Liza & Mony اصل و صورة

الحب مش بيصنع المعجزات
👇👇👇
لما يحاولوا يقنعوكي بالموافقه على الارتباط من فلان واول شي القبول المبدئي مش موجود
ولما اقول القبول المبدئي اقصد
القبول الشكلي
ما هو مش عدل الولد يقعد ينقي ويتفحص في دي وشكل دي وجسم دي وده حقه تماما وده بنسميه القبول الشكلي الجنسي،
وانتي تتحرمي من أبسط حقوقك زيه تماما
من حقك تعترضي على شكله
على كرشه
على شعره
على طريقه لبسه
على طريقه كلامه
على ثقافته
وبلاش يحاولوا يقنعوكي ان 👇👇👇👇
الراجل مش بيعيبه الا جيبه
وكمان يتقال لك 👇👇👇
يا بنتي الحب يجي بعد الجواز
يا بنتي ده شغال الشغلانه الفلانيه
يا بنتي اللي زيك معاهم عيال
يا بنتي عايز اطمن عليكي قبل ما اموت
كل ده ☝️☝️☝️اسمه
محاولات سيطره
علشان كده الحب من طرف واحد لا يصنع المعجزاااات

مظاهر الحب وطرق التعبير عنه بتختلف من مرحله لأخرى.
يعني طرق تعبيرك عن الحب في وقت ما قبل الدبله تختلف عن وقت ما الدبله تبقى في إيدك اليمين، تختلف تماما عن وقت وجود الدبله في إيدك الشمال (الزواج)
يعني كبنت بلاش تفضلي تضغطي نفسك والطرف الثاني
وتقوليله :
(انت ما بقتش بتحبني زي الأول)
الا اذا كان فعلا في تقصير في التعبير عن المشاعر بشتى الطرق
وفي أصعب الأوقات، يبقى لازم تراجع نفسك وتجدد العهد.

العيديه
👇👇👇
مظاهر الاحتفال بالعيد بتختلف من ثقافه لأخرى، ومن شخص لآخر، ومن اسره لأخرى.
لكن كلامنا انهارده عن فكره العيديه(الفلوس)
بصراحه ناس كتير مننا اتحرموا من العيديه لما كنا صغيرين وكان نفسنا اي شخص يدينا ولو جنيه وخاصه بابا.
يمكن بسبب ظروف اهالينا الماديه محصلش كده وده عذر مقبول جدا جدا علشان كده لازم نعلم ولادنا انهم يكونوا صادقين مع انفسهم واصحابهم في مصاريف خروجات العيد.
لكن لما طفلي يبقى نفسه ياخد عيديه
وانا في مقدرتي ولم اعطيه وحجتي
الثلاجه مليانه كل أصناف الاكل والفاكهه ولبس جديد
ده اسمه👇👇
حرمان.
عايز اقول مش كل حاجه الاكل والشرب واللبس.
*العيديه تشعر طفلي بالاستقلال والاعتماد على نفسه لما يقرر بنفسه هايصرف الفلوس ازاي.
*العيديه عامله زي المصروف
بلاش تديها لابنك وتفرض عليه يصرفها ازاي.
وجه له نصيحه في طريقه الإنفاق ولكن مش فروض، خليه يستمتع مع صحابه.
*العيديه هاتخلي طفلك يشترك في صنع الحدث
لانه عنده فلوس هو حر فيها
ممكن يفكر يحوشها علشان يجيب لنفسه او لحد من صحابه هديه او لماما او ممكن يفكر يساعد بيها حد........
كل أيامكم أفراح

خليك فاكر
👇👇
في كاميرا في البيت بتصورك.
اقصد
👇👇
ابنك بيقلد كل تصرفاتك
كل حركاتك
كل كلماتك
كل طريقه بتتعامل بيها مع الآخرين
علشان كده خليك إيجابي واحفظ نفسك ولسانك من كل خطأ ممكن ابنك يقلدك فيه
وقتها هاتحاول تعدل سلوكه
هاتكون الصدمه
👇👇👇
بابا انت بتعمل كده.

