Kelma Clinic - Dr. Hala Shoukry

Kelma Clinic - Dr. Hala Shoukry updated their phone number.

مشاكل اللغة وصعوبات التعلم من الحاجات إللي بتعاني منها عائلات كتير من أولادها وبناتها 😔😔.. والمشكلة بتبقى أكبر لما الأب أو الأم بيحاولوا يحلوا المشكلة من غير استشارة طبية.. لأن كل مرحلة سنية ليها مفرداتها الخاصة وليها حدودها 👶👶..

عشان كده مهم الكشف عند طبيب متخصص.. هو إللي يقول لنا إذا كان الطفل سليم وكل إللي محتاجه شوية وقت ومتابعة، أو إذا كان محتاج تدخل وجلسات عشان يبقى زي الأطفال إللي في سنه 👩‍⚕️..

ساعات الاستسهال واتباع آراء غير المتخصصين بيسبب مشاكل أكبر.. عشان كده الرأي الطبي إللي بيحدد المشكلة والطريقة المناسبة للعلاج هو أهم حاجة في الموضوع 🗣..

اتصل دلوقتي أو ابعت لنا على WhatsApp عشان تحدد معاد أو تعرف تفاصيل أكتر 🤳..

ربنا يخلي لنا كل أولادنا وبناتنا بخير دايمًا بإذن الله 🥰🥰..

مشاكل اللغة وصعوبات التعلم من الحاجات إللي بتعاني منها عائلات كتير من أولادها وبناتها 😔😔.. والمشكلة بتبقى أكبر لما الأب أو الأم بيحاولوا يحلوا المشكلة من غير استشارة طبية.. لأن كل مرحلة سنية ليها مفرداتها الخاصة وليها حدودها 👶👶..

عشان كده مهم الكشف عند طبيب متخصص.. هو إللي يقول لنا إذا كان الطفل سليم وكل إللي محتاجه شوية وقت ومتابعة، أو إذا كان محتاج تدخل وجلسات عشان يبقى زي الأطفال إللي في سنه 👩‍⚕️..
ساعات الاستسهال واتباع آراء غير المتخصصين بيسبب مشاكل أكبر.. عشان كده الرأي الطبي إللي بيحدد المشكلة والطريقة المناسبة للعلاج هو أهم حاجة في الموضوع 🗣..

اتصل دلوقتي أو ابعت لنا على WhatsApp عشان تحدد معاد أو تعرف تفاصيل أكتر 🤳..

ربنا يخلي لنا كل أولادنا وبناتنا بخير دايمًا بإذن الله 🥰🥰..

#تخاطب #توحد

مفيش أجمل من الحب عشان نحتفل بيه النهاردة.. والحب الأجمل في حياتنا هما أكيد أولادنا..

يا رب دايمًا يكونوا بخير وسعادة وأمان..

#تخاطب #تخاطبؔ✍ #توحد

اتكلمنا عن التلعثم وإيه هو وإيه علاماته. المرة دي هنتكلم عن ازاي اتعامل مع الطفل لما تظهر عليه علامات التلعثم ودور الأهل في التعامل معاه.

بيختلف علاج التلعثم حسب تشخيص الحالة. وعشان كدة عند ظهور علامات التلعثم على الطفل لازم استشارة طبيب التخاطب. عشان تقييم الحالة وسماع عينة من كلام الطفل وتقييم اللغة ووضع خطة العلاج.
ممكن طبيب التخاطب يكتفي بإرشادات للأسرة مع المتابعة المستمرة. وده في حالات عدم الطلاقة الطبيعية أو التلعثم البسيط في أطفال ما قبل سن المدرسة. أو إن الطبيب يحدد جلسات التخاطب بعد وضع البرنامج العلاجي. وفي بعض الأحيان بنحتاج استشارة الطبيب النفسي في حالات التلعثم الشديدة المصاحب لها الخوف الشديد وعدم الرغبة في الكلام.

طيب إزاي ممكن الوالدين يساعدوا الطفل إنه يتحسن؟
• ماتطلبش من طفلك التحدث بدقة أو بشكل صحيح في كل الأوقات. اسمح ساعات إنه يتكلم باستمتاع حتى لو هايتلعثم..
• استخدم وجبات الأكل كوقت لتبادل الكلام. وحاول تجنب مصادر التشتيت زي الراديو أو التلفزيون.
• تجنب التصحيحات أو الانتقادات زي "بشويش" أو "خد وقتك" أو "خد نفس عميق" طول الوقت. التعليقات دي مهما كانت حسنة النية، هاتخلي طفلك يبقى عنده وعي ذاتي للمشكلة. وده ممكن يزودها.
• تجنب تخلي طفلك يتكلم أو يقرأ بصوت عال لما يكون مش مرتاح أو لما يزيد التلعثم.
• ماتقاطعش طفلك أو تقوله يبدأ الكلام من جديد.
• ماتقولش لطفلك يفكر قبل ما يتكلم.
• حاول توفر جو هادئ في المنزل.
• أتكلم معاه بشويش وبوضوح.
• حافظ على التواصل البصري مع طفلك. حاول ماتظهرش عليك علامات الضيق لما يتلعثم.
• اسمح لطفلك يتكلم عن نفسه وإنه ينهي الأفكار والجمل. وحاول تتوقف عن الكلام للحظة قبل الرد عليه.

