ON Diet

كل الدهون مضره ؟ 🤔
الدهون مش كلها مضره ، لانه في فرق بين الدهون الصحية والدهون اللي بتسمم حياتنا 😔
الدهون الصحية هي الدهون اللي بتفيدنا وتساعدنا فى صحتنا ❤
⬅بتكون موجودة فين ؟ 🤔
▪موجودة فى الافوكادو والأسماك والبيض والجبنة الطبيعية (مش نباتية الدهن) والسمسم والمكسرات بأنواعها
⬅مكونه من ايه ؟ 🤔
▪بتكون غنيه بالأحماض الدهنية زي:
◻أوميجا 3
◻أوميجا 6
⬅إيه هي وظيفتها ؟
▪بتساعد إن الجسم يقوم بوظايفه بشكل سليم زي:
◻تنظيم ضغط الدم
◻تقويه عضلة القلب
◻تعزيز نمو الدماغ
◻تحسين المزاج
◻كمان بتساعد علي إمتصاص الفيتامينات الدهنيه الذائبه في الدهون ( A,D,E,K )
◻بتعمل علي زيادة الشبع وتمنع الجوع الزايد و المستمر فبتساعد علي تنظيم الوزن
◻بتقوي جهاز المناعة ومقاومة الالتهابات فى الجسم.
📌 الدهون الغير صحيه هي الدهون المشبعه اللي موجوده في الزيوت و الوجبات السريعة و الحلويات 🍕🍟🍔🌭🍫🍩
📌مهم نكون بنتحكم فى كمية الدهون اللي بنستهلكها لأن زيادتها عن المستوى الطبيعي هتؤدي لمشاكل في الشرايين، ونختار الدهون الصحية ونبعد عن الدهون المشبعة و الزيوت المهدرجة
📌مهم نضيف الدهون الصحية للنظام الغذائي ونخلي دا جزء من حياتنا ❤

جرثومة المعدة كلاكيت تاني مرة 🎬
اتكلمنا في البوست اللي فات عن إيه هى جرثومة المعدة وايه أسبابها وخطورتها واعراضها
هنتكلم انهاردة عن إمتى المفروض أروح للدكتور ؟
لما يكون في :
◼ألم شديد جداً و مستمر في البطن
◼دم في القيء
◼ تلون البراز باللون الأسود أو يكون في دم.
◼نزول في الوزن من غير سبب.
طيب إيه المضاعفات اللي ممكن تحصل ؟
◼التهابات بطانة المعدة
◼قرحة
◼نزيف داخلي
◼سرطان المعده
هنا يبقى السؤال الأهم
إزاي نقدر نحمي نفسنا من الجرثومة ؟
◼نغسل إيدينا كويس جدا جدا
◼نعقم المياه
◼نغسل الخضار والفواكه كويس
◼ ناخد بالنا في التجمعات إن منشاركش الاطباق والكوبايات (بس ده ميمنعش إن إحنا أهل و قرايب و كل حاجة 😂🤝)
لو عندك اى سؤال بخصوص جرثومة المعدة اكتبلنا فى الكومنتات🥰🥰🥰🥰

🛑جرثومة المعدة ممكن تكون عندك وإنت متعرفش !!
🛑إتشخصت جرثومة معدة ومتعرفش عنها حاجة ؟
📣 تعالى أقولك إيه هي جرثومة المعدة ؟
شكلها حلزوني، و بتعيش وبتتكاثر في الجدار المبطن للمعدة ، وهي السبب في كتير من أمراض المعدة ومن ضمنها القرحة، وبتفضل في جسم المريض لغاية ما ياخد العلاج.💊

⬅️ازاي بتدخل جسمك؟
◼️عن طريق الأكل والشرب وإنك تستخدم أواني غير نظيفة.
◼️عن طريق لعاب الشخص المصاب ومشاركة الأواني المنزلية معاه.

⬅️بتعمل ايه الجرثومة؟
هدفها الرئيسي المعدة والإثني عشر (ودا الجزء الاول من الامعاء الدقيقة)، بتصيب البكتيريا الأنسجة الواقية لبطانة المعدة.
إصابة خلايا المعدة والإثني عشر بتعمل إلتهاب شديد و حاد في جدار المعدة و بِيسمَّى (إلتهاب المعدة) أو الإثني عشر و بِيسمَّى (إلتهاب الإثني عشر) والاتنين دول بيحصل فيهم تلف كبير جدا بسبب (حمض المعدة).

⬅️إمتى أخاف من الاصابة بالجرثومة؟
◼️ابدأ أقلق وأخاف من الإصابة لو في شخص قريب من الدرجة الاولى أو الثانية مصاب بنفس المرض
◼️ كمان لو انا عايش في مكان المياه فيه مش نظيفة أو معقمة، بالاضافة للبلد اللي أنا فيه هل هو نامي او مزدحم جدا.

