Mahalla Photography Club - MPC

خبر سعيد :)

أخيرا بقى لنا مقـــر مزود بستوديو .. انتظروا افتتاحه قريبا كجزء من الورشة - Elwarsha

من جولتنا ف الأزهر بارك قبل حضور إفطار مصورى مصر 2016 .. كان وقت جميل جدا رغم الشمس و الصيام :D

صورة اليوم .. للفنان أحمد رمضان

مين ناوى يحضر مؤتمر الصورة المصرى Egypt Photo Summit السنادى ؟ :D

3 أيام من الاستفادة و المتعة لكل المصورين .. مش بيتكرروا غير مرة ف السنة !

و دلوقتى التذاكر بقت متاحة ف المحلة ! .. للحجز و الاستعلام: 01224106347

أنشطة المؤتمر :

* محاضرات لألمع المصورين من مصر والعالم ، تشمل جميع مجالات التصوير المختلفة ، وتعرض تجارب ملهمه لرحلتهم الفنية

* ورش عمل صغيرة لإكتساب مهارات عن أحدث التقنيات في عالم الفوتوغرافيا

* جلسات حوارية للحاضرين لمناقشة أهم الموضوعات على ساحة التصوير في مصر مع الشخصيات المؤثرة في كل منها

* أكبر مساحة تصوير مفتوحة في مصر - عرض فنى يعطي الحاضرين أفضل التكوينات لصور فريدة

- جلسات نقد للصور والأعمال الكاملة من أكبر الأساتذة المعلمين في التصوير من مصر

- معرض المعدات : جناحات عرض لأكبر الماركات العالمية لمعدات التصوير

تفاصيل أكتر هتلاقوها ف الايفنت الرسمى للمؤتمر https://www.facebook.com/events/1708606569382069/

صورة اليوم .. للفنان محمد العوضى

رحلة تصوير للاسكندرية ولقاء MPC مع نادى عدسة ضمن فاعليات "كلنا مصر" لأندية التصوير

معلومة اليوم .. Lens Sweet Spot

هل تعلم ان كل عدسة لها sweet spot .. و معناها رقم الفتحة اللى عندها بيطلع موضوع الصورة أكثر حدة ووضوحا من باقى الفتحات؟

غالبا بتقع ال sweet spot ف المدى المتوسط من أرقام الفتحة (مش أوسعها ولا أضيقها) و تقدر تحددها بتثبيت الكاميرا و اختيار Aperture priority و ووضع نص مطبوع أمامها (ورقة جرنال مثلا) و تصوير نفس الصورة مع تغيير الفتحة ف كل مرة .. و بعد تجربة كل الفتحات بيتم استعراض الصور على الكمبيوتر بتكبير 100% و مقارنة وضوح الكلمات وتحديد أوضح اللقطات

ده لا يمنع ان أحيانا بنحتاج نفتح العدسة على أوسع فتحة أونقفلها للآخر.. لكن لازم نكون متوقعين نتيجة ده على حدة الصورة عشان نقدر نوازن الفايدة بالضرر

صورة اليوم .. للفنان عبد الرحمن عماد

عشان توصلك كل الأنشطة و الرحلات اللى بنعملها أول ما تنزل و مفيش حاجة تفوتك .. ادخل على لينك ال events ده و اعمل " Subscribe " أو " إشتراك "

https://www.facebook.com/mahallaphotographyclub/events

صورة اليوم .. للفنان حاتم عسكر

صورة اليوم .. للفنان يوسف الجمال

مصادر تقدر بيها تعلم نفسك بنفسك !

دى تجميعة مصادر تعليمية مبسطة عربى و انجليزى مفيدة جدا للمصورين المبتدئين ..

● عربى

☢ (( فيـــــديو )) ☢

1- سلسلة فيصل الميمان للمبتدئين (فتحة العدسة – سرعة الغالق – الأيزو – أنواع العدسات – الفلاش الخارجى – مقياس الضوء – أنواع السينسور – توازن اللون الأبيض – أسئلة متكررة) تمتاز بأسلوب سهل و شيق

https://goo.gl/YagFMZ

2- سلسة إيميل أبو ميلاد لأساسيات التصوير
شرح مفصل لمثلث التعريض – أنواع العدسات و مواضيع ونصائح متنوعة تهم المصورين