لو كان الطفل المتلعثم في سن المدرسة يبقى لازم الأهل يتناقشوا مع المدرسين. زي مثلا منع سخرية زملائه منه ومعاملته بشكل طبيعي واشراكه في الأنشطة الجماعية. وإنهم يدوا الطفل الوقت الكافي للإجابة وعدم مقاطعته أو استعجاله. وعدم سؤال الطفل سؤال مفاجئ.

كده تقريبًا عرفنا كل حاجة عن التلعثم وإزاي ممكن نساعد أطفالنا ودورنا ودور الطبيب المعالج. باقي بس إننا نقول إن الموضوع بيحتاج شوية وقت. وتعاون أهل الطفل مع الطبيب المعالج

ابعتوا لنا كل أسئلتكم واستفساراتكم عن الموضوع ده أو أي موضوع تاني خاص بالتخاطب وإن شاء الله أقدر أرد عليكم في أقرب وقت.

#تخاطب #تخاطبؔ✍ #توحد

أمهات وأمهات كتير بييجوا العيادة عشان أطفالهم بيعانوا من مشكلة التلعثم.. وطبعا بيبقوا قلقانين جدا وعلشان كدة محتاجين نعرف ايه هو التلعثم وايه أسبابه وطرق علاجه

الأول لازم نعرف إيه هو التلعثم Stuttering
التلعثم هو أحد اضطرابات النطق والكلام واللي بيحصل فيه انقطاع في تدفق الكلام.. يعني ببساطة تكرار مقاطع من الكلمات أو كلمات أو عبارات معينة.. أو إن الطفل يطول في مدة نطق صوت معين.. أو إنه يقف عن الكلام فجأة عند أصوات معينة.. وغالبًا الحالة دي بتيجي للأطفال من سن 2 إلى 5 سنوات.. لكن ممكن تيجي لأطفال أكبر..
في كثير من الحالات، بيروح التلعثم من تلقاء نفسه.. وفي بعض الأطفال بيستمر لفترة أطول.
غالبا أعراض التلعثم بتظهر لما الطفل بيكون عنده حوالي 2 ل 3 سنوات في الوقت ده الطفل بيتعرض لكمية كبيرة من المفردات وبيبدأ تجميع كلمات لتكوين جمل وبيبقى عايز يعبر عن نفسه اكتر فممكن يظهر التلعثم.. بالنسبة للأهل الموضوع بيبقى مقلق ومزعج لكن من الطبيعي أن الأطفال يعانوا من بعض التلعثم في المرحلة دي. ممكن الطفل يتلعثم أسابيع أو شهور.. وممكن التلعثم يختفي ويظهر. وده بنسميه عدم طلاقة طبيعية.. وفي الغالب بيختفي التلعثم قبل سن 5 سنوات إذا تم التعامل مع الحالة بشكل سليم. علشان كدة لازم نبقى صبورين ونتبع ارشادات الطبيب عشان ماتتحولش الحالة لتلعثم مرضي.

إيه أسباب التلعثم؟
للأسف اسباب التلعثم مش معروفه لحد دلوقتي وأغلب التفسيرات ما هي إلا نظريات، زي مثلا وجود مشكلة في الطريقة إللي بيتفاعل بها المخ مع العضلات المسؤولة عن الكلام.. أو نظرية تانية بتقول إن الموضوع ممكن يكون وراثي..
ومع أن إلى الآن مفيش تفسير واضح لأسباب التلعثم لكن فيه حاجات ممكن تزود أو تقلل لحظات التلعثم عند الطفل المتلعثم.. زي مثلا لو الشخص المتلعثم اتحط تحت ضغط نفسي أو عصبي أو توتر شديد.. أو أنه يبقى خايف من رد فعل الناس على طريقة كلامه.. أما الحاجات اللي ممكن تقلل من التلعثم فهي الراحة النفسية والثقة بالنفس والاطمئنان لدعم الناس له.. ترديد الكلام المحفوظ زي الغناء سواء منفرد أو في كورال..

كده إحنا عرفنا حاجات كتير عن التلعثم.. في المرة الجاية هانعرف أكتر عن دور الأب والأم.. وإزاي يتعاملوا مع حالة ابنهم أو بنتهم عشان يساعدوا في التخلص من التلعثم..

ابعتوا لنا كل أسئلتكم واستفساراتكم عن الموضوع ده أو أي موضوع تاني خاص بالتخاطب وإن شاء الله أقدر أرد عليكم في أقرب وقت..

#تخاطب #تخاطبؔ✍ #توحد

"أنا تعبت خلاص.. ابني بيتكلم كلمات كتيييير.. ولكن كلامه دايما ملوش علاقة بالموضوع اللي بنتكلم فيه.. ولو سألته عن حاجة سؤال بيجاوب بحاجة تانية خالص بعيد عن مغزى السؤال.. مش عارفه أعمل إيه"..

