب
أو أي تاريخ بمرضي بطفل داون
أو أي أم سليمه وعايزه تعمل الأشعه للإطمئان علي حملها
وفي حاله إكتشاف أي عيب لاقدر الله سيتم عمل ملف للجنين ومتابعته منذ ولادته

الموضوع أول مره يحدث في أسوان
الموضوع مجاني
العدد لو إكتمل خلاص

فحبيت أشارككم ....حتي تستفادوا منه

أي حد عايز يحجز يتواصل مع أرقام العياده عندي

01096665822
01122328320

أحد حلويات وإنتاج العياده

ونظره غضب وترقب وصدمه
لما عرف أن في حد جاي في السكه ...هيشاركه حياته .

إحنا آسف والله ....😌 بس هذه سنه الحياه

الحمل الأول :-
يادكتور احط كريم في وشي....يادكتور ينفع الروح الحمام ....يادكتور حماتي مضره للحمل....

الحمل الثاني :-
يادكتور أنا حامل في نهايه التاسع وجايه أعمل تحاليل وأولد

👇👇👇

لما اجي املي حالة دوا في التليفون
انا: هات دوا اسمه ديكال
زوج الحالة: اسمه تيتال؟
انا: ديكال ياباشا
زوج الحالة: تيفال يادكتور؟
انا: ديكااال
زوج الحالة: ديكاك
انا: دييييكاااال
زوج الحالة: كيكال؟
انا: ددديكاااال
زوج الحالة: ديكال
انا : ايووون ياريس
زوج الحالة: طيب خلاص هروح الصيدلية وهرن عليك
انا:..

ساعة عشان اوصل البيت بسبب حفلة محمد رمضان .. لو اي حالة ناوية تنزلني تاني وجالها طلق بالليل

هاقولها👇👇👇😁😁😁

Dr.Yasser Hassan د. ياسر حسن.
عيادة النسا والتوليد والعقم-بمستشفى الهلال

الأمهات الفضليات.......ممكن حد فيكم تمنشن حد قريبها (نقاش) يقولنا حل للمشكله دي

ازاي نخرج الجردل ده من البنت دي ...النقاشين عايزين يكملوا شغل في العياده

الصوره دي أتأخرت عن ميعادها ٣ أسابيع



قصه مرعبه ...بدأت بإنفجار مبكر لكيس المياه ......وراحه تامه ....ومتابعه كل يومين
لحد ما أضطرينا نحدد الولاده في نهايه الشهر الثامن
وتمت الولاده ودخلت إيلاف الحضانه
وولدنا وفكينا السلك وهي مش معانا

لحد ماتم الإفراج عنها بسلام ♥️♥️♥️

وكان أول طلب ليها أنها تيجي تاخد فوتو سيشن الولاده ....زي باقي زمايلها

ألف مليون مبروك لمدام طلوع #إيلاف بالسلامه....وتتربي في عزكم إن شاء الله

د.ياسر حسن
أمراض النساء والتوليد والعقم
مستشفي الهلال الأحمر التخصصي بأسوان
للحجز والاستفسار:- 01096665822

‏"وتظنُّ من فرط لُطفه بك، أنك عَبدُه الوحيد."
مقوله أو حكمه جميله جدا .... دائما بؤمن بها طوال سنوات عملي في تخصص النساء والتوليد
عمري ماقفلت الباب في وجه أحد

شوفت قصص وحكايات وعبر ...كثيره جدا

فالإنجاب والذريه هما رزق من الله يرزق به العباد....والله سبحانه وتعالي _ولله المثل الأعلى _هو القادر والوحيد علي المنح والعطاء وله الحكمه في ذلك سواء في المنح أو المنع

النهارده من الأيام الجميله ....لأنه كان نهايه لقصه صعبه كانت كلها مطبات ومواقف صعبه ....كانت عصيبه ....ولكن النهايه كانت سعيده والحمد لله

القصه بدأت 👈مدام أماني إبراهيم ....أتت إلينا عقم أولي ٩ سنوات ومشاكل وصعوبات ومطبات صعبه
الحمد لله حصل حمل ...وطبعا الحياه مكانش وردي ...أتعرضنا كزا مره لألام ولاده مبكره ....لحد ما حصلت الولاده في نهاية الثامن ...وطبعا كالعاده مطبات ...ولاده مبكره وحضانه فتره طويله....والحمد لله كانت النتيجه قدوم #يامن♥️

الولاده الثانيه ...برضو لم تكن ورديه...وبرضو الحمد لله كانت قدوم #يامور

النهارده بقي كانت الختام ....العسل #أيلا

أنا بقول لمدام أماني هتيجي تاني ....وهي مصره أنه ختامه مسك

وطبعا أنا اللي هافوز و هتيجي تاني وهتجيب ليامن أخ جديد


وانتظرونا مكملين .......♥️♥️♥️

ربنا يرزق كل مشتاق

د ياسر حسن
أمراض النساء والتوليد والعقم
مستشفي الهلال الأحمر التخصصي بأسوان
للحجز والاستفسار:-01096665822

Dr.Yasser Hassan د. ياسر حسن.
عيادة النسا والتوليد والعقم-بمستشفى الهلال