ماتقبلش تعيش بدون هدف
لو عايز تتحدي حد💪💪💪💪
ماتتحداش غير نفسك 🤛🤜

ولو عايز تشوف نفسك افضل وبتتطور
يبقي هتقارن نفسك بنفسك مش بحد تاني
💯💯💯💯💯🖐🖐🖐🖐🖐🖐
اسأل نفسك كل يوم انت نجحت في ايه
وايه الهدف اللي انت عايز توصله واشتغل عليه

ماتبصش علي حد وانت ماشي بص علي نفسك وعلي ربنا وخلي يقودك وبس
وشوف ايه اللي انت محتاج تغيره فيك واتحرك واعمله او اطلب المساعدة 🦵🦶

ازاي احمي طفلي ببساطة من الايذاء الجنسي
👇👇👇👇👇👇👇👇👇👇
الأهالي اللي دايما بتدي الأمان للقرايب والمعارف والمتعلمين والمتدينين واللي شكلهم محترمين ولبسهم شيك وتقول استحاله يعمل كده مع أولادي
اهو اشيك من كده مافيش وشكله تقولي محترم واستحاله يعمل كده
اهو الراجل الشيك ده ممكن يتحرش بطفله في مدخل عمارة
او في اي مكان في الشارع وده حصل كتير في بلادنا
وبيبقي متزوج وعنده أطفال واحتمال يكون بيتحرش باطفاله 😱😱😱😱😱😱
من فضلكم متأمنوش لحد بيلمس جسم ولادكم
ماتسيبيش بنتك اوابنك يقعد على رجل حد مهما كنتم مطمنين ليه
ماتسيبيش طفلك الرضيع لأي حد يشيله ويبوسه
خليكي منتبها لاطفالك في كل سلوكياتهم

البوس خلاص اتمنع بسبب الكورونا وده احسن للأطفال والكبار عشان الأمراض والروائح والتلزيق والنضافة كمان لأنهم مش هايستفادوا حاجة لما حد يبوسهم او يشيلهم غير بابا وماما وطبعا في استثناءات انتوا اللي بتحددوها لما الطفل يكبر شوية

مهم جدا نعرف ان الطفل مابيعرفش يفرق وهو صغير بين القريب والغريب
عشان كده الحدود تكون للجميع وكلمة( لأ) تكون للكل ماعدا انتوا طبعا عشان هايشبعوا منكم. زي مابتعلمي ولادك عن الأكل اننا بناكل في بيتنا وبناخد مصروفنا من بابا وماما بس علميهم ماحدش يبوسهم غيركم

خليكوا عارفين حضن بابا وماما كفاية اوي لاولادكم
يعني مش لازم خالوا وخالتو وعمتو وتيتا والجيران والأصحاب يبوسوا من فضلك ماتتحرجيش انك تمنعي حد يبوس طفلك الصغير ولما طفلك يكبر شوية علميه هو يقول (لأ) لأي حد يبوسوا ويحضنه
بس اهم حاجة تكونوا بتشبعوا عيالكم أحضان وبوس عشان الاحتياج ده يكون متسدد ومايدورش عليه بره
عرفوا أولادكم معلومات عن جسمهم وعن خصوصيتهم
يعني كل طفل يغير لبسه في اوضه لوحده
ماينفعش كمان بابا او ماما يغيروا ملابسهم قدام أطفالهم
لأنهم بيتعلموا منكم الحدود والخصوصية
وكمان الأخوات مايغيروش قدام بعض او يشوفوا جسم بعض

نصيحة من خبرتي في المجال ده وقصص كتير سمعتها حافظي على أولادك جدا احميهم من اي حد وماتتحرجيش من اي حد حتى لو كان قريب ليكي جدا انك تقوليله (لا) وتحميهم من نفسهم ومن بعض كأطفال خليهم يكونوا اقوياء ويعرفوا يقولوا لا لأي إيذاء ممكن يحصلهم
🤔🤔🤔🤔🤔🤔🤔

خبرتي كأم مع اطفال انا بحضنهم وببوسهم كتير وبعبر ليهم عن حبي بالكلام والسلوك فهما شبعانين
وبيرفضوا تماما ان حد يبوسهم او يحضنهم الا لو هما موافقين
علمتهم من وهما سنه ونص انه ماينفعش يقعدوا على رجل حد او حد يبوسهم وكنت بعلمهم وهما في الموقف نفسه مع الناس عشان يكون عندهم خبره يعني لو حد شالهم على رجله بقوله استأذنك خليه يقعد جنبك لاني بعلمه مايقعدش على رجل حد
دلوقتي أطفالي كبروا وعارفين الصح من الغلط بيعرفوا يقول لأ لأي حد وانا بشجعهم بيقفلوا على نفسهم باب الاوضه وهما بيلبسوا او بياخدوا شاور لوحدهم وساعات
طبعا بساعدهم في حاجات
علمناهم بابا وماما هما اللي يبوسهم ويحضونهم مافيش حد تاني غير بعض الاستثناءات لو هما موافقين

طبعا في استثناءات عند كل عيلة انتي بس اللي بتقرريها لبعض الناس

لو حد شال طفلك وانتي مش مرتاحة روحي خديه وماتتحرجيش ينفع تقولي اصل مش متعود حد يشيله وانا بعلمه كده ده
ابنك علمي اللي انتي عايزاه متخليش المواقف تحرجك انتي الأمان والحماية لطفلك لو انتي مش هاتحميه اعرفي انك انتي السبب لو حصله حاجة لانه ماكنش عنده معلومات كفاية وحب كفاية