دي مشكلة بنواجهها كتير كدكاترة تخاطب.. عشان كده لازم كلنا نفهم حاجة مهمة جدًا..
إن اللغة مش بس كلام.. والكلام مش دايمًا لغة..
معناه إيه الكلام ده؟؟

معناه إن اللغة هي وسيلة من وسائل التواصل بين البشر.. وهي الوسيلة اللي بيقدر يعبر بيها الشخص عن أفكاره.. ممكن يكون التعبير ده عن طريق الكتابة او النطق.. وعلشان يتم التعبير وتوصيل الأفكار بشكل سليم لازم يكون الكلام في سياقه الصحيح.. واللغة زيها زي أي مهارة الانسان بيكتسبها.. لها متطلبات ومحتاجة مهارات تساعدنا في اكتسابها..
يعني كمال اللغة مش بيتقاس بس بطول الجملة أو بعدد الكلمات اللي بيعبر بيها الشخص.. ولكن فيه عامل مهم جدا من ضمن عوامل كتير.. وهو إمتى وازاي بيقول الكلام ده.. يعني لما يجي لي طفل بيعبر بكلام كتيير قوي لكن مش مناسب للموقف ولا للموضوع اللي بنتكلم فيه يبقى معنى كدة انه عنده قصور في استخدام اللغة بشكل صحيح..

طيب ايه هي متطلبات النمو السليم للغة.. علشان لغة الطفل تنمو بشكل سليم لازم يكون عنده قنوات حسية سليمة اهمها السمع يليها البصر.. ولازم تكون قدراته العقلية والادراكية سليمة.. وصحة نفسية سليمة.. وأهم حاجة بيئة ثرية ومنبهه حول الطفل..

يا رب دايمًا يكون كل أطفالنا بخير وسعادة..

#تخاطب #توحد

ثورة 25 يناير من أجمل وأنضف الأحداث إللي مرت على تاريخنا.. يا رب ارحم كل إللي استشهد أيامها.. ويا رب اجعل أيامنا كلها خير ومحبة في مصر والوطن العربي والعالم كله..

#توحد #توحدي #تخاطب #تخاطب #تخاطبؔ✍

"هل معنى إن ابني عنده عسر قراءة إنه هيبقى أقل من أصحابه.. يعني مش هيعرف يقرا كويس أبدًا؟"..

لا طبعا بالعكس الطفل اللي بيعاني من عسر القراءة عادة بيبقى مبدع في مجالات مختلفة زي الرسم والموسيقى والبرمجة والرياضة.. وخاصة إن ذكاءة بيبقى متوسط أو فوق المتوسط.. وفيه أبحاث بتقول إن فص المخ الأيمن عندهم بيبقى نشاطه أكبر من الطبيعي.. وهو الجزء المسؤول عن الابداع والتخيل
فيه فنانين وعلماء كتير كانوا بيعانوا في طفولتهم من صعوبات تعلم زي ليوناردو دافنشي وألبرت آينشتين..
علشان كدة التركيز على نقاط القوة عند الاطفال وتقبلهم ودعمهم وسرعة التشخيص والتدخل المبكر بيساعدهم جدًا إنهم يتغلبوا على هذه الصعوبة.. لأن الإهمال وعدم التدخل السريع ها يعرض الطفل لمشاكل أكاديمية كبيرة..

تشخيص صعوبات التعلم أو عسر القراءة بالتحديد بيتم عن طريق مجموعة كبيرة من الاختبارات.. زي اختبار اللغة للتأكد من اكتمال اللغة عند الطفل.. وكمان اختبار ذكاء ولازم يكون في المتوسط او فوق المتوسط.. وكمان اختبارات خاصة بالوعي اللفظي.. واختبار لتقييم التكوين السياقي ومخزون اللغة ومعاني الكلمات.. وحاجة مهمة كمان من الضروري عمل فحص للسمع الطرفي والسمع المركزي.. صحيح هي رحلة طويلة ولكن ده مهم علشان نوصل لتشخيص مظبوط ونعرف نقاط القوة والضعف عند الطفل وبالتالي نحط الخطة التأهيلية المناسبة للطفل

#تخاطب #توحد

"ابني دايمًا يرجع معيط من المدرسة.. أصحابه بيتريقوا على طريقة قرايته.. ومع إني بذلت معاه مجهود كبير لكن برضه مش عارف يقرا.. ومع الوقت بقى بيكره الدراسة وإنه يروح المدرسة حتى.. مش عارفة أنا قصرت في إيه"..
مش لازم خالص تكوني قصرتي معاه.. لكن هل فكرتي إن ابنك ممكن يكون عنده "ديسلكسيا" Dyslexia

ديسلكسيا هي عسر القراءة.. ده نوع من أنواع صعوبات التعلم.. بيكون فيه الطفل غير قادر على القراءة والكتابة مع إن ذكاء الطفل بيكون معدله طبيعي أو فوق المتوسط كمان.. ولازم يكون الطفل متقدم له خدمة تعليمية كويسة سواء في المدرسة أو في البيت عشان نقدر نشخص عسر القراءة صح..
عسر القراءة بيبقى نتيجة خلل في الجهاز العصبي المركزي نتيجة عوامل وراثية.. فممكن نلاقي واحد من الأبوين كانوا بيعانوا من عسر القراءة.. أو ممكن يكون نتيجة مشاكل أثناء الحمل والولادة.

