Dr. Sally Nady د. سالى نادى

أتعجب كثيرا مما يدخنون بكل أريحية من منتج مكتوب عليه أنه يسبب الوفاة !
و يخافون من أخذ مضاد الإكتئاب أو المنوم الذى يصفه الطبيب و يطمن فاعليته و مصرح به من هيئة الدواء !!!!

By this way, my battery is recharging
What about you?
بهذه الطريقة اشحن بطاريتى النفسية ؟
ماذا عنك ؟
نيل، كوب مظبوط من القهوة و تكييف و موسيقى ❤️🎵😊

إختيارى
ابص على نص الكوباية 🎆 المليان و احتفل بيه
او اولول و أندب حظى على نص الكوباية الفاضى 👌

أجمل حاجة يقدمها الأب، يعلم ولاده ازاى يحترموا أمهم و يقدروها ❤️💐
دى كمان بتكون هدية جميلة لزوجاتهم فى المستقبل 🌿
صورة ولادى و هما بيستقبلونى من السفر 💐

لايڤ
بعد شوية عن الإكتئاب
و غريزة الموت و غريزة الحياة

و لأن الحياة وجعتنا كتير و دايما الأوقات الصعبة بتيجى غصب عننا و عن إرادتنا 💔
قررنا احنا نخطف اللحظات الحلوة و نقف عندها و نندمج فيها و نفرح بيها 🤩🌻🌿🌞
و ناخد اللقطة و الذكرى اللى تمسح الأنة و الكسرة
و نعمل أحلى photo session بعد ١٥ سنة و أربع أطفال زى القمر بركة حياتنا

لحظات سعادتك انت اللى بتعملها

سيلو : ماما نازلة ليه بدرى لسة ميعاد العيادة
أنا : عارفة نازلة اعمل ايه 🤩 نازلة اعمل ضوااااافرى 💅
سيلو : يااااراااايقة
وأنا اللى هذاكر عشان امتحانات بكرة
(رابعة إبتدائى)
😂😂😂😂
حسيت انى معايا أمى مش بنتى 🙈🤕
ما هو انا زى اى therapist أصيل لازم اعمل حاجة لنفسي تبسطنى و تحسن النفسية 💙
مش معقول اللى بنصح الناس بيه معمولش
و الله النفسية فرقت 👍
و العلام ... كله محصل بعضه 😂
بحبك يا سيلو ❤️
طبعا البوست بهزر فيه
و انا قعدت معاها امبارح نذاكر و فى ضهرها و قت ما تحتاجنى ... بس كمان بنتعلم أن مذاكرتها مسؤوليتها و قصتها مش قصتى انا خاااالص
انا ياما ذاكرت و لسة بذاكر
أتحدث هنا عن الإتزان ⚖️
و كل مامى بتعمل اللى يريحها .... كلنا صح و كلنا جمال و متقدرين 😘😘

من أكتر الحاجات اللى علمتنى الصبر
شغلنتى كمعالج نفسي
و انا بشارك الناس رحلة التعافى و التغيير
بمجرد التزامنا بخطوات صغيرة لفترات مش قصيرة ....
بس فى الآخر بيكون تغيير للحياة تغيير للعمر كله 🌹🌿🌻