⬅️أعراض جرثومة المعدة:
📌في وجه شبه كبير جدا بين أعراض جرثومة المعدة وأعراض القرحة
يلا نعددها:
◼️بيكون عندك غثيان وقيء 🤢
◼️ألم في اعلى البطن.😰
◼️حرقة في المعدة ودا بسبب حمض المعدة.😰
◼️نقص في الشهية و الشبع بعد تناول كمية قليلة من الأكل.😖
◼️البراز بيكون لونه داكن او قطراني.
◼️إذا كان في نزيف بسبب القرحة دا هيعمل فقر في الدم وإرهاق.🤧

👈🏻تابع معانا البوست اللي جاي ه‍نتكلم فيه عن دواعي زيارة الطبيب ومضاعفات جرثومة المعدة وكمان أهم طرق الوقاية منها.❤️
تابعونا 💪

ايوة زى ما انت قريت ببلاش 💃😍
مسابقة لو كسبتها هتاخد شهر متابعة ببلاش !! 🥳🥳
شروطها بسيطة بس اللى هيكسب شخص واحد بس وهو وشطارته 😄😄
الشروط :
1- يكون عامل لايك وكومنت علي البوست ده 👍
2- يعمل شير للبوست ده على صفحته , واكتر شخص البوست اللى عمله شير هياخد لايكات وكومنتات هو ده اللى هيفوز معانا 😍
ملحوظة 1 : ابعتلنا سكرين شوت بالبوست بتاعك 🤓
2 - المسابقة هتتقفل كمان يوميين 🙃

🔴ورقة و قلم يا ست الكل و ركزي معانا 😂❤
(و لو انت راجل ف تقدر عادي تبعت البوست دا لزوجتك أو والدتك عشان تحافظ على صحتهم و توريهم بتحبهم و تخاف عليهم قد ايه☺)

⚠️الكلام النهاردة مش هيكون ليه علاقة بالدايت لكن ليه علاقة بصحتك الجسدية و العظام

شغل البيت بيكون كتير سواء تنضيف-مطبخ-غسيل-مكوى-طلبات من السوبر ماركت (ربنا يكون في عون جميع الستات و يجعله في ميزان حسناتكم)
دي كلها حاجات بتحتاج وقوف لمدة طويلة و هنا بتحصل المشكلة
بتلاقي نفسك من غير ما تحسي محملة على رجل اكتر من التانية سواء كانت اليمين أو الشمال
و دا بيحصل بشكل تلقائي عشان تريحي رجل من الاتنين و للأسف دا بيأثر على باقي الجسم ف ممكن تلاقي بعد الشغل كعبك بيوجعك (الرجل اللي كنتي محمله عليها) و ظهرك واجعك من منطقة الفقرات القطنية و رقبتك و كتفك فيهم وجع في العضلات
-المشاكل دي بسبب المجهود الكبير و الوقوف لمدة طويلة أولاً
-ثانيا بسبب التحميل على رجل واحدة

*التحميل على احد الرجلين بيعمل خلل في الوضع الميكانيكي للجسم في شكل سلسلة من التغيرات اللي بتحصل من أول الكعب لحد الرقبة

🟢كمثال لو انتي محملة على رجلك اليمين:

1️⃣ هيبدأ التأثير من الكعب ف ممكن يظهر مع مرور الوقت الشوكة العظمية في الكعب (calcaneal spur).
‏2️⃣ بيمتد بعد كده التأثير للركبة و بيكون في ضغط كبير على الغضاريف و يبدأ يظهر وجع في الركبة من ورا.
‏3️⃣ التأثير بيكمل لمفصل الفخذ و بيزود الحمل على الاربطة المحيطة بالمفصل و ده بالتالي بيأثر علي الحوض و الفقرات العجزية المتصل بيهم
‏4️⃣ بعد كدا بينتقل التأثير للفقرات القطنية و دي اكتر حاجة بقي بتتأثر من الوقفة الغلط نتيجة ان بيكون في ضغط على ناحية أكتر من التانية في الفقرات و بمرور الوقت يبدأ يظهر مشاكل في الغضروف بين الفقرات و دا بيؤدي للإنزلاق الغضروفي.
5️⃣ الضغط الغير متساوي على الفقرات بيأثر على العمود الفقري كله و بينقل التأثير لفقرات الظهر و الرقبة و دا بيعمل خلل في التوازن بين عضلات الظهر و الرقبة (muscle imbalance) و بيؤدي لشد في عضلات الرقبة و بيسمع في الكتف
‏
‏*الخلاصة*
‏حاولي دايما تاخدي بالك من طريقة الوقوف خصوصا لو هتقفي لمدة طويلة و حاولي تاخدي فاصل بين المهام بتاعتك و ربنا يقويكي❤️