مع إن تشخيص عسر القراءة بيتم في المعتاد بعد دخول المدرسة.. لكن فيه بعض علامات الانذار في فترة ما قبل المدرسة تخليني أشك إن الطفل ممكن يعاني من مشكلة عسر القراءة فيما بعد.. زي إيه؟
- وجود تأخر لغوي عند الطفل
- بيلخبط في نطق الكلمات.. زي مثلا يبدل صوت مكان صوت داخل الكلمة
- عنده صعوبة في ترديد وحفظ اغاني الحضانة
- بيتلخبط بين اليمين والشمال
- مش بيدرك مفهوم الوقت.. يعني بيلخبط ما بين النهاردة وبكرة وامبارح.. ومفهوم قبل وبعد
- صعوبة في اتباع التعليمات المسلسلة لضعف في الذاكرة قصيرة المدى
- صعوبة في ايجاد الكلمات الشائعة.. زي مثلا لو هو عايز فوطة ممكن تلاقيه مش عارف يجيب كلمة فوطة.. فيقول لك الحاجة اللي بنشف بها
- مش بيعرف يستخدم ايديه الاتنين بشكل متناسق وقت اللعب.. وده بيبان في القص بالمقص مثلا أو اللعب بالصلصال أو العاب الفك والتركيب
أما الأعراض في مرحلة المدرسة (6-12 سنة)
- بيتلخبط سمعيًا في الاصوات المتشابهة زي b وp
- بيتلخبط بصريًا بين الحروف المتشابهة زي b وd
- صعوبة في اتباع التعليمات المسلسلة
- ممكن يزود أو ينقص حروف في الكلمة أثناء القراءة
- ممكن ينسى يقرا سطر أو يكرر قراءة سطر قرأه قبل كده
- صعوبة في اتباع التعليميات المتتالية
- خطة وحش وعنده اخطاء املائية كتير

كل دي مؤشرات إن الطفل ممكن يعاني من عسر قراءة.. بس لازم تكون مجموعة من الاعراض موجودة مع بعض مش مجرد عرض واحد.. وكمان الطفل بيكررها مهما الام علمتهاله ومش بتتصلح مع مرور الوقت.. في الحالة دي ممكن الكشف المبكر يساعد جدًا في التعرف على الحالة والعلاج بسرعة..

لكن الأهم إننا نتعامل مع الموضوع بشكل عادي جدًا.. حتى لو التشخيص أكد موضوع عسر القراءة.. لأن ناس كتير بيعانوا من المشكلة دي لكن كملوا حياتهم عادي.. ومنهم ناس كتير متفوقين في دراستهم كمان.. فأكيد ربنا هيساعد إن الطفل مع التشخيص الصح والعلاج المناسب هيكون طبيعي إن شاء الله..

#تخاطب #توحد

"مهما طلبت من ابني يقول ماما مش بيقولها ويبص لي وهو زهقان أو ساعات يتجاهلني ولا يبص لي حتى.. مع إنه قالها قبل كده.. أنا هاتجنن منه 😡😡"

ده إللي باسمعه كتير من أمهات نفسهم يسمعوا ولادهم بيتكلموا أسرع وبيقولوا كلمات كتير.. ويمكن كلنا بنعمل كده 😂😂.. ولأني أنا نفسي أم فأنا فاهمة ده وعارفة كم الفرحة جوا الأب أو الأم لما بيسمعوا كلمات جديدة من أولادهم 😍😍..
ساعات بنطلب من أولادنا يقولوا كلمات جديدة لأن قريب ليهم في نفس السن قالها.. أو لأن الطفل كررها مرة قبل كده.. أو الأكتر لأننا شايفين إن الطفل متأخر في الكلام وقلقانين عليه 😟😟.. وطبعًا ده بيزيد خصوصًا لو فيه ضيوف أو معارف عشان بنحاول نتباهى بأولادنا قدامهم حتى على مستوى اللاوعي .. لكن في نفس الوقت لازم نفهم إنه طبيعي جدًا إن ساعات الطفل ما يرضاش يقول الكلمات إللي بنطلب منه يرددها 🧒..

لازم نحط في اعتبارنا إن الطفل مش بيتعامل مع الكلمة على إنها مجرد حروف 🔡.. الكلمة بالنسبة له هي تعبير عن حالة أو موقف هو اتحط في قبل كده وبدأ التعامل معاه من خلال الكلمة دي.. وبالتالي الكلمة اتربطت في مخه بموقف أو فعل أو إحساس.. وبالتالي هو ممكن يكون مش شايف إللي يخليه الكلمة في وقت تاني مش متوافر فيه الحاجات دي ⛔..
حاجة تانية إن الأهل غالبًا بيطلبوا من الطفل يسيب إللي كان بيعمله عشان يقول كلمة معينة.. وده بالنسبة للطفل ممل جدًا.. لأنه بيعطله عن اللعبة إللي كان بيلعب بيها أو البرنامج الممتع إللي كان بيتف*ج عليه.. وبالتالي هو مهتم أكتر يرجع للي كان بيعمله 😤😤..

