Handmade Academy | الصفحة الرسمية لأكاديمية الحرف اليدويه

نتش اتعرفت عليه قبل كده وكنت مستحيل تتخيل نفسك بالابداع ده
2- من احدث اساليب العلاج النفسي هو العلاج بالفن وكلنا مليانين هموم ومشاكل نفسيه على اختلاف وفروق النوع والدرجه من شخص للتانى
3- افتكر كده وراجع ذاكرتك هاتلاقى نفسك اكيد مريت ولو لمرة واحده فى حياتك ان نفذت اي عمل على اختلاف نوعه باتقان وافتكر كنت سعيد ازاى وتلاقيك كمان قضيت وقت طويل مستمتع بالنظر فى جمال اتقانك - فا اكيد لما تتعلم وتدرس تنفذ حاجه جديده ومن صنع ايدك وباتقان دى لوحدها متعه
4 - هاتقضى على مساحه من الفراغ كبيرة فى حياتك وتملأها بقيمة واوع تقول هو انا عندى وقت علشان يبقى عندى فراغ ... لا عندك وقت طويل بس ناقصك تدرس تنظيم الوقت وتنظم وقتك وساعتها هاتنبهر بكم الاعمال والمهام والانجازات اللى بتحققها في يومك - واكبر ادلة على ذلك معظمنا بيحس ان اليوم مضغوط ومش بيلحق يعمل حاجه بس لما يحط راسه على المخده آخر اليوم علشان ينام ويبدأ يفكر عن المهام او الانجازات الفعليه خلال اليوم هايلاقيها صفر
5- أثناء ما انت بتشتغل وتنتج فجأة ممكن تلاقي خامة ناقصه من السوق او لون معين مش متاح وقتي عندك وانت محتاج الشئ ده فورآ للانتهاء من منتجك وتجهيزة للبيع فا هاتضطر غصب عنك توجد البديل علشان تعرف تكمل وساعتها هاتلاقي نفسك بدون ماتشعر بتعمل تدريبات عقلية لعقلك على المرونة وهاتتحول بالتدريج من شخص روتينى الى شخص مرن بيخلق البدائل والافكار لحل ازمات ويعرف يواجه تحديات الحياة المختلفه
6 - الحرف اليدوية بأكملها بتنمى جواك ذوق معين وتذوق للحياه بطعم مختلف وتحسن مودك بشكل كبير لانها بتخرج منك الطاقه السلبيه وتستبدلهالك بالطاقه الايجابيه
7 - ممكن تقول كل الكلام اللى فات جميل وكلام مايختلفش عليه اتنين بس انا علشان اتعلم هآجي ادفع فلوس كتير ,,فا شكرآ ...
لا لا من فضلك تعال لمدة دقيقه واحده فقط ,, تليفونك ماركته ايه ودفعت فيه كام ؟؟ بتشحنه بمبلغ قد ايه ؟؟ مصاريفك الشخصيه الغير ضروريه اللى ممكن نحطها تحت بند رفاهية او تغيير جو كام ؟؟ مش بنقولك لا ماتشتريش وما تخرجش وماتصرفش بس هانقولك انت بمنتهى السعادة والنفس الراضيه دفعت فلوس بدون ماترجع عليك بقيمة او استشمار فلوس راحت بدون رجوع..
مش بنقولك ماتتفسحش وماتصرفش بالعكس عيش حياتك زي ما انت شايفها هتسعدك بس اوزنها الاول صح.
طيب نقولك حاجة ثانيه !!! ياترى كام شاب وفتاة اتجهوا لكورسات الكومبيوتر واللغات بهدف تأهيل انفسهم للوظائف الشاغرة المختلفة وبعد مادفعوا مبالغ قد كده علشان يبقى موظف مقيد بمواعيد وعدد ساعات عمل ومرتب محدد وطموح مقيد يلاقي نفسه قاعد في بيته بقاله سنين او قبل وظيفه بعيد عن طموحة بس مرغم ..يعني في الآخر فلوس على الارض بدون فائدة او قيمة مرتده يبقى نرجع نتكلم من الاول ونحسبها صح تعال نحسبها هاتدفع كام ومقابل كام !!؟؟
هاتدفع فلوس مقابل تعليم وتدريب واكتساب خبرات عميقه لاتقدر بثمن ومقابل كمان هاتخلص تدريب وهاتحصل بعدها على تدريب للتسويق الالكتروني علشان تحترف تسوق انتاجك ..
وهيبقى من حقك تحضر فعاليات التسويق وتنضم اتوماتيك لبرنامج " رواد الاعمال " اللى بيهدف وبيتم فيه تسويق انتاجك المباشر بالتعاون مع اقوى تيم فى التسويق
يعني الخلاصه : ده رأس مالك علشان تشقلب حياتك 180 درجة وهاتحط فلوس لقيمة كورس انت عارف انك بايدك تقدر ترجعه واضعاف كمان وتحول اصابعك وافكارك الى ذهب
8 - اكيد كلنا عارفين ان طلب العلم والعمل به هو عباده ,,خد نية جديده لنفسك بطلب العلم وجددها