ماتغيريش لطفلك الرضيع قدام حد عشان مايتعودش يشوف ناس وهو خالع هدومه فيفهم ان ده عادي

علميه الحدود والخصوصية من وهو صغير عشان بعد كده هاتكوني مطمنه انك تسيبيه في اي مكان محدش هايقربله ولا هايلمسه
سيبك من كلام الناس انك اوفر ومش للدرجاتي ومش كل الناس وحشة وان طفلك وحش عشان مش بيسلم وبيبوس
او انه مش عشري ومش بيحب الناس
علمي الحدود مع أي حد وأولهم القرايب عشان لو عملتي
كده مع القريبين هيكون سهل عليكي تعلميه مع الغريب
👇👇👇👇👇👇👇
لو استفدت من البوست ده اعمل شير عشان تساعد غير يستفاد

لو عندك اي سؤال تقدر تبعت مسدج علي صفحتنا وهنرد عليك

Blood devil
Devils don"t lie
Only humans do
الكلام ده ☝️☝️
مكتوب على تيشرت لابسه ولد قابلته في المترو ومعناه 👇👇
(( شيطان الدم))
(( الشياطين لا تكذب ، فقط البشر هم من يكذبون))
↘️↘️↙️↙️
Devil inside
والكلام ده ☝️☝️
مكتوب على زجاج بعض السيارات الخاصه ومعناه 👇👇
(( الشيطان بالداخل " يقصد داخل السياره"))
وكلمات كتير وصور أخرى بشوفها مطبوعه على ملابس الولاد والبنات للأسف تحمل معاني مش كويسه.
خلي بالكم من أولادكم وبناتكم
الكلمات دي لا تليق لان الله خلق الإنسان أعظم مخلوق واعطاه سلطان علي الشيطان نفسه الكذاب وابو كل كذاب
الشيطان الذي يريد للجميع الهلاك
والموت فهو دموي.
الله خلقنا على صورته
الله يحبنا جميعا ولا يريد لنا سوي كل الخير
لذلك لا تشاكلوا هذا الدهر
اي لا تصيروا شبهه
نحن البشر مميزون ولسنا كذابون
لان الذي خلقنا قدوس.

الحرمان 2
👇👇👇👇
انك تمنع بنتك كأب من حضنها ليك
ده هو الحرمان الحقيقي لان التلامس الجسدي دي لغه من لغات الحب الخمس
طبعا بعض الاباء والامهات
بيقولوا دي مياصه
ولكن لو ابنك او بنتك ما جربش حضنك
للأسف هايروح يجرب حضن تاني
وانتي كمان كأم
بلاش تحرمي ابنك من حضنك
وباباه يقولك؛
بطلي مياصه مع الواد
خليه يطلع ناشف وراجل....
في الحقيقه طفلك لو ماشبعش من احضانك هايطلع فعلا ناشف
بس للاسف
ناشف في المشاعر
لانه ماتعودش عليها
لا بيشوفها
ولا بيجربها....
للحديث بقية

((سيب الحياه تعلمهم))
👇👇👇
دي جمله احيانا بنقولها لبعض لما نشوف تصرف مش كويس من أولادنا او حتى من اصدقائنا.
في الحقيقه
مش هاينفع طول الوقت تسيب الحياه تعلمهم
إذ ليست كل خبرات الحياه صحيحه اصلا
او على ابسط تقدير ليست بعضها يناسبنا.
علشان كده ابحث عن مصدر حقيقي للتعليم، لك ولاولادك
وما تسيبش الحياه تعلمهم..

