Fire Fit Gym

الجيم مقفول النهارده لظروف صحيه ياريت نبلغ بعض ❤️

مساء الخير عليكم
هتكلم بس في ٣ نقاط فقط
١. الغياااب
معلش يا جماعه أي حد غاب امبارح أنا مش هعوضله الحصه مش مشكلتي ان النور بيقطع اظن أنا زاي زيكم كنت شغاله في الحر
أي غياب هيحصل الفتره اللي جايه مش هيتعوض يا جماعه الموضوع زاد عن حده اللي معندهاش هدف توصل لنتيجة متجيش تعمل اشتراك
اشتراكك لمدة ١٢ حصه مش ٣ شهور
أنا مش هتكسف من حد تاني ومش هعوض لحد تاني حضرتك غيابك كتير ومش ملتزمه ادفعي بالحصه
للمره الاخيره مش هعوض حصص

٢. التأخيييير
أي حد من النهارده هيتأخر عن ميعاده هيلعب الوقت اللي فاضل من وقته وبس
لان برضوا الموضوع زاد عن حده وأنا متعطله في شغلي وبأخر ناس علشان ناس
والمواعيد كلها دخلت في بعض
مش هتكسف من حد ومش هكمل لحد متأخر في مجموعه تانيه هتيجي وتمشي في ميعاد مجموعتك حتي لو فضلك ربع ساعه

٣. الاطفااااال
مش هدخل طفل من الباب غير لما اخد ٢٠ جنيه حق الحصه
أنا تعبت من وجود الاطفال في المكان وكل شويه انزلهم من جهاز شكل
هتجيبي طفلك معاكي ادفعيله
مش هتكسف من حد برضوا
لان الكسوف بيجي علي دماغي أنا وبس
وللمره الأخيرة والمليوووون مش هعوض حصص لحد والكلام للكل
سلاااااام 😌😌

لو روحتي لدكتور عظام هيقولك لازم تخسي 🫣
لو روحتي لدكتور سكر هيقولك لازم تخسي 🤦
لو روحتي لدكتور باطنه هيقولك لازم تخسي 🙆
لأن السمنه هي سبب كل الأمراض 👌 وعلشان كده لازم تخسي
تخسي علشان نفسك ❤️
تخسي علشان صحتك👌💪
إنتي قويه .. إنتي تقدري .. الموضوع سهل 💪😍

متنسيش تيجي الجيم تسألي علي العروض 🏋🏼‍♀️🏃🏼‍♀️
للتواصل : ك / مارينا نشأت
01220774161
Fire Fit Gym

جوع بلليل !

بتصحى بليل من عز نومك جعانه وبتجرى على أي حاجه حلوة تاكليها وأنتى مش حاسه بنفسك .!!

بتاكلى كميه كبيرة من الحلويات أو نشويات أو أي حاجه تلاقيها قدامك .!
بعدها بتحسى بندم وبتستغربى ليه صحيتى من النوم جعانة كده وبوظتى الدنيا ..!!

الاسباب :

دایت قاسى على مدار اليوم ، أكل قليل ومجوعه نفسك أوى.

بتاكلي حلويات كتير على مدار اليوم وقبل م تنامى بتدخلى نشويات و حلويات كتير .

عندك توتر وقلق کتیر

بتبدأى يومك بالحلويات ، ومش بتفطرى كويس وده عرض من أعراض مقاومه الأنسولين.

الحل :

متجوعيش نفسك على مدار اليوم ... كلى ٢ لـ ٤ وجبات مشبعه.
بلاش فاكهه اخر اليوم ودخليها مع زبادى وشويه مكسرات مثلاً .
وجبه العشاء تكون مشبعه والأفضل جبنه قریش وخضار . .

لو عاوزة تاكلى حاجه حلوة ، متبدأيش يومك بالحلويات افطری فطار مشبع

أكتبولي مين بيحصل معاها كده !!!! وبتعملى أيه اكنر حاجه غلط من اللى كتبناها ...