طب نعمل إيه عشان نسمع كلمات جديدة أولادنا بيقولوها؟
1. لازم نفهم إن الطفل عبارة عن سفنجة 🧽.. يعني بيتشرب بكل حاجة بيشوفها أو بيسمعها مننا.. وبالتالي هي دي الطريقة إللي بيتعلم منها اللغة والكلمات.. يعني كل ما نكرر قدامه كلمات معينة بشكل أكبر كل ما كنت فرصة إنه يكررها أكبر..
2. بدل ما نقول للطفل "قول كلب" 🐕 أو "قول عربية" 🚕 نحاول نخلي الكلمات تظهر قدامه بشكل طبيعي.. يعني ممكن الأم تقعد معاه وهو بيلعب بالحيوانات اللعبة بتاعته.. وتمسك الحصان بشكل طبيعي وتقول "حصان" 🐎 وبعدين تقلد صوت الحصان.. وبعد دقيقة أو دقيقتين تكرر ده.. كل ده من غير ما تطلب من الطفل إنه يقول الكلمة.. مرة في التانية هو لوحده هايكرر الكلمة لأن الموضوع بالنسبة بقى لعبة ومتعة..
3. لما تكونوا عند ضيوف وماشيين بدل ما تقولي لطفلك "قول باي" 👋👋 أو "قول مع السلامة" انزلي لمستوى نظر الطفل وقولي إنتي للضيوف "باي" أو "مع السلامة" مع علامة من إيدك 👋👋.. وبعدها ماتطلبيش منه يقلدك.. لكن مرة في مرة ده هايحصل بشكل تلقائي..
4. لما حد يدي طفلك أي حاجة بدل ما تقولي له "قول شكرًا" 🙏 خليه يشوفك وإنت على مستوى بصره وإنت بتقولي للشخص ده "شكرًا" مع أي علامة من إيدك تدل على الشكر عشان يربط الفعل بالكلمة 🙏.. برضه مرة في التانية هاتلاقيه بيعمل كده من نفسه..
5. الحضانة من الحاجات المهمة إللي بتساعد الأطفال على الكلام أسرع وأسهل 🏫.. لأنه بيحتاج للتواصل مع المدرسات عنده وكمان مع الأطفال حواليه.. والحاجة أم الاختراع زي ما كلنا عارفين 😀😀..
6. الأطفال مختلفين في قدراتهم وطريقة تعاملهم مع اللغة والكلمات.. بلاش المقارنات مع الأطفال التانيين طول الوقت.. مش معنى إن طفلي لسه ماقالش كلمات معينة إنه متأخر في اللغة أو إن عنده مشكلة.. لكن إذا كانت الأم قلقانة يبقى الصح إنها تروح لطبيب تخاطب متخصص يقول للأم لو فيه مشكلة وإيه الحل بتاعها 👩‍⚕️..

إيه رأيكم تجربوا الطرق دي وتقولوا لي أنهي جابت نتيجة.. وهل عند حد فيكم طريقة تانية جربتها وجابت معاها نتيجة تشاركها معانا❓❓

كل سنة وكل المصريين بخير وسلام بمناسبة شهر رمضان الكريم.. يا رب يعيده علينا كلنا بخير وسلام.

عيادة كلمة مختصة لتأهيل حالات التأخر اللغوي والتوحد والضعف السمعي وأمراض الصوت واضطرابات النطق وصعوبات التعلم.. مع إشراف طبي متكامل.

من أكتر الأسئلة إللي الأمهات بتسألها لي في العيادة أو على الإنترنت هو "إيه إللي المفروض طفلي يكون بيعمله في سن معين⁉️⁉️"

الحقيقة الإجابة على السؤال ده مش بالسهولة إللي الناس فاكراها 😧😧.. لأن المتغيرات كتيرة جدًا..
يعني النزول المبكر للحضانة أو المدرسة 🎒.. العلاقات الأسرية بين الأب والأم والأبناء وكمان باقي الأقارب 👨‍👩‍👧‍👦.. الاستعداد النفسي عند الطفل 🧒.. الجينات والوراثة 🧬.. وجود أكتر من لغة في المحيط حوالين الطفل 🔠..

كل العوامل دي وعوامل تانية كتير ممكن تأثر على أداء الطفل وقدرته إنه يعمل مهام معينة في سن معين..

لكن على الأقل نقدر نحط خطوط عريضة يقدر الأب أو الأم من خلالها يقدروا إذا كان طفلهم ماشي بشكل معقول ولا محتاجين يستشيروا طبيب تخاطب 📈📊

9 - 12 شهر
بتزيد الحصيلة اللغوية عند الطفل عشان يقدر يعبر عن نفسه وعن رغباته 🔡
يفهم كلمات بسيطة زي "أيوه" و"لأ" و"ما تلمسش" 🚫
يفهم الإشارات والأصوات.. ويجاوب لما حد يندهه بإسمه 👍

12 - 18 شهر
يفهم جمل كاملة زي "يلا نجمع اللعب".. أو جملة فيها فعلين، زي "جمع اللعب وحطها في الدولاب" 🧸🪀
يفهم التعبيرات المألوفة بشكل أكبر، زي "مع السلامة" أو "أهلا" أو "شكرا" أو "اتفضل" 🙏
يبدأ ينطق شوية كلمات قصيرة، زي "بابا" و"ماما" و"تيتا" 👨🏻‍🦱👩🏻‍🦰، وطبعًا دايمًا في المرحلة ينطق "بابا" قبل "ماما" بعد كل إللي بنعمله معاه 🤦‍♀️🤣🤣
بعد الشهر 15 يقدر يكون جملة من كلمتين.. وحصيلته اللغوية بتزيد 🔡🔡