الحرمان الحقيقي للطفل( 1)👇👇👇
قلنا قبل كده ان الحرمان الحقيقي مش في الأكل والشرب علشان ما حدش يحس بالذنب وخاصه في ظروف أيامنا الحاليه.
ولكن وجود مشاكل وصراعات بين الأبوين ده بيسبب للطفل حرمان من👇👇👇👇
الاماااااان.
وده بيسبب للطفل خوف من المستقبل، واضطرابات أثناء النوم، تؤدي إلى التبول اللا ارادي،
واحلام مزعجه وكمان ده ممكن ينعكس على الطفل ببخليه عدواني في سلوكه وخاصه لو شاف عنف بين الأبوين مثل ضرب الأب للأم او قذفها بالشتايم.
بلاش نقول؛ (ده طفل ومش فاهم حاجه او مشهد وهاينتهي ويتمحي من ذاكرته بسرعه)
ده مش صحيح
علشان كده ابسط حقوق طفلي انه يشوف مني اعتذار للأم زي ما شاف صراع او صوت عالي او اي تجاوز.
*كمان حرمان الطفل من وجود الأمان في البيت ده ببخليه يبحث عن مصادر واماكن أخرى يلاقي فيها احتياجه وده بيخليه فريسه سهله للاخرين.
*بلاش طفلك يبقى جزء وطرف في صراعك واختلافك مع الطرف الآخر.
يعني مش مطلوب من طفلك يقوم بدورك علشان يصالحك على مامته او العكس.
*بلاش يوصل للطفل انه سبب المشاكل حتى لو كان ده حقيقي لان ده ممكن يخليه يفكر يبعد عنكم كوالدين بحجه ( علشان اريحهم مني) .
*حرمان البنت من الأمان في بيتها بيخليها تفكر تهرب من البيت مع أول فرصه شرعيه عن طريق الارتباط الغير مناسب
وربما الهروب المباشر لأي جهه او شخص.
نفس الكلام على الولد اللي محروم من الأمان في البيت
ممكن ده يؤثر على قرار ارتباطه
ويقول؛
(يعني اللي اتجوزوا خدوا منها ايه)
او ربما يبحث عن شخصيه ضعيفه ينتقم منهالشخصيه ابيه الضعيفه تجاه امه والعكس.

*الحرمان من الأمان بيوثر في تربيه الولد والبنت حتى في قرارات زي شغلهم وعلاقتهم بصحابهم.
هو ده الحرمان ☝️☝️☝️
للحديث بقية

((مش حارمينهم من حاجه))
👇👇👇👇
كتير من الاباء والامهات بيقولوا الكلمه دي لبعض ولاخرين عن أولادهم وتحقيق كل رغباتهم او معظمها زي تسديد احتياجهم من أكل وشرب ولبس وفسح وخروجات وسفر جوه وبره مصر وغيرها من الاحتياجات بحسب كل شخصيه وثقافتها وتفاصيلها.
لكن في الحقيقه مش هو ده الحرمان، ولا ينفع نسمي ونوصف اي تقصير في بعض الاحتياجات دي بأنه حرمان.
الحرمان الحقيقي للأبناء هو :
👇👇👇👇
*الحرمان من الأمان والسلام بسبب صراعات ومشاكل الأبوين.
*الحرمان من الاحضان والتلامس الجسدي بحجه👇👇
خلي الواد يطلع ناشف
والبنت تبطل مياصه.
*الحرمان من وجود الأبوين مع ولادهم لقضاء بعض الوقت سويا
والحجه 👇👇
مطحون وبشتغل علشان اجيبلكم المم (الاكل).
*الحرمان من الاحتياج الأساسي للأكل والشرب وفرض عليهم الاكتفاء والتوفير بدون وعي وحكمه.
*الحرمان من الخصوصيه
*الحرمان من تعليمه احسن علام.
وطبعا لا اقصد ما يطلقون عليه👇👇كليات القمه
*الحرمان من تعليمه حق تقرير مصيره
ولا نقول :(ده عيل ما يعرفش حاجه). ونحرمه من أبسط حقوقه زي اجباره مثلا على 👇👇👇
(سلم يا بني على عمو)
(يا بنتي عيب دي خالتو)
(البس ده وبلاش ده)
(البس لبس اخوك
كده كده صغر عليه).
*الحرمان من التجربه.
*الحرمان من اخد رايه.......................
اكتبوا لنا ممكن يكون الحرمان من ايه كمان وللحديث بقيه.

بكرة يعقل ويتجوز ويعرف يعني ايه مسؤلية

ابنك مش محتاج يتجوز عشان يكون مسؤل

هو محتاج يتعلم المسؤلية عشان يقدر يتجوز

علموا أطفالكم المسؤلية عشان الزواج مهمة كبيرة
تحتاج الي شخص مسؤول قادر علي التضحية

ماتحطوش ولادكم في مقارنات بأخرين لان ده متعب ليهم وبيقلل ثقتهم في نفسهم

مهم نعرف ان في فروق فردية بين الطفل والاخر

طفلك فريد من نوعه في كل حاجة

تقدروا تطوروا من طفلكم شخصيا ودايما المقارنة تكون بالطفل نفسه وليس بطفل اخر

حتي لو كان بيتقدم خطوة واحدة بس
كملوا تشجعوه وتصبروا عليه

بصوا علي طريق طفلكم وعلموه من خلال طريقه

العيديه
👇👇👇
حتى في العيد والمفروض الكل سعيد
باخد منك العيديه
وفي عينيك شايف مسرحيه
بس البطوله المره دي ليك
فيها الضحكه واجب عليك.....................
وفي مدرستي
بكتب اسمك على كراستي