https://goo.gl/VHcSbp

3- شرح أساسيات التعريض (الشاتر – الفتحة – الأيزو) مع أمثلة – 8 دقائق

https://www.youtube.com/watch?v=jCXa2T9qnLs

4- قواعد تكوين الصورة الفوتوغرافية (الجزء الاول) – 16 دقيقة

https://www.youtube.com/watch?v=1_pWQHBy_Yg

5- قواعد تكوين الصورة الفوتوغرافية (الجزء التانى) – 12 دقيقة

https://www.youtube.com/watch?v=jykhk6Yz7cI

6- كيف تحول صورك من عادية الى احترافية – 14 دقيقة

https://www.youtube.com/watch?v=ZYezZdZydgE

✍ (( مقــــالات مصورة )) ✍

1- قواعد تكوين الصورة مع أمثلة

http://goo.gl/CebvSv

2- مثلث التعريض مع أمثلة

http://goo.gl/HyRfxp

● English

✩ (( Free Courses )) ✩

1- Photography basics course (Equipment – Exposure basics – Settings – Tips on different types of photography) – 4.5 hrs

https://www.udemy.com/ditch-auto-start-shooting-in-manual/

2- Photo editing basics course (Photoshop + Lightroom) – 6.5 hrs

https://www.udemy.com/awesome-photoshop-lightroom-tips/

☢ (( Videos )) ☢

1- The 3 basics of exposure, simplified – 10 min

https://www.youtube.com/watch?v=6-NhJua5NFA

2- 9 photo composition tips, Steve McCurry – 3 min

https://www.youtube.com/watch?v=7ZVyNjKSr0M

✍ (( Illustrated articles )) ✍

1- Basic concepts – Equipment – Editing

http://www.cambridgeincolour.com/tutorials.htm

2- Basics of exposure – Settings – Handling DSLR – Common mistakes & problems – More

http://digital-photography-school.com/digital-photography-tips-for-beginners/

3- Inclusive source from beginner to advanced level (Basics – Equipment – Lighting – Editing )

http://www.geofflawrence.com/index.html

● مواقع محاكاة الكاميرا

📷 (( تمكنك من ضبط الاعدادات و التقاط الصور الافتراضية و تقييمها )) 📷

1- Camera simulation 1

http://www.canonoutsideofauto.ca/play/

2- Camera simulation 2

http://camerasim.com/apps/original-camerasim/web/

فيــــد غيرك و اعمل شير للبوست :)

صورة اليوم .. للفنان أحمد عصام

قريـــبا جدا .. خدمة جديدة من MPC هتسهل كتير على المصورين ف المحلة .. تابعونا!

لو لسه بتدور على حاجة تشغلك وقت فراغك ..
حط التصوير ف اعتبارك .. و تعالى نتعرف على فوايده كهواية :D

★ من الهوايات اللى بتقلل التوتر و الضغط النفسى .. لأنها بتوجه تركيزك لمواضيع جميلة بدل المشاكل

★ بتعلى الجانب الروحانى ف شخصيتك و بتعزز احساسك بالجمال

★ بتنمى ابتكارك و خيالك لما بتحاول تعمل صور جديدة وغير تقليدية

★ بتخليك تاخد بالك من أدق التفاصيل حواليك و اللى مكنتش بتلاحظها قبل كده

★ بتزود ثقتك بنفسك لأن مردودها الايجابى سريع جدا لما بتشوف الصورة اللى أخدتها

★ بتساعدك تكون اجتماعى و بتكون بداية لكلامك مع ناس جديدة

★ بتحسن ذوقك فى اختيار الألوان و تنسيقها

★ وسيلة ممكن تفرح بيها الناس اللى بتحبهم لما تصورهم صور حلوة

★ تقدر تحولها لشغل خاص بيك و مصدر دخل

التصوير هواية مناسبة لكل الأعمار و مش محتاجة لياقة بدنية أو قدرات خاصة .. كل اللى محتاجة كاميرا وحس فنى و دراسة لأسس التصوير :)

من صور رحلات MPC .. شــاركونا المتعة :)

عيـــــد سعيـــــد على كل محبى التصوير الفوتوغرافى ف المحلة .. استنو الاعلان عن ايفنت مميز ل MPC قريــــــــبا :)

مع المتدربين ف ورشة تصوير قطرات المياة :)

تصويــــر قطرات المياة مع MPC !