18 - 24 شهر
يقدر يفهم الجمل الأطول.. وممكن يجاوب الأسئلة البسيطة زي "اسمك إيه؟" ⁉️
يعرف اسم مامته وباباه والأشخاص القريبين منه 👨‍❤️‍👨
يلعب ألعاب عقلية بسيطة.. زي إنه يفرق بين الأشكال والألوان 🟥🟡

24 - 36 شهر
يفهم المشاعر الإنسانية البسيطة زي الحنان والعطاء.. خصوصًا لو ليه أخوات أكبر يطبق عليهم 👩‍❤️‍👩
يحكي حدوتة بسيطة ويسمع بتركيز أكتر.. ويقدر كمان يحفظ الأغاني والأناشيد 🎼
يفهم فكرة الكلام في التليفون مع باباه أو مامته أو جده 📱
يساعد مامته في شغل البيت.. زي ترتيب لعبه أو يحط حاجات معينة في مكانها 🧸

لكن خلينا نحط في الاعتبار زي ما قلنا في الأول الاختلافات ما بين كل طفل والتاني سواء في العوامل الداخلية أو الخارجية.. عشان كده أفضل حد يقول إذا كان الطفل طبيعي أو محتاج تدخل طبي أو سلوكي أو مهاري هو طبيب التخاطب المتخصص 👩‍⚕️👨‍⚕️..

المرة الجاية إن شاء الله هانتكلم أكتر عن الحد الأدنى Milestone والمتوسط Average للي الطفل ممكن يعمله ويكون لعمره.. وده هيدينا فكرة أدق عن الموضوع 👋👋..


من أكتر الأسئلة إللي الأمهات بتسألها لي في العيادة أو على الإنترنت هو "إيه إللي المفروض طفلي يكون بيعمله في سن معين⁉️⁉️"

الحقيقة الإجابة على السؤال ده مش بالسهولة إللي الناس فاكراها 😧😧.. لأن المتغيرات كتيرة جدًا..
يعني النزول المبكر للحضانة أو المدرسة 🎒.. العلاقات الأسرية بين الأب والأم والأبناء وكمان باقي الأقارب 👨‍👩‍👧‍👦.. الاستعداد النفسي عند الطفل 🧒.. الجينات والوراثة 🧬.. وجود أكتر من لغة في المحيط حوالين الطفل 🔠..

كل العوامل دي وعوامل تانية كتير ممكن تأثر على أداء الطفل وقدرته إنه يعمل مهام معينة في سن معين..

لكن على الأقل نقدر نحط خطوط عريضة يقدر الأب أو الأم من خلالها يقدروا إذا كان طفلهم ماشي بشكل معقول ولا محتاجين يستشيروا طبيب تخاطب 📈📊

9 - 12 شهر
بتزيد الحصيلة اللغوية عند الطفل عشان يقدر يعبر عن نفسه وعن رغباته 🔡
يفهم كلمات بسيطة زي "أيوه" و"لأ" و"ما تلمسش" 🚫
يفهم الإشارات والأصوات.. ويجاوب لما حد يندهه بإسمه 👍

12 - 18 شهر
يفهم جمل كاملة زي "يلا نجمع اللعب".. أو جملة فيها فعلين، زي "جمع اللعب وحطها في الدولاب" 🧸🪀
يفهم التعبيرات المألوفة بشكل أكبر، زي "مع السلامة" أو "أهلا" أو "شكرا" أو "اتفضل" 🙏
يبدأ ينطق شوية كلمات قصيرة، زي "بابا" و"ماما" و"تيتا" 👨🏻‍🦱👩🏻‍🦰، وطبعًا دايمًا في المرحلة ينطق "بابا" قبل "ماما" بعد كل إللي بنعمله معاه 🤦‍♀️🤣🤣
بعد الشهر 15 يقدر يكون جملة من كلمتين.. وحصيلته اللغوية بتزيد 🔡🔡

18 - 24 شهر
يقدر يفهم الجمل الأطول.. وممكن يجاوب الأسئلة البسيطة زي "اسمك إيه؟" ⁉️
يعرف اسم مامته وباباه والأشخاص القريبين منه 👨‍❤️‍👨
يلعب ألعاب عقلية بسيطة.. زي إنه يفرق بين الأشكال والألوان 🟥🟡

24 - 36 شهر
يفهم المشاعر الإنسانية البسيطة زي الحنان والعطاء.. خصوصًا لو ليه أخوات أكبر يطبق عليهم 👩‍❤️‍👩
يحكي حدوتة بسيطة ويسمع بتركيز أكتر.. ويقدر كمان يحفظ الأغاني والأناشيد 🎼
يفهم فكرة الكلام في التليفون مع باباه أو مامته أو جده 📱
يساعد مامته في شغل البيت.. زي ترتيب لعبه أو يحط حاجات معينة في مكانها 🧸

لكن خلينا نحط في الاعتبار زي ما قلنا في الأول الاختلافات ما بين كل طفل والتاني سواء في العوامل الداخلية أو الخارجية.. عشان كده أفضل حد يقول إذا كان الطفل طبيعي أو محتاج تدخل طبي أو سلوكي أو مهاري هو طبيب التخاطب المتخصص 👩‍⚕️👨‍⚕️..