عفوا لقد نفذ رصيدكم

خدمة الرجاء بالسنابل فريقU-TURN يقدمان العرض الدرامى الثانى عفوا لقد نفذ رصيدكم 27-12-2015

عشان نبدأ في تعديل سلوك أطفالنا
نحتاج الي مراقبة اطفالنا لمعرفة سلوكهم

الخلافات الزوجيه

خلال استقبالنا للاعياد
بيحصل حاله طوارئ في البيوت
تبدأ الزوجه تشيل وتحط السجاد
وتغسل الشقه كلها حوايط وستاير ومفروشات وتغير مكان النيش والانتريه
وغيره وغيره
كل ده جميل ولكن 👇👇
بيحصل ضغط المجهود الجسدي والمادي والوقتي وكل ده على حساب وقتنا مع ولادنا
وبتطلب الزوجه من زوجها او ولادها المساعده ولا تعاون
بحجه (يا ماما عندنا مذاكره)
وممكن يكون عندهم بعض الحق
لان اختيار التوقيت مهم
وهكذا الزوجه للزوج؛
(ممكن يا حبيبي تساعدني)
والاجابه طبعا معروفه
في معظم البيوت
وتبدأ هنا المشاكل
وبدل ما نستمتع بالعيد واستقبال العيد
نبقى مرهقين ومضغوطين
زي تماما لما بنعزم ضيف عندنا
ونفضل اليوم اللي قبل العزومه ويوم تشريف الضيف لنا
واقفين في المطبخ
طيب الحل ايه؟؟؟
👇👇👇
الحل هو تقسيم الأدوار وتوزيعها على افراد الاسره
واختيار الوقت المناسب

يعني مش لازم نقلب الشقه
ونشعر بعدم الاستقرار
وظهري اتقطم
بسبب غسيل السجاد قبل العيد بيومين
النظافه شي مهم مش اختيار
ولكن
أولادي وعلاقتي باسرتي
وعلاقتي بضيوفي اهم من السجاده
(((اخلع نعليك هنا)))😂😂

احنا اللي بنربي مش جدو وتيتا

وعمو وخالو او خالتو او الاخ والاخت او اي حد يدخل في حياة الطفل ويزعقله عشان بس يخوفه او يهدده

الام والاب الوحيدين اللي مسموح لهم يعاقبوا ويربوا طفلهم
غير كده ماتسمحوش لحد يتدخل في تربيتكم لطفلكم

لان ده بيهز ثقة الطفل فيكم وبيشوف ان بابا وماما مش مصدر امان ليه
️لأنهم بيسمحوا لأي حد يتدخل ويقول رأيه في حياة الطفل

❌️ممكن البياع يزعق للطفل ويخوفه

❌️ممكن الام تدخل محل وتقول لصاحب المكان زعق له وخوفه عشان مش بيسمع كلامي

❌️ممكن بابا يسمح لاخوه ان يزعق ويشخط في الطفل وده بيخلي مع الوقت كل الناس تتدخل في حياتكم وحياة أطفالكم

❌️ممكن الاخ الأكبر والاخت يسيطروا علي الطفل الأصغر ويتحكموا في وده طبعا بيكون بسماح من بابا وماما

الخصوصية مهمة في تربية أطفالكم عشان يتبنوا صح ويكون عندهم ثقة بنفسهم

ماتضعفوش نظرتهم لنفسهم بتدخل آخرين في حياتهم

حطوا حدود مع الاخرين في تربية أولادكم لأنكم انتوا بس اللي هاتتحسبوا قدام ربنا علي تربية أطفالكم مش حد تاني

ماتسيبوش مسؤلية تربية أطفالكم لحد تاني مهما كان
هو مين

انت اللي بتختار فعلا انك تدمر حياتك ❌️❌️❌️
(اختياراتي مدمرة حياتي )

او تختار حياة ناجحه لما ✅️✅️✅️✅️

❌️️تختار تقعد قدام التلفزيون وقت طويل
✅️️ولا تقعد مع حد من اصحابك قعدة مفيدة

❌️️لما تختار تقعد علي الموبايل بالساعات
✅️️ولا تقرأ كتاب يفيد حياتك

❌️️لما تختار تاكل فاست فوود كل يوم
✅️️ولا تاكل اكل صحي عشان تحافظ علي نفسك من الأمراض

❌️️بتختار لما موقف يضايقك تغضب وتخسر اللي قدامك
✅️او تختار تتعامل بصبر ولطف وتعمل حدود

❌️️لما تختار انك تقعد تحسد في اللي حواليك وتغير منهم
✅️️او تحب الخير لكل الناس وربنا يباركك