🚫 استني! ... فين كوباية الليمون بالنعناع بتاعتك عشان نكمل كلامنا 🤔🔥
ليه بتصحي جسمك مكسر (الجزء الثالث)
كنَّا قولنا إن من اسباب انك بتصحي جسمك مكسر هو الالم العضلي الليفي (Fibromyalgia)
( لو متعرفش باقي الاسباب تقدر تعرفهم من خلال اللينك دا: )
⬅️ دا مرض مزمن بيتميز بالإحساس بالألم ف كل عضلات و مفاصل الجسم، و نتيجة الألم المزمن دا بيحصل إجهاد و أرق و اللي بدوره بيؤدي للاكتئاب و بالتالي زيادة الإحساس بالالم 😭

🔴 للأسف يا صديقي مفيش تحاليل او اشعات او اختبارات نقدر نشخص بيها المرض ده و لكن نقدر نقول ان عندك المرض ده لو لقيت 11 tender points from 18 points متواجدة لمدة ٣ شهور.
* ال Tender point هي نقطة لما بدوس عليها بتديني إحساس بالالم *
‏و في المرض ده تحديدا لما بدوس ع النقطة دي بيسمع في الدماغ ك صداع بسبب إشارات الألم اللي حفزت بعض خلايا المخ بطريقة Abnormal و دا التشخيص الأساسي للمرض حتي الان
‏
🟡 بيكون مصاحب ليها أعراض زي:
1️⃣صداع مزمن
2️⃣ألم طول الوقت في الجسم كله
3️⃣إرهاق و تعب من أقل مجهود
4️⃣خشونة صباحا
5️⃣حساسية لأي stress و ظهور الأعراض 6️⃣صعوبة ف التركيز و تأدية مهام متعددة (Firbro fog)

⛔️مفيش اسباب محددة للمرض و موجود أكتر في النساء

🌹العلاج
لم يتم اكتشاف علاج للمرض حاليا (ولكن في المستقبل أكيد هيبقى ليه علاج ❤️) ولكن نقدر نسيطر ع الاعراض المصاحبة ليه زي:
🟢 الاكتئاب ب مضادات إكتئاب antidepressants
🟢 ‏ألم العضلات ب باسط للعضلات muscle relaxant
‏ (متنساش تستشير طبيب مختص قبل م تاخد أي دواء)
🟢تحسن جودة نومك و دا بيساعد جدا على السيطرة على الوجع (تقدر ترجع لبوست تحسين جودة النوم من هنا: )

و في النهاية بندعي لجميع المرضى بالشفاء العاجل و العافية ❤️

⛔️لو عايز تعرف أكتر عن ال Flexible Diet المميز عندنا تقدر تبعتلنا DM 😉🤍

⭕️ ليه بتصحى جسمك مكسر ؟ (الجزء الثاني🔥)

لسة مفاصلك وجعاك من البوست اللي فات و مش فايق؟ 🥱
هات كوباية الليمون بالنعناع بتاعتك🍹 و تعالى نكمل كلامنا❤️
اتفقنا يا صديقي اننا هنقسم المشكلة لجزئين:
١. عوامل تقدر تتحكم فيها ✅️
٢. عوامل ملكش يد فيها ❌️
تعالى نتكلم عن العوامل اللي ملكش يد فيها:

1️⃣ الكورتيزول Cortisol
الضغط العصبي المستمر سواء من الشغل او المشاكل او الامتحانات بيرفع مستوى الكورتيزول في الدم و دا بيأثر على جودة النوم و مش بيخلي جسمك يستفيد من الفترة اللي بتنام فيها

✅️حاول تقلل الضغط حواليك و تعمل تمارين تنفس عشان تساعدك على الاسترخاء

2️⃣ سكر البالغين Type 2 Diabetes
بيؤدي الى اضطراب في النوم في حالة زيادة او نقص نسبة السكر في الدم بشكل كبير
في حالة الزيادة:-
١. الكلى بتشتغل بشكل اكبر بالليل و دا بيزود عدد مرات دخول الحمام
٢.الجسم بيفقد مياه كتير و يزيد العطش عند مريض السكر بالليل و دا بيأثر على جودة النوم
في حالة النقص الشديد:-
بيبدأ المريض يحلم بكوابيس و يجيله اضطرابات ذهنية تأثر على جودة النوم