🛑🛑🛑
هاقول كام معلومة عليه غااااية فى الأهمية و المهنية و المصداقية 👌👍🏻
*الدوا النفسي مش مؤذى زيه زى دوا الضغط و السكر و القلب اللى بتستمر عليه مدى الحياة و مش بتضايق ولا بتقول انك أدمنته !!!
*الدوا النفسي مش مؤذى و لا للكبار و لا للأطفال و لا المسنين
*لو حد إتشخص اكتئاب متوسط او شديد حاد ضرورى مضاد اكتئاب حتى لو كان طفل و التأخير أنه ياخد الدوا بيعطل الشفا و بيبهدل العيان و أهله بهدلة ميعلمش بيها غير ربنا
*الدوا النفسي معجزة و نور من ربنا أنعم بيه على اللى إخترعه
*الدوا النفسي مُنقذ
*الدوا النفسي رحمة و بيعيد الحياة حرفيا للمريض و أهله
*متخافوش من الدوا النفسي
*الدوا النفسي لازم اللى يكتبه طبيب نفسي خريج طب بشرى و متخصص فى الطب النفسي غير كدة ميكتبش، حتى لو كان دكتور باطنة شاطر أو حتى الصيدلى الأمين اللى تحت بيتنا !!!
*فى خطوط عالمية متفق عليها هى اللى بيتحدد عليها التشخيص والدوا المطلوب حتى الطبيب النفسي مش بيفتى
*أرجوك إذا كان الطبيب النفسي اللى ليه تقريبا ١٥ أو ٢٠ سنة بيدرس عشان يكتبلك الروشتة مش بيفتى، أظن مينفعش حضرتك خالص اللى مدرستش حاجة فى المجال دة تفتى حتى لو كنت انت المريض أو أبو المريض أو ابن المريض
*الدوا النفسي مش مؤذى
*ياريت نفترض حسن النية فى الدكتور النفسي اللى انت وثقت فيه و روحتله و إعرف إنه عايز مصلحتك و أمنيته شفاءك و هيكتب الدوا لمصلحتك مش لضررك أكييييد فبلاش تعطله و تخوفه و تخاف منه ...
*المرض النفسي مرض عضوى ينتج عن خلل فى المواد الكيميائية فى أماكن معينة فى المخ زى القشرة المخية أو اللوزة مثلا ... فبلاش تطوع و تنصح حد متشخص إكتئاب مثلا أنه يتفسح أو ينسي أو يصلى أكتر أو يكبر دماغه لأنه بعد كدة لو راح إنتحر ☠️ أحب أقول لك انك بجد تشيل ذنبه حتى لو كنت راجل دين أو خادم أو مشير ... ذنبك أكبر يا عزيزى !!
*هناك قاعدة فى الطب النفسي أن نبدأ بأبسط الأدوية و نزداد تدريجيا ... لو طبيبك كتبلك أدوية كتير من الأول ممكن يكون إحتياجك كبير و حالتك متأخرة و تستدعى، لو قلقان مسموحلك تاخد رأى طبيب نفسي أخر
*خطر جدااااا تاخد دوا نفسي من نفسك أو توقفه من نفسك أو تقلل جرعته من نفسك دون الرجوع للطبيب النفسي ... ببساطة ممكن تعبك و أفكارك الإنتحارية تزيد ✋🏻🛑
*الطب النفسي مهنة معتمدة و راقية و دقيقة و عالمية ليها حرفتها و قواعدها و أكيد أجرتها ... هى مش دردشة و مش صداقة و مش شات

🙏🙏😇😇
شكرا لمعافرتك ... الموضوع يستاهل ❤️

للحجز 01117292372
واتساب 1555347314

الإكتئاب أصله إنحياز لغريزة الموت أكتر من غريزة الحياة 🌿
قرر بوعى تنحاز و تختار الحياة 🌞🌻
و تهزم الاكتئاب 😇🌄💪

لحجز ميعاد كلم ٠١١١٧٢٩٢٣٧٢
واتساب ٠١٥٥٥٣٤٧٣١٤

ايه أكتر حاجة بتحسسك بأمان فى العلاقة ؟
🌹💙😇

Morning 🌞🌄 from work
كتير بصحى خايفة و عندى هموم و أفكار كتير مليانة قلق
لكن بقصد و بوعى اشوف الحاجات الحلوة اللى فى حياتى و أمتن ليها
و أتوقع المعونة و الفرحة ليومى من ربنا و من نيتى الطيبة ❤️
يارب شكرا على الصحة و البيت و الشغل و الولاد و الونس و البسمة 🙏🙏
تحب تشكر ربنا على ايه 🌞😇🙏

أكبر خدعة ممكن تخدع بيها نفسك
إنك تشوف دايرتك هى العالم كله !
و إن رأيك هو بس اللى صح
العالم أكبر و أوسع بكتيييير من حتتك و دايرتك و مجتمعك و معتقدك .... بكلمك بأمانة ✋😊
و الناس المختلفة عنك كتييييير و احتمال كبير تطلع وجهة نظرهم تحترم و تقدر خارج دايرتك 👍
وسع عقلك و قلبك و إشتغل عليهم و إقبل الإختلاف بكل أشكاله ... إنت اللى هتكسب و تكبر 🌿✌️❤️

Happy Valentine's day
ايه هو الحب ❤️ بالنسبة ليك ؟؟؟

( الحمد لله )
أكثر من مجرد كلمة !