Coach Marina Nashaat

مفيش حاجة أسمها عايزه اخس بسرعة
عايزه أشد جسمي بسرعة
عايزه أتخن بسرعة .. مفيش حاجة بسرعة.. مفيش طريق مختصر .. مفيش هدف من غير تعب ...
كان زمان العالم كله وصل عادي بكل سهولة .. غيري عقليتك و تفكيرك هو ده اللي محتاجه تغيريه ومش بسرعة برضوا.. خدي وقتك حتى أنك تغيري عقليتك وتفكيرك 💪🏻🔥

اسباب ان الجسم يخزن مياه او نسبة المياه تكون عاليه في الجسم
لازم نعرف ان المياه في الجسم نوعين مياه بين الخلايا ومياه داخل الخليه نفسها
اللي بين الخلايا هي المياه الزيادة اما اللي داخل الخليه هي المياه الصحيه المفيده اللي علشانها لازم نشرب مياه ما تقلش عن ٢.٥ لتر علشان حيوية البشره والجلد عموما
طيب ايه اسباب زيادة المياه ؟
السكريات
كل جرام من السكريات بيخزن ٤ جرام من المياه
الأملاح والصوديوم والمواد الحافظه
ادوية الاكتئاب
ادوية منع الحمل
ارتفاع الضغط ومشاكل الكلى
الأدوية اللي فيها كورتيزون
نقلل المياه الزيادة ازاي ؟
نبعد عن الحلويات والسكريات
نشرب مياه كتير
نهتم بالالياف والخضروات والفواكه الفريش
نشرب مشروبات زي الشاي الأخضر وممكن مغلي البقدونس ومشروبات عشبيه زي القرفه واليانسون والنعناع والكمون المغلي .

♦️انا بزهق بسرعه من الدايت لو مشوفتش نتيجه على الميزان 🤦🏼‍♀️
♦️انا خسيت كتير قبل كده ورجعت تانی وخسیت ورجعت تانی وجایه اخس تالت بقي 🧘🏼‍♀️
♦️انا بزهق بسرعه وآخرى فـ الدايت شهر وبعدين بفتح ع البحرى .. فـ الحقيني فـ الشهر ده بقى 🤷🏼‍♀️
♦️لا لا لا انا عايزه اخس بسرعه ...
يعنى ٢ لـ ٤ كيلو كده فـ الاسبوع مش مهم مقاسات المهم الميزان ينزل بسرعه 😒
♦️لا مش بشرب ماية ، ولا بلعب رياضه وبنام الفجر وبصحى العصر
لا م هو انا الدكتور قالى أنى لازم اخس علشان هيجيلى السكر لو مخستش .. فـ انا خدت دوا بيخلينى أكل براحتي و هو الدوا بيخسس بقی 🙆🏼‍♀️

كل دى جمل اانا سمعتها من ناس كتير بقابلها في كل مكان ، وبسمعها كل يوم في الجيم

والحقيقه لكل واحده هدفها میزان وبس .

لكل واحده مش عارفه هي عايزه تخس ليه.

لكل واحده مقصره فـ حق جسمها مقابل فساتين او شکل خارجی

لكل واحده مشيت فـ طريق و مكملتوش و أثر ع صحتها

♦️انتي كده بتظلمي نفسك وجسمك وصحتك 💔

لازم تعرفي انتي صحتك فين ودرجه وعيك ليها وأن

الاكل والمايه والنوم والحركة اهم من ميزانك

كل واحده فضلت ماشيه ورا رقم ع میزان ، هتفضل طول عمرها بتعمل دايت و عمرها م هتبطل.

الحياة الصحيه مش لفتره مؤقته .. ده اسلوب حياة .

وعلشان تخلقي اسلوب حياة وتبنى عادات ، محتاجه تعرفي انتي بتعملي كل ده ليه ؟!

خلق العادات الجديدة يستلزم منك روتين مستمر لفتره لحين الوصل لهدفك 💪🏻

وهنا دور الـ Coach يساعدك في رحلة وعيك و رحلة حياتك الصحيه
وعمر الحياة الصحيه م كانت رقم ع الميزان 👌🏻
علشان لكل واحده حدوتها وحكايتها الخاصه ، مش دايماً النظام الغذائي بينجح مع كل الناس واوقات كتير بتكوني محتاجه تفهمي اكتر وتفهمي جسمك ومشاعرك اكتر
Coach Marina Nashaat
Fire Fit Gym 💪🏻🔥

جماااااعه كل سنه وانتوا طيييبين بمناسبة الدير
الجيم مقفول من النهارده
الخميس 11/10 للخميس 11/17
أتمني الناس كلها تعرف ونبلغ بعض
ياريت محدش يجي يرن الجرس ويقول مكنتش اعرف أو مشوفتش
نتقابل يوم الجمعه بإذن ربنا 🙏🏻
كله يعمل up علشان كل الناس تشوف ومحدش يجي ع الفاضي

مساء الخير يا حلووين
الجيم مقفول النهارده بكرا بإذن ربنا هيكون مفتوح من ٥ ل ٩ ياريت نبلغ بعض وكله يعمل up

ايوه انا الميس بتاعتهم 😂🙂