✅️ف مهم مريض السكر يظبط سكره كويس و يتابعه بإستمرار

3️⃣ اضطرابات الغدة الدرقية
في حالة النشاط الزايد او الكسل، هرمون الثيروكسين Thyroxine بيتأثر و بيؤدي للعصبية الزايدة و الاحساس بالتعب و وألم المفاصل و العضلات و ضعفها

✅️مهم انك تتابع مع الطبيب و تعمل تحاليل T3,T4,TSH عشان تتأكد ان الغدة الدرقية شغالة بكفائتها و ان الكسل و احساسك بالتعب مش بسببها

4️⃣ نقص فيتامين د vitamin D
بيأثر على تكوين العظام و بيخليها ضعيفة، و بيرفع نسبة هرمون الكورتيزول في الدم *زي م اتكلمنا في أول نقطة*

✅️ف لازم تتعرض للشمس كل يوم على الاقل نص ساعة (الشمس بتاعت الشروق لحد الساعة ٨ ص) و لو نسبة vitamin D قليلة عندك ممكن تحتاج تاخد الفيتامين ك أقراص او نقط

⛔️اخر نقطتين دول هيبقى ليهم بوستات لوحدهم عشان مهمين جدا ( الكلام فيهم مخلصش لسة😉🔥)

5️⃣ الأوميجا ٣ Omega 3
احماض الاوميجا ٣ بتساعد على تقليل الالتهابات و بالتالي بتحسن جودة النوم

✅️مهم أن النظام الغذائي بتاعك يكون في اوميجا ٣

6️⃣ متلازمة الألم العضلي الليفي Fibromyalgia

⛔️هسيبلك لينك الجزء الأول في الكومنتات 🔥

✳️سيب كومنت لو عايز تعرف اكتر عن الدايت و إزاي تظبط وزنك بسهولة من غير م تحس✔️

⭕️ ليه بتصحى جسمك مكسر ؟

مهما نمت كتير مش بتصحى مرتاح و بتحس انك عاوز تنام تاني و مش فايق و مفاصلك وجعاك ؟
تعالى نشرب ليمون بالنعناع كده🍹 و نتكلم بروقان ❤️
بص يا صديقي..
هنقسم المشكلة لجزئين:
١. عوامل تقدر تتحكم فيها ✅️
٢. عوامل ملكش يد فيها ❌️

🟢 تعالى نشوف تقدر تتحكم في ايه سوا:

1️⃣عدد ساعات النوم : تقدر تتحكم فيها عن طريق تنظيم عدد دورات النوم (الدورة الواحدة بتكون ساعة و نص) احسب عدد ساعات نومك بالطريقة دي و دا هيساعدك تقوم مرتاح و فايق

2️⃣ درجة حرارة الغرفة: متبقاش باردة اوي ولا حر اوي

3️⃣المراتب و المخدات قديمة و مش مريحة (العمر الافتراضي للمرتبة من ٧ ل ١٠ سنوات او اول م تحس انها مبقتش مريحة )

4️⃣ بتنام في النور (بيقلل فرصة دخول الجسم في مرحلة النوم العميق Deep sleep)

5️⃣ ‏مش بتشرب مياه كويس (ارجع لبوست المياه من هنا: https://www.facebook.com/100177165934925/posts/102916585660983/ )

6️⃣ ‏بتمسك الموبايل قبل م تنام على طول (الضوءالأزرق الخارج من الموبايل بيقلل إفراز هرمون الميلاتونين melatonin المتحكم في دورة النوم و الاستيقاظ ، بيزود انتباه الجهاز العصبي فتبقى مفنجل في السرير 😂 )

7️⃣ شرب المنبهات( ابعد عن الكافيين و المنبهات قبل النوم ب ٦ ساعات )

8️⃣الخميرة (الاطعمة زي الزبادي و اللبن الرايب و الجبن و الكيمتشي و الكافيار بتحتوي على البكتيريا النافعة Probiotics اللي بتحسن أداء النواقل العصبية بين الاعصاب و دا بيساعد على الاسترخاء)

9️⃣ ‏النظام الغذائي (لازم يحتوي على مضادات اكسدة و مضادات للالتهاب و أبعد عن الاكل المقلي و السكريات قبل النوم)

⛔️ استنى الجزء التاني عن الحاجات اللي ملكش يد فيها (بس هنتحكم فيها سوا😉)

✳️سيب كومنت لو عايز تعرف اكتر عن الدايت و إزاي تظبط وزنك بسهولة من غير م تحس✔️

⛔️لما بتزعل بتحب تاكل سكريات و حلويات اكتر ولا معجنات؟ (جاوب قبل م تكمل😃)
**البوست طويل شوية لكن في معلومات مفيدة جدا انصحك تقرأه كله لكن لو بتزهق ف تقدر تنزل لآخر فقرة**