شاركنا برأيك 🌻

#يوسف ٦ سنين
حبيبى لىّ فترة كل يوم بسأله بليل
ايه اخبار يومك ؟ عملت ايه فى المدرسة
إحكيلى مشاعرك ... ايه اكتر حاجة بسطتك ؟
راح هو يا قلبى من يومين اتعلم يسألنى
ايه اخبارك يا ماما ! أخبار يومك فى العيادة ؟ عملتى ايه ... إحكيلى 🥰🫂
شعور ميتوصفش 🥹🥹
هتحصد من ولادك زى ما بتزرع فيهم ❤️

انا موجودة فى كارڤان فى الصداقة فى عيادة الدعم النفسي لإخواتنا السودانيين
الكشف و العلاج ببلاش
تحت رعاية مديرية الصحة و منظمة الصحة العالمية
من الأحد للخميس صباحا 💐🌿🌻

احكولنا عن مشاعركوا ناحية اللى بيحصل فى غزة 💔

الإنسان جسد و نفس و روح
بنهتم بأجسادنا كثيرا
و بأرواحنا و ممارسة الطقوس الدينية ...
لكن لماذا لا نعطى صحتنا النفسية حقها و أولويتها ؟؟؟
شاركنا برأيك 🌻🤗
لحجز ميعاد كلم ٠١١١٧٢٩٢٣٧٢
واتساب ٠١٥٥٥٣٤٧٣١٤

I've received 1,000 reactions to my posts in the past 30 days. Thanks for your support. 🙏🤗🎉

يحتاج أولادنا أن نتعلم كيف مرعى أنفسنا قبل أن نرعاهم هم 🥰
أيه رأيك ؟

للحجز كلم ٠١١١٧٢٩٢٣٧٢
واتساب ٠١٥٥٥٣٤٧٣١٤

بعد نص ساعة هندردش فى لايڤ عن الأمومة و التربية
خلينا نتجمع 🌿🤝

اولا انا بحب اكتب و بحب اعبر عن نفسي و بحب نتعلم من بعض و نتبارك ببعض
كمان بحب أتأمل و الكتابة بتخلينى أتأمل و أربط الأمور بمخى الواعى أكتر
و بحب البوستات تجيلى فى الميمورى و اشوف تطورى الروحى و العقلى و النفسي و أحب سالى فى كل مراحلها 💚🌿
انا بقول كدة عشان الناس اللى مش بتحب تكتب او تشارك متنقدش اللى بيكتب و يشارك 🤝
عشان احنا فى الآخر شخصيات مختلفة و كل واحد ليه طرقه و ونسه و دفاعياته المختلفة و بلاش تشخصن الكلام أو تحكم من غير ما تسأل الشخص نفسه أو تعرفه عن قرب ❤️
عيد ميلادى ال 39
ممتنة لكل لحظة و يوم و شهر فيها
كبرت و اتغيرت اتألمت و عيطت و انهارت و فرحت و رقصت و ضحكت لحد ما دمعت
مريت بأصعب موقف فى عمرى كله ممتنة لكل تفاصيله طلعت منه بدروس تقريبا كنت احتاج ١٠ سنين عشان اتعلمها
شفت ربنا حبيبى شفته الأب و الصديق و القاضي العادل و المحامى و الملهم فى الشدائد
ممتنة اوى لعلاقات مكسب كبير اوى طلعت بيها السنة دى ناس حقيقية و حنينة و قريبة و مريحة ناس بتفهمنى من قبل ما أتكلم لأنها بتسمع من ربنا و بتشوف زى السما ناس صوتها بس راحة و سكن و حضن ❤️ 🫂
ممتنة لنضوجى و سقطاتى و نقصاتى و نوبات غضبى و انتكاساتى ممتنة لجدعنتى و قوتى و ايمانى نبعها الهى لأن لنا هذا الكنز فى أوانى خزفية
ممتنة لإنسانيتى
عيد ميلادى مختلف قررت اخده فى مكان لوحدى و أتأمل و أهدا و أكافأ و أهادى نفسي
و دة لوحده مرحلة جديدة علىّ
ممتنة لجوزى اللى خد الولاد و سابنى اتبسط بطريقتى من غير ما يحكم علىّ
ممتنة لوجوده لكل لحظة هو معايا فيها حبيبى ابو قلب دهب ❤️
ممتنة لإلهى
كل سنة و انا إنسانة عادية لكن ممتنة و راضية 🤗🥰

لا يوجد على الأرض أقوى من إنسان يقبل ضعفه 🌿💪

للحجز كلم ٠١١١٧٢٩٢٣٧٢
واتساب ٠١٥٥٥٣٤٧٣١٤

يا ترى تحب تربى ولادك بنفس الطرق اللى اتربيت بيها !!!!
شاركنا برأيك 🫣

لحجز ميعاد كلم ٠١١١٧٢٩٢٣٧٢
واتساب ٠١٥٥٥٣٤٧٣١٤