المرة الجاية إن شاء الله هانتكلم أكتر عن الحد الأدنى Milestone والمتوسط Average للي الطفل ممكن يعمله ويكون لعمره.. وده هيدينا فكرة أدق عن الموضوع 👋👋..

سألتي ابنك قبل كده "عملت إيه في المدرسة؟" وإنت متحمسة 🤩 تسمعي كل الحاجات إللي درسها وعرفها.. والإجابة المحبطة كانت "مش فاكر" أو "مفيش"؟🤦‍♀️ وحسيتي وقتها "هو ليه ابني مش بيركز في الحاجات إللي عدت عليه؟" 😟😟..

عشان مايجلكيش إحباط وتتضايقي لازم تفهمي إنك ممكن يبقى سهل عليكي تعبري عن نفسك.. لكن بالنسبة للطفل الموضوع بيبقى أصعب 🧒.. خصوصًا إن فيه مهارات كتير الطفل لازم يكون متمكن منها عشان يجاوب.. زي مثلا:
- فهم كلمات السؤال ❓
- ذاكرة نشيطة عشان يفتكر الحاجات إللي مرت عليه في اليوم 📝
- القدرة على استخدام تراكيب الفعل الماضي زي "لعبت / كلت / اتخانقت/ اتبسطت" 🤾‍♀️
- امتلاك وسيلة تعبير يقدر من خلالها يوصل الأفكار والمشاعر من خلال كلمات 🔠
- ترتيب الأفكار على حسب تسلسل الأحداث.. زي "كلنا كذا وبعدين لعبنا في كذا وبعدين درسنا كذا" 🎳🎒📖
- فهم المفردات إللي ليها علاقة بالدراسة 📖
- تكون عنده أساسًا الرغبة في المشاركة في المحادثة معاكي في الوقت بخصوص الموضوع ده 💬

وطبعًا بعد يوم طويل ومتعب في المدرسة صعب كل الحاجات دي تكون بالكفاءة إللي إنت عايزاها عشان تسمعي منه كل إللي عمله في يومه 🥱🥱.. لكن خلينا نقول لك على شوية نصائح ممكن تساعد طفلك إنه يعبر عن نفسه أحسن:
- استني شوية بعد ما ابنك يستريحوا وياكلوا حاجة 😋🥗
- اهتمي بالحاجات إللي الطفل بيبدأ بيها الكلام حتى لو شايفه إنه مش مهم 🤹‍♀️🤹‍♀️.. لأن هو ده المدخل عشان تعرفي إللي إنت عايزه تعرفيه..
- قبل ما تسأليهم عن يومهم اتكلمي معاهم عن يومك 👩‍👧👩‍👦.. حتى لو اتجاهلوكي وقتها لكن ده هيوضح لهم إزاي يشاركوا أفكارهم مع شخص تاني.. وكمان هايفهموا إزاي يرتبوا الأحداث المتتالية..
- ليه مانحولش السؤال للعبة؟ زي مثلا إننا نحاول نخمن كل واحد مننا عمل إيه؟ وساعات التخمينات السخيفة زي "أكيد طلعت القمر مع أصحابك" 🌝 بتخلي الطفل يتحمس يصحح المعلومة وبالتالي يشرح وينطلق أكتر في الكلام..
- التكرار مهم.. كل ما تسمعي منه حاجة كرريها معاه عشان يعرفوا إنك كنتي بتسمعي فعلاً 🧏🧏..
- التعليقات كمان مهمة.. خصوصًا لو كانت تعليقات إيجابية 👍👍.. سواء على أحداث اليوم أو حتى على تعبيرات وشه وهو بيحكي 😋😋..
- أكواد الحركات.. يعني ممكن يكون فيه اتفاق مع الطفل على حركات معينة لما يعملها تدي دلالة عن اليوم أو عن الحدث.. يعني زي رفع الإبهام لفوق تعبيرًا عن اليوم الحلو 👍👎.. أو شوطة رجل يعني الولد لعب كتير 🦵.. أو حتى يغمض عينيه يعني تعبان وعايز ينام 😩..

يا ترى هاتجربي أنهي طريقة؟

التخاطب مش ألف أسد 🦁 أو باء بطة 🦆

علم التخاطب له فروع كتير غير اللغة 🙂، وحتى في التعامل مع اللغة فالموضوع أكبر من أ أسد وب بطة، لأن له علاقة بوظائف دقيقة ومتشعبة للمخ، واكتساب مهارات اللغة ده حاجة مش سهلة 🤔🤔.

يعني مثلا أم بتشتكي من إن ابنها بيفهم كل حاجة بتقولها وبينفذها بشكل مضبوط 👏👏، لكنه بيعبر عن نفسه أو الحاجة إللي هو عايزها بكلمات بسيطة جدًا وساعات كمان مش مفهومة 🤔🤔..