الواحد لما بيتضايق بيدور دايما على حاجة يفرغ فيها غضبه و ضيقته؛ في ناس بتنام، تتفرج على فيديوهات، تتمشى، و في ناس بقا (و دا اغلبنا بالمناسبة😅) بيروح ياكل و طبعا كل م بنزعل اكتر بناكل اكتر😂💔
و دا اسمه الجوع العاطفي..
الجوع العاطفي هو انك تروح تاكل عشان تسد احتياج او شعور عاطفي معين عندك
زي مثلا انك تاكل لما تتوتر او تزعل او اي مشاعر سلبية عموما من غير م تكون جعان

المشكلة هنا بتبقى في الندم، بعد م بناكل بنحس بالذنب و ان ازاي أكلنا الكمية دي و يبدأ تأنيب الضمير فالمشاعر السلبية تزيد و دا يخليك ترجع تاكل تاني بشكل اكبر من الاول و ندخل في دائرة مغلقة ♻️ و يبدأ للاسف الوزن يزيد😓

طيب ليه لما بحس بالزعل باكل أكتر؟
ببساطة المشاعر السلبية بتدي احساس خاطئ بالجوع و ان الواحد معدته فاضية و لما تبدأ تاكل بتحس بالشبع و إن معدتك اتملت و طبعا كل دا احساس وهمي فقط
‏
⭕️الاسباب اللي ممكن تخلي الاحساس ده يزيد عندنا:-

1️⃣ تفضل تكلم نفسك بكلام سلبي زي: انا وحش، فاشل، مش بعمل حاجة ف حياتي، الخ..
2️⃣ مش بتعمل أنشطة تشغل وقتك و
تقلل من زعلك و احباطك
3️⃣ الضغط و التوتر الشديد و اللي بيعلي مستويات الكورتيزون و يديك احساس بالجوع

🚫ازاي اقدر افرق بين الجوع الجسدي و الجوع العاطفي؟
⬅️الجوع الجسدي بيزيد ببطئ و بيبقي ع فترات بعيدة (عدد ساعات كتير نسبيا)✅️ لكن الجوع العاطفي بينمو بسرعة و على فترات قصيرة ❌️
⬅️الجوع الجسدي بيخليك عاوز تاكل انواع مختلفة من الاكل✅️ لكن الجوع العاطفي بيوجهك لوجبات معينة❌️
⬅️الجوع الجسدي بعد تناول كمية مناسبة من الاكل بتحس بالشبع✅️ لكن الجوع العاطفي مهما تاكل مش بتحس بالشبع ❌️
⬅️الجوع الجسدي بيحسسك بالرضا و انك ماكلتش زيادة عن اللزوم✅️ لكن طبعا الجوع العاطفي بتحس بعده بالذنب لأنك اكلت كتير ❌️

⚠️باختصار ركز كويس ازاي و أمتى بتجوع و بتحس ب إيه بعد الاكل

🟢نيجي بقا لأهم حاجة و هو ازاي نعالج المشكلة دي:-
1️⃣ لازم طبعا قبل أي حاجة نحاول نبعد عن الضغط و التوتر و ناخد الأمور ببساطة عشان صحتنا النفسية و نبدأ نوجه المخ لانشطة تانية زي التمرين، القراءة، المشي او اليوجا (و اللي بالمناسبة الدراسات أظهرت ان ليها تأثير إيجابي كبير في تقليل الضغط و التوتر)
2️⃣ فضفض و اتكلم مع أسرتك و صحابك و أبعد عن العزلة
3️⃣ متسيبش في البيت الوجبات السريعة و السهلة زي الفراخ المقلية، البطاطس، الشيبسي و الحلويات و اللي فيه دهون و سعرات عالية ف بالتالي مش هيبقي سهل توصل ليها لما تتضايق او تزعل
4️⃣ أمضغ الأكل لمدة طويلة و متبلعش بسرعة
دا هيدي احساس للجسم بالشبع أسرع 😉
5️⃣ متاكلش قدام التليفزيون او الموبايل
ده يبان للبعض حاجة غريبة 😂 لكن الاكل قدامهم بيخلي تفكيرك مشتت و مش مركز في الأكل ف هتاكل كميات كبيرة و أنت مش حاسس خصوصا انك متضايق😅
6️⃣ دايما خصص وقت لنفسك و اتكلم معاها كلام ايجابي زي قد ايه كنا حلوين النهاردة والإنجازات اللي عملتها في اليوم كنت كويس ف ايه النهاردة