■▀ كاميرات ال DSLT ▀■

كلنا عارفين الكاميرات ال DSLR أو ال Digital Single Lens Reflex .. زى الكانون و النيكون اللى مع معظمنا

لكن يعنى ايه DSLT ؟؟

ده اختصار ل Digital Single Lens Translucent .. تقنية بتميز كاميرات Sony alpha و أهم خصائصها :

■ المراية بتاعتها شبه شفافة و ثابتة ف مكانها أدام السينسور مش بتترفع

■ الضوء لما بيدخل 70% منه بيعدى مباشرة للسينسور و 30% منه بيتعكس لل viewfinder

■ ال viewfinder بتاعها electronic و ده ميزته انك بتشوف الصورة زى ما بتتسجل على السينسور بنفس ال exposure

■ كون 70% من الضوء بس بيدخل للسينسور بيخلى ال DSLR -نظريا- أحسن من الDSLT ف ظروف الاضاءة الضعيفة

Sony كمان نزلت كاميرات بدون مراية Mirrorless Cameras و اللى هنتكلم عنها ف بوست قادم :)

■▀ ازاى تشتــــــــــــــــرى عدســــــــــــــــــــــــة ▀■

كلنا عايزين العدسة اللى بتصور من قريب و بعيد و فتحتها واسعة وتركيزها حاد و صغيرة و خفيفة و سريعة و ما بتتهزش و طبعا مش غالية ..

وبما ان لغاية دلوقتى مفيش عدسة واحدة بتجمع كل المميزات دى :D

فضرورى اننا نفهم الخواص المختلفة للعدسات عشان نعرف نحدد اختيارنا للعدسة الجاية المناسبة لاحتياجاتنا و ميزانيتنا و الكاميرا اللى معانا ..

▼ الخواص دى أهمها ▼

1- البعد البؤرى Focal Length
_____________________

بيتقاس بال mm .. الرقم الصغير يعنى ان العدسة ممكن تستخدم للقطات الواسعة .. و الكبير معناه انها بتقرب الحاجات البعيدة .. الرؤية الطبيعية للعين بتكافىء البعد البؤرى من 30-50 mm على كاميرا fullframe .. فلو الرقم أقل من كده العدسة بيطلق عليها wide لأن منظورها بيكون أوسع من الرؤية الطبيعية و دى مناسبة لتصوير اللاندسكيب أو مجموعة كبيرة من الأشخاص .. و من 70 mm فيما فوق بتسمى العدسة tele .. و دى بتركز على جزء معين من الكادر اللى احنا شايفينه و بتقربه

فى عدسات بتكون ثابتة البعد البؤرى prime lenses .. يعنى لها رقم واحد ما بيتغيرش و منظورها ثابت .. الميزة فيها انها عادة صغيرة ف الحجم، فتحتها واسعة، سريعة و سعرها معقول .. و عيبها انها مش متنوعة و بلتزمك انك تتحرك بجمسك لو عايز تقرب أو تبعد عن موضوع الصورة .. مثال العدسة ال 50 mm و دى من العدسات الاقتصادية و المفيدة ف تصوير البورتريه

وفى عدسات لها range من البعد البؤرى .. اسمها zoom lenses .. ميزتها المرونة و التقاط كادرات مختلفة من مكان واحد .. زى العدسة اللى بتيجى مع الكاميرا أول ما بتشتريها 18-55 mm أو 18-135 mm .. و دى بتكون متعددة الأغراض بس بمميزات أقل من العدسات ال zoom الأكثر جودة اللى ممكن ت upgrade لها بعد كده زى ال 24-70 mm

2- أكبر فتحة ممكنة Maximum Aperture
____________________________

بيعبر عنها رقم بعد f/.. وهنا العلاقة بالرقم بتبقى عكسية .. يعنى كل ما زاد الرقم كل ما كانت الفتحة صغيرة و العكس .. ف بعض العدسات قيمة أكبر فتحة ممكنة بتقل كل ما عملنا zoom in فبيكون مكتوب عليها range من القيم زى f/3.5 – 5.6 و بعضها بيفضل ثابت فبيكون الرقم واحد ..

الفتحة الواسعة زى f/1.4 أو f/1.8 لها ميزتين مهمين جدا .. أولا انها بتسمح بدخول كمية كبيرة من الضوء .. فتقدر تصور بيها ف ظروف اضاءة منخفضة من غير فلاش و من غير ما تلجأ لرفع الايزو و تبطىء الشاتر .. ثانيا انها بتعمل عزل قوى للخلفية و بتطلع صور مبهرة خصوصا للبورتريه