فيا ترى هل ممكن يكون السبب التهابات متكررة في الأذن الوسطى 👂ولا ضعف في عضلات الفك 👄 ولا مشكلة أكبر في التنسيق بين العضلات والمخ لإخراج الاصوات بشكل سليم 🧠؟

عشاتن نفرق بين كل سبب من الأسباب دي محتاجين اختبارات وجلسات مع الطفل والأهل 👨‍👨‍👦 عشان نحدد السبب وطريقة العلاج المناسبة إللي ممكن تختلف من طفل للتاني حتى لو بيعانوا من نفس المشكلة 😄😄.

عشان كده حقيقي الموضوع أكبر من أ اسد وب بطة 👍👍

لكل أم أو أب محتاج مساعدة مع ابنه أو بنته لعلاج حالات التأخر اللغوي ومشاكل النطق وأمراض الصوت والتوحد وصعوبات التعلم بشكل صح تحت إشراف طبي من د. هالة شكري..

مش كل طفل بيتحرك كتير يبقى عنده فرط حركة ADHD 🤔🤔

ماما جت تقول لي في العيادة: ابني بيتحرك كتيييييير ومش بيركز 😭😭.. أنا ناقص أربطه بحبل في الكرسي عشان نعرف نذاكر 👩‍🏫..
ضحكت وقلت لها: ولو ربطتيه برضه مش لازم يركز 😄😄.. لأن الطفل ده ممكن يكون طفل حركي.. ومش ها يركز إلا لما يتحرك 🏃‍♂️🏃‍♂️..

طيب أفرق بين ده وبين فرط الحركة وتشتت الانتباه إزاي 🤔🤔؟

الحقيقة علشان نشخص فرط الحركة وضعف الانتباه لازم يكون فيه أعراض كتيرة موجودة ممكن نتكلم عليها في بوست لوحده إن شاء الله.. لكن فيه حاجة مبدأية كدة ممكن نفرق بها وهي الهدف .. هل الطفل ده بتحرك لتحقيق هدف ولا بيتحرك حركات عشوائية من غير هدف ‼️؟ هل يقدر يقعد يكمل مهمة في حاجة هو بيحبها ولا لأ؟ لو فيه هدف يبقى في الغالب هو طفل حركي وشقي شوية.. لكن لو مفيش هدف يبقى ممكن الطفل ده يكون بيعاني من فرط الحركة مثلا ..

الحاجتين المهمين هنا هما:
1. لازم التقييم يبقى في كذا موقف مش في موقف واحد..
2. لو فيه شك إن الطفل بيعاني من فرط حركة يبقى لازم استشارة دكتور يأكد أو ينفي ويحط طريقة العلاج المناسبة 👩‍⚕️..

وإن شاء الله هانتكلم في بوست جاي عن فرط الحركة وضعف الانتباه ❤️❤️

أيام قليلة ويتم افتتاح عيادة كلمة كلينيك بإذن الله..
لكل أم أو أب محتاج مساعدة مع ابنه أو بنته لعلاج حالات التأخر اللغوي ومشاكل النطق وأمراض الصوت والتوحد وصعوبات التعلم بشكل صح تحت إشراف طبي من د. هالة شكري..

التخاطب مش أ أسد 🦁 أو باء بطة 🦆

علم التخاطب له فروع كتير غير اللغة 🙂، وحتى في التعامل مع اللغة فالموضوع أكبر من أ أسد وب بطة، لأن له علاقة بوظائف دقيقة ومتشعبة للمخ، واكتساب مهارات اللغة ده حاجة مش سهلة 🤔🤔.

يعني مثلا أم بتشتكي من إن ابنها بيفهم كل حاجة بتقولها وبينفذها بشكل مضبوط 👏👏، لكنه بيعبر عن نفسه أو الحاجة إللي هو عايزها بكلمات بسيطة جدًا وساعات كمان مش مفهومة 🤔🤔..

فيا ترى هل ممكن يكون السبب التهابات متكررة في الأذن الوسطى 👂ولا ضعف في عضلات الفك 👄 ولا مشكلة أكبر في التنسيق بين العضلات والمخ لإخراج الاصوات بشكل سليم 🧠؟

عشاتن نفرق بين كل سبب من الأسباب دي محتاجين اختبارات وجلسات مع الطفل والأهل 👨‍👨‍👦 عشان نحدد السبب وطريقة العلاج المناسبة إللي ممكن تختلف من طفل للتاني حتى لو بيعانوا من نفس المشكلة 😄😄.

عشان كده حقيقي الموضوع أكبر من أ اسد وب بطة 👍👍

استنونا قريب بإذن الله افتتاح عيادة كلمة كلينيك..
لكل أم أو أب محتاج مساعدة مع ابنه أو بنته لعلاج حالات التأخر اللغوي ومشاكل النطق وأمراض الصوت والتوحد وصعوبات التعلم بشكل صح تحت إشراف طبي من د. هالة شكري..

استنونا قريب بإذن الله افتتاح عيادة كلمة كلينيك..
لكل أم أو أب محتاج مساعدة مع ابنه أو بنته لعلاج حالات التأخر اللغوي ومشاكل النطق وأمراض الصوت والتوحد وصعوبات التعلم بشكل صح تحت إشراف طبي من د. هالة شكري..