🟢و متنساش صحتك هي أغلى حاجة عندك و نعمة كبيرة من ربنا لازم نحافظ عليها

⭕️ تقدر تتحدى نفسك و تخس ٧ كيلو في رمضان🌙؟
⛔️ لو انت بتحب التحدي ف احنا بنتحداك تحقق الرقم دا خلال الشهر الكريم و هتكسب معانا ٥٠٠ جنيه 💰

وإحنا في ON Diet أكيد في ظهرك و هنشجعك 💪😉🔥
عن طريق:
1️⃣ نظام غذائي متوازن و مرن من غير احساس بالجوع و طبعا مناسب لشهر رمضان🌙✅️ (و مخصوص عشانك اكيد😉)
2️⃣ متابعة يومية طول الاسبوع على الواتساب (يعني دكتورك في جيبك🥼)
3️⃣ برنامج تدريبي في البيت يساعدك تحقق التارجت 🏋‍♂️(عشان عارفين ان اليوم ضيق في رمضان)
4️⃣ دعم نفسي و life coaching لتنظيم وقتك في رمضان عشان تخسر دهون و تزيد حسنات❤

🔞إذا كنت بطل و قبلت التحدي ف ابعتلنا inbox أو سيب كومنت بسرعة عشان نبدأ سوا💪🔥

⛔️ أنت هتوقف الدايت في رمضان؟!

دي أكبر غلطة ممكن تعملها لأنك كدا بتضيع فرصة كبيرة جدا هتفرق في مشوار الدايت بتاعك

🟢 كلنا عارفين الصيام المتقطع و فوايده الكتير على مستوى التحكم في الوزن و على مستوى الصحة البدنية بشكل عام
(لو عايز تعرف معلومات اكتر عن الصيام المتقطع و أشكاله المختلفة هسيبلك لينك في الكومنتات او ممكن تبعتلنا رسالة و هنوضحلك فيها كل حاجة)

طب م الصيام في رمضان هو هو الصيام المتقطع بالعكس كمان رمضان هو الأساس و الصيام المتقطع هو تقليد لرمضان، احنا في رمضان بنصوم حوالي ١٤ ساعة من الفجر لحد المغرب و بنفطر ١٠ ساعات

الفكرة بس إزاي تاخد السعرات المناسبة من بعد الفطار لحد السحور عشان متلاقيش وزنك زاد زي م بيحصل مع اغلب الناس و دا بيبقى نتيجة للتنظيم الغلط لنوع الاكل و طريقة الاكل نفسها و للأسف بيضيع كل اللي انت عملته طول نهار رمضان

🔴 تابعنا عشان تعرف ازاي تنظم أكلك على الفطار في رمضان و تحقق هدفك و تخرج بحسنات اكتر و دهون أقل 😂🤍
🔴 لو عندك أي سؤال بخصوص الدايت في رمضان أو الدايت بشكل عام تقدر تسيبه في كومنت و هنكون سعداء بالرد عليه🤍

⭕️هو الدهون بتروح فين لما بتحرقها؟

لما تعمل مجهود و جسمك يبدأ يحرق الدهون المتخزنة بيطلع منها ٣ حاجات:
١- طاقة و دي اللي جسمك بيستخدمها
٢- ثاني أكسيد الكربون CO2 و دا بيخرج مع النفس
٣- مياه و دي بتخرج عن طريق العرق و البول و جزء بيخرج ك بخار مياه مع النفس
و لو مش بتشرب مياه كويس ف المياه دي هتتخزن بين الخلايا و تخلي وزنك مبينزلش و شكلك منفوخ.


🟢 أرجع لبوست المياه عشان تعرف أكتر عن فوائد المياه و ازاي تحسب الكمية اللي انت محتاجها كل يوم
‏
⛔️و تقدر تبعتلنا inbox او تسيب كومنت لو عندك اي استفسارات او عايز تعرف اكتر🤍

و بس كدا، شكرا لوقتك ❤

⛔️ليه بتخس في المقاسات و مش بتخس ع الميزان؟
و مش عشان السبب اللي جه في دماغك لا 😂

دايما لما بتعمل دايت بتقابلك مشكلة رخمة و هي انك بتلاقي جسمك بيخس و مقاساتك بتتغير لكن لما بتوزن بتلاقي وزنك ثابت مش بيتحرك و دا بيحسسك بعدم الإنجاز و تبدأ تشك في نفسك و في الدايت بتاعك و إنك ماشي غلط
لكن اتطمن❤
دي مرحلة بيمر بيها ناس كتير نتيجة التخلص من الدهون، الخلايا اللي بتخزن الدهون في جسمك بيبقى عددها كبير و حجمها كمان كبير نتيجة الدهون اللي متخزنة فيها ف لما بتعمل دايت و تحرق الدهون دي بيبدأ حجم الخلايا يصغر لكن عددها ثابت عشان جسمك بيبقى مستني يرجع يملاها دهون تاني (أوعي تديله اللي هو عايزه ها😉)