❌️️انك تختار تعيش سلبي ومايكونش ليك رأي
✅️️او تختار انك يكون ليك رأي وتعبر عن نفسك

❌️️انك تختار انسان لارتباطك يعجب الناس ويبهرهم
✅️️او انك تختار حد ترتاح معاه ويفهمك ويكون مناسب ليك

❌️لما تختار تتفرج علي تفاهات علي السوشيال ميديا
✅️او تختار تتفرج علي ناس مؤثرة تساعدك في طريق نجاحك

((ارتباط صالونات))
👇👇👇👇👇
لما تسأل بنت او ولد متزوجين ويوجد بينهم خلافات
اول شماعه بيعلقوا عليها اعذارهم هي👇👇
((اصل احنا اتجوزنا جوازه صالونات)) مش قصه حب.
وكان ارتباط الصالونات ده مشكله وغلط وحاجه عيب.
اكيد لا طبعا
في قصص كتير لناس عظماء موثرين في حياتنا اتجوزوا
((جوازه صالونات))
تبقى المشكله اللي في حياتكم مش سببها انكم اتجوزتوا ((جوازه صالونات))
او حتى قصه حب من الثانويه
وان كنت اتحفظ على قصص الحب في تلك الفتره
ولكن المشكله في طريقه تفكيري
التي ينتج عنها شخص ناضج مدرك للتحديات ويستطيع تجاوزها بمفرده او بمساعده آخرين.
3

طابور المدرسه
👇👇👇👇
كلنا لينا ذكريات في المدرسه بعضها حلو
ويمكن بعضها مر
فاكرين مصروفات المدرسه لما كنا بنتاخر عن دفع فلوس ومصروفات الكتب
كان ايه اللي بيحصل؟؟
انا فاكر😭😭
لما كان المدرس يمسك الميكروفون ويسال بصوت عالي في قلب الطابور
مين ما دفعش المصروفات؟؟
انا قلت جوايا عادي
ممكن يقسطوا المصروفات
او يعملوا إعفاء
وبالفعل ده حصل لكن الصدمه 👇👇👇👇👇👇👇
بصوت عالي في الميكروفون
سال المدرس سؤال 👇
مين ابوه ميت 😭😭😭
طلع من الطابور
خمسه اولاد
مكسورين
مكسوفين
اكيد مش بسبب الفقد وان كان ده ممكن
لكن بسبب عدم حكمه اداره المدرسه
وكأنهم بيشهروا بالطالب اللي ابوه مات
علشان يعفوه من المصروفات
ودي تاني مصيبه
ان الطفل يشعر بالعجز بسبب
عدم دفع المصروفات
وكانه هو ده الفقر ويحصل تنمر عليه من زمايله.
خدوا بالكم ده مش بيحصل في المدرسه بس
التمييز بسبب اللون والدين والبلد
واليتم والسكن والشغل و.....و......

خصوصياتك ممكن تبقي نقطة ضعفك
لو خرجت مع شخص غلط
شاركونا مين هو الشخص الغلط ؟؟؟؟
احنا هنشاركم في الكومنتات

الحرب ليست مع انسان

الحرب الحقيقية الناجحة هي ضد شرك و خطاياك : دوافعك/ ادمانك/ كسلك/ انانيتك /شهواتك/كبريائك /نظراتك /كراهيتك/نميمتك/فضولك/تنمرك علي الاخرين/سلبيتك/......

حارب خطاياك وماتحاربش انسان
خلص نفسك لتخلص آخرين
لان سلوك حياتك يساعد الاخرين في النجاة

((طريقة سهلة جدا عشان ارتاح من مشاكل اولادي)) 👇👇
نقعدهم قدام الموبايل او التلفزيون عشان يريحونا معظم الوقت.
ده مش صح
حقيقي هاتندموا لو اتعاملتوا معاهم كده لان ده عجز كبير لكيان الطفل
لانه مش بيعيش النمو الطبيعي وهايكون عنده مشاكل في التخاطب والتوحد والانشغال عن العالم ومش فاهم نفسه والآخرين
لانه طول الوقت قاعد بيتلقي ومابيتحركش
ولو اتحرك هايكون عنيف لانه عنده طاقة مكبوته
ومش هاتعرفوا تتعاملوا معاه وهو كمان مش هايكون فاهم نفسه وكل لما يفصل الموبايل او التلفزيون ويتعامل هايحس انه بيغلط وغلطه مش مقبول وبيتعاقب وهايبدأ يكره نفسه
فهيحب الموبايل اكتر لانه بيسيطر علي انفعلاته وبيقلل مشاكله مع اخواته وأهله
وبعدين يكبر حبه حبه ونكتشف الكارثة
انه مش بيحب يتعامل مع الناس وعايز طول الوقت يقعد مع نفسه ومع موبايله وهاينعزل عن الناس ونبدأ ندخل في دايرة مالهاش اخر
وطبعا نفكر نروح لطبيب نفسي ونحاول نعيش الطفل في الواقع تاني وبيكون في مراحل من حياته ضاعت
صعب اننا نرجعها زي انه يعيش طفل يفرح ويلعب ويطنطط
لانه بيكون فقد شغفه في الحياة وبياخد وقت عشان يرجع طبيعي

فمن فضلكم 🙏🙏🙏تربية الاطفال مسؤلية مش سهلة محتاجة بذل مجهود عشان ولادنا يطلعوا نفسيا وجسديا وروحيا كويسين
المجهود اللي هاتبذلوه دلوقتي هايفرحكم لما تكبروا وتشوفوا أولادكم موهوبين وليهم علاقات وبيصلوا
ساعتها هاتكونوا فرحانين بتعبكم ومجهودكم
مافيش نجاح بدون مجهود

First Date
لما نتكلم عن الfirst date
اللي هي المقابله الأولى بين ولد وبنت بيفكروا يرتبطوا ببعض يعني يتجوزوا لازم تاخد بالك كولد من 👇👇👇👇
1- اختار مكان هادي علشان تعرفوا تتكلموا مش جنينه وملاهي. انتو مش خارجين تتفسحوا. انتو خارجين تتكلموا في كلام مهم جدا. ويفضل لا يكون هذا المكان البيت.

2- لازم المكان يكون مناسب للجيب. اقصد الفلوس
ومش معنى كده انكم لازم تاكلوا
على فكره ينفع نشرب حاجه وخلاص
بس لو طولت المقابله
ينفع تعزمها على أكل يكون مناسب لظروفك الماديه
او تقولها
تحبي تشربي ايه كمان
مش تقول في سرك
((ماهى شربت مره وخلاص))
3- اطلب 2زجاجه مياه
بلاش واحده.
4- على فكره ينفع تاخد هديه بسيطه او بوكيه ورد صغير
وبلاش تقول في سرك
((هو انا لسه عرفت هاتوافق ولا لا اوفر فلوسي دلوقت))
5- اسحب الكرسي لها برفق وانتظر جلوسها اولا
واجلس قصادها مش جنبها
علشان حاجات كتير اهمها الEye Contact
او التواصل البصري
وخلي بالك
اسمعها كويس وبلاش تقاطعها
وكأنك بتحقق معاها
6-اتكلموا في كل حاجه
عن أحلامك واحلامها
عن شغلك
عن هواياتك
عن عيلتك وعيلتها
عن هدفك من الجواز
عن هدفك من الحياه
عن الكوره
عن السياسه
عن كل حاجه تيجي في بالكم اتكلموا فيها
انتو مش خارجين مع بعض اول مره علشان تحبوا في بعض
وربما ده ارتباط صالونات
لان كلامكم مع بعض عن أي حاجه طالما بلياقه في الحوار هايعرفكم بعض اكتر
7- بلاش تنسى انت كولد لازم تكون في انتظارها قبل موعد الوصول
مش هي كبنت تبقى واقفه في الشارع
او تدخل الكافيه او المطعم وحضرتك مش معاها.
8-وانتوا ماشيين من الكافيه بلاش تمشي قدامها وهي وراك لانه كده كده مش هاينفع تمسك ايدها
وقال ايه
بعديكي الشارع 😂😂
امشي جنبها ولما تبقوا خارجين من باب او داخلين
بتقدمها الأول عنك
Ladies first
9-يا ريت توصلها تحت البيت لو ينفع
بلاش تعمل شهم وتطلع 5جنيه من جيبك وتقولها خدي روحي لوحدك 😂😂
او لو ركبت مواصلات ادفع لها الاجره لو نفع طبعا.
وبلاش تنسى تحاسب على المشاريب في الكافيه 😂😂

((انا حرمت نفسي من الغطا علشان تستغطي))
💔💔💔💔💔
دي جمله بقي بعض الاباء والامهات بيستخدموها لتوبيخ أطفالهم واحيانا الأزواج لزوجاتهم.
زيد على كده 👇👇👇👇
*انا بعمل كل ده علشانكم
*انا طالع عيني في الشغل علشان اجيبلكم المم
*انا بحرم نفسي من اللقمه علشانكم
*انا واقفه في المطبخ طول اليوم علشانكم
*انا وسطي اتقطم من الشيل والحط طول اليوم........
وغيره وغيره وغيره من كلام كل يوم نسمم به بدن أطفالنا.
معذره 🙏🙏🙏
كل ده صحيح لكن👇👇👇👇
العطاء لن يكون محبه لو بطريقه التبكيت والهجوم والملامه لذوينا
بلاش كل شويه نعايرهم باللي بنعمله علشانهم
طريقه المعايره دي هاتحسسهم بالذنب( وان كان ده في الحقيقه ذنب وهمي غير حقيقي)
وده مرض نفسي ممكن يؤثر على طفلك يخليه خايف يجازف لأحسن يفشل وما يحققش أحلامك فيه((أحلامك مش أحلامه))
خايف يطلب حب غير مشروط لانك ممكن تعايره في يوم من الايام وتقوله
انا ضحيت كتير علشانك
شد حيلك وارفع راسي
انا عايزك دكتور
وتفضل تضغط على إمكانياته الدراسيه اللي يمكن تكون لا ترتقي لمستوى تحقيق أحلامك
لمجرد ان مجتمعك فهمك ان قيمه طفلك في كليات ما تسمى القمه.
خليك فاكر (الاب والزوج)
الرجل راس البيت كله
يعني تحملك للمسؤليه ده شيء ليس اختياريا
اللي بتعمله مع بيتك واطفالك ده الطبيعي جدا لانك المفروض تكون شبه يسوع
وخليكي فاكره (الام والزوجه)
امومه تعني العطاء الغير محدود
لأنك المفروض تكوني شبه يسوع
طيب واطفالنا بقى عادي كده
مفيش كلمه تقدير او شكر ابسط حاجه منهم لنا؟؟؟
طبعا المفروض نعلم أولادنا الشكر والامتنان لكل اللي بيبذل علشانهم
الام تعلم أطفالها يشكروا الاب
شكرا يا بابا علي كذا وكذا
الاب يعلم اطفاله يشكروا الام
شكرا يا ماما على تجهيز الاكل وترتيب هدومي ومساعدتي في المذاكره و.....
وكلام الكتاب المقدس
اشكروا في كل شيء
خليك شبه يسوع وحب ابنك حب غير مشروط.

يا خلااااااثي
يا خلاااااسي
يا خراااااشي
👇👇👇👇
بغض النظر عن اصل الكلمه
واستخدامها قديما بمعنى غير المتداول حاليا
طبعا كلنا عارفين ان الكلمه دي بتستخدمها بنت او ولد بالغ في مداعبه طفل جميل بحسب مفهوم الجمال بالنسبه لهما
ممزوجه بشويه غلاسه
على شويه تقريص للخدود بحجه
اصل هو امووووور جدا ((اقصد الطفل))
على شويه أحضان
على شويه قبلات
على شيل وحط بالعافيه
وتاخد منه اللعبه او الحاجه اللي معاه علشان بتداعبه مثلا وتتفرج على دموعه
دون النظر لرغبه الطفل
بحجه انه لا يملك الاراده.
👇👇👇👇👇
عايز اقول كل ده إيذاء جسدي
ونفسي
وكمان ده اسمه اختراق لحدود الطفل.

لو قعدت ساكت هاجيبلك حاجة حلوة

طفلك مش هايثق في كلامك لو منفذتوش

لما توعد طفلك بحاجة مهم جدا تنفذ وعدك

عشان طفلك بيتعلم منك ازاي يكون صادق وأمين في كلامه

وهتزداد ثقته فيك عشان لما بتوعد بتوفي

(( حبيبي انا اتغيرت علشانك))
💔💔💔
جمله جميله جدا جدا بتقولها البنت للولد او العكس صحيح
كلمات كلها تضحيه وبذل
كلمات تحمل في طياتها تفاصيل كتيره تعبر عن رحله التغيير التي تستمر الي اخر يوم في عمرنا.
👇👇👇
في الواقع محدش بيتغير علشان حد
والا دي تبقي محاولات سيطره من طرف تجاه الاخر
او بمعنى اخر اعتماديه مرضيه
وكمان لو سبب التغيير هو مجرد الوصول للهدف
فاعرف ان التغيير ده ربما يكون وقتي (غير مستمر) وربما يحدث انتكاسه للوراء بمجرد زوال الهدف او حتى الوصول اليه.
علشان كده بلااااااش الكلام الكبير جدا اللي ملوش معنى
وكله نتيجه تأثير وقتي ربما يدوم ساعات او ايام
ولكن ليس طول العمر زي
👇👇👇👇👇
حبيبي انا مقدرش اعيش من غيرك.
لا طبعا ينفع تعيش من غير الاخر
وتكمل رسالتك في الحياه
والهدف اللي الله خلقك علشانه
وخليكوا فاكرين ان
العلاقات الصحيه تشفي.