3- الماونت Lens Mount
__________________

كل شركة بتصمم عدساتها بجزء اسمه ال mount بيركب بس على الكاميرات بتاعتها .. يعنى عدسات كانون مش هتركب على كاميرات نيكون بسبب اختلاف الجزء ده والعكس .. ولكن فى شركات تانية بتعمل عدسات لكاميرات كانون و نيكون .. زى Sigma و Tamron .. ف الحالة دى لازم نتأكد من تطابق ال mount مع كاميرتنا سواء كان Nikon F-mount, Canon EF or EF-S .. و اللجوء لشراء عدسات من الشركات دى عادة بيكون حل كويس لو الميزانية ما تسمحش لشراء عدسات الشركة الأصلية اللى سعرها أغلى

4- حجم سينسور الكاميرا Sensor Format
___________________________

فى عدسات مصممة انها تنتج صور على أد ال cropped frame sensor زى Nikkor DX or Canon EF-S .. وعدسات مصممة لل fullframe sensor زى Nikkor FX or Canon EF.. و ممكن عدسات ال fullframe تشتغل على على كاميرات cropped frame و ده لأن الكادر اللى بتنتجه كبير فهيغطى الحجمين .. بس العكس هينتج حدود سودا للصورة .. ممكن نتغلب عليها بعمل crop .. و لكن الأفضل ف كل الحالات انك تشترى العدسة المصممة لحجم السينسور بتاع كاميرتك

5- خاصية تقليل الاهتزاز Anti-shake
_________________________

الميزة دى لو موجودة فى العدسة فهى اضافة مفيدة تستحق سعر أعلى .. لأنها بتساعد فى التغلب على اهتزاز الصورة بسبب حركة ايدك اللى ماسكة الكاميرا بتقنية خاصة بتعادل الاهتزاز .. و اسمها VR=vibration reduction ف نيكون أو IS= image stabilization

6- موتور التركيز التلقائى Autofocus Motor
_____________________________

ودى نقطة مهمة لو انت كاميرتك نيكون .. لأن بعض عدسات نيكون الأقدم كانت بدون موتورAF .. يعنى لو عايز تستخدمها للتركيز التلقائى على موضوع الصورة .. ضرورى تكون كاميرتك نفسها فيها الموتور زى Nikon D7000 .. انما لو مفهاش زى Nikon D3100 فلازم تتأكد ان العدسة فيها موتور داخلى AF-S

بالنسبة ل Canon فكل عدساتها بتيجى بموتور داخلى .. ممكن يكون USM = Ultra Sonic Motor و ده بيتميز بالسرعة أو STM= Stepping Motor و ده ميزته انه أنعم فى الحركة .. و استخدامه مناسب للفيديو

▼ ▼ ▼ ▼ ▼

و بعد ما عرفت كل المعلومات دى .. ابدأ حدد ميزانيتك و أولوياتك ف الامكانيات اللى محتاجها .. وشوف العدسات المتاحة فى السوق .. و لو محتار بين عدستين ادخل الموقع ده هيساعدك فى المقارنة بينهم http://lenshero.com/lens-comparison
.. و استمتع بعدستك الجديدة ツ

يوم ما يتنسيش!

فى نهاية كورس أساسيات التصوير قضينا مع بعض يوم مميز فى شارع المعز لدين الله الفاطمى .. صورنا و اتصورنا و عشنا أجواء المكان التاريخى الساحر.. و اتعرفنا على الناس البسيطة الطيبة .. وضحكنا و لعبنا مع أحلى دفعة :D

التأطير .. الخطوط .. الزاوية الغير مألوفة للعين .. كلها عوامل بتشد المُشاهد للصورة

تصوير: باسم موافى، أحد متدربى كورس أساسيات التصوير :)

الريفلكتور أو العاكس من الأدوات البسيطة اللى بتساعدنا فى إعادة توزيع إضاءة الشمس عشان نصور بورتريه مميز بالنهار

دى تجربة من ورشة امبارح :)

لحظة انفجار بالونة مية .. من نتايج تجربة التصوير فائق السرعة امبارح ف الكورس :)

High Speed Photography

أول ورشة خارجية فى كورس أساسيات التصوير :)

من نتايج تانى محاضرة فى كورس أساسيات التصوير :)

Light Painting
Heart Bokeh

التصوير الفائق السرعة - High Speed Photography

قطرات مياة مبعثرة ف الهواء - أشخاص يطيرون - رصاصة توقفت فى طريقها الى الهدف - لحظة تهشم الزجاج .. هذه هى بعض المواضيع الشهيرة للتصوير فائق السرعة!

و هو تقنية من تقنيات التصوير تستخدم لتجميد الحركة السريعة و تنتج عن صور مبـــهرة لمن يشاهدها لأنها تسجل ما لا تستطيع العين البشرية أن تلاحقه!

تعتمد هذه التقنية على طريقتين أساسيتين:

1- طريقة سرعة الغالق Shutter Method

• وتستخدم ف ظروف إضاءة ساطعة - نهارا، حيث يتم ظبط الغالق على سرعة عالية تبدأ مثلا من 1/600 من الثانية و حتى 1/6000 أو أكثر حسب سرعة الموضوع المتحرك و درجة التجميد المطلوبة
• قد نحتاج الى رفع الأيزو لتعويض قلة دخول الضوء ف خلال هذا الوقت المحدود
• بالنسبة لفتحة العدسة يتم الموازنة بين عمق الميدان المطلوب و كمية الضوء التى نحتاج لادخالها لضبط التعريض

2- طريقة الفلاش Flash Method

• تستخدم فى غرفة مظلمة و تعتمد على أن فترة إضاءة الفلاش هى نفسها فترة التعريض لأن الكاميرا لن تسجل شيئا ف الظلام بعد اختفاء ضوء الفلاش حتى و ان كان الغالق مازال مفتوحا!
• وهكذا يمكن تجميد الحركة ف وقت يصل ل 1/40000 من الثانية

التعريض المتعدد Multiple Exposure

و يعنى امكانية تركيب و دمج أكثر من تعريض (لقطة) ف صورة واحدة

بدأت فكرته فى زمن كاميرات الفيلم التى يتم فيها لف بكرة الفيلم يدويا manual wind بعد كل صورة للانتقال لاطار جديد، حيث أدى نسيان هذه الخطوة الى تصوير صورتين على نفس الاطار، الأمر الذى دعى للتفكير ف هذه التقنية كنوع من التصوير الفنى و الابداع فيها

فى الوقت الحالى تسمح بعض الكاميرات ال DSLR بتطبيق هذه التقنية أثناء التصوير مثل Nikon D300 ، Canon 6D و Canon 5D mark iii

و اذا كنت لا تملك أيا من هذه الكاميرات فمن حسن الحظ أنك مازلت قادرا على دمج أكثر من صورة على برنامج الفوتوشوب عن طريق ال blending modes و ستجد شروحا وافية لهذه الطريقة على اليوتيوب

#وثائقي | كيف تصنع : عدسات الكاميرا HD

ليه العدسات غالية؟ .. عشان بتتعمل كده، شوفو الفيلم :)

youtube.com الفيلم الوثائقي كيف تصنع : عدسات الكاميرا اشترك في قناتنا لتصلك أحدث الوثائقيات (أكثر من 300 فيلم وثائقي) : http://goo.gl/ICDlU5 صفحتنا على التويتر : https:/...

هل تعلم أن عدد الميجابيكسل لا يؤثر فعليا على نقاء و حدة الصورة و لكن يؤثر أساسا على حجمها؟ و أن المقياس الحقيقى لجودة الكاميرا هو حجم السينسور؟

و لهذا نجد صور الهواتف المحمولة أقل جودة من صور الكاميرات المضغوطة و التى صورها أقل جودة من الكاميرات ال SLR حتى مع تساوى الجميع فى عدد الميجابكسل! .. فالسبب هو حجم السينسور

و فى الصورة بعض أحجام السينسور الموجودة و أمثلة لها

الساعات الذهبية/ الضوء الذهبى

هى الساعة التى تلى الشروق مباشرة أو تسبق الغروب مباشرة .. و تعد توقيتا مثاليا للتصوير الخارجى لأن الضوء فيها له عدة مميزات:

1- النعومة
و هى ميزة تتيح لك تصوير العناصر المواجهة للضوء مباشرة دون أن تبدو لامعة أو بها ظلال .. بل يضيف الضوء الناعم جمالا لها

2- الدفء
يميل لون الضوء فى هذه الساعات الى الأصفر و الأحمر مما يعطى دفئا محببا

3- التصوير باضاءة خلفية
وجود الشمس فى مستوى منخفض يجعل الظروف مناسبة للتصوير باضاءة خلفية (جعل الشمس خلف الأشخاص) وهو ما يعطى حدودا مضيئة و تألق جذاب للشعر!

من ورشة أساسيات التصوير للأطفال 1-11-2014 بنادى البلدية :)

أد ايه السن عنده استعداد رائع للتعلّم .. تحية للآباء اللى شجعو ولادهم يحضرو!

Mahalla Photography Club - MPC's cover photo