الدهون اللي بتتحرق بينتج عنها طاقة و CO2 بيخرج عن طريق التنفس و مياه (بتبقى كمية بسيطة) و هي دي اللي بتتخزن في الجسم بين الخلايا و تخلي ميزانك ثابت مش بيقل
⛔️خلي بالك المياه دي مش بتتخزن في الخلايا الدهنية زي م هو شائع

طب نحل المشكلة دي ازاي عشان أنا بدأت احس إنك زهقت 😅
الحل بسيط جداً
✅️ إشرب مياة
اه والله بس كدا 😂
المياه دي اتخزنت نتيجة ان جسمك في نسبة جفاف
اول م تشرب مياة كتير هيبدأ جسمك يتخلص من المياة المتخزنة جوا دي و تخس ع الميزان يا بطل 💪✌️

الظاهرة دي معروفة بإسم (whoosh effect) و بتظهر اكتر مع اللي بيتبع نظام ketogenic diet

و طبعا الكلام اللي فوق دا ⬆️ في حالة انك مش بتروح جيم و مش بتزيد كتلة عضلية

⭕️سيب كومنت عشان تعرف اكتر عن الدايت و إزاي تنظم أكلك بطريقة صحية ❤
و تقدر ترجع للبوست بتاع المياة و أهميتها من هنا ⬅️ https://m.facebook.com/story.php?story_fbid=102916585660983&id=100177165934925

الساعة...الساعة ! 😂

كلنا عارفين ان الساعة البيولوجية هي منبه الجسم الطبيعي, بتسستمك تصحي ف وقت معين كل يوم حسب ما انت ظبط المنبه ع كام و تاكل امتى و تشرب امتى لان كل ده عمليات حيوية و ضرورية للجسم
لكن مش بناخد بالنا من أهمية ظبط المنبه بحيث ناكل ف الوقت المناسب و الصحي لينا عشان جسمنا ينام بليل بالقدر الكافي ليه (يعني بعدد الساعات اللي محتاجها)
طب هو احنا ليه محتاجين ناخد بالنا من حاجة زي كده؟
عشان ببساطة الساعة البيولوجية بتلعب دور مهم جدا ف الدايت عن طريق انها بتحسن جودة النوم و ده بيساعدك ف حرق الدهون و بيزود إفراز هرمونات الشبع و مش بس كده ،تؤتؤ، ده كمان بيساعد الجهاز الهضمي انه يشتغل بكفاءة عالية و بيحفز الانزيمات ع بناء جسمك بشكل صحي و سليم 👌💪

🔴ازاي بقا نظبط ساعتنا البيولوجية ؟🤔
هنوفر ل هرمون الميلاتونين *المسوؤل عن انه يخليك تروح ف النوم* اللي هو محتاجه عشان يزيد افرازه عن طريق اننا نصفي ذهننا من اي حاجة في الكون و نطفي النور سواء بقا نور الأوضة او التليفزيون او اللابتوب او الموبايل ها 👀 و نستلقي ع السرير ف هدوء تام 🛌 هو هرمون قنوع مش عاوز أكتر من كده 👉

🔴و سيب كومنت لو عايز تعرف اكتر عن الدايت و إزاي تظبط أكلك بسهولة من غير م تحس✔️

🔴 تقدر تتابعنا على Instagram من هنا on_diet_1

⭕️ إزاي جسمك يحبك؟

كلنا بنحب النوم و الراحة و الأنتخة بس إزاي النوم بيأثر على وزنك؟
السهر و الأكل بعد الساعة ١١ بالليل بيأثر على جسمنا و حالتنا النفسية بالسلب و بيأثر على توازن الهرمونات في الجسم؛
🔴 ف على المستوى النفسي بيؤدي للاكتئاب و النسيان و فقدان التركيز
🔴 و على المستوى الجسدي بيقلل افراز هرمون اللبتين (Leptin) المسؤول عن الشبع و بيزود افراز هرمون الجريلين (Ghrelin) المسؤول عن الاحساس بالجوع ف تاكل اكتر بالليل و خصوصاً النشويات و الدهون
🔴 بيزيد افراز هرمون الكورتيزول (Cortisol) و دا سبب رئيسي في زيادة الوزن، دا غير اللخبطة في هرمونات كتير برضو بتخليك محتاج تنام اكتر من المعتاد لما تنام متأخر.

✳️ عشان كدا خلي ال 5 معلومات دول عن النوم بدري في بالك دايما لما تحب تعمل دايت و تظبط وزنك:
1️⃣ هيخليك تتحكم احسن في شهيتك
2️⃣ هتختار أكلك بشكل صحي و مفيد اكتر
3️⃣ هتحافظ على معدل الحرق عندك
4️⃣ إحساسك بالكسل هيقل و قدرتك على ممارسة نشاطاتك اليومية هتزيد
5️⃣ هيمنعك من الاكل بالليل متأخر

🔴 سيب كومنت لو عايز تعرف اكتر عن الدايت و إزاي تظبط أكلك بسهولة من غير م تحس✔️

عشان تحسب محتاج كام لتر مياه في اليوم هتستعمل المعادلة البسيطة دي (الوزن بالكيلو ×0.033) هيطلعلك عدد الليترات اللي جسمك محتاجها في اليوم عشان يكون بكامل صحته في حالة الراحة ✅️
لكن في حالة ممارسة الرياضة هتزود عليها كمية المياه المفقودة عن طريق انك تشوف وزن جسمك قبل و بعد ممارسة الرياضة مباشرة و الفرق بينهم هو كمية المية اللي انت محتاج تعوضها بالتدريج بحيث تشرب ٣٠٠ مل تقريبا كل تلت ساعة لحد م تعوض الكمية كلها ✅️

⛔️استنى!!
مخك بيضحك عليك!

ساعات ممكن نحس اننا جعانين و عايزين ناكل لكن في الحقيقة احنا بنبقى محتاجين نشرب مش اكتر، عشان كدا المياه مهمة جداً عشان نحافظ على توازن و أداء جسمنا
نسبة المياه اللي جسمك محتاجها بتختلف باختلاف وزنك من فترة للتانية و عشان جسمك مكون من ٦٠% مياه، لو نقصت المياه من جسمك بنسبة ٢% دا هيأثر عليك و على نشاطك من ١٢-١٥%
عشان كدا لازم تخلي ال ٩ نصايح دول عن أهمية شرب المياه في بالك دايما و انت بتعمل دايت:

1️⃣ هتزود معدل الحرق في جسمك بشكل عام
2️⃣ هتزود معدل حرق الدهون عندك بشكل خاص (مياه اكتر=دهون اقل)
3️⃣ هتزود احساسك بالشبع لفترات أطول
4️⃣ هتزود قدرتك على ممارسة الرياضة
5️⃣ هتزود أداء مخك و قدرته على التركيز و تقوي الذاكرة
6️⃣ هتقلل احساسك بالضغط و التوتر عن طريق المحافظة على نسبة هرمون الكورتيزول في الجسم في الحدود الطبيعية
7️⃣ هتحافظ على نسبة السوائل في جسمك و تغنيك عن شرب المشروبات الغازية و المليانة بالسكر
8️⃣ هتحافظ على جسمك من السموم
9️⃣ هتحافظ على نضارة بشرتك و تحميها من التجاعيد لأنها مرطب طبيعي للجسم

🔴لو عايز تعرف ازاي تحسب جسمك محتاج مياه قد ايه كل يوم استنى البوست الجاي❤

It's now easier to send ON Diet a message.

هل الدايت صعب فعلا؟

عشان الاحساس بالحرمان هو أصعب شعور في الدايت ف احنا هنلغيه خالص😂
و عشان للاسف الحياة مليانة مكرونة بشاميل و مولتن كيك و بيتزا و محشي و مشروبات غازية (و كلها حلوة بصراحة 😂❤) ف بيبقى صعب نستمر على الاكل الصحي و صعب اننا نحضر كل الوصفات الصحية اللي برضو بتبقى مكلفة احيانا😓
ف عشان كدا هنخلي الاكل كله من بيتك و تحت ايدك مستني تظبطه و دا دورنا مع بعض، كل واحد ليه دايت مخصوص مناسب ليه و لمراحل يومه عشان ميحسش بأي حرمان🔥❤
💥متابعة ٢٤ ساعة طول الاسبوع
💥خصم 50% لأول ١٥ عميل يتواصل معانا ولحد يوم ٢٠/٢/٢٠٢٢

‏جسمك حريقة دهون 🔥🔥

ON Diet updated their phone number.

الدايت مش معناه انك تنزل وزنك و بس لكن تظبط ال vitamins و المعادن و نسب العضلات و الدهون و المياه في جسمك عشان تفضل صحتك ممتازة و تقدر تقاوم كل الامراض

الشتاء على عكس المعروف عنه انه موسم الاكل و اللظلظة فهو احسن فترة تبدأ فيها تظبط جسمك عشان تجهز للبس الصيف و حلاوته
يلا نبدأ من دلوقتي و هتلحق توصل للتارجت بتاعك بسرعة